Book List

<h2 style="text-align: center;">အခန်း(373)</h2> <h2 style="text-align: center;">*</h2> <p> </p> <p>ယခုအချိန်သည်ကား လော်ပင်းနှင့် တုန်လိလိတို့က မြို့ပြဆေးရုံ၌ စစ်ဆေးမှုများပြုလုပ်ပြီးနောက် ပြန်ထွက်လာကြခြင်းပင် ဖြစ်ပေသည်။</p> <p> </p> <p>“ဟိုမှာရပ်နေတာ ရှင့်ရဲ့ ဇနီးဟောင်းမလား “</p> <p> </p> <p>တုန်လိလိက မနီးမဝေးတွင် ရပ်နေသော လင်းကျန်းဖူ၏ ရှည်လျားသွယ်လျသော ခန္ဓာကိုယ်ကို လှမ်းကြည့်လိုက်လေသည်။</p> <p> </p> <p>သူမက ဝန်ထမ်းယူနီဖောင်းကို သေသေသပ်သပ် ဝတ်ဆင်ထားသည်။ ထိုနေရာတွင် ရပ်နေရုံမျှဖြင့် မျက်နှာကို သေသေချာချာမမြင်ရလျှင်ပင် သူမက မည်မျှအထိ ပြေပြစ်ကျော့ရှင်းပြီး လှပနေမည်ကို ခန့်မှန်းနိုင်ပေသည်။</p> <p> </p> <p>မူလက တုန်လိလိနှင့် လင်းကျန်းဖူတို့မှာ လော့ပင်းကြောင့် ရန်ဘက်များကဲ့သို့ ဖြစ်ခဲ့ကြသည်။</p> <p> </p> <p>သို့သော်လည်း ယခုအချိန်တွင်တော့ ထိုဇနီးဟောင်းဖြစ်သူ လင်းကျန်းဖူက ဤမျှအထိ လှပကျော့ရှင်းနေကြောင်းကို မြင်တွေ့နေရပေသည်။</p> <p> </p> <p>သူမ၏ ဖောင်းကားနေသော ဗိုက်နှင့် မလှမပဖြစ်နေသော ကိုယ့်ကိုယ်ကိုယ် ပြန်လည်ကြည့်ရှုမိပြီးနောက်တွင် တုန်လိလိ၏ ရင်ထဲ၌ မနာလိုဒေါသများက နောက်တစ်ဖန် ထွက်ပေါ်လာခဲ့ရပြန်လေသည်။</p> <p> </p> <p>လော့ပင်းမှာ လွန်ခဲ့သော နှစ်လပတ်လုံး တုန်လိလိ၏ နှိပ်စက်ညှင်းပန်းမှုများကို ခံခဲ့ရသောကြောင့် တခြားအတွေးများ မရှိတော့ပါချေ။</p> <p> </p> <p>အကယ်၍ ယခင်ကသာဆိုလျှင် သူ လင်းကျန်းဖူထံသို့ သွားရောက်နှုတ်ဆက်လိမ့်မည်။ ထို့နောက် လွန်ခဲ့သောတစ်ကြိမ်က ကုန်တိုက်တွင်ရှိနေစဥ်  သူမအား အလှကုန်ပစ္စည်းများစွာ ပေးအပ်ခဲ့သော အမျိုးသမီးမှာ မည်သူဖြစ်ကြောင်းနှင့်၊ သူမက ထိုကဲ့သို့သော လူကုံထံများနှင့် မည်သို့ပတ်သက်နေသနည်းဟူသော မေးခွန်းများကို မေးမြန်းမိပေလိမ့်မည်။</p> <p> </p> <p>သို့သော် ယခုတွင်တော့...</p> <p> </p> <p>သူ အိမ်သို့ပြန်၍ နားချင်ရုံသာ ရှိနေတော့သည်။ ကိုယ်ဝန်ဆောင်စစ်ဆေးမှုအတွက် မြို့ပေါ်သို့ မကြာခဏ သွားနေရသည်မှာ အလွန်ပင် ပင်ပန်းသည် မဟုတ်ပါလား။</p> <p> </p> <p>ထို့အပြင် သူ့ဘက်မှ လင်းကျန်းဖူကို အာရုံစိုက်မိကြောင်းကိုသာ တုန်လိလိ သိရှိသွားပါက သူမ သေချာပေါက် ပြဿနာရှာဦးမည်ကိုလည်း သူ ကောင်းစွာသိထားပေသည်။</p> <p> </p> <p>သို့ဖြစ်၍ သူ၏ နားကို သက်သာရာရစေရန်အတွက်  မရေမရာသောလေသံဖြင့်သာ တုံ့ပြန်လိုက်ပြီး၊ အကြောင်းကိစ္စကို အမြန်ဆုံး လွှဲဖယ်လိုက်တော့သည်။</p> <p> </p> <p>“ လိလိ ကြည့်လိုက်ဦး.. ကားလာနေပြီ ငါ အရင်သွားပြီး မင်းအတွက် နေရာကောင်းကောင်းလေး သွားဦးလိုက်မယ်.. မင်း ဖြည်းဖြည်းချင်းပဲ တက်ခဲ့တော့နော်”</p> <p> </p> <p>တိုက်ဆိုင်စွာပင် ထိုအခိုက်အတန့်၌ ခရိုင်မှလာသော ဘတ်စ်ကားက ဂိတ်အတွင်းသို့ ဆိုက်ရောက်လာခဲ့လေသည်။</p> <p> </p> <p>လော့ပင်းက စကားပြောပြီးသည်နှင့် တုန်လိလိ၏ တုံ့ပြန်မှုကိုပင် မစောင့်တော့ဘဲ အရှေ့သို့ ပြေးထွက်သွားခဲ့လေသည်။</p> <p> </p> <p>လင်းကျန်းဖူနှင့် ထိပ်တိုက်တွေ့ဆုံပြီး အန္တရာယ်ဖြစ်လာမည်ကို စိုးရိမ်သောကြောင့် သူက လင်းကျန်းဖူနှင့် ဝေးကွာသော နေရာ၌သာ သွားရပ်နေခဲ့၏။</p> <p> </p> <p>သူ ဤမျှအထိ လျင်မြန်စွာ ပုန်းရှောင်သွားကြောင်းကို မြင်ရသည့်အခိုက်တွင် တုန်လိလိတစ်ယောက် စိတ်ပျက်သွားမိကာ နှုတ်ခမ်းကို စူလျက် ထိုနေရာ၌ စောင့်နေရုံသာတတ်နိုင်တော့သည်။</p> <p> </p> <p>ကားပေါ်မှဆင်းလာသည့်လူများမရှိတော့မှ သူမက ဖြည်းဖြည်းချင်း တက်သွားပေလိမ့်မည်။ သို့မဟုတ်ပါက မျက်စိမပါသောလူများက သူမအား ဝင်တိုက်မိကာ သူမ၏ ဗိုက်ကို ထိခိုက်မိမည်ကို စိုးရိမ်ရပေသည်။</p> <p> </p> <p>ထိုသည်က ပြဿနာကြီးပင် ဖြစ်ပေလိမ့်မည်။</p> <p> </p> <p>ကားက ဂိတ်ထဲသို့ ဆိုက်ရောက်ပြီးနောက် ရပ်တန့်သွားခဲ့ကာ အထုပ်အပိုးကြီးငယ်များကိုယ်စီ သယ်ဆောင်လာကြသော လူအမြောက်အမြားက ကားပေါ်မှ ဆင်းလာခဲ့ကြလေသည်။</p> <p> </p> <p>ထိုသည်က မြို့ပေါ်သို့ တက်လာကြသော သာမန်တောင်သူလယ်သမားများသာဖြစ်ကြပေ၏။</p> <p> </p> <p>တုန်လိလိတစ်ယောက် တစ်ချက်ကြည့်လိုက်ပြီး