Book List

<h2 style="text-align: center;">အခန်း (၂၃၁)</h2> <h2 style="text-align: center;">လောကကြီးအတွင်း မဟာရှေးဟောင်းကျမ်း ပြန်လည်ပေါ်ထွက်လာခြင်း</h2> <h2 style="text-align: center;">လေပြင်းခန်းမ နိုးထလာပြီ</h2> <h2 style="text-align: center;">*</h2> <p> </p> <p>လူအများ၏ စူးစိုက်ကြည့်နေသော အကြည့်များအောက်ဝယ် မဟာရှေးဟောင်းတောရိုင်းကျောက်တိုင်အတွင်းမှ ဝူယွမ်၏ ပုံရိပ်သည် တဖြည်းဖြည်း ချဉ်းကပ်ထွက်ပေါ်လာခဲ့သည်။</p> <p> </p> <p>“သူ ထွက်လာပြီ၊ သူ ထွက်လာပြီဟေ့”</p> <p> </p> <p>ဝူယွမ်ကို မြင်လိုက်ရသည့် ခဏ လူတိုင်း ရင်ထဲမှ အလုံးကြီး ကျသွားသကဲ့သို့ သက်ပြင်းချနိုင်ကြတော့သည်။</p> <p> </p> <p>“နင်ကတော့ အားလုံးကို ထိတ်လန့်တုန်လှုပ်အောင် လုပ်တာပဲ၊ ဘာမှမဖြစ်ဘူးမလား” ယင်းဟွမ်ဟွမ်က အပေါ်မှနေ၍ သူမ၏ ရင်ဘတ်လေးကို ဖိကာ အော်ဟစ်မေးမြန်းလိုက်သည်။</p> <p> </p> <p>“အဟမ်း... ကျွန်တော် အဆင်ပြေပါတယ်၊ အားလုံးကို စိတ်ပူအောင် လုပ်မိသွားပြီ... အရာအားလုံး အဆင်ပြေသွားပါပြီ၊ ကျွန်တော် မဟာရှေးဟောင်းကျမ်းကို နားလည်သဘောပေါက်သွားပါပြီ”</p> <p> </p> <p>ဝူယွမ်သည် မိမိကို ဝိုင်းရံထားသော ထောင်သောင်းချီသည့် လူအုပ်ကြီးကို ကြည့်ကာ ခေတ္တ မှင်တက်သွားမိသည်။ သိုင်းပညာတစ်ခုကို နားလည်သဘောပေါက်ရုံမျှဖြင့် ဤမျှအထိ ဟိုးလေးတကျော် ဖြစ်သွားလိမ့်မည်ဟု သူ မထင်မှတ်ထားခဲ့ပေ။</p> <p> </p> <p>“သူ တကယ်ပဲ နားလည်သွားတာလား”</p> <p> </p> <p>“နားလည်သွားတာ ကောင်းတာပေါ့”</p> <p> </p> <p>“ငါ့သက်တမ်းတစ်လျှောက်မှာ မဟာရှေးဟောင်းကျမ်း ကမ္ဘာပေါ် ပြန်လည်ပေါ်ထက်လာတာကို မြင်တွေ့ရလိမ့်မယ်လို့ တစ်ခါမှ မတွေးထားဖူးခဲ့ဘူး”</p> <p> </p> <p>ဝူယွမ်၏ အတည်ပြုချက်ကို ကြားလိုက်ရပြီးနောက် လူတိုင်းသည် အထူးတလည် စိတ်လှုပ်ရှားသွားကြပြီး အထူးသဖြင့် တောင်ဂိုဏ်း၏ အဆင့်မြင့်အဖွဲ့ဝင်များမှာ ပို၍ပင် အပြင်းအထန် ခံစားနေကြရသည်။</p> <p> </p> <p>မဟာရှေးဟောင်းကျမ်း၏ အစွမ်းထက်ပုံကို သူတို့ ကောင်းကောင်းသိရှိကြသည်မဟုတ်ပါလား။ ဤကျမ်းကို နားလည်သဘောပေါက်သူ ပေါ်ထွက်လာခြင်းသည် တောင်ဂိုဏ်းအတွက် မယုံကြည်နိုင်လောက်အောင် အစွမ်းထက်သည့် ပါရမီရှင်တစ်ဦး ပိုင်ဆိုင်လိုက်ရခြင်းပင် ဖြစ်သည်။</p> <p> </p> <p>“ဟို... ဂိုဏ်းချုပ်ကြီးနဲ့ အကြအကဲတို့ခင်ဗျာ၊ နောက်ထပ် ပြောစရာတစ်ခု ရှိပါသေးတယ်... ကျွန်တော် မဟာရှေးဟောင်းကျမ်းကို နားလည်သွားတာတင်မကဘဲ ဒီမဟာရှေးဟောင်းတောရိုင်းကျောက်တိုင်ကိုပါ ယူသွားရမလို ဖြစ်နေတယ်...” ဝူယွမ်က စကားပြောရန် ခက်ခဲနေသော်လည်း ပြောရမည်ဖြစ်၍ အနည်းငယ် ထစ်ငေါ့ကာ ဆိုလိုက်သည်။</p> <p> </p> <p>ကျောက်တိုင်ကြီးကို ယူဆောင်သွားရန်မှာ တောင်ဂိုဏ်း၏ သဘောတူညီချက်ကို ရရှိရန် လိုအပ်ပေသည်။</p> <p> </p> <p>“မင်း ဘာပြောလိုက်တာလဲ” ဝူတောင်က မိမိနားကို မိမိ မယုံကြည်နိုင်ဖြစ်ကာ ပြန်မေးလိုက်သည်။</p> <p> </p> <p>ဝူယွမ်က “ကျွန်တော် မဟာရှေးဟောင်းတောရိုင်းကျောက်တိုင်ကို ယူသွားချင်တာပါ၊ အတိအကျ ပြောရရင် ကျောက်တိုင်ကြီးကိုယ်တိုင်က ကျွန်တော်နဲ့အတူ လိုက်ခဲ့ချင်နေတာပါ”</p> <p> </p> <p>“မဖြစ်နိုင်တာ၊ ဒီကျောက်တိုင်ကြီးက ဒီနေရာမှာ တည်ရှိနေတာ နှစ်ပေါင်းမရေတွက်နိုင်တော့ဘူး... ငါတို့ အကြီးအကဲတွေအားလုံး ဝိုင်းကြိုးစားရင်တောင် လက်မတစ်ဝက်စာတောင် ရွှေ့လို့မရတာ၊ သူက ဘယ်လိုလုပ် မင်းနောက် လိုက်မှာလဲ” အကြီးအကဲတစ်ဦးက အံ့အားသင့်စွာ ဟစ်အော်လိုက်သည်။</p> <p> </p> <p>ဝူယွမ်၏ စကားသည် တကယ့်ကို တုန်လှုပ်ဖွယ်ရာပင်။ မဟာရှေးဟောင်းတောရိုင်းကျောက်တိုင်၏ တည်ရှိမှုသည် တောင်ဂိုဏ်းတည်ထောင်ခြင်း၏ အခြေခံအုတ်မြစ်ပင် ဖြစ်သည်။ ဤနေရာ၌ ဂိုဏ်းတည်ထောင်ခဲ့ခြင်းမှာလည်း ဤကျောက်တိုင်ကြီးကို ရှာဖွေတွေ့ရှိခဲ့သောကြောင့် ဖြစ်သည်။</p> <p> </p> <p>ဝူယွမ်၏ အရည်အချင်းနှင့် ဂုဏ်သိက္ခာက အကြီးအကဲများပင် မရွှေ့နိုင်သည့် ကျောက်တိုင်ကြီးကို မည်သို့ယူဆောင်နိုင်မည်နည်းဟု