Book List

<h2 style="text-align: center;">အခန်း ၂၇၅ - ဒုတိယမြောက် အသင်းလိုက်ပွဲ </h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">"ငါလိုချင်တာမှန်သမျှ ပေးနိုင်တယ် ဟုတ်လား... စကားလုံးတွေက တော်တော်ကြီးတာပဲ" ရှုကျင်းမင်က သူ၏ ဓားကဲ့သို့ ထက်မြက်သော မျက်ခုံးများကို ပင့်လိုက်ရင်း ပြောလိုက်သည်။</p> <p style="text-align:justify">"ဒါက စကားကြီးတာ မဟုတ်ပါဘူး... ငါတို့ တကယ် လုပ်ပေးနိုင်လို့ ပြောတာပါ"</p> <p style="text-align:justify">ထိုအမျိုးသမီးက ခေါင်းခါလျက် သူမကိုယ်သူမ မိတ်ဆက်လိုက်သည်။</p> <p style="text-align:justify">"ရှုကျင်းမင်က မဟာနွေရာသီ တိုင်းပြည်မှာပဲ နေတာဆိုတော့ ကျွန်မတို့ ဝီလျံ မိသားစုအကြောင်း မသိတာက သဘာဝကျပါတယ်... အမှန်တော့ ကျွန်မတို့ ဝီလျံ မိသားစုမှာ နဝမအဆင့် သိုင်းသူတော်စင် သုံးယောက်ရှိပြီး ရှေးဟောင်းယဉ်ကျေးမှု အပျက်အစီး ၁၀ ခုကို ထိန်းချုပ်ထားပါတယ်... အမေရိကန် လွှတ်တော်အမတ်တွေရဲ့ သုံးပုံတစ်ပုံကျော်က ကျွန်မတို့ လူတွေပဲလေ... ကျွန်မတို့ မိသားစုက အမေရိကန်ရဲ့ အဓိက ဆုံးဖြတ်ချက် တော်တော်များများကိုတောင် လွှမ်းမိုးနိုင်စွမ်း ရှိပါတယ်"</p> <p style="text-align:justify">“နဝမအဆင့် သိုင်းသူတော်စင် သုံးယောက်...”</p> <p style="text-align:justify">သူတို့၏ ဩဇာအာဏာက နိုင်ငံတော် မူဝါဒများကိုပင် လွှမ်းမိုးနိုင်သည်တဲ့လား။</p> <p style="text-align:justify">ဆုန့်ချိုးယွန်းမှာ ရင်ထဲတွင် တိတ်တဆိတ် အံ့သြသွားရသည်။ ဤဝီလျံ မိသားစုက အဋ္ဌမအဆင့် အထွတ်အထိပ် ဆရာကြီး တစ်ဦးသာရှိသော ဆုန့်မိသားစုနှင့် ယှဉ်လျှင် ဘီလူးနှင့် ပုရွက်ဆိတ်ကဲ့သို့ ကွာခြားလှပေသည်။ ဆုန့်ချိုးယွန်းသာမက ရှုကျင်းမင်ပင်လျှင် အနည်းငယ် အံ့သြသွားရသည်။ အမေရိကန် ပြည်ထောင်စုက သူ့ကို စည်းရုံးရန်အတွက် အစကတည်းက ဤမျှ အင်အားကြီးသော အဖွဲ့အစည်းကို လွှတ်လိမ့်မည်ဟု သူ ထင်မထားခဲ့ပေ။</p> <p style="text-align:justify">"ကျွန်မတို့ ဝီလျံ မိသားစုက ပါရမီရှင်တွေကို စုဆောင်းရတာ ဝါသနာပါပါတယ်... ရှုကျင်းမင်က အလွန်ရှားပါးတဲ့ SSအဆင့် စွမ်းရည်ပိုင်ရှင် ဖြစ်နေတာကြောင့် ကျွန်မတို့ရဲ့ အဓိက စည်းရုံးရေး ပစ်မှတ်ဖြစ်နေတာပေါ့... ဒါပေမဲ့ ကြိုတင်သတ်မှတ်ချက် တစ်ခုကတော့ ရှင်က အမေရိကန် နိုင်ငံသား အရင်ဖြစ်ဖို့ လိုပါလိမ့်မယ်" ထိုအမျိုးသမီးက ရှုကျင်းမင်၏ အံ့သြမှုကို ရိပ်မိပုံရပြီး ပြုံးလျက် ရှင်းပြသည်။</p> <p style="text-align:justify">"ရှင်သာ ကျွန်မတို့နဲ့ ပူးပေါင်းမယ်ဆိုရင် SSအဆင့် အရင်းအမြစ်တွေပဲ ဖြစ်ဖြစ် SSSအဆင့် အရင်းအမြစ်တွေပဲ ဖြစ်ဖြစ်... SSS အဆင့်ထက် ကျော်လွန်တဲ့ အရင်းအမြစ်တွေကိုတောင် ကျွန်မတို့ ပေးနိုင်ပါတယ်..."</p> <p style="text-align:justify">ဝီလျံ မိသားစုအကြောင်း မိတ်ဆက်ပြီးနောက်တွင် သူမက မက်လုံးများကို တစ်ခုပြီးတစ်ခု ပေးတော့သည်။</p> <p style="text-align:justify">“SSSအဆင့်ထက် ကျော်လွန်တာလား... အဲလိုဟာမျိုး ရှိလို့လား”</p> <p style="text-align:justify">ရှုကျင်းမင်က ရင်ထဲတွင် ထိတ်လန့်သွားရသည်။ သူက အလွန်ပင် အံ့သြဖွယ်ကောင်းသော အချက်အလက်သစ်တစ်ခုကို သိလိုက်ရသကဲ့သို့ ခံစားလိုက်ရသည်။</p> <p style="text-align:justify">"ရှုကျင်းမင်ရှင့်... ရှင့်ရဲ့ အဆင့်က နိမ့်နေသေးတာကြောင့် SSSအဆင့်ထက် ကျော်လွန်တဲ့ အရင်းအမြစ်တွေအကြောင်း မသိတာက ပုံမှန်ပါပဲ... ရှင့်အဆင့် နည်းနည်း ပိုမြင့်လာရင် ပိုပြီး ကျယ်ပြန့်တဲ့ တခြားကမ္ဘာတစ်ခုနဲ့ ထိတွေ့ရပါလိမ့်မယ်" သူမက ခေတ္တရပ်ကာ ဆုန့်ချိုးယွန်းကို တစ်ချက် ကြည့်လိုက်ပြီးနောက် ဆက်ပြောသည်။ "ကျွန်မတို့ ဝီလျံ မိသားစုရဲ့ စိတ်ရင်းက အရင်းအမြစ်တွေတင် မဟုတ်ပါဘူး... ဒီလိုမျိုး လှပတဲ့ မိန်းကလေးငယ်လေးတွေဆိုရင်လည်း ရှင်လိုချင်သလောက် ကျွန်မ ရှာပေးနိုင်ပါတယ်..."</p> <p style="text-align:justify">ထိုအမျိုးသမီး၏ စကားကြောင့် ဆုန့်ချိုးယွန်း၏ မျက်မှောင်များက အနည်းငယ် ကြုတ်သွားရသည်။ သို့သော် ဝီလျံ မိသားစုသာ သူမပြောသလောက် တကယ် အင်အားကြီးပါက ထိုအရာများကို အလွန်လွယ်ကူစွာ လုပ်ဆောင်နိုင်မည်ကို သူမ သိထားသည်။ ထိုအချက်သည်ပင် သူမကို စိုးရိမ်ပူပန်စေခဲ့ခြင်း ဖြစ်သည်။</p> <p style="text-align:justify">ရှုကျင်းမင်က ဆုန့်ချိုးယွန်း၏ စိတ်ခံစားချက် အပြောင်းအလဲကို သိရှိလိုက်ပြီး သူမ၏ လက်ကလေးကို တင်းတင်းကြပ်ကြပ် ဆုပ်ကိုင်လိုက်သည်။ ထို့နောက် မျက်မှောင်ကြုတ်လျက် မေးလိုက်သည်။</p> <p style="text-align:justify">"မင်းက စိတ်စွမ်းအားရှင် စွမ်းရည်ပိုင်ရှင်လား"</p> <p