Book List

<h2 style="text-align: center;">အခန်း (၂၃၂)</h2> <h2 style="text-align: center;">ဟုန်ယာတုန်၏ လာရောက်လည်ပတ်မှုနှင့်</h2> <h2 style="text-align: center;">ယင်းဟွမ်ဟွမ် လာခေါ်ခြင်း(၁)</h2> <h2 style="text-align: center;">*</h2> <p> </p> <p>“တင်း... ဆိုင်းအင်ဝင်ရမည့်နေရာ အသစ်ပြန်လည် ပြောင်းလဲပြီးပါပီ၊ နောက်ထပ် ဆိုင်းအင်၀င်ရမည့်နေရာ- သားရဲတစ်သောင်းတောင်တန်း”</p> <p> </p> <p>မဟာရှေးဟောင်းကျောက်တိုင် ပြန်လည်နိုးထလာမှုသည် တောင်ဂိုဏ်းတစ်ခုလုံးကို လှုပ်ခတ်သွားစေပြီး တပည့်များ၏ စိတ်ဓာတ်ကို သွေးကြွတက်ကြွလာစေသည်။ တစ်ဂိုဏ်းလုံးတွင် စိတ်ကြွဆေးတစ်လုံး ထိုးခံလိုက်ရသကဲ့သို့ အသက်ဝင်လှုပ်ရှားနေပြီး လေထုမှာလည်း အလွန်ပင် စည်ကားသိုက်မြိုက်နေတော့သည်။</p> <p> </p> <p>အထူးသဖြင့် လေပြင်းခန်းမပင် ဖြစ်သည်၊</p> <p> </p> <p>ယခင်က အမြဲတမ်း အနှိမ်ခံခဲ့ရသော်လည်း ယခုအခါတွင်မူ သူတို့၌ အင်အားကြီးမားသော နောက်ခံတစ်ခု ရှိနေပြီဖြစ်သည်။ အကြီးအကဲ ‘ကန္တာရ’ သည် လေပြင်းခန်းမ၌ တရားဝင် အခြေစိုက်နေထိုင်ပြီး မဟာရှေးဟောင်းကျမ်းကို ဟောပြောပို့ချရန် စီစဉ်နေသဖြင့် လေပြင်းခန်းမသည် ဂိုဏ်းအတွင်း ရေပန်းအစားဆုံး ခန်းမတစ်ခု ချက်ချင်း ဖြစ်လာခဲ့သည်။</p> <p> </p> <p>လေပြင်းခန်းမမှ တပည့်များသည်လည်း ဤအခွင့်အရေးကို တွေ့ကာ ယခင်ကထက် ပိုမိုပြင်းထန်စွာ လေ့ကျင့်လာကြသည်။ မဟာရှေးဟောင်းကျမ်းက အချိန်တန်လျှင် အခြားခန်းမ သုံးခု၏ ထူးခြားသော ကျမ်းစာများကဲ့သို့ပင် လူအများ ပိုမိုနားလည်သဘောပေါက်နိုင်မည့် အရာတစ်ခု ဖြစ်လာတော့ပေမည်။</p> <p> </p> <p>အဓိကတပည့်ဖြစ်လာသူတိုင်းအတွက် အခွင့်အလမ်းတစ်ခု ရှိနေလေပြီ။</p> <p> </p> <p>နေသားကျစပြုလာသော နေ့စဉ်ဘဝများထဲတွင် လူတိုင်းသည် မိမိတို့၏ လေ့ကျင့်မှု၌ စိတ်ရောကိုယ်ပါ နှစ်မြှုပ်ထားကြသော်လည်း ယခုတစ်ကြိမ်တွင်မူ သူတို့၏ တက်ကြွမှုမှာ ယခင်ကထက် သိသိသာသာ ပိုမြင့်မားနေခဲ့သည်။</p> <p> </p> <p>တောင်ဂိုဏ်း၏ အထွတ်အထိပ်တောင်ကုန်း၊ ယင်းရွှမ်းဇီ၏ နေအိမ်၌၊</p> <p> </p> <p>ဝူယွမ်သည် အကြီးအကဲ ကန္တာရကို ခေါ်ဆောင်လာပြီး ယင်းရွှမ်းဇီနှင့် သီးသန့်တွေ့ဆုံဆွေးနွေးခဲ့သည်။ ယင်းရွှမ်းဇီသည် မဟာရှေးဟောင်းကျောက်တိုင်နှင့် ပတ်သက်၍ အချို့ကို နားလည်ထားပြီး ကမ္ဘာခြားနတ်ဆိုးများ၏ တည်ရှိမှုကိုလည်း သိထားသော်လည်း မဟာရှေးဟောင်းကျောက်တိုင်က မည်သည့်အရာကို နှိမ်နင်းထားသည်ကိုမူ အတိအကျ မသိပေ။ ထို့ကြောင့် သူက ဤအကြောင်းအရာအပေါ် အလွန်ပင် စိတ်ဝင်စားနေမိသည်။</p> <p> </p> <p>မဟာရှေးဟောင်းကျောက်တိုင်သည် ဝူယွမ်က ကျောက်တိုင်အတွင်းရှိ ပုံးကွယ်နေသော ဘေးအန္တရာယ်များကို ဖြေရှင်းပေးခဲ့သဖြင့် လွတ်လပ်စွာ လှုပ်ရှားနိုင်ပြီဖြစ်ကြောင်းနှင့် လေပြင်းခန်းမ၌သာ အမြဲတမ်း တည်ရှိနေရန် မလိုအပ်တော့ကြောင်းကို ယင်းရွှမ်းဇီအား ပြောကြားခဲ့သည်။</p> <p> </p> <p>ထို့ပြင် တောင်ဂိုဏ်းကို သူ၏ ကိုယ်ပိုင်အမွေအနှစ်ဂိုဏ်းအဖြစ် သတ်မှတ်ကာ အမြဲတမ်း ကာကွယ်စောင့်ရှောက်သွားမည်ဖြစ်ကြောင်း အာမခံချက်ပေးခဲ့သဖြင့် ယင်းရွှမ်းဇီမှာ စိတ်အေးသွားခဲ့ရသည်။ တစ်ချိန်တည်းမှာပင် ယင်းရွှမ်းဇီကလည်း မဟာရှေးဟောင်းကျောက်တိုင် လိုအပ်သမျှကို တောင်ဂိုဏ်းအနေဖြင့် အစွမ်းကုန် ပံ့ပိုးပေးမည်ဟု ကတိပြုခဲ့သည်။</p> <p> </p> <p>“ဂိုဏ်းချုပ်... အကြီးအကဲ ကန္တာရဆီမှာ ဝိညာဉ်ဆေးပင်တွေကို စိုက်ပျိုးတဲ့ နည်းလမ်းတွေ ရှိတယ်၊ အဲဒီ မသေမျိုးအနှစ်သာရ ရှေးဟောင်းသစ်ပင်ကို သူ့ရဲ့ ကျောက်တိုင်ကမ္ဘာထဲကို ပြောင်းရွှေ့စိုက်ပျိုးလိုက်မယ်ဆိုရင် ရက်အနည်းငယ်အတွင်းမှာပဲ မသေမျိုးအနှစ်သာရ ဝိညာဉ်သစ်သီးတွေ ရလာမှာပါ၊ ဒါဆိုရင် ကျွန်တော်တို့ တောင်ဂိုဏ်းတပည့်တွေရဲ့ ခွန်အားကို အလျင်အမြန် မြှင့်တင်ပေးနိုင်ဖို့ လုံလောက်သွားပြီ၊”</p> <p> </p> <p>ဝူယွမ်က ယင်းရွှမ်းဇီကို ပြောလိုက်သည်။ အကြီးအကဲ ကန္တာရ ရှိနေပြီဖြစ်သဖြင့် သူ၏ ဝှက်ဖဲများကို သွယ်ဝိုက်သောနည်းဖြင့် အသုံးပြုနိုင်ပြီဖြစ်သည်။ သူက တောင်ဂိုဏ်းကို မိမိ၏ ကိုယ်ပိုင်အင်အားစုတစ်ခုကဲ့သို့ သတ်မှတ်ထားသဖြင့် ဂိုဏ်း၏ ဖွံ့ဖြိုးတိုးတက်မှုကို