Book List

<h2 style="text-align: center;">အခန်း ၂၇၄ - ပြည်ပအင်အားစုများ၏ စည်းရုံးမှု </h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"မိုးကြိုးဧကရာဇ်"</p> <p style="text-align:justify">"မိုးကြိုးဧကရာဇ်"</p> <p style="text-align:justify">အားကစားကွင်းတစ်ခုလုံး ပွက်ပွက်ဆူသွားမတတ် ဟိန်းထွက်နေသော အားပေးသံများကြားတွင် ကျိုးချောင်းကို ဆေးဘက်ဆိုင်ရာ ဝန်ထမ်းများက ကွင်းပြင်ပသို့ တိုက်ရိုက် သယ်ဆောင်သွားကြသည်။</p> <p style="text-align:justify">"တောက် တောက်... ငါ့အထင်တော့ မိုးကြိုးဧကရာဇ်က လက်လျှော့ပေးလိုက်ပုံပဲ... ဒီဒဏ်ရာတွေက ဒီမနက်က ပိုင်ရှန်းအဖွဲ့ ရခဲ့တဲ့ ဒဏ်ရာတွေနဲ့ ယှဉ်ရင် ဘာမှမဟုတ်သလိုပဲ"</p> <p style="text-align:justify">"ဟုတ်တယ်... ပိုင်ရှန်းအဖွဲ့ရဲ့ ဒဏ်ရာတွေက ပိုပြင်းထန်တာ"</p> <p style="text-align:justify">"ဟုတ်လို့လား... ငါတော့ သိပ်သတိမထားမိလိုက်ဘူး"</p> <p style="text-align:justify">ပရိသတ်များက ဆွေးနွေးရင်း ကျိုးချောင်း၏ ဒဏ်ရာများကို နံနက်ပိုင်းက ပိုင်ရှန်း တက္ကသိုလ်အဖွဲ့၏ ဒဏ်ရာများနှင့် မသိမသာ နှိုင်းယှဉ်နေကြသည်။ ကျိုးချောင်း၏ ရင်ဘတ်ပေါ်ရှိ ဒဏ်ရာမှာ ကြီးမားပုံရသော်လည်း အမှန်စင်စစ် ကုသရန် အလွန်လွယ်ကူသည်။</p> <p style="text-align:justify">အခြားတစ်ဖက်တွင်မူ ရှုကျင်းမင်၏ ဒုထျန်း နတ်ဘုရား မိုးကြိုး နှင့် တိုက်ရိုက် ထိတွေ့ခဲ့ရသော ပိုင်ရှန်းအဖွဲ့ဝင် နှစ်ဦးမှာမူ အသက်အန္တရာယ် စိုးရိမ်ရသည့် အခြေအနေသို့ ရောက်ရှိသွားခဲ့သည်။ အထူးသဖြင့် ဒုအဖွဲ့ခေါင်းဆောင် ခယ်လျန်မှာ မိုးကြိုးဗုံးကြဲခြင်းကို ခံလိုက်ရသဖြင့် သူ၏ တစ်ကိုယ်လုံးရှိ ကြွက်သားနှင့် အရေပြား လေးပုံတစ်ပုံခန့်မှာ ပြန်လည်ကောင်းမွန်လာနိုင်ခြင်း မရှိတော့ဘဲ မီးကျွမ်းသွားခဲ့ရသည်။ ယခုတိုင် ဆေးအဖွဲ့က သူ့ကို အသည်းအသန် ကယ်တင်နေရဆဲ ဖြစ်သည်။</p> <p style="text-align:justify">ထိုဒဏ်ရာများနှင့် နှိုင်းယှဉ်ပါက ကျိုးချောင်း၏ ဒဏ်ရာမှာ အမှန်တကယ်ပင် သိပ်မပြင်းထန်လှပေ။</p> <p style="text-align:justify">"ဒီလိုကြည့်ရင်တော့ မိုးကြိုးဧကရာဇ်ရဲ့ တိုက်ခိုက်ပုံက နည်းနည်းတော့ ရက်စက်သလိုပဲနော်"</p> <p style="text-align:justify">တစ်ဦးက