Book List

<h2 style="text-align:center">အခန်း (၂၂၅)</h2> <h2 style="text-align:center">ရှေးဟောင်းကျောက်တိုင်ဝိညာဉ်နှင့်</h2> <h2 style="text-align:center">သဘောတူညီချက်ရယူခြင်း(၂)</h2> <h2 style="text-align:center">*</h2> <p> </p> <p>“ကမ္ဘာသစ်ပင်... ရွှေကျီးကန်း...”</p> <p> </p> <p>မဟာရှေးဟောင်းတောရိုင်းကျောက်တိုင်က တစ်ကိုယ်တည်း ရေရွတ်ရင်း ဝူယွမ်ပိုင်ဆိုင်သော မဟာရှေးဟောင်းကျောက်တိုင် အတွင်းရှိ ကမ္ဘာလောကကို လှမ်းကြည့်လိုက်မိသည်။</p> <p> </p> <p>ဤအရာနှစ်ခုနှင့်ဆိုလျှင် ထိုကျောက်တိုင်က ကမ္ဘာလောကတစ်ခုအဖြစ် ပြောင်းလဲတိုးတက်ရန် အခြေခံအုတ်မြစ် ရှိနေပြီဖြစ်သည်။</p> <p> </p> <p>ကမ္ဘာသစ်ပင်သည် ဟင်းလင်းပြင်ကို အကန့်အသတ်မရှိ ချဲ့ထွင်ကာ ကမ္ဘာတစ်ခုကို ထောက်ပံ့ပေးနိုင်ပြီး ရွှေကျီးကန်းမှာမူ ကြီးထွားနေသော နေမင်းတစ်စင်းသဖွယ် ဤကမ္ဘာလောကအတွက် လုံလောက်သော အပူချိန်ကို ပေးစွမ်းနိုင်ပေလိမ့်မည်။</p> <p> </p> <p>ထိုကျောက်တိုင်၏ အတွင်းပိုင်းသည် လုံးဝပြောင်းလဲသွားခဲ့ပြီ ဖြစ်သည်။ အရာအားလုံးသည် စိုပြေနေပြီး သက်ရှိစွမ်းအားများဖြင့် ပြည့်နှက်နေကာ သူပိုင်ဆိုင်သော ကန္တာရကမ္ဘာနှင့် လုံးဝ ကွာခြားနေလေသည်။</p> <p> </p> <p>သူ့ကမ္ဘာထဲတွင်မူ မည်သည့်စွမ်းအင်မှ ကျန်ရှိတော့ခြင်း မရှိပေ။</p> <p> </p> <p>မဟာရှေးဟောင်းတောရိုင်းကျောက်တိုင်က သက်ရှိများကို အဆက်မပြတ် မွေးဖွားပေးနိုင်သော်လည်း ၎င်းကိုယ်တိုင်ကမူ အသက်စွမ်းအင်ကို အဆက်မပြတ် စားသုံးရန် လိုအပ်ပြီး၊ ထိုရှင်သန်ခြင်းစွမ်းအင်ကို ကန္တာရအဖြစ် ပြောင်းလဲပစ်ရသည်။ သေချာသည်မှာ သူ၏ ကန္တာရစွမ်းအားက ရှင်သန်ခြင်းစွမ်းအင်ကို စွမ်းအားအဖြစ် ပြောင်းလဲပစ်ခြင်းပင် ဖြစ်သည်။</p> <p> </p> <p>တစ်ခုမှာ ဖန်ဆင်းခြင်းဖြစ်ပြီး၊ တစ်ခုမှာမူ ဖျက်ဆီးခြင်းပင်။</p> <p> </p> <p>မဟာရှေးဟောင်းကျောက်တိုင်မှာ အတွေးများဖြင့် နစ်မြောနေလေသည်။ ၎င်း၏ ရှေးကျသော မျက်နှာပြင်ပေါ်တွင် ခံစားချက်အတက်အကျအချို့ ပေါ်လာပြီး နောက်ကျိနေသော မျက်ဝန်းအစုံမှတစ်ဆင့် ဝိညာဉ်အာရုံကို