Book List

<h2 style="text-align: center;">အခန်း (၂၂၈)</h2> <h2 style="text-align: center;">လမ်းခြောက်သွယ် ဝင်စားခြင်းလက်သီး</h2> <h2 style="text-align: center;">မဟာရှေးဟောင်းတောရိုင်းကျောက်တိုင်အား တုန်လှုပ်စေခြင်း(၂)</h2> <h2 style="text-align: center;">*</h2> <p> </p> <p>“ဘာပြောလိုက်တာလဲ၊ မင်းရဲ့ကျင့်ကြံခြင်းအဆင့်က နိဗ္ဗာန်အဆင့်ခုနှစ် ပဲ ရှိသေးတာလေ၊ မင်းရဲ့ သိုင်းပညာရပ်က ဘယ်လောက်ပဲ စွမ်းအားကြီးနေပါစေ၊ ဒီ ကမ္ဘာခြားနတ်ဆိုးဘုရင် ဒဏ်ရာရအောင်လုပ်ဖို့ဆိုတာ မဖြစ်နိုင်ဘူး၊ မတော်တဆ သူ့ရဲ့ နတ်ဆိုးစွမ်းအင်တွေ ကူးစက်ခံရရင် မင်းရဲ့ စိတ်ဝိညာဉ်ပါ တိုက်စားခံရလိမ့်မယ်...”</p> <p> </p> <p>မဟာရှေးဟောင်းကျောက်တိုင်ကြီးမှာ ဝူယွမ် ရူးသွားပြီဟု ထင်မှတ်ကာ အံ့အားသင့်စွာ အော်ဟစ်လိုက်သည်။</p> <p> </p> <p>ဤ ကမ္ဘာခြားနတ်ဆိုးဘုရင်သည် သံသရာအဆင့်နှစ် စွမ်းအားရှင်တစ်ဦးနှင့် ညီမျှသည်။ ဖိနှိပ်ခံထားရသည့်တိုင် ဝူယွမ်လို လူတစ်ယောက်က တိုက်ခိုက်မည်ဆိုလျှင် ခြိမ်းခြောက်မှု အနည်းငယ်မျှပင် ဖြစ်လာနိုင်မည် မဟုတ်ပေ။</p> <p> </p> <p>ဆန့်ကျင်ဘက်အနေဖြင့် ကမ္ဘာခြားနတ်ဆိုးဘုရင်ထံမှ လျှံကျလာမည့် နတ်ဆိုးစွမ်းအင်များကတော့ အလွန်ကြောက်မက်ဖွယ်ကောင်းလှသည်။</p> <p> </p> <p>ဆန်းကြယ်ရှင်ခြင်းအဆင့်သို့ မရောက်သေးဘဲ ခန္ဓာကိုယ်အတွင်း အဆုံးမဲ့ သက်စောင့်စွမ်းအင် မရှိသည့် ကျင့်ကြံသူများအနေဖြင့် ယင်းကို ခုခံရန် အလွန်ခက်ခဲပေလိမ့်မည်။</p> <p> </p> <p>“စီနီယာ ဖိနှိပ်ထားတယ် မဟုတ်ဘူးလား၊ စီနီယာက သူ့ကို ဖိနှိပ်ထားပေးရုံပဲလေ၊ ကျွန်‌ေတာ့်အတွက်တော့ စိတ်ပူစရာမလိုဘူး၊ သူ့ရဲ့ နတ်ဆိုးစွမ်းအင်က ကျွန်တော့်ကို ဘာမှမလုပ်နိုင်ဘူး၊ တကယ်တော့ ဒီလို နတ်ဆိုးစွမ်းအင်မျိုးနဲ့ ကြုံဖူးတာ ဒါပထမဆုံးအကြိမ်မှ မဟုတ်တာ...”