Book List

<h2 style="text-align: center;">နိုးထလာသော ကမ္ဘာလုံးဆိုင်ရာ စွမ်းအားရှင်</h2> <h2 style="text-align: center;">အခန်း ၂၈၁ မိုးကြိုးနတ်ဘုရား လက်ချောင်း</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">"သွားပြီ... ဒါက တကယ်ကြီး အကြွင်းမဲ့ ကာကွယ်ရေးပဲဟ"</p> <p style="text-align:justify">"ဒီတိုက်ကွက်သာ ရှိနေရင် အသင်းလိုက် ချန်ပီယံဆုက ကျင်းတက္ကသိုလ်အတွက်ပဲ သေချာသွားပြီ"</p> <p style="text-align:justify">"အမှန်ပဲ... ဒီလောက်အထိ ထိခိုက်မှုကို လျှော့ချနိုင်စွမ်းရှိတာက တကယ်ကို ကြောက်စရာကောင်းလွန်းတယ်..."</p> <p style="text-align:justify">ပွဲကြည့်စင်ထက်မှ ပရိသတ်များမှာ ဟိုးလေးတကျော် ဖြစ်သွားကြတော့သည်။ စတုတ္ထအဆင့်လတ် စွမ်းရည်ပိုင်ရှင် ယောင်ဖန်က Sအဆင့် တိုက်ခိုက်ရေးနည်းစနစ်ကို အသုံးပြုခဲ့သည့်တိုင် ကျင်းတက္ကသိုလ်အသင်းအား တစ်စုံတစ်ရာ ထိခိုက်အောင် မလုပ်နိုင်သည်ကို မြင်လိုက်ရသောအခါ အားလုံးမှာ မှင်တက်သွားကြရသည်။ စင်မြင့်ပေါ်ရှိ ယောင်ဖန်ကိုယ်တိုင်လည်း အံ့အားသင့်သွားကာ ပြောလိုက်သည်။</p> <p style="text-align:justify">"ငါ့ရဲ့ Sအဆင့် နည်းစနစ်က ဒီလောက်တောင် အားပျော့သွားတာလား"</p> <p style="text-align:justify">ထိုတိုက်ကွက်မှာ ဂုဝမ်၏ ဝိညာဉ်အလင်း အစွမ်းမြှင့်တင်မှု ပါဝင်နေသည်ကိုလည်း မမေ့သင့်ပေ။ အကယ်၍ ထိုအစွမ်းမြှင့်တင်မှုသာ မရှိပါက ရလဒ်မှာ ယခုထက်ပင် ပို၍ သနားစရာကောင်းနေပေလိမ့်မည်။</p> <p style="text-align:justify">"Sအဆင့် စွမ်းအင်ကာကွယ်ရေးဒိုင်း သုံးထပ်ရယ်... SSအဆင့် အသက်ဝိညာဉ် မျှဝေခြင်းရယ် ပေါင်းထားတာဆိုတော့ ဒီလိုဖြစ်တာက ပုံမှန်ပါပဲ ဒါပေမဲ့ ကိစ္စမရှိပါဘူး... ဒါကို ဖျက်ဆီးဖို့က မဖြစ်နိုင်တာတော့ မဟုတ်ဘူး... ငါ တစ်ချက်လောက် စမ်းကြည့်လိုက်မယ်"</p> <p style="text-align:justify">ရှုကျင်းမင်က ဒိုင်း၏ အစွမ်းကို ခန့်မှန်းပြီးနောက် သူ၏ မျက်ဝန်းများကို မှေးလိုက်ရာ သူ၏ ခန္ဓာကိုယ်ပတ်လည်တွင် ရွှေရောင်မိုးကြိုးလျှပ်စီးများက တဖျစ်ဖျစ်နှင့် ထွက်ပေါ်လာတော့သည်။</p> <p style="text-align:justify">"အဖွဲ့ခေါင်းဆောင်... ရှင် အစွမ်းကုန် ထုတ်သုံးတော့မလို့လား" ယောင်ဖန်၏ မျက်လုံးများက တောက်ပသွားသည်။</p> <p style="text-align:justify">"ဆရာကိုယ်တိုင်က နည်းဗျူဟာ နံပါတ် ၁ ကို သုံးခိုင်းထားတာဆိုတော့ သူတို့ကို အံ့ဩစရာတစ်ခု