Book List

<h2 style="text-align: center;">အခန်း (၂၄၀)</h2> <h2 style="text-align: center;">ဝမ်ယန် ပြန်လည်ရောက်ရှိလာခြင်း</h2> <h2 style="text-align: center;">ခန်းမစစ်ဆေးပွဲ စတင်ပြီ(၂)</h2> <h2 style="text-align: center;">*</h2> <p> </p> <p>ယခုအခါတွင် ယင်းဟွမ်ဟွမ်သည် သူမ၏ ဖခင်ကို အလွန်နားလည်ပေးနိုင်ပုံရသော်ငြား ထိုဖြစ်ရပ်များက သူမကိုယ်တိုင် ကြုံတွေ့ခဲ့ရခြင်း မဟုတ်သောကြောင့်သာ ဖြစ်သည်။</p> <p> </p> <p>အကယ်၍ သေဆုံးသွားခဲ့သူမှာ သူမ၏ အစ်မအရင်းသာ ဖြစ်နေမည်ဆိုပါက ဤမျှ ပေါ့ပေါ့ပါးပါး ပြောဆိုနိုင်မည် မဟုတ်ပေ။ </p> <p>မူရင်းဇာတ်လမ်းအရ နောက်ပိုင်းတွင် လင်းတုန်သည် ကျိုးထုံ၊ ဝမ်ယန်တို့နှင့် ဆင်တူသော အခြေအနေများကို ကြုံတွေ့ခဲ့ရသည်။ ထိုအချိန်ကလည်း ယင်းရွှမ်းဇီသည် တောင်ဂိုဏ်းအတွက် လင်းတုန်ကို မကယ်တင်နိုင်ခဲ့ပေ။</p> <p> </p> <p>ထိုကိစ္စကြောင့် ယင်းဟွမ်ဟွမ်သည် အေးစက်သွားခဲ့ပြီး သူမ၏ ဖခင်ဖြစ်သူနှင့် စကားမပြောတော့ပေ။ ထို့ကြောင့် သားကောင်ဖြစ်ခဲ့ရသူများအတွက် နားလည်ပေးခြင်း သို့မဟုတ် နားမလည်ပေးခြင်း ဟူသည် မရှိနိုင်ပေ။</p> <p> </p> <p>ကျိုးထုံ၊ ဝမ်ယန်၊ လင်းတုန်နှင့် ယင်းရွှမ်းဇီတို့သည်လည်း မှားယွင်းခဲ့ခြင်း မရှိပေ။ သို့သော် အဆုံးတွင်တော့ အရာအားလုံးကို ထမ်းပိုးခဲ့ရသူမှာ ယင်းရွှမ်းဇီပင် ဖြစ်သည်။</p> <p> </p> <p>သူသည် လူသိန်းပေါင်းများစွာအတွက် လူအနည်းငယ်ကို စွန့်လွှတ်ခဲ့ရပေသည်။</p> <p> </p> <p>“ဝူယွမ်၊ နင် ဂိုဏ်းတူအစ်ကိုကြီး ဝမ်ယန်ကို တားဆီးရမယ်၊ သူ့ကို အဖွဲ့ကို ဦးဆောင်ခွင့် ပေးလို့မဖြစ်ဘူး၊” ယင်းဟွမ်ဟွမ်က လေးနက်စွာ တောင်းဆိုလိုက်လေသည်။</p> <p> </p> <p>သို့သော် ဟုန်ယာတုန်မှ ဆန်းကြယ်ရှင်ခြင်းအဆင့် အကြီးအကဲကို ဝူယွမ် မည်သို့ ကိုင်တွယ်ဖြေရှင်းခဲ့သည်ကို သူမ ပြန်လည်သတိရသွား၏။</p> <p> </p> <p>ဆန်းကြယ်ရှင်ခြင်းအဆင့် အကြီးအကဲပင်လျှင် ဝူယွမ်၏ ပြိုင်ဘက် မဟုတ်ခဲ့ပေ။ ဂိုဏ်းတူအစ်ကိုကြီး ဝမ်ယန်သည် ယခုမှ ကိုးယွမ် နိဗ္ဗာန်အဆင့်တွင်သာ ရှိသေးသောကြောင့် ဝူယွမ်ထံမှ ခေါင်းဆောင်နေရာကို လုယူနိုင်မည် မဟုတ်ကြောင်း သူမ တွေးမိလိုက်သည်။</p> <p> </p> <p>“စိတ်မပူပါနဲ့၊ ငါ တာဝန်ယူပါတယ်၊” ဝူယွမ်က ယင်းဟွမ်ဟွမ် စိတ်ချစေရန် သူမ၏ ပခုံးလေးကို ခပ်ဖွဖွ ပုတ်ပေးလိုက်လေသည်။</p> <p> </p> <p>“ဂိုဏ်းတူအစ်ကိုကြီး ဝမ်ယန်က အရင်တုန်းက ငါ့ကိုလည်း ကောင်းကောင်း ဂရုစိုက်ပေးခဲ့တယ်၊ ငါ သူ့ကို သွားတွေ့ချင်တယ်၊ ဝူယွမ်၊ ငါနဲ့အတူ လိုက်ခဲ့ပေးပါ၊” ယင်းဟွမ်ဟွမ်က တောင်းဆိုလိုက်၏။ </p> <p>ဝမ်ယန်ကို ရင်ဆိုင်ရန် သူမ အနည်းငယ် ကြောက်ရွံ့နေသော်ငြား ယခုအခါ တောင်ဂိုဏ်း၏ တပည့်များသည် ဝမ်ယန်ကို သိသိသာသာ ကြောက်ရွံ့နေကြပြီး မည်သူမျှ သူ့ကို စကားသွားမပြောရဲကြပေ။</p> <p> </p> <p>ဤသည်က ဝမ်ယန်ကို တောင်ဂိုဏ်းနှင့် ပိုမိုစိမ်းကားသွားစေနိုင်သည်။ </p> <p>တောင်ဂိုဏ်းသည် ဝမ်မောင်နှမအပေါ် တစ်ကြိမ် တာဝန်ပျက်ကွက်ခဲ့ပြီးပြီဖြစ်ရာ ဝမ်ယန်ကို တောင်ဂိုဏ်းအပေါ် ထပ်မံ စိတ်ပျက်သွားမည်ကို ယင်းဟွမ်ဟွမ် မလိုလားခဲ့ပေ။</p> <p> </p> <p>“ကောင်းပြီ၊ သွားကြတာပေါ့၊” ဝူယွမ်က သဘောတူညီသည့် အနေဖြင့် ခေါင်းညိတ်ပြလိုက်လေသည်။</p> <p> </p> <p>ထို့နောက် သူနှင့် ယင်းဟွမ်ဟွမ်တို့သည် အတူတကွ အောက်သို့ ပျံသန်းဆင်းသက်သွားကြ၏။</p> <p> </p> <p>ဝမ်ယန်၏ အရှေ့သို့ သူတို့ ရောက်ရှိသွားသောအခါ ပတ်ဝန်းကျင်ရှိ တပည့်များအားလုံး တိတ်ဆိတ်သွားကြပြီး လေထုမှာလည်း ချက်ချင်းပင် ခဲအေးသွားသည့်အလား ဖြစ်သွားတော့သည်။</p> <p> </p> <p>အနည်းငယ် ကြောက်ရွံ့နေသော ယင်းဟွမ်ဟွမ်သည် ခြေလှမ်းတစ်ဝက်ခန့် နောက်ဆုတ်လိုက်မိပြီး ဝူယွမ်၏ အနောက်ဘက်တွင် ရပ်နေလိုက်လေသည်။</p> <p> </p> <p>ဤသည်က ဝူယွမ်နှင့် ဝမ်ယန်တို့ကို ချက်ချင်းပင် မျက်နှာချင်းဆိုင် ဖြစ်သွားစေခဲ့၏။ </p> <p>ဟူး...</p> <p> </p> <p>ပတ်ဝန်းကျင်ရှိ တပည့်များ၏ အသက်ရှူသံများ လေးလံလာခဲ့သည်။</p> <p> </p> <p>သူတို့နှစ်ဦးထဲမှ တစ်ဦးမှာ တစ်ချိန်က ကောင်းကင်ခန်းမ၏ ပါရမီရှင်တစ်ဦးဖြစ်ခဲ့ပြီး ယခုအခါ အရှေ့ဘက် ရွှမ်ဒေသတွင် ကြောက်မက်ဖွယ်ကောင်းသော၊ နာမည်ဆိုးဖြင့် ကျော်ကြားသော ဂုဏ်သတင်းကို တည်ဆောက်ထားနိုင်သူဖြစ်ကာ...