Book List

<h2 style="text-align: center;">အခန်း ၂၇၂ - ပျံသန်းနိုင်တာက အဲဒီလောက်ကြီး အစွမ်းထက်နေလို့လား</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"အဖွဲ့ခေါင်းဆောင်ရဲ့ SSအဆင့် စွမ်းရည်ကတော့ ပေါက်ကြားသွားပြီပဲ"</p> <p style="text-align:justify">"ဒီနေ့လို အင်အားကြီးအဖွဲ့တွေ အများကြီး ရှိနေတဲ့နေရာမှာ ပေါက်ကြားသွားတာက ပုံမှန်ပါပဲကွာ"</p> <p style="text-align:justify">"မှန်တယ်... ဒါပေမဲ့ ကျင်းချန်း တက္ကသိုလ်က လူတွေကတော့ အခုလောက်ဆို ပျာယာခတ်နေကြမှာပဲ"</p> <p style="text-align:justify">မဂျစ်စီးတီး တက္ကသိုလ်အဖွဲ့က နံနက်ပိုင်းတွင် အသင်းလိုက်ပွဲ တစ်ပွဲသာ ရှိသည်။ ပွဲပြီးဆုံးသွားပြီးနောက် ခုန်းရှီ အပါအဝင် လူတိုင်းက မဂျစ်စီးတီး၏ ပွဲကြည့်စင်နေရာတွင် ထိုင်ကာ ကျန်ရှိသော ပွဲစဉ်များကို ကြည့်ရှုနေကြသည်။ ရှုကျင်းမင်၏ SSအဆင့် စွမ်းရည်နှင့် ပတ်သက်၍ အွန်လိုင်းတွင် ပျံ့နှံ့နေသော သတင်းများကိုလည်း သူတို့ မြင်တွေ့ပြီးသား ဖြစ်သည်။</p> <p style="text-align:justify">သို့သော်လည်း သူတို့က ဤအချိန် ရောက်လာမည်ကို ကြိုတင်ခန့်မှန်းထားပြီးသား ဖြစ်သဖြင့် သိပ်ပြီး ဂရုမစိုက်ကြပေ။ ရှုကျင်းမင်က သူတို့ မဂျစ်စီးတီးမှ ဖြစ်သဖြင့် သူတို့အနေဖြင့် ဂုဏ်ယူရုံသာ ရှိသည်။ ပျာယာခတ်ရမည့်သူများမှာ အခြားတက္ကသိုလ်များမှ ကိုယ်စားလှယ်အဖွဲ့များသာ ဖြစ်သည်။</p> <p style="text-align:justify">နံနက်ပိုင်းတွင် အသင်းလိုက်ပွဲ ငါးပွဲရှိသော်လည်း နံနက် ၁၁ နာရီ ကျော်ရုံဖြင့် အားလုံး ပြီးဆုံးသွားခဲ့သည်။ ပုံမှန်အားဖြင့် ငါးပွဲက ဤမျှ မြန်မြန်ဆန်ဆန် ပြီးဆုံးရန် မလွယ်ကူပေ။ အင်အားချင်း မျှသော အသင်းနှစ်သင်း၏ ပွဲစဉ်တစ်ပွဲသည် နှစ်နာရီ၊ သုံးနာရီခန့် ကြာမြင့်နိုင်သည်မှာ မဆန်းပေ။</p> <p style="text-align:justify">သို့သော်လည်း အသင်းလိုက်ပွဲများတွင် ထူးခြားသော ယန္တရားတစ်ခု ရှိသည်။ ပွဲစဉ်က မိနစ် ၂၀ ထက် ကျော်လွန်သွားပါက ကွင်းတစ်ခုလုံးကို ဝန်းရံထားသော စွမ်းအင်အကာအကွယ် ဒိုင်းလွှာက တစ်စက္ကန့်လျှင် တစ်မီတာနှုန်းဖြင့် အတွင်းဘက်သို့ စတင်ကျုံ့ဝင်လာမည် ဖြစ်သည်။ ထိုစွမ်းအင်ဒိုင်းလွှာကို ထိမိသော မည်သည့်ပြိုင်ပွဲဝင်မဆို ရှုံးနိမ့်သည်ဟု သတ်မှတ်ခံရမည်။ ကွင်း၏အလျားမှာ မီတာ ၄၀၀ ရှိရာ စွမ်းအင်ဒိုင်းလွှာ တစ်ခုလုံး ကျုံ့ဝင်သွားရန် ၇ မိနစ်ထက်ပင် လျော့နည်း၍ ကြာမြင့်မည် ဖြစ်သည်။ တစ်နည်းအားဖြင့် အသင်းလိုက်ပွဲတစ်ပွဲက အလွန်ဆုံး နာရီဝက်သာ ကြာမြင့်မည်ဖြစ်သည်။</p> <p style="text-align:justify">အမှန်စင်စစ် ရှုကျင်းမင်ကဲ့သို့ ပြိုင်ဘက်အားလုံးကို တစ်ယောက်တည်းဖြင့် မိနစ်ဝက်အတွင်း အပြတ်ရှင်းလိုက်သည့် ပွဲမျိုးမှာမူ ထူးခြားသော ဖြစ်ရပ်တစ်ခုသာ ဖြစ်သည်။</p> <p style="text-align:justify">နံနက်ပိုင်းပွဲစဉ်များ ပြီးဆုံးသွားသည့်အခါ ပရိသတ်များက တိုက်ပွဲအခြေအနေများနှင့် အွန်လိုင်းမှ သတင်းများကို