Book List

<h2 style="text-align: center;">အခန်း (၆၈၈)</h2> <h2 style="text-align: center;">*</h2> <p> </p> <p style="text-align:justify">"ငါ မင်းအတွက် မျိုးစေ့လေး တစ်စေ့တော့ ချန်ထားပေးခဲ့ပါတယ်" </p> <p style="text-align:justify">လုရှန်က ယခုအခါ ဝိညာဉ်စအနည်းငယ်သာ ကျန်ရှိတော့သော မွန်ရိုးအား ကြည့်လိုက်ပြီး သူ၏ လက်ထဲရှိ သွေးစက်လေးကို ပေါ့ပေါ့ပါးပါး ပစ်ပေးလိုက်သည်။ </p> <p style="text-align:justify">မွန်ရိုးက ၎င်းကို အလိုအလျောက် ဖမ်းလိုက်ပြီး လုရှန်အား ကြောင်တောင်တောင် စိုက်ကြည့်နေသည်။ </p> <p style="text-align:justify">"နောက်တစ်ခါကျရင် သိပ် မမောက်မာနဲ့တော့" </p> <p style="text-align:justify">လုရှန်က မွန်ရိုး၏ ပုခုံးကို ပုတ်ကာ လေးနက်စွာ ပြောလိုက်သည်။</p> <p style="text-align:justify">"ကြယ်တာရာ ကောင်းကင်ယံကြီးက ကျယ်ပြောတယ်... သေတဲ့လူတွေလည်း အများကြီးပဲ။ မင်း ဒီတစ်ခါ ငါနဲ့ တွေ့တာ ကံကောင်းတယ် မှတ်။ ငါက သဘောကောင်းလို့ မင်းအတွက် ထွက်ပေါက်တစ်ခု ချန်ထားပေးဖို့ သတိရလိုက်တာ။ နောက်တစ်ခါဆိုရင် ဒီလောက် ကံကောင်းချင်မှ ကံကောင်းမှာ"</p> <p style="text-align:justify">မွန်ရိုး၏ မျက်နှာမှာ မှောင်မိုက်သွားပြီး သူ၏ မျက်လုံးများထဲတွင် ရှုပ်ထွေးသော ခံစားချက်များ ပြည့်နှက်နေသည်။ သူ လုရှန်အား နက်နက်ရှိုင်းရှိုင်း တစ်ချက် ကြည့်လိုက်ပြီးနောက် လှည့်ကာ လျင်မြန်စွာ ထွက်ပြေးသွားတော့သည်။</p> <p style="text-align:justify">ဝှစ်...။</p> <p style="text-align:justify">"ကျေးဇူးတင်ပါတယ်လို့တောင် မပြောတတ်ဘူးလား။ ရိုင်းစိုင်းလိုက်တာ... ငါ မင်းကို သတ်ပစ်ခဲ့သင့်တာ..." </p> <p style="text-align:justify">လုရှန် အနည်းငယ် ဒေါသထွက်သွားသည်။</p> <p style="text-align:justify">သို့သော် သူ သိပ်တော့ ဂရုမစိုက်ပါချေ။ မွန်ရိုးနှင့် တိုက်ပွဲမှ သူရရှိလိုက်သော အကြီးမားဆုံး အကျိုးအမြတ်မှာ မွန်ရိုး၏ တာအိုလမ်းစဉ်နှင့် သူ၏ သာလွန်ထူးခြား သက်ရှိပုံစံ၏ စွမ်းအားစနစ်ကို နားလည်လုနီးပါး ဖြစ်သွားခြင်းပင်။</p> <p style="text-align:justify">"ငါ နောက်ကျရင် အိပ်မက်နယ်မြေထဲမှာ ငါ့ရဲ့ မြောက်ပိုင်းလိပ်နက် စစ်မှန်ရေစီးကြောင်းကို တုပပြီး သန့်စင်ဖို့ မူလစွမ်းအားကို အသုံးပြုမယ်။ အဲဒါက ငါ့သိုင်းကို ပိုပြီး ပြီးပြည့်စုံအောင် ကူညီပေးလိမ့်မယ်..."