</p> <p> </p> <p> အခြားတစ်ဦးမှာမူ တောင်ဂိုဏ်းအတွင်း ထွန်းတောက်လာသော ကြယ်ပွင့်လေးတစ်ပွင့်ဖြစ်သော ထူးခြားဆန်းကြယ်သူတစ်ဦး ဖြစ်ပေသည်။</p> <p> </p> <p>ဝမ်ယန်သည် ခြေလှမ်းများ ရပ်တန့်သွားကာ ခေါင်းကို အနည်းငယ် မော့ကြည့်လိုက်သည်။</p> <p> </p> <p> သူ၏ အာရုံစူးစိုက်မှုနှင့် အသက်ကင်းမဲ့နေဟန်ရသော မျက်လုံးများထဲတွင် ဝူယွမ်ကို စိုက်ကြည့်နေစဉ် အေးစက်မှုများသာ ကျန်ရစ်နေလေသည်။</p> <p> </p> <p>သူ၏ မျက်နှာထားမှာ တည်ကြည်အေးစက်နေပြီး မည်သည့် ခံစားချက်မျှ မပေါ်လွင်နေပေ။ သူ၏ ထုံထိုင်းနေသော မျက်လုံးများက ၀ူယွမ်ဘေးရှိ ယင်းဟွမ်ဟွမ်ကို ခဏတာမျှ အကဲခတ်ကြည့်လိုက်ပြီး အတွေးထဲတွင် နစ်မြောသွားပုံရ၏။</p> <p> </p> <p>နောက်တစ်ခဏတွင် သူသည် ဝူယွမ်ကို ထပ်မံ စိုက်ကြည့်လိုက်ပြီးနောက် သွေးနံ့များ ပြည့်နှက်နေသော ကြီးမားကျယ်ပြန့်သည့် အရှိန်အဝါတစ်ခုက သူ၏ ခန္ဓာကိုယ်မှ ဖြည်းညင်းစွာ ထွက်ပေါ်လာလေသည်။</p> <p> </p> <p>ဝမ်ယန်၏ အရှိန်အဝါထဲတွင် သေရေးရှင်ရေး တိုက်ပွဲမျိုးစုံကို ဖြတ်သန်းပြီးမှ ရရှိလာသည့် ပြတ်သားသော သတ်ဖြတ်လိုသည့် ရည်ရွယ်ချက်များဖြင့် ပြည့်နှက်နေသည်။</p> <p> </p> <p>ဂိုဏ်းအတွင်း၌သာ မကြာခဏ ကျင့်ကြံလေ့ရှိသော တပည့်အချို့အတွက်မူ ၀မ်ယန်သည် ကြီးမားသော ခြိမ်းခြောက်မှုကြီးတစ်ခု ဖြစ်သည်မှာ သေချာလှပေသည်။</p> <p> </p> <p>ထို့ကြောင့် ယင်းဟွမ်ဟွမ် အပါအဝင် ပတ်ဝန်းကျင်ရှိ တပည့်အချို့၏ မျက်နှာများမှာ ဤအချိန်တွင် သိသိသာသာ ဖြူလျော့သွားခဲ့ကြသည်။</p> <p> </p> <p>သို့သော် ဝူယွမ်မှာမူ လုံးဝ မတုန်လှုပ်ခဲ့ပေ။ အမှန်တကယ်တော့ ဤကြမ်းတမ်းသော အရှိန်အဝါက သူ၏ သွေးကြောများကို လှုပ်ရှားလာစေရန် ဆွပေးနေသကဲ့သို့ပင် ရှိနေ၏။ </p> <p>ကြီးစိုးလွှမ်းမိုးနိုင်သော အရှိန်အဝါတစ်ခုက ဝမ်ယန်၏ သတ်ဖြတ်လိုသော အရှိန်အဝါများကို