စိတ်လှုပ်ရှားစွာ ဆွေးနွေးရင်း ထမင်းစားရန်နှင့် အနားယူရန် ထွက်ခွာသွားကြသည်။ ရှုကျင်းမင်၏ လက်ရှိ လူကြိုက်များမှု အခြေအနေအရ သူသာ လူအုပ်ကြားထဲ ထွက်လာပါက စပ်စုလိုသော ပရိသတ်များ၏ ဝိုင်းအုံခြင်းကို ချက်ချင်း ခံရပေလိမ့်မည်။ ထို့ကြောင့် သူက ဆုန့်ချိုးယွန်းနှင့် သူ၏ အဒေါ်ဖြစ်သူ မိသားစုကို ကိုယ်စားလှယ်အဖွဲ့နှင့်အတူ အားကစားကွင်းအတွင်းရှိ ထမင်းစားဆောင်သို့ တိုက်ရိုက် ခေါ်ဆောင်သွားခဲ့သည်။</p> <p style="text-align:justify">အွန်လိုင်းမှ မှတ်ချက်အများအပြားကို မြင်တွေ့ခဲ့ရ၍လား မသိပေ။ ဆုန့်ချိုးယွန်းက ရှုကျင်းမင်၏ လက်ကြီးကို တင်းတင်းကြပ်ကြပ် ဆုပ်ကိုင်ထားပြီး တစ်ချိန်လုံး မလွှတ်တော့ဘဲ ရှိနေသည်။</p> <p style="text-align:justify">သူ့အဒေါ် မိသားစုနှင့် ဝမ်းကွဲအစ်ကိုဖြစ်သူ တန်ချီတို့မှာလည်း အွန်လိုင်းသတင်းများကို မြင်ပြီးနောက် အညီအမျှပင် ထိတ်လန့်နေကြသည်။ ရှုကျင်းမင်၏ အစပျိုးစွမ်းရည်ဖြစ်သော Eအဆင့် လျှပ်စီးအားပျော့ ကနေ SSအဆင့် ဒုထျန်း နတ်ဘုရား မိုးကြိုးအထိ တိုးတက်သွားလိမ့်မည်ဟု မည်သူက ထင်ထားပါမည်နည်း။</p> <p style="text-align:justify">ဦးလေးဖြစ်သူ တန်သောက်လင်းကမူ ဤအရာက ရှုကျင်းမင် အသက်အန္တရာယ်နှင့် ကြုံရစဉ်အတွင်း မတော်တဆ ချိုးဖောက် တက်လှမ်းနိုင်ခဲ့ခြင်းဖြစ်သည်ဟု ယုံကြည်နေသည်။ ရှုကျင်းမင်က ကံကောင်းခြင်းများ စုနေသူဖြစ်သဖြင့် နောက်ကျရင် ထီတစ်စောင်လောက် သွားထိုးကြည့်ရန်ပင် သူက အကြံပြုနေသေးသည်။</p> <p style="text-align:justify">အဒေါ်ဖြစ်သူ ရှုချင်းဝမ်ကမူ ဤအရာက ရှုမိသားစု ဘိုးဘေးဘီဘင်များ၏ စောင့်ရှောက်မှု၊ ဘိုးဘေးများ၏ မစမှုကြောင့်ဟု ယူဆနေသည်။ လိဂ်ပြိုင်ပွဲပြီးသည်နှင့် ရှုမိသားစု ဘိုးဘေးများအားလုံးကို အမွှေးတိုင် သွားရောက်ပူဇော်ရန်အတွက် ကျန်းချန်းမြို့သို့ ချက်ချင်း ပြန်ကြမည်ဟုပင် သူမက ပြောနေသေးသည်။</p> <p style="text-align:justify">ရှုကျင်းမင်ကမူ ဘာမှ ပြန်မရှင်းပြတော့ပေ။ သူ့တွင် စွမ်းရည်အမှတ်များကို တိုက်ရိုက်ပေါင်းထည့်နိုင်သော System ရှိနေသည်ကို မည်သူ သိနိုင်ပါမည်နည်း။ သူ ပြောလိုက်လျှင်တောင် မည်သူမှ ယုံကြည်ကြမည် မဟုတ်ပေ။</p> <p style="text-align:justify">နေ့လယ်စာ စားပြီးနောက် အားကစားကွင်းအပြင်ဘက်မှ လူအုပ်ကြီး လူစုကွဲသွားသည့်အခါမှသာ ဆုန့်ချိုးယွန်းက သူ၏အဒေါ်တို့ကို ဗီလာသို့ ပြန်လည်ပို့ဆောင်ကာ အနားယူစေခဲ့သည်။ ရှုကျင်းမင်ကမူ မဂျစ်စီးတီး ကိုယ်စားလှယ်အဖွဲ့ကို ဦးဆောင်ကာ ဆရာကြီး ရန်ကျန့်ထျန်း၏ ဗီလာသို့ သွားရောက်ခဲ့သည်။</p> <p style="text-align:justify">နေ့လယ်ပိုင်းတွင် တစ်ဦးချင်းပွဲစဉ်များ ရှိနေသဖြင့် ရန်ကျန့်ထျန်းက မနက်ဖြန်တွင် ရင်ဆိုင်ရမည့် ဆုဟန် စွမ်းရည်ပိုင်ရှင် တက္ကသိုလ် အဖွဲ့ဝင်များ၏ ခွန်အားကိုသာမကဘဲ အခြားသော တက္ကသိုလ်ကြီးများမှ အစွမ်းထက် ပြိုင်ပွဲဝင်များ၏ စွမ်းရည်များနှင့် သူတို့ ကျွမ်းကျင်သော တိုက်ခိုက်ရေးနည်းစနစ်များကိုပါ ခွဲခြမ်းစိတ်ဖြာ ပြသခဲ့သည်။</p> <p style="text-align:justify">အမှန်စင်စစ် မဂျစ်စီးတီး တစ်ခုတည်း မဟုတ်ပေ။ ကျင်းချန်း တက္ကသိုလ်နှင့် အခြားသော တက္ကသိုလ် ခုနစ်ခုလုံးသည်လည်း ဤအတိုင်းပင် လုပ်ဆောင်နေကြသည်။ တက္ကသိုလ်တစ်ခုချင်းစီ၏ ကိုယ်စားလှယ်အဖွဲ့ဝင်များ၏ အစွမ်းကို လေ့လာနေကြခြင်း ဖြစ်သည်။ SSအဆင့် စွမ်းရည်ပိုင်ရှင်ဟု ထင်ရှားသွားသော ရှုကျင်းမင်က တက္ကသိုလ်တိုင်းအတွက် အဓိက လေ့လာရမည့်သူ ဖြစ်နေတော့သည်။</p> <p style="text-align:justify">ခုန်းရှီ၊ ယောင်ဖန်နှင့် အခြားသူများမှာ မဂျစ်စီးတီး၏ စီနီယာများ ဖြစ်ကြသဖြင့် သူတို့၏ ကြီးထွားမှု လမ်းကြောင်းများကို ပြန်လည်ခြေရာခံနိုင်သည်။ သူတို့တွင် မည်သည့်စွမ်းရည်များ ရှိသည်၊ မည်သည့် တိုက်ခိုက်ရေးနည်းစနစ်များကို ကျွမ်းကျင်သည်ဆိုသည်ကို လူတိုင်းနီးပါး သိထားကြသည်။ သို့သော် ရှုကျင်းမင်မှာမူ တောနက်ဇုန်များတွင် အချိန်အတော်ကြာ နေထိုင်ခဲ့သည့် ကျောင်းသားသစ်တစ်ဦးသာ ဖြစ်ပြီး ဒုတိယကျောင်းအုပ်ကြီး လင်းရွှမ်ကလည်း သူ၏ အချက်အလက်များကို တမင် ဖုံးကွယ်ထားခဲ့သည်။</p> <p style="text-align:justify">ထို့ကြောင့် ခွဲခြမ်းစိတ်ဖြာမှုများ စတင်သည့်အခါ လူတိုင်းမှာ ကြောင်အသွားကြတော့သည်။ ရှုကျင်းမင် အစောပိုင်းတွင် ကျွမ်းကျင်ခဲ့သည့် Aအဆင့် တိုက်ခိုက်ရေးနည်းစနစ်များဖြစ်သော မိုးကြိုးလှံ နှင့် မိုးကြိုးထောင်ချောက် တို့ကို သိထားကြသလို ရန်ကျန့်ထျန်းထံမှ Sအဆင့် ခန္ဓာကိုယ်ကြံ့ခိုင်ရေး တိုက်ခိုက်ရေးနည်းစနစ်တစ်ခု သင်ယူခဲ့သည်ကိုသာ သူတို့ သိကြသည်။ ကျင်းချန်း တက္ကသိုလ်ကမူ ရှုကျင်းမင်က Sအဆင့် မိုးကြိုးနတ်ဘုရား လက်ချောင်းကို ကျွမ်းကျင်ထားကြောင်း သိထားသည်။ အကြောင်းမှာ ထိုနည်းပြကို သူတို့ကိုယ်တိုင် စီစဉ်ပေးခဲ့သောကြောင့် ဖြစ်သည်။ သို့သော် ထိုအရာများအပြင် ရှုကျင်းမင်တွင် အခြား မည်သည့် တိုက်ခိုက်ရေးနည်းစနစ်များ ရှိနေဦးမည်ကိုမူ သူတို့ လုံးဝ မှောင်အတိ ကျနေကြသည်။</p> <p style="text-align:justify">"ဒီပိုင်ရှန်း ကိုယ်စားလှယ်အဖွဲ့က အရမ်းညံ့လွန်းတယ်... ရှုကျင်းမင်ရဲ့ ခွန်အားအစစ်ကိုတောင် ထွက်လာအောင် မလုပ်နိုင်ကြဘူး" တက္ကသိုလ်အဖွဲ့တစ်ခုမှ နည်းပြတစ်ဦးက စိတ်ပျက်လက်ပျက်ဖြင့် ရေရွတ်လိုက်သည်။</p> <p style="text-align:justify">ထို့ကြောင့် နံနက်ပိုင်းက ရှုကျင်းမင်၏ အပြတ်ရှင်းခြင်းကို ခံလိုက်ရသော ပိုင်ရှန်းအဖွဲ့ဝင်များက အပြစ်တင်စရာ မြေစာပင်များ ဖြစ်သွားကြရသည်။</p> <p style="text-align:justify">"တခြားနည်းလမ်း မရှိဘူး... နောက်လာမယ့် ပွဲစဉ်တွေမှာ ရှုကျင်းမင်ရဲ့ စွမ်းဆောင်ရည်ကို ကြည့်ပြီးတော့မှ ငါတို့ ဗျူဟာတွေကို အချိန်နဲ့အမျှ ပြောင်းလဲရတော့မယ်" ဤအခြေအနေမျိုးတွင် တက္ကသိုလ်အတော်များများက ရှုကျင်းမင်၏ ပွဲစဉ်တိုင်းကို အမြဲမပြတ် စောင့်ကြည့်ရန် ဆုံးဖြတ်လိုက်ကြသည်။ အသုံးဝင်မည့် အချက်အလက် အသေးအဖွဲလေးတစ်ခုကိုပင် လွဲချော်မခံနိုင်ကြတော့ပေ။</p> <p