Book List

<h2 style="text-align: center;">အခန်း(399)</h2> <h2 style="text-align: center;">*</h2> <p> </p> <p>လင်းကျန်းဖူ ထွက်သွားပြီးနောက်တွင် စုန့်ရှီးယန်က ခြံဝင်းထဲမှ အိမ်ထဲသို့ ပြန်ဝင်လာကာ မတိုင်မီက အခြေအနေကို မေးမြန်းလိုက်လေသည်။</p> <p> </p> <p>လင်းရန်က အသေးစိတ် မပြောပြတော့ဘဲ မနက်ဖြန် မနက်တွင် ဒေါ်လေးနှင့်အတူ ဆေးရုံသို့ သွားရောက် စစ်ဆေးမည်ဖြစ်ကြောင်းကိုသာ ပြောလိုက်သည်။</p> <p> </p> <p>စုန့်ရှီးယန်က ခေါင်းညိတ်လိုက်သော်လည်း သူမအား သတိပေးလာခဲ့သည်။</p> <p> </p> <p>“ဆေးရုံကိုသွားရင် ကျိုးကျယ်ပင်းနဲ့ ဆုံနိုင်တယ်နော်”</p> <p> </p> <p>သူ့အနေဖြင့် လင်းကျန်းဖူနှင့် ကျိုးကျယ်ပင်းတို့ ဆုံတွေ့လျှင် အနေခက်မည်ကို စိုးရိမ်နေခြင်း ဖြစ်ပေ၏။</p> <p> </p> <p>မည်သို့ပင်ဖြစ်စေ ယနေ့ မွန်းတည့်ပိုင်းတွင် သူတို့နှစ်ယောက် လမ်းခွဲခဲ့ချိန်က လေထုက သိပ်ပြီး မကောင်းခဲ့ပါချေ။</p> <p> </p> <p> </p> <p>ကျိုးကျယ်ပင်းနဲ့ ဆုံမယ် ဟုတ်လား။</p> <p> </p> <p>ဒါဆို ပိုတောင် ကောင်းသေးတယ်။</p> <p> </p> <p>ဤကိစ္စအပေါ် ကျိုးကျယ်ပင်း၏ သဘောထားမှာ မည်သို့ရှိနေကြောင်းကို သူမအနေဖြင့် ပိုမို ရှင်းလင်းစွာ သိရှိနိုင်မည် မဟုတ်ပါလား။</p> <p> </p> <p>သို့မှသာ အကယ်၍ သူမ၏ ဒေါ်လေးက သူနှင့် အမှန်တကယ် ပေါင်းဖက်ပြီးနောက် ကလေးမရနိုင်ကြောင်းကို သိရှိသွားသည့်အချိန်တွင် ကျိုးကျယ်ပင်းက လော့ပင်းကဲ့သို့ ပြောင်းလဲသွားဦးမည်လားဟူသည်ကို ကြိုတင် သိရှိနိုင်ပေလိမ့်မည်။</p> <p> </p> <p> </p> <p>စုန့်ရှီးယန်၏ ငယ်သူငယ်ချင်း ဖြစ်သော်လည်း လင်းရန်အနေဖြင့် ကျိုးကျယ်ပင်း၏ စရိုက်ကို အလွန်အမင်း အကောင်းမမြင်ရဲပါချေ။</p> <p> </p> <p> </p> <p>တစ်ဖက်တွင် ဒေါ်လေး သူမနှင့် ပို၍ ရင်းနှီးသူဖြစ်၍ အဆိုးဆုံး အခြေအနေအတွက် ကြိုတင် ပြင်ဆင်ထားရပေလိမ့်မည်။</p> <p> </p> <p> </p> <p>“တွေ့ရင်လည်း တွေ့ပါစေပေါ့၊ ဘယ်သူက ဘယ်သူ့ကို ကြောက်ရမှာလဲ!”