မသိစိတ်ဖြင့် ပြောလိုက်သော်လည်း အခြားသူများ၏ ပြန်လည်ချေပမှုကို ချက်ချင်း ခံလိုက်ရသည်။</p> <p style="text-align:justify">"ရက်စက်တယ် ဟုတ်လား အဲဒီ ပိုင်ရှန်း ဒုအဖွဲ့ခေါင်းဆောင်ကသာ မိုးကြိုးဧကရာဇ်ရဲ့ ဝမ်းကွဲညီမကို အရင် သွားမနှောင့်ယှက်ရင် သူ ဒီလောက် ပြင်းပြင်းထန်ထန် တိုက်ခိုက်မှာ မဟုတ်ဘူး"</p> <p style="text-align:justify">"ဘုရားရေ... အဲလို ဖြစ်ခဲ့တာလား... ဗီဒီယိုရှိလား... မြန်မြန် ငါ့ကို ပြဦး"</p> <p style="text-align:justify">"နေဦး... အခုပဲ ရှာပေးမယ်"</p> <p style="text-align:justify">ပရိသတ်များ၏ သတင်းစပ်စုနိုင်စွမ်းမှာ တကယ်ပင် ကြောက်စရာကောင်းလှသည်။ သူတို့က မနေ့က ချင်းရွှီမြို့ အမြန်ရထားဘူတာ အပြင်ဘက်တွင် ဖြစ်ပျက်ခဲ့သည်များကို ချက်ချင်းပင် တူးဆွနိုင်ခဲ့ကြသည်။ အကြောင်းရင်းကို သိသွားကြပြီးနောက် ရှုကျင်းမင် ဘာကြောင့် ထိုမျှ ပြင်းထန်စွာ တိုက်ခိုက်ခဲ့သည်ကို လူတိုင်း နားလည်သွားကြတော့သည်။ ခဏချင်းမှာပင် ပိုင်ရှန်းအဖွဲ့က ထိုက်တန်သည်ကို ရသွားခြင်းဖြစ်သည်ဟု သူတို့အားလုံး ဝိုင်းဆဲကြတော့သည်။</p> <p style="text-align:justify">ခွန်အားမရှိသည်မှာ ကိစ္စမရှိသော်လည်း ကိုယ်ကျင့်တရားပါ မကောင်းပါက အခြားသူများ၏ အထင်သေးခြင်းကို ခံရမည်မှာ မလွဲပေ။</p> <p style="text-align:justify">"ကောင်းကင်ပေါ် ပျံနိုင်တဲ့ ကျိုးချောင်းက နည်းနည်းတော့ ကြာကြာ ခုခံနိုင်မယ် ထင်ထားတာ... ဒါပေမဲ့လည်း တစ်ချက်တည်းနဲ့ အလဲထိုးခံလိုက်ရတာပဲ"</p> <p style="text-align:justify">"ဒါပေမဲ့ ဒါက ရှုကျင်းမင်ရဲ့ စွမ်းရည်အပေါ် ထိန်းချုပ်နိုင်စွမ်းက ဘယ်လောက်တောင် ထူးချွန်လဲဆိုတာကို ပြနေတာပဲ"</p> <p style="text-align:justify">"SSအဆင့် စွမ်းရည်ကို ဒီလောက်အထိ ကျွမ်းကျင်စွာ ထိန်းချုပ်နိုင်တာလား အကယ်၍ ဒါက Aအဆင့် စွမ်းရည်သာဆိုရင် သူ ဘယ်လိုတွေတောင် ကစားပြမလဲဆိုတာ စဉ်းစားလို့တောင် မရဘူး"</p> <p style="text-align:justify">"ဟုတ်တယ်... ဒီမိုးကြိုးမုန်တိုင်းကိုသာ နောက်ထပ် နည်းနည်းလောက် ပိုပြီး ပြုပြင်မွမ်းမံလိုက်ရင် အနည်းဆုံး Bအဆင့် တိုက်ခိုက်ရေးနည်းစနစ် ဖြစ်သွားမှာပဲ"</p> <p style="text-align:justify">"ဒါတင်မကဘူး... မိုးကြိုးမုန်တိုင်းနဲ့ မိုးကြိုးလှံ ပေါင်းစပ်လိုက်တာက လေဓာတ် စွမ်းရည်ပိုင်ရှင်တွေအတွက်တော့ တကယ့် ငရဲပဲ"</p> <p style="text-align:justify">သာမန်ပရိသတ်များနှင့် မတူဘဲ တက္ကသိုလ်အသီးသီးမှ နည်းပြများက ရှုကျင်းမင်၏ စွမ်းရည်ကို တိကျစွာ ထိန်းချုပ်နိုင်မှုအပေါ် ပိုမို အာရုံစိုက်နေကြသည်။ အဆင့်မြင့်လေ ထိန်းချုပ်ရ ခက်ခဲလေပင် ဖြစ်သည်။ SSအဆင့် စွမ်းရည်ကို ထိန်းချုပ်ရသည့် ခက်ခဲမှုမှာ အလွန်ပင် မြင့်မားလှသည်။ သို့သော် ရှုကျင်းမင်က ၎င်းကို စုပ်အားပြင်းသော မိုးကြိုးမုန်တိုင်းအဖြစ် ပုံဖော်နိုင်ခဲ့သည်။ ၁၉ နှစ်အရွယ် စွမ်းရည်ပိုင်ရှင် တစ်ဦးအတွက်မူ ဤသည်မှာ တကယ်ကို မယုံနိုင်စရာပင်။</p> <p style="text-align:justify">အံ့အားသင့်ရုံတင်မကဘဲ အချို့သော တက္ကသိုလ်များက ရှုကျင်းမင်၏ ဤထူးခြားချက်ကို မှတ်သားထားပြီး သူတို့၏ ကိုယ်စားလှယ်အဖွဲ့များကို ပိုမို သတိထားရန် ညွှန်ကြားလိုက်ကြတော့သည်။</p> <p style="text-align:justify">"ပထမဆုံးပွဲမှာတင် အောင်ပွဲရခဲ့တာပဲ... အဖွဲ့ခေါင်းဆောင်က တကယ်ကို အံ့သြဖို့ကောင်းတယ်"</p> <p style="text-align:justify">"အဖွဲ့ခေါင်းဆောင်က ပြိုင်ဘက်ကင်းပဲဟေ့"</p> <p style="text-align:justify">ရှုကျင်းမင် ကွင်းပေါ်မှ ဆင်းလာပြီး မဂျစ်စီးတီး ပွဲကြည့်စင်သို့ ပြန်ရောက်သည်နှင့် သူ၏ အဖွဲ့ဖော်များက လှိုက်လှိုက်လှဲလှဲ ဂုဏ်ပြုကြသည်။</p> <p style="text-align:justify">"ငါတော့ ပထမအဆင့်ကို ကျော်ဖြတ်နိုင်ခဲ့ပြီ... အခုတော့ မင်းတို့ အလှည့်ပဲ" ရှုကျင်းမင်က ပြုံးလျက် ပြောလိုက်သည်။</p> <p style="text-align:justify">တစ်ဦးချင်း ပြိုင်ပွဲတွင် ထိပ်တန်း ရှစ်ယောက်စာရင်းဝင်ပါက ဆုလာဘ်များ ရရှိမည်ဖြစ်သည်။ မဂျစ်စီးတီးမှ လူများများ ထိပ်တန်းရှစ်ယောက်စာရင်းဝင်လေ ပိုကောင်းလေ မဟုတ်ပါလား။</p> <p style="text-align:justify">"စိတ်ချပါ... ငါတို့လည်း ကျော်ဖြတ်နိုင်မှာပါလို့ အာမခံတယ်"</p> <p style="text-align:justify">ယောင်ဖန်နှင့် အခြားသူများက ရင်ဘတ်ကို ပုတ်ကာ အာမခံချက် ပေးကြသည်။ သူတို့၏ ပြိုင်ဘက်များမှာ သိပ်မအစွမ်းထက်လှသဖြင့် လူတိုင်း၏ နိုင်ခြေမှာ ၇၀ ရာခိုင်နှုန်းကျော် ရှိနေသည်။ စတုတ္ထအဆင့်လတ်တွင် ရှိနေသော ခုန်းရှီနှင့် ယောင်ဖန်တို့အတွက်မူ နိုင်ခြေမှာ ၉၀ ရာခိုင်နှုန်းအထိ ရှိနေသည်။</p> <p style="text-align:justify">တစ်ဦးချင်း ပြိုင်ပွဲများ ဆက်လက် ကျင်းပနေသည်။ ရှုကျင်းမင်က သူ၏ ပွဲစဉ်ပြီးဆုံးသွားသဖြင့် ဆုန့်ချိုးယွန်း၏ ဘေးတွင် ထိုင်ကာ ပွဲများကို အတူတူ ကြည့်ရှုနေသည်။ နေ့လယ်ပိုင်း၏ တစ်ဦးချင်း ပြိုင်ပွဲတွင် စုစုပေါင်း ရှစ်ကြိမ်ရှိပြီး ပွဲတိုင်းနီးပါးမှာ မိနစ် ၃၀ ပြည့်သည်အထိ ကြာမြင့်တတ်သည်။ ထိုအထဲတွင် ခုန်းရှီနှင့် အခြားသူများမှာ အလွန်အစွမ်းထက်ကြသဖြင့် ထိပ်တန်း ၃၂ ယောက်စာရင်းသို့ အသီးသီး တက်လှမ်းနိုင်ခဲ့ကြသည်။</p> <p style="text-align:justify">ရှုကျင်းမင်က ကျင်းချန်း တက္ကသိုလ်၏ အဖွဲ့ခေါင်းဆောင် ဝမ်ချီ၏ ပွဲစဉ်ကိုလည်း စောင့်ကြည့်ခဲ့သည်။ Sအဆင့်အတု မြေဓာတ် စွမ်းရည်နှင့် စတုတ္ထအဆင့်မြင့် ကျင့်ကြံမှု အဆင့်အတန်းကြောင့် သူသည်လည်း သူ၏ပွဲစဉ်ကို ၁၀ စက္ကန့်ပင် မပြည့်မီ အနိုင်ယူပြသွားခဲ့သည်။ မြေဓာတ် စွမ်းရည်များက မိုးကြိုးဓာတ်ကဲ့သို့ အမြင်အာရုံကို ဖမ်းစားနိုင်စွမ်း မရှိသော်လည်း တစ်ဦးချင်းပြိုင်ပွဲ၏ ဗိုလ်စွဲရန် ရေပန်းအစားဆုံးသူ ဖြစ်သဖြင့် ဝမ်ချီတွင်လည်း အားပေးသူများစွာ ရှိနေသည်။</p> <p style="text-align:justify">သူ တိုက်ခိုက်နေချိန်တွင် ကွင်းတစ်ခုလုံးက သူ၏ နာမည်ကို အော်ဟစ်နေကြသည်။ စင်ပေါ်မှ ဆင်းလာပြီးနောက် ဝမ်ချီက ရှုကျင်းမင်ရှိရာဘက်သို့ တိုက်ရိုက် ကြည့်လိုက်ရာ သူ၏ မျက်ဝန်းများထဲတွင် ပြင်းပြလှသော တိုက်ပွဲဝင်လိုစိတ်များ တောက်လောင်နေသည်ကို တွေ့ရသည်။ ရှုကျင်းမင်ကလည်း အားမနာတမ်း ပြန်လည် စိုက်ကြည့်လိုက်ကာ အရှုံးမပေးကြောင်း ပြသလိုက်သည်။</p> <p style="text-align:justify"><br /> "တစ်ဦးချင်း ပြိုင်ပွဲရဲ့ ထိပ်တန်း ၆၄ ယောက်ကနေ ၃၂ ယောက်အဆင့် ပွဲစဉ်တွေ အားလုံး ပြီးဆုံးသွားပါပြီ။ ဒီနေ့အတွက် ပွဲစဉ်တွေကတော့ ဒီမှာတင် ပြီးဆုံးပါပြီ... မနက်ဖြန် ပွဲစဉ်တွေကိုတော့ နံနက် ၉ နာရီ တိတိမှာ ပြန်လည် စတင်မှာ ဖြစ်ပါတယ်။ အားလုံးပဲ အစီအစဉ်တကျ ကွင်းပြင်ပကို ထွက်ခွာပေးကြပါ"</p> <p style="text-align:justify">ညနေ ၆ နာရီတွင် တစ်ဦးချင်း ပြိုင်ပွဲများ ပြီးဆုံးသွားပြီး ပရိသတ်များမှာ ကွင်းပြင်ပသို့ စတင် ထွက်ခွာကြသည်။ ဒီနေ့က ပြိုင်ပွဲ၏ ပထမဆုံးနေ့သာ ဖြစ်သော်လည်း စိတ်လှုပ်ရှားဖွယ် တိုက်ပွဲများကြောင့် သူတို့မှာ ဆက်လက် ကြည့်ရှုချင်စိတ်များ ပြင်းပြနေကြဆဲ ဖြစ်သည်။ ကွင်းပြင်ပသို့ ထွက်ခွာနေစဉ်မှာပင် သူတို့ အကြိုက်ဆုံး ပြိုင်ပွဲဝင်များအကြောင်းကို အပြင်းအထန် ငြင်းခုံနေကြသေးသည်။</p> <p style="text-align:justify">"ရှောင်မင်... တို့တွေ ဗီလာကို ပြန်တော့မလို့... မင်း တို့နဲ့အတူ လိုက်ဦးမလား" အဒေါ်ဖြစ်သူ မိသားစုကလည်း ပြန်ရန် ထရပ်လိုက်ကြသည်။</p> <p style="text-align:justify">"အဒေါ်တို့ အရင် ပြန်နှင့်ကြပါ... ကျွန်တော် နည်းနည်း နောက်ကျမှ ပြန်မယ်" ရှုကျင်းမင်က ခေါင်းခါလျက် ငြင်းလိုက်သည်။ အခုအချိန်သာ ထွက်သွားပါက အားကစားကွင်း အဝင်ဝမှာတင် လူအုပ်ဝိုင်းတာ ခံရပြီး ပြန်ထွက်နိုင်တော့မည် မဟုတ်ပေ။</p> <p style="text-align:justify">"ချိုးယွန်းကရော" တန်ချီက ဆုန့်ချိုးယွန်းကို ပြုံးလျက် ကြည့်လိုက်သည်။ အတူနေလာသည်မှာ သိပ်မကြာသေးသော်လည်း သူမက ဆုန့်ချိုးယွန်းအပေါ် အလွန် အမြင်ကောင်းနေသည်။</p> <p style="text-align:justify">"ကျွန်မလည်း ကျင်းမင်နဲ့အတူပဲ နောက်မှ ပြန်မယ်လေ" ဆုန့်ချိုးယွန်းက ရှုကျင်းမင်၏ လက်မောင်းကို ဖက်လျက် ပြုံးကာ ပြောလိုက်သည်။</p> <p style="text-align:justify">"ကောင်းပါပြီ... ဒါဆို တို့တွေ အရင် သွားနှင့်မယ်နော်" တန်ချီက သိပ်ပြီး အံ့သြမနေတော့ပေ။ သူမက လက်ဝှေ့ယမ်းကာ သူမ၏ မိဘများကို ဦးဆောင်၍ အရင် ထွက်ခွာသွားခဲ့သည်။ ချီဒုံရှန်းကလည်း သူတို့ကြားတွင် ကြားညှပ်မနေချင်သဖြင့် သူတို့နောက်မှ လိုက်သွားခဲ့သည်။ သူတို့ ထွက်ခွာသွားပြီး မကြာမီမှာပင် ဆရာကြီး ရန်ကျန့်ထျန်းက မဂျစ်စီးတီး ပွဲကြည့်စင်ဘက်မှ လျှောက်လာသည်။</p> <p style="text-align:justify">"ဆရာ...." ရှုကျင်းမင်နှင့် ဆုန့်ချိုးယွန်းတို့က လေးစားစွာ နှုတ်ဆက်လိုက်ကြသည်။</p> <p style="text-align:justify">"အင်း" ရန်ကျန့်ထျန်းက ခေါင်းညိတ်ပြပြီး ရှုကျင်းမင်ဘက်သို့ လှည့်ကြည့်လိုက်သည်။ "မိုးကြိုးသိုင်းသင်တန်းကျောင်း၊ ဝက်ဝံကြမ်း သိုင်းသင်တန်းကျောင်း၊ ဂုဏ်သိက္ခာ တပ်မတော်၊ ဥက္ကာပျံ ဂိုဏ်းနဲ့ တခြားသော အင်အားစုတွေ အများကြီးက ငါ့ကတစ်ဆင့် မင်းကို ဖိတ်ခေါ်ထားကြတယ်... မင်းနဲ့ သီးသန့် စကားပြောချင်ကြတယ်တဲ့"</p> <p style="text-align:justify">ရှုကျင်းမင်တွင် SSအဆင့် စွမ်းရည်ရှိကြောင်း သိသွားကြပြီးနောက် ထိုအင်အားစုများမှာ သူ့ကို စည်းရုံးရန် အလွန် စိတ်အားထက်သန်နေကြသည်။ သို့သော် ရှုကျင်းမင်က မဂျစ်စီးတီး၏ ကျောင်းသားတစ်ဦး ဖြစ်နေဆဲ ဖြစ်သလို ယခုမှာ တက္ကသိုလ်ပေါင်းစုံ လိဂ်ပြိုင်ပွဲအတွင်းလည်း ဖြစ်နေသဖြင့် မဂျစ်စီးတီးကို ကျော်ပြီး သူ့ကို သီးသန့် ဆက်သွယ်ရန် မဝံ့ရဲကြပေ။ ထို့ကြောင့်လည်း ဤကဲ့သို့ ဆရာကြီးမှတစ်ဆင့် အကြောင်းကြားခြင်း ဖြစ်သည်။</p> <p style="text-align:justify">"သီးသန့် စကားပြောမယ် ဟုတ်လား... စည်းရုံးဖို့အတွက်လား" ရှုကျင်းမင်က မျက်မှောင်ကြုတ်သွားသော်လည်း ရန်ကျန့်ထျန်း၏ အကြံဉာဏ်ကို အရင်တောင်းခံလိုက်သည်။ "ဆရာ... ဆရာ့ဘက်က ဘယ်လို ထင်လဲ"</p> <p style="text-align:justify">"ဒါက မင်းအပေါ်မှာပဲ မူတည်ပါတယ်... မင်း အခြေအနေကို သိချင်တယ်ဆိုရင်တော့ သူတို့နဲ့ စကားပြောကြည့်လို့ ရတယ်... မင်း မလိုလားဘူးဆိုရင်လည်း ထားလိုက်ပါ... ငါ မင်းကိုယ်စား အားလုံးကို တိုက်ရိုက် ငြင်းပယ်ပေးလိုက်မယ်"</p> <p style="text-align:justify">အမှန်စင်စစ် ရှုကျင်းမင် တစ်ယောက်တည်း မဟုတ်ပေ။ လိဂ်ပြိုင်ပွဲတွင် ပါဝင်သည့် ပြိုင်ပွဲဝင်တိုင်းက အင်အားစု အသီးသီး၏ စည်းရုံးမှုကို ခံရမြဲ ဖြစ်သည်။ စတုတ္ထနှစ် ကျောင်းသားများအတွက်မူ ရန်ကျန့်ထျန်းက ကျောင်းဆင်းပြီးနောက် လမ်းကြောင်းကောင်းရစေရန် ထိုအင်အားစုများနှင့် ဆက်သွယ်ရန် အကြံပြုလေ့ရှိသည်။ သို့သော် ရှုကျင်းမင်မှာ ပထမနှစ်သာ ရှိသေးသဖြင့် ဤမျှ အလောတကြီး လုပ်ရန် မလိုအပ်ပေ။</p> <p style="text-align:justify">"ဒါဆိုရင် ဆရာ... ကျွန်တော့်ကိုယ်စား အားလုံးကို ငြင်းပေးလိုက်ပါ" ရှုကျင်းမင်က ခဏတာ စဉ်းစားပြီးနောက် ပြန်ဖြေလိုက်သည်။</p> <p style="text-align:justify">"မင်း ဒီလိုပြောမယ်ဆိုတာ ငါ သိပြီးသားပါ ကောင်းပြီ... ငါ မင်းကိုယ်စား အားလုံးကို ငြင်းပေးလိုက်မယ်" ရန်ကျန့်ထျန်းက လက်ဝှေ့ယမ်းကာ လျှင်မြန်စွာ ထွက်ခွာသွားသည်။ ဖိတ်ခေါ်ထားသည့် အင်အားစုများစွာ ရှိနေသဖြင့် သူ တစ်ယောက်ချင်းစီကို ဖုန်းဆက်ပြီး