</p> <p style="text-align:justify">မွန်ရိုး၏ အစွန်းရောက် ရေခဲချဉ်းကပ်မှုမှာ အတော်လေး ချီးကျူးစရာကောင်းပြီး အဆင့် (၁၃) ကို တိုက်ရိုက်ဦးတည်နေသည်။ လက်ရှိအဆင့်တွင် လုရှန်သည် အဆင့် (၁၃) ဇမ်ဘီသိုင်းပညာရှင်တစ်ဦးကို ယှဉ်နိုင်စွမ်း မရှိသေးပေ။ ထို့ကြောင့် ဤသည်က သူ၏ မြောက်ပိုင်းလိပ်နက် စစ်မှန်ရေစီးကြောင်းကို တိုးတက်အောင် လုပ်နိုင်သည့် တစ်ခုတည်းသော နည်းလမ်းပင်။</p> <p style="text-align:justify">ထိုမျှသာမက "စစ်မှန်သော သိုင်းတရား ကြယ်တာရာ စွမ်းအား။ ပျက်စီးစမ်း" လက်သီးချက်ဖြင့် တိုက်ခိုက်ပြီးနောက်တွင်ပင် သူ၏ စွမ်းအားများကို တမင်သက်သက် ထိန်းချုပ်ထားခဲ့ရသည့် အကြောင်းရင်းလည်း ဖြစ်သည်။ </p> <p style="text-align:justify">ထို့ကြောင့်ပင် သူသည် မွန်ရိုး၏ ဝိညာဉ်နှင့် သွေးဆက် အနည်းငယ်ကို ချန်ထားပေးခဲ့သည်။ သို့မဟုတ်ပါက မွန်ရိုးသည် လွန်ခဲ့သည့် အချိန်ကတည်းက သေဆုံးသွားခဲ့ပြီဖြစ်သည်။ </p> <p style="text-align:justify">ကန့်သတ်ချက်ကို ငါးကြိမ် ဖောက်ထွင်းထားသော ဖျက်ဆီးခြင်း စွမ်းအားများအား အဆင့် ၁၂ သိုင်းပညာရှင် တစ်ယောက်ပင် ခံနိုင်ရည် မရှိချေ။</p> <p style="text-align:justify">လုရှန် လှည့်ကာ တိုက်ပွဲကွင်းပြင် မဟုတ်တော့သော တိုက်ပွဲကွင်းပြင်ထက်မှ ဆင်းလာခဲ့သည်။</p> <p style="text-align:justify">မွန်ရိုးနှင့် ကစားခဲ့သော ပွဲစဉ် ရလဒ်၏ ရိုက်ခတ်မှုမှာ ဖြည်းညှင်းစွာ စတင် ပျံ့နှံ့လာတော့သည်။ </p> <p style="text-align:justify">အစပိုင်းတွင် အနည်းငယ်မျှသာ ဖြစ်သော်ငြား တဖြည်းဖြည်း တဟုန်ထိုး ကြီးမားလာကာ နောက်ဆုံး၌မူ ကြယ်တာရာ ကောင်းကင်ယံတစ်ခုလုံးကို လွှမ်းခြုံသွားသည်အထိ ပြင်းထန်လာခဲ့တော့သည်။</p> <p style="text-align:justify">ကြယ်တာရာ အားကစားကွင်း တစ်ခုလုံး လုံးဝကို ပေါက်ကွဲထွက်သွားလေပြီ။</p> <p style="text-align:justify">အမှန်ပင် တုန်လှုပ်ချောက်ချားဖွယ်ကောင်းလှသည်။</p> <p style="text-align:justify">ထိုမျှ ကြောက်မက်ဖွယ်ကောင်းလှသော တုန်လှုပ်မှုမျိုးကို စကားလုံးတို့ဖြင့်ပင် ပုံဖော်၍ မရနိုင်တော့ပြီ။</p> <p