style="text-align:justify">"မဂျစ်စီးတီးကနေ SSအဆင့် နိုးထသူတစ်ယောက် ထွက်လာတယ်ဆိုတာ တကယ့်ကို မယုံနိုင်စရာပဲ"</p> <p style="text-align:justify">"ဟုတ်ပါ့ဗျာ မဂျစ်စီးတီးက တကယ်ကို သည်းခံနိုင်တာပဲ... ဒီလောက်ကြာအောင် အသံတိတ်နေနိုင်ခဲ့တယ်"</p> <p style="text-align:justify">"ဒီနေ့ နေ့လယ်မှာ မိုးကြိုးဧကရာဇ် ရဲ့ တစ်ဦးချင်းပွဲ ရှိတယ်လေ... ကျွန်တော်တော့ တကယ်ကို မျှော်လင့်နေတာ"</p> <p style="text-align:justify">"မိုးကြိုးဧကရာဇ် မင်းပြောတာ ရှုကျင်းမင်လား"</p> <p style="text-align:justify">"အေးလေ... မင်းမသိဘူးလား... အဲဒါ မဂျစ်စီးတီးထဲမှာ သူ့ကို ခေါ်တဲ့ နာမည်လေ"</p> <p style="text-align:justify">"ပြောရရင်တော့ အဲဒီနာမည်က တကယ်ကို အရှိန်အဝါ ရှိတာပဲ"</p> <p style="text-align:justify">နေ့လယ် ၂ နာရီ မတိုင်မီမှာပင် ဧရာမ အားကစားကွင်းကြီးအတွင်း၌ ပရိသတ်များ ပြည့်လျှံနေခဲ့ပြီ ဖြစ်သည်။ ပရိသတ်များ၏ စကားဝိုင်းတိုင်းက ရှုကျင်းမင်အကြောင်းသာ ဖြစ်နေတော့သည်။ မဂျစ်စီးတီးအတွင်းမှ ရှုကျင်းမင်၏ နာမည်ပြောင်ပင်လျှင် သူတို့ကြားထဲတွင် ပျံ့နှံ့နေပြီ ဖြစ်သည်။ အကယ်၍ သာမန် မိုးကြိုးဓာတ် စွမ်းရည်ပိုင်ရှင် တစ်ယောက်သာဆိုလျှင် မိုးကြိုးဧကရာဇ် ဆိုသည့် နာမည်ကို လူတိုင်းက လှောင်ပြောင်ကြပေလိမ့်မည်။ သို့သော် ရှုကျင်းမင်နှင့် ကျမှမူ ဤဘွဲ့နာမည်က အလွန်ပင် လိုက်ဖက်လှသည်ဟု ခံစားကြရသည်။</p> <p style="text-align:justify">"နိုင်ငံတော် တက္ကသိုလ်ပေါင်းစုံ လိဂ်ပြိုင်ပွဲကနေ လူတိုင်းကို ပြန်လည် ကြိုဆိုပါတယ်"</p> <p style="text-align:justify">"ဒီနေ့ နံနက်ပိုင်း စာရင်းပေးသွင်းမှုအရ တက္ကသိုလ် ၁၀ ခုကနေ စုစုပေါင်း ၆၄ ယောက်က ကျွန်တော်တို့ရဲ့ တစ်ဦးချင်းပြိုင်ပွဲအတွက် စာရင်းပေးထားပါတယ်... ဒီနေ့ နေ့လယ်မှာတော့ အဲဒီ ၆၄ ယောက်ထဲကနေ ထိပ်တန်း ၃၂ ယောက်ကို ရွေးချယ်ဖို့အတွက် ပွဲစဉ် ၃၂ ပွဲကို စီစဉ်သွားမှာ ဖြစ်ပါတယ်"</p> <p style="text-align:justify">မွန်းလွဲ ၂ နာရီ တိတိတွင် အစီအစဉ်မှူး ဖုန်းလဲ့က စင်မြင့်ပေါ်သို့ အချိန်ကိုက် ပေါ်လာသည်။ သူ၏ စူးရှပြီး ဆွဲဆောင်မှုရှိသော အသံက ကွင်းတစ်ခုလုံးကို ဟိန်းထွက်သွားသည်။ တက္ကသိုလ် ၁၀ ခုတွင် အရန်လူများ အပါအဝင် စုစုပေါင်း ၈၀ ရှိသော်လည်း မဂျစ်စီးတီးကဲ့သို့ ပံ့ပိုးမှုအမျိုးအစား နှစ်ယောက် ပြင်ဆင်လာသည့်အဖွဲ့မျိုး မရှိသဖြင့် တစ်ဦးချင်းပွဲတွင် ၆၄ ယောက်သာ ပါဝင်ခြင်း ဖြစ်သည်။</p> <p style="text-align:justify">"ဆက်လက်ပြီးတော့ ကျွန်တော်တို့ရဲ့ AIကနေ ဒီ ၃၂ ပွဲအတွက် ပြိုင်ဘက်တွေကို ကျပန်း ရွေးချယ်ပေးသွားမှာ ဖြစ်ပါတယ်"</p> <p style="text-align:justify">ပရိသတ်များ၏ မျှော်လင့်တောင့်တနေသော အကြည့်များအောက်တွင် အစီအစဉ်မှူးက လက်ကို ဝှေ့ယမ်းလိုက်သည်။ ဟိုလိုဂရပ်ဖစ် ပုံရိပ်ယောင်ပေါ်တွင် နာမည် ၆၄ ခု ပေါ်လာပြီးနောက် ကျပန်း