အလွယ်တကူပင် အချည်းနှီး ဖြစ်သွားစေခဲ့သည်။ </p> <p>ဝမ်ယန်သည် အနည်းငယ် အံ့အားသင့်သွားခဲ့၏။ သူသည် အပြင်လောကတွင် နှစ်ပေါင်းများစွာ ကြံ့ကြံ့ခံ လှုပ်ရှားခဲ့ပြီး လူပေါင်းများစွာကို သတ်ဖြတ်ခဲ့ရာ သူ၏ သတ်ဖြတ်လိုသော အရှိန်အဝါကို သာမန်တပည့်များမှာ လုံးဝ ခံနိုင်ရည်ရှိမည် မဟုတ်ပေ။</p> <p> </p> <p>သူ၏ အမြင်တွင် ယင်းရှောင်ရှောင်ကဲ့သို့ တိုက်ရိုက်အဓိကတပည့်များပင် သူ၏ အရှေ့တွင် ဤမျှ တည်ငြိမ်စွာ ရပ်တည်နိုင်မည်မဟုတ်ဟု ထင်မှတ်ထားခဲ့သည်။</p> <p> </p> <p>သို့သော် ဤလူငယ်လေး၏ မျက်ဝန်းများထဲတွင် ကိုယ့်ကိုယ်ကိုယ် ယုံကြည်မှုနှင့် ကောင်းကင်အောက်တွင် ပြိုင်ဘက်ကင်းဖြစ်လိုသော ကြီးမားသည့် ရည်မှန်းချက်များကို သူ ရှင်းလင်းစွာ မြင်တွေ့လိုက်ရသည်။</p> <p> </p> <p>လေထုမှာ ပိုမိုတင်းမာလာသည်ကို မြင်သောအခါ ယင်းဟွမ်ဟွမ်က အလျင်အမြန်ပင် ဝင်ပြောလိုက်လေသည်။ “ဂိုဏ်းတူအစ်ကိုကြီး ဝမ်ယန်၊ သူက ဝူယွမ်တဲ့၊ ကျွန်မတို့ရဲ့ တောင်ဂိုဏ်း လေပြင်းခန်းမက တပည့်တစ်ယောက်ပါ၊ သူ ဂိုဏ်းကို ဝင်လာတာ တစ်နှစ်တောင် မပြည့်သေးပါဘူး၊”</p> <p> </p> <p>“ဝူယွမ်၊” ထိုအမည်ကို ကြားလိုက်ရချိန်တွင် ဝမ်ယန်၏ မျက်နှာအမူအရာမှာလည်း အနည်းငယ် ပြောင်းလဲသွားခဲ့၏။</p> <p> </p> <p>သူ၏ အကြည့်များက ဝူယွမ်၏ မျက်နှာပေါ်တွင် ရပ်တန့်သွားပြီး အက်ကွဲနေသော အသံဖြင့် မေးမြန်းလိုက်လေသည်။</p> <p> </p> <p>“ယောင်းလင်းကို သတ်၊ နတ်ဆိုးအမှတ်အသား အဖွဲ့ကို ဖျက်ဆီးပစ်ပြီးတော့ ချင်ထျန်းကို ဖမ်းဆီးခဲ့တဲ့ အဲဒီ ဝူယွမ်ဆိုတာ မင်းလား”</p> <p> </p> <p>“ဟုတ်ပါတယ် ဂိုဏ်းတူအစ်ကိုကြီး ဝမ်ယန်... ကျွန်တော်ပါပဲ၊” ဝူယွမ်က ခေါင်းညိတ်ပြကာ လက်နှစ်ဖက်ကို ယှက်၍ အရိုအသေပေးလိုက်သည်။</p> <p> </p> <p>ဝမ်ယန်သည် ဂိုဏ်းပေါင်းစုံ ၀ရမ်းစာရင်းဝင် တစ်ဦးဖြစ်သောကြောင့် ဤကိစ္စကို သူကြားဖူးနေသည်မှာလည်း အံ့သြစရာတော့ မဟုတ်ပေ။</p> <p> </p> <p>ဝမ်ယန်က ပြောလိုက်လေသည်။ “ငါ ယောင်းလင်းကို နှစ်လလောက် လိုက်လံဖမ်းဆီးခဲ့ဖူးတယ်၊ ဒါပေမယ့် သူက ဒဏ်ရာပြင်းပြင်းထန်ထန်ရပြီး ထွက်ပြေးလွတ်မြောက်သွားခဲ့တယ်၊ နောက်ဆုံးကျတော့ မင်းလက်ထဲမှာ ကျဆုံးသွားလိမ့်မယ်လို့ ငါ လုံးဝ ထင်မထားခဲ့မိဘူး...”