ပေးလိုက်တာပေါ့"</p> <p style="text-align:justify">ရှုကျင်းမင်က အသက်ကို ပြင်းပြင်းတစ်ချက် ရှူသွင်းလိုက်သည်။ ရွှေရောင်မိုးကြိုးများက ရုတ်တရက် ပိုမိုပြင်းထန်လာသည်။ ထို့နောက် သူ၏ တည်ကြည်သော မျက်ဝန်းများက တောက်ပသော ရွှေရောင်နဂါးသူငယ်အိမ်များအဖြစ်သို့ ပြောင်းလဲသွားတော့သည်။</p> <p style="text-align:justify">သူ၏ ခန္ဓာကိုယ်သည်လည်း ၂.၂ မီတာခန့်အထိ ရုတ်တရက် ကြီးထွားလာကာ ခန္ဓာကိုယ်တစ်ခုလုံးတွင် ရွှေရောင်မိုးကြိုးများက ရစ်ပတ်နေသည်။ သူ၏ ခန္ဓာကိုယ်ကို ဗဟိုပြု၍ အင်အားကြီးမားပြီး ကြောက်မက်ဖွယ်ကောင်းသော နဂါးတစ်ကောင်၏ အရှိန်အဝါများ လွင့်ပျံ့ထွက်ပေါ်လာခဲ့သည်။</p> <p style="text-align:justify">"အင်း... ဒီပုံစံကမှ နေလို့ထိုင်လို့ ကောင်းတာ"</p> <p style="text-align:justify">မိုးကြိုးအထွတ်အထိပ် အခြေအနေထဲသို့ မဝင်ရောက်ခဲ့သည်မှာ ကြာပြီဖြစ်သော ရှုကျင်းမင်က ကျေနပ်စွာ ပြုံးလိုက်သည်။ သို့သော် သူ၏ ဘေးနားရှိ ယောင်ဖန်မှာမူ မျက်ခွံများ တလှုပ်လှုပ်တုန်သွားကာ မသိစိတ်ဖြင့် ကုန်းရှီ၏ ဘေးနားသို့ ဆုတ်ခွာသွားမိသည်။ SSအဆင့် စွမ်းရည်နှင့် နဝမအဆင့် နဂါးသားရဲဘုရင်၏ အရှိန်အဝါ ပေါင်းစပ်မှုက စတုတ္ထအဆင့်လတ် စွမ်းရည်ပိုင်ရှင်ဖြစ်သော သူမအတွက်ပင် ခံနိုင်ရည်ရှိရန် ခက်ခဲလွန်းလှသည်။</p> <p style="text-align:justify">"ဘုရားရေ... မိုးကြိုးဧကရာဇ်က မိုးကြိုးဓာတ် စွမ်းရည်ပိုင်ရှင် မဟုတ်ဘူးလား သူက ဒါမျိုးလည်း လုပ်တတ်တာလား"</p> <p style="text-align:justify">"ဒါက အထူး ခန္ဓာကိုယ်ကြံ့ခိုင်ရေး နည်းစနစ်တစ်ခု ဖြစ်ရမယ် ကြည့်ရတာ တကယ်ကို မိုက်တယ်"</p> <p style="text-align:justify">"ဟုတ်တယ်... သူ့ဆီကနေ အာဏာစက်ပြင်းတဲ့ ရက်စက်မှု အငွေ့အသက်တွေ ထွက်နေတယ်"</p> <p style="text-align:justify">ရှုကျင်းမင် မိုးကြိုးအထွတ်အထိပ် အခြေအနေသို့ ဝင်ရောက်သွားခြင်းက ပွဲကြည့်ပရိသတ်အားလုံးကို ချက်ချင်းပင် အံ့အားသင့်သွားစေသည်။ စင်မြင့်နှင့် နီးသော ပရိသတ်အချို့မှာမူ ထိပ်တန်းသားရဲကြီးတစ်ကောင်၏ နယ်မြေထဲသို့ ကျူးကျော်ဝင်ရောက်မိသလို ခံစားလိုက်ရသဖြင့် နှလုံးခုန်မြန်ကာ ထိတ်လန့်တုန်လှုပ်နေကြသည်။</p> <p style="text-align:justify">အချို့သော မိန်းကလေးငယ်များမှာမူ ရှုကျင်းမင်၏ လူသားသားရဲတစ်ကောင်ကဲ့သို့ သန်မာလှသော ခန္ဓာကိုယ်ကြီးကို ကြည့်ကာ မျက်နှာများ အနည်းငယ် နီမြန်းနေကြသော်လည်း သူတို့ ဘာတွေးနေသည်ကိုမူ မည်သူမျှ မသိနိုင်ပေ။</p> <p style="text-align:justify">"မိုးကြိုးအထွတ်အထိပ် အခြေအနေလား... မင်းမှာ ဒီလိုလှည့်ကွက်ရှိတာ ငါတို့ ကြိုသိပြီးသားပါ"</p> <p style="text-align:justify">ပရိသတ်များကဲ့သို့ အံ့ဩခြင်းမရှိဘဲ စင်ပေါ်ရှိ ကျင်းတက္ကသိုလ်အသင်းမှာမူ ထိုအရာကို မျှော်လင့်ထားပုံရသည်။ အဖွဲ့ခေါင်းဆောင် ဟန်ရှန်းက ပို၍ပင် ယုံကြည်ချက်ရှိနေကာ ပြောလိုက်သည်။</p> <p style="text-align:justify">"ရှုကျင်းမင်... မင်းရဲ့ မိုးကြိုးအထွတ်အထိပ် အခြေအနေက မင်းရဲ့ ခန္ဓာကိုယ်ခွန်အားကို အများကြီး တိုးစေတာမှန်ပေမဲ့ စွမ်းရည်အပေါ်မှာတော့ ထူးထူးခြားခြား တိုးတက်စေတာ မရှိပါဘူး... ငါ အကြံပေးချင်တာကတော့ စောစောစီးစီး အရှုံးပေးလိုက်တာ ပိုကောင်းမယ်... မဟုတ်ရင် ခဏနေ တကယ်တိုက်တဲ့အခါ ငါတို့ ညှာတာမှာ မဟုတ်ဘူး"</p> <p style="text-align:justify">"မင်းတို့က ငါတို့ကို နိုင်မယ်လို့ အဲဒီလောက်တောင် ယုံကြည်နေတာလား"</p> <p style="text-align:justify">ရှုကျင်းမင်က ခေါင်းခါလိုက်ပြီး "စီနီယာအစ်မ ဂု... ကျွန်တော့်ကို အစွမ်းမြှင့်ပေးပါဦး"</p> <p style="text-align:justify">"ကောင်းပြီလေ... ငါလည်း ဒီအချိန်ကို စောင့်နေတာ"</p> <p style="text-align:justify">သူတို့၏ နောက်ဘက်တွင် ရှိနေသော မျက်မှန်အနက်လေးနှင့် ဂုဝမ်က ပြုံးလိုက်ပြီး အော်ပြောလိုက်သည်။ "ဝိညာဉ်အလင်း၏ ကျေးဇူးတော်...."</p> <p style="text-align:justify">“ဘုန်း...”</p> <p style="text-align:justify">တောက်ပသော နတ်ဘုရားအလင်းတန်းများက ဂုဝမ်၏ ခန္ဓာကိုယ်မှ ပေါက်ကွဲထွက်လာပြီး ရှုကျင်းမင်၏ ခန္ဓာကိုယ်ထဲသို့ အလုံးအရင်းနှင့် စီးဝင်သွားတော့သည်။ “ဝိညာဉ်အလင်း၏ ကျေးဇူးတော် Sအဆင့် ပံ့ပိုးမှုနည်းစနစ်”</p> <p style="text-align:justify">ထိုစွမ်းအားက ရှုကျင်းမင်အပေါ်သို့ ကျရောက်သွားသည်နှင့် သူ၏ အားကောင်းလှသော အရှိန်အဝါမှာ နောက်ထပ်အဆင့်တစ်ခုသို့ ချက်ချင်းပင် မြင့်တက်သွားတော့သည်။ ထိုကြောက်မက်ဖွယ်ရာ အရှိန်အဝါကြောင့် တစ်ဖက်မှ ကျင်းတက္ကသိုလ်အသင်းသားများ၏ မျက်နှာများမှာ အနည်းငယ် ပျက်သွားကြသည်။ တစ်ဦးချင်းပြိုင်ပွဲတွင် ရှုကျင်းမင်၏ ထိုးနှက်မှုကို ခံခဲ့ရဖူးသော ကျိုးချောင်းမှာ ရင်ထဲတွင် ဒိတ်ခနဲ ဖြစ်သွားကာ ဟန်ရှန်းကို လှမ်းကြည့်လိုက်သည်။</p> <p style="text-align:justify">"အဖွဲ့ခေါင်းဆောင်... ရှုကျင်းမင်ရဲ့ အရှိန်အဝါက ဘာလို့ ဒီလောက်တောင် ပြင်းထန်နေရတာလဲ"</p> <p style="text-align:justify">"စိတ်မပူနဲ့... ရှုကျင်းမင်က တတိယအဆင့်မြင့်ပဲ ရှိသေးတာ... သူ ငါတို့ရဲ့ အကြွင်းမဲ့ ကာကွယ်ရေးကို ဘယ်လိုမှ မဖောက်နိုင်ဘူး"</p> <p style="text-align:justify">SSအဆင့် နည်းစနစ်ဖြစ်သော အသက်ဝိညာဉ် မျှဝေခြင်းမှာ ဟန်ရှန်း နှစ်နှစ်တိုင်တိုင် ကျင့်ကြံခဲ့ရသော အစွမ်းဖြစ်သဖြင့် သူက အပြည့်အဝ ယုံကြည်နေခြင်းပင်။ သို့သော် ထိုအချိန်တွင်ပင် နိမ့်ရှိုင်းပြီး ခန့်ညားလှသော အသံတစ်ခု ရုတ်တရက် ထွက်ပေါ်လာသည်။</p> <p style="text-align:justify">"မိုးကြိုးနတ်ဘုရား လက်ချောင်း"</p> <p style="text-align:justify">ထိုစကားလုံးများ ဆုံးသည်နှင့် နံနက် ၉ နာရီကျော်ကျော်သာ ရှိသေးသော ကြည်လင်နေသည့် ကောင်းကင်ထက်မှ မိုးခြိမ်းသံကြီးက ဝုန်းခနဲ မြည်ဟည်းသွားတော့သည်။</p> <p style="text-align:justify">"မိုးခြိမ်းတာလား" ဟန်ရှန်းမှာ အနည်းငယ် လန့်သွားပြီး ကောင်းကင်ကို မသိစိတ်ဖြင့် မော့ကြည့်လိုက်သည်။</p> <p style="text-align:justify">ထိုအခိုက်အတန့်တွင် မီတာနှစ်ရာအကွာရှိ ရှုကျင်းမင်၏ ခန္ဓာကိုယ်မှ ရွှေရောင်မိုးကြိုးတိုင်ကြီးတစ်ခု ဝုန်းခနဲ ပန်းထွက်လာကာ ကောင်းကင်ယံရှိ တိမ်တိုက်များထဲသို့ ထိုးဖောက်ဝင်ရောက်သွားတော့သည်။</p> <p style="text-align:justify">“ဝုန်း... ဝုန်း... ဝုန်း...”</p> <p style="text-align:justify">ခဏအကြာတွင် မိုးခြိမ်းသံများက ပို၍ စိတ်လှုပ်ရှားဖွယ် ကောင်းလာပြီး ကောင်းကင်ယံမှ ဧရာမ ရွှေရောင်လက်ချောင်းကြီးတစ်ချောင်း မိုးခြိမ်းသံနှင့်အတူ ဖြည်းညင်းစွာ ထွက်ပေါ်လာသည်။ ၎င်းက ရွှေရောင်မိုးကြိုးလျှပ်စီးများ စုစည်းပြီး ဖြစ်ပေါ်လာသော လက်ချောင်းကြီးပင်။</p> <p style="text-align:justify">လက်ချောင်းကြီးတစ်ခုလုံးမှာ တောက်ပသော ရွှေရောင်အလင်းတန်းများ ဖြာထွက်နေပြီး မျက်နှာပြင်ပေါ်တွင် ထူးခြားဆန်းပြားသော လျှို့ဝှက်အမှတ်အသားများ ရှိနေသည်။ ထိုလက်ချောင်းကြီး အားကစားကွင်း၏ အပေါ်တွင် ပေါ်လာသည်နှင့် တစ်ပြိုင်နက် ရောက်ရှိနေသော သောင်းနှင့်ချီသော ပရိသတ်များမှာ မြင့်မြတ်ပြီး ခန့်ညားလှသော အရှိန်အဝါတစ်ခုကို ခံစားလိုက်ကြရသည်။</p> <p style="text-align:justify">"ဒါက ဘယ်လိုနည်းစနစ်မျိုးလဲ... ဘာလို့ ဒီလောက်တောင် ကြောက်စရာကောင်းတဲ့ စွမ်းအင်လှိုင်းတွေ ရှိနေရတာလဲ"</p> <p style="text-align:justify">"ငါ... ငါ သူ့ဆီကနေ နတ်ဘုရားတစ်ပါးရဲ့ အရှိန်အဝါကို ခံစားနေရတယ်"</p> <p style="text-align:justify">"နိမိတ်တစ်ခုပဲ... ဒါက တကယ့် နိမိတ်တစ်ခုပဲ"</p> <p style="text-align:justify">ပရိသတ်များမှာ ရှုကျင်းမင်၏ ပုံစံပြောင်းလဲမှုကို ဆွေးနွေးနေကြရာမှ လက်ချောင်းကြီး ပေါ်လာသောအခါ အသက်ရှူပင် မေ့လောက်အောင် မှင်တက်သွားကြသည်။ ဘာသာရေး အစွန်းရောက်သူအချို့မှာမူ ထိုနေရာမှာတင် ဝပ်တွားကာ ဆုတောင်းနေကြတော့သည်။</p> <p style="text-align:justify">"အဖွဲ့... အဖွဲ့ခေါင်းဆောင်... ဒီလက်ချောင်းကြီးရဲ့ အရှိန်အဝါက ကြောက်စရာကောင်းလွန်းမနေဘူးလား" ကျိုးချောင်းက တံတွေးကို ခက်ခဲစွာ မျိုချကာ စိုးရိမ်တကြီး မေးလိုက်သည်။</p> <p style="text-align:justify">"စိတ်မပူနဲ့... ငါတို့ ဒါကို ခုခံနိုင်မှာပါ"</p> <p style="text-align:justify">ဟန်ရှန်းသည်လည်း ရှုကျင်းမင်က ဤမျှ ကြောက်စရာကောင်းသော နည်းစနစ်ကို သုံးနိုင်လိမ့်မည်ဟု မမျှော်လင့်ထားခဲ့ပေ။ သို့သော် သူတို့၏ ဗျူဟာမှာ ကာကွယ်ရေးဖြစ်သဖြင့် အံကြိတ်ခံရန်သာ ရှိတော့သည်။</p> <p style="text-align:justify">"အားလုံးပဲ... စွမ်းရည်တွေကို အစွမ်းကုန် ထုတ်သုံးကြစမ်း"<br /> "ဟုတ်ကဲ့"</p> <p style="text-align:justify">ဒါက အဆုံးအဖြတ် အခိုက်အတန့်မှန်း အားလုံးသိကြသဖြင့် စွမ်းရည်များကို အမြင့်ဆုံးအထိ တိုးမြှင့်ကာ နည်းစနစ်များကို ဆက်တိုက် ထုတ်သုံးလိုက်ကြသည်။</p> <p style="text-align:justify">“ဟမ်...”</p> <p style="text-align:justify">Sအဆင့် စွမ်းအင်ကာကွယ်ရေးဒိုင်း သုံးထပ်၏ ရှေ့တွင် နောက်ထပ်သော ဓာတ်ကြီးလေးပါး အကာအကွယ်များ ပေါ်လာပြန်သည်။ တစ်ချိန်တည်းမှာပင် သူတို့ ငါးယောက်လုံးကို ချိတ်ဆက်ထားသော SSအဆင့် အသက်ဝိညာဉ် မျှဝေခြင်းမှာ ပို၍ တောက်ပလာသည်။ ထိုအချိန်တွင်ပင် မိုးကြိုးနတ်ဘုရား လက်ချောင်းကြီးက ဝုန်းခနဲ ကျဆင်းလာတော့သည်။</p> <p style="text-align:justify">“ဘန်း ဘန်း ဘန်း...” ဧရာမ ရွှေရောင်လက်ချောင်းကြီး၏ ရိုက်ခတ်မှုအောက်တွင် ထိုစွမ်းအင်ကာကွယ်ရေးဒိုင်းများက စက္ကူများသဖွယ် တစစီ ကြေမွသွားတော့သည်။ နောက်ဆုံး Sအဆင့် ကာကွယ်ရေးဒိုင်းကို ထိုးဖောက်ပြီးနောက်တွင်မှ လက်ချောင်းကြီး၏ စွမ်းအားမှာ အနည်းငယ် လျော့နည်းသွားသည်။</p> <p style="text-align:justify">"ဒီကျန်နေတဲ့ စွမ်းအင်ကိုသာ ခံနိုင်ရင် နောက်ဆုံးအောင်ပွဲက ငါတို့အတွက်ပဲ လီရန်... မြန်မြန် မင်းရဲ့ Sအဆင့် နည်းစနစ်ကို သုံးလိုက်တော့"</p> <p style="text-align:justify">လောင်းကစားသမားတစ်ဦးကဲ့သို့ ဟန်ရှန်းက မျက်လုံးများ နီမြန်းကာ အော်ဟစ်လိုက်သည်။ အခြား ကုသရေးစွမ်းရည်ပိုင်ရှင် တစ်ဦးကလည်း သူ ပြင်ဆင်ထားသော နည်းစနစ်ကို ထုတ်သုံးလိုက်သည်။ "သက်စောင့်ဒီရေလှိုင်း...."