style="text-align:justify">၎င်းသည် ကန့်သတ်ချက်ကို ငါးကြိမ်တိုင်တိုင် ဖောက်ထွင်းထားသည့် လက်သီးချက်တစ်ခုထက် မလျော့သော အရှိန်အဟုန်ဖြင့် ကြည့်ရှုသူအပေါင်း၏ နှလုံးသားကို အကြမ်းပတမ်း ရိုက်ခတ်သွားခဲ့သည်။</p> <p style="text-align:justify">အဆင့်ကြီးနှစ်ခုမျှ ကွာခြားနေသည့်တိုင် အဆင့် ၁၀ သမားတစ်ဦးက အဆင့် ၁၂ သမားကို အနိုင်ယူနိုင်လိမ့်မည်ဟု မည်သူကများ စိတ်ကူးယဉ်မိပါမည်နည်း။ </p> <p style="text-align:justify">အဆင့် ၁၂ ရှိသော မွန်ရိုး လုံးဝ အရေးနိမ့်သွားခြင်းပင်။ </p> <p style="text-align:justify">ရုပ်ပိုင်းဆိုင်ရာ ခန္ဓာကိုယ်ကြီး ပျောက်ကွယ်သွားပြီး ဝိညာဉ်အစအနလေး တစ်ခုသာ ကျန်ရစ်ခဲ့တော့သည်။</p> <p style="text-align:justify">လုံးဝ သေဆုံးလုနီးပါး ဖြစ်သွားခဲ့ရလေပြီ။</p> <p style="text-align:justify">ကြယ်တာရာ ကောင်းကင်ယံရှိ ဧရာမ ဖန်သားပြင်ထက်၌ လုရှန်၏ လက်သီးချက်ကို ပြန်လည်ပြသလိုက်ချိန်တွင် မရေမတွက်နိုင်သော လူတို့မှာ တုန်ယင်သွားကြပြီး ဦးရေပြားတို့ပင် ထုံကျင်သွားကြသည်။</p> <p style="text-align:justify">"အဆင့် ၁၂ တဲ့လား"</p> <p style="text-align:justify">"အဆင့် ၁၂ ပါလား..."</p> <p style="text-align:justify">နိယာမ ကြယ်တာရာစနစ် နှစ်ခုဖြင့် ခန္ဓာကိုယ်ကို သန့်စင်ထားကာ နေမင်းအဆင့် သွေးဆက်ကို ပိုင်ဆိုင်ထားသော အဆင့် ၁၂ ကျင့်ကြံသူကြီးမှာ လုရှန်၏ လက်သီးချက်အောက်၌ လွင့်ထွက်သွားခဲ့ရသည်။</p> <p style="text-align:justify">ဤသည်မှာ ယုံကြည်နိုင်စရာပင် မရှိတော့ချေ။</p> <p style="text-align:justify">အဆုံးစွန်သော ကောင်းကင်ဘုံကို စိန်ခေါ်လိုက်ခြင်းပင်။</p> <p style="text-align:justify">၎င်းသည် မရေမတွက်နိုင်သော လူတို့၏ သိုင်းပညာနှင့် သာလွန်ထူးခြား သက်ရှိပုံစံတို့အပေါ် နားလည်ထားသမျှကို အုတ်မြစ်မှစ၍ ရိုက်ချိုးဖျက်ဆီးပစ်လိုက်ခြင်းပင်။</p> <p style="text-align:justify">လုရှန် မပေါ်လာမီအချိန်အထိ ဤပြိုင်ပွဲတွင် ပါဝင်သည့် ကြယ်တာရာနယ်မြေ ဆယ့်နှစ်ခုအနက် မည်သည့်နေရာမှမျှ မသေမျိုးအဆင့် သွေးဆက်ပိုင်ရှင် တစ်ဦးတစ်ယောက်မျှ ပေါ်ထွက်ခဲ့ဖူးခြင်း မရှိပေ။</p> <p style="text-align:justify">အလွန်ဆုံးဆိုလျှင် နေမင်းအဆင့် သာလွန်ထူးခြား