</p> <p> </p> <p>“တောင်ဂိုဏ်းက ဒီတစ်ကြိမ်မှာ တကယ်ကို ထူးချွန်ပြောင်မြောက်တဲ့ တပည့်တစ်ယောက်ကို မွေးထုတ်ပေးနိုင်ခဲ့တာပဲ၊”</p> <p> </p> <p>“ဒါပေမယ့် ငါ ဂိုဏ်းကို ဘာကြောင့် ပြန်လာခဲ့တယ်ဆိုတာကို မင်း သိထားသင့်တယ်၊ တကယ်လို့ မင်းက ငါ့ကို တားဆီးဖို့ ရည်ရွယ်ထားတယ်ဆိုရင်တော့ ဘာမှ ဆက်ပြောနေစရာ မလိုတော့ဘူး...”</p> <p> </p> <p>“ဂိုဏ်းတူအစ်ကိုကြီး ဝမ်ယန်၊ ဒါပေမယ့် အဲ့လိုသာဆိုရင်တော့...” ယင်းဟွမ်ဟွမ်က နှုတ်ခမ်းဖူးဖူးလေးကို ခပ်တင်းတင်းစေ့ကာ စိုးရိမ်ပူပန်မှုများ ပြည့်နှက်နေသော မျက်ဝန်းများဖြင့် ဝမ်ယန်ကို တစ်လှည့်၊ ဝူယွမ်ကို တစ်လှည့် ကြည့်ရင်း စကားပြောရန် တုံ့ဆိုင်းနေခဲ့လေသည်။</p> <p> </p> <p>ဂိုဏ်းတူအစ်ကိုကြီး ဝမ်ယန် ဤမျှ နာကျင်ခံစားနေရသည်ကို သူမ မမြင်တွေ့လိုခဲ့ပေ။</p> <p> </p> <p>ဤသို့သော အခြေအနေမျိုးဖြင့် သူသည် လွန်ခဲ့သော ကာလများတစ်လျှောက်လုံး အမုန်းတရားများကြားတွင်သာ ခါးသီးစွာ ရှင်သန်နေထိုင်ခဲ့ရမည်မှာ အသေအချာပင် ဖြစ်၏။</p> <p> </p> <p>သို့သော်ငြား ထိုအမုန်းတရားများကြောင့် နောက်ထပ် တောင်ဂိုဏ်း၏ တပည့်များ အသက်ဆုံးရှုံးရမည့် အဖြစ်မျိုးကိုလည်း သူမ အဖြစ်မခံနိုင်ပေ။</p> <p> </p> <p>သူမ၏ ရင်ထဲတွင် ဂိုဏ်းသားများ၏ အသက်အိုးအိမ်စည်းစိမ်ကို ကာကွယ်စောင့်ရှောက်လိုသော ခိုင်မာသည့် ဆန္ဒများက နက်ရှိုင်းစွာ ကိန်းအောင်းနေခဲ့သည်။</p> <p> </p> <p>“ငါ့ရင်ထဲက ရည်မှန်းချက်တွေ အောင်မြင်ပြီးသွားတဲ့အခါ တောင်ဂိုဏ်းကို ငါ့အသက်နဲ့ ပြန်လည်ပေးဆပ်သွားပါ့မယ်...”