Book List

<h2 style="text-align: center;">အခန်း (၂၂၁)</h2> <h2 style="text-align: center;">ယင်းရှောင်ရှောင်အပေါ် ထားရှိသည့် လင်းတုန်၏ ခံစားချက်</h2> <h2 style="text-align: center;">*</h2> <p> </p> <p>သွေးကျောက်မြေရိုင်းမှ ပြန်လည်ရောက်ရှိလာပြီးနောက်၊ ဝူယွမ်နှင့် လင်းတုန်တို့၏ စွမ်းဆောင်ချက်များသည် တောင်ဂိုဏ်းတစ်ခုလုံးတွင် ဟိုးလေးတကျော် ဖြစ်သွားခဲ့သည်။ </p> <p> </p> <p>၀ရမ်းစာရင်းတွင် နာမည်ဆိုးဖြင့် ကျော်ကြားနေသည့် ယောင်လင်နှင့် ရှောင်ထျန်းတို့၏ ဦးခေါင်းများကို သူတို့နှစ်ဦးက ဖြတ်ယူလာနိုင်ခဲ့ကြသည်။</p> <p> </p> <p>ထို့အပြင် သူတို့က မသေမျိုးအနှစ်သာရ ရှေးဟောင်းသစ်ပင်ကိုပါ တောင်ဂိုဏ်းသို့ အရောက်ယူဆောင်လာနိုင်ခဲ့ကြသည်။</p> <p> </p> <p>ဤကဲ့သို့သော စွမ်းဆောင်မှုမျိုးမှာ တောင်ဂိုဏ်းအတွက် လက်ရှိကာလတွင် ထူးကဲသာလွန်သော အောင်မြင်မှုဖြစ်ရုံသာမက၊ ‌ေနာင်မျိုးဆက်ပေါင်းများစွာအတွက်ပါ အကျိုးကျေးဇူးများလှပေသည်။  </p> <p>ဤမသေမျိုးအနှစ်သာရ ရှေးဟောင်းသစ်ပင်ရှိခြင်းကြောင့် တောင်ဂိုဏ်းက နောင်နှစ်ပေါင်းတစ်ရာအတွင်း သေချာပေါက် ပိုမိုတောက်ပြောင် ထွန်းကားလာမည်ဖြစ်သည်။</p> <p> </p> <p>ယခုအခါ သူတို့နှစ်ဦးက တောင်ဂိုဏ်း၏ ထင်ပေါ်ကျော်ကြားသူများ ဖြစ်လာကြလေပြီ။</p> <p> </p> <p>ခန်းမအသီးသီးမှ တပည့်များသာမက၊ ဂိုဏ်း၏ အဆင့်မြင့်ပုဂ္ဂိုလ်များကပါ သူတို့အကြောင်းကို အကုန်အစင် သိရှိကုန်ကြသည်။ သူတို့၏ ထူးချွန်ထက်မြက်လှသော ပါရမီနှင့် စွမ်းအင်များကြောင့် ချက်ချင်းပင် အစ်မကြီးဖြစ်သူ ယင်းရှောင်ရှောင်နှင့် ယှဉ်နိုင်သည့် အဆင့်အတန်းသို့ ရောက်ရှိသွားခဲ့သည်။</p> <p> </p> <p>သွေးကျောက်မြေရိုင်းမှ ဖြစ်ရပ်ပြီးနောက်၊ ယင်းဟွမ်ဟွမ်က ဝူယွမ်အပေါ် အရင်ကကဲ့သို့ မောက်မာခြင်း မရှိတော့ပေ။</p> <p> </p> <p>သို့သော် ဝူယွမ် ပြောခဲ့သည့် မဟာရှေးဟောင်းကျမ်းကို နားလည်သဘောပေါက်ခဲ့လျှင်ဆိုသော စကားကို သူမက မှတ်ထားပြီး၊ လေပြင်းခန်းမသို့ ဝူယွမ်ကို ရှာရန် မကြာခဏ လာတတ်သည်။</p> <p> </p> <p>ဤသည်က