ရွံရှာသော အမူအရာဖြင့် အကြည့်ကို လွှဲဖယ်လိုက်ရန် ပြင်လိုက်လေသည်။</p> <p> </p> <p>သို့သော် သူမ အကြည့်လွှဲလိုက်သည့် အချိန်မှာပင် ဘတ်စ်ကားပေါ်မှ ဆင်းလာသော ရင်းနှီးနေသည့် ပုံရိပ်တစ်ခုကို မြင်တွေ့လိုက်ရလေသည်။</p> <p> </p> <p>ထိုသည်က လက်ဗလာဖြင့် ဆင်းလာသော လူငယ်တစ်ဦးပင် ဖြစ်သည်။</p> <p> </p> <p>ထိုလူငယ်ကို မြင်လိုက်ရသည့်အခိုက်တွင် တုန်လိလိ၏ မျက်လုံးများက ပြူးကျယ်သွားခဲ့ရလေ၏။</p> <p> </p> <p>သူ ဘာလို့ ဒီကို ရောက်နေတာလဲ။</p> <p> </p> <p>တုန်လိလိ၏ ရင်ခုန်သံများက မြန်ဆန်လာခဲ့ပြီး  အပြစ်ရှိသကဲ့သို့သော အမူအရာဖြင့် သူမ၏ရှေ့မှ လော့ပင်းကို လှမ်းကြည့်လိုက်မိလေသည်။</p> <p> </p> <p>ကံကောင်းစွာဖြင့် လော့ပင်းက သူ၏ဘေးမှ ဖြတ်လျှောက်သွားသော ထိုလူငယ်ကို သတိထားမိပုံမရပါချေ။</p> <p> </p> <p>သူသည်က ကားပေါ်တွင် လူမည်မျှရှိသည်ကိုသာ ခေါင်းပြူ၍ ကြည့်ရှုနေခဲ့သည်။</p> <p> </p> <p>ထိုမြင်ကွင်းကို မြင်ရမှသာ တုန်လိလိလည်း စိတ်သက်သာရာ ရသွားခဲ့လေ၏။</p> <p> </p> <p>သို့သော်လည်း သူမက ထိုလူငယ်ကို မကြည့်ဘဲ မနေနိုင်ခဲ့ပါချေ။</p> <p> </p> <p>သူမ၏ မျက်ဝန်းများထဲတွင်လည်း နက်ရှိုင်းလှသော သံယောဇဉ်တရားများဖြင့် ဖုံးကွယ်နေခဲ့လေသည်။</p> <p> </p> <p>လော့ပင်းအနေဖြင့်  အစပိုင်းတွင် ထိုလူငယ်ကို လုံးဝ သတိမထားမိခဲ့ပေ။</p> <p> </p> <p>မည်သို့ပင်ဖြစ်စေ ကားပေါ်မှ ဆင်းလာသူများက အလွန် များပြားလွန်းသည်။  သူ့တွင် မျက်လုံးနှစ်လုံးသာ ရှိသည်ဖြစ်၍ လူတိုင်းကို လိုက်ကြည့်နေရန်မှာ မဖြစ်နိုင်ပါချေ။</p> <p> </p> <p>သူင အခွင့်အရေးကို အမိအရဆုပ်ကိုင်ကာ ကားပေါ်သို့ ပြေးတက်ပြီး နေရာကောင်းတစ်ခုကို အရင်ဦးရန်သာ အာရုံစိုက်နေခဲ့သည်။</p> <p> </p> <p>သို့မဟုတ်ဘဲ နေရာကောင်းကိုမရထားလျှင် တုန်လိလိက သူ့အား အကြီးအကျယ် ပြဿနာရှာဦးမည် မဟုတ်ပါလား။</p> <p> </p> <p>ထိုအကြောင်းများကို တွေးမိရုံဖြင့်ပင် လော့ပင်း ခေါင်းခဲနေရပေပြီ။</p> <p> </p> <p>သို့သော် မမျှော်လင့်စွာဖြင့်  