</p> <p> </p> <p>ဝူယွမ်က ယုံကြည်မှုအပြည့်ဖြင့် ပြောလိုက်သည်။ နတ်ဆင်နှိမ်နင်းခြင်းကို ကျင့်ကြံထားပြီး ကောင်းကင်ပြာဧကရာဇ်သွေးနှင့် မဟာခမ်းနားသော တောင်တန်းခန္ဓာကိုယ်၏ မူလပုံစံဖြစ်သော ငရဲအကျဉ်းထောင် မူလခန္ဓာကိုယ်ကို ပိုင်ဆိုင်ထားသဖြင့် သူ၏ ခန္ဓာကိုယ်ကြံ့ခိုင်မှုသည် ဤထူးဆန်းသော နတ်ဆိုးစွမ်းအင်များကို လုံးဝ ယှဉ်ပြိုင်နိုင်စွမ်းရှိနေခဲ့သည်။</p> <p> </p> <p>မဟာရှေးဟောင်းကျောက်တိုင် အတွင်းရှိ နတ်ဆိုး၏ နတ်ဆိုးစွမ်းအင်ကိုပငိ ဖိနှိပ်ရန် သူကြိုးစားခဲ့ဖူးသည်။</p> <p> </p> <p>စွမ်းအားကြီးမားသော အာဏာရှင်သွေးအောက်တွင် နတ်ဆိုးစွမ်းအင်များက ကျုံ့ဝင်သွားရစမြဲပင်။</p> <p> </p> <p>ထိုအခါမှ မဟာရှေးဟောင်းတောရိုင်းကျောက်တိုင်ကြီးက ကန္တာရတိမ် ဖိနှိပ်ထားသော အခြားနတ်ဆိုးနန်းတော်တစ်ခုအကြောင်းကို သတိရသွားသည်။ ထိုကိစ္စက ဝူယွမ်၏ လက်ချက်ပင် ဖြစ်သည်။</p> <p> </p> <p>သူသည် ဤကမ္ဘာခြားနတ်ဆိုးများနှင့် အစောပိုင်းကနည်းက ရင်ဆိုင်ခဲ့ဖူးပြီး အတွေ့အကြုံမရှိသော လူသစ်တစ်ယောက် မဟုတ်ခဲ့ပေ။</p> <p> </p> <p>“ကောင်းပြီလေ... ဒါပေမဲ့ မင်းပြင်ဆင်ထားမှဖြစ်မယ်၊ ငါမင်းကို တိုက်ခိုက်ခွင့်ပေးလိုက်တာနဲ့ သူက သေချာပေါက် နတ်ဆိုးစွမ်းအင်တွေ ထုတ်လွှတ်ပြီး ပြန်တိုက်ခိုက်လိမ့်မယ်၊ အဲဒီ နတ်ဆိုးစွမ်းအင်တွေက ငါ့ကို သိပ်ပြီး ထိခိုက်မှုမရှိစေဘူး၊ ဒါကြောင့် သူ့စွမ်းအားတွေအကုန်လုံး မင်းခန္ဓာကိုယ်ထဲ ဝင်ရောက်လာလိမ့်မယ်၊ တစ်ကယ်လို့ မင်းက နတ်ဆိုးစွမ်းအင်ကို မောင်းထုတ်နိုင်စွမ်း မရှိရင်၊ ဒါမှမဟုတ် ဖိနှိပ်ထားနိုင်စွမ်း မရှိရင် မင်းအတော်လေး ဒုက္ခရောက်သွားလိမ့်မယ်...”</p> <p> </p> <p>မဟာရှေးဟောင်းကျောက်တိုင်က ထပ်မံ သတိပေးလိုက်သည်။ သူသည် ကမ္ဘာခြားနတ်ဆိုးဘုရင်နှင့် ပတ်သက်၍ အလွန်သတိထားသူ ဖြစ်သည်။</p> <p> </p> <p>ဝူယွမ်ကတော့ ယုံကြည်မှု ရှိနေဆဲပင်။ ကမ္ဘာခြားနတ်ဆိုးများကို ကိုင်တွယ်ဖြေရှင်းရာတွင် သူသည် အလေးအနက်ထားသူဖြစ်သည်။</p> <p> </p> <p>“ကျွန်တော့်ရဲ့ ခန္ဓာကိုယ်အစစ်ကို ဝင်ခွင့်ပေး၊ ကန္တာရတိမ် ရှိနေသရွေ့ ကျွန်တော်မဖိနှိပ်နိုင်ရင်တောင် သူက ကျွန်တော့်ခန္ဓာကိုယ်ထဲက နတ်ဆိုးစွမ်းအင်တွေကို စုပ်ယူပေးနိုင်တယ်၊ စီနီယာက ကမ္ဘာခြားနတ်ဆိုးဘုရင်ကို သေချာဖိနှိပ်ထားပြီး ကျွန်တော့်ကို လက်သီးနဲ့ ထိုးခွင့်ပေးလိုက်ရင် ရပြီ...”</p> <p> </p> <p>မဟာရှေးဟောင်းတောရိုင်းကျောက်တိုင်ကြီးသည် ကမ္ဘာသစ်ပင်၏ ကြောက်မက်ဖွယ် စွမ်းအားကို မျက်ဝါးထင်ထင် တွေ့မြင်ခဲ့ပြီးသားဖြစ်သည်။</p> <p> </p> <p>ကန္တာရတိမ် ရှိသည့်နေရာ၌ ကမ္ဘာခြားနတ်ဆိုးဘုရင်က ကမ္ဘာ့သစ်ပင်အတွက် အာဟာရသက်သက်သာ ဖြစ်သွားသည်။</p> <p> </p> <p>ထို့ကြောင့် သူဆက်ပြီး တွန့်ဆုတ်မနေတော့ဘဲ ဝူယွမ်၏ ခန္ဓာကိုယ်အစစ်ကို သူ၏ အတွင်းပိုင်းနယ်မြေသို့ ချက်ချင်း ဆင့်ခေါ်လိုက်သည်။</p> <p> </p> <p>အပြင်ဘက်တွင်!</p> <p> </p> <p>မဟာရှေးဟောင်းတောရိုင်းကျောက်တိုင်ကြီး၏ အလင်းတိုင်အောက်တွင် ရှိနေသော ဝူယွမ်၏ ပုံရိပ်က ရုတ်တရက် ပျောက်ကွယ်သွားခဲ့သည်။</p> <p> </p> <p>“ဘာဖြစ်တာလဲ... ဝူယွမ် ဘယ်ရောက်သွားတာလဲ...”</p> <p> </p> <p>ဝူတောင် အကြီးအကျယ် အံ့သြသွားပြီး မဟာရှေးဟောင်းကျောက်တိုင်ဆီသို့ ချက်ချင်း ပြေးသွားလိုက်သော်လည်း ဝူယွမ်၏ အရိပ်အယောင်ကို ရှာမတွေ့တော့ပေ။</p> <p> </p> <p>ချန်ကျန်း၊ ကူမို၊ ယင်းဟွမ်ဟွမ် နှင့် လင်းတုန်တို့အားလုံး မျက်နှာပျက်သွားကြပြီး ဘာဖြစ်သွားမှန်း နားမလည်နိုင် ဖြစ်နေကြသည်။</p> <p> </p> <p>ဤသည်မှာ ပထမဆုံးအကြိမ် ဖြစ်ပျက်ဖူးခြင်းဖြစ်သည်။ အတိတ်ကာလက တစ်စုံတစ်ယောက် မဟာရှေးဟောင်းကျမ်းကို အောင်မြင်စွာ နားလည်သဘောပေါက်သွားခဲ့လျှင်တောင်မှ ရုတ်တရက် ပျောက်ချင်းမလှ ပျောက်သွားခြင်းမျိုး မရှိခဲ့ဖူးပေ။</p> <p> </p> <p>“မထိတ်လန့်ကြပါနဲ့၊ သူ ကျောက်တိုင်ထဲကို ဝင်သွားတာဖြစ်လောက်တယ်... ငါတို့ဂိုဏ်းက ကျောက်တိုင်ကြီးကို နှစ်ပေါင်းများစွာ ထောက်ပံ့ပေးခဲ့တာပဲ၊ ဝူယွမ်ကို အန္တရာယ်ဖြစ်စေမယ့် ကိစ္စမျိုး လုပ်လိမ့်မယ်မထင်ဘူး...”