အရှိန်မြှင့်တင်ရန် လိုအပ်နေခဲ့သည်။</p> <p> </p> <p>ရှေးဟောင်းကျောက်တိုင် ကမ္ဘာအတွင်းရှိ မသေမျိုးအနှစ်သာရ ရှေးဟောင်းသစ်ပင်မှာ ဒုတိယမြောက် မသေမျိုးအနှစ်သာရ မျိုးစေ့ကို မထုတ်လုပ်နိုင်သေးပေ။ ထို့ကြောင့် ဝူယွမ်က တောင်ဂိုဏ်း၏ သစ်ပင်ကို အရင်စမ်းသပ်ရန် စီစဉ်ခဲ့ခြင်းဖြစ်ပြီး၊ ကမ္ဘာသစ်ပင်နှင့် ပေါင်းစပ်လိုက်ပါက မသေမျိုးအနှစ်သာရ ဝိညာဉ်သီးများ သီးပွင့်လာနိုင်မလားဆိုသည်ကို သိလိုနေသည်။</p> <p> </p> <p>“အကြီးအကဲ ကန္တာရကသာ လိုလားတယ်ဆိုရင် ကျွန်တော်တို့ တောင်ဂိုဏ်းဘက်က ဘာမဆို လိုက်လျောဖို့ အသင့်ပါပဲ၊ ဒါဟာ လုံးဝ ပြဿနာမရှိပါဘူး၊” ယင်းရွှမ်းဇီက လွယ်လွယ်ကူကူပင် သဘောတူလိုက်သည်။ သူ့အမြင်တွင် မဟာရှေးဟောင်းကျောက်တိုင်နှင့် ရင်းနှီးကျွမ်းဝင်မှုရှိရန်မှာ အရာအားလုံးထက် အရေးကြီးနေလေသည်ာ</p> <p> </p> <p>“ဒါဆိုရင် စလိုက်ကြရအောင်၊”</p> <p> </p> <p>ဝူယွမ်က အားရ၀မ်းသာဖြစ်ကာ ပြောလိုက်ပြီး ကမ္ဘာသစ်ပင်မှ ထွက်ရှိလာမည့် မသေမျိုးအနှစ်သာရ ဝိညာဉ်သစ်သီးမှာ မည်သည့် ပုံစံ ဖြစ်လာမည်ကို သူစိတ်လှုပ်ရှားစွာ စောင့်မျှော်နေမိသည်။ ဝူယွမ်က မဟာရှေးဟောင်းကျောက်တိုင်ကို ဝိညာဉ်ချိတ်ပိတ်ခြင်း အစီအရင်အတွင်းသို့ ချက်ချင်း ထားလိုက်သည်။</p> <p> </p> <p>“ဂိုဏ်းချုပ်... ဒီဝိညာဉ်ချိတ်ပိတ်ခြင်း အစီအရင်ကိုလည်း ခဏလောက် ငှားသုံးပါရစေဦး၊”</p> <p> </p> <p>အစီအရင်အတွင်းရျိ ဆယ်မီတာခန့် မြင့်မားနေပြီဖြစ်သော မသေမျိုးအနှစ်သာရ ရှေးဟောင်းသစ်ပင်ဆီသို့ မဟာရှေးဟောင်းကျောက်တိုင်က အတင်းအဓမ္မ ဝင်ရောက်သွားပြီး သစ်ပင်ကို သူ၏ ကမ္ဘာအတွင်းသို့ လွှဲပြောင်းရယူလိုက်လေသည်။</p> <p> </p> <p>မူလက ခြောက်သွေ့နေသော ရှေးဟောင်းကမ္ဘာသည် ယခုအခါ မြက်ခင်းပြင်အဖြစ် ပြောင်းလဲနေပြီဖြစ်ပြီး ကမ္ဘာသစ်ပင်၏ အကိုင်းအခက်များမှာ နေရာအနှံ့ ပျံ့နှံ့နေသည်။ ထိုမြက်ခင်းပြင်ပေါ်သို့ မသေမျိုးအနှစ်သာရ ရှေးဟောင်းသစ်ပင် ရုတ်တရက် ရောက်ရှိလာသောအခါ အသင့်စောင့်နေသော ကျောက်တိုင်ဝိညာဉ်လေး ‘ကန္တာရတိမ်’ က သူ၏ အကိုင်းအခက်များဖြင့် သစ်ပင်ကို ရစ်ပတ်ကာ ပေါင်းစပ်လိုက်တော့သည်။</p> <p> </p> <p>ကမ္ဘာသစ်ပင်နှင့် မသေမျိုးအနှစ်သာရ ရှေးဟောင်းသစ်ပင် ပေါင်းစပ်သွားချိန်တွင် ကန္တာရတိမ်က ထိုသစ်ပင်၏ တည်ဆောက်ပုံကို ဆန်းစစ်လေ့လာနေခဲ့သည်။ ခဏအကြာတွင် အကိုင်းတစ်ခုပေါ်၌ လုံးဝန်းစိုပြည်သော အသီးတစ်လုံး ပေါ်ထွက်လာခဲ့သည်။</p> <p> </p> <p>“သခင်... အောင်မြင်သွားပြီ၊ မသေမျိုးအနှစ်သာရ ဝိညာဉ်သစ်သီး သီးလာပါပြီ၊ ကျွန်တော် စွမ်းအင်တွေကို စုပ်ယူပြီး ဒီအသီးတွေကို အမြန်ဆုံး ဖြစ်တည်လာအောင် လုပ်ပေးနိုင်ပါတယ်၊” ကန္တာရတိမ်က ဝူယွမ်ထံသို့ ဝမ်းသာအားရဖြစ်နေသည့် အသံဖြင့် စိတ်ချင်းဆက်သွယ် ပြောကြားလာသည်။</p> <p> </p> <p>“ကန္တာရ... ကန္တာရတိမ်... ဒါဆိုရင် စုပ်ယူလိုက်ကြတော့၊ ဒီအစီအရင်က တောင်ဂိုဏ်းရဲ့ ဝိညာဉ်ကြောကနေ စွမ်းအင်တွေကို စုစည်းပေးထားတာဆိုတော့ ပေါကြွယ်ဝတဲ့ စွမ်းအင်တွေ ရှိနေတယ်၊” ဝူယွမ်က ဝိညာဉ်နှစ်ခုလုံးကို စိတ်ချင်းဆက်သွယ်၍ ညွှန်ကြားလိုက်သည်။</p> <p> </p> <p>ထို့နောက် သူက ယင်းရွှမ်းဇီကို ဝမ်းသာအားရ ပြန်ပြောပြလိုက်လေသည်၊ “ဂိုဏ်းချုပ်... အကြီးအကဲ ကန္တာရက မသေမျိုးအနှစ်သာရ ရှေးဟောင်းသစ်ပင်ကို အောင်အောင်မြင်မြင် စိုက်ပျိုးနိုင်ခဲ့ပါပြီ၊ စွမ်းအင်တွေကို စုပ်ယူပြီး ဝိညာဉ်သစ်သီးတွေ အမြန်သီးပွင့်လာအောင် လုပ်နေပါတယ်၊ အစီအရင်ထဲက စွမ်းအင်တွေကို သုံးခွင့်ပေးထားလို့ အခုပဲ အသီးတွေ စသီးနေပါပြီ၊”</p> <p> </p> <p>ဝူယွမ် စကားပြောနေစဉ်မှာပင် အလင်းတန်းတစ်ခု လက်ခနဲ ဖြစ်သွားပြီး ကျောက်တိုင်အတွင်းမှ မသေမျိုးအနှစ်သာရ ဝိညာဉ်သစ်သီး တစ်ထောင်ကျော်ခန့်ကို တောင်ပုံရာပုံ ထုတ်ယူပြသလိုက်သည်။ ဤအသီးများသည် ကမ္ဘာသစ်ပင်က သူ၏ ကိုယ်ပိုင်စွမ်းအင်ကို သုံး၍ ဖန်တီးလိုက်ခြင်း ဖြစ်လေသည်။</p> <p> </p> <p>“ဘာ... ဒီလောက်တောင် မြန်တယ်လား၊”</p> <p> </p> <p>ယင်းရွှမ်းဇီမှာ အံ့အားသင့်လွန်းသဖြင့် ဆွံ့အသွားရပြီး ရှေ့မှ အသီးတစ်ထောင်ကျော်ကို ကြည့်ကာ အံ့ဩတုန်လှုပ်နေသော မျက်နှာပေးမျိုး ဖြစ်သွားသည်။</p> <p> </p> <p>“နတ်ဘုရားလက်နက်ပဲ... ဒါက တကယ့်ကို နတ်ဘုရားလက်နက်ပဲ၊” သူ၏ ရင်ထဲတွင်လည်း တအံ့တဩ ရေရွတ်နေမိသည်။</p> <p> </p> <p>မဟာရှေးဟောင်းကျောက်တိုင် အစွမ်းထက်မှန်း သူသိသော်လည်း ဤမျှအထိ စွမ်းဆောင်နိုင်လိမ့်မည်ဟု မမျှော်လင့်ထားခဲ့ပေ။</p> <p> </p> <p>“ဂိုဏ်းချုပ်... သိပ်ပြီးတော့ ဝမ်းမသာလိုက်ပါနဲ့ဦး၊ ပေးဆပ်ရတဲ့ တန်ဖိုးလည်း ရှိတယ်၊ ဟိုမှာ ကြည့်လိုက်ပါဦး၊”</p> <p> </p> <p>ဝူယွမ်က ဝိညာဉ်တံဆိပ်ခတ်နှိပ်ခြင်း အစီအရင်သို့ ညွှန်ပြလိုက်ရာ စွမ်းအင်များမှာ မဟာရှေးဟောင်းကျောက်တိုင်အတွင်းသို့ ရူးသွပ်ဖွယ်ရာ စီးဝင်နေသည်ကို တွေ့လိုက်ရသည်။</p> <p> </p> <p>“ဆေးမြစ်က ပြန်ဖြည့်လို့ ရပါတယ်၊ ဒါပေမဲ့ မသေမျိုးအနှစ်သာရ ဝိညာဉ်သစ်သီးတွေ ရင့်မှည့်ဖို့ကတော့ အချိန်အများကြီး ပေးရတာလေ၊ အခု ပေးဆပ်လိုက်ရတဲ့ စွမ်းအင်ပမာဏလောက်ကတော့ ဘာမှ မဟုတ်ပါဘူး၊”</p> <p> </p> <p>ယင်းရွှမ်းဇီမှာ စိတ်လှုပ်ရှားနေသည့်အရှိန် မပြေသေးသဖြင့် အစီအရင်မှ စွမ်းအင် အနည်းငယ် ဆုံးရှုံးသွားခြင်းကို ဂရုမစိုက်နိုင်တော့ပေ။ သူက အပြင်ဘက်ရှိ အကြီးအကဲကို ချက်ချင်း အမိန့်ပေးလိုက်‌တော့သည်၊ “အကြီးအကဲမု... ဂိုဏ်းရဲ့ဘဏ္ဍာတိုက်ကို ချက်ချင်းသွားပြီး နိဗ္ဗာန်သလင်းကျောက်တွေ အားလုံးကို ထုတ်ယူခဲ့၊ အစီအရင်ထဲက စွမ်းအင်တွေကို အမြန်ဆုံး ပြန်ဖြည့်တင်းလိုက်ပါ၊”</p> <p> </p> <p>အမှန်တကယ်တွင် စွမ်းအင်များမှာ ပျောက်ကွယ်သွားခြင်း မဟုတ်ဘဲ အသွင်ပြောင်းသွားခြင်းသာ ဖြစ်သည်။ ကမ္ဘာသစ်ပင်၏ အသွင်ပြောင်းမှုကြောင့် စုပ်ယူရန် ခက်ခဲသော သဘာဝစွမ်းအင်များသည် မသေမျိုးအနှစ်သာရ ဝိညာဉ်သီးများအဖြစ် ပြောင်းလဲသွားပြီး၊ ထိုအသီးကို စားသုံးခြင်းဖြင့် ထိုစွမ်းအင်များကို အလွယ်တကူ ရရှိနိုင်တော့မည် ဖြစ်သည်။ ဤသည်မှာ အလွန်ပင် တွက်ခြေကိုက်သော ကိစ္စပင် မဟုတ်ပါလား။</p> <p> </p> <p>“ဂိုဏ်းချုပ်... အခုဆိုရင် မသေမျိုးအနှစ်သာရ ဝိညာဉ်သစ်သီးတွေကို အမြောက်အမြား ထုတ်ပေးနိုင်ပြီ၊ ဂိုဏ်းတိုက်ပွဲမှာ ပါဝင်မယ့် တပည့်တွေကို အဓိကထားပြီး လေ့ကျင့်ပေးလို့ ရပါပြီ၊ အဲဒီအချိန်ကျရင် ယွမ်ဂိတ်ကတပည့်တွေကို ဒုက္ခပေးဖို့ လုံလောက်သွားမှာ အသေချာပဲ”</p> <p> </p> <p>ဝူယွမ်က