</p> <p> </p> <p>ဝမ်ယန်၏ ညို့မှိုင်းနေသော မျက်ဝန်းများက ယင်းဟွမ်ဟွမ်ထံသို့ ကျရောက်သွားပြီး ခံစားချက်ကင်းမဲ့စွာဖြင့် ဆိုလိုက်လေသည်။</p> <p> </p> <p>ထို့နောက် သူ၏ အကြည့်များက ဝူယွမ်ထံသို့ ရွှေ့လျားသွားကာ “မင်းက ယောင်းလင်းကို သတ်နိုင်ခဲ့တယ်ဆိုတော့ မင်းရဲ့ စွမ်းအားက မနိမ့်ကျဘူးဆိုတာကို သက်သေပြနေတာပဲ၊ တကယ်လို့ မင်းက ငါ့ကို တားဆီးချင်တယ်ဆိုရင် မင်းက ငါ့ထက် ပိုသန်မာနေမှပဲ ရလိမ့်မယ်”</p> <p> </p> <p>“ဒါပေမယ့် ငါက သေဖို့အတွက် ကြိုတင်ပြင်ဆင်ထားပြီးသားမို့လို့ မင်းမှာ အဲ့လောက် စွမ်းအားတွေ ရှိနေရင်တောင် ငါ့ကို အနိုင်ရဖို့ဆိုတာ သေချာမှာတော့ မဟုတ်သေးဘူး...”</p> <p> </p> <p>ဝူယွမ်က ခေါင်းယမ်းပြလိုက်ပြီး “ကျွန်တော်က ခင်ဗျားကို တားဆီးဖို့ လုံးဝမရည်ရွယ်ထားခဲ့ပေ တကယ်လို့ ကျွန်တော်သာ ခင်ဗျားရဲ့ အခြေအနေမျိုးမှာဆိုရင် ခင်ဗျားလိုပဲ လုပ်မိမှာပါ”</p> <p> </p> <p>“ဒါမှမဟုတ် အဲ့ဒီထက်တောင် ပိုဆိုးရွားတဲ့ လုပ်ရပ်မျိုးကို လုပ်မိနိုင်တယ်၊ ဒါပေမယ့် သေချာတာကတော့ ခင်ဗျားကို တားဆီးဖို့အတွက် ကျွန်တော့်ဘက်က အစွမ်းကုန် ကြိုးစားသွားရမှာပဲ...”</p> <p> </p> <p>“လူတိုင်းမှာ သူတို့ မှန်ကန်တယ်လို့ ယုံကြည်ထားတဲ့ ရွေးချယ်မှုတွေ ရှိကြတယ်၊ ဒါပေမယ့် လူတိုင်းရဲ့ ရွေးချယ်မှုတွေက ထပ်တူကျနေမှာတော့ မဟုတ်ဘူးလေ”</p> <p> </p> <p>“ကိုယ့်ရဲ့ စွမ်းအားတွေနဲ့ ကိုယ်ယုံကြည်ရာကိုပဲ အစွမ်းကုန် ကြိုးစားကြတာပေါ့...”</p> <p> </p> <p>သူ၏ မျက်ဝန်းများထဲတွင် သိုင်းပညာလမ်းစဉ်၌ အမြင့်မားဆုံး နေရာအထိ တက်လှမ်းလိုသည့် ပြင်းပြသော ရည်မှန်းချက်များက တောက်ပနေခဲ့သည်။</p> <p> </p> <p>ဝမ်ယန်သည် ဝူယွမ်ကို စူးရှစွာဖြင့် နက်နက်ရှိုင်းရှိုင်း တစ်ချက်ကြည့်လိုက်ပြီးနောက် သူတို့နှစ်ဦးကို ကျော်ကာ ခပ်လှမ်းလှမ်းဆီသို့ ဆက်လက် လျှောက်လှမ်းသွားခဲ့လေသည်။</p> <p> </p> <p>သူ၏ ကျောပြင်မှာ အထီးကျန်ဆန်မှုများနှင့်အတူ သွေးအေးရက်စက်သော အရိပ်အယောင်များ ရောယှက်နေခဲ့၏။</p> <p> </p> <p>နောက်ရက်အနည်းငယ်အတွင်းမှာပင် ဝမ်ယန် ပြန်လည်ရောက်ရှိလာသည့် သတင်းက တောင်ဂိုဏ်းတစ်ခုလုံးသို့ ပြန့်နှံ့သွားခဲ့ပြီး အတော်လေး ဂယက်ရိုက်သွားစေခဲ့သည်။</p> <p> </p> <p>အသစ်ဝင်ရောက်လာသော တပည့်အချို့မှာ ဂိုဏ်းတူအစ်ကိုကြီး ဝမ်ယန်၏ အကြောင်းကို သိပ်မသိကြသေးသော်ငြား သူသည် ဂိုဏ်း၏ ၀ရမ်းစာရင်း၌ အဆင့်နှစ်နေရာတွင် ရှိနေကြောင်းကို သိလိုက်ရသောအခါ အားလုံးမှာ အံ့သြမှင်တက်သွားခဲ့ကြရလေသည်။</p> <p> </p> <p>ဝမ်ယန် မည်မျှအထိ တိုးတက်လာခဲ့သည်ကို မည်သူမျှ တပ်အပ်မသိနိုင်ကြသော်လည်း သူ၏ စွမ်းအားမှာ ယုံမှားသံသယဖြစ်ဖွယ်မရှိလောက်အောင် ကြောက်မက်ဖွယ်ကောင်းနေမည်မှာ အသေအချာပင် ဖြစ်သည်။</p> <p> </p> <p>ဝူယွမ်၏ အရင်က အထင်ကြီးဖွယ် အောင်မြင်မှုများကြောင့် လူအများစုက သူ့ကို ပို၍ မျက်နှာသာပေးခဲ့ကြသော်လည်း သူတို့နှစ်ဦးကြားရှိ အစစ်အမှန် အောင်နိုင်သူကိုမူ တိုက်ပွဲတစ်ခု ပြီးဆုံးသွားပြီးမှသာ ဆုံးဖြတ်နိုင်ပေလိမ့်မည်။</p> <p> </p> <p>ဝူယွမ် ရုတ်ခြည်း ထွန်းတောက်လာမှုနှင့် ဝမ်ယန် ပြန်လည်ရောက်ရှိလာမှုတို့က ယခုနှစ်၏ ခန်းမစစ်ဆေးပွဲကြီးကို မျှော်လင့်ချက်များစွာဖြင့် ပြည့်နှက်သွားစေခဲ့သည်။</p> <p> </p> <p>ဤကဲ့သို့သော လေထုအခြေအနေအောက်တွင် အချိန်ကာလမဖားသည် လျင်မြန်စွာ ကုန်လွန်သွားခဲ့ပြီး တောင်ဂိုဏ်းအတွင်းရှိ ပြင်းပြတက်ကြွနေသော စိတ်ခံစားမှုများကလည်း တဖြည်းဖြည်း ကြီးထွားလာကာ နောက်ဆုံးရက်တွင်တော့ အမြင့်ဆုံး ကန့်သတ်ချက်အထိ ရောက်ရှိသွားခဲ့လေတော့သည်။</p> <p> </p> <p>တံခါးပိတ် ကျင့်ကြံနေခဲ့ကြသော တပည့်များသည်လည်း တစ်ယောက်ပြီးတစ်ယောက် ထွက်ပေါ်လာကြသည်။</p> <p> </p> <p>မသေမျိုးအနှစ်သာရ ဝိညာဉ်သစ်သီးများ၏ ထောက်ပံ့မှုကြောင့် သူတို့၏ ကျင့်ကြံခြင်းအခြေခံများမှာ များစွာ တိုးတက်လာခဲ့ပြီး ဤခန်းမစစ်ဆေးပွဲအတွက် ယုံကြည်မှုများဖြင့် ပြည့်လျှံနေကြလေသည်။</p> <p> </p> <p>သူတို့တစ်ဦးချင်းစီ၏ ရင်ထဲတွင်လည်း ခန်းမစစ်ဆေးပွဲတွင် အမြင့်မားဆုံးသော ရလဒ်များကို ဆွတ်ခူးရယူလိုသည့် ရည်မှန်းချက်များ ကိုယ်စီ ရှိနေကြ၏။</p> <p> </p> <p>နောက်ဆုံးတွင်တော့ အားလုံး မျှော်လင့်စောင့်စားနေခဲ့ကြသော ခန်းမစစ်ဆေးပွဲ အချိန်ကာလသို့ ဆိုက်ရောက်လာခဲ့ပြီ ဖြစ်သည်။</p> <p> </p> <p>ခန်းမစစ်ဆေးပွဲသည် တောင်ဂိုဏ်း၏ နှစ်စဉ်နှစ်တိုင်း ကျင်းပလေ့ရှိသော အကြီးကျယ်ဆုံးနှင့် အခမ်းနားဆုံး ပြိုင်ပွဲကြီးတစ်ခုဖြစ်ပြီး တောင်ဂိုဏ်းတစ်ခုလုံးရှိ အကြီးအကဲများမှစ၍ သာမန်တပည့်များအထိ အားလုံးက အလွန်တရာ အလေးထားကြလေသည်။</p> <p> </p> <p>ခန်းမစစ်ဆေးပွဲတွင် ပါဝင်ယှဉ်ပြိုင်ကြမည့် တပည့်အရေအတွက်မှာ အလွန်များပြားလှသောကြောင့် ပြိုင်ပွဲကို အဆုံးမဲ့ ရှည်လျားစွာ တန်းစီနေသော တောင်တန်းကြီးများ တည်ရှိရာ တောင်ဂိုဏ်း၏ အလယ်ဗဟိုတွင် ကျင်းပပြုလုပ်ခဲ့သည်။</p> <p> </p> <p>ထိုတောင်တန်းကြီး၏ အတွင်းဘက်တွင်တော့ တိမ်လွှာများကို ထိုးဖောက်သွားနိုင်လောက်အောင် မားမားမတ်မတ် ရပ်တည်နေကြသည့် ဧရာမတောင်ထွတ်ကြီးများ ရှိနေ၏။</p> <p> </p> <p>မြူခိုးများ ဖုံးလွှမ်းနေမှုကြောင့် ထိုနေရာသည် နတ်ဘုံနတ်နန်းတစ်ခုဟု အမှတ်မှားဖွယ်ရာ ကောင်းလှပေသည်။</p> <p> </p> <p>လေပြေလေညင်းများက မြူခိုးများကို သယ်ဆောင်တိုက်ခတ်လာတိုင်း အေးစိမ့်သော ခံစားချက်နှင့်အတူ သဘာဝ၏ လတ်ဆတ်သော ရနံ့တို့ကိုပါ ခံစားရစေသည်။</p> <p> </p> <p>ဤတောင်တန်းကြီးအတွင်း ဆက်စပ်နေသော ဧရာမတောင်ထွတ်ကြီးများတွင် ပြိုင်ပွဲကျင်းပရာ နေရာများစွာ ရှိနေသော်လည်း ယေဘုယျအားဖြင့် အားလုံး၏ အာရုံကို အမှန်တကယ် ဖမ်းစားနိုင်ခဲ့သည်မှာ အလယ်ဗဟိုရှိ အကြီးမားဆုံးသော တောင်ထွတ်ကြီးပင် ဖြစ်လေသည်။</p> <p> </p> <p>ခန်းမလေးခုမှ တိုက်ရိုက်တပည့်များနှင့် ၎င်းအထက် အဆင့်ရှိသူများ၏ ပြိုင်ပွဲများအားလုံးကို ဤနေရာတွင်သာ ကျင်းပပြုလုပ်မည်ဖြစ်သောကြောင့် ဤတောင်ထွတ်ကြီး၏ လူကြိုက်များမှုမှာ အခြားသော ဧရာမတောင်ထွတ်ကြီးများထက် များစွာ သာလွန်နေခဲ့သည်။</p> <p> </p> <p>လူအများ၏ မျှော်လင့်တကြီး စောင့်ကြည့်နေကြသည့် အကြည့်များကြားတွင် ဝူယွမ်၊ ဝမ်ယန်၊ ယင်းရှောင်ရှောင်နှင့် အခြား တိုက်ရိုက်အဓိကတပည့်များသည် တစ်ယောက်ပြီးတစ်ယောက် အစဉ်လိုက် ထွက်ပေါ်လာခဲ့ကြလေတော့သည်။</p> <p> </p> <p style="text-align: center;">***</p>


Save