Book List

<h2 style="text-align: center;">အခန်း (၂၃၀)</h2> <h2 style="text-align: center;">မဟာရှေးဟောင်းတောရိုင်းကျောက်တိုင်အား စည်းရုံးနိုင်သွားခြင်း</h2> <h2 style="text-align: center;">ချီတစ်ခုမှ လောကမူလနတ်ဘုရား သုံးပါးပွင့်ခြင်း(၂)</h2> <h2 style="text-align: center;">*</h2> <p> </p> <p> </p> <p>“ကမ္ဘာသစ်ပင်က စီနီယာကို ကမ္ဘာခြားနတ်ဆိုးဘုရင်ရဲ့ နန်း‌ေတာ်ကို ဖိနှိပ်ဖို့ ကူညီပေးလိမ့်မယ်၊ ပြီးရင် အဲဒီနတ်ဆိုးရဲ့ အစွမ်းတွေကို ဝါးမျိုပြီး စီနီယာရဲ့ ကမ္ဘာကြီးကို စိမ်းလန်းစိုပြည်အောင် လုပ်ပေးမယ်လေ၊”</p> <p> </p> <p>“ကောင်းပြီ၊ ဒီသဘောတူညီချက်ကို ငါလက်ခံတယ်၊” မဟာရှေးဟောင်းတောရိုင်းကျောက်တိုင်မှာ ဝေခွဲမရဖြစ်မနေဘဲ ချက်ချင်းပင် သဘောတူလိုက်တော့သည်။ အဆောင်ဘိုးဘေး ၊ သခင် ကွယ်လွန်ပြီးနောက် သူ၏ အကြီးမားဆုံး တာဝန်မှာ ကမ္ဘာခြားနတ်ဆိုးများကို နှင်ထုတ်ရန်ပင် ဖြစ်သည်။ ယခုအခါ ဝူယွမ်က ထိုတာဝန်ကို ထမ်းဆောင်နိုင်မည့် အစွမ်းအထက်ဆုံးသူ ဖြစ်နေသလို သူတို့၏ ရည်မှန်းချက်မှာ အတူတူပင် ဖြစ်သည်။</p> <p> </p> <p>ထို့ပြင် ကမ္ဘာသစ်ပင်မှာ လွန်စွာ ဆွဲဆောင်မှု ရှိလှပေသည်။ သူသည်လည်း ကမ္ဘာသစ်ပင်၏ နွေးထွေးသော ရင်ခွင်ထဲတွင် ခိုလှုံလိုစိတ် ပြင်းပြနေမိသည်။ ကမ္ဘာသစ်ပင်၊ ရွှေကျီးကန်းနှင့် ဝူယွမ် နားလည်ထားသော မူလရူန်းများမှာ ကမ္ဘာသစ်တစ်ခု တည်ဆောက်ရန် အခြေခံအုတ်မြစ်များပင် ဖြစ်သည်။</p> <p> </p> <p>သူသာ ပေါင်းစပ်ဝင်ရောက်သွားပါက ထိုဖြစ်စဉ်ကို မြန်ဆန်စေပြီး သူကိုယ်တိုင်လည်း ကမ္ဘာတစ်ခုအဖြစ် ကြီးထွားလာနိုင်မည်ဖြစ်ရာ ၎င်းမှာ ဝိညာဉ်လက်နက်အားလုံး၏ အနတ္တအိပ်မက်ပင် ဖြစ်ပေသည်။</p> <p> </p> <p>မဟာရှေးဟောင်းတောရိုင်းကျောက်တိုင်၏ ခွင့်ပြုချက်ကို ရရှိပြီးနောက် ဝူယွမ်သည် ချက်ချင်းပင် ‘ကန္တာရတိမ်’ နှင့် ဆက်သွယ်ကာ ကမ္ဘာသစ်ပင်၏ အမြစ်ဖျားများကို ကျောက်တိုင်ကမ္ဘာအတွင်းသို့ ထိုးဖောက် ဝင်ရောက်စေလိုက်သည်။ စိမ်းလန်းစိုပြည်သော သစ်ကိုင်းများမှာ မဟာရှေးဟောင်းကျောက်တိုင်မှတစ်ဆင့် မဟာရှေးဟောင်းတောရိုင်းကျောက်တိုင် ကမ္ဘာအတွင်းသို့ အရှိန်အဟုန်ဖြင့် ပြန့်ကားသွားတော့သည်။</p> <p> </p> <p>လွန်ခဲ့သော လအနည်းငယ်ကပင် ကမ္ဘာသစ်ပင်သည် မဟာရှေးဟောင်းကျောက်တိုင်၏ အာကာသနယ်မြေကို ပြည့်နှက်စေခဲ့ပြီး ဖြစ်သည်။ ယခုအခါ ပိုမိုကျယ်ဝန်းသော ကျောက်တိုင်ကမ္ဘာကြီးကို ရရှိလိုက်သောအခါ အတားအဆီးမဲ့စွာ ထပ်မံကြီးထွားလာပြန်သည်။ ထိုအချိန်တွင် ကျောက်တိုင်ကြီးသည်လည်း အပြင်ဘက်ရှိ ‘လေပြင်းခန်းမ’ မှ ဆေးမြစ်ရေများကို ကျောက်တိုင်အတွင်းသို့ သယ်ဆောင်ကာ မိမိ၏ ကမ္ဘာသစ်ကို ဖြည့်ဆည်းပေးလိုက်သည်။</p> <p> </p> <p>မဟာရှေးဟောင်းတောရိုင်းကျောက်တိုင်မှာ နှစ်ပေါင်းများစွာ ခြောက်သွေ့နေသော မြေရိုင်းတစ်ခုနှင့် တူနေခဲ့ရာ ရေလောင်းရန် ၊ စွမ်းအင်အမြောက်အမြား လိုအပ်နေခြင်းဖြစ်သည်။ မဟာရှေးဟောင်းကျောက်တိုင်အတွင်းမှ ဝူယွမ် ယခင်က စုဆောင်းထားခဲ့သော ဆေးမြစ်ရေများလည်း စီးဆင်းလာခဲ့သည်။</p> <p>အတွင်းအပြင် ဆေးမြစ်ရေများ တစ်ပြိုင်နက် စီးဝင်လာသော်လည်း ကျောက်တိုင်ကြီး၏ ကျယ်ပြောလှသော ကမ္ဘာနှင့် ယှဉ်လျှင် ထိုစွမ်းအင်မှာ လုံလောက်မှု မရှိသေးပေ။ အဓိကမှာ ကမ္ဘာသစ်ပင်၏ အင်အားပင် ဖြစ်သည်။</p> <p> </p> <p>ကျောက်တိုင်ကြီး၏ အတွင်းပိုင်း၌ စိမ်းလန်းသော အရိပ်အယောင်များ စတင်ပေါ်ပေါက်လာသည်။ ကမ္ဘာသစ်ပင်၏ လျင်မြန်သော ကြီးထွားမှုအောက်တွင် ခြောက်သွေ့သော မြေရိုင်းများမှာ မြက်ခင်းစိမ်းများအဖြစ်သို့ လျင်မြန်စွာ ပြောင်းလဲသွားတော့သည်။ ကမ္ဘာသစ်ပင်၏ အမြစ်အချိုသည်လည်း ကျောက်တိုင်ကြီး၏ အာကာသအတွင်း၌ အမြစ်တွယ်လိုက်တော့သည်။</p> <p> </p> <p>လေပြင်းခန်းမ၏ ဆေးမြစ်ရေများ ကျောက်တိုင်အတွင်းသို့ ဆက်တိုက်စီးဝင်နေမှုကြောင့် ချန်ကျန်း၊ ဝူတောင်နှင့် အခြားသူများမှာ မျက်လုံးပြူးကာ ကြည့်နေမိကြသည်။ ဆေးမြစ်မှာ လေပြင်းခန်းမ တပည့်များ ကျင့်ကြံရန် အုတ်မြစ်ပင် ဖြစ်သည်။ ဤကဲ့သို့သော အဖြစ်အပျက်မျိုး တစ်ခါမျှ မဖြစ်ဖူးခဲ့သဖြင့် သူတို့ ဘာလုပ်လို့ဘာကိုင်ရမှန်း မသိဘဲ ဖြစ်နေကြသည်။</p> <p> </p> <p>“ဂိုဏ်းချုပ်၊ ဘယ်လိုလုပ်ကြမလဲ၊” ချန်ကျန်းက ယင်းရွှမ်းဇီကို