</p> <p> </p> <p>ဒေါ်လေး၏ အကြောင်းကို သိရှိသွားပြီးနောက် ထိုသူက ထိတ်လန့်တကြား ထွက်ပြေးသွားမည်ဆိုလျှင်လည်း ဒေါ်လေးအတွက် တစ်ဖက်လူ၏ စရိုက်ကို ပို၍မြန်မြန် သိရှိသွားစေမည့် ကိစ္စပင် မဟုတ်ပါလား။</p> <p> </p> <p>ထိုသို့ပြောဆိုပြီးနောက် လင်းရန်က အိပ်ရာဝင်ရန် ပြင်ဆင်လိုက်လေသည်။</p> <p> </p> <p>…</p> <p> </p> <p>နောက်တစ်နေ့တွင်တော့ လင်းကျန်းဖူက လင်းရန်၏ အိမ်သို့ စောစောစီးစီး ရောက်ရှိလာခဲ့သည်။</p> <p> </p> <p>သူမက အမှန်တရားကို သိရှိရန်အတွက် အလုပ်ပင် ခွင့်တစ်ရက် ယူထားခဲ့ပေသည်။</p> <p> </p> <p>လင်းရန်က သူမ၏ဒေါ်လေး ရောက်လာသည်ကို မြင်ချိန်တွင် အလျှင်အမြန်ပင် ပြင်ဆင်ကာ ဆေးရုံသို့ အတူထွက်ခွာခဲ့ကြသည်။</p> <p> </p> <p>သူတို့နှစ်ဦးလုံးမှာ စိုးရိမ်စိတ်များ ရှိနေကြသောကြောင့် စောစောစီးစီး သွားခဲ့ကြပြီး ဆေးရုံသို့ ရောက်ရှိချိန်၌ ရှစ်နာရီပင် မထိုးသေးပါချေ။</p> <p> </p> <p>တချို့သော ဆရာဝန်များပင် အလုပ်မတက်ကြသေးပေ။</p> <p> </p> <p>“ရန်ရန်...ငါတို့ တွေ့တဲ့ ဆရာဝန်ကိုပဲ မေးကြမလား၊ ဒါမှမဟုတ် အမျိုးသမီးဆရာဝန်တစ်ယောက်ယောက်ကို ရှာပြမလား”</p> <p> </p> <p>လင်းကျန်းဖူမှာ ဤကဲ့သို့သော ကိစ္စမျိုးကို ပြောဆိုရန်အတွက် ဝန်လေးနေဆဲ ဖြစ်သောကြောင့် အမျိုးသမီး ဆရာဝန်တစ်ဦးကို မေးမြန်းခြင်းက ပို၍ လွယ်ကူလိမ့်မည်ဟု ထင်နေခဲ့သည်။</p> <p> </p> <p>သို့သော် ဤသည်မှာ လင်းရန်အတွက်လည်း ခက်ခဲသော မေးခွန်းတစ်ခု ဖြစ်နေပေသည်။ ဤခေတ်ကာလရှိ ဆေးရုံဌာနများ မည်မျှအထိ အသေးစိတ် ကွဲပြားသည်ကို သူမ မသိရှိသေးပါချေ။</p> <p> </p> <p>အဘယ်ကြောင့်ဆိုသော် ယခုခေတ်ရှိ ဆရာဝန်များမှာ ဘာသာရပ်အစုံကို ခေ့လာကြည့်ရှုထားနိုင်ကြပြီး ဆေးပညာအရလည်း အလွန်ပင် ပြည့်စုံသော အသိပညာများ ရှိကြပေ၏။</p> <p> </p> <p> </p> <p>သူမ ခေတ္တမျှ တွန့်ဆုတ်နေပြီးမှအကြံပြုလိုက်သည်။</p> <p> </p> <p>“သူနာပြုကိုပဲ အရင်ဆုံးမေးကြည့်ရင်ရော ဘယ်လိုလဲ”</p> <p> </p> <p>လင်းကျန်းဖူက ခေါင်းညိတ်ပြလိုက်သောကြောင့် သူတို့နှစ်ဦးမှာ သူနာပြုအား စတင်ရှာဖွေကြလေသည်။</p> <p> </p> <p>သို့သော် သူနာပြုကို မတွေ့ရသေးမီ ဂျူတီကုတ်အဝတ်အစားကို လဲလှယ်ပြီးစ ဖြစ်သော ကျိုးကျယ်ပင်းက သူတို့အား မြင်တွေ့သွားခဲ့လေတော့သည်။</p> <p> </p> <p>“လင်း .. ရဲဘော်လင်း... ဘာလို့ ဒီကို ရောက်နေတာလဲ”</p> <p> </p> <p>ကျိုးကျယ်ပင်းအနေဖြင့် မူလက “လင်းကျန်းဖူ” ဟူ၍ အမည်တိုက်ရိုက် ခေါ်ဆိုရန် ပြင်လိုက်သော်လည်း လင်းကျန်းဖူ၏ ဘေးနားရှိ လင်းရန်ကို မြင်တွေ့လိုက်ရချိန်တွင်မှ အလျှင်အမြန်ပင် ပြောင်းလဲ၍ ခေါ်ဆိုလိုက်ရသည်။</p> <p> </p> <p> </p> <p>မည်သို့ပင်ဖြစ်စေ သူနှင့် လင်းကျန်းဖူတိိ့ကြားရှိ လက်ရှိ အခြေအနေအရ သူမ၏ မိသားစုဝင်များမှ သူ့အား လက်ခံပြီး သူမနှင့် ပေါင်းဖက်ရန် ခွင့်ပြုလိမ့်မည်ဟု သူ ယုံကြည်မှု မရှိသေးပေ။</p> <p> </p> <p> </p> <p> </p> <p> </p> <p>အရေးကြီးဆုံးအချက်မှာ ကာယကံရှင်ဖြစ်သည့် လင်းကျန်းဖူကိုယ်တိုင်က ကျိုးကျယ်ပင်းအား လက်မခံသေးခြင်းပင် ဖြစ်သည်။</p> <p> </p> <p>ဤသည်ကို တွေးမိချိန်တွင် ကျိုးကျယ်ပင်းတစ်ယောက် စိတ်ထဲ၌ သက်ပြင်းမချဘဲ မနေနိုင်တော့ပါချေ။ ထို့နောက် ထိုအတွေးများကို ခေတ္တဘေးဖယ်ထားကာ သူတို့နှစ်ဦးကို ရှုပ်ထွေးစွာဖြင့် ကြည့်လိုက်လေသည်။</p> <p> </p> <p>“မင်းတို့ နေမကောင်းဖြစ်လို့လား.. ကျွန်တော် ကူပြီးကြည့်ပေးရမလား”</p> <p> </p> <p>“မလိုပါဘူး!”</p> <p> </p> <p>လင်းရန် စကားမပြောရသေးမီ  ဘေးနားရှိ လင်းကျန်းဖူက အလျှင်အမြန်ပင် ကြားဖြတ်ပြောဆိုလိုက်၏။</p> <p> </p> <p>သူမက စိတ်လှုပ်ရှားမှုကို အတင်းအကြပ် ထိန်းချုပ်လိုက်ရင်း ပြောလာလေ၏။</p> <p> </p> <p>“ကျွန်မတို့ ဘာမှမဖြစ်ပါဘူး၊ ရှင် ကျွန်မတို့အတွက် စိတ်ပူနေစရာ မလိုဘူး!”</p> <p> </p> <p>သူမ၏ ငြင်းဆိုလိုသော ရည်ရွယ်ချက်က ပြင်းထန်လွန်းသည့်အပြင် ကျိုးကျယ်ပင်း၏ အနားမှ အမြန်ဆုံး ထွက်ခွာသွားချင်နေသည့်အမူအရာတို့ ရှိနေသောကြောင့် ကျိုးကျယ်ပင်းတစ်ယောက် စိတ်မကောင်း ဖြစ်သွားရလေသည်။</p> <p> </p> <p>လင်းရန်က ထိုအခြေအနေကို မြင်ချိန်တွင် ပြေလည်သွားစေရန်အတွက် ကြားထဲမှ ဝင်ရောက်ပြောဆိုလိုက်ရလေသည်။</p> <p> </p> <p>“ဒီလိုပါ ဒေါက်တာကျိုး...