Book List

<h2 style="text-align: center;">အခန်း ၂၇၆ - ဘုရားရေ မင်းတို့က ဒီမှာBossတစ်ကောင်ကို ဝိုင်းတိုက်နေကြတာလား</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"ဟား... မိုးကြိုးဧကရာဇ်က မနေ့ကအတိုင်း ထပ်လုပ်ပြန်ပြီလား... ဒီနေ့လည်း တစ်ယောက်တည်း ထွက်တိုက်ပြန်ပြီ"</p> <p style="text-align:justify">ရှုကျင်းမင်က တိုက်ပွဲဝင်ဗျူဟာမှ ခွဲထွက်ကာ တစ်ဦးတည်း ရှေ့သို့ တိုးထွက်သွားသည်ကို မြင်လိုက်ရသည့်အခါ ပရိသတ်အများအပြားမှာ အံ့သြသွားကြရုံသာမက ဘာဖြစ်နေသည်ကိုလည်း ချက်ချင်း ရိပ်မိလိုက်ကြသည်။ ဒါက မနေ့က ပိုင်ရှန်း တက္ကသိုလ်အပေါ် သုံးခဲ့တဲ့ နည်းဗျူဟာအတိုင်း မဟုတ်ပါလား။</p> <p style="text-align:justify">သို့သော် ဆုဟန် စွမ်းရည်ပိုင်ရှင် တက္ကသိုလ်ဆိုသည်မှာ မနှစ်က နိုင်ငံတော် လိဂ်ပြိုင်ပွဲတွင် စတုတ္ထနေရာ ရရှိခဲ့သည့် အဖွဲ့ဖြစ်သည်။ သူတို့၏ ယခုနှစ် လူစာရင်းမှာလည်း အလွန်ပင် အစွမ်းထက်လှပြီး အဖွဲ့ဝင်တိုင်းက စတုတ္ထအဆင့်နိမ့်များ ဖြစ်ကြသည်။ သူတို့၏ စုစုပေါင်း ခွန်အားမှာ ပိုင်ရှန်း တက္ကသိုလ်ထက် များစွာ သာလွန်သည်ဟု ဆိုနိုင်သည်။</p> <p style="text-align:justify">သို့သော်လည်း ရှုကျင်းမင်က တစ်ဦးတည်း ထိုးစစ်ဆင်ဝံ့နေဆဲ ဖြစ်သည်။ ဤသည်မှာ လူတိုင်း၏ စိတ်ထဲတွင် ထူးဆန်းသော အတွေးတစ်ခုကို ပေါ်ပေါက်လာစေသည်။</p> <p style="text-align:justify">“ဒါက နည်းနည်းတော့ မောက်မာလွန်းရာ မရောက်ဘူးလား...”</p> <p style="text-align:justify">သူက ဆုဟန် တက္ကသိုလ်ကို လုံးဝကို အလေးမထားသကဲ့သို့ ဖြစ်နေသည်။</p> <p style="text-align:justify">"ရှုကျင်းမင် မင်း တော်တော်ကို ကိုယ့်ကိုယ်ကိုယ် အထင်ကြီးနေတာပဲ... ငါတို့က အဲဒီလောက် ညံ့ဖျင်းတဲ့ ပိုင်ရှန်း တက္ကသိုလ် မဟုတ်ဘူးကွ"</p> <p style="text-align:justify">ဤမြင်ကွင်းကို ရင်ဆိုင်နေရသော ဆုဟန် တက္ကသိုလ်အဖွဲ့မှာ သိသိသာသာပင် အစော်ကားခံလိုက်ရသည်ဟု ခံစားလိုက်ရသည်။ သူတို့၏ အော်ဟစ်သံများက ကွင်းအတွင်းရှိ အသံဖမ်းစက်များမှတစ်ဆင့် ပရိသတ်တိုင်း၏ နားထဲသို့ ထင်ရှားစွာ ရောက်ရှိသွားသည်။ ပွဲကြည့်စင်ပေါ်ရှိ ပိုင်ရှန်း တက္ကသိုလ် အဖွဲ့ခေါင်းဆောင် ကျိဟွေမှာမူ မျက်နှာပျက်သွားကာ စိတ်ထဲမှ ကျိန်ဆဲနေတော့သည်။</p> <p style="text-align:justify">“မင်းတို့ကောင်တွေကတော့ တော်တော်ကို မပြီးနိုင်မစီးနိုင် ဖြစ်နေကြတာပဲ... ရှုကျင်းမင်အကြောင်း ပြောတာက ထားပါဦး... ငါတို့ ပိုင်ရှန်းကို ဘာလို့ ဆွဲထည့်နေရတာလဲ”</p> <p style="text-align:justify">"ခရမ်းရွှေရောင် လျှပ်စီးတန်းများ" </p> <p style="text-align:justify">ရှုကျင်းမင်နှင့် ဆုဟန်အဖွဲ့ကြား အကွာအဝေးမှာ ပို၍ နီးကပ်လာသည်ကို မြင်လိုက်ရသည့်အခါ အဖွဲ့အတွင်းမှ အဝေးပစ် တိုက်စစ်မှူးဖြစ်သူ ဆွန်းဖန်က လက်နှေးမနေတော့ဘဲ သူ၏ စွမ်းရည်ကို ပထမဆုံး အသက်သွင်းလိုက်သည်။ သူက Aအဆင့် မိုးကြိုးဓာတ် စွမ်းရည်ရှိသော စတုတ္ထအဆင့်နိမ့် စွမ်းရည်ပိုင်ရှင် တစ်ဦးဖြစ်သည်။</p> <p style="text-align:justify">ရင့်မှည့်သော ခရမ်းရောင် လျှပ်စီးများက ထူထဲသော မြွေဟောက်ကြီးတစ်ကောင်သဖွယ် ရှုကျင်းမင်ဆီသို့ ရူးသွပ်စွာ ပြေးဝင်သွားတော့သည်။</p> <p style="text-align:justify">"နှစ်ယောက်လုံးက မိုးကြိုးဓာတ် စွမ်းရည်ပိုင်ရှင်တွေပဲလား... ဒါပေမဲ့ ကံဆိုးတာက မင်းရဲ့ စွမ်းရည်က ငါ့လောက် မကောင်းတာပဲ"</p> <p style="text-align:justify">ရှုကျင်းမင်၏ ပြတ်သားတည်ကြည်သော မျက်နှာပေါ်တွင် ခက်ထန်သော အပြုံးတစ်ခု ပေါ်လာသည်။ တောက်ပလှသော ရွှေရောင်လျှပ်စီးများမှာ ရုတ်ချည်း ပေါက်ကွဲထွက်လာတော့သည် သာမန်အခြေအနေတွင် SSအဆင့် ဒုထျန်း နတ်ဘုရား မိုးကြိုး၏ အမြင့်ဆုံး ဖြန့်ကျက်နိုင်စွမ်းမှာ မီတာ ၄၀ ဖြစ်သည်။ ယခုအခါတွင်မူ နောက်ကွယ်မှ ကုဝမ်၏ အသွင်တစ်ထောင် အရှိန်အဝါ အထောက်အပံ့ကြောင့် ဤအကွာအဝေးမှာ မီတာ ၅၀ အထိ ပြန့်ကားသွားခဲ့သည်။</p> <p style="text-align:justify">မျက်စိတစ်မှိတ်အတွင်းမှာပင် ရှုကျင်းမင်၏ ပတ်လည် မီတာ ၅၀ အတွင်းရှိ နယ်ပယ်မှာ ကြမ်းတမ်းလှသော ရွှေရောင်လျှပ်စီး ပင်လယ်ကြီးအဖြစ် ပြောင်းလဲသွားသည်။ ထိုထူထဲလှသော ခရမ်းရောင် လျှပ်စီးမြွေဟောက်မှာ လျှပ်စီးပင်လယ်အတွင်းသို့ တိုးဝင်သွားပြီးနောက် ခုနစ်မီတာ၊ ရှစ်မီတာခန့်သာ ဖောက်ထွက်နိုင်ခဲ့သည်။ ထို့နောက်တွင်မူ ရွှေရောင်လျှပ်စီးများ၏ ဝါးမြိုခြင်းကို ခံလိုက်ရပြီး လေထဲမှာတင် ပျောက်ကွယ်သွားတော့သည်။</p> <p style="text-align:justify">"ဘုရားရေ မိုးကြိုးမြွေဟောက်က ဒီအတိုင်းကြီး အဝါးမြိုခံလိုက်ရတာလား"</p> <p style="text-align:justify">"သူတို့က ရှုကျင်းမင်ရဲ့ ပတ်ပတ်လည်က