လူတိုင်းက သံသယဝင်နေကြသည်။</p> <p> </p> <p>ဝုန်း... ရုတ်တရက်ဆိုသလို မဟာရှေးဟောင်းတောရိုင်းကျောက်တိုင်ကြီးက စတင်တုန်ခါလာပြီး တောင်ထိပ်တစ်ခုလုံး အပြင်းအထန် လှုပ်ခါသွားသည်။ စိမ်းဖန့်ဖန့်အလင်းရောင်များ ကျောက်တိုင်ကိုယ်ထည်မှ ထွက်ပေါ်လာပြီး မြေပြင်ပေါ်မှ တဖြည်းဖြည်းချင်း မြင့်တက်လာခဲ့သည်။</p> <p> </p> <p>ကျောက်တိုင်ကိုယ်ထည်ပေါ်ရှိ မြေသားဟောင်းများ ကွာကျသွားပြီးနောက် ခဏအတွင်းမှာပင် ကျောက်တိုင်ကြီးက သေးငယ်သွားကာ အလွန်ချောမွေ့ပြီး သက်ဝင်လှုပ်ရှားလာသည်။ ယခင်ကကဲ့သို့ ခြောက်သွေ့အက်ကွဲနေသော ကန္တာရဆန်သည့် ပုံစံမျိုး မဟုတ်တော့ပေ။</p> <p> </p> <p>ထိုနောက်တွင် အလင်းတစ်ချက် လက်သွားကာ ကျောက်တိုင်ကြီးသည် သေးငယ်သော ကျောက်တိုင်ငယ်လေးအဖြစ် ပြောင်းလဲသွားပြီး ဝူယွမ်၏ ရှေ့မှောက်တွင် ဝဲပျံနေတော့သည်။</p> <p> </p> <p>ထိုအခြင်းအရာက “ငါကိုယ်တိုင် သူ့နောက်ကို လိုက်သွားဖို့ ဆန္ဒရှိတယ်” ဟူသော အဓိပ္ပာယ်ကို ဖော်ဆောင်နေသည်။</p> <p> </p> <p>“ဂိုဏ်းချုပ်ကြီး...” လူတိုင်းက ဆုံးဖြတ်ချက်ပေးရန် ယင်းရွှမ်းဇီကို ကြည့်လိုက်ကြသည်။</p> <p> </p> <p>“အရှင်... အရှင်က တကယ်ပဲ ဝူယွမ်နောက်ကို လိုက်သွားဖို့ ဆန္ဒရှိတာလားခင်ဗျာ” ယင်းရွှမ်းဇီက အလွန်တည်ကြည်လေးနက်သော မျက်နှာထားဖြင့်  ကျောက်တိုင်ကြီးကို တရိုတ‌သေ ဦးညွှတ်ဂါရဝပြုကာ မေးမြန်းလိုက်သည်။</p> <p> </p> <p>ဝူယွမ်ရှေ့ရှိ ကျောက်တိုင်ငယ်လေးပေါ်တွင် အသက်ကြီးကြီး ပုံရိပ်တစ်ခု ရုတ်တရက် ပေါ်ထွက်လာပြီး ယင်းရွှမ်းဇီကို ကြည့်ကာ -</p> <p> </p> <p>“ဟုတ်တယ်၊ အခုကစပြီး ငါက ဝူယွမ်ရဲ့ ကျောက်တိုင်ပဲ... မင်းတို့က ငါ့ကို နှစ်ပေါင်းများစွာ စောင့်ရှောက်ခဲ့ကြတာဆိုတော့ ဒါဟာ ကံကြမ္မာတစ်ခုပဲလို့ ဆိုရမယ်၊ မင်းတို့ ဘာကို လိုချင်နေကြလဲဆိုတာ ငါသိပါတယ်... မဟာရှေးဟောင်းကျမ်းက ငါဖန်တီးထားတဲ့ သိုင်းပညာဖြစ်သလို ငါကိုယ်တိုင်လည်း ဒါကို ပြန့်ပွားစေချင်တယ်၊ ဒါကြောင့် ဒီကျမ်းကို မင်းတို့ကို ပေးသနားခဲ့မယ်”</p> <p> </p> <p>“ဒါပေမဲ့ ဒီသိုင်းပညာက အရမ်းအစွမ်းထက်လွန်းတယ်၊ လူတိုင်း ကျင့်ကြံလို့မရဘူး... ပါရမီမရှိဘဲ ကျင့်ကြံမယ်ဆိုရင် ဒါဟာ ကောင်းကျိုးထက် ဘေးဒုက္ခကိုပဲ ပေးလိမ့်မယ်”</p> <p> </p> <p>“ငါ ဒီနေရာမှာ အရင်လိုပဲ ကျောက်တိုင်တစ်ခု ချန်ထားခဲ့မယ်၊ စမ်းသပ်မှုကို အောင်မြင်သူတွေပဲ ဒီကျမ်းကို ရနိုင်လိမ့်မယ်... ဒါပေမဲ့ ဒီတစ်ခါ စမ်းသပ်မှုက အရင်ကလို ခက်ခဲမှာမဟုတ်တော့ဘဲ နားလည်သဘောပေါက်နိုင်တဲ့ လူအရေအတွက်လည်း ပိုများလာလိမ့်မယ်”</p> <p> </p> <p>မဟာရှေးဟောင်းတောရိုင်းကျောက်တိုင်ကြီး စကားပြောပြီးသည်နှင့် မြေဆီလွှာရောင် အလင်းတန်းများ ကျဆင်းလာကာ ကျောက်တိုင်ကြီး ထွက်ပေါ်လာသော နေရာ၌ ကျောက်တိုင်အသစ်တစ်ခု ပြန်လည်ပေါ်ပေါက်လာခဲ့သည်။ ၎င်းပေါ်တွင်လည်း “မဟာရှေးဟောင်းကျမ်း” ဟူသော စာလုံးကြီး လေးလုံးကို ထင်ရှားစွာ မြင်တွေ့နေရသည်။</p> <p> </p> <p>တောင်ဂိုဏ်း၏ အဆင့်မြင့်အဖွဲ့ဝင်များမှာ ထိုကျောက်တိုင်ကို ကြည့်ကာ မျက်လုံးများအတွင်း ပြင်းပြသော အလိုဆန္ဒများ ဖြစ်ပေါ်လာကြသည်။ ဤသည်မှာ သူတို့ အမှန်တကယ် လိုလားတောင့်တနေသော အရာပင်။</p> <p> </p> <p>ယင်းရွှမ်းဇီသည်လည်း အနည်းငယ် စိတ်လှုပ်ရှားနေမိသည်။</p> <p> </p> <p>“ကျေးဇူးတင်ပါတယ် အရှင်... အရှင် နေမှာလား၊ သွားမှာလားဆိုတာ အရှင်ရဲ့ ဆန္ဒအတိုင်းပါပဲ၊ ကျွန်တော်တို့ တောင်ဂိုဏ်းဟာ အရှင့်ကို အမှီပြုပြီး တည်ထောင်ခဲ့တာပါ... အရှင်ရှိလို့သာ တောင်ဂိုဏ်းရှိနေတာမို့ တောင်ဂိုဏ်းဟာ အရှင့်ရဲ့ အမွေအနှစ်၊ ကျွန်တော်တို့ဟာ အရှင့်ရဲ့ တပည့်တွေလို့တောင် ဆိုနိုင်ပါတယ်”</p> <p> </p> <p>“ဒါတင်မကသေးဘူး၊ အရှင် လိုက်သွားမယ့် ဝူယွမ်ဟာလည်း ကျွန်တော်တို့ တောင်ဂိုဏ်းရဲ့ တပည့်ပဲလေ... အဆုံးမှာတော့ ကျွန်တော်တို့အားလုံးဟာ မိသားစုတစ်ခုတည်းမို့ ဘယ်နေရာမှာပဲ ရှိရှိ အတူတူပါပဲ”</p> <p> </p> <p>ယင်းရွှမ်းဇီသည် အလွန်လိမ္မာပါးနပ်စွာ ပြောဆိုတတ်ပေသည်။ ကျောက်တိုင်ကြီး၏ နောက်ခံသမိုင်းကြောင်းမှာ အလွန်နက်ရှိုင်းလှပြီး သူတို့ ထိန်းချုပ်နိုင်သော အရာမဟုတ်ပေ။</p> <p> </p> <p>အကယ်၍ ကျောက်တိုင်ကြီးက ထွက်သွားချင်သည်ဆိုပါက မည်သူမျှ တားဆီးနိုင်မည်မဟုတ်ကြောင်း သူ၏ ကျင့်ကြံမှုအဆင့်အရ ကောင်းကောင်း သိမြင်ထားသည်။</p> <p> </p> <p>“ဟဲဟဲ... တယ်တော်တဲ့ လူငယ်လေးပဲ၊ မင်းလည်း ငါ့ရဲ့ သိုင်းပညာကို ကျင့်ကြံကြည့်သင့်တယ်... ဒါက မင်းအတွက် အများကြီး အထောက်အကူ ဖြစ်စေလိမ့်မယ်” ယင်းရွှမ်းဇီ၏ စကားကို ကျောက်တိုင်ကြီးက အလွန်သဘောကျသွားပုံရသည်။ အထူးသဖြင့် “တောင်ဂိုဏ်းဟာ အရှင့်ရဲ့ အမွေအနှစ်” ဆိုသော စကားကြောင့်ပင်။</p> <p> </p> <p>ကျောက်တိုင်ကြီးမှ အလင်းများ ထွက်ပေါ်လာပြီး စာလုံးကြီးလေးလုံးက ယင်းရွှမ်းဇီ၏ ရှေ့မှောက်သို့ ပျံသန်းရောက်ရှိလာသည်။</p> <p> </p> <p>“မဟာရှေးဟောင်းကျမ်း”</p> <p> </p> <p>ယင်းရွှမ်းဇီသည် မိမိရှေ့ရှိ ရှေးဟောင်းအလင်းစာလုံးများကို ကြည့်ကာ ငေးမောနေမိသည်။</p> <p> </p> <p>ငယ်စဉ်က တစ်ကြိမ်တစ်ခါမျှ မအောင်မြင်ခဲ့သော အိပ်မက်တစ်ခု၊ သူ၏ ပါရမီကြောင့် မဟုတ်ဘဲ ဘိုးဘေးအဆောင်မရှိခဲ့သောကြောင့်သာ ကျရှုံးခဲ့ရသော ဖြစ်ရပ်တစ်ခု၊</p> <p>သို့သော် ယခုအခါတွင်မူ အရာအားလုံး ပြောင်းလဲသွားခဲ့ချေပြီ။</p> <p> </p> <p>“ကျေးဇူးတင်ပါတယ် အရှင်” ယင်းရွှမ်းဇီက အလွန်ဝမ်းသာသွားကာ ထိုစာလုံးများကို သူ၏ စိတ်အာရုံအတွင်းသို့ စီးဝင်စေလိုက်သည်။</p> <p> </p> <p>သူသည် ယခုအခါ ပြန်လည်၀င်စားခြင်းအဆင့် သို့ ရောက်နေပြီဖြစ်သော်လည်း ဤကဲ့သို့ အစွမ်းထက်သော မဟာရှေးဟောင်းကျမ်းကို ရရှိခြင်းသည် သူ၏ ကျင့်ကြံမှုကို နောက်ထပ် အဆင့်တစ်ခုသို့ တိုးတက်စေရန် များစွာ အထောက်အကူပြုမည်မှာ သေချာပေသည်။</p> <p> </p> <p>“ဂုဏ်ယူပါတယ် ဂိုဏ်းချုပ်ကြီး” ဘေးပတ်ဝန်းကျင်မှ အကြီးအကဲများသည် အားကျစိတ်များဖြင့် ကြည့်နေကြသော်လည်း ဂိုဏ်းချုပ်ကြီး ပိုမိုအစွမ်းထက်လာခြင်းမှာ တောင်ဂိုဏ်းအတွက် ကောင်းကျိုးဖြစ်၍ အားလုံး ဝမ်းသာနေကြသည်။</p> <p> </p> <p>“ဂိုဏ်းချုပ်... မဟာရှေးဟောင်းကျမ်းရဲ့ ကျောက်တိုင်က အခုကစပြီး ဒီမှာပဲ ရှိနေမှာပါ၊ တပည့်တွေကို အခုပဲ စမ်းသပ်ကြည့်ခိုင်းလို့ ရပါတယ်၊ အများကြီး နားလည်သဘောပေါက်သွားကြလိမ့်မယ်လို့ ကျွန်တော် ယုံကြည်တယ်” ဝူယွမ်က ပြုံးရွှင်စွာ ပြောလိုက်သည်။</p> <p> </p> <p>ထို့နောက်တွင် စမ်းသပ်မှုများ စတင်ခဲ့သည်။ လေပြင်းခန်းမမှ ဂူမို၊ ချန်ကျန်းနှင့် ဝူတောင်တို့ ဦးဆောင်ကာ လင်းတုန်အပါအဝင် တပည့်ရင်းများက စတင်ကျင့်ကြံလိုက်ကြသည်။</p> <p> </p> <p>မဟာရှေးဟောင်းတောရိုင်းကျောက်တိုင်၏ စိတ်ဝိညာဉ်ဖြစ်သော “အရှင်ကြီး” ကိုယ်တိုင်က ကူညီဖေးမပေးသောကြောင့် ယခင်ကထက် ပိုလွယ်ကူလာခဲ့သည်။</p> <p> </p> <p>ရက်အနည်းငယ် ကြာပြီးနောက် - အကြီးအကဲ ဂူမိုက ပထမဆုံး နိုးထလာကာ မဟာရှေးဟောင်းကျမ်းကို အောင်အောင်မြင်မြင် နားလည်သွားခဲ့သည်။ ထို့နောက်တွင် လင်းတုန်၊ ချန်ကျန်းနှင့် ဝူတောင်တို့လည်း တစ်ဦးပြီးတစ်ဦး အောင်မြင်ခဲ့ကြသည်။</p> <p> </p> <p>ပထမဆုံးဝင်ရောက်သူ ဆယ်ဦးအနက် ခြောက်ဦးအထိ အောင်မြင်ခဲ့ခြင်းမှာ တောင်ဂိုဏ်း၏ သမိုင်းတစ်လျှောက် မကြုံစဖူးသော အောင်မြင်မှုပင် ဖြစ်သည်။ ဤရလဒ်ကြောင့် လေပြင်းခန်းမသည် အခြားခန်းမကြီး သုံးခုထက်ပင် ကျော်လွန်ကာ ထိပ်ဆုံးသို့ ရောက်ရှိသွားတော့မည်မှာ မြေကြီးလက်ခတ်မလွဲပေ။</p> <p> </p> <p>“ကျေးဇူးတင်ပါတယ် အရှင်... ကျွန်တော်တို့ လေပြင်းခန်းမကို ကယ်တင်ပေးလို့ ကျေးဇူးတင်ပါတယ်” ဂူမိုနှင့် အခြားသူများမှာ အလွန်အမင်း စိတ်လှုပ်ရှားစွာဖြင့် ဒူးထောက်ကာ ကျောက်တိုင်ကြီးကို ဂါရဝပြုလိုက်ကြသည်။</p> <p> </p> <p>ယနေ့မှစ၍ လေပြင်းခန်းမက လောကကြီးတွင် ပြန်လည်မြင့်မားလာပြီး အစွမ်းအထက်ဆုံး ခန်းမတစ်ခုအဖြစ် အသစ်တစ်ဖန် ပြန်လည်နိုးထလာခဲ့လေပြီ။</p> <p> </p> <p style="text-align: center;">***</p> <p> </p>


Save