ကျွန်မတို့မှာ အခုလောလောဆယ် အရေးကြီးတဲ့ ကိစ္စမရှိသေးဘူး၊ ဒါကြောင့် ရှင့်ရဲ့ အကူအညီ မလိုသေးပါဘူး</p> <p> </p> <p>ဘာပဲဖြစ်ဖြစ် ရှင့်ရဲ့ စေတနာကိုတော့ ကျေးဇူးတင်ပါတယ်၊ တကယ်လို့ တစ်ခုခု အကူအညီလိုရင်တော့ ရှင့်ကို ထပ်ပြီး ဒုက္ခပေးရဦးမှာပဲ၊ အခုတော့ ရှင့် အလုပ်ကိုပဲ အရင်ဆုံးသွားလုပ်လိုက်ပါဦး”</p> <p> </p> <p>လင်းရန်မှ ထိုသို့ပြောလာသောကြောင့် ကျိုးကျယ်ပင်းသည်လည်း ဤနေရာတွင် ဆက်ရှိနေပါက သူတို့ကို ပို၍ အနေခက်စေလိမ့်မည်ကို သိရှိလိုက်ပေသည်။</p> <p> </p> <p>သို့ဖြစ်၍ သူ့အနေဖြင့် စိတ်ပျက်မှုကို မျိုသိပ်လိုက်ရင်း ခေါင်းညိတ်ပြလိုက်ရတော့သည်။</p> <p> </p> <p>“ကောင်းပါပြီ၊ ဒါဆို မင်းတို့ရဲ့ ကိစ္စတွေကို အရင် လုပ်ကြဦးလေ၊  ကျွန်တော့်ရဲ့ ရုံးခန်းက ဟိုဘက်နားလေးမှာပဲ၊တစ်ခုခု မေးစရာရှိရင် အချိန်မရွေး လာရှာလို့ ရပါတယ်”</p> <p> </p> <p>  ကျိုးကျယ်ပင်းက ပြောပြီးသည်နှင့်ထွက်ခွာသွားခဲ့လေ၏။</p> <p> </p> <p>လင်းရန်တစ်ယောက် လင်းကျန်းဖူ၏ သက်ပြင်းချသံတိုးတိုးကို ကြားလိုက်ရပေသည်။</p> <p> </p> <p>သူမ၏ဒေါ်လေးဖြစ်သူမှာ ကျိုးကျယ်ပင်း၏ ထင်မြင်ချက်ကို အမှန်တကယ်ပင် အရေးစိုက်နေခဲ့သည်ပင်။</p> <p> </p> <p>သို့ဆိုလျှင် ဤကိစ္စသာ ပြေလည်သွားပါက ဒေါ်လေး၏ နွေဦးအသစ်က အမှန်တကယ်ပင် ချောမွေ့သွားနိုင်လောက်သည်။</p> <p> </p> <p>ကျိုးကျယ်ပင်း ထွက်သွားပြီးနောက် လင်းရန်နှင့် လင်းကျန်းဖူတို့လည်း အချိန်ဆွဲမနေတော့ဘဲ သူနာပြုတစ်ဦးအား အမြန်ရှာဖွေကာ မေးမြန်းလိုက်ကြလေသည်။</p> <p> </p> <p>နောက်ပိုင်းတွင် သူနာပြုထံမှ အကြံပြုချက်တစ်ခုကို ရရှိခဲ့သည်။ ထိုဆေးရုံ၌ သားဖွားနှင့် မီးယပ်ပညာရပ်တွင် အလွန်ထူးချွန်သော ဆရာဝန်တစ်ဦး ရှိကြောင်း၊ ထိုဆရာဝန်မှာ ကလေးမရနိုင်ခြင်းနှင့် ကလေးမွေးဖွားခြင်းဆိုင်ရာ ကိစ္စရပ်များတွင် အလွန်နှံ့စပ်ကျွမ်းကျင်သူဖြစ်ပြီး တိုက်တိုက်ဆိုင်ဆိုင်ပင် အမျိုးသမီး ဆရာဝန်တစ်ဦး ဖြစ်နေကြောင်းကို သူနာပြုက ပြောပြခဲ့၏။</p> <p> </p> <p>လင်းကျန်းဖူနှင့် လင်းရန်တို့လည်း ထိုသတင်းကို ကြားလိုက်ရချိန်တွင် ဝမ်းသာသွားကြပြီး ဆရာဝန်၏ ရုံးခန်းသို့ အပြေးအလွှား သွားခဲ့ကြလေသည်။</p> <p> </p> <p>သူတို့က အစောဆုံး ရောက်ရှိလာသူများဖြစ်သောကြောင့် ထိုဆရာဝန်အတွက် ယနေ့၏ ပထမဆုံးသော လူနာများ ဖြစ်လာခဲ့ကြသည်။</p> <p> </p> <p>အခန်းထဲသို့ ဝင်သွားချိန်တွင် ဆရာဝန်က သူတို့အား နွေးထွေးစွာ ကြည့်ရှုကာ အခြေအနေများကို မေးမြန်းလေသည်။</p> <p> </p> <p>“ရဲဘော်တို့... ဘာပြဿနာရှိလို့လဲ”</p> <p> </p> <p>ဆရာဝန်၏ အပြုံးမှာ အလွန်ပင် နူးညံ့သိမ်မွေ့လွန်းသောကြောင့် လင်းကျန်းဖူ၏ စိုးရိမ်စိတ်များမှာလည်းများစွာ လျော့ကျသွားခဲ့ရသည်။</p> <p> </p> <p>သို့မဟုတ်လျှင်လည်း သူမ၏ ကျန်းမာရေးတွင် အမှန်တကယ် ပြဿနာ ရှိ၊ မရှိကို သူမ အလွန်သိချင်နေခြင်းကြောင့်လည်း ဖြစ်နိုင်ပေသည်။</p> <p> </p> <p>သူမက ထိုင်ခုံတွင် ထိုင်လိုက်သည်နှင့်  သူမ၏ အခြေအနေများကို အဆက်မပြတ်ပြောပြခဲ့လေတော့သည်။</p> <p> </p> <p>ဆရာဝန်က နားထောင်ပြီးနောက် လင်းကျန်းဖူ၏ နေ့စဉ် ကျန်းမာရေး အခြေအနေများကို အသေးစိတ် မေးမြန်းလေသည်။</p> <p> </p> <p>အထူးသဖြင့် လင်းကျန်းဖူထံတွင် ယခင်က ဝမ်းဗိုက်နာကျင်ခြင်း သို့မဟုတ် တခြားသော မီးယပ်ဆိုင်ရာ ဝေဒနာများ တစ်ခါမျှ မခံစားခဲ့ဖူးကြောင်း ကြားလိုက်ရချိန်တွင် ဆရာဝန်က ကောက်ချက်တစ်ခုကို ချလိုက်နိုင်ခဲ့ပေပြီ။</p> <p> </p> <p>သို့သော်လည်း ပိုမိုသေချာစေရန်အတွက် ဆရာဝန်က လင်းကျန်းဖူအား အာထရာဆောင်းစစ်ဆေးမှု ပြုလုပ်ရန် အကြံပြုလိုက်သည်။</p> <p> </p> <p>“မင်းတို့ ဒီကိုရောက်လာတာ အတော်လေးတိုက်ဆိုင်တာပဲ ၊လွန်ခဲ့တဲ့ နှစ်ဝက်လောက်ကသာ လာမယ်ဆိုရင် ကျွန်မတို့ရဲ့ ဆေးရုံမှာ ဒီစက်တွေ ရှိသေးမှာ မဟုတ်ဘူး</p> <p> </p> <p>အခုတော့ အာထရာဆောင်း သွားရိုက်လိုက်ပါဦး၊ တကယ်လို့ အဲဒီမှာ ဘာပြဿနာမှ မရှိဘူးဆိုရင်တော့ မင်းအနေနဲ့ လုံးဝ စိတ်ပူစရာ မလိုတော့ပါဘူး”</p> <p> </p> <p>အာထရာဆောင်း စစ်ဆေးမှုဆိုတာက ဘာလဲ။</p> <p> </p> <p>လင်းကျန်းဖူအတွက်တော့ ထိုစကားလုံးကို