မိုးကြိုးမုန်တိုင်းဇုန်ကိုတောင် မဖောက်နိုင်ကြဘူးပဲ... ဒါကို ဘယ်လို ဆက်တိုက်ကြမှာလဲ"</p> <p style="text-align:justify">ပွဲကြည့်စင်ပေါ်မှ ဆုဟန်အဖွဲ့၏ အားပေးသူများမှာ မယုံနိုင်စရာ ကောင်းလောက်အောင် အော်ဟစ်နေကြတော့သည်။ ဤသည်မှာ ဆုဟန်အဖွဲ့၏ ရိုးရိုးစွမ်းရည် ထုတ်သုံးခြင်း မဟုတ်ပေ။ ၎င်းမှာ မိုးကြိုးဓာတ် Aအဆင့် တိုက်ခိုက်ရေးနည်းစနစ် မိုးကြိုးမြွေဟောက် ဖြစ်ပြီး ဆွန်းဖန်က ၎င်းကို အဆင့်မြင့် ကျွမ်းကျင်မှုအထိ လေ့ကျင့်ထားခြင်း ဖြစ်သည်။ "မိုးကြိုးမြွေဟောက်" တစ်ကွက်တည်းနှင့်ပင် သာမန် စတုတ္ထအဆင့်လတ် သားရဲတစ်ကောင်ကို သတ်ပစ်ရန် လုံလောက်သည်။ သို့သော်လည်း ရှုကျင်းမင်၏ ရှေ့တွင်မူ အနားသို့ပင် မကပ်နိုင်ခဲ့ပေ။</p> <p style="text-align:justify">"ဒါက SSအဆင့် စွမ်းရည်လား... ဘယ်လိုလုပ် ဒီလောက်တောင် အားကောင်းနေရတာလဲ"</p> <p style="text-align:justify">ဆုဟန်အဖွဲ့မှ ဆွန်းဖန်၏ မျက်နှာမှာ ထိတ်လန့်တုန်လှုပ်မှုများဖြင့် ပြည့်နှက်သွားသည်။ ပုံမှန်အားဖြင့် သူက မိမိ၏ Aအဆင့် မိုးကြိုးဓာတ် စွမ်းရည်ကို အလွန် ဂုဏ်ယူတတ်ပြီး အဆင့်နိမ့်သော မိုးကြိုးဓာတ် စွမ်းရည်ပိုင်ရှင်များကို အပြတ်အသတ် နှိမ်နင်းနိုင်ခဲ့သူ ဖြစ်သည်။ သို့သော် ယခုအခါတွင်မူ သူက စွမ်းရည်အဆင့်အတန်းအလိုက် အဖိနှိပ်ခံရခြင်း၏ အရသာကို ကောင်းကောင်းကြီး ခံစားလိုက်ရသည်။</p> <p style="text-align:justify">"မလောပါနဲ့ဦး... ဒါက အစပဲ ရှိသေးတာ"</p> <p style="text-align:justify">လေလွင့်တိမ်တိုက် ရွှေရောင်လှံကို ကိုင်စွဲထားသော ရှုကျင်းမင်၏ ခြေလှမ်းများမှာ လုံးဝ တုံ့ဆိုင်းမသွားပေ။ သူ ရွေ့လျားသည်နှင့်အမျှ သူ၏ ပတ်လည်ရှိ မိုးကြိုးမုန်တိုင်းဇုန်ကြီးမှာလည်း လိုက်ပါလာသည်။ ထို့ကြောင့် ဆုဟန်အဖွဲ့၏ အမြင်တွင်မူ ကြမ်းတမ်းလှသော ရွှေရောင်လျှပ်စီး ပင်လယ်ကြီးက သူတို့ဆီသို့ တဟုန်ထိုး တိုးဝင်လာနေသကဲ့သို့ မြင်နေရတော့သည်။</p> <p style="text-align:justify">"အဖွဲ့ခေါင်းဆောင်... ဘာလုပ်ကြမလဲ"</p> <p style="text-align:justify">လျှပ်စီးပင်လယ်အတွင်းမှ ကြောက်မက်ဖွယ်ရာ စွမ်းအင် အရှိန်အဝါကို ခံစားလိုက်ရသဖြင့် ရှေ့ဆုံးမှ ခန္ဓာကိုယ်စွမ်းရည် မြှင့်တင်ပေးသော အမျိုးအစား စွမ်းရည်ပိုင်ရှင်မှာ မသိစိတ်ဖြင့် တံတွေးကို မျိုချလိုက်မိသည်။</p> <p style="text-align:justify">“ဒီလို အခြေအနေမျိုးကို ခန္ဓာကိုယ်စွမ်းရည် မြှင့်တင်သူတွေက ဘယ်လိုလုပ် တိုက်လို့ ရမှာလဲ....”