မေးမြန်းလိုက်သည်။</p> <p> </p> <p>“စုပ်ယူပါစေ၊” ဟု ယင်းရွှမ်းဇီက လေးနက်သော အသံဖြင့် ပြောကြားလိုက်သည်။ ကျောက်တိုင်ကြီး၏ ထူးခြားမှုနှင့် ယှဉ်လျှင် ဆေးမြစ်တစ်ခုမှာ ဘာမှမဟုတ်ပေ။ တောင်ဂိုဏ်း၏ အုတ်မြစ်မှာ ဤကျောက်တိုင်ကြီးသာ ဖြစ်သည်။ ၎င်းသည် ဂိုဏ်း၏ အထွတ်အမြတ် အရာဖြစ်သဖြင့် ဆေးမြစ်အချို့ကို စုပ်ယူခြင်းမှာ ကိစ္စမရှိပေ။</p> <p> </p> <p>ကျောက်တိုင်ကြီး၏ အစာစားချင်စိတ်မှာ ကြီးမားလှပြီး များမကြာမီ ဆေးမြစ်တစ်ခုလုံးကို စုပ်ယူလိုက်တော့သည်။ ထိုအခိုက်အတန့်တွင် သူ၏ ကမ္ဘာအတွင်း၌ အသက်စွမ်းအင်များ ပြည့်နှက်သွားခဲ့သည်။</p> <p> </p> <p>ကမ္ဘာသစ်ပင်မှာ လွတ်လပ်စွာ ပြန့်ကားသွားပြီး ၎င်း၏ သစ်ကိုင်းများမှာ ကျောက်တိုင်ကမ္ဘာ၏ သုံးပုံနှစ်ပုံခန့်ကို ဖုံးလွှမ်းသွားခဲ့ပြီ ဖြစ်သည်။</p> <p> </p> <p>“ချိတ်ပိတ်ခြင်းတိမ်... ကမ္ဘာခြားနတ်ဆိုးကို နှိမ်နင်းလိုက်စမ်း၊”</p> <p> </p> <p>ဝူယွမ်က နောက်ထပ် အစီအရင်တစ်ခု ပြုလုပ်လိုက်သည်နှင့် ‘ကောင်းကင်ချိတ်ပိတ်ခြင်း အစီအရင်မြေပုံ’ မှ ပြင်းထန်သော ချိတ်ပိတ်ခြင်းစွမ်းအင်များ ထွက်ပေါ်လာပြီး ကမ္ဘာခြားနတ်ဆိုး ဘုရင်နန်းတော်ကို ဝန်းရံကာ ကျောက်တိုင်ကြီးအား ကူညီ ဖိနှိပ်ပေးလိုက်သည်။</p> <p> </p> <p>တစ်ချိန်တည်းမှာပင် ဝူယွမ်က ကျောက်တိုင်ပေါ်၌ အစီအရင်များကို စတင်ရေးဆွဲတော့သည်။ သူက ကမ္ဘာသစ်ပင်၏ အမြစ်များကို ပစ္စည်းအဖြစ် အသုံးပြုကာ ဆွဲအား၊ သန့်စင်ခြင်း၊ ဝါးမျိုခြင်းနှင့် ပိတ်ဆို့ခြင်းဆိုင်ရာ မူလရူန်းများကို ရေးထိုးလိုက်လေသည်။</p> <p> </p> <p>ဤနည်းဖြင့် ကမ္ဘာသစ်ပင်၏ အမြစ်များက ကမ္ဘာခြားနတ်ဆိုးဘုရင် နန်းတော်ကို ဝန်းရံထားသော အစီအရင်တစ်ခု ဖြစ်လာကာ နှိမ်နင်းရာတွင် ကူညီပေးရုံသာမက ချေဖျက်သည့် ဖြစ်စဉ်ကိုလည်း ပိုမြန်ဆန်စေသွားတော့သည်။</p> <p> </p> <p>ဤဖြစ်စဉ်အတွင်း အချိန်များမှာလည်း လျင်မြန်စွာ ကုန်ဆုံးသွားခဲ့သည်။ ဤအစီအရင်ကြောင့် ကျောက်တိုင်ကြီးအပေါ် ကျရောက်နေသော ဖိအားများ များစွာ လျော့ကျသွားပြီး သူ့အနေဖြင့် ကျင့်ကြံခြင်းကဲ့သို့သော အခြားကိစ္စရပ်များ၌ အာရုံစိုက်နိုင်လာတော့သည်။</p> <p> </p> <p>ဝူယွမ်က သူ့အား လှည့်စားခြင်း မရှိခဲ့ပေ။ ဤတာဝန်များ ပြီးဆုံးသွားပြီးနောက် ‘ကစဉ်ကလျှားထိန်းချုပ်ခြင်း ဓားသိုင်း’ ကို ကျောက်တိုင်ကြီးအား လွှဲပြောင်းပေးလိုက်သည်။ ခေါ်ရလွယ်ကူစေရန် ကျောက်တိုင်ကြီးကို ‘ကန္တာရ’ (Desolate) ဟု အမည်ပေးလိုက်သည်။ ‘ကန္တာရ’ ကလည်း သူ၏ ထူးခြားသော ‘မဟာရှေးဟောင်းကျမ်း’ ကို ဝူယွမ်အား ပေးအပ်ခဲ့သည်။</p> <p> </p> <p>ထိုအရာက မဟာရှောင်းကျမ်း၏ ရှေးဟောင်းစာလုံး လေးလုံးကို စုစည်းကာ ဝူယွမ်၏ အရှေ့ဋ် လွင့်ပျံနေစေလိုက်သည်။ ထိုစာလုံးများအတွင်းမှ ကျယ်ပြောပြီး နက်နဲလှသော သတင်းအချက်အလက်များကို ဝူယွမ် ခံစားလိုက်ရသည်။</p> <p> </p> <p>‘ကန္တာရ’ က မဟာရှေးဟောင်းကျမ်း ကျင့်ကြံပုံကို ဝူယွမ်အား ရှင်းပြလာသည်။ “မဟာရှေးဟောင်းကျမ်းရဲ့ စစ်မှန်တဲ့ အနှစ်သာရက ‘ကန္တာရ’ ဆိုတဲ့ စာလုံးနှစ်လုံးမှာ ရှိတယ်... ကန္တာရဆိုတာ ခြောက်သွေ့ခြင်းကို ဆိုလိုပေမဲ့ သက်ရှိအားလုံးရဲ့ ရှင်သန်ခြင်းကိုတော့ လုံးဝ ဖျက်ဆီးပစ်တာ မဟုတ်ဘူး၊ လောကရှိ အရာအားလုံးဟာ သံသရာလည်နေကြတာပဲ... ကန္တာရဆိုတာက သက်စောင့်အားအင်တွေကို ခဏတာ ဖုံးကွယ်ထားပြီး သံသရာ တစ်ပတ်လည်လာမယ့် နွေဦးရာသီကို စောင့်ဆိုင်းနေတာမျိုးပဲ၊”</p> <p> </p> <p>ရှေးဟောင်းစာလုံး လေးလုံးသည် ဝူယွမ်၏ စိတ်အတွင်းသို့ ဝင်ရောက်သွားပြီး ဝူယွမ်၏ မျက်နှာမှာ အနည်းငယ် တည်ကြည်သွားသည်။ သူ၏ စိတ်အတွင်း၌ ကျယ်ပြောလှသော သတင်းအချက်အလက်များ စီးဝင်လာသော်လည်း ဤအဆင့်မှာ သူ ယခင်က လက်ခံရရှိဖူးသော ကျင့်စဉ်များလောက် နက်နဲခြင်း မရှိလှသဖြင့် အလွယ်တကူပင် စုပ်ယူနိုင်ခဲ့သည်။</p> <p> </p> <p>【တုန်... မဟာရှေးဟောင်းတောရိုင်းကျောက်တိုင်သို့ ရောက်ရှိပါပြီ၊ ဆိုင်းအင် ပြုလုပ်လိုပါသလား၊】</p> <p> </p> <p>မဟာရှေးဟောင်းကျမ်း၏ အချက်အလက်များကို လက်ခံရရှိပြီးနောက် ဝူယွမ် မျက်လုံး မဖွင့်ရသေးမီမှာပင် စနစ်၏ အသိပေးချက် ထွက်ပေါ်လာသည်။</p> <p> </p> <p>“ဆိုင်းအင် ဝင်မယ်၊” ဝူယွမ်က တုန့်ဆိုင်းမနေပဲ ချက်ချင်းပင် ပြောလိုက်သည်။</p> <p> </p> <p>【ဆိုင်းအင် ဝင်ခြင်း