style="text-align:justify">သူ့အတွေးကို တစ်ကြိမ် ခန့်မှန်းမိသည်မှာ ကံကောင်းခြင်း ဖြစ်နိုင်သော်လည်း ဒုတိယအကြိမ်ပါ ခန့်မှန်းမိခြင်းမှာမူ ကံကောင်းခြင်း သက်သက် မဟုတ်တော့ပေ။</p> <p style="text-align:justify">"ဝီလျံ အိုင်ရင်းပါ ပဉ္စမအဆင့်နိမ့် စွမ်းရည်ရှိတဲ့ စိတ်စွမ်းအားရှင် တစ်ယောက်ပါ... ကျွန်မကို အိုင်ရင်းလို့ပဲ ခေါ်နိုင်ပါတယ်... ခုနကဟာက စိတ်စွမ်းအားရှင် တစ်ယောက်ရဲ့ လှည့်ကွက် အသေးအဖွဲလေးပါပဲ... ရှင့်ကို စိတ်အနှောင့်အယှက် ဖြစ်စေခဲ့ရင် ကျွန်မကရော ဝီလျံ မိသားစုကရော ရှင့်ကိုရော ရှင့်ဇနီးကိုပါ အလေးအနက် တောင်းပန်ပါတယ်..."</p> <p style="text-align:justify">အိုင်ရင်းက ချက်ချင်းပင် ဦးညွှတ်ကာ တောင်းပန်လိုက်သည်။ သူမ၏ စိမ်းဖန့်ဖန့် မျက်ဝန်းများတွင် ဟန်ဆောင်ခြင်း အလျင်းမရှိပေ။</p> <p style="text-align:justify">“ဇနီး ဟုတ်လား...” ဆုန့်ချိုးယွန်း၏ မျက်နှာလေးမှာ ရဲတက်သွားခဲ့သည်။ အိုင်ရင်း၏ အမူအရာကြောင့် ရှုကျင်းမင်ပင် အနည်းငယ် ကသိကအောက် ဖြစ်သွားရသည်။</p> <p style="text-align:justify">အင်အားကြီး မိသားစုတစ်ခုမှ ပဉ္စမအဆင့် စွမ်းရည်ပိုင်ရှင် တစ်ဦးက တတိယအဆင့်မြင့်မျှသာ ရှိသေးသော သူ့ရှေ့တွင် ဤမျှ သတိကြီးစွာဖြင့် နှိမ့်ချဆက်ဆံနေသည်တဲ့လား။ သို့သော် ရှုကျင်းမင် မသိသည်မှာ ဝီလျံတို့ကဲ့သို့ အင်အားကြီးသော မိသားစုအတွက် ပဉ္စမအဆင့် စွမ်းရည်ပိုင်ရှင်မှာ အချိန်မရွေး ရှာဖွေနိုင်သော်လည်း SSအဆင့် စွမ်းရည်ပိုင်ရှင်တစ်ဦးကိုမူ တစ်ခါလွဲချော်သွားပါက နောက်ထပ် ရရန် မလွယ်ကူတော့ခြင်းပင် ဖြစ်သည်။</p> <p style="text-align:justify">"မင်းတို့ ဝီလျံ မိသားစု ဘာကို ဆိုလိုတယ်ဆိုတာ ငါ နားလည်ပါပြီ... ဒါပေမဲ့ ငါ့နိုင်ငံကို သစ္စာဖောက်ဖို့ ငါ့မှာ စိတ်ကူးမရှိသလို ဘယ်တော့မှလည်း ရှိလာမှာ မဟုတ်ဘူး... ဒါကြောင့် နောက်တစ်ခါ ငါ့ဆီကို ထပ်မလာပါနဲ့တော့"</p> <p style="text-align:justify">ရှုကျင်းမင်က ခေါင်းခါလျက် ငြင်းပယ်လိုက်ပြီး ဦးညွှတ်နေဆဲဖြစ်သော အိုင်ရင်းကို ကျော်ကာ ထွက်ခွာလာခဲ့သည်။ “SSSအဆင့် အရင်းအမြစ်တွေနဲ့ အဲဒီထက် ကျော်လွန်တဲ့ အရင်းအမြစ်တွေ ဟုတ်လား...” ထိုမျှ အဖိုးတန်သော အရာများကို နဝမအဆင့် သိုင်းသူတော်စင်များပင်လျှင် လုယူကြပေလိမ့်မည်။ သူ သွားလိုက်ရုံနှင့် ရမည်ဟု သူ မယုံကြည်ပေ။ ၎င်းအပြင် Systemရှိနေသဖြင့် မည်မျှပင် ကောင်းမွန်သော အရင်းအမြစ် ဖြစ်ပါစေ သူ၏အတွက် အပိုဆောင်း အလှဆင်မှုမျှသာ ဖြစ်သည်။ ပို၍ အရေးကြီးသည်မှာ မဂျစ်စီးတီး တက္ကသိုလ်က သူ့အပေါ် ကောင်းမွန်ခဲ့သဖြင့် သူက သစ္စာဖောက်တစ်ဦး မဖြစ်လိုခြင်းပင်။</p> <p style="text-align:justify">"ရှုံးနိမ့်သွားပြီပဲ..."</p> <p style="text-align:justify">ရှုကျင်းမင် ထွက်ခွာသွားပြီးမှသာ အိုင်ရင်းက သူမ၏ ဦးညွှတ်ထားသော ကျောပြင်ကို ဖြည်းညင်းစွာ ပြန်မတ်လိုက်သည်။ သူမ၏ လှပသော စိမ်းဖန့်ဖန့် မျက်ဝန်းများက ရှုကျင်းမင်၏ ကျောပြင်ကို ကြည့်နေပြီး သူမ၏ မျက်ဝန်းထဲတွင် ဆွဲဆောင်မှုရှိသော အလင်းတန်းများ လက်ခနဲ ဖြစ်သွားသည်။ ထိုခဏမှာပင် သူမ၏ ညာဘက်နားကြပ်မှ တိုးညင်းသော မေးမြန်းသံ ထွက်လာသည်။</p> <p style="text-align:justify">"အိုင်ရင်း... ပစ်မှတ်က သဘောတူလား"</p> <p style="text-align:justify">"မတူဘူး... သူက တိုက်ရိုက်ပဲ ငြင်းလိုက်တယ်"</p> <p style="text-align:justify">"တောက် မဟာနွေရာသီက လူတွေက တကယ်ကို ခေါင်းမာတာပဲ မင်း သူ့အပေါ် စိတ်ပိုင်းဆိုင်ရာ ထိန်းချုပ်မှုကို သုံးခဲ့လား"</p> <p style="text-align:justify">"မသုံးဘူး... သူ့မှာ အလွန်အားကောင်းတဲ့ စိတ်ဝိညာဉ် ကာကွယ်ရေး နည်းလမ်းတွေ ရှိနေပုံရလို့ ကျွန်မ မဆင်မခြင် မလှုပ်ရှားခဲ့ဘူး"</p> <p style="text-align:justify">အိုင်ရင်း၏ စကားအဆုံးတွင် အတန်ကြာ ငြိမ်သက်သွားပြီးနောက် နားကြပ်မှ ပြန်ကြားသံ ထွက်လာသည်။</p> <p style="text-align:justify">"မဟာနွေရာသီက သူ့ကို တကယ်ပဲ အသေအချာ ကာကွယ်ထားပုံရတယ်... ငါတို့အတွက် အခုလောလောဆယ် အခွင့်အရေး မရှိသေးဘူး... မင်း အရင် ပြန်လာခဲ့ပါ"</p> <p style="text-align:justify">"ဟုတ်ကဲ့" အိုင်ရင်းက ခေါင်းညိတ်လိုက်ပြီးနောက် သူမ၏ ခန္ဓာကိုယ်မှာ တစ်နေရာတည်းမှာတင် ရုတ်ချင်း ပျောက်ကွယ်သွားတော့သည်။ သူမ ထိုနေရာမှာ တစ်ခါမှ ရှိမနေခဲ့သကဲ့သို့ပင်။</p> <p style="text-align:justify">နောက်တစ်နေ့ နံနက် ၈ နာရီခွဲ မတိုင်မီမှာပင် ရှုကျင်းမင်က မဂျစ်စီးတီး ကိုယ်စားလှယ်အဖွဲ့ကို ဦးဆောင်ကာ အားကစားကွင်းအတွင်းသို့ လှမ်းဝင်လိုက်သည်။ ကွင်း၏ အလယ်ဗဟိုရှိ အပိုင်းလေးပိုင်း ကွဲနေသော တိုက်ခိုက်ရေးကွင်းမှာ ပြန်လည် ပေါင်းစည်းသွားခဲ့သည်။ မီတာ ၄၀၀ရှိသော ကျယ်ဝန်းသည့် ကွင်းပြင်ကြီး ဖြစ်လာသည်။</p> <p style="text-align:justify">ပြောရလျှင် ဤသတ္တုစပ်ကွင်းက ကိုယ်တိုင် ပြန်လည်ကုစားနိုင်စွမ်းရှိသော သတ္တုစပ်ဖြင့် ပြုလုပ်ထားခြင်း ဖြစ်သည်။ ရှုကျင်းမင် သို့မဟုတ် အခြားသော စွမ်းရည်ပိုင်ရှင်များကြောင့် ဖြစ်ပေါ်ခဲ့သည့် တိုက်ပွဲဒဏ်ရာများ အားလုံး ပျောက်ကွယ်သွားပြီး မှန်တစ်ချပ်ကဲ့သို့ ပြောင်လက်နေတော့သည်။</p> <p style="text-align:justify">မဂျစ်စီးတီး၏ ပွဲကြည့်စင်သို့ ရောက်သည့်အခါ ရှုကျင်းမင်က ပတ်ဝန်းကျင်ကို ဝေ့ကြည့်လိုက်သည်။ သူတို့အဖွဲ့အပြင် ချင်းကျင် တက္ကသိုလ်နှင့် ကျင်းချန်း တက္ကသိုလ်မှ လူများလည်း ရောက်ရှိနေကြပြီ ဖြစ်သည်။ ပြောရလျှင် ပညာရေးဌာနမှ စီစဉ်ပေးထားသော ကုသရေး စွမ်းရည်ပိုင်ရှင်များမှာ တကယ်ပင် ထိရောက်လှသည်။ မနေ့က ပြင်းပြင်းထန်ထန် ဒဏ်ရာရခဲ့သော ကျိုးချောင်းက ယနေ့ ကွင်းအတွင်းသို့ ပြန်လည် ရောက်ရှိနေပြီ ဖြစ်သည်။ မျက်နှာက အနည်းငယ် ဖြူဖျော့နေသည်မှလွဲ၍ ဘာမှမဖြစ်သကဲ့သို့ပင်။</p> <p style="text-align:justify">သူက ရှုကျင်းမင်၏ အကြည့်ကို သိရှိသွားပုံရသည်။ ကျင်းချန်း တက္ကသိုလ်အဖွဲ့မှ ကျိုးချောင်းက မသိစိတ်ဖြင့် တုန်လှုပ်သွားပြီး အခြားအဖွဲ့ဝင်များ၏ နောက်ကွယ်တွင် ချက်ချင်း ပုန်းလိုက်တော့သည်။ “ဒီကောင်က တကယ်ပဲ ဒီလောက်တောင် ကြောက်တတ်တာလား” ရှုကျင်းမင်က ခေါင်းခါလျက် အကြည့်ကို ပြန်ရုတ်လိုက်ပြီး ထို ခြောက်လှန့်ခံထားရသော ငှက်ငယ်ကို ထပ်မကြည့်တော့ပေ။</p> <p style="text-align:justify">ထိပ်တန်း တက္ကသိုလ် သုံးခုအပြင် အခြား တက္ကသိုလ်များမှ အဖွဲ့ဝင်များလည်း တစ်ဖွဲဖွဲ ဝင်ရောက်လာကြသည်။ ပတ်ပတ်လည်ရှိ ပွဲကြည့်စင်များတွင်လည်း ပရိသတ်များ နေရာယူနေကြပြီ ဖြစ်သည်။ ဆုန့်ချိုးယွန်းနှင့် အဒေါ်ဖြစ်သူတို့မှာလည်း ရှုကျင်းမင်နှင့်အတူ အစောကတည်းက ရောက်ရှိနေကြခြင်း ဖြစ်သည်။</p> <p style="text-align:justify">မကြာမီမှာပင် ၉ နာရီ တိတိ ရောက်ရှိလာခဲ့သည်။ အားကစားကွင်းတစ်ခုလုံး ပရိသတ်များဖြင့် ပြည့်နှက်သွားသည်။ စက်ပစ္စည်းများ စတင်လည်ပတ်သံနှင့်အတူ ကွင်းပတ်လည်ရှိ ကင်မရာ ဒါဇင်ပေါင်းများစွာက