သက်ရှိပုံစံရှိသော ပါရမီရှင်တို့သာ မွေးဖွားလာခဲ့ကြဖူးသည်။</p> <p style="text-align:justify">လူတိုင်း မသေမျိုးအကြောင်း ကြားဖူးနားဝရှိကြသော်လည်း မည်သူကမျှ သေချာစွာ နားမလည်ခဲ့ကြချေ။</p> <p style="text-align:justify">သို့သော် ဤတိုက်ပွဲအပြီး၌မူ မသေမျိုးဆိုသည်မှာ တဖြည်းဖြည်းနှင့် ရှင်းလင်းပြတ်သားလာတော့သည်။</p> <p style="text-align:justify">"လုရှန်..."</p> <p style="text-align:justify">မသေမျိုး၏ တရားဝင် အဓိပ္ပာယ်ဖွင့်ဆိုချက်ပင် ဖြစ်တော့သည်။</p> <p style="text-align:justify">ထူးဆန်းပြီး ပြင်းထန်လှသော ခံစားချက်တစ်ခုက လူတိုင်း၏ နှလုံးသားတွင် ကိန်းအောင်းသွားခဲ့ပြီး အချိန်အတော်ကြာသည်အထိ ပျောက်ကွယ်သွားရန် ငြင်းဆန်နေခဲ့သည်။</p> <p style="text-align:justify">ဤတိုက်ပွဲ၏ ရိုက်ခတ်မှုသည် လူတိုင်းအတွက် ကြီးမားလွန်းလှရာ အပြည့်အဝ ချေဖျက်နားလည်နိုင်ရန် အချိန်အတိုင်းအတာတစ်ခုထိ ယူရပေလိမ့်မည်။</p> <p style="text-align:justify">ရလဒ်အနေဖြင့် ချန်ယွီရှုနှင့် ထိပ်ဆုံးလေးယောက်အဆင့် ပြိုင်ပွဲဝင်တစ်ဦးတို့၏ နောက်ဆက်တွဲပွဲစဉ်ကို ဂရုစိုက်သူ အလွန်နည်းပါးသွားခဲ့သည်။</p> <p style="text-align:justify">ချန်ယွီရှုသည် ဤပြိုင်ပွဲတွင် အလွန်ထူးချွန်စွာ ယှဉ်ပြိုင်ခဲ့ပြီး ကြယ်တာရာ ကောင်းကင်ယံကို ဖြတ်သန်းကာ ကောင်းကင်ဘုံကိုပင် ခွဲခြမ်းပစ်နိုင်သည့် ဓားအရှိန်အဝါ တစ်ခုကို ထုတ်လွှတ်ခဲ့သည်။ </p> <p style="text-align:justify">သို့သော်လည်း သြဘာပေးသူ အလွန်နည်းပါးလှသည်။ </p> <p style="text-align:justify">ကြည့်ရှုသူ အများစုမှာ ယခင်တိုက်ပွဲ၏ ရလဒ်ထဲတွင် နစ်မွန်းနေဆဲဖြစ်ကာ သတိပင် မဝင်လာကြသေးပေ။</p> <p style="text-align:justify">အစီအစဉ် တင်ဆက်သူက ဗိုလ်လုပွဲစတင်ကြောင်း ကြေညာလိုက်ချိန်မှသာ ကြယ်တာရာ နယ်မြေ ဆယ့်နှစ်ခုပါဝင်သည့် ဤသိုင်းပါရမီရှင်များ ဖလှယ်ရေးပြိုင်ပွဲကြီးသည် နောက်ဆုံးအဆင့်သို့ ရောက်ရှိနေပြီဖြစ်ကြောင်း လူအများအပြား အံ့အားသင့်စွာ သတိပြုမိသွားကြသည်။</p> <p style="text-align:justify">သို့သော် ရလဒ်မှာ အရေးမကြီးတော့ပုံရသည်။</p> <p style="text-align:justify">လုရှန်နှင့် ချန်ယွီရှုတို့ ပြိုင်ပွဲစင်မြင့်ထက်သို့ အသီးသီး တက်လှမ်းလာကြသည်။ အားလုံး၏ အကြည့်များမှာ အံ့အားသင့်မှုနှင့် ရှုပ်ထွေးမှုများ ရောယှက်နေလျက် လုရှန်ထံသို့သာ အလိုအလျောက် ရောက်ရှိသွားကြသည်။</p> <p style="text-align:justify">ဤအခိုက်အတန့်တွင် လုရှန်သည် ဤပြိုင်ပွဲ၏ တစ်ဦးတည်းသော အဓိကဇာတ်ကောင် ဖြစ်လာခဲ့လေပြီ။</p> <p style="text-align:justify">မည်သူ၏ တောက်ပမှုကမျှ သူ့အား လွှမ်းမိုးနိုင်စွမ်း မရှိတော့ချေ။ သူသည် ထီးနန်းပေါ်သို့ တက်လှမ်းကာ ဘုရင်တစ်ပါးအဖြစ် သရဖူဆောင်းရန် နောက်ဆုံးခြေတစ်လှမ်းသာ လိုတော့သည်။</p> <p style="text-align:justify">လုရှန် သူ့အရှေ့ရှိ ချန်ယွီရှုအား ကြည့်လိုက်ပြီး ချန်ယွီရှုကလည်း သူ့အား ပြန်ကြည့်နေသည်။ </p> <p style="text-align:justify">လုရှန်သည် ချန်ယွီရှု၏ အကြည့်များနှင့် ဆုံမိလိုက်သည့် အခိုက်အတန့်မှာပင် စောစောက သူ ခံစားလိုက်ရသော လောဘတကြီး အကြည့်များမှာ အရာအားလုံးကို ဂရုမစိုက်သလို အေးတိအေးစက် နေတတ်သော ဤလူငယ်လေးထံမှ လာခြင်းဖြစ်ကြောင်း ချက်ချင်း နားလည်သွားတော့သည်။ </p> <p style="text-align:justify">လုရှန် မျက်လုံးများကို အနည်းငယ်မှေးကျဉ်းလိုက်သည်နှင့် သူ၏စိတ်အစဉ်ထဲတွင် အေးစက်လှသော သတ်ဖြတ်လိုစိတ်များ တဟုန်းဟုန်း တောက်လောင်လာသည်။ </p> <p style="text-align:justify">ချန်ယွီရှု သူ့အပေါ် မည်သို့သဘောထားသည်ကို သူ မသိပေ။ သို့သော် တစ်ဖက်လူ၏ အကြံအစည်များကို အချိန်မီ နှိမ်နင်းပစ်ရန်မှာမူ မလွဲမသွေ ပြုလုပ်ရမည့် ကိစ္စပင်ဖြစ်သည်။</p> <p style="text-align:justify">'ချန်ယွီရှုက သူ့ရဲ့ ခွန်အားတွေကို ဖုံးကွယ်ထားတယ် ဆိုရင်တောင်မှ သူက မွန်ရိုးနဲ့ အဆင့်တူလောက်ပဲ ရှိမှာပါ။ စစ်မှန်သော သိုင်းတရား ကြယ်တာရာ စွမ်းအား။ ပျက်စီးစမ်း... ဒီတိုက်ကွက်က သူ့ကို သတ်ဖို့ လုံလောက်သင့်တယ်။ ငါတို့က စွမ်းအားကို သေချာ မထိန်းချုပ်နိုင်ခဲ့သလို ဟန်ဆောင်လိုက်လို့ ရတာပဲ။ ဘယ်လိုပဲဖြစ်ဖြစ် ဒီကောင်က ဘာနောက်ခံမှ မရှိဘူးဆိုတော့ သူ့ကို သတ်လိုက်လို့လည်း ဘယ်သူမှ ဂရုစိုက်မှာ မဟုတ်ပါဘူး...' </p> <p style="text-align:justify">'အစကတည်းက အားပြင်းတဲ့ တိုက်ကွက်ကို တန်းသုံးလိုက်ရင် တမင်သက်သက် လုပ်သလိုများ ဖြစ်နေမလား။ ပွဲအချီနည်းနည်းလောက် အရင် အချိန်ဆွဲသင့်သလား'</p> <p