လွှတ်ထုတ်ကာ ဤကမ္ဘာလောက၏ အခြေအနေကို စူးစမ်းလိုက်သည်။</p> <p> </p> <p>“မင်းက ကမ္ဘာခြားနတ်ဆိုးဘုရင်တစ်ကောင်ကိုတောင် ဖိနှိပ်ထားတာပဲ...” မကြာမီမှာပင် မဟာရှေးဟောင်းတောရိုင်းကျောက်တိုင်သည် ဝူယွမ်၏ ရှေး‌ေဟာင်းကျောက်တိုင်အတွင်း ကမ္ဘာ့သစ်ပင်အောက်၌ ဖိနှိပ်ထားသော ကမ္ဘာခြားနတ်ဆိုးဘုရင်နန်းတော်ကို ရှာဖွေတွေ့ရှိသွားသည်။</p> <p> </p> <p>“ဟုတ်တယ်... ခင်ဗျားခန္ဓာကိုယ်ထဲမှာလည်း ကမ္ဘာခြားနတ်ဆိုးချီ ရှိနေတာကို ကျွန်တော် အာရုံခံမိတယ်, ခင်ဗျားလည်း ကျွန်တော့်လိုပဲ ဆင်တူတဲ့ ကံကြမ္မာမျိုး ရှိပုံရတယ်...” ဟု ကန္တာရတိမ်တိုက်က စာနာစိတ်ဖြင့် ပြောလိုက်သည်။</p> <p> </p> <p>သူတို့ သားအဖနှစ်ယောက်၏ ကံကြမ္မာမှာ အလွန်တူညီလှသည်။</p> <p> </p> <p>“မဟုတ်ဘူး... မတူပါဘူး, မင်းက မြေကြီးနဲ့ ကင်းကွာပြီး လွတ်လွတ်လပ်လပ် လှုပ်ရှားနိုင်သေးတယ်...” မဟာရှေးဟောင်းကျောက်တိုင်မှာ အနည်းငယ် စိတ်လှုပ်ရှားသွားသည်။</p> <p> </p> <p>သူသည် လက်ရှိတွင် ကမ္ဘာခြားနတ်ဆိုးဘုရင်နန်းတော်ကို မနည်း ဖိနှိပ်ထားရပြီး သူ့ခန္ဓာကိုယ်ကို လုံးဝ မရွှေ့လျားနိုင်ပေ။ မြေကြီးထဲမှ စွမ်းအားကိုသည အဆက်မပြတ် စုပ်ယူနေရသည်။</p> <p> </p> <p>အကယ်၍ သူသာ လှုပ်ရှားလိုက်လျှင် ကမ္ဘာခြားနတ်ဆိုးဘုရင် လွတ်မြောက်သွားနိုင်ချေ ရှိနေသည်။</p> <p> </p> <p>ကန္တာရတိမ်တိုက်က ပြန်လည်ရှင်းပြလိုက်သည်။ “ဒါက ခင်ဗျား ဖိနှိပ်ထားတဲ့ ကမ္ဘာခြားနတ်ဆိုးဘုရင်က ပိုစွမ်းအားကြီးလို့ ဖြစ်နိုင်တယ်, ဒါပေမဲ့ ကျွန်တော် လွတ်လွတ်လပ်လပ် လှုပ်ရှားနိုင်တာကလည်း ကျွန်တော့်သခင်သစ်ရဲ့ ကျေးဇူးကြောင့်ပါပဲ..."</p> <p> </p> <p>“သူက ပြီးပြည့်စုံတဲ့ မူလ ကောင်းကင်ပိတ်ဆို့ခြင်း အစီအရင်မြေပုံကို သုံးပြီး ကမ္ဘာခြားနတ်ဆိုးဘုရင်နန်းတော်အပေါ်က တံဆိပ်ကို အားဖြည့်ပေးထားတယ်,”</p> <p> </p> <p>“ပြီးတော့ ဝိညာဉ်စုစည်းခြင်းရူန်းနဲ့ ဝါးမျိုခြင်းရူန်း အပါအဝင် ပြီးပြည့်စုံတဲ့ ရူန်းအများကြီးကို ကျွန်တော့်ကျောက်တိုင်ကိုယ်ထည်ပေါ်မှာ ထွင်းထုပေးထားတယ်... အဲဒါကြောင့် အရင်တုန်းက မြေကြီးထဲမှာ မြှုပ်နှံထားတုန်းကထက်တောင် ပိုကောင်းတဲ့ ပုံစံမျိုးနဲ့ ကောင်းကင်နဲ့မြေကြီးကြားက စွမ်းအင်ကို အချိန်မရွေး စုပ်ယူနိုင်လာတာပါ...”</p> <p> </p> <p>“နောက်ပိုင်းမှာ ကမ္ဘာ့သစ်ပင် ရလာတော့ ကျွန်တော် သစ်ပင်ထဲမှာပဲ နေထိုင်ပြီး ခန္ဓာကိုယ်ကို ပိုမြန်မြန် ပြန်လည်ကောင်းမွန်လာအောင် လုပ်နိုင်ခဲ့တယ်, ဒါ့အပြင် ကမ္ဘာ့သစ်ပင်က ကမ္ဘာခြားနတ်ဆိုးဘုရင်ကို ထိထိရောက်ရောက် ထိန်းချုပ်ထားနိုင်တယ်... သူ့ရဲ့ အမြစ်တွေက ကမ္ဘာခြားနတ်ဆိုးချီကို စုပ်ယူပြီး ကြီးထွားနိုင်တယ်လေ, ဖိနှိပ်ခံထားရတဲ့ ကမ္ဘာခြားနတ်ဆိုးဘုရင်က ခြိမ်းခြောက်မှု မဖြစ်စေတဲ့အပြင် ကမ္ဘာ့သစ်ပင်အတွက် အာဟာရတောင် ဖြစ်လာခဲ့တယ်...”</p> <p> </p> <p>“ခင်ဗျား ဒီကမ္ဘာသစ်ပင်ကို မြင်တယ်မလား... တကယ်တော့ သူကြီးထွားလာတာ သိပ်မကြာသေးဘူး, တစ်နှစ်ကျော်ကျော်လေးပဲ ရှိသေးတယ်...”</p> <p> </p> <p>မဟာရှေးဟောင်းကျောက်တိုင်မှာ အံ့အားသင့်သွားရသည်။ ဤမျှကြီးမားသော ကမ္ဘာတစ်ခု ဖြစ်တည်လာရန် တစ်နှစ်ကျော်သာ ကြာမြင့်ခဲ့သည်တဲ့လား။</p> <p> </p> <p>ဤအချက်က သူ့နားလည်မှုကို အသစ်တစ်ဖန် ပြောင်းလဲစေခဲ့သည်မှာ သေချာသည်။</p> <p> </p> <p>ကန္တာရတိမ်တိုက်က ဆက်ပြောပြန်သည်။ “တစ်နှစ်ကျော် ကာလလေးအတွင်းမှာ ကျွန်တော့်နယ်မြေတစ်ခုလုံး ပြန့်နှံ့သွားနိုင်တာက သခင် အသုံးပြုခဲ့တဲ့ ကြီးထွားမှု အရှိန်မြှင့်ပေးတဲ့ မှော်ဆန်တဲ့ နည်းလမ်းတွေအပြင် အဲဒီ ကမ္ဘာခြားနတ်ဆိုးဘုရင်ရဲ့ ပံ့ပိုးမှုကလည်း အဓိကပဲ... သူ့ရဲ့ ကြွယ်ဝတဲ့ ကမ္ဘာခြားနတ်ဆိုးချီကို စုပ်ယူနိုင်တာက ကမ္ဘာ့သစ်ပင် သန်စွမ်းစွာ ကြီးထွားလာရတဲ့ အကြောင်းရင်းတွေထဲက တစ်ခုပဲလေ...”</p> <p> </p> <p>“အခုဆိုရင် အဲဒီ ကမ္ဘာခြားနတ်ဆိုးဘုရင်ရဲ့ စွမ်းအားက လွန်ခဲ့တဲ့ တစ်နှစ်ကျော်ကနဲ့ ယှဉ်ရင် ၂၀ ရာခိုင်နှုန်းကျော်ကျော်လောက် ကျဆင်းသွားပြီ, ဖားပြုတ်ကို ရေနွေးပူနဲ့ ဖြည်းဖြည်းချင်း ပြုတ်သလိုမျိုး ကမ္ဘာ့သစ်ပင်က သူ့ကို ဝါးမျိုနေတာ... ကမ္ဘာ့သစ်ပင် ပိုသန်မာလာပြီး ကျွန်တော့်ရဲ့ ဝိညာဉ်အာရုံ ပိုစွမ်းအားကြီးလာတာနဲ့အမျှ ကမ္ဘာခြားနတ်ဆိုးချီကို စုပ်ယူတဲ့နှုန်းကလည်း ပိုမြန်လာလိမ့်မယ်... ဒီနတ်ဆိုး လုံးဝပျက်စီးသွားဖို့ သုံးနှစ်တောင် ကြာမယ် မထင်ဘူး...”