Book List

<h2 style="text-align: center;">အခန်း ၂၇၈ - မဂျစ်စီးတီးရဲ့ နိုင်ပွဲဆက်မှု ရပ်တန့်သွားတော့မှာလား</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"မဂျစ်စီးတီးနဲ့ ကျင်းချန်းတက္ကသိုလ် နောက်ဆုံးတော့ ရောက်လာပြီဟေ့"</p> <p style="text-align:justify">"ဟုတ်တယ်... ပြီးတော့ ဒါက ပထမဆုံးပွဲပဲ တကယ်ကို မျှော်လင့်နေတာ"</p> <p style="text-align:justify">မတ်လ ၁၆ ရက်နေ့တွင် နံနက်ပိုင်း၌ အသင်းလိုက်ပွဲ စုစုပေါင်း ၅ ပွဲ ရှိသည်။ မဂျစ်စီးတီးနှင့် ကျင်းချန်းတက္ကသိုလ်တို့၏ ပွဲစဉ်မှာ ပထမဆုံးပွဲ ဖြစ်သည်။ ဤသည်မှာ နိုင်ငံတော် တက္ကသိုလ်ပေါင်းစုံ လိဂ်ပြိုင်ပွဲစင်မြင့်တွင် ထိပ်တန်းတက္ကသိုလ်များ ပထမဆုံးအကြိမ် ထိပ်တိုက်တွေ့ဆုံခြင်းလည်း ဖြစ်သည်။ ကိုးနာရီပင် မထိုးသေးသော်လည်း အားကစားကွင်းတစ်ခုလုံးရှိ ပွဲကြည့်စင်များတွင် ပရိသတ်များ ပြည့်လျှံနေခဲ့ပြီ ဖြစ်သည်။</p> <p style="text-align:justify">၎င်းတင်မကဘဲ လိဂ်ပြိုင်ပွဲကို တိုက်ရိုက်ထုတ်လွှင့်ခွင့်ရထားသည့် မဟာနွေရာသီ တိုင်းပြည်၏ အကြီးဆုံး Liveလွှင့် ကုမ္ပဏီဖြစ်သော တိုးယုတွင်လည်း အွန်လိုင်းမှ ကြည့်ရှုသူ အရေအတွက်မှာ သန်းနှင့်ချီ၍ ရှိနေခဲ့သည်။</p> <p style="text-align:justify">"လာပြီ လာပြီ"</p> <p style="text-align:justify">"မဂျစ်စီးတီး အောင်ရမည် မိုးကြိုးဧကရာဇ် အောင်ရမည်"</p> <p style="text-align:justify">"ဟဲဟဲ... မဂျစ်စီးတီးက ဘာမှမဟုတ်ပါဘူး ကျင်းချန်းကမှ အစွမ်းအထက်ဆုံး"</p> <p style="text-align:justify">လူတိုင်းတွင် လိဂ်ပြိုင်ပွဲကို လူကိုယ်တိုင် လာရောက်ကြည့်ရှုရန် ငွေကြေးနှင့် အင်အား မရှိကြပေ။ လူအများစုမှာ လိုက်ဖ်လွှင့်သည့် ပလက်ဖောင်းများမှ ကြည့်ရှုရန်သာ ရွေးချယ်ကြသည်။ ယနေ့မှာ စနေနေ့ ဖြစ်သဖြင့် အထက်တန်းကျောင်းသားများနှင့် တက္ကသိုလ်ကျောင်းသား အများစုမှာ အားလပ်ရက် ရနေကြပြီ ဖြစ်သည်။ ထို့ကြောင့် Liveလွှင့်သည့် ကဏ္ဍတစ်ခုလုံးမှာ အလွန်ပင် စည်ကားနေပြီး ကွန်မန့်များမှာလည်း ရေတံခွန်တစ်ခုသဖွယ် အဆက်မပြတ် စီးဆင်းနေတော့သည်။</p> <p style="text-align:justify">မဂျစ်စီးတီးကို အားပေးသူများနှင့် ကျင်းချန်းကို အားပေးသူများမှာ များပြားလှပြီး လိုက်ဖ်လွှင့်သည့်နေရာတွင် အပြန်အလှန် အပြင်းအထန် ငြင်းခုံနေကြသည်။ လိဂ်ပြိုင်ပွဲ ကျင်းပလာသည်မှာ ၇ ရက်ရှိပြီဖြစ်ရာ ၁၆ ရက်သို့ ရောက်ရှိလာခဲ့ပြီ ဖြစ်သည်။ အွန်လိုင်းပေါ်တွင်လည်း ရှုကျင်းမင်၊ ဝမ်ချီနှင့် ခုန်းရှီတို့ကဲ့သို့ ကြယ်ပွင့်ကစားသမားများ၏ တိုက်ပွဲ ဗီဒီယိုအတိုအစများစွာ ရှိနေသည်။</p> <p style="text-align:justify">အကယ်၍ မည်သူက နာမည်အကြီးဆုံးနှင့် အားပေးသူအများဆုံးလဲဟု မေးလာပါက ၎င်းမှာ မလွဲမသွေ မဂျစ်စီးတီးမှ ရှုကျင်းမင်ပင် ဖြစ်လိမ့်မည်။ မဟာနွေရာသီ တိုင်းပြည်တွင် ရှားပါးလှသော သူ၏ SSအဆင့် စွမ်းရည်မှာ သဘာဝကျစွာပင် အမြဲတမ်း ရေပန်းစားနေသည့် အကြောင်းအရာ ဖြစ်နေသည်။ ပို၍ အရေးကြီးသည်မှာ ရှုကျင်းမင်တွင် မိုးကြိုးဓာတ် SSအဆင့် စွမ်းရည် ရှိနေခြင်းပင် တိုက်ပွဲတိုင်းတွင် သူ ပြသခဲ့သည့် တောက်ပသော ရွှေရောင်လျှပ်စီးများမှာ အမြင်နှင့် အကြားအာရုံကို အကောင်းဆုံး ဖျော်ဖြေမှု ပေးစွမ်းနိုင်သည်။ အကယ်၍ စကားလုံးတစ်လုံးတည်းဖြင့် ဖော်ပြရမည်ဆိုပါက ၎င်းမှာ "မိုက်တယ်" ဆိုသည့် စကားပင် ဖြစ်ပေလိမ့်မည်။</p> <p style="text-align:justify">နိုင်ငံတော် တက္ကသိုလ်ပေါင်းစုံ လိဂ်ပြိုင်ပွဲကို ကြည့်ရှုနေသူ အများစုမှာ လူငယ်များ ဖြစ်ကြပြီး ဤမျှ အစွမ်းထက်ပြီး ခန့်ညားသော ကစားသမားမျိုးကို မည်သူက မကြိုက်ဘဲ နေပါမည်နည်း။</p> <p style="text-align:justify">"ငါက အစက ကျင်းတက္ကသိုလ်ကို အံ့သြသွားအောင် လုပ်မလို့ပဲ ဒါပေမဲ့ ကျင်းချန်းနဲ့ အရင် တွေ့ရလိမ့်မယ်လို့ ထင်မထားဘူး... ဒါပေမဲ့ ကိစ္စမရှိပါဘူး အသင်းလိုက်ပွဲက နှစ်ပွဲပဲ ကျန်တော့တာဆိုတော့ ခဏနေရင် သူတို့ကို ပုံစံ ၁ နဲ့ပဲ ရင်ဆိုင်လိုက်မယ်.... ငါတို့ရဲ့ အစွမ်းအထက်ဆုံး ပုံစံကို သူတို့ကို ပြလိုက်ကြတာပေါ့"</p> <p style="text-align:justify">မဂျစ်စီးတီး ပွဲကြည့်စင်တွင် ရန်ကျန့်ထျန်းက နောက်ဆုံး ဗျူဟာများကို ချမှတ်နေသည်။ ယနေ့မှာ အသင်းလိုက်ပွဲများ၏ နောက်ဆုံး သုံးရက်မြောက်နေ့ ဖြစ်ပြီး မဂျစ်စီးတီး ခုနစ်ပွဲဆက်တိုက် အနိုင်ရထားသလို ကျင်းချန်းနှင့် ကျင်းတက္ကသိုလ်တို့မှာလည်း ခုနစ်ပွဲဆက်တိုက် အနိုင်ရထားကြသည်။ နောက်ဆုံး နှစ်ပွဲမှာ ကျင်းချန်းနှင့် ကျင်းတက္ကသိုလ်တို့နှင့် အသီးသီး ယှဉ်ပြိုင်ရမည် ဖြစ်သည်။</p> <p style="text-align:justify">"ကျင်းမင်... ခဏနေရင်တော့ မင်းကိုပဲ အားကိုးရတော့မယ်" ရန်ကျန့်ထျန်း၏ အကြည့်က အဖွဲ့အတွင်းရှိ အရပ်ရှည်ပြီး သွယ်လျသော ရှုကျင်းမင်ပေါ်သို့ ကျရောက်သွားသည်။</p> <p style="text-align:justify">ရက်အနည်းငယ်ဆက်တိုက် တိုက်ပွဲများတွင် ပုံစံ ၂ ကိုသာ အသုံးပြုခဲ့သည်။ သူ၏ တပည့်ဖြစ်သူမှာ ပျင်းရိငြီးငွေ့နေလိမ့်မည်ကို သူ သိထားသည်။</p> <p style="text-align:justify">"ကောင်းပါပြီ" ရှုကျင်းမင်က ပြုံးလျက် ခေါင်းညိတ်လိုက်သည်။</p> <p style="text-align:justify">အမှန်တကယ်ပင် လွန်ခဲ့သော ရက်အနည်းငယ်က ပွဲစဉ်များမှာ အနည်းငယ် ပျင်းစရာကောင်းလွန်းလှသည်။ ထိပ်တန်းတက္ကသိုလ်များနှင့် ပွဲစဉ်များကသာ သူ့အတွက် မျှော်လင့်စရာ တစ်ခုခု ဖြစ်စေသည်။</p> <p style="text-align:justify">"ကြည့်ရှုသူ ပရိသတ်အားလုံးကို နိုင်ငံတော် တက္ကသိုလ်ပေါင်းစုံ လိဂ်ပြိုင်ပွဲရဲ့ သတ္တမမြောက်နေ့ ပွဲစဉ်တွေဆီကို ကြိုဆိုပါတယ်"</p> <p style="text-align:justify">"ဒီနေ့မှာတော့ တစ်ဦးချင်းပြိုင်ပွဲရဲ့ ကွာတားဖိုင်နယ်ကနေ ဆီမီးဖိုင်နယ် တက်လှမ်းမယ့်ပွဲတွေ ရှိရုံတင်မကဘဲ... အသင်းလိုက်ပွဲမှာလည်း လူအများ မျှော်လင့်နေကြတဲ့ ထိပ်တန်းတက္ကသိုလ်တွေရဲ့ ထိပ်တိုက်တွေ့ဆုံမှုတွေ ရှိနေပါတယ် အချိန်ဆွဲမနေတော့ဘဲ မဂျစ်စီးတီး စွမ်းရည်ပိုင်ရှင် တက္ကသိုလ်နဲ့ ကျင်းချန်း စွမ်းရည်ပိုင်ရှင် တက္ကသိုလ်တို့ကို စင်ပေါ်ကို ဖိတ်ခေါ်လိုက်ကြရအောင်"</p> <p style="text-align:justify">ကိုးနာရီ တိတိ ရောက်သည့်အခါ အစီအစဉ်မှူး ဖုန်းလဲ့က အချိန်ကိုက် ပေါ်လာသည်။ ရိုးရှင်းသော စကားအနည်းငယ်ကပင် အားကစားကွင်းတစ်ခုလုံး၏ လေထုကို ပွက်ပွက်ဆူသွားစေခဲ့သည်။</p> <p style="text-align:justify">"မဂျစ်စီးတီး"<br /> "ကျင်းချန်း"</p> <p style="text-align:justify">အားပေးသံများမှာ ဒီရေလှိုင်းသဖွယ် လှိမ့်တက်လာပြီး လိုက်ဖ်လွှင့်သည့် ကဏ္ဍအားလုံးတွင်လည်း နှစ်ဖက်အဖွဲ့၏ အားပေးစာများဖြင့် ပြည့်နှက်သွားတော့သည်။</p> <p style="text-align:justify">"သွားကြစို့" ရှုကျင်းမင်က ခုန်းရှီနှင့် အခြားသူများကို ဦးဆောင်ကာ ကွင်းအတွင်းသို့ လှမ်းဝင်လိုက်သည်။</p> <p style="text-align:justify">ကျင်းချန်း တက္ကသိုလ် ပွဲကြည့်စင်မှလည်း မီးခိုးရောင် တိုက်ပွဲဝင်ဝတ်စုံများ ဝတ်ဆင်ထားသော ငါးယောက်အဖွဲ့ ထွက်လာခဲ့သည်။</p> <p style="text-align:justify">"မင်းတို့ မဂျစ်စီးတီးနဲ့ တိုက်ရမယ့်ပွဲကို ငါ နောက်ဆုံးတော့ စောင့်ရတာ တကယ်ကို မလွယ်ဘူး... မင်းတို့ရဲ့ နိုင်ပွဲဆက်နေတာကို အဆုံးသတ်ပေးဖို့ ငါ တကယ်ကို စိတ်မရှည်နိုင်တော့ဘူး"</p> <p style="text-align:justify">ကွင်းထဲသို့ မရောက်မီမှာပင် ကျင်းချန်းအဖွဲ့မှ မီးခိုးရောင် ဝတ်စုံဝတ်ထားသော ရှေ့ဆုံးက လူငယ်က ရှုကျင်းမင်တို့အား ခပ်ရိုင်းရိုင်းနှင့် မောက်မာသော အပြုံးဖြင့် ပြောလိုက်သည်။ ထိုသူမှာ ကျင်းချန်း ကိုယ်စားလှယ်အဖွဲ့၏ အဖွဲ့ခေါင်းဆောင် ဟန်ရှန်း ဖြစ်ပြီး စတုတ္ထအဆင့်လတ်တွင် ရှိသော ပံ့ပိုးမှုအမျိုးအစား စွမ်းရည်ပိုင်ရှင် တစ်ဦး ဖြစ်သည်။</p> <p style="text-align:justify">"ဟန်ရှန်း... မင်းက လေ့လာရေးခရီးစဉ်တုန်းက အထုခံရတာ မဝသေးဘူးလား။ အခုလည်း အထုခံချင်လို့ ယားနေပြန်ပြီလား" ခုန်းရှီနှင့် အခြားသူများက ကျောင်းသားသစ် လေ့လာရေးခရီးစဉ်ကတည်းက ဤကျင်းချန်းအဖွဲ့နှင့် တွေ့ဆုံခဲ့ဖူးသည်။ လေ့လာရေးခရီးစဉ်အတွင်း ကျင်းချန်းက မဂျစ်စီးတီး၏ ဖိနှိပ်ခြင်းကို အကြီးအကျယ် ခံခဲ့ရသည်။ ဟန်ရှန်းက ယခုကဲ့သို့ လာရောက် ရန်စနေသည်ကို မြင်ရသည့်အခါ ခုန်းရှီက အားမနာတမ်း ပြန်လည် ချေပလိုက်ခြင်း ဖြစ်သည်။</p> <p style="text-align:justify">"လေ့လာရေးခရီးစဉ်က သားရဲတွေကို ဘယ်သူပိုသတ်နိုင်လဲဆိုတာနဲ့ ဆုံးဖြတ်တာလေ အဲဒီတုန်းက ငါတို့ ကျင်းချန်းက မင်းတို့လို လူကြမ်းတွေနဲ့ မယှဉ်နိုင်ခဲ့တာ အမှန်ပဲ ဒါပေမဲ့ အခု အသင်းလိုက်ပြိုင်ပွဲကတော့ မတူဘူး မင်းတို့ မဂျစ်စီးတီးအတွက် အခွင့်အရေး မရှိစေရဘူး" ဟန်ရှန်းက သူ၏ အတိတ်ကြောင်းကို ပြန်အပြောခံရသော်လည်း ဒေါသမထွက်ဘဲ ပွင့်ပွင့်လင်းလင်း ဝန်ခံလိုက်သည်။</p> <p style="text-align:justify">"အခွင့်အရေး ရှိမရှိဆိုတာ မင်း ဆုံးဖြတ်ရမှာ မဟုတ်ဘူး... ကွင်းထဲရောက်မှပဲ ငါတို့ သိရလိမ့်မယ်" ရှုကျင်းမင်က မျက်မှောင်ကြုတ်လျက် သူ၏ ဩဇာညောင်းလှသော အသံဖြင့် ပြောလိုက်သည်။</p> <p style="text-align:justify">"မဂျစ်စီးတီးရဲ့ ရှုကျင်းမင်... SSအဆင့် စွမ်းရည်ပိုင်ရှင် မင်း တကယ် အစွမ်းထက်တယ်ဆိုတာ ငါ ဝန်ခံပါတယ် ဒါပေမဲ့ အဲဒါက တစ်ဦးချင်းပွဲတွေမှာပဲ အကျုံးဝင်မှာပါ အသင်းလိုက်ပွဲမှာတော့ မင်းတို့ နိုင်ဖို့ ဆယ်ရာခိုင်နှုန်းတောင် အခွင့်အရေး မရှိဘူး..." ဟန်ရှန်းက ပြောပြီးနောက် သူ၏အဖွဲ့ကို ဦးဆောင်ကာ ထွက်ခွာသွားသည်။</p> <p style="text-align:justify">"သူတို့ ရူးနေတာလား... ဘယ်ကနေ ဒီလောက် ယုံကြည်မှုတွေ ရနေတာလဲ" ကျင်းချန်းအဖွဲ့၏ ကျောပြင်ကို ကြည့်ရင်း ယောင်ဖန်က မကျေမနပ် ရေရွတ်လိုက်သည်။</p> <p style="text-align:justify">"သူတို့ကို ဂရုမစိုက်နဲ့ ကွင်းထဲ တက်ကြစို့" ရှုကျင်းမင်ကမူ ဤအရာကို ဂရုမစိုက်ပေ။ ပွဲမစခင် စိတ်ဓာတ်စစ်ဆင်ရေး စကားလုံးများဖြင့် တိုက်ခိုက်ပြီး ကွင်းထဲတွင် စွမ်းဆောင်ရည် ကျဆင်းသွားအောင် လုပ်ဆောင်ခြင်းမှာ ပုံမှန်ပင် ဖြစ်သည်။ သို့သော် ကျင်းချန်း၏ စကားလုံးများမှာမူ ဘာမှ ခြိမ်းခြောက်နိုင်စွမ်း မရှိလှပေ။</p> <p style="text-align:justify">"ထိပ်တန်းတက္ကသိုလ်တွေ ပီပီ ပွဲမစခင်မှာတင် အပြန်အလှန် စကားနာထိုးတာတွေက တကယ်ကို ပြင်းထန်လှပါတယ်... အခု အသင်းနှစ်သင်းလုံး ကွင်းထဲကို ရောက်လာကြပြီ ဖြစ်ပြီး ဒိုင်လူကြီးနဲ့ နောက်ဆုံး အတည်ပြုချက်တွေ လုပ်ဖို့ ၁ မိနစ် အချိန်ရပါမယ်... ပရိသတ်သစ်တွေ မသိသေးရင် ကျွန်တော် အနည်းငယ် ရှင်းပြချင်တာကတော့... ဒီ ၁ မိနစ်ဟာ အဖွဲ့ဝင်တွေ အစားထိုးဖို့ လိုမလို အတည်ပြုတဲ့ အချိန်ပါပဲ... မဂျစ်စီးတီးက ပြီးခဲ့တဲ့ပွဲမှာ အရန်လူတွေကို သုံးခဲ့ပေမဲ့ ဒီနေ့မှာတော့ အဓိက ကစားသမားတွေ ပြန်ပါလာဖို့ ရှိပါတယ် ဟုတ်ပါတယ်... မဂျစ်စီးတီး အဖွဲ့ခေါင်းဆောင် ရှုကျင်းမင်က ဒိုင်လူကြီးဆီကို လျှောက်လွှာ တင်လိုက်ပါပြီ..."</p> <p style="text-align:justify">ရှုကျင်းမင်ကဲ့သို့ အမာခံလူ ရှိနေသဖြင့် သာမန်တက္ကသိုလ်များကို ရင်ဆိုင်ရာတွင် ခုန်းရှီတို့ကဲ့သို့ အဓိက ကစားသမားများကို အမြဲ သုံးရန် မလိုပေ။ ယခင်ပွဲများတွင် ဆုရုယွန်းနှင့် တောက်ကွမ်းတို့ကဲ့သို့ အရန်လူများ အကြိမ်ကြိမ် ပါဝင်ခဲ့ကြသည်။ ယခု ကျင်းချန်းနှင့် တိုက်ရမည် ဖြစ်သဖြင့် ခုန်းရှီတို့ကဲ့သို့ အဓိကလူများကို ပြန်လည် အစားထိုးရန် လျှောက်ထားခြင်း ဖြစ်သည်။</p> <p style="text-align:justify">အစီအစဉ်မှူး ဖုန်းလဲ့၏ နားကြပ်ထဲတွင် ကွင်းအတွင်းရှိ ဒိုင်လူကြီးနှင့် ဆက်သွယ်ထားသော အသံကို ကြားနေရသည်။ ထိုခဏတွင် ဒိုင်လူကြီး၏ ကြေညာချက်ကြောင့် အစီအစဉ်မှူးမှာ ခေတ္တ မှင်သက်သွားရပြီး သူ၏ အံ့သြသံမှာ ကွင်းတစ်ခုလုံးကို ဟိန်းထွက်သွားတော့သည်။</p> <p style="text-align:justify">"ဟမ်... ဒါ ဘာဖြစ်တာလဲ ကျင်းချန်းတက္ကသိုလ်က အဓိက ကစားသမား သုံးယောက်ကို ထုတ်ပြီး အရန်ကစားသမား သုံးယောက်နဲ့ အစားထိုးလိုက်တာလား"</p> <p style="text-align:justify">***</p>


Save