Book List

<h2 style="text-align: center;">အခန်း (၆၉၀)</h2> <h2 style="text-align: center;">*</h2> <p> </p> <p style="text-align:justify">ချန်ယွီရှုသည် ပြိုင်ပွဲတစ်လျှောက် အနိုင်ရနေခဲ့သော်လည်း သူ၏စွမ်းဆောင်ရည်မှာ သိသာထင်ရှားလှခြင်းမရှိဘဲ လုရှန်နှင့် မွန်ရိုးတို့၏အရှိန်အဝါအောက်တွင်သာ ရှိနေခဲ့သည်။</p> <p style="text-align:justify">သို့သော်လည်း ဤပြိုင်ပွဲတွင် အမှန်တကယ် ပုန်းကွယ်နေသူမှာ ချန်ယွီရှုသာ ဖြစ်လိမ့်မည်ဟု မည်သူကများ ထင်မှတ်ထားခဲ့မိမည်နည်း။</p> <p style="text-align:justify">သူသည် အဆင့် ၁၂ သို့ ရောက်ရှိနေရုံသာမက နိယာမကြယ်တာရာစနစ် သုံးခုကိုပါ အပြည့်အဝဖွင့်လှစ်ထားနိုင်ခဲ့ရာ သူ၏စွမ်းအားမှာ မွန်ရိုးထက်ပင် သာလွန်နေတော့သည်။</p> <p style="text-align:justify">နိယာမကြယ်တာရာစနစ် သုံးခုသည် ဓားသိုင်းဖွဲ့စည်းမှုအတွင်းသို့ ပေါင်းစပ်ဝင်ရောက်သွားသဖြင့် ကျယ်ပြောလှသော ဓားအလင်းတန်းပင်လယ်ကြီးမှာ ပွက်ပွက်ဆူလာသည်။ အဝေးမှကြည့်လျှင် ကြယ်တာရာပင်လယ်ပြင်တွင် ကခုန်နေသည့် ရွှေရောင်နဂါးကြီးများနှင့်ပင် တူနေတော့သည်။</p> <p style="text-align:justify">ဓားသိုင်းဖွဲ့စည်းမှု၏ ဗဟိုချက်အဖြစ် အသုံးပြုထားသော ပျံသန်းဓားမှာ မျက်စိကျိန်းမတတ်တောက်ပနေပြီး ထပ်မံမြှင့်တင်၍မရနိုင်လောက်အောင်ပင် ပြည့်စုံလွန်းနေသည်။</p> <p style="text-align:justify">ကောင်းကင်ယံသို့ ခုန်တက်သွားသော မီတာတစ်သောင်းရှည်သည့် ထိုဓားကြီး၏ ကြောက်မက်ဖွယ်ကောင်းသော ထက်မြက်မှုမှာ အဆုံးအစမဲ့ဟင်းလင်းပြင်ကို ထိုးဖောက်သွားကာ ပွဲကြည့်ပရိသတ်တို့၏ မျက်ဝန်းများကိုပင် စုတ်ဖြဲပစ်လုမတတ် ဖြစ်စေသည်။</p> <p style="text-align:justify">"ငါတောင်မှ ဒီဓားချက်ကို တားဆီးနိုင်မှာ မဟုတ်ဘူး" </p> <p style="text-align:justify">အမြင့်ဆုံးပွဲကြည့်စင်ပေါ်မှ ခရမ်းရောင်ဝတ်ဆင်ထားသော လွှတ်တော်ဥက္ကဋ္ဌအဆင့်ရှိ ပုဂ္ဂိုလ်တစ်ဦးက ရေရွတ်လိုက်သည်။</p> <p style="text-align:justify">ဒန်လော့ပ် မျက်မှောင်ကြုတ်လိုက်သည်။</p> <p style="text-align:justify">"ချန်ယွီရှုက တခြား