</p> <p style="text-align:justify">“ဝှစ်...”</p> <p style="text-align:justify">နွေးထွေးကြည်လင်သော စမ်းရေများက အားလုံး၏ ခန္ဓာကိုယ်ကို လွှမ်းခြုံသွားကာ ဖြစ်လာသမျှ ဒဏ်ရာအားလုံးကို ချက်ချင်း ကုသရန် ပြင်ဆင်လိုက်သည်။</p> <p style="text-align:justify">“ဘုန်း...”</p> <p style="text-align:justify">စွမ်းအားအနည်းငယ် လျော့ပါးသွားသော မိုးကြိုးနတ်ဘုရား လက်ချောင်းက ကျင်းတက္ကသိုလ်အသင်းပေါ်သို့ နောက်ဆုံးတွင် ကျရောက်သွားပြီး ပြင်းထန်လှသော ရွှေရောင်မိုးကြိုးများက ဝုန်းခနဲ ပေါက်ကွဲထွက်သွားတော့သည်။</p> <p style="text-align:justify">မိုးကြိုးလျှပ်စီးများဖြင့် ဖြစ်ပေါ်လာသော မှိုပွင့်သဏ္ဌာန် တိမ်တိုက်ကြီးတစ်ခု မြင့်တက်လာကာ ကျင်းတက္ကသိုလ်အသင်း ရှိနေသော နေရာတစ်ခုလုံးတွင် မိုးကြိုးလျှပ်စီးများဖြင့် ဖုံးလွှမ်းသွားတော့သည်။</p> <p style="text-align:justify">"ဒါ... ဖျက်ဆီးခံလိုက်ရတာလား"</p> <p style="text-align:justify">"မသိဘူး... မိုးကြိုးဧကရာဇ်ရဲ့ လက်ချောင်းက ပိုသန်မလား ကျင်းတက္ကသိုလ်ရဲ့ အကြွင်းမဲ့ ကာကွယ်ရေးက ပိုသန်မလားဆိုတာ ကြည့်ရမှာပဲ"</p> <p style="text-align:justify">ပရိသတ်များ၏ မျှော်လင့်တကြီး ကြည့်နေမှုအောက်တွင် မိနစ်အနည်းငယ် ကြာပြီးနောက် စင်မြင့်ပေါ်မှ ရွှေရောင်လျှပ်စီးများမှာ တဖြည်းဖြည်း လွင့်ပြယ်သွားသည်။</p> <p style="text-align:justify">အားလုံး မြင်လိုက်ရသည်မှာ ဒုံးကျည်များဖြင့် အပွတ်ခံထားရသကဲ့သို့ ချိုင့်ခွက်များဖြင့် ပြည့်နှက်ကာ ပျက်စီးနေသော သတ္တုစပ် မြေပြင်ကြီးပင်။ ထိုမြေပြင်ထက်တွင် ကျင်းတက္ကသိုလ်အသင်းသား ငါးယောက်လုံးမှာ စင်မြင့်မှ ပေးထားသော ဘေးကင်းရေး စွမ်းအင်ဒိုင်းများအတွင်း ရောက်ရှိနေကြပြီး အားလုံးမှာ ပြိုင်ပွဲမှ ထွက်လိုက်ရပြီ ဖြစ်သည်။</p> <p style="text-align:justify">မိုးကြိုးနတ်ဘုရား လက်ချောင်းတစ်ချက်တည်းဖြင့် ကျင်းတက္ကသိုလ်အသင်း တစ်သင်းလုံးကို သုတ်သင်ရှင်းလင်းလိုက်သည်။</p> <p style="text-align:justify">***</p>


Save