</p> <p> </p> <p>ယင်းရွှမ်းဇီ၏ အသံက တောင်ထိပ်မှ ရုတ်တရက် ထွက်ပေါ်လာခဲ့သဖြင့် စိုးရိမ်ပူပန်နေသော လူအုပ်ကြီးကို အနည်းငယ် တည်ငြိမ်သွားစေသည်။  </p> <p>သို့သော် ယင်းရွှမ်းဇီ ကိုယ်တိုင်လည်း မသေချာနေပေ။ မဟာရှေးဟောင်းတောရိုင်းကျောက်တိုင်ကဲ့သို့သော အဆင့်မြင့် ဝိညာဉ်ရတနာတစ်ခုကို သူထိုးဖောက်မမြင်နိုင်ပေ။</p> <p> </p> <p>တကယ်တော့ ဝူယွမ် ဆိုသူကလည်း ခန့်မှန်းရခက်လွန်းလှသည်။</p> <p> </p> <p>သူတို့အားလုံး စိုးရိမ်တကြီး တွေးတောနေကြစဉ်မှာပင် လေပြင်းခန်းမရှိ ဆေးမြစ်သည် ရုတ်တရက် ဆူပွက်လာပြီး မဟာရှေးဟောင်းတောရိုင်းကျောက်တိုင် ရှိရာ တောင်ကုန်းဆီသို့ ပြန်လှည့်စီးဆင်းကာ တောင်ကုန်းထဲသို့ ပေါင်းစည်းဝင်ရောက်သွားသည်။</p> <p> </p> <p>“မဟာရှေးဟောင်းတောရိုင်းကျောက်တိုင်က စွမ်းအားတွေကို စုပ်ယူနေတာလား...”</p> <p> </p> <p>ချန်ကျန်းမှာ မျက်နှာ အမူအရာ ပြောင်းလဲသွားခဲ့သည်။ ယခုနှစ်ထဲတွင် အပြောင်းအလဲများ များလွန်းနေခဲ့သည်။</p> <p> </p> <p> ပုံမှန်အားဖြင့် မဟာရှေးဟောင်းကျောက်တိုင်က ဆေးမြစ်၏ စွမ်းအားကို စုပ်ယူသည်ဆိုသည်မှာ ကျင့်စဉ်များကို လွှဲပြောင်းပေးရန်အတွက်သာ ဖြစ်သည်။ သို့သော် ခုနလေးတင် တစ်ကြိမ် စုပ်ယူပြီးသွားပြီဖြစ်ပေမဲ့ ယခုတစ်ကြိမ်မှာ ပို၍ကြောက်မက်ဖွယ်ကောင်းပြီး ဆေးမြစ်တစ်ခုလုံးကိုပါ ဆွဲယူစုပ်ငင်လုနီးပါး ဖြစ်နေခြင်းက အမှန်တကယ်ပင် ပုံမှန်မဟုတ်သော အခြေအနေဖြစ်လေသည်။</p> <p> </p> <p>ကျောက်တိုင်အတွင်း၌ ဝူယွမ်က မဟာရှေးဟောင်းတောရိုင်းကျောက်တိုင်၏ မူလပုံစံအစစ်ကို ရင်ဆိုင်နေပြီး သူ၏ ကျင့်စဉ်ကို လည်ပတ်ကာ စွမ်းအားအားလုံးကို စုစည်းနေခဲ့သည်။</p> <p> </p> <p>ရှေးဟောင်းဆန်သည့် အဝါရောင် မဟာရှေးဟောင်းကျောက်တိုင်ကြီး၏ ကိုယ်ထည်ပေါ်တွင် အနက်ရောင် မျဉ်းကြောင်းများမှာလည်း ပိုမိုထူထပ်လာခဲ့သည်။</p> <p> </p> <p>“ဂျီး... ဂျီး... ဂျီး...”</p> <p> </p> <p>“မင်းက ဒီကောင်စကားကို ယုံရဲတယ်ပေါ့လေ... ဟားဟားဟား... ကောင်းပြီလေ၊ ဒီဘုရင်ကို နည်းနည်းလောက် လွှတ်ပေးလိုက်စမ်းပါ၊ ဒီကောင်လေးကို ငါဝါးမျိုပစ်ချင်တယ်...”