တပည့်များကြားတွင် ယင်းဟွမ်ဟွမ်သည် ဝူယွမ်ကို စိတ်ဝင်စားနေသလား သို့မဟုတ် လင်းတုန်ကိုလားဟူ၍ အမျိုးမျိုး ဝေဖန်ထင်ကြေးပေးစရာ ဖြစ်လာစေသည်။</p> <p> </p> <p>တောင်ဂိုဏ်းတွင် ယင်းဟွမ်ဟွမ်ကို ပိုးပန်းသူ များပြားလှပေသည်။ ကျင့်စဉ်ကိုသာ အာရုံစိုက်ပြီး အေးစက်လှပသည့် အစ်မဖြစ်သူ ယင်းရှောင်ရှောင်နှင့် မတူဘဲ၊ ယင်းဟွမ်ဟွမ်မှာ တက်ကြွဖျတ်လတ်ပြီး ဆွဲဆောင်မှုရှိကာ နေရာတိုင်းတွင် တွေ့ရလေသည်။</p> <p> </p> <p>ထို့အပြင် သူမ၏ အဆင့်အတန်းက မြင့်မားသော်လည်း မောက်မာမှုမရှိဘဲ တပည့်အားလုံးနှင့် ရောရောနှောနှော နေတတ်သူ ဖြစ်သည်။ သာယာလှပသော အသံ၊ ဖြူစင်နုနယ်သော လက်အစုံနှင့် အတုမရှိသော အလှတရားတို့ကြောင့် သူမကို မစွဲလမ်းဘဲ မနေနိုင်ကြပေ။ </p> <p> </p> <p>ယင်းဟွမ်ဟွမ်သည် အမှန်တကယ်ပင် တပည့်များစွာ၏ စိတ်အာရုံကို ဖမ်းစားထားနိုင်ခဲ့သည်။</p> <p> </p> <p>သို့သော် ယခုအခါ ယင်းဟွမ်ဟွမ်က ဝူယွမ်နှင့် လင်းတုန်တို့ကို ရှာရန် လေပြင်းခန်းမသို့ ခဏခဏ ဝင်ထွက်နေသည်မှာ တပည့်များ၏ အာရုံကို ဆွဲဆောင်နေခဲ့လေသည်။ ယခင်က သူတို့၏ စီနီယာအစ်မ ဟွမ်ဟွမ်က လေပြင်းခန်းမသို့ ဤမျှအထိ လာချင်စိတ်ရှိခဲ့သူ မဟုတ်ပေ။</p> <p> </p> <p>ယင်းဟွမ်ဟွမ်နှင့် ပတ်သက်၍ ဝူယွမ်ကလည်း လင်းတုန်အား သီးသန့် မေးမြန်းကြည့်ခဲ့သည်။ လင်းတုန်တွင် နှစ်သက်ရသည့် အမျိုးသမီး ရှိ၊ မရှိ၊ မည်ကဲ့သို့သော အမျိုးသမီးမျိုးကို သဘောကျသနည်းနှင့် ယင်းဟွမ်ဟွမ်အပေါ် တစ်စုံတစ်ရာ ခံစားရသလားဟူ၍ပင်။</p> <p> </p> <p>အမှန်စင်စစ် မူလဇာတ်လမ်းအရဆိုလျှင် လင်းတုန်နှင့် ယင်းဟွမ်ဟွမ်တို့မှာ သေတပန်သက်ဆုံး ချစ်ခြင်းမျိုး ရှိခဲ့ကြသော်လည်း၊ ယခုအခါ အခြေအနေများ ပြောင်းလဲသွားပြီဖြစ်၍ ရလဒ်မှာလည်း တူညီနိုင်မည်မဟုတ်ပေ။</p> <p> </p> <p>လင်းတုန်၏ အဖြေမှာ ပြတ်သားလှသည်၊ သူ ပြန်ဖြေလိုက်သည်က ယင်းဟွမ်ဟွမ်နှင့်ပတ်သက်ပြီး ဘာမှမခံစားရကြောင်းပင်။</p> <p> </p> <p>ဝူယွမ်ကလည်း ထိုအဖြေကို သေချာစဉ်းစားကြည့်မိသည်။ လင်းတုန်သည် သူ့ကို လိမ်ပြောမည်မဟုတ်ပေ။</p> <p> </p> <p>သူ၏ ကြားဝင်မှုကြောင့် လင်းတုန်နှင့် ယင်းဟွမ်ဟွမ်ကြား ဆက်ဆံရေးမှာ အစကတည်းက အရင်ကဲ့သို့ မနီးစပ်တော့ခြင်းလည်း ဖြစ်နိုင်သည်။ မူလဇာတ်လမ်းတွင် ယင်းဟွမ်ဟွမ်သည် လင်းတုန်ကို ပြည်ထောင်တစ်ရာတိုက်ပွဲ၏ အနိုင်ရရှိသူဖြစ်သောကြောင့် စတင်သတိထားမိခဲ့ခြင်း ဖြစ်သော်လည်း၊ ယခုအခါ အနိုင်ရရှိသူမှာ ဝူယွမ်ဖြစ်နေသဖြင့် ထိုအာရုံစိုက်မှုက ဝူယွမ်ဆီသို့ သဘာဝအလျောက် ပြောင်းလဲသွားခြင်း ဖြစ်သည်။</p> <p> </p> <p>လင်းတုန်၏ အမြင်တွင် ယင်းဟွမ်ဟွမ်မှာ နွဲ့ဆိုးဆိုးကာ ဆော့ကစားတတ်သည့် ဂိုဏ်းသူလေးသာ ဖြစ်ပြီး၊ သူ့ကို ဆွဲဆောင်နိုင်ခြင်း မရှိတော့ပေ။</p> <p> </p> <p>ဤအခြေအနေတွင် ဝူယွမ်ကလည်း အတင်းအကျပ် တိုက်တွန်းရန် မရည်ရွယ်ထားပေ။ ယင်းဟွမ်ဟွမ်က သူ့ဆီသို့သာ လာနေခြင်းဖြစ်ရာ သူမကို တွန်းထုတ်ရန် အကြောင်းမရှိပေ။</p> <p> </p> <p>ထို့အပြင် သူကိုယ်တိုင်ကလည်း ယင်းဟွမ်ဟွမ်ကဲ့သို့ တက်ကြွဖျတ်လတ်သော မိန်းကလေးမျိုးကို သဘောကျလေသည်။</p> <p> </p> <p>လင်းတုန်တွင် ဝူယွမ်ကဲ့သို့ အစ်ကိုကြီးရှိနေသဖြင့် သူ၏ စရိုက်က ပြောင်းလဲသွားခဲ့သည်။ မူလဇာတ်လမ်းကကဲ့သို့ လှည့်ကွက်များ မများတော့ဘဲ၊ ဖြောင့်မတ်ပြီး ဖြူစင်သူတစ်ဦး ဖြစ်လာခဲ့သည်။</p> <p> </p> <p>လင်းလန်ထျန်း သေဆုံးပြီးနောက် သူ၏ တစ်ခုတည်းသော ရည်မှန်းချက်မှာ သိုင်းပညာ၏ အထွတ်အထိပ်သို့ ရောက်ရှိရန်သာ ဖြစ်သည်။</p> <p> </p> <p>အမျိုးသမီးနှင့် ပတ်သက်လျှင်မူ သူက အင်အားကြီးမားပြီး ရဲရင့်ပြတ်သားသည့် အမျိုးသမီးစစ်သည်တော်မျိုး သို့မဟုတ် ဗိုလ်ချုပ်ကဲ့သို့သော အမျိုးသမီးမျိုးကို ပို၍ စိတ်ကူးယဉ်မိကြောင်း၊ အနည်းဆုံး သူနှင့် တိုက်ပွဲရာချီ တိုက်ခိုက်နိုင်မည့်သူမျိုး ဖြစ်ရမည်ဟု ပွင့်ပွင့်လင်းလင်း ပြောခဲ့သည်။</p> <p> </p> <p>သူ၏ အမြင်တွင် ယင်းဟွမ်ဟွမ်မှာ နုနယ်လွန်းပြီး မောက်မာကာ၊ တည်ငြိမ်မှုမရှိဘဲ အစွမ်းကလည်း အားနည်းလွန်းသည်ဟု ယူဆထားသည်။</p> <p> </p> <p>ထို့အစား တည်ငြိမ်ပြီး သိုင်းပညာကို စွဲစွဲမြဲမြဲ လေ့ကျင့်ကာ အစွမ်းထက်သည့် အစ်မဖြစ်သူ ယင်းရှောင်ရှောင်က သူ့ကို ပို၍ ဆွဲဆောင်နေခဲ့သည်။</p> <p> </p> <p>သို့သော် နှမြောစရာကောင်းသည်မှာ ယင်းရှောင်ရှောင်က ကျင့်ကြံခြင်းကိုသာ အမြဲအာရုံစိုက်နေသလို၊ လင်းတုန်မှာလည်း ကျင့်ကြံခြင်းကိုသာ အာရုံစိုက်နေသည်။</p> <p> </p> <p>သူတို့နှစ်ဦးမှာ စရိုက်ချင်း တူညီကြသော်လည်း ဤအခြေအနေတွင် ဆုံတွေ့ရန် အခွင့်အလမ်း လုံးဝမရှိသလောက်ပင် ဖြစ်သည်။</p> <p> </p> <p>နှစ်ဦးစလုံးက ကျင့်ကြံခြင်းကိုသာ အာရုံစိုက်နေကြရာ အချစ်ဇာတ်လမ်းအတွက် အချိန်မရှိကြပေ။</p> <p> </p> <p>ဝူယွမ်ကမူ လင်းတုန်ကို သိုင်းပညာအပြင် ကိုယ်ပိုင်ပျော်ရွှင်မှုကိုလည်း ရှာဖွေစေလိုသည်။ ဘဝဆိုသည်မှာ သိုင်းပညာသက်သက်မဟုတ်ဘဲ အဖော်အဖက်လည်း လိုအပ်သည်ဟု သူယူဆထားသည်။</p> <p> </p> <p>လင်းတုန်၏ ရင်တွင်းစကားများကို သိရှိပြီးနောက်၊ ဝူယွမ်ကလည်း ယင်းဟွမ်ဟွမ်အပေါ် ထားရှိသည့် သူ၏ ဆန္ဒကို မဖုံးကွယ်ထားခဲ့ပေ။</p> <p> </p> <p>နောင်တွင် လင်းတုန်နှင့် ယင်းရှောင်ရှောင်တို့ ဆုံတွေ့နိုင်ရန် အခွင့်အလမ်းများ ဖန်တီးပေးမည်ဟုလည်း စိတ်ကူးလိုက်မိသည်။</p> <p> </p> <p>ယင်းရှောင်ရှောင်၏ စရိုက်နှင့် အတွေ့အကြုံများက လင်းတုန်နှင့် အနည်းငယ် ဆင်တူသည်။ သူမသည် တောင်ဂိုဏ်းတွင် မွေးဖွားခဲ့သော်လည်း ဂိုဏ်း၏ အစ်မကြီးအဖြစ် တာဝန်များ ပိနေသူဖြစ်သည်။</p> <p> </p> <p>ယွမ်ဂိတ်ကဲ့သို့သော အင်အားကြီးဂိုဏ်း၏ ဖိအားကို သူမက အများဆုံး ရင်ဆိုင်နေရသဖြင့် ကျင့်ကြံခြင်းကို ဤမျှကြိုးစားအားထုတ်နေရခြင်း ဖြစ်သည်။</p> <p> </p> <p>လင်းတုန်မှာလည်း ယန်မြို့တော်မှ လင်းမိသားစုတွင် မွေးဖွားခဲ့ပြီး၊ ငယ်စဉ်က လင်းလန်ထျန်း၏ ဖိအားပေးမှုကြောင့် ခိုင်မာပြတ်သားပြီး တစ်ကိုယ်တည်း ကြိုးစားအားထုတ်တတ်သော စရိုက်ကို ပိုင်ဆိုင်ခဲ့ရသည်။</p> <p> </p> <p>သို့သော် ဝူယွမ်မှာ သူတို့ညီအစ်ကိုနှစ်ဦးက ယင်းညီအစ်မနှစ်ဦးကို ရယူလိုက်လျှင် ဆွေမျိုးတော်စပ်ပုံက ရှုပ်ထွေးသွားလိမ့်မည်ဟု တွေးမိကာ ပြုံးလိုက်မိသည်။</p> <p> </p> <p>အစ်ကိုက ညီမနှင့်၊ ညီက အစ်မနှင့် ဖြစ်နေမည် မဟုတ်ပါလား။</p> <p> </p> <p>အစ်မဖြစ်သူက