အောင်မြင်ပါသည်။ ဆုလာဘ် - ချီတစ်ခုမှ လောကမူလ နတ်ဘုရားသုံးပါးပွင့်ခြင်း ကို ရရှိပါသည်၊】</p> <p> </p> <p>【ချီတစ်ခုမှ လောကမူလနတ်ဘုရား သုံးပါး ပွင့်ခြင်း - တာအိုကျင့်စဉ်၏ အစွမ်းထက်ဆုံး ကျင့်စဉ်များထဲမှ တစ်ခုဖြစ်ပြီး ကိုယ်ပွားသုံးခုကို ကျင့်ကြံနိုင်စွမ်း ရှိသည်၊ ကိုယ်ပွားများနှင့် မူလခန္ဓာကိုယ်မှာ တူညီသော ခွန်အားကို ပိုင်ဆိုင်ကြပြီး မည်သူက အဓိက၊ မည်သူက အရံဟူ၍ ကွဲပြားမှု မရှိချေ၊ အောင်မြင်စွာ ကျင့်ကြံပြီးပါက မိမိ လေးဦး ဖြစ်လာမည်ဖြစ်ပြီး တိုက်ခိုက်ရေးစွမ်းအားမှာ လေးဆ တိုးလာမည် ဖြစ်သည်၊】</p> <p> </p> <p>ယခင်ထက် ပိုကျယ်ပြောလှသော ကျင့်စဉ်အချက်အလက်များ ဝူယွမ်၏ စိတ်အတွင်းသို့ ပြည့်နှက်လာပြန်သည်။ ဤအချက်အလက်များမှာ မဟာရှေးဟောင်းကျမ်းထက် အဆပေါင်းများစွာ ပိုရှုပ်ထွေးလွန်းသဖြင့် ဝူယွမ်၏ ဦးခေါင်းမှာပင် ကွဲမတတ် နာကျင်သွားရသည်။</p> <p> </p> <p>နောက်ဆုံးတွင် ကျင့်စဉ်ကို လက်ခံရရှိပြီးသွားသောအခါ ဝူယွမ်၏ နာကျင်မှုများမှာ ပျော်ရွှင်မှုအဖြစ်သို့ ပြောင်းလဲသွားတော့သည်။ ‘ချီတစ်ခုမှ လောကမူလ နတ်ဘုရားသုံးပါးပွင့်ခြင်း’ မှာ အလွန်တရာ အစွမ်းထက်လှပေသည်။</p> <p> </p> <p>၎င်းသည် မူလခန္ဓာနှင့် ထပ်တူကျသော ကိုယ်ပွားသုံးခုကို ဖန်တီးနိုင်သည်။ ထို့ပြင် ကိုယ်ပွားများနှင့် မူလခန္ဓာက ဝိညာဉ်တစ်ခုတည်းကို မျှဝေသုံးစွဲနိုင်သဖြင့် စိတ်တစ်ခုတည်းဖြင့် အလုပ်လေးခုကို တစ်ပြိုင်နက် လုပ်ဆောင်နိုင်ခြင်းနှင့် တူညီသည်။ အကယ်၍ တိုက်ပွဲအတွင်း ကိုယ်ပွားများကို ခေါ်ယူလိုက်ပါက တစ်ဦးချင်း တိုက်ပွဲမှာ လေးဦးနှင့် တစ်ဦး တိုက်ပွဲ ဖြစ်သွားမည်ဖြစ်ရာ အပြတ်အသတ် အောင်နိုင်ပေမည်။</p> <p> </p> <p>ထို့အပြင် ဤနည်းလမ်းကြောင့် သူက ကျင့်ကြံခြင်းအတွက် အချိန်ပေးနေရသဖြင့် ပိုင်ယွမ်နှင့် အခြားသူများကို အချိန်မပေးနိုင်မည်ကို စိုးရိမ်ရန် မလိုတော့ပေ။ ကျင့်ကြံခြင်းကို ဝေမျှနိုင်သဖြင့် ကိုယ်ပွားတစ်ခုကို ကျင့်စဉ်တစ်ခု ကျင့်ကြံခိုင်းခြင်းဖြင့် အချိန်များစွာ သက်သာစေမည် ဖြစ်သည်။ စနစ်မှ ရရှိထားသော