စကြဝဠာ ယဉ်ကျေးမှုကနေ ပြန်လည်ဝင်စားလာတဲ့သူလို့ ကောလာဟလတွေ ရှိတယ်။ အဲဒါ တကယ်ပဲလား" </p> <p style="text-align:justify">ခရမ်းရောင်ဝတ် ဥက္ကဋ္ဌက ခဏမျှ စဉ်းစားလိုက်ပြီးနောက် တိုးညှင်းစွာ ပြောလိုက်သည်။ </p> <p style="text-align:justify">"ဖြစ်နိုင်ပါတယ်။ ငါ ကြယ်တာရာ စနစ်ကို အစီရင်ခံထားပြီးပါပြီ။ မကြာခင် အတည်ပြုဖို့ တစ်ယောက်ယောက် ဆင်းလာပါလိမ့်မယ်"</p> <p style="text-align:justify">ဒန်လော့ပ်၏မျက်လုံးများ တောက်ပသွားပြီး သူ၏မျက်နှာအမူအရာမှာ အနည်းငယ် မှောင်မိုက်သွားသည်။</p> <p style="text-align:justify">နှစ်များတစ်လျှောက် အခြားစကြဝဠာများမှ ပြန်လည်ဝင်စားလာသူများအကြောင်း သတင်းများမှာ မဆန်းတော့သည့်ကိစ္စ ဖြစ်နေခဲ့ပြီဖြစ်သည်။ </p> <p style="text-align:justify">ကြယ်တာရာနယ်မြေအများအပြားတွင် တွေ့ရှိမှုများရှိခဲ့ပြီး အခြားစကြဝဠာစနစ်များတွင် အစုလိုက်အပြုံလိုက် ပြန်လည်မွေးဖွားမှုများပင် ဖြစ်ပွားခဲ့သည်ဟု ဆိုကြသည်။</p> <p style="text-align:justify">အခြားစကြဝဠာယဉ်ကျေးမှုများမှ ပြန်လည်ဝင်စားလာသူ အများစုမှာ အလွန်အားကောင်းကြပြီး သူတို့၏ ယခင်စွမ်းအားများမှာ ဤအဆင့် ၁၂ လွှတ်တော်ဥက္ကဋ္ဌများထက်ပင် ပိုမိုသာလွန်နေနိုင်ချေရှိသည်။</p> <p style="text-align:justify">သူတို့အား သာမန်အသိတရားဖြင့် တိုင်းတာ၍မရနိုင်ပေ။ အလွန်အဓိပ္ပာယ်မဲ့သောကိစ္စများ ဖြစ်ပွားလျှင်ပင် အံ့သြစရာမဟုတ်ချေ။ ဤလူများ ယခင်ဘဝများမှယူဆောင်လာသော ထူးဆန်းသည့် သဘာဝလွန်စွမ်းရည်များသည် တစ်ခါတစ်ရံတွင် အတော်လေး ဒုက္ခပေးနိုင်သည်။</p> <p style="text-align:justify">ဒန်လော့ပ် ခဏမျှ စဉ်းစားလိုက်ပြီး တိတ်တဆိတ် ဆုံးဖြတ်ချက် တစ်ခု ချလိုက်သည်။ </p> <p style="text-align:justify">'လုရှန်သာ ချန်ယွီရှုရဲ့လက်ချက်ကြောင့် နည်းနည်းလေးတောင် ဒဏ်ရာရသွားခဲ့မယ်ဆိုရင်... အဲဒီကောင်ကို သေအောင်ပစ်သတ်ဖို့ အဆင့် ၁၃ ဂြိုဟ်ဖျက်အမြောက်ကြီးကို တန်းသုံးလိုက်မယ်။ သူက တခြားစကြဝဠာကနေ ပြန်လည်ဝင်စားလာတဲ့သူဖြစ်နေရင်ရော ဘာဖြစ်လဲ။ အဲဒီလိုလူ ဆယ်ယောက်က