</p> <p> </p> <p>“ရှေးခေတ်ကာလတုန်းက တိုက်ကြီးကို ဒုက္ခပေးခဲ့တဲ့ နတ်ဆိုးဘုရင်က အခုဆို ကမ္ဘာ့သစ်ပင်အောက်က အာဟာရတစ်ခုပဲ ဖြစ်လာရတော့မှာ...”</p> <p> </p> <p>“ခင်ဗျားရဲ့ နယ်ပယ်ထဲမှာလည်း နတ်ဆိုးဘုရင်တစ်ပါးကို ဖိနှိပ်ထားလိမ့်မယ်လို့ ကျွန်တော့်သခင်က အရင်ကတည်းက ခန့်မှန်းထားပြီးသား, ခင်ဗျား ကျွန်တော့်ဆီ လာရှာလိမ့်မယ် ဆိုတာကိုလည်း သူသိနေတယ်... အခု ကျွန်တော့်မှာ ကမ္ဘာခြားနတ်ဆိုးဘုရင်ကို သန့်စင်နိုင်တဲ့ စွမ်းအားရှိနေပြီဆိုတာ ခင်ဗျားမြင်ဖို့ သူမျှော်လင့်နေသလို ကျွန်တော် ခင်ဗျားကို ကူညီနိုင်ဖို့လည်း သူမျှော်လင့်နေတယ်...”</p> <p> </p> <p>ကန္တာရတိမ်တိုက်သည် အရာအားလုံးက သူ့သခင်သစ်၏ မျှော်လင့်ချက်အတိုင်း ဖြစ်နေသကဲ့သို့ မဟာရှေးဟောင်းကျောက်တိုင်ကို လေးလေးနက်နက် ရှင်းပြလိုက်သည်။</p> <p> </p> <p>ဤစကားများက မဟာရှေးဟောင်းကျောက်တိုင်ကို ပိုပြီးအံ့အားသင့်စေခဲ့သည်။ ၎င်းမှာ ကန္တာရတိမ်တိုက်၏ လက်ရှိပြောင်းလဲမှုများကြောင့်သာမက ကန္တာရတိမ်တိုက်၏ သခင်သစ်ဖြစ်သူ ဝူယွမ်၏ လျှို့ဝှက်ဆန်းကြယ်မှုကြောင့်ပါ အံ့သြရလေသည်။</p> <p> </p> <p>သူက ဝူယွမ်ကို သေချာစွာ အကဲခတ်ကြည့်ခဲ့ပြီး အသက်နှစ်ဆယ်အရွယ် လူငယ်လေးတစ်ဦးသာ ဖြစ်ကြောင်း တွေ့ရှိခဲ့သော်လည်း သူ၏ ပြုမူပုံများမှာမူ ရှေးဟောင်းဘီလူးကြီးတစ်ကောင်ကဲ့သို့ပင်။</p> <p> </p> <p>ဝူယွမ် စီစဉ်ထားသည့်အရာများက သူ့ကို လုံးဝ ထိန်းချုပ်ထားသကဲ့သို့ ရှိနေသည်။</p> <p> </p> <p>တစ်ဖက်လူ၏ ခန္ဓာကိုယ်တွင် ဝင်စားခြင်းအမှတ်အသား မရှိနေ၍သာ၊ သို့မဟုတ်ပါက ရှေးခေတ်ကာလက မိတ်ဆွေဟောင်းတစ်ဦး ဝင်စားလာသည်ဟု သူထင်မှတ်မိပေလိမ့်မည်။</p> <p> </p> <p>သို့သော် သူ့သခင် အဆောင်ဘိုးဘေး အပါအဝင် ရှေးခေတ်ကာလက အစွမ်းထက် ပုဂ္ဂိုလ်များပင်လျှင် ဝူယွမ်လောက် မဆန်းကြယ်ခဲ့ပေ။ ဤကမ္ဘာ့သစ်ပင် တစ်ခုတည်းနှင့်ပင် ဆန်းကျယ်လွန်းနေခဲ့ချေပြီ။ ဤအရာမျိုးကို တစ်ခါမှ မကြားဖူးခဲ့ချေ။</p> <p> </p> <p>သူသည် ဤကမ္ဘာလောကနှင့် သက်ဆိုင်ပုံ မရပေ။</p> <p> </p> <p>မဟာရှေးဟောင်းတောရိုင်းကျောက်တိုင်အနေဖြင့် ဝူယွမ်၏ လျှို့ဝှက်ချက်များနှင့် နားမလည်နိုင်မှုများကို ထိုလူငယ်မှာ ‘ကမ္ဘာသားတော်’ဖြစ်သောကြောင့်ဟုသာ မှတ်ယူနိုင်တော့သည်။</p> <p> </p> <p>ဝူယွမ်သည် ကမ္ဘာလောက အလိုဆန္ဒအရ ပြန်လည်၀င်စားခြင်းများ ဖြစ်နေမလားဟုပင် သူသံသယဝင်မိသည်။</p> <p> </p> <p>သို့မဟုတ်ပါက ဤမျှစွမ်းအားကြီးသော ရုပ်ခန္ဓာနှင့် ကမ္ဘာခြားနတ်ဆိုးများကို ထိန်းချုပ်နိုင်သည့် နည်းလမ်းမျိုး ထိုလူငယ်လေးထံတွင် ရှိနေနိုင်မည် မဟုတ်ပေ။</p> <p> </p> <p>“တစ်ကယ်လို့ လွန်ခဲ့တဲ့နှစ်တွေတုန်းက ငါ့သခင်သာ ရုတ်တရက် ပေါ်ထွက်မလာခဲ့ရင် ဒီကမ္ဘာလောကကြီးက ကမ္ဘာခြားနတ်ဆိုးတွေရဲ့ လက်အောက်ကို ကျရောက်သွားလောက်ပြီ... ဒါပေမဲ့ အခုတော့ အချိန်တွေ ကုန်ဆုံးလာတာနဲ့အမျှ ကမ္ဘာခြားနတ်ဆိုးတွေ နိုးထလာရင် ဒီကမ္ဘာကြီးရဲ့ ‌နောက်ဆုံးနေ့ရက်ကို ရောက်လာလိမ့်မယ်လို့ ငါထင်ထားခဲ့တာ, ငါ စိုးရိမ်လွန်နေမိပုံပဲ... ကမ္ဘာရဲ့ အလိုဆန္ဒအရ ဖြစ်တည်မှုက ကမ္ဘာခြားနတ်ဆိုးတွေကို ဖျက်ဆီးခွင့်ပြုမှာ မဟုတ်ဘူး... ခေတ်ကာလကို တုံ့ပြန်ဖို့ ကယ်တင်ရှင်တစ်ယောက် မွေးဖွားလာစမြဲပဲ...”</p> <p> </p> <p>“ဒီ ဝူယွမ်က မျှော်လင့်ချက်အသစ် ဖြစ်လာမှာလား...”</p> <p> </p> <p>“သူက ငါ့သခင်လို ဖြစ်လာနိုင်မလား...”</p> <p> </p> <p>မဟာရှေးဟောင်းကျောက်တိုင်မှာ ကိုယ့်ဘာသာ တွေးတောနေမိသည်။ သူသည် ကမ္ဘာခြားနတ်ဆိုးများကို နောက်တစ်ကြိမ် ပြန်လည်ထကြွခွင့် မရစေချင်ပေ။</p> <p> </p> <p>ရှေးယခင်ကာလတုန်းက သူ့သခင်က ကမ္ဘာခြားနတ်ဆိုးများနှင့်အတူ ပျက်စီးသွားခဲ့သော်လည်း ကမ္ဘာခြားနတ်ဆိုးများမှာ ပြန်လာနိုင်ရန် အခွင့်အရေး ရှိနေဆဲဖြစ်သည်။ သို့သော် ဤကမ္ဘာလောကတွင် အဆောင်ဘိုးဘေး မရှိတော့ချေ။</p> <p> </p> <p>ယခု ဝူယွမ်ကို မြင်လိုက်ရသောအခါ ဝူယွမ် အောင်မြင်စေဖို့နှင့် သူ့သခင် မလုပ်ဆောင်နိုင်ခဲ့သော ကမ္ဘာလောကကို ကယ်တင်မည့် တာဝန်ကို ပြီးမြောက်အောင်လုပ်နိုင်ဖို့ကို သူမျှော်လင့်နေမိသည်။</p> <p> </p> <p>“စီနီယာ မဟာရှေးဟောင်း တောရိုင်းကျောက်တိုင်... ကျွန်တော့်သခင်က ခင်ဗျားကို ကူညီခွင့်ပြုဖို့ မျှော်လင့်နေပါတယ်, ခင်ဗျား ဖိနှိပ်ထားတဲ့ ကမ္ဘာခြားနတ်ဆိုးကိုလည်း ကမ္ဘာသစ်ပင်အတွက် အာဟာရအဖြစ် ပြောင်းလဲပေးချင်နေတာပါ... တစ်ချိန်တည်းမှာပဲ ကျွန်တော့်သခင်က အခု အလျင်အမြန် တိုးတက်နေတဲ့ အခြေအနေကို ရောက်နေပြီး ခင်ဗျားရဲ့ အကူအညီကိုလည်း လိုအပ်နေပါတယ်... သခင့်ကို အချိန်ပေးမယ်ဆိုရင် သူက ရှေ့လူတွေထက် သေချာပေါက် သာလွန်သွားပြီး ကမ္ဘာလးကြီးကို ကမ္ဘာခြားနတ်ဆိုးတွေရဲ့ ရန်ကနေ သန့်စင်ပေးနိုင်မှာပါ...” ဟု ကန္တာရတိမ်တိုက်က ဆက်လက်ပြောဆိုကာ မဟာရှေးဟောင်း‌ေတာရိုင်းကျောက်တိုင်နှင့် မိတ်ဆွေကောင်းများ ဖြစ်လာစေရန် စည်းရုံးလိုက်သည်။</p> <p> </p> <p>မဟာရှေးဟောင်းတောရိုင်းကျောက်တိုင်မှာ အတွေးများထဲတွင် နစ်မြောသွားပြီး သူ၏ရှေးကျသော မျက်နှာပေါ်တွင် ဘာတွေးနေမှန်း မသိနိုင်သော အမူအရာများ ဖြစ်ပေါ်နေခဲ့သည်။</p> <p> </p> <p>ဝူယွမ်၏ ဖြစ်တည်မှုက သူ့ကို အလွန်အံ့သြစေသလို ရုတ်တရက်ဆန်လွန်းသည်ဟုလည်း ခံစားရစေသည်။</p> <p> </p> <p>မူလက သူသည် ဉာဏ်ကြီးရှင်အချို့ကို ရင်းနှီးမြှုပ်နှံမှု လုပ်ကာ၊ ဘိုးဘေးအဆောင်များကို ရှာဖွေခိုင်းပြီး၊ ထို့နောက် သူ့ကိုယ်ထဲတွင် ဖိနှိပ်ထားသော ကမ္ဘာခြားနတ်ဆိုးဘုရင်ကို ဖြေရှင်းရာတွင် ကူညီစေရန်သာ ရည်ရွယ်ခဲ့ခြင်း ဖြစ်သည်။</p> <p> </p> <p>သို့သော် ယခု လူငယ်လေး ဝူယွမ်က ဉာဏ်ကြီးရှင်တစ်ဦး ဖြစ်ရုံသာမက ဘိုးဘေးအဆောင်များ လုံးဝမလိုအပ်ဘဲ ကမ္ဘာခြားနတ်ဆိုးဘုရင်ကို ဖြေရှင်းရာတွင် တိုက်ရိုက်ကူညီပေးနိုင်စွမ်း ရှိနေသည်။</p> <p> </p> <p>“စီနီယာ... ခင်ဗျားလည်း လာပြီး ကမ္ဘာ့သစ်ပင်ရဲ့ နွေးထွေးမှုကို ခံစားကြည့်ပါလား... ဒါဆိုရင် ခင်ဗျား ပိုပြီး ယုံကြည်မှု ရှိလာလောက်ပါတယ်...”</p> <p> </p> <p>ကန္တာရတိမ်တိုက်က ဖိတ်ခေါ်လိုက်သည်။ သူ့အမြင်တွင် မည်သည့် ဝိညာဉ်လက်နက်ကမှ ကမ္ဘာ့သစ်ပင်၏ နွေးထွေးသော ပွေ့ဖက်မှုကို ငြင်းဆန်နိုင်မည် မဟုတ်ပေ။</p> <p> </p> <p style="text-align:center">***</p> <p> </p>


Save