ကျင့်စဉ်များကို ကျင့်ကြံရန် အချိန်မရှိမည်ကိုလည်း စိတ်ပူရန် မလိုတော့ချေ။</p> <p> </p> <p>‘ချီတစ်ခုမှ လောကမူလ နတ်ဘုရားသုံးပါးပွင့်ခြင်း’ မှာ အချိန်ကိုက် ရောက်ရှိလာခြင်း ဖြစ်သည်ဟု ဆိုရမည်။ ဝူယွမ်သည် ချက်ချင်း ထွက်မသွားသေးဘဲ ဆိုင်းအင်၀င်ရာမှ အရှိန်အဟုန်ကို အသုံးချကာ ယခုရရှိထားသော သိုင်းပညာနှစ်ရပ်၏ အချက်အလက်များကို ချေဖျက်နေလိုက်သည်။ ထို့အပြင် ‘ကန္တရာတိမ်’ နှင့် ‘ကန္တာရ’ တို့ကိုလည်း ယခုအခြေအနေနှင့် ရင်းနှီးကျွမ်းဝင်စေရန် အချိန်ပေးလိုက်သည်။</p> <p> </p> <p>တစ်လတာ အချိန်မှာ မျက်တောင်တစ်ခတ်အတွင်း ကုန်ဆုံးသွားခဲ့လေပြီ။ လေပြင်းခန်းမ၏ တောင်ထိပ်ပေါ်၌ လူအများ ပြည့်နှက်နေဆဲဖြစ်ပြီး တောင်ဂိုဏ်းတစ်ခုလုံး၏ အကြည့်များမှာ မဟာရှေးဟောင်းတောရိုင်းကျောက်တိုင်ပေါ်သို့သာ ကျရောက်နေကြသည်။</p> <p> </p> <p>ဆေးမြစ်ရေ တစ်ခုလုံးကို စုပ်ယူပြီးနောက် ကျောက်တိုင်ကြီးမှာ တည်ငြိမ်သွားခဲ့သည်။ သို့သော် ဤတစ်လအတွင်းတွင် ကျောက်တိုင်ကြီးမှာ ယခင်နှင့် မတူတော့ကြောင်း လူတိုင်း သတိထားမိကြသည်။ ၎င်းသည် ယခင်ကကဲ့သို့ အသက်မဲ့မနေတော့ဘဲ ဇီ၀အသက်စွမ်းအင်အချို့ ရရှိထားပုံပေါ်ကာ ကျောက်တိုင်ကိုယ်ထည်မှာလည်း မှေးမှိန်မနေတော့ဘဲ တောက်ပသော ရောင်ဝါအချို့ ထွက်ပေါ်နေခဲ့သည်။</p> <p> </p> <p>အတိုချုပ်ပြောရလျှင် မဟာရှေးဟောင်းတောရိုင်းကျောက်တိုင်မှာ သိသိသာသာ ပြောင်းလဲသွားခဲ့ပြီ ဖြစ်သည်။ ဤအချက်က လူတိုင်းကို မျှော်လင့်ချက်များ ဖြစ်ပေါ်စေသည်။ တစ်ချိန်တည်းမှာပင် ဝူယွမ်အတွက်လည်း စိုးရိမ်နေကြသည်။ ယခုအခါ ဝူယွမ်အနေဖြင့် မဟာရှေးဟောင်းကျမ်းကို နားလည်သဘောပေါက်သွားမလားဆိုသည်ထက် ဝူယွမ် တစ်ခုခု ဖြစ်သွားမလားဆိုသည်ကို ပို၍ စိုးရိမ်နေကြခြင်း ဖြစ်သည်။</p> <p> </p> <p>နောက်ဆုံးတွင်... ယယနေ့...</p> <p> </p> <p>မဟာရှေးဟောင်းတောရိုင်းကျောက်တိုင်ပေါ်တွင် အလင်းတန်းတစ်ခု လျှပ်ခနဲ ပေါ်ပေါက်လာပြီး အတွင်းဘက်မှ လူရိပ်တစ်ခု လမ်းလျှောက် ထွက်ပေါ်လာတော့သည်။</p> <p> </p> <p> </p> <p style="text-align: center;">***</p>


Save