Book List

<h2 style="text-align: center;">အခန်း ၆၈၀</h2> <h2 style="text-align: center;">သွေးအမျိုးအစား</h2> <h2 style="text-align: center;">*</h2> <p> </p> <p style="text-align:justify">ကျန်းပေ့ ဗဟိုဆေးရုံ၏ ခွဲစိတ်ခန်းအပြင်ဘက်တွင် ခွဲစိတ်မှုစတင်သည်မှာ တစ်နာရီခန့် ရှိနေပြီ ဖြစ်သည်။ ချန်ဆွန်းတုန်းကျွီးမှာ စိုးရိမ်ပူပန်မှုများဖြင့် မျက်နှာပျက်ယွင်းနေကာ ဂနာမငြိမ်စွာ ခေါက်တုံ့ခေါက်ပြန် လမ်းလျှောက်နေမိ၏။</p> <p style="text-align:justify">လုဆုန်းက "သခင်မကြီး... ထိုင်ပြီး ခဏလောက် အနားယူပါဦး။ သခင်လေးက ကံကောင်းတဲ့သူမို့လို့ ဘာမှမဖြစ်မှာ သေချာပါတယ်" ဟု ဖျောင်းဖျလေသည်။</p> <p style="text-align:justify">ချန်ဆွန်းတုန်းကျွီးက ခေါင်းခါယမ်းလိုက်ပြီး တိတ်ဆိတ်နေဆဲပင်။ သူမ၏ ဘဝတွင် သားတစ်ယောက်တည်းသာ ကျန်ရှိတော့သည်ဖြစ်ရာ သူသာ တစ်ခုခုဖြစ်သွားပါက သူမအနေဖြင့် မည်သို့မျှ ခံနိုင်ရည်ရှိမည် မဟုတ်ပေ။</p> <p style="text-align:justify">ထိုအခိုက်တွင် ခွဲစိတ်ခန်းတံခါး ပွင့်လာပြီး တာဝန်ခံဆရာဝန် ကျန်းလျန်ချီက သူနာပြုတစ်ဦးနှင့်အတူ ထွက်လာလေသည်။</p> <p style="text-align:justify">ချန်ဆွန်းတုန်းကျွီးသည် ချက်ချင်းပင် ဆီးကြိုနှုတ်ဆက်ကာ စိုးရိမ်တကြီး မေးလိုက်၏။ "ဆရာ... ကျွန်မသား ဘယ်လိုနေလဲ"</p> <p style="text-align:justify">ကျန်းလျန်ချီက "မစ္စ ချန်ဆွန်း... ခွဲစိတ်မှုကတော့ ဆက်လုပ်နေဆဲပါ။ အခြေအနေကိုလည်း ထိန်းချုပ်ထားနိုင်ပါတယ်။ ဒါပေမဲ့ အသေးစား မတော်တဆမှုတစ်ခု ဖြစ်နေလို့ပါ" ဟု ဆိုလေသည်။</p> <p style="text-align:justify">ချန်ဆွန်းတုန်းကျွီးက "အတိအကျ ဘာဖြစ်နေတာလဲ" ဟု ထပ်မေး၏။</p> <p style="text-align:justify">ကျန်းလျန်ချီက "လူနာက သွေးထွက်လွန်ထားလို့ ကျွန်တော်တို့ဆီမှာ သွေးရည်ကြည် လုံလောက်မှု မရှိတော့ပါဘူး။ တခြားဆေးရုံတွေကို ဆက်သွယ်ထားပေမဲ့ အချိန်အတိုင်းအတာတစ်ခုတော့ စောင့်ရလိမ့်မယ်။ အခုအချိန်မှာ အကောင်းဆုံးနည်းလမ်းကတော့ လူနာရဲ့ မိသားစုဝင်တွေက သွေးလှူပေးဖို့ပါပဲ" ဟု ရှင်းပြသည်။</p> <p style="text-align:justify">လုဆုန်းက ဒေါသတကြီးဖြင့် "ခင်ဗျားတို့ ဆေးရုံက ခွဲစိတ်မှုလုပ်နေတုန်း သွေးမလုံလောက်ဘူးဆိုတာ ဘယ်လိုလုပ် ဖြစ်နိုင်မှာလဲ။ အလုပ်ကို ဘယ်လိုလုပ်နေတာလဲ" ဟု အော်ဟစ်လိုက်၏။</p> <p style="text-align:justify">ကျန်းလျန်ချီက အနည်းငယ် အနေရခက်စွာဖြင့် "ဒါက ရုတ်တရက် ဖြစ်သွားတဲ့ ကိစ္စမို့လို့ပါဗျာ... တကယ့်ကို မမျှော်လင့်ထားတဲ့ မတော်တဆမှုပါ" ဟု ဆိုသည်။</p> <p style="text-align:justify">ချန်ဆွန်းတုန်းကျွီးက ဒေါသထွက်နေသော လုဆုန်းကို တားမြစ်လိုက်ပြီး "အခု အများကြီး ပြောနေလည်း အပိုပါပဲ။ အသက်ကယ်ဖို့က ပထမဦးစားပေးလေ။ ကျွန်မ သားအတွက် သွေးလှူပေးပါ့မယ်" ဟု ဆိုလေသည်။</p> <p style="text-align:justify">"ဒါဆိုရင်တော့ အကောင်းဆုံးပေါ့။ ပူးပေါင်းဆောင်ရွက်ပေးတဲ့အတွက် ကျေးဇူးတင်ပါတယ် မစ္စ ချန်ဆွန်း" </p> <p style="text-align:justify">ကျန်းလျန်ချီက ဘေးရှိ သူနာပြုအား လှည့်ကြည့်ကာ "အခုချက်ချင်း သွေးအမျိုးအစား စစ်ဆေးဖို့ ပြင်ဆင်လိုက်" ဟု အမိန့်ပေးလိုက်၏။</p> <p style="text-align:justify">ချန်ဆွန်းတုန်းကျွီးက "စစ်စရာ မလိုပါဘူး။ ကျွန်မရဲ့ သွေးအမျိုးအစားက အိုသွေးပါ" ဟု ပြောလိုက်သည်။</p> <p style="text-align:justify">"အော်..."</p> <p style="text-align:justify">ကျန်းလျန်ချီက နှမြောတသဟန်ဖြင့် "မစ္စ ချန်ဆွန်း... ဒဏ်ရာရထားတဲ့သူက အေဘီ သွေး အမျိုးအစား ဖြစ်နေတယ်။ ဒါကြောင့် သခင်မကြီးရဲ့ သွေးနဲ့ မကိုက်ညီပါဘူး။ တခြား အမျိုးတော်စပ်သူတွေ ရှိသေးလား" ဟု မေးလိုက်လေသည်။</p> <p style="text-align:justify">ထိုစကားကို ကြားလိုက်ရချိန်တွင် ချန်ဆွန်းတုန်းကျွီး၏ မျက်နှာထားမှာ ချက်ချင်းပင် ပြောင်းလဲသွား၏။ "ဘာ... ရှင် ဘာပြောလိုက်တာလဲ"</p> <p style="text-align:justify">ကျန်းလျန်ချီက အလျင်အမြန်ပင် ရှင်းပြသည်။ "မစိုးရိမ်ပါနဲ့... သွေးသွင်းတာက အမျိုးတော်စပ်သူမှ မဟုတ်ပါဘူး။ တခြားလူတွေရဲ့ သွေးအမျိုးအစား တူညီရင်လည်း ရပါတယ်။ သခင်မကြီးနဲ့ အတူ ပါလာတဲ့ ကိုယ်ရံတော်တွေထဲမှာ အေဘီ သွေးရှိတဲ့သူ ရှိရင် လူနာကို သွေးလှူပေးလို့ ရပါတယ်"</p> <p style="text-align:justify">ချန်ဆွန်းတုန်းကျွီးသည် ဆရာဝန်၏ ကော်လာကို ဆွဲကိုင်လိုက်ပြီး "ကျွန်မသားရဲ့ သွေးအမျိုးအစားက ဘာလဲလို့ ထပ်ပြောစမ်း" ဟု အသံကုန် အော်ဟစ်လိုက်တော့သည်။</p> <p style="text-align:justify">ကျန်းလျန်ချီမှာ လုံးဝကို ဇဝေဇဝါ ဖြစ်သွားရ၏။ ချန်ဆွန်းတုန်းကျွီး အဘယ်ကြောင့် ဤမျှ ဒေါသထွက်နေရသည်ကို သူ နားမလည်နိုင်ဘဲ "သူ့သွေးက အေဘီ အမျိုးအစားပါဗျာ" ဟု ကမန်းကတန်း ဖြေလိုက်ရသည်။</p> <p style="text-align:justify">ချန်ဆွန်းတုန်းကျွီးက "မဖြစ်နိုင်ဘူး။ ဒါ လုံးဝ မဖြစ်နိုင်တဲ့ ကိစ္စပဲ" ဟု ထပ်မံ အော်ဟစ်လိုက်ပြန်၏။</p> <p style="text-align:justify">“ငါက အို သွေး ဖြစ်နေတာကို ငါ့သားက ဘယ်လိုလုပ် အေဘီ သွေး ဖြစ်နိုင်မှာလဲ”</p> <p style="text-align:justify">ကျန်းလျန်ချီက "မစ္စ ချန်ဆွန်း... ဒါက တကယ်တော့ ပုံမှန်ပါပဲ။ အကယ်၍ သခင်မကြီးရဲ့ ခင်ပွန်းက အေဘီ သွေး အမျိုးအစား ဆိုရင် ကလေးက သူ့အဖေဆီက သွေးအမျိုးအစားကို ဆက်ခံနိုင်ပါတယ်" ဟု ရှင်းပြလေသည်။</p> <p style="text-align:justify">ချန်ဆွန်းတုန်းကျွီးမှာ သူ၏ ရှင်းပြချက်ကို လုံးဝ နားမထောင်တော့ဘဲ "မဖြစ်နိုင်ဘူး ရှင်တို့ ဆေးရုံက သေချာပေါက် မှားနေတာ။ ငါ့သားက အိုသွေးပဲ ဖြစ်ရမယ်" ဟုသာ ထပ်ခါတလဲလဲ အော်နေတော့သည်။</p> <p style="text-align:justify">အမြဲတမ်း တည်ငြိမ်လှသော ချန်ဆွန်းတုန်းကျွီး အဘယ်ကြောင့် ဤမျှ စိတ်လှုပ်ရှားနေရသည်ကို လုဆုန်း နားမလည်သော်လည်း "ခင်ဗျားတို့ ဆေးရုံက သေချာပေါက် မှားနေတာပဲ နေမှာပါ" ဟု ဝင်ပြောလိုက်၏။</p> <p style="text-align:justify">ကျန်းလျန်ချီက "မစ္စ ချန်ဆွန်း... ကျေးဇူးပြုပြီး စိတ်အေးအေး ထားပါ။ ကျွန်တော်တို့ ခွဲစိတ်မှု မစခင်ကတည်းက သွေးအမျိုးအစားကို အသေအချာ စစ်ဆေးခဲ့တာပါ။ အခုတောင် အေဘီ သွေးရည်ကြည် နှစ်အိတ် သုံးပြီးသွားပါပြီ။ ကျွန်တော်တို့ လုံးဝ မမှားနိုင်ပါဘူး" ဟု အခိုင်အမာ ဆိုလေသည်။</p> <p style="text-align:justify">"ဘာလို့လဲ... ဒါတွေက ဘာလို့ ဖြစ်နေရတာလဲ"</p> <p style="text-align:justify">သေချာရေရာသော အဖြေကို နောက်တစ်ကြိမ် ရရှိလိုက်ချိန်တွင် ချန်ဆွန်းတုန်းကျွီးမှာ ခန္ဓာကိုယ်ထဲမှ အင်အားများ အားလုံး ကုန်ခမ်းသွားသကဲ့သို့ ခံစားလိုက်ရပြီး မြေပြင်ပေါ်သို့ ခွေကျသွားတော့သည်။</p> <p style="text-align:justify">"သခင်မကြီး... အဆင်ပြေရဲ့လား"</p> <p style="text-align:justify">လုဆုန်းမှာ လန့်ဖြန့်သွားပြီး ချန်ဆွန်းတုန်းကျွီးအား အနီးရှိ ခုံတန်းလျားပေါ်တွင် ထိုင်နိုင်အောင် အမြန် တွဲကူပေးလိုက်ရ၏။</p> <p style="text-align:justify">ချန်ဆွန်းတုန်းကျွီးသည် မျက်နှာကျက်ကို ငေးကြည့်ရင်း "ဘာလို့လဲ... ဒါက ဘာလို့ ဖြစ်နေရတာလဲ..." ဟု တတွတ်တွတ် ရေရွတ်နေမိသည်။</p> <p style="text-align:justify">ထိုအခိုက်အတန့်တွင် သူမ၏ ပတ်ဝန်းကျင်ရှိ အရာအားလုံး ပျောက်ကွယ်သွားပြီး အတိတ်မှ မြင်ကွင်း တစ်ခု သူမ၏ မျက်လုံးထဲတွင် ပေါ်လာ၏။</p> <p style="text-align:justify">လွန်ခဲ့သော အနှစ် ၂၀ ကျော်က လှပသော ကိုယ်ဝန်ဆောင် အမျိုးသမီး တစ်ဦးနှင့် ချောမောသော အမျိုးသား တစ်ဦးတို့ ဆေးရုံ၏ ကျန်းမာရေး စစ်ဆေးမှု ခန်းမဆောင်တွင် အတူတကွ ပေါ်လာကြသည်။</p> <p style="text-align:justify">အမျိုးသားက ဆေးစစ်ချက် အစီရင်ခံစာကို ကိုင်ထားရင်း "ငါတို့ အခုပဲ စစ်ဆေးပြီးပြီ။ ငါ့သားလေးက တကယ့်ကို ကျန်းမာသန်စွမ်းနေတာပဲ" ဟု ဆိုလေသည်။</p> <p style="text-align:justify">ကိုယ်ဝန်ဆောင် အမျိုးသမီးက သူမ၏ စူထွက်နေသော ဝမ်းဗိုက်လေးကို ပွတ်သပ်ရင်း "သူက ယောက်ျားလေးမှန်း ရှင်က ဘယ်လိုသိလဲ။ သမီးလေးဆိုရင်ရော မလိုချင်ဘူးလား" ဟု ပျော်ရွှင်စွာ မေးလိုက်၏။</p> <p style="text-align:justify">"ငါ့ကလေး ဖြစ်နေသရွေ့ ယောက်ျားလေးဖြစ်ဖြစ်၊ မိန်းကလေးဖြစ်ဖြစ် ငါ ချစ်တာပဲလေ" </p> <p style="text-align:justify">အမျိုးသားက စနောက်လိုက်ရင်း "ဒါပေမဲ့ ဒီတစ်ယောက်ကတော့ ယောက်ျားလေးလို့ ငါ ခံစားနေရတယ်။ သမီးလေး လိုချင်ရင်တော့ နောက်မှ တစ်ယောက် ထပ်ယူတာပေါ့" ဟု ဆိုသည်။</p> <p style="text-align:justify">အမျိုးသမီးက "ကျွန်မလည်း ယောက်ျားလေးလို့ ထင်ပါတယ်" ဟု ပြန်ပြော၏။</p> <p style="text-align:justify">ထိုအခါ အမျိုးသားက "ငါ စောစောက အားနေတာနဲ့ သွေးအမျိုးအစား သွားစစ်လိုက်သေးတယ်။ ငါ့အသက် ၂၀ ကျော်အတွင်းမှာ သွေးအမျိုးအစား စစ်တာ ဒါ ပထမဆုံးအကြိမ်ပဲ" ဟု ဆိုလေသည်။</p> <p style="text-align:justify">အမျိုးသမီးက "ဒါဆို ရှင့်သွေးက ဘာအမျိုးအစားလဲ" ဟု မေးလိုက်ရာ...</p> <p style="text-align:justify">အမျိုးသားက "ငါ..."