ကောက်ကျစ်သော အပြုံးမျိုးပြုံးရင်း ပြောလိုက်လေသည်။ ဝူယွမ်၏ စကားကို ကြားသောအခါ ယင်းရွှမ်းဇီသည်လည်း ပြုံးမိသွားတော့သည်။ တောင်ဂိုဏ်းသည် နောက်ဆုံးတွင် အမှန်တကယ် နိုးထလာတော့မည် ဖြစ်သည်။</p> <p> </p> <p>ပြင်ပကမ္ဘာမှ စွမ်းအင်များ အဆက်မပြတ် ရရှိနေခြင်း၊ မကြာမီက ရရှိထားသော ကမ္ဘာခြားနတ်ဆိုးဘုရင်ကိုလည်း စွမ်းအင်အရင်းအမြစ်အဖြစ် အသုံးပြုနိုင်ခြင်းတို့ကြောင့် ကမ္ဘာသစ်ပင်က အရှိန်အဟုန်ဖြင့် ကြီးထွားလာပြီး ခဏချင်းအတွင်းမှာပင် ဝိညာဉ်သီး သောင်းနှင့်ချီ၍ ထုတ်လုပ်ပေးနိုင်လာသည်။ ရှေးဟောင်းကျောက်တိုင် ကမ္ဘာတစ်ခုလုံးထဲတွင် ကမ္ဘာသစ်ပင်၏ စိမ်းလန်းသော အကိုင်းအခက်များ၌ ဝင်းမှည့်မွှေးပျံ့သော အသီးများမှာ ဝေဆာနေတော့သည်။</p> <p> </p> <p>ဤမျှ များပြားသော အသီးများကို ဝူယွမ် ကိုယ်တိုင် ခူးယူနေစရာ မလို၊ ကန္တာရတိမ်တိုက်က စိတ်ကူးလိုက်ရုံဖြင့် သိမ်းဆည်းပေးနိုင်သည်။ သို့သော် ဝူယွမ်သည် ဤမျှ များပြားသော သစ်သီးများအားလုံးကို တောင်ဂိုဏ်းအား ပေးမည်မဟုတ်ပေ၊ ထိုသို့ပေးလိုက်ပါက အလွန်ပင် ထူးဆန်းနေပေလိမ့်မည်။</p> <p> </p> <p>ယွမ်ဂိတ်က နှစ်ပေါင်းများစွာ စိုက်ပျိုးခဲ့သော မသေမျိုးအနှစ်သာရ ရှေးဟောင်းသစ်ပင်ပင်လျှင် တစ်ကြိမ်သီးလျှင် အသီးအနည်းငယ်သာ ထွက်ရှိသော်လည်း၊ ကမ္ဘာသစ်ပင်ကမူ စိတ်ကူးလိုက်ရုံဖြင့် သောင်းနှင့်ချီ၍ ထုတ်ပေးနိုင်သည်။ စွမ်းအင်သာ လုံလောက်ပါက သိန်းနှင့်ချီ၍ပင် ထုတ်လုပ်နိုင်စွမ်း ရှိသည်။ ထို့ကြောင့် ဝူယွမ်က ဆယ်ရက်လျှင် တစ်ကြိမ် အသီးတစ်ထောင်စီသာ ယင်းရွှမ်းဇီအား ပေးအပ်ရန် ဆုံးဖြတ်လိုက်သည်။ ဤပမာဏသည်ပင် အမာခံတပည့်များ လေ့ကျင့်ရန် လုံလောက်တာထက်ပိုနေပီ ဖြစ်သည်။</p> <p> </p> <p>မသေမျိုးအနှစ်သာရ ဝိညာဉ်သစ်သီး၏ အာနိသင်သည် နိဗ္ဗာန်အဆင့် ငါးအထက်ရှိသူများအတွက် အထိရောက်ဆုံး ဖြစ်သည်။ ထိုအဆင့်အောက်ရှိသူများအတွက်မူ အနည်းငယ် ဖြုန်းတီးရာ ရောက်နိုင်သဖြင့် သူတို့မှာ ဆေးမြစ်အတွင်း၌သာ အဓိက လေ့ကျင့်ကြရလေသည်။</p> <p> </p> <p style="text-align: center;">***</p> <p> </p>


Save