အလုပ်စတင်ကြပြီး ကောင်းကင်ယံရှိ ဟိုလိုဂရပ်ဖစ် ပုံရိပ်ယောင်မှာလည်း လင်းထိန်လာသည်။</p> <p style="text-align:justify">"ဒီနှစ်ရဲ့ နိုင်ငံတော် တက္ကသိုလ်ပေါင်းစုံ လိဂ်ပြိုင်ပွဲကနေ လူတိုင်းကို ကြိုဆိုပါတယ်"</p> <p style="text-align:justify">ပျော်ရွှင်မြူးကြွသော အသံနှင့်အတူ အစီအစဉ်မှူး ဖုန်းလဲ့က ခန့်ညားသော ဝတ်စုံဖြင့် စင်ပေါ်သို့ လှမ်းတက်လာသည်။</p> <p style="text-align:justify">"ဒီနေ့က လိဂ်ပြိုင်ပွဲရဲ့ ဒုတိယမြောက်နေ့ ဖြစ်ပါတယ်... ဒီနေ့ရဲ့ အသင်းလိုက်ပွဲတွေကို မစတင်ခင်မှာ မနေ့က တက္ကသိုလ်တစ်ခုချင်းစီရဲ့ ရလဒ်တွေကို အရင် ကြည့်လိုက်ကြရအောင်..."</p> <p style="text-align:justify">ဟိုလိုဂရပ်ဖစ် ပုံရိပ်ယောင်ပေါ်တွင် အသင်းလိုက်ပွဲ အမှတ်စာရင်း ဇယားတစ်ခု ပေါ်လာသည်။ မဂျစ်စီးတီး၊ ချန်နန် တက္ကသိုလ်နှင့် အခြားသော အနိုင်ရသည့် တက္ကသိုလ်များကို ၁ ပွဲနိုင်အဖြစ် မှတ်တမ်းတင်ထားသည်။ ရှုံးနိမ့်ခဲ့သော ပိုင်ရှန်း တက္ကသိုလ်မှာမူ ၁ ပွဲရှုံးအဖြစ် ရှိနေသည်။ ချင်းကျင် တက္ကသိုလ်ကဲ့သို့ ပွဲမယှဉ်ရသေးသော တက္ကသိုလ်များမှာမူ သုည အနေအထားမှာပင် ရှိနေဆဲ ဖြစ်သည်။</p> <p style="text-align:justify">"မနေ့က အသင်းလိုက်ပွဲတွေမှာ ထိပ်တန်း တက္ကသိုလ် သုံးခုထဲက မဂျစ်စီးတီး တစ်ခုတည်းပဲ ပါဝင်ခဲ့ပါတယ်... ဒီနေ့မှာတော့ ထိပ်တန်း တက္ကသိုလ် သုံးခုလုံး ယှဉ်ပြိုင်ကြရမှာ ဖြစ်ပါတယ် အချိန်ဆွဲမနေတော့ဘဲ ဒီနေ့ရဲ့ အသင်းလိုက်ပွဲတွေကို တရားဝင် စတင်လိုက်ပါပြီ အခု ချင်းကျင် တက္ကသိုလ်နဲ့ လီအန်း တက္ကသိုလ်တို့ကို စင်ပေါ်ကို ဖိတ်ခေါ်လိုက်ပါတယ်"</p> <p style="text-align:justify">အစီအစဉ်မှူး၏ စကားအဆုံးတွင် ပွဲကြည့်စင်တစ်ခုလုံး အားပေးသံများဖြင့် ဟိန်းထွက်သွားတော့သည်။</p> <p style="text-align:justify">"ကျင်းတက္ကသိုလ်"<br /> "ကျင်းတက္ကသိုလ်"<br /> "လီတက္ကသိုလ်"<br /> "လီတက္ကသိုလ်"</p> <p style="text-align:justify">နှစ်ဖက် ပရိသတ်များ၏ အော်ဟစ်အားပေးသံများကြားတွင် အသင်းလိုက်ပွဲများ စတင်ခဲ့သည်။ နံနက်ပိုင်းတွင် အသင်းလိုက်ပွဲ ငါးပွဲရှိရာ မဂျစ်စီးတီးနှင့် ဆုဟန် တက္ကသိုလ်တို့၏ ပွဲစဉ်မှာ စတုတ္ထမြောက် ဖြစ်သည်။ ပထမ သုံးပွဲမှာ တစ်နာရီခန့် ကြာမြင့်ခဲ့သည်။ ၁၀ နာရီ ကျော်မှသာ စတုတ္ထမြောက် ပွဲစဉ် စတင်နိုင်ခဲ့သည်။</p> <p style="text-align:justify">"နောက်ထပ် စတုတ္ထမြောက် အသင်းလိုက်ပွဲ ဖြစ်ပါတယ် လက်ခုပ်သြဘာသံတွေနဲ့အတူ မဂျစ်စီးတီး တက္ကသိုလ်နဲ့ ဆုဟန် စွမ်းရည်ပိုင်ရှင် တက္ကသိုလ်တို့ကို စင်ပေါ်ကို ဖိတ်ခေါ်လိုက်ကြရအောင်"</p> <p style="text-align:justify">အစီအစဉ်မှူး၏ စူးရှသော အသံက ကွင်းတစ်ခုလုံးကို ဟိန်းထွက်သွားပြီး မဂျစ်စီးတီးကို အားပေးသော ပရိသတ်များစွာမှာ စိတ်လှုပ်ရှားစွာ အော်ဟစ်အားပေးကြတော့သည်။</p> <p style="text-align:justify">"ငါတို့အလှည့် ရောက်ပြီ... သွားကြစို့" ရှုကျင်းမင်က အသက်ကို ပြင်းပြင်းတစ်ချက် ရှူလိုက်ပြီး ခုန်းရှီနှင့် အခြားသူများကို ဦးဆောင်ကာ ကွင်းအတွင်းသို့ လှမ်းဝင်လိုက်သည်။</p> <p style="text-align:justify">"မဂျစ်စီးတီး တက်လာပြီ"</p> <p style="text-align:justify">"သူတို့ပြိုင်ဘက်က ဆုဟန် တက္ကသိုလ်ပဲ... မနှစ်က စတုတ္ထနေရာ ရထားတဲ့ အဖွဲ့ပဲ... ဒီတစ်ခါတော့ ရှုကျင်းမင်ရဲ့ ခွန်အားကို ပိုပြီး သိနိုင်တော့မှာပဲ မဟုတ်လား"</p> <p style="text-align:justify">မဂျစ်စီးတီး ကိုယ်စားလှယ်အဖွဲ့ ကွင်းအတွင်း ဝင်လာသည်ကို မြင်လိုက်ရသည့်အခါ ပရိသတ်များသာမက တက္ကသိုလ် အသီးသီးမှ နည်းပြများပါ ချက်ချင်း စိတ်လှုပ်ရှားလာကြသည်။ လူတိုင်း၏ စောင့်ကြည့်နေသော အကြည့်များအောက်တွင် ကွင်းအတွင်းရှိ ရေတွက်သံမှာ ပြီးဆုံးသွားပြီး ပွဲစသည်နှင့် နှစ်ဖက်အဖွဲ့လုံး၏ စွမ်းရည်များမှာ ပေါက်ကွဲထွက်လာတော့သည်။ အားကောင်းလှသော စွမ်းရည် အရှိန်အဝါများ ကွင်းအတွင်း ဖြန့်ကျက်သွားသည်။</p> <p style="text-align:justify">ထိုခဏမှာပင် ရှုကျင်းမင်၏ မြင့်မားသော ခန္ဓာကိုယ်မှာ ရွှေရောင်လျှပ်စီးများ ဝန်းရံလျက် ခုန်းရှီနှင့် အခြားသူများကို ကျော်ကာ ရှေ့ဆုံးမှ တိုးထွက်သွားသည်ကို လူတိုင်း သတိပြုမိလိုက်ကြသည်။ သူက နောက်ကွယ်မှ အဖွဲ့နှင့် မီတာ ဆယ်ဂဏန်းခန့် အကွာအဝေးသို့ လျင်မြန်စွာ ရောက်ရှိသွားခဲ့သည်။</p> <p style="text-align:justify">ဤမြင်ကွင်းကြောင့် ပရိသတ် သောင်းပေါင်းများစွာမှာ အံ့သြသွားကြရသည်။ ရှုကျင်းမင်၏ ဤလှုပ်ရှားမှုမှာ ဘာကြောင့်များ ရင်းနှီးနေသလို ခံစားနေရပါသနည်း။</p> <p style="text-align:justify">***</p>


Save