</p> <p> </p> <p>ကျောက်တိုင်အောက်ခြေမှ အနက်ရောင် နတ်ဆိုးစွမ်းအင်များ ပိုမိုလှိမ့်တက်လာသည်နှင့်အမျှ ကျောက်တိုင်ပေါ်တွင် အနက်ရောင် အရိပ်တစ်ခု ဖျပ်ကနဲ ပေါ်လာခဲ့သည်။</p> <p> </p> <p>အနက်ရောင် အရိပ် ပေါ်လာသည်နှင့် တပြိုင်နက် ပတ်ဝန်းကျင် လေထုတစ်ခုလုံး အေးစက်သွားပြီး ဆိုးညစ်သော အမှောင်စွမ်းအားတစ်ခုက ဝူယွမ်ကို ဝင်ရောက်တိုက်ခိုက်လာသည်။</p> <p> </p> <p>ထိုအချိန်တွင် မဟာရှေးဟောင်းတောရိုင်းကျောက်တိုင်က ရှေးဟောင်းအဝါရောင် အလင်းတန်းတစ်ခုကို ထုတ်လွှတ်ကာ နတ်ဆိုးစွမ်းအင်ကို ဖိနှိပ်လိုက်သည်။</p> <p> </p> <p>“မင်း စလို့ရပြီ...”</p> <p> </p> <p>မဟာရှေးဟောင်းကျောက်တိုင်က လေးနက်သောအသံဖြင့် ပြောလိုက်သည်။</p> <p> </p> <p>ဝူယွမ် ခေါင်းညိတ်လိုက်ပြီး သူ၏ သိုင်းပညာကို ချက်ချင်း စတင်ထုတ်ဖော်လိုက်လေသည်။ သူ့ ခန္ဓာကိုယ်မှ အာဏာရှင်သွေးများ လျင်မြန်စွာ လည်ပတ်လာပြီး လည်ပတ်မှုအရှိန်ကြောင့် မီးလောင်လုနီးပါး ဖြစ်လာကာ ကြောက်မက်ဖွယ်ကောင်းသော အပူရှိန်တစ်ခု မြင့်တက်လာခဲ့သည်။ ခန္ဓာကိုယ်တွင်းရှိ နှလုံးကြွေမီးတောက် သည်လည်း ရူးသွပ်စွာ လောင်ကျွမ်းလာပြီး သူ၏ ခန္ဓာကိုယ် မျက်နှာပြင်ပေါ်တွင် အရောင်မဲ့ ကြည်လင်သော ပြင်းထန်သည့် မီးတောက်များ ဖြစ်ပေါ်လာစေခဲ့သည်။</p> <p> </p> <p>ကြိုတင်ပြင်ဆင်ထားသော စွမ်းအားများနှင့်အတူ ဝူယွမ်၏ ရုပ်ပိုင်းဆိုင်ရာ ခွန်အားသည်လည်း အပြည့်အဝ နိုးကြားလာလေသည်။</p> <p> </p> <p>သူ၏ ဒန်တျန် အတွင်း၌ သိမ်းဆည်းထားသည့် အသုံးမပြုရသေးသော ပါ့ကျိလက်သီးဆန္ဒက ယခုအခါ လှုပ်ရှားလာပြီဖြစ်သည်။</p> <p> </p> <p>ယခုတစ်ကြိမ်တွင် သူပထမဆုံး ထုတ်ဖော်ပြသတော့မည့် သိုင်းပညာရပ်မှာ ‘လမ်းခြောက်သွယ် ဝင်စားခြင်းလက်သီး’ ပင်ဖြစ်သည်။</p> <p> </p> <p>ဤစွမ်းအားကြီးမားသော လက်သီးသိုင်းသည် သူ၏ အာဏာရှင်လက်သီး နှင့် ယှဉ်နိုင်ရုံသာမက အတော်လေးကောင်းမွန်ပြီး သံသရာလည်ပတ်ခြင်း အဓိပ္ပာယ်များ ပါဝင်နေသဖြင့် ယခုကဲ့သို့ သံသရာအဆင့် ကမ္ဘာခြားနတ်ဆိုးဘုရင်ကို