ပထမဆုံးအကြိမ် ကြားဖူးခြင်း ဖြစ်ပေ၏။ သို့သော်လည်း ဆရာဝန်၏ စကားအရ သူမတွင် မည်သည့်ပြဿနာမှ ရှိမနေဘဲ ပိုမိုသေချာစေရန်အတွက်သာ စစ်ဆေးခိုင်းခြင်းဖြစ်ကြောင်း သူမ နားလည်လိုက်ပေသည်။</p> <p> </p> <p>သူမက ချက်ချင်းပင် ထရပ်လိုက်ပြီး စိတ်လှုပ်ရှားစွာဖြင့် ပြောလိုက်သည်။</p> <p> </p> <p>“ကောင်းပါပြီ...ကျွန်မ အခုချက်ချင်း သွားလုပ်ပါ့မယ်!”</p> <p> </p> <p>ပြောပြီးသည်နှင့် လင်းကျန်းဖူက ဆရာဝန်ထံမှ ငွေပေးချေလွှာကို ယူဆောင်ကာ ငွေပေးချေပြီးနောက် စစ်ဆေးမှု ခံယူခဲ့လေသည်။</p> <p> </p> <p>လင်းရန်သည်ကား ဤအခွင့်အရေးကို အသုံးချ၍ ဆရာဝန်ထံ၌ အမျိုးသားများတွင် ဖြစ်ပွားတတ်သော မြုံခြင်းဆိုင်ရာ ပြဿနာများနှင့် ပတ်သက်၍ အသေးစိတ် မေးမြန်းချင်နေခဲ့ပြီး လင်းကျန်းဖူကိုလည်း ထိုအသိပညာများကို ပေးစေချင်ခဲ့သည်။</p> <p> </p> <p>သို့သော်လည်း လင်းကျန်းဖူမှာ စစ်ဆေးမှု ခံယူရန်အတွက်သာ အလွန်ပင် စိတ်စောနေသည်ကို မြင်ရသောကြောင့် မည်သည်ကိုမျှ မပြောတော့ပါချေ။</p> <p> </p> <p>မည်သို့ပင်ဖြစ်စေ စစ်ဆေးချက် ရလဒ်ထွက်လာသည့် အချိန်မှ ထပ်မံမေးမြန်းလျှင်လည်း အဆင်ပြေသည်ပင်။</p> <p> </p> <p> </p> <p>သို့သော်လည်း လင်းရန်အတွက် ခေါင်းခဲစရာ ကိစ္စရှိနေခဲ့ရသည်။ ဤခေတ်ကာလတွင် နည်းပညာများ နောက်ကျနေသေးသောကြောင့် အာထရာဆောင်း ရိုက်ကူးခြင်း လုပ်ငန်းချိန်မှာ အတော်လေး ကြာမြင့်နေခဲ့လေသည်။</p> <p> </p> <p>ထို့အပြင် ရလဒ်ထွက်လာရန် စောင့်ဆိုင်းရသည့် အချိန်မှာလည်း မနည်းလှပါချေ။ သူတို့အနေဖြင့် တစ်မနက်လုံးနီးပါးကို ထိုအာထရာဆောင်း ဌာနတွင်ပင် ကုန်ဆုံးခဲ့ရလေတော့သည်။</p> <p> </p> <p>သူတို့ မသိရှိခဲ့သည်မှာ သူတို့ ထွက်သွားပြီးနောက် မကြာမီမှာပင် ထိုမီးယပ်အထူးကုဆရာဝန်၏ ရုံးခန်းအတွင်းသို့ နောက်ထပ် လူနာနှစ်ဦး ဝင်ရောက်လာခြင်းကိုပင်။</p> <p> </p> <p>သူတို့မှာ ဝမ်းဗိုက် ဖောင်းကားနေသော ကိုယ်ဝန်ဆောင် အမျိုးသမီးတစ်ဦးနှင့် သူမ၏ ခင်ပွန်းဖြစ်သူတို့သာ ဖြစ်ကြသည်။</p> <p> </p> <p style="text-align: center;">***</p> <p> </p>


Save