ရွေးချယ်လိုက်ကြရာ ပွဲစဉ် ၃၂ ပွဲအတွက် စာရင်းက ခဏချင်းမှာပင် ထွက်ပေါ်လာတော့သည်။</p> <p style="text-align:justify">"ငါက ၆ ပွဲမြောက်မှာ... ပြိုင်ဘက်က ဆုဟန် တက္ကသိုလ်ကပဲ... မနက်ဖြန် အသင်းလိုက်ပွဲအတွက် အခြေအနေကို ကြိုစမ်းသပ်ကြည့်ဖို့ အခွင့်အရေးကောင်းပဲ"</p> <p style="text-align:justify">"ငါက ၁၂ ပွဲမြောက်... ဟားဟား... ငါ့ပြိုင်ဘက်က ပိုင်ရှန်း တက္ကသိုလ်က အရန်လူပဲ... တစ်မိနစ်အတွင်း အနိုင်ယူပြလိုက်မယ်"</p> <p style="text-align:justify">"ငါ့ပွဲကတော့ တော်တော်နောက်ကျတယ်... ၂၈ ပွဲမြောက်မှ..."</p> <p style="text-align:justify">မဂျစ်စီးတီး ပွဲကြည့်စင်တွင် ရှုကျင်းမင် အပါအဝင် လူတိုင်းက သူတို့၏ ပွဲစဉ်နံပါတ်နှင့် ပြိုင်ဘက်များကို မြင်တွေ့လိုက်ရသည်။ ရှုကျင်းမင်၏ ပွဲစဉ်မှာ ၃ ပွဲမြောက် ဖြစ်သည်။ သူ၏ပြိုင်ဘက်မှာ ကျင်းချန်း နည်းပညာတက္ကသိုလ်မှ ကျိုးချောင်း အမည်ရှိ စတုတ္ထအဆင့်နိမ့် လေဓာတ် စွမ်းရည်ပိုင်ရှင်တစ်ဦး ဖြစ်သည်။</p> <p style="text-align:justify">"ဒီ AIက တကယ်ကို တော်တာပဲ... အစွမ်းအထက်ဆုံး လူတွေကို ပထမအဆင့်မှာတင် ထိပ်တိုက် မတွေ့အောင် စီစဉ်ထားတယ်" ကောင်းကင်ပေါ်ရှိ ဧရာမ ပွဲစဉ်ဇယားကို ကြည့်ရင်း ရှုကျင်းမင်က ဤပုံစံကို ချက်ချင်း သတိပြုမိလိုက်သည်။ ဤသည်မှာလည်း ပုံမှန်ပင် ဖြစ်သည်။ နိုင်ငံတော် လိဂ်ပြိုင်ပွဲအနေဖြင့် ကြည့်ရှုနှုန်းကို အာမခံနိုင်ရန်နှင့် ပရိသတ်များကို စိတ်လှုပ်ရှားမှု ပေးနိုင်ရန် လိုအပ်သည်။ အကယ်၍ အစွမ်းအထက်ဆုံး လူနှစ်ယောက်က ပထမအဆင့်မှာတင် ထိပ်တိုက်တွေ့ပြီး တစ်ယောက် ပြုတ်သွားပါက ဗိုလ်လုပွဲတွင် ဘာကြည့်စရာ ကျန်တော့မည်နည်း။ ထို့အပြင် တက္ကသိုလ်တစ်ခုတည်းမှ ကျောင်းသားချင်းလည်း ပထမအဆင့်တွင် မတွေ့စေရန် ဤစနစ်က တတ်နိုင်သမျှ အာမခံပေးထားသည်။</p> <p style="text-align:justify">"တစ်ဦးချင်း ပြိုင်ပွဲကို တစ်ကြိမ်မှာ ၄ ပွဲနှုန်းနဲ့ ကျင်းပသွားမှာ ဖြစ်ပါတယ် အခု ပထမအဆင့်ကို စတင်ပါတော့မယ်... ပွဲစဉ် ၁ ကနေ ၄ အထိက ပြိုင်ပွဲဝင် ၈ ယောက်ကို စင်ပေါ်ကို ဖိတ်ခေါ်ပါတယ်"</p> <p style="text-align:justify">တစ်နေ့လယ်အတွင်း ပွဲစဉ် ၃၂ ပွဲ ပြီးဆုံးရန်မှာ တစ်ပွဲချင်း ကျင်းပ၍ မဖြစ်နိုင်ပေ။ ဝုန်းကနဲ မြည်သံနှင့်အတူ နံနက်ပိုင်းက အသုံးပြုခဲ့သော မီတာ၄၀၀ ကွင်းပြင်ကြီးက ကြက်ခြေခတ်ပုံစံ ကွဲထွက်သွားပြီး မီတာ၂၀၀ ရှိသော တိုက်ခိုက်ရေးကွင်း ၄ ကွင်းအဖြစ် အညီအမျှ ကွဲထွက်သွားသည်။ ကွင်းတစ်ခုချင်းစီ၏ အထက်တွင် ပွဲစဉ်နံပါတ်ကို ဟိုလိုဂရပ်ဖစ်ဖြင့် ပြသထားသည်။</p> <p style="text-align:justify">"ငါက ပထမအဆင့်မှာတင် ပါနေတာပဲ..." ရှုကျင်းမင်၏ ဓားကဲ့သို့ ထက်မြက်သော မျက်ခုံးတန်းများ အနည်းငယ် လှုပ်ခတ်သွားသည်။ သူက ဆရာကြီးနှင့် အဖွဲ့ဖော်များကို နှုတ်ဆက်ကာ အမှတ် (၃) တိုက်ခိုက်ရေးကွင်းဆီသို့ လျှောက်လှမ်းသွားခဲ့သည်။</p> <p style="text-align:justify">"ရှုကျင်းမင်က ပထမအဆင့်မှာပဲ"</p> <p