ငြင်းဆိုရန် အချိန်အတော်ပေးရပေဦးမည်။</p> <p style="text-align:justify">"ကျင်းမင်... မင်း ဘာလို့ သူတို့အကြောင်းကို အရင် သွားမလေ့လာကြည့်တာလဲ" ဆုန့်ချိုးယွန်းက သူမ၏ ခေါင်းလေးကို စောင်းကာ နားမလည်နိုင်သလို မေးလိုက်သည်။ ဆုန့်မိသားစုအတွက်တောင်မှ နဝမအဆင့် သိုင်းသူတော်စင် တစ်ဦးထက်မက ပိုင်ဆိုင်ထားသော ထိုအင်အားစုများက တကယ့် ဧရာမ ဘီလူးကြီးများ ဖြစ်ကြသည်။ ထိုကဲ့သို့သော အင်အားစုတစ်ခု၏ အထောက်အပံ့ကို ရရှိပါက သူ၏ အနာဂတ် တိုးတက်မှုမှာလည်း အလွန်ပင် ချောမွေ့ပေလိမ့်မည်။</p> <p style="text-align:justify">"ဘာလို့လဲဆိုတော့ ငါ့အတွက် သူတို့က မလိုအပ်လို့ပဲ" ရှုကျင်းမင်က ဆုန့်ချိုးယွန်း၏ ခေါင်းလေးကို ပွတ်သပ်ပေးကာ သိပ်ပြီး မရှင်းပြတော့ပေ။ Systemရှိနေသဖြင့် သူ၏အတွက် ပြင်ပမှ အရင်းအမြစ် ထောက်ပံ့မှုမှာ မလိုအပ်သလောက်ပင် ဖြစ်သည်။ တိုက်ခိုက်ရေးနည်းစနစ်များနှင့် လျှို့ဝှက်ကျမ်းစာများ အတွက်ဆိုလျှင်လည်း လက်ရှိ မဂျစ်စီးတီး တက္ကသိုလ်က သူ၏ လိုအပ်ချက်ကို ဖြည့်ဆည်းပေးနိုင်သည်။</p> <p style="text-align:justify">"အဲလိုလား..." ဆုန့်ချိုးယွန်းက တစ်ဝက်တစ်ပျက် နားလည်သလို ခေါင်းညိတ်လိုက်သည်။ ထိုဖြူစင်ပြီး ချစ်စရာကောင်းသော ပုံစံလေးကြောင့် ရှုကျင်းမင်မှာ မနေနိုင်တော့ဘဲ သူ၏ လက်ကြီးဖြင့် သူမ၏ သွယ်လျသော ခါးလေးကို ဖက်လိုက်ပြီး "အချိန်က စောသေးတယ်လေ... ဒီမှာ သီးသန့် လေ့ကျင့်ရေးခန်းတွေ ရှိတယ်... ညစာ စားပြီးရင် ဒီမှာ ခဏလောက် လေ့ကျင့်ပြီးမှ ပြန်ကြတာပေါ့"</p> <p style="text-align:justify">"လေ့ကျင့်မယ် ဟုတ်လား..." ဆုန့်ချိုးယွန်းမှာ ဘာကို တွေးမိသည်မသိပေ။ သူမ၏ လှပသော မျက်နှာလေးမှာ အနည်းငယ် နီမြန်းသွားကာ ရှုကျင်းမင် ခေါ်ရာနောက်သို့ လိုက်ပါသွားခဲ့သည်။</p> <p style="text-align:justify">စွမ်းရည်ပိုင်ရှင်များက သူတို့၏ အဆင့်ကို တိုးမြှင့်ရန်အတွက် စွမ်းရည်ကျင့်စဉ်များကို လေ့ကျင့်ကြရသည်။ ထို့ကြောင့် သီးသန့် လေ့ကျင့်ရေးခန်းသို့ ရောက်သည်နှင့် သူတို့နှစ်ဦးက နေ့စဉ်မပျက် လေ့ကျင့်ရသော စွမ်းရည်ကျင့်စဉ်များကို စတင် လေ့ကျင့်ကြတော့သည်။ ထို့နောက် သူတို့၏ လှံသိုင်းနှင့် ပုဆိန်လှံသိုင်းများကို ည ၁၀ နာရီ ကျော်သည်အထိ လေ့ကျင့်ပြီးမှသာ အားကစားကွင်းမှ ထွက်ခွာခဲ့ကြသည်။</p> <p style="text-align:justify">သူတို့က ပရိသတ်များ သွားလာသော လမ်းမှ မသွားဘဲ ပြိုင်ပွဲဝင်များအတွက် သီးသန့် လမ်းမှတစ်ဆင့် ထွက်ခွာခဲ့ခြင်း ဖြစ်သည်။ ဤသည်မှာလည်း လမ်းတွင် ပရိသတ်များ ဝိုင်းအုံခြင်းကို မခံရစေရန်အတွက် ဖြစ်သည်။ အားကစားကွင်းမှ ဗီလာသို့ လမ်းလျှောက်ပါက လေးမိနစ်ပင် မကြာပေ။</p> <p style="text-align:justify">ရှုကျင်းမင်နှင့် ဆုန့်ချိုးယွန်းတို့ လမ်းတစ်ဝက်ပင် မရောက်သေးမီမှာပင် လမ်းဘေးမှ တစ်စုံတစ်ဦးက ထွက်လာကာ သူတို့၏ လမ်းကို ပိတ်ဆို့လိုက်သည်။ လမ်းဘေး ဓာတ်တိုင်မှ အလင်းရောင်အောက်တွင် ထိုသူမှာ နိုင်ငံခြားသူ အမျိုးသမီးတစ်ဦး ဖြစ်ကြောင်း ထင်ရှားစွာ မြင်တွေ့ရသည်။ ထိုအမျိုးသမီးတွင် ရွှေရောင်ဆံပင်နှင့် ပြာလွင်သော မျက်ဝန်းများ ရှိပြီး အနက်ရောင် တိုက်ပွဲဝင်ဝတ်စုံနှင့် သူမ၏ ခန္ဓာကိုယ်မှာ အလွန်ပင် ဆွဲဆောင်မှု ရှိလှသည်။</p> <p style="text-align:justify">ထိုခဏတွင် သူမ၏ စိမ်းဖန့်ဖန့် မျက်ဝန်းများဖြင့် ကြည့်လိုက်ပြီးနောက် သူမ၏ သွယ်လျသော ညာဘက်လက်ကို ကမ်းပေးလိုက်သည်။</p> <p style="text-align:justify">"မင်္ဂလာပါ ရှုကျင်းမင်ရှင့်... ကျွန်မက အမေရိကန် ပြည်ထောင်စုက ဝီလျံ မိသားစုရဲ့ ကိုယ်စားလှယ် အနေနဲ့ လာတာပါ... ရှင့်ကို လှိုက်လှိုက်လှဲလှဲ နှုတ်ခွန်ဆက်သပါတယ်"</p> <p style="text-align:justify">သူမ၏ တရုတ်စကားမှာ အလွန်ပင် ပြေပြစ်လှသည်။ သို့သော် ရှုကျင်းမင်မှာမူ ဤသည်ကို မတုံ့ပြန်ဘဲ သူမကို ငြိမ်သက်စွာသာ ကြည့်နေသည်။ ထိုအမျိုးသမီးကလည်း ဤအခြေအနေကို ကြိုတင် ခန့်မှန်းထားပုံရသဖြင့် ရှက်ရွံ့ခြင်း မရှိပေ။ သူမက ဘာမှမဖြစ်သကဲ့သို့ သူမ၏ လက်ကို ပြန်ရုတ်လိုက်ပြီး ညင်သာစွာ ပြောလိုက်သည်။</p> <p style="text-align:justify">"ရှုကျင်းမင်ရှင့်... ကျွန်မတို့ ဘာကြောင့် လာတယ်ဆိုတာ ရှင် နားလည်ပြီးသား ဖြစ်မှာပါ ဒါကြောင့် စကားတွေကို အပိုတွေ မပြောတော့ပါဘူး... ရှင်သာ မဟာနွေရာသီ တိုင်းပြည်ရဲ့ နိုင်ငံသားအဖြစ်ကနေ နှုတ်ထွက်ပြီး ကျွန်မတို့ ဝီလျံ မိသားစုဆီ လာပူးပေါင်းမယ်ဆိုရင်... ရှင် လိုချင်တာမှန်သမျှကို ကျွန်မတို့ ပေးနိုင်ပါတယ်"</p> <p style="text-align:justify">***</p>


Save