</p> <p style="text-align:justify">"ငါက အိုသွေး အမျိုးအစားပါ" ဟု ဖြေလေသည်။</p> <p style="text-align:justify">"တိုက်ဆိုင်လိုက်တာ... ကျွန်မလည်း အိုသွေးပဲလေ" </p> <p style="text-align:justify">ထိုသို့ ပြောပြီးနောက် အမျိုးသမီးက အွန်လိုင်းတွင် သူမ တွေ့ခဲ့ဖူးသော ဟာသတစ်ခုကို သတိရသွားကာ "တကယ်လို့ ကျွန်မတို့ သားလေးက အေဘီ သွေးနဲ့ မွေးလာရင်ရော ဘယ်လိုလုပ်မလဲ" ဟု မေးလိုက်၏။</p> <p style="text-align:justify">အမျိုးသားက သူမ နောက်နေခြင်းကို သိသဖြင့် ရယ်မောလိုက်ရင်း "အဲဒီလိုသာ ဆိုရင်တော့ မင်း ငါ့မျက်နှာကို နောက်ဘယ်တော့မှ မြင်ရတော့မှာ မဟုတ်ဘူး" ဟု ပြန်ပြောလိုက်လေသည်။</p> <p style="text-align:justify">***</p> <p style="text-align:justify">အတိတ်ကို ပြန်တွေးမိသည်နှင့် ချန်ဆွန်းတုန်းကျွီး၏ မျက်ရည်များမှာ တားမရ ဆီးမရ စီးကျလာပြီး "ကျွန်မ သိပြီ... ရှင် ဘာလို့ ရုတ်တရက်ကြီး ပျောက်ကွယ်သွားခဲ့လဲဆိုတာ ကျွန်မ အခုမှ သိတော့တယ်" ဟု တိုးညှင်းစွာ ရေရွတ်လိုက်မိသည်။</p> <p style="text-align:justify">“ဒါပေမဲ့ ဘာလို့ ဒီလို ဖြစ်ခဲ့ရတာလဲ ထျန်းရယ်... ဒီဘဝမှာ ကျွန်မ ရှင့်အပေါ် ဘယ်တုန်းကမှ မမှားခဲ့ပါဘူး”</p> <p style="text-align:justify">နှစ်ပေါင်းများစွာတိုင်အောင် ဤကိစ္စသည် သူမ၏ ရင်ထဲတွင် အမြဲတမ်း အထုံးအဖွဲ့ တစ်ခု ဖြစ်နေခဲ့ရ၏။ သူမကို ဤမျှ နက်ရှိုင်းစွာ ချစ်မြတ်နိုးခဲ့သော အမျိုးသားသည် အဘယ်ကြောင့် သတင်းအစအန မရှိ ရုတ်တရက် ပျောက်ကွယ်သွားခဲ့ရသနည်း ဆိုသည်ကို သူမ နားမလည်နိုင်ခဲ့ပေ။ ယနေ့တွင်မူ သူမသည် ထိုအဖြေကို ရှာတွေ့သွားပုံ ရလေသည်။</p> <p style="text-align:justify">ထိုအခိုက်တွင် အဖြူရောင် ဝတ်စုံဝတ် ဆရာဝန် အချို့ ပြေးလွှားလာကြပြီး သွေးရည်ကြည်များကို ခွဲစိတ်ခန်းထဲသို့ ကမန်းကတန်း သယ်ဆောင်သွားကြသည်။</p> <p style="text-align:justify">လုဆုန်းက အနားသို့ လာကာ "သခင်မကြီး... သိပ်ပြီး စိတ်မပူပါနဲ့တော့။ ဆေးရုံက သွေးရည်ကြည်တွေ အခုပဲ ရောက်လာပါပြီ..." ဟု ဆို၏။</p> <p style="text-align:justify">ချန်ဆွန်းတုန်းကျွီးသည် သူမ၏ အေးစက်သော မျက်နှာထားကို ချက်ချင်း ပြန်လည် ရရှိသွားပြီး မတ်တပ်ရပ်ကာ "ဆေးရုံကို ချက်ချင်း ဆက်သွယ်လိုက်။ ပြီးရင် ငါ့အတွက် DNA စစ်ဆေးမှုတစ်ခု လုပ်ပေးဖို့ ပြောလိုက်စမ်း" ဟု အမိန့်ပေးလိုက်လေသည်။</p> <p style="text-align:justify">လုဆုန်းမှာ ခေတ္တမျှ မှင်တက်သွားပြီး "သခင်မကြီး... သခင်လေးက ခွဲစိတ်နေတုန်း ရှိသေးတာလေ၊ အခုအချိန်မှာ..." ဟု အံ့ဩတကြီး မေးလိုက်မိသည်။</p> <p style="text-align:justify">ချန်ဆွန်းတုန်းကျွီးက တင်းမာစွာဖြင့် "ဘာလဲ... ငါ ပြောတာကို မင်း မကြားဘူးလား" ဟု ငေါက်လိုက်၏။</p> <p style="text-align:justify">"ကြား... ကြားပါတယ်"</p> <p style="text-align:justify">လုဆုန်း လန့်သွားသည်။ စောစောက ဖြစ်ပျက်ခဲ့သည်များကို ပြန်တွေးကြည့်လိုက်မှ ဘာတွေ ဖြစ်နေသလဲ ဆိုသည်ကို သူ ချက်ချင်း သဘောပေါက်သွားပြီး ထိုကိစ္စကို သွားရောက် စီစဉ်တော့သည်။</p> <p style="text-align:justify">နာရီဝက်ခန့် အကြာတွင် DNA စစ်ဆေးမှု ရလဒ်မှာ ချန်ဆွန်းတုန်းကျွီး၏ လက်ထဲသို့ ရောက်ရှိလာ၏။</p> <p style="text-align:justify">ချန်ဆွန်းတုန်းကျွီးသည် ၎င်းကို ယူကာ တစ်ချက် ကြည့်လိုက်ပြီးနောက် ချက်ချင်းပင် အစိတ်စိတ် အမြွှာမြွှာ ဆုတ်ဖြဲပစ်လိုက်ပြီး အနီးရှိ အမှိုက်ပုံးထဲသို့ ပစ်ထည့်လိုက်တော့သည်။</p> <p style="text-align:justify">"ခွဲစိတ်ခအတွက် ယွမ် တစ်သိန်း ချန်ထားခဲ့လိုက်။ ကျန်တဲ့ ကိစ္စတွေက ငါတို့ ဟုန်မန်လုပ်ငန်းစုနဲ့ ဘာမှ မပတ်သက်တော့ဘူး"</p> <p style="text-align:justify">ထိုသို့ ပြောပြီးနောက် သူမသည် လှည့်ထွက်ကာ ဆေးရုံအပြင်ဘက်သို့ ခြေလှမ်းကျဲကျဲဖြင့် ထွက်ခွာသွားလေတော့သည်။</p> <p style="text-align:justify">လုဆုန်းသည် ခေါင်းကို အသာအယာ ခါယမ်းလိုက်မိ၏။ သာမန် ဒဏ်ရာရမှုတစ်ခုမှသည် မမျှော်လင့်ထားသော ရလဒ်တစ်ခု ထွက်ပေါ်လာခဲ့လေပြီ။ </p> <p style="text-align:justify">ချန်ဆွန်းရှမ်းသည် ချန်ဆွန်းတုန်းကျွီး၏ သားအရင်း မဟုတ်ခဲ့ပေ။</p> <p style="text-align:justify">သူသည် ချန်ဆွန်းရှမ်း၏ ကိုယ်ရံတော် ဖြစ်သော်လည်း ချန်ဆွန်းတုန်းကျွီးက ငှားရမ်းထားသူ ဖြစ်ရာ ဘာဆက်လုပ်ရမည်ကို သိရှိထားပြီး သူမ၏ အနောက်မှ ကပ်၍ လိုက်ပါသွားလေသည်။</p> <p style="text-align:justify">မျက်စိတစ်မှိတ်အတွင်းမှာပင် ချန်ဆွန်းမိသားစုမှ ကိုယ်ရံတော်များ အားလုံး ထွက်ခွာသွားကြပြီး ဆေးရုံ၏ စင်္ကြံလမ်းမှာလည်း ခြောက်ကပ်ကာ လူသူကင်းမဲ့သွားတော့လေသည်။</p> <p style="text-align:justify"> </p> <p style="text-align: center;">***</p>


Save