style="text-align:justify">"မိုက်တယ် မိုးကြိုးဧကရာဇ်ရေ... အားပေးနေတယ်ဟေ့"</p> <p style="text-align:justify">"မဂျစ်စီးတီး... အောင်ရမည် မိုးကြိုးဧကရာဇ်... အောင်ရမည်"</p> <p style="text-align:justify">ရှုကျင်းမင် ကွင်းအတွင်းသို့ လှမ်းဝင်လိုက်သည်နှင့် ပွဲကြည့်စင်များထက်တွင် အားပေးသံများ ချက်ချင်း ဟိန်းထွက်လာတော့သည်။ ရှုကျင်းမင် တစ်ယောက်တည်း အတွက်သာ မဟုတ်ဘဲ အခြားကွင်းများရှိ ပြိုင်ပွဲဝင်များအတွက်လည်း အားပေးသံများ ရှိနေသော်လည်း ရှုကျင်းမင်အတွက် အားပေးသံမှာမူ အကျယ်လောင်ဆုံးနှင့် အများဆုံး ဖြစ်နေသည်။ သေချာကြည့်မည်ဆိုပါက ထိုအားပေးသူများထဲတွင် အမျိုးသမီးငယ်လေးများ အမြောက်အမြား ပါဝင်နေသည်ကို တွေ့ရလိမ့်မည်။ အတွင်းဘက်ရှိ ပွဲကြည့်စင်များမှ တက္ကသိုလ်များနှင့် အဖွဲ့အစည်း အသီးသီးကလည်း ရှုကျင်းမင်ကိုသာ အဓိက အာရုံစိုက်နေကြသည်။</p> <p style="text-align:justify">"မဂျစ်စီးတီးရဲ့ ရှုကျင်းမင်... ငါ ဒီလောက်တောင် ကံဆိုးလိမ့်မယ်လို့ မထင်ထားဘူး..."</p> <p style="text-align:justify">အမှတ် (၃) တိုက်ခိုက်ရေးကွင်း။</p> <p style="text-align:justify">ရှုကျင်းမင်နှင့် ကျင်းချန်း နည်းပညာတက္ကသိုလ်မှ ကျိုးချောင်းတို့က မီတာ ၁၀၀ ခန့် အကွာအဝေးတွင် မျက်နှာချင်းဆိုင် ရပ်နေကြသည်။ ရှုကျင်းမင်၏ မျက်နှာက တည်ငြိမ်နေသော်လည်း ကျိုးချောင်း၏ မျက်နှာတွင်မူ စိတ်ပျက်အားငယ်မှုများ အထင်သား ပေါ်လွင်နေသည်။ ရှုကျင်းမင်နှင့် တွေ့ရခြင်းမှာ သူ၏ တစ်ဦးချင်းပြိုင်ပွဲက ပထမအဆင့်မှာတင် ဇာတ်သိမ်းရတော့မည်ဟု ဆိုလိုခြင်း ဖြစ်သည်။</p> <p style="text-align:justify">"ဒါပေမဲ့လည်း... ဘယ်သူသိမှာလဲ... ငါသာ နိုင်သွားခဲ့ရင်ရော... SSအဆင့် နိုးထသူတစ်ယောက်ကို အနိုင်ယူနိုင်တာက တကယ့်ကို ကြီးကျယ်တဲ့ ဂုဏ်သိက္ခာပဲ" မိမိကိုယ်ကိုယ် တိတ်တဆိတ် အားပေးပြီးနောက် ကျိုးချောင်းက တိုက်ပွဲဝင်လိုစိတ်ကို ပြန်လည် မွေးမြူလိုက်သည်။ သူက ပွဲစတင်ရန် ငြိမ်သက်စွာ စောင့်ဆိုင်းနေသည်။</p> <p style="text-align:justify">"ကွင်းပေါ်က ပြိုင်ပွဲဝင် ၈ ယောက်လုံး အသင့်ပြင်ထားကြပါ... ပွဲစဉ်တွေ အခု စတင်ပါတော့မယ်"</p> <p style="text-align:justify">ခဏအကြာတွင် အစီအစဉ်မှူး၏ အသံနှင့်အတူ ကွင်း ၄ ကွင်းလုံး၏ ပတ်ပတ်လည်တွင် ပွင့်လင်းမြင်သာသော စွမ်းအင်ဒိုင်းလွှာများ မြင့်တက်လာသည်။ ထို့နောက် ဟိုလိုဂရပ်ဖစ် ဂဏန်းများက ပြသလာပြီး Ai၏ အီလက်ထရောနစ် ရေတွက်သံက ပြိုင်ပွဲဝင် ၈ ယောက်လုံး၏ နားထဲတွင် တပြိုင်နက်တည်း မြည်ဟည်းလာတော့သည်။</p> <p style="text-align:justify">"၃"</p> <p style="text-align:justify">"၂"</p> <p style="text-align:justify">"၁"</p> <p style="text-align:justify">"စတင်စေ"</p> <p style="text-align:justify">ပွဲစသည်နှင့် ရှုကျင်းမင်က သူ၏ ဒုထျန်း နတ်ဘုရား မိုးကြိုးကို ချက်ချင်း အသက်သွင်းလိုက်သည်။ သူ၏ ခန္ဓာကိုယ်ပတ်လည်တွင် ရွှေရောင်လျှပ်စီးများ ဝန်းရံနေပြီး လက်ထဲတွင် လေလွင့်တိမ်တိုက် ရွှေရောင်လှံကို ကိုင်စွဲကာ အပြင်းအထန် ထိုးစစ်ဆင်ရန် ပြင်လိုက်သည်။</p> <p style="text-align:justify">သို့သော်လည်း သူ၏ပြိုင်ဘက် ကျိုးချောင်းသည်လည်း သူ၏ Aအဆင့် လေဓာတ် စွမ်းရည်ကို အသက်သွင်းလိုက်သည်။ သူ၏ ပတ်လည်တွင် လေပြင်းများ ဝန်းရံလာကာ သူက ကောင်းကင်ပေါ်သို့ တိုက်ရိုက် ပျံတက်သွားခဲ့သည်။</p> <p style="text-align:justify">"ဩော်... သူက ပျံသန်းနိုင်တဲ့ စွမ်းရည်ရှိတာပဲလား" ရှုကျင်းမင်၏ ခြေလှမ်းများ ခေတ္တရပ်သွားကာ ကောင်းကင်ပေါ်ရှိ ပုံရိပ်ကို မျက်မှောင်ကြုတ်၍ ကြည့်လိုက်သည်။ "အမှန်ပင်... ဘယ်လို စွမ်းရည်ပိုင်ရှင်မျိုးကိုမှ လျှော့တွက်လို့ မရဘူးပဲ"</p> <p style="text-align:justify">ယေဘုယျအားဖြင့် Aအဆင့် လေဓာတ် စွမ်းရည်ပိုင်ရှင် တစ်ဦးက စတုတ္ထအဆင့်မြင့် ရောက်မှသာ လေထဲတွင် ဝဲပျံနိုင်သည့် ခွန်အားရှိတတ်သည်။ ဤကျိုးချောင်းက စတုတ္ထအဆင့်နိမ့်ဖြင့် ဤစွမ်းရည်ကို ကျွမ်းကျင်နေခြင်းမှာ သိသိသာသာပင် ပါရမီရှိ၍ ဖြစ်သည်။</p> <p style="text-align:justify">"ရှုကျင်းမင် မင်း ဒါကို ထင်မထားဘူး မဟုတ်လား... ငါက ပျံနိုင်တယ်ဟေ့" ကျိုးချောင်း၏ အောင်နိုင်သူတစ်ဦးကဲ့သို့ အော်သံက ကောင်းကင်ယံမှ ထွက်ပေါ်လာသည်။ "ငါ့ရဲ့ စွမ်းအင်တွေ ကုန်မသွားမချင်း မင်း ငါ့ကို ထိဖို့တောင် မစဉ်းစားနဲ့"</p> <p style="text-align:justify">ကျိုးချောင်းက ရှုကျင်းမင်ကို အလွန်ပင် သတိထားနေသည်။ လေထဲတွင် ပျံသန်းနေစဉ်မှာပင် သူ၏ တည်နေရာကို အဆက်မပြတ် ပြောင်းလဲနေသည်။ ရှုကျင်းမင်၏ လျှပ်စီးတန်းများ သူ့ကို ထိမှန်သွားမည်ကို အလွန် ကြောက်လန့်နေပုံရသည်။</p> <p style="text-align:justify">“ဝှစ်... ဝှစ်... ဝှစ်...”</p> <p style="text-align:justify">လေပြင်းများ ဝန်းရံလျက် စိမ်းဖန့်ဖန့် လေဓားများစွာက အသံထက်မြန်သော အရှိန်ဖြင့် ရှုကျင်းမင်ဆီသို့ တိုးဝင်လာကြသည်။</p> <p style="text-align:justify">“ဘုန်း... ဘုန်း... ဘုန်း...”</p> <p style="text-align:justify">ရှုကျင်းမင်က ပေါ့ပါးသွက်လက်သော ကျားသစ်တစ်ကောင်ကဲ့သို့ ထိုလေဓားများကို လွယ်ကူစွာ ရှောင်တိမ်းလိုက်သည်။ လေဓားများက Cအဆင့် သတ္တုစပ် ကြမ်းပြင်ပေါ်သို့ ထိမှန်ကာ မာကျောသော မျက်နှာပြင်ပေါ်တွင် ကျင်းကြီးများ ဖြစ်သွားစေသည်။ မရှောင်နိုင်သော လေဓားများကိုမူ ရှုကျင်းမင်က လှံကို ဝှေ့ယမ်းကာ ဖယ်ရှားပစ်လိုက်သည်။ ရှောင်တိမ်းနေစဉ်မှာပင် သူက တိတ်တဆိတ် တွေးတောနေသည်။</p> <p style="text-align:justify">“ငါ့ရဲ့ အမြင့်ဆုံး ခုန်နိုင်စွမ်းက ၃၂ မီတာပဲ ရှိတယ်... သူ့ရဲ့ ပျံသန်းတဲ့ အမြင့်ကတော့ အနည်းဆုံး ၇၀ မီတာကျော်မယ်... ခုန်ရင်တောင် သူ့ကို မမီနိုင်ဘူး... မိုးကြိုးလှံရဲ့ တိုက်ခိုက်မှု အကွာအဝေးက မီနိုင်ပေမဲ့ သူက အဆက်မပြတ် ရွေ့နေတော့ ပစ်မှတ်ထားဖို့ ခက်တယ်”</p> <p