သူ ကားတံခါးဘေး၌ ကပ်၍ ရပ်နေစဉ် တစ်စုံတစ်ဦးက သူ့အား ပြင်းထန်စွာ ဝင်တိုက်လိုက်လေ၏။</p> <p> </p> <p>လော့ပင်းသည်ကား သတိမထားမိခဲ့သောကြောင့် ထိုသူမှ ဝင်တိုက်လာချိန်တွင် မြေပြင်ပေါ်သို့ပင် မှောက်လျက်လဲကျလုနီးပါး ဖြစ်သွားခဲ့ရသည်။</p> <p> </p> <p>သူက ဟန်ချက်ကို ခက်ခက်ခဲခဲ ပြန်လည်ထိန်းလိုက်ပြီးနောက် ချက်ချင်းပင် သတိဝင်လာကာ သူ့အား ဝင်တိုက်သောသူကို မော့ကြည့်လိုက်လေသည်။</p> <p> </p> <p>“မင်း လမ်းကို မျက်လုံးနဲ့ကြည့်ပြီးလျှောက်ရဲ့လား ငါ လူတစ်ယောက်လုံး ဒီမှာ ရပ်နေတာကို မမြင်ဘူးလား “</p> <p> </p> <p>သူ့အား ဝင်တိုက်သူမှာ လူငယ်တစ်ဦးဖြစ်ပြီး ပုံစံ ပေါ့ပျက်ပျက်ရှိနေကာ ဝတ်စားဆင်ယင်မှုမှာလည်း သေသပ်ခြင်းမရှိဘဲ လူဆိုးလူပေတစ်ဦးနှင့်ပင် တူနေခဲ့သည်။</p> <p> </p> <p>လော့ပင်း တစ်ဖက်လူကို ဒေါသထွက်စွာဖြင့် တစ်ချက်ကြည့်လိုက်သည်။ မမျှော်လင့်ဘဲ ထိုလူငယ်မှာ သူ့အား ရုတ်တရက် ပြုံးပြလိုက်ပြီး ခနဲ့သည့်လေသံဖြင့် ပြောဆိုလိုက်လေသည်။</p> <p> </p> <p>“ဒါဆိုရင်လည်း  တောင်းပန်ပါတယ်”</p> <p> </p> <p>သူသည်က တောင်းပန်စကား ပြောလာခဲ့သော်လည်း၊ သူ၏ တောင်းပန်မှုက စိတ်ရင်းအမှန်မဟုတ်ဘဲ တမင်တကာ ပြဿနာရှာလိုသည့်ပုံစံ ဖြစ်နေကြောင်းကို မည်သူမဆို မြင်နိုင်ပေသည်။</p> <p> </p> <p>လော့ပင်း၏ မျက်ခုံးများက ပို၍ပင် တွန့်ချိုးသွားခဲ့ရလေတော့သည်။</p> <p> </p> <p>ဒီတစ်ယောက်က ဘာဖြစ်နေတာလဲ။ သူတို့က တစ်ခါမှလည်း မတွေ့ဖူးဘဲ ဘာလို့ သူ့ကို တမင်သက်သက် ဝင်တိုက်ရတာလဲ။</p> <p> </p> <p>သူတို့ကြားမှာ ရန်ငြိုးရန်စလည်း မရှိဘူးလေ။</p> <p> </p> <p>သို့သော် လော့ပင်းက သူ့၏ ခန္ဓာကိုယ်နှင့် တစ်ဖက်လူ၏ ခန္ဓာကိုယ် အရွယ်အစားကို နှိုင်းယှဉ်ကြည့်လိုက်ပြီးနောက် အကယ်၍ သူတို့နှစ်ဦးသာ အမှန်တကယ် ရန်ဖြစ်ကြမည်ဆိုပါက တစ်ဖက်လူကို  နိုင်လိမ့်မည်မဟုတ်ဟု ခံစားလိုက်ရပေသည်။</p> <p> </p> <p>သို့ဖြစ်၍ သူ  လက်လျှော့ရန်သာ ဆုံးဖြတ်လိုက်လေသည်။</p> <p> </p> <p>မည်သို့ပင်ဖြစ်စေ သူသည်က အမြန်ဆုံးပြန်ရန် လိုအပ်နေသည် မဟုတ်ပါလား။</p> <p> </p> <p>“ကောင်းပြီလေ... နောက်တစ်ခါကျရင် ပိုပြီး သတိထားပြီးသွားသင့်တယ်”</p> <p> </p> <p>ထိုသို့ပြောပြီးနောက် လော့ပင်းက ထိုလူနှင့် ထပ်မံစကားပြောရန် အစီအစဉ် မရှိတော့ပါချေ။</p> <p> </p> <p>ဤသည်ကို မြင်လိုက်ရသည့်အခိုက်တွင် ထိုလူငယ်၏ မျက်ဝန်းများထဲတွင် လှောင်ပြောင်လိုသော အရိပ်အယောင်တစ်ခု ဖြတ်ပြေးသွားခဲ့လေသည်။</p> <p> </p> <p>သူသည်က လော့ပင်းအား ကြမ်းတမ်းသူတစ်ယောက်ဟု ထင်မှတ်ထားခဲ့သော်လည်း ယခုကဲ့သို့ ကြောက်တတ်ပြီး အသုံးမကျသောသူ ဖြစ်နေလိမ့်မည်ဟု မထင်မှတ်ထားခဲ့ပါချေ။</p> <p> </p> <p>ဟား.. အံ့ဩစရာ မရှိပါဘူး။</p> <p> </p> <p>သူ့မိန်းမရဲ့ ဗိုက်ထဲကကလေးက သူ့ကလေးမဟုတ်ဘူးဆိုတာကိုတောင် သူ မသိနိုင်တာ မဆန်းတော့ဘူး။</p> <p> </p> <p>သူက လှောင်ပြုံးပြုံးလိုက်ပြီး လော့ပင်းနှင့် အချိန်ဖြုန်းမနေတော့ပေ။</p> <p> </p> <p>သူက မနီးမဝေးတွင် ရပ်နေသော တုန်လိလိအား လှမ်းကြည့်လိုက်ကာ သူမကို အဓိပ္ပာယ်ရှိစွာဖြင့် ပြုံးပြလိုက်လေသည်။</p> <p> </p> <p>တစ်ဖက်လူက ရုတ်တရက် လှည့်ကြည့်လာသောကြောင့် တုန်လိလိတစ်ယောက် ထိတ်လန့်တုန်လှုပ်သွားရလေတော့သည်။</p> <p> </p> <p>သူ ရူးနေတာလား !</p> <p> </p> <p>အပြင်လူတွေရှေ့မှာ၊ အထူးသဖြင့် လော့ပင်းက ဘေးနားမှာ ရှိနေတာကိုတောင် သူက ဘာလို့ ဒီလောက်အထိ ပေါ်ပေါ်ထင်ထင် ဆက်သွယ်ဖို့ ကြိုးစားနေရတာလဲ။</p> <p> </p> <p>အကယ်၍သာ လော့ပင်းက သူမနှင့် သူ့ကြားမှ ဆက်ဆံရေးကို သိရှိသွားခဲ့လျှင် သူမ၏ ဗိုက်ထဲမှ ကလေးကတော့ သေချာပေါက် ဒုက္ခရောက်လိမ့်မည်။</p> <p> </p> <p>ထိုသို့ တွေးမိသည်နှင့် တုန်လိလိက တစ်ဖက်လူအား သတိပေးသည့်အနေဖြင့် သူမ၏ ဗိုက်ကို အလျင်အမြန် ပွတ်သပ်ပြလိုက်လေသည်။</p> <p> </p> <p>မမျှော်လင့်ဘဲ ထိုလူငယ်မှာ  ထိတ်လန့်သွားခြင်းမရှိသည့်အပြင် ကိုယ့်ကိုယ်ကိုယ် ထိန်းချုပ်ခြင်းလည်း လုံးဝမရှိပါချေ။</p> <p> </p> <p>ယခင်ကတော့ သူက