style="text-align:justify">လုရှန်၏ မျက်လုံးများ တောက်ပလာပြီး သူ၏ အစီအစဉ်များကို တိတ်တဆိတ် ရေးဆွဲနေလိုက်သည်။</p> <p style="text-align:justify">သူ၏ မျက်နှာချင်းဆိုင်တွင် ရပ်နေသော ချန်ယွီရှုမှာမူ လုရှန်သည် သူ့အား မည်သို့သတ်ဖြတ်ရန် အကြံထုတ်နေမှန်း မသိရှာပေ။ သူသည် ထူးဆန်းသော ထိတ်လန့်မှုနှင့် အန္တရာယ်၏ အငွေ့အသက်ကိုသာ ပြင်းပြင်းထန်ထန် ခံစားနေရသည်။</p> <p style="text-align:justify">သူ့အရှေ့ရှိ လုရှန်ကို ကြည့်ရသည်မှာ အသွင်အပြင်နှင့် အရှိန်အဝါတို့ ပိုမို ကြမ်းတမ်း ရက်စက်လာသကဲ့သို့ပင်။</p> <p style="text-align:justify">ထိုအချိန်တွင် ဒိုင်လူကြီးက ဗိုလ်လုပွဲကို တရားဝင် စတင်ကြောင်း ကြေညာလိုက်သည်။</p> <p style="text-align:justify">"စတင်ပါ"</p> <p style="text-align:justify">အာမေဍိတ်သံပင် မဆုံးသေးခင် လုရှန်မှာ ချန်ယွီရှုထံသို့ ခုန်အုပ်လိုက်သည်။ </p> <p style="text-align:justify">စက္ကန့်ပိုင်းအတွင်း၌ပင် လူသားအသွင်မှ နတ်ဘုရားတစ်ပါးအဖြစ် အသွင်ပြောင်းလဲခြင်း ပြီးမြောက်သွားသည်။ သူ၏ ဆံပင်များမှာ တောက်ပသော ရွှေရောင်သို့ ပြောင်းလဲသွားပြီး ခမ်းနားကြီးကျယ်လှသော နေမင်းတက်တူးတစ်ခုက သူ၏ခန္ဓာကိုယ်တစ်ခုလုံးကို ဖုံးလွှမ်းသွားသည်။</p> <p style="text-align:justify">သူသည် ရွှေရောင်နေမင်းတစ်စင်းအလား ချန်ယွီရှု၏ အရှေ့တွင် ရုတ်ခြည်း ပေါ်လာသည်။</p> <p style="text-align:justify">ချန်ယွီရှု၏ မျက်လုံးအိမ်များ ကျုံ့ဝင်သွားပြီး အလိုအလျောက် နောက်သို့ တစ်လှမ်းဆုတ်သွားသော်လည်း ရှောင်တိမ်းခြင်း မပြုခဲ့ပေ။ ထိုအစား သူ ကာကွယ်ရန်အလို့ငှာ လက်တစ်ဖက်ဖြင့် လက်သင်္ကေတတစ်ခုကို အမြန် ပြုလုပ်လိုက်သည်။</p> <p style="text-align:justify">လုရှန်၏ မျက်လုံးများထဲတွင် ကြမ်းတမ်းသော အလင်းတန်းတစ်ခု တောက်ပလာသည်။ သူ လက်ကိုမြှောက်ကာ ချန်ယွီရှုအား ပြင်းထန်စွာ လက်သီးဖြင့် ထိုးချလိုက်သည်။</p> <p style="text-align:justify">"ငါ့လက်သီးထဲမှာ သောင်းနဲ့ချီတဲ့ ကြယ်တာရာ မျိုးစေ့တွေရဲ့ စွမ်းအားတွေ ပါဝင်တယ်။ မင်း ခံနိုင်ရည် ရှိမလား ကြည့်ကြသေးတာပေါ့"</p> <p style="text-align:justify"> </p> <p style="text-align: center;">***</p>


Save