</p> <p style="text-align:justify">ရှုကျင်းမင်နဲ့ လက်ချင်းယှဉ် မတိုက်ရသေးခင်မှာပဲ ဒီလျှပ်စီးတွေကြောင့် သေလုမျောပါး ဖြစ်သွားမှာ အသေအချာပင်။</p> <p style="text-align:justify">"တခြားနည်းလမ်း မရှိဘူး... တိုးဝင်ရမှာပဲ ရှုကျင်းမင်ကို အရင် ရှင်းထုတ်ပစ်ရမယ်... မဟုတ်ရင် နောက်က ခုန်းရှီတို့ လိုက်လာတာနဲ့ ငါတို့ နိုင်ဖို့ အခွင့်အရေး မရှိတော့ဘူး ဆွန်းဖန်... မိုးကြိုး ကာကွယ်ရေး လုပ်ပေးစမ်း"</p> <p style="text-align:justify">အဖွဲ့ခေါင်းဆောင်၏ အမိန့်ပေးသံနှင့်အတူ အဖွဲ့ခေါင်းဆောင် အပါအဝင် ခန္ဓာကိုယ်စွမ်းရည် မြှင့်တင်သူ သုံးဦးစလုံး သူတို့၏ စွမ်းရည်များကို တပြိုင်နက်တည်း အသက်သွင်းလိုက်ကြသည်။</p> <p style="text-align:justify">"ကောင်းပြီ... ငါ မင်းတို့အတွက် လမ်းဖောက်ပေးမယ်"</p> <p style="text-align:justify">ဆွန်းဖန်ထံမှ ခရမ်းရောင်လျှပ်စီးများ ထွက်ပေါ်လာသည်။ သူက အဖွဲ့ခေါင်းဆောင်နှင့် အခြားနှစ်ဦး၏ ခန္ဓာကိုယ်ပေါ်တွင် ထူထဲသော မိုးကြိုး အကာအကွယ်များကို ဖန်တီးပေးလိုက်ရုံတင်မကဘဲ အပြင်ဘက်သို့ လျင်မြန်စွာ ပြန့်ကားသွားသော ခရမ်းရောင် လျှပ်စီးပင်လယ်ကြီးကိုပါ ဖန်တီးလိုက်သည်။ ဆုဟန်အဖွဲ့တွင်လည်း အထောက်အပံ့ပေးသော စွမ်းရည်ပိုင်ရှင်တစ်ဦး ပါဝင်နေသော်လည်း ဆွန်းဖန်၏ စွမ်းရည် ဖြန့်ကျက်နိုင်စွမ်းမှာ မီတာ ၄၀ သာ ရှိသည်။ ရှုကျင်းမင်ထက် မီတာ ၁၀ တိတိ လျော့နည်းနေသေးသည်။ ခရမ်းရောင်လျှပ်စီးများ လျင်မြန်စွာ ပြန့်ကားသွားပြီး ရှုကျင်းမင်၏ ရွှေရောင်လျှပ်စီးများနှင့် ထိပ်တိုက် တွေ့ဆုံသွားတော့သည်။</p> <p style="text-align:justify"><br /> စူးရှလှသော မိုးကြိုးသံကြီးများမှာ ကွင်းတစ်ခုလုံးကို ဟိန်းထွက်သွားသည်။ သို့သော်လည်း အားကောင်းပုံရသော ခရမ်းရောင် လျှပ်စီးများမှာ ရွှေရောင်လျှပ်စီးများနှင့် ထိတွေ့လိုက်သည်နှင့် တပြိုင်နက် ပြိုကွဲပျက်စီးသွားကြတော့သည်။ လုံးဝကို ခုခံနိုင်စွမ်း မရှိသလို အဖွဲ့ခေါင်းဆောင်အတွက် လမ်းဖောက်ပေးရန်မှာလည်း ဝေးလာဝေး ဖြစ်နေတော့သည်။</p> <p style="text-align:justify">"မြန်မြန် တိုးဝင်ကြ"</p> <p