လော့ပင်းနှင့် လော့မိသားစုကို အတိုင်းအတာတစ်ခုအထိ ကြောက်ရွံ့ခဲ့ခြင်းဖြစ်နိုင်ပေသည်။</p> <p> </p> <p>မည်သို့ပင်ဖြစ်စေ လော့ပင်းသည်က တုန်လိလိ၏ အပေါ်ယံခင်ပွန်းဖြစ်နေပြီး၊ သူကိုယ်တိုင်မှာတော့ တုန်လိလိနှင့် တိတ်တဆိတ်သာ ဆက်သွယ်နိုင်ခဲ့သူ ဖြစ်သောကြောင့် သူ မည်မျှပင် သတ္တိရှိပါစေ လော့ပင်းနှင့် လော့မိသားစုရှေ့တွင် ကခုန်ပြရန် မရဲခဲ့ပါချေ။</p> <p> </p> <p>ထို့အပြင် သူသည်က အလုပ်အကိုင်မရှိသော လေလွင့်နေသူ၊  လူများက လူမိုက်ဟု ခေါ်ဆိုကြသော သူမျိုးဖြစ်နေသောကြောင့် တုန်လိလိ၏ရှေ့တွင် ထင်ရှားစွာသွားလာရန်မှာ ပို၍ပင် ခက်ခဲပေသည်။</p> <p> </p> <p>သို့မဟုတ်ပါက ယခင်ကကဲ့သို့ ဖြစ်သွားပေလိမ့်မည်။</p> <p> </p> <p>သူ တုန်လိလိနှင့် တွေ့ဆုံရုံမျှ သို့မဟုတ် လမ်းအတူလျှောက်ရုံမျှဖြင့်ပင် သူမ၏ မိသားစုဝင်များက သူမအား အလျင်အမြန် ဆွဲခေါ်သွားကြပြီး သူ့ကဲ့သို့သော လူမျိုးနှင့် ဝေးဝေးနေရန် သတိပေးကြပေလိမ့်မည်။</p> <p> </p> <p>တုန်မိသားစုက သူ့အား မနှစ်သက်ကြောင်းကို သိရှိထားသောကြောင့် သူနှင့် တုန်လိလိတို့ ချစ်ကြိုက်နေကြသော်လည်း ကွယ်ရာတွင်သာ ဆက်သွယ်နိုင်ခဲ့ကြခြင်း ဖြစ်ပေသည်။</p> <p> </p> <p>တုန်လိလိဘက်မှ သူမ၏ မိသားစုရှေ့တွင် အိမ်ထောင်ပြုရန် စိတ်မပါသကဲ့သို့ ဟန်ဆောင်ခြင်း၊ သို့မဟုတ် ကြင်ဖက်ရှာပေးလာခြင်းကို ငြင်းပယ်ခြင်း စသည်ဖြင့် နည်းမျိုးစုံသုံကိုးကာ အိမ်ထောင်မပြုဘဲ အချိန်ဆွဲနေခဲ့ခြင်း ဖြစ်၏။</p> <p> </p> <p>သူမက ဤလှည့်ကွက်ကို အသုံးပြုကာ သူမ၏ မိသားစုဝင်များမှ သည်းမခံနိုင်ဖြစ်ပြီး သူမအား လက်လျှော့သွားသည်အထိ အချိန်ဆွဲထားနိုင်ရန်တွေးထားခဲ့သည်။</p> <p> </p> <p>ထိုအချိန်ကျမှ သူနှင့် သူမက အတိအလင်း ပေါင်းဖက်ကာ လက်ထပ်နိုင်ကြလိမ့်မည်ဟု တွေးထားခဲ့ဖူးပေသည်။</p> <p> </p> <p>သို့သော် ထိုအချိန်တွင်ပင် မမျှော်လင့်ဘဲ မတော်တဆမှုတစ်ခု ဖြစ်ပွားခဲ့ကာ တုန်လိလိတွင် ကိုယ်ဝန်ရှိသွားခဲ့တော့သည်။</p> <p> </p> <p style="text-align: center;">***</p> <p> </p>


Save