ကိုင်တွယ်ဖြေရှင်းရန် အကောင်းဆုံး ကျင့်စဉ်တစ်ခုပဲဖြစ်သည်။</p> <p> </p> <p>အာဏာရှင်လက်သီးသည်လည်း စွမ်းအားကြီးမားသော်လည်း ၎င်း၏ အဓိက ဦးတည်ချက်မှာ စွမ်းအားအပေါ်တွင်သာ မူတည်ပြီး အလွန်အကျွံ ဖိနှိပ်ခြင်းကို အလေးပေးလေသည်။</p> <p> </p> <p>သို့သော် လမ်းခြောက်သွယ် ဝင်စားခြင်းလက်သီး ကမူ ‘တာအို’ တရားအပေါ် အခြေခံထားခြင်းဖြစ်သည်။</p> <p> </p> <p>မဟာရှေးဟောင်းကျောက်တိုင်ကြီးမှာ ဝူယွမ်ကို ကြည့်နေပြီး သူ၏ စွမ်းအားများကို ဖြန့်ကျက်ကာ ဝူယွမ်၏ သိုင်းပညာရပ် ပြသမှုကို အသေးစိတ် စစ်ဆေးနေခဲ့သည်။ ဝူယွမ် စွမ်းအားစုစည်းလိုက်သောအခါ မဟာရှေးဟောင်းကျောက်တိုင်ကြီးသည် သူ၏ လက်သီးသိုင်းကွက်ပေါ်တွင် သံသရာ၏ ဆန်းကြယ်မှု အရိပ်အယောင်တစ်ခု ရှိနေသည်ကို အံ့သြစွာ တွေ့ရှိလိုက်ရသည်။</p> <p> </p> <p>“မဖြစ်နိုင်တာ... သူက နိဗ္ဗာန်အဆင့်ခုနှစ် မှာရှိတဲ့ ပိုးကောင်လေးတစ်ကောင်ပဲ ရှိသေးတာ၊ သံသရာလည်ပတ်ခြင်းရဲ့ အဓိပ္ပာယ်ကို သူဘယ်လိုလုပ် ထိတွေ့နိုင်မှာလဲ...”</p> <p> </p> <p>နတ်ဆိုးအရိပ်သည်လည်း ထိုအချိန်တွင် ထိတ်လန့်တုန်လှုပ်သွားပြီး သူ၏ အသံတွင် ကြောက်ရွံ့မှု အရိပ်အယောင်များ စွန်းထင်းနေခဲ့သည်။</p> <p> </p> <p>ကံဆိုးစွာဖြင့် သူ၏ အရိပ်က ပတ်ဝန်းကျင်ရှိ ညှိုးနွမ်းနေသော အဝါရောင် အလင်းတန်းများ၏ တင်းကျပ်စွာ ချုပ်နှောင်ခြင်းကို ခံထားရသည်။</p> <p> </p> <p>ထိုအချိန်တွင် ဝူယွမ်၏ စွမ်းအားက အမြင့်ဆုံးသို့ ရောက်ရှိသွားပြီး မဟာရှေးဟောင်းကျောက်တိုင်၏ အတွင်းပိုင်း တစ်ခုလုံးတွင် တုန်ခါမှုများ ပေါ်လာခဲ့သည်။</p> <p> </p> <p>အာဏာရှင်သွေးများ ဆူပွက်လာသည်၊ လက်သီးအလိုဆန္ဒများ ပေါင်းဆုံလာသည်၊ ‘ချယ်’ အက္ခရာလျှို့ဝှက်ချက်ကိုပါ အသက်သွင်းလိုက်လေသည်။</p> <p> </p> <p>“လမ်း... ခြောက်... သွယ်... ဝင်... စား... ခြင်း... လက်... သီး...”