style="text-align:justify">အဖွဲ့ခေါင်းဆောင်နှင့် အခြားသူများမှာ ဂရုမစိုက်နိုင်တော့ဘဲ သူတို့၏ သွေးစွမ်းအင်များကို အစွမ်းကုန် အသုံးပြုကာ ရွှေရောင်လျှပ်စီး ပင်လယ်ကြီးအတွင်းသို့ တိုက်ရိုက် တိုးဝင်လိုက်ကြသည်။ စတုတ္ထအဆင့် ခန္ဓာကိုယ်စွမ်းရည် မြှင့်တင်သူများ ပီပီ သူတို့၏ အရှိန်မှာ မနှေးလှပေ။ မျက်စိတစ်မှိတ်အတွင်းမှာပင် သူတို့က မီတာ ၄၀ ကျော်အထိ တိုးဝင်နိုင်ခဲ့ကြသည်။</p> <p style="text-align:justify">သို့သော်လည်း ထိုခဏမှာပင် သူတို့၏ ခန္ဓာကိုယ်ကို ကာကွယ်ထားသော ခရမ်းရောင် မိုးကြိုးဒိုင်းလွှာများမှာ ဘုန်းကနဲ အသံနှင့်အတူ တစ်စစီ ပြိုကွဲသွားတော့သည်။</p> <p style="text-align:justify">"ဒီလောက်တောင် မြန်တာလား"</p> <p style="text-align:justify">အဖွဲ့ခေါင်းဆောင်နှင့် အခြားသူများ၏ မျက်နှာတွင် ထိတ်လန့်မှုများ ပေါ်လာသည်။ တိုက်ပွဲက အစတောင် မရှိသေးခင်မှာပဲ သူတို့ရဲ့ အကာအကွယ်တွေက မခံနိုင်တော့ဘူးတဲ့လား။</p> <p style="text-align:justify">ရွှေရောင်လျှပ်စီးများက ထိုသုံးဦးစလုံးကို ဘာကိုမှ မရှောင်ဘဲ တရစပ် ဗုံးကြဲတော့သည်။ Aအဆင့် တိုက်ပွဲဝင်ဝတ်စုံများ ဝတ်ဆင်ထားသော်လည်း သူတို့ သုံးဦးစလုံး နာကျင်စွာဖြင့် အော်ဟစ်လိုက်ကြရသည်။ ရှုကျင်းမင်၏ လျှပ်စီးများက သူတို့ ထင်ထားသည်ထက် များစွာ ပိုမို အားကောင်းနေသည်။ သူတို့၏ ခန္ဓာကိုယ်ပေါ်သို့ ကျရောက်လာသော လျှပ်စီးတန်းများမှာ စူးရှနာကျင်လှသည်။</p> <p style="text-align:justify">အကယ်၍ ဤလျှပ်စီးတန်းများသာ ခန္ဓာကိုယ် ခံနိုင်ရည် အားနည်းသော စွမ်းအင်မဟာဌာနမှ စွမ်းရည်ပိုင်ရှင်များကို ထိမှန်ပါက မည်မျှ ကြောက်စရာကောင်းသော ထိခိုက်မှုမျိုး ဖြစ်လာမည်ကို စဉ်းစားရန်ပင် မဝံ့ရဲကြတော့ပေ။</p> <p style="text-align:justify">"မင်းတို့ရဲ့ လျှပ်စီးတွေက အရမ်းကို အားနည်းလွန်းတယ် မိုးကြိုးလျှပ်တစ်ပြက်"</p> <p style="text-align:justify">ထိုခဏတွင် လျှပ်စီးများ လက်ခနဲ ဖြစ်သွားပြီး ရှုကျင်းမင်၏ ပုံရိပ်မှာ ချက်ချင်း ပျောက်ကွယ်သွားကာ ဆုဟန် အဖွဲ့ခေါင်းဆောင်တို့၏ ရှေ့တည့်တည့်တွင် ပြန်လည် ပေါ်လာတော့သည်။</p> <p style="text-align:justify">"လာစမ်း... မင်းတို့ တကယ် ဘယ်လောက် အစွမ်းထက်လဲဆိုတာ ငါ့ကို ပြစမ်းပါဦး"</p> <p style="text-align:justify">ရွှေရောင်လျှပ်စီးများ ဝန်းရံနေသော လေလွင့်တိမ်တိုက် ရွှေရောင်လှံမှာ ကြီးမားလှသော ဖိအားများနှင့်အတူ သူတို့ဆီသို့ ဝှေ့ယမ်းကာ ကျရောက်လာတော့သည်။</p> <p style="text-align:justify">"မဖြစ်ဘူး မြန်မြန် ဆုတ်ကြ"</p> <p style="text-align:justify">ပြင်းထန်လှသော ထိုလှံချက်ကို ရင်ဆိုင်လိုက်ရသည့်အခါ အဖွဲ့ခေါင်းဆောင်နှင့် အခြားနှစ်ဦးမှာ လျှပ်စီးဒဏ်ကို ခံစားနေရသည့်ကြားမှ ထိပ်တိုက် ရင်မဆိုင်ဝံ့တော့ဘဲ ဘေးဘက်သို့ အသည်းအသန် ရှောင်တိမ်းလိုက်ကြရသည်။</p> <p style="text-align:justify">"ဘုရားရေ"</p> <p style="text-align:justify">"မင်းတို့က ဒီမှာ Bossတစ်ကောင်ကို ဝိုင်းတိုက်နေကြတာလား"</p> <p style="text-align:justify">"ငါးယောက်နဲ့ တစ်ယောက် တိုက်နေတာတောင် မနိုင်ဘူးလား... ဒီနှစ် ဆုဟန်အဖွဲ့က ဒီလောက်တောင် ညံ့သွားတာလား"</p> <p style="text-align:justify">သူတို့၏ မိုးကြိုးဓာတ် စွမ်းရည်မှာ ပြိုင်ဘက်၏ အနှိမ်ခံလိုက်ရခြင်းကို နားလည်ပေးနိုင်သော်လည်း ယခုအခါ အဖွဲ့ခေါင်းဆောင် အပါအဝင် ခန္ဓာကိုယ်စွမ်းရည် မြှင့်တင်သူ သုံးဦးစလုံး ဝိုင်းတိုက်နေသည်ကိုပင် ရှုကျင်းမင်ကို ဘာမှ မတတ်နိုင်ဘဲ ထိပ်တိုက် ရင်မဆိုင်ဝံ့ခြင်းမှာမူ လွန်လွန်းလှသည်။ ထို့ကြောင့် ဆုဟန်အဖွဲ့၏ အားပေးသူများမှာ စတင် စိတ်ပျက်လာကြတော့သည်။</p> <p style="text-align:justify">မဂျစ်စီးတီးက ထိပ်တန်း တက္ကသိုလ်ဖြစ်သဖြင့် အလွန် အစွမ်းထက်သည်မှာ မှန်ပါသည်။ သို့သော် ရှုကျင်းမင်က ယခုအခါ တစ်ယောက်တည်းသာ ရှိနေသေးသည်။ ၎င်းအပြင် သူက တတိယအဆင့်မြင့် တစ်ဦးသာ ရှိသေးသည်။ SSအဆင့် စွမ်းရည် ရှိနေရင်တောင်မှ သူတို့ဘက်က အားမလျော့သင့်ပေ။ ယခုကဲ့သို့ ရှောင်တိမ်းလိုက်ရခြင်းက သူတို့၏ စိတ်ဓာတ်ကို နေရာမှာတင် ရိုက်ချိုးလိုက်သကဲ့သို့ ဖြစ်သွားစေသည်။</p> <p style="text-align:justify">"မဂျစ်စီးတီး မိုးကြိုးဧကရာဇ်"</p> <p style="text-align:justify">"မိုးကြိုးဧကရာဇ် အောင်ရမည်"</p> <p style="text-align:justify">စိတ်ပျက်နေကြသော ဆုဟန် ပရိသတ်များနှင့် မတူဘဲ မဂျစ်စီးတီးနှင့် ရှုကျင်းမင်ကို အားပေးသူများမှာမူ စိတ်လှုပ်ရှားစွာ အော်ဟစ်အားပေးကြတော့သည်။ အားပေးသံများမှာ အားကစားကွင်းတစ်ခုလုံးကို ဟိန်းထွက်သွားတော့သည်။</p> <p style="text-align:justify">***</p>


Save