style="text-align:justify">လေဓာတ် စွမ်းရည်ပိုင်ရှင် တစ်ဦးအနေဖြင့် ကျိုးချောင်း၏ ရွေ့လျားနှုန်းမှာ ငြင်းမရအောင်ပင် မြန်ဆန်လှသည်။ အနည်းဆုံး တစ်စက္ကန့်လျှင် မီတာ ၆၀ ခန့် ရှိနိုင်မည်ဟု ခန့်မှန်းရသည်။ ဤအခြေအနေမျိုးတွင် မိုးကြိုးလှံက အသံထက် အဆပေါင်းများစွာ မြန်သော်လည်း ကျိုးချောင်းက ရှုကျင်းမင်၏ အစပျိုး အနေအထားကို ကြည့်ရုံဖြင့် လွယ်ကူစွာ ရှောင်တိမ်းနိုင်သည်။</p> <p style="text-align:justify">“မိုးကြိုးအထွတ်အထိပ် အခြေအနေထဲကို ဝင်လိုက်ရင်တော့ သူ့ကို တိုက်ရိုက် အလဲထိုးနိုင်မှာပဲ... ဒါပေမဲ့ ဒါက စတုတ္ထအဆင့်နိမ့် ပြိုင်ဘက်လေး တစ်ယောက်ပဲလေ... ငါ့ရဲ့ ခွန်အားအစစ်ကို သုံးဖို့ တကယ်ပဲ လိုလို့လား” ရှုကျင်းမင်က မျက်မှောင်ကြုတ်လိုက်သည်။</p> <p style="text-align:justify">လေဓာတ် စွမ်းရည်ပိုင်ရှင်များ၏ ပျံသန်းနိုင်စွမ်းမှာ တကယ်ပင် စိတ်အနှောင့်အယှက် ဖြစ်စရာ ကောင်းသည်ဟု သူက ဝန်ခံလိုက်ရသည်။ </p> <p style="text-align:justify">“သူ့ရဲ့ ရွေ့လျားနှုန်းကို နှေးကွေးသွားအောင် လုပ်နိုင်မယ့် ဆွဲငင်အားမျိုးသာ ရှိရင်... ဆွဲငင်အားလား... ရပြီ” ရှုကျင်းမင်၏ မျက်ဝန်းများ လက်ခနဲ ဖြစ်သွားသည်။ သူ၏ စိတ်အာရုံနှင့်အတူ SSအဆင့် ဒုထျန်း နတ်ဘုရား မိုးကြိုးက အစွမ်းကုန် ပေါက်ကွဲထွက်လာတော့သည်။</p> <p style="text-align:justify">သိပ်သည်းလှသော ရွှေရောင်လျှပ်စီးတန်းများက သူ၏ ပတ်လည် မီတာ ၄၀ အတွင်းကို ပြည့်နှက်သွားစေသည်။ ကွင်းတစ်ခုလုံး၏ လေးပုံတစ်ပုံခန့်က ရွှေရောင်လျှပ်စီး ပင်လယ်ကြီးအဖြစ် ပြောင်းလဲသွားသည်။ လျှပ်စီးများဆီမှ ထွက်ပေါ်လာသော ကြောက်မက်ဖွယ်ရာ စွမ်းအင် အရှိန်အဝါကြောင့် ကောင်းကင်ပေါ်ရှိ ကျိုးချောင်းပင် မျက်တောင်များ တဆတ်ဆတ် တုန်သွားရသည်။ သူ၏ ခန္ဓာကိုယ်မှာ ကြံ့ခိုင်ရေး စွမ်းရည်ပိုင်ရှင်များကဲ့သို့ မဟုတ်ပေ။ ထိုလျှပ်စီးတန်း တစ်ခုတည်းကသာ သူ့ကို ထိမှန်သွားပါက နေရာမှာတင် ပြင်းထန်စွာ ဒဏ်ရာရသွားမည် မဟုတ်ပါလား။</p> <p style="text-align:justify">"ရှုကျင်းမင် အပိုပဲကွာ ငါ့ရဲ့ ပျံသန်းတဲ့ အမြင့်က ၇၅ မီတာ အပြည့်ရှိတယ် မင်းရဲ့ လျှပ်စီးတွေ ငါ့ကို မမီနိုင်ဘူး" သူက အော်ဟစ်လိုက်သည်။</p> <p style="text-align:justify">"ဩော်... ပျံသန်းနိုင်တာက အဲဒီလောက်ကြီး အစွမ်းထက်နေလို့လား" ရှုကျင်းမင်၏ နှုတ်ခမ်းထောင့်တွင် အပြုံးတစ်ခု ပေါ်လာသည်။ "မိုးကြိုးမုန်တိုင်း ရှေ့မှာဆိုရင် တိုက်လေယာဉ်တစ်စင်းကိုတောင် ငါ ဆွဲချပစ်နိုင်တယ်"</p> <p style="text-align:justify">“ဝုန်း...”</p> <p style="text-align:justify">သူ၏ စိတ်ဝိညာဉ် ထိန်းချုပ်မှုအောက်တွင် ရွှေရောင်လျှပ်စီး ပင်လယ်ကြီးတစ်ခုလုံး ပေါက်ကွဲထွက်သွားပြီး ကျိုးချောင်း၏ ထိတ်လန့်နေသော အကြည့်များအောက်တွင် မီတာ ၃၀ ကျော် မြင့်မားသော ဧရာမ ရွှေရောင် မိုးကြိုးမုန်တိုင်းကြီးအဖြစ် ပေါ်ပေါက်လာတော့သည်။</p> <p style="text-align:justify">***</p>


Save