ညီမလေး၏ မရီးဖြစ်သွားမည်ဖြစ်ပြီး၊ ညီဖြစ်သူက အစ်ကိုဖြစ်သူ၏ ခဲအိုဖြစ်သွားမည်မှာ အတော်လေးကို ရှုပ်ထွေးလှပေသည်။</p> <p> </p> <p>သို့သော် ယင်းရှောင်ရှောင်အပြင် ဝူယွမ်က လင်းတုန်နှင့် သင့်တော်မည့် အခြားအမျိုးသမီးတစ်ဦးကိုလည်း သတိရမိသည်။ မီးနတ်ဘုရားနန်းတော်မှ ‘မီးနတ်သမီး’ ထန်ရှင်းလျန်သည်လည်း လင်းတုန်နှင့် အတော်လေး လိုက်ဖက်မည့်သူဟု ဝူယွမ်က ယူဆထားသည်။</p> <p> </p> <p>နောင်တွင် အခွင့်အရေးရပါက သူတို့ကို မိတ်ဆက်ပေးမည်ဟုလည်း သူတွေးထားခဲ့သည်။</p> <p> </p> <p>ယနေ့တွင် ဝူယွမ်နှင့် လင်းတုန်တို့သည် နေ့စဉ်ပြုလုပ်နေကျဖြစ်သော လေပြင်းကျောက်တုံးမှ စွမ်းအင်ယူခြင်းကို ပြီးမြောက်ပြီးနောက် နေအိမ်သို့ ပြန်လာခဲ့ကြသည်။</p> <p> </p> <p>နေအိမ်သို့ ရောက်သောအခါ ယင်းဟွမ်ဟွမ်က ထပ်မံရောက်ရှိနေပြီး သူမနှင့်အတူ လူငယ်တစ်ဦးလည်း ပါလာသည်။</p> <p> </p> <p>“ရှင်တို့ ကျင့်ကြံရာကနေ ပြန်လာပြီပဲ၊ မနက်ဖြန်ကျရင် မဟာရှေးဟောင်းတောရိုင်းကျောက်တိုင် ပွင့်တော့မယ်၊ အဆင်သင့်ဖြစ်ပြီလား...” ယင်းဟွမ်ဟွမ်၏ ကြည်လင်သောအသံက ထွက်ပေါ်လာခဲ့ပြီး ထိုအသံထဲတွင် မျှော်လင့်ချက်များဖြင့် ပြည့်နှက်နေခဲ့သည်။</p> <p> </p> <p>သူမသည် ဤနေ့ရက်ကို စောင့်စားနေခဲ့သည်မှာ ကြာပြီဖြစ်သည်။ မဟာရှေးဟောင်းတောရိုင်းကျောက်တိုင် ပွင့်သည့်နေ့မှာ နှစ်စဉ်နှစ်တိုင်း အလွန်စည်ကားလှပြီး တောင်ဂိုဏ်း၏ အရေးကြီးဆုံး ဖြစ်ရပ်တစ်ခုဖြစ်သည်။ ကံမကောင်းစွာဖြင့် နှစ်ပေါင်းတစ်ရာအတွင်း မည်သူမျှ နားလည်သဘောပေါက်နိုင်ခြင်း မရှိသေးပေ။</p> <p> </p> <p>သို့သော် ယခုနှစ်တွင် ဝူယွမ်နှင့် လင်းတုန်တို့ ပေါ်ပေါက်လာသဖြင့် အားလုံးက သူတို့အပေါ် မျှော်လင့်ချက်ကြီးကြီး ထားနေကြသည်။</p> <p> </p> <p>ယင်းဟွမ်ဟွမ်က ပြုံးလျက် “အကယ်၍ ရှင်တို့သာ နားလည်သဘောမပေါက်နိုင်ရင်တော့ နည်းနည်းတော့ ရှက်ဖို့ကောင်းလိမ့်မယ်နော်...” ဟု ဆိုလိုက်သည်။</p> <p> </p> <p>“ဟဲဟဲ၊ စောင့်ကြည့်နေလိုက်ပါ၊ ငါသာ နားလည်သဘောပေါက်သွားရင် မင်းပေးထားတဲ့ ကတိကို မမေ့နဲ့ဦး၊ ခန်းမသခင်တွေနဲ့ တပည့်တွေရှေ့မှာ ငါတောင်းဆိုတဲ့ ဘယ်အရာကိုမဆို ဖြည့်ဆည်းပေးမယ်လို့ မင်းပြောထားတာလေ...” ဝူယွမ်က ပြုံးစစဖြင့် ပြန်ပြောလိုက်သည်။</p> <p> </p> <p>“ဟွန့်၊ အရင်ဆုံး နားလည်သဘောပေါက်အောင် လုပ်နိုင်မှ ပြောပါ...” ယင်းဟွမ်ဟွမ်က လက်သီးလေးကို ဆုပ်ပြလိုက်သည်။</p> <p> </p> <p>“ဒါဆို မင်းက ငါ့ကို နားလည်သဘောပေါက်စေချင်တာလား၊ နားမလည်စေချင်ဘူးလား...” ဝူယွမ်က သူမကို စိုက်ကြည့်ရင်း မေးလိုက်သည်။</p> <p> </p> <p>“ဒါပေါ့... ငါက...” ယင်းဟွမ်ဟွမ် စကားစရပ်သွားလေသည်။ သူမ၏ ရင်ထဲတွင် ဝူယွမ်ကို နားလည်သဘောပေါက်စေချင်သော်လည်း၊ သူပေးထားသည့် ကတိကို သတိရသွားကာ စကားမဆက်နိုင်တော့ပေ။</p> <p> </p> <p>သူမ၏ မျက်နှာလေးမှာ အနည်းငယ် နီမြန်းသွားပြီး ခြေဆောင့်ကာ နှုတ်ခမ်းဆူလိုက်သည်။</p> <p> </p> <p>သူမ၏ဘေးတွင် ရပ်နေသည့် အစိမ်းရောင်ဝတ်စုံနှင့် လူငယ်မှာ သူတို့စကားပြောနေပုံကို ကြည့်ရင်း အတော်လေး မသက်မသာ ဖြစ်နေလေသည်။</p> <p> </p> <p>သူတို့သုံးယောက်က သူ့ကို လူပိုတစ်ယောက်ကဲ့သို့ လျစ်လျူရှုထားကြသလားဟုပင် သူက တွေးမိနေသည်။</p> <p> </p> <p>သူက ဝူယွမ်ကို သတိထားနေသည့် အကြည့်မျိုးဖြင့် ကြည့်လိုက်သည်။</p> <p> </p> <p>ထို့နောက် သူက ရှေ့သို့တစ်လှမ်းတက်ကာ ယင်းဟွမ်ဟွမ်၏ ရှေ့တွင် ရပ်လိုက်ပြီး “အားလုံးပဲ မင်္ဂလာပါ၊ ကိုယ့်ကိုယ်ကိုယ် မိတ်ဆက်ပါရစေ၊ ငါက မြေကမ္ဘာခန်းမက ချင်းယဲ့ပါ၊ ဟွမ်ဟွမ်ရဲ့ ငယ်သူငယ်ချင်းပေါ့...” ဟု ပြောလိုက်သည်။</p> <p> </p> <p>သူက ‘ငယ်သူငယ်ချင်း’ ဆိုသည့် စကားလုံးကို အထူးတလည် အလေးပေးပြောလိုက်ခြင်းမှာ ယင်းဟွမ်ဟွမ်သည် သူနှင့် ဆိုင်သည်ဟု ဝူယွမ်ကို သတိပေးလိုက်ခြင်းပင် ဖြစ်သည်။</p> <p> </p> <p>ဤကာလအတွင်း ယင်းဟွမ်ဟွမ်က ဝူယွမ်ဆီသို့ မကြာခဏ လာရောက်နေခြင်းနှင့် သွေးကျောက်မြေရိုင်းတွင် အတူတူ တာဝန်ထမ်းဆောင်ခဲ့ခြင်းတို့ကြောင့် ချင်းယဲ့မှာ စိုးရိမ်စိတ်များ ဝင်နေခဲ့သည်။</p> <p> </p> <p style="text-align: center;">***</p> <p> </p>


Save