</p> <p> </p> <p>ဝူယွမ်က စကားလုံး တစ်လုံးချင်းစီကို ပီသစွာ ရွတ်ဆိုလိုက်ပြီး ဟိန်းဟောက်သံနှင့်အတူ စွမ်းအားမျိုးစုံ ပေါင်းစပ်ထားသော ဤ လမ်းခြောက်သွယ် ဝင်စားခြင်းလက်သီး ဖြင့် ကျောက်တိုင်ကိုယ်ထည်အတွင်းရှိ အနက်ရောင် နတ်ဆိုးအရိပ်ကို အစွမ်းကုန် ထိုးနှက်လိုက်‌တော့သည်။</p> <p> </p> <p>ဘုန်း!</p> <p> </p> <p>မဟာရှေးဟောင်းကျောက်တိုင် တစ်ခုလုံး တုန်ခါသွားကာ ကျောက်တိုင်ပေါ်ရှိ နတ်ဆိုးအရိပ်တွင် အက်ကွဲကြောင်းများ အမှန်တကယ် ပေါ်လာပြီး ထူထပ်သော နတ်ဆိုးစွမ်းအင် အများအပြားလည်း ထိုအခိုက်အတန့်တွင် လွင့်စင်သွားခဲ့လေသည်။ လမ်းခြောက်သွယ် ဝင်စားခြင်းလက်သီး ၏ အောက်တွင် နှစ်ပေါင်းများစွာ ဖိနှိပ်ခံထားရသော ကမ္ဘာခြားနတ်ဆိုးဘုရင်မှာလည်း အတော်လေး ခံစားသွားရလေသည်။</p> <p> </p> <p>သို့သော် ဝူယွမ်၏ လက်ရှိတိုက်ခိုက်မှုသည် သူ့ကို ဒဏ်ရာအနည်းငယ်သာ ရစေခဲ့ပြီး ပြင်းထန်သော ပျက်စီးဆုံးရှုံးမှု ဖြစ်စေရန်မှာမူ ဝေးကွာနေသေးသည်။</p> <p> </p> <p>သူတို့ကြားမှ အဆင့်ကွာဟချက်က ကြီးမားနေဆဲပင်။</p> <p> </p> <p>သို့သော် ကမ္ဘာခြားနတ်ဆိုးဘုရင်အတွက်မူ ထိခိုက်ပျက်စီးမှု မကြီးမားသော်လည်း စော်ကားခံရမှုကမူကတော့ အလွန်ပြင်းထန်လှသည်။</p> <p> </p> <p>နိဗ္ဗာန်အဆင့်ခုနှစ်သာရှိသေးသော ဝူယွမ်ကို မဆိုထားနှင့်၊ သံသရာအဆင့် ကျင့်ကြံသူတစ်ဦးပင်လျှင် သူ့အတွက် တစ်ချက်တည်းနှင့် ကိစ္စပြတ်မည့်သူမျိုးဖြစ်သည်။ သို့သော် ယခုအခါတွင် ပိုးကောင်လေးတစ်ကောင်ဟု သူသတ်မှတ်ထားသူ၏ လက်ချက်ဖြင့် ဒဏ်ရာရသွားခဲ့ရလေပြီ။</p> <p> </p> <p>မဟာရှေးဟောင်းကျောက်တိုင်ကြီးမှာလည်း တုန်လှုပ်သွားခဲ့သည်။ မူလက ဝူယွမ်အနေဖြင့် နတ်ဆိုးစွမ်းအင် အနည်းငယ်လောက်ကိုသာ လှုပ်ခတ်နိုင်လိမ့်မည်ဟု ထင်မှတ်ထားခဲ့သော်လည်း ဤတိုက်ခိုက်မှုက ကမ္ဘာခြားနတ်ဆိုးဘုရင်၏ မူလခန္ဓာကိုယ်ကို အမှန်တကယ် ထိခိုက်စေနိုင်လိမ့်မည်ဟု သူမျှော်လင့်မထားခဲ့ပေ။</p> <p> </p> <p>“ဒီလက်သီးသိုင်းက အရမ်းစွမ်းအားကြီးလွန်းတယ်၊ ငါ့ရဲ့ မဟာရှေးဟောင်းကျမ်းက တကယ်ကို မယှဉ်နိုင်ပါလား...”</p> <p> </p> <p style="text-align: center;">***</p> <p> </p>


Save