မသေမျိုးအဆင့် သွေးဆက်တစ်ယောက်လောက်တောင် အဖိုးမတန်ဘူးကွ'</p> <p style="text-align:justify">ထိုသို့တွေးတောရင်း ဒန်လော့ပ်သည် ဘေးရှိ ယာမူနယ်မြေ၏ တရားဥပဒေစိုးမိုးရေးဌာနမှူးနှင့် ရှေ့တန်းစစ်သေနာပတိချုပ်တို့အား မျက်စိမှိတ်ပြလိုက်ပြီး သူတို့သုံးဦး တိတ်တဆိတ် တိုင်ပင်ဆွေးနွေးကြသည်။</p> <p style="text-align:justify">…</p> <p style="text-align:justify">ကြယ်တာရာကောင်းကင်ယံတွင် သာလွန်ထူးခြားသည့်အရှိန်အဝါဖြင့် ပေါ့ပေါ့ပါးပါးရပ်နေသော ချန်ယွီရှုသည် လက်သင်္ကေတတစ်ခုပြုလုပ်လိုက်သည်။ ချက်ချင်းပင် သူ၏မျက်လုံးများ တောက်ပလာကာ ဓားပင်လယ်ကြီး၏ ဗဟိုချက်အား စူးစိုက်ကြည့်နေတော့သည်။</p> <p style="text-align:justify">သူ အသက် ပြင်းပြင်းတစ်ချက် ရှူလိုက်သည်။ </p> <p style="text-align:justify">ချက်ချင်းဆိုသလိုပင် ခမ်းနားကြီးကျယ်လှသော မီတာ တစ်သောင်းရှည်လျားသည့် ရွှေရောင်ဓားကြီးသည် ပြိုင်ဘက်ကင်းသော ထက်မြက်မှုများဖြင့် ကြယ်တာရာ ကောင်းကင်ယံထဲသို့ လျင်မြန်စွာ မြင့်တက်လာသည်။ သူ၏ စိတ်စွမ်းအား အာရုံများက ဖွဲ့စည်းမှုကြီး၏ ဗဟိုချက်ရှိ လုရှန်၏ အရှိန်အဝါအပေါ်သို့ တင်းကျပ်စွာ သော့ခတ်ထားလိုက်သည်။</p> <p style="text-align:justify">"မဟာလော်ကျန်း ရွှေရောင် ဓားသိုင်းဖွဲ့စည်းမှု ပြီးပြည့်စုံသွားပြီ"</p> <p style="text-align:justify">"ဒီဓားချက်က ဟင်းလင်းပြင်သန့်စင်ခြင်းနယ်ပယ်ကို ရောက်နေတဲ့ ကျင့်ကြံသူကိုတောင် ဒဏ်ရာရစေနိုင်စွမ်းရှိတယ်။ အဲဒီအဆင့်က ဒီစကြဝဠာယဉ်ကျေးမှုရဲ့ သိုင်းအဆင့်သတ်မှတ်ချက်အရဆိုရင် အဆင့် ၁၃ နဲ့ ညီမျှတယ်"</p> <p style="text-align:justify">"ဒီကောင်လေး ဘယ်လောက်ပဲ အားကောင်းနေပါစေ... သူ လုံးဝ ခံနိုင်ရည် ရှိမှာ မဟုတ်ဘူး"</p> <p style="text-align:justify">"သူ့ကို အပြင်းအထန် ဒဏ်ရာရအောင် လုပ်ပြီးတာနဲ့ အခြေအနေကို အခွင့်ကောင်းယူပြီး ငါ အချောင်နှိုက်လို့ ရပြီ"</p> <p style="text-align:justify">ထိုဖြစ်နိုင်ခြေကို တွေးမိလိုက်သည်နှင့် ချန်ယွီရှု၏မျက်ဝန်းများတွင် ပြင်းထန်သော လောဘနှင့် ရူးသွပ်မှုတို့ လောင်ကျွမ်းသွားသည်။ သူ၏ ရင်ထဲဝယ် စိတ်လှုပ်ရှားမှုတို့ဖြင့် ပူလောင်နေသဖြင့် တိုက်ကွက်ကို အမြန်ဆုံးထုတ်လွှတ်ရန်ပင် စိတ်မရှည်နိုင်တော့ချေ။</p> <p style="text-align:justify">မီတာ တစ်သောင်း ရှည်လျားသော ရွှေရောင်ဓားကြီးသည် ကြယ်တာရာ ကောင်းကင်ယံမှ လျင်မြန်စွာ ကျဆင်းလာသည်။ </p> <p style="text-align:justify">မျက်စိတစ်မှိတ်အတွင်းမှာပင် အဆုံးအစမဲ့သော ထက်မြက်သည့် အရှိန်အဝါများ လှိုင်းထန်လာသည်။ ဓားပင်လယ်ကြီး ဆူပွက်လာပြီး ဟင်းလင်းပြင်မှာ အလွှာလိုက် အလွှာလိုက် တစစီ ကျိုးပဲ့သွားတော့သည်။ ပဉ္စမအလွှာအထိ ပေါက်ကွဲသွားခဲ့ပြီးဖြစ်သော ဟင်းလင်းပြင်မှာ ရွှေရောင်ဓား၏ ခုတ်ပိုင်းမှုအောက်တွင် လျင်မြန်စွာ အက်ကွဲလာတော့သည်။ </p> <p style="text-align:justify">ပွဲကြည့်ပရိသတ်တို့မှာ ထိုမြင်ကွင်းကိုကြည့်ရင်း မျက်လုံးအိမ်များပင် ကျုံ့ဝင်သွားကြသည်။ </p> <p style="text-align:justify">အမြင့်ဆုံးပွဲကြည့်စင်များပေါ်တွင် ထိုင်နေသော လွှတ်တော်ခေါင်းဆောင်များပင် မနေနိုင်တော့ဘဲ တစ်ယောက်ပြီးတစ်ယောက် မတ်တတ်ရပ်လိုက်ကြသည်။</p> <p style="text-align:justify">“ကန့်သတ်ချက်ကို ငါးကြိမ် ဖောက်ထွင်းခြင်း”</p> <p style="text-align:justify">“နောက်ထပ် ကန့်သတ်ချက်ကို ငါးကြိမ် ဖောက်ထွင်းခြင်းပဲ”</p> <p style="text-align:justify">ယခင်က လုရှန်၏လက်သီးချက်သည် စွမ်းအားကန့်သတ်ချက်ကို ငါးကြိမ်ဖောက်ထွင်းနိုင်ခဲ့ပြီး အံ့မခန်းဖွယ်ကောင်းကာ လူအများ၏နားလည်သဘောပေါက်မှုများကိုပင် ရိုက်ချိုးပစ်ခဲ့သည်။ သို့သော် ချန်ယွီရှု၏တိုက်ခိုက်ရေးစွမ်းအားသည်လည်း ယခုအခါ ကန့်သတ်ချက်ကို ငါးကြိမ်အထိ ဖောက်ထွင်းနိုင်လိမ့်မည်ဟု မည်သူကမျှ မျှော်လင့်မထားခဲ့ကြချေ။</p> <p style="text-align:justify">ယေဘူယျအားဖြင့်ဆိုရလျှင် တိုက်ခိုက်ရေးစွမ်းအားတွင် ကန့်သတ်ချက်လေးကြိမ် ဖောက်ထွင်းနိုင်သောအဆင့် (၁၂) သိုင်းပညာရှင်တစ်ဦးသည်ပင် သာမန်ရွယ်တူများထက် သာလွန်ကာ ထူးခြားသောပါရမီရှင်ဟု သတ်မှတ်ခံရသည်။</p> <p style="text-align:justify">အဆင့် (၁၂) လွှတ်တော်အမတ်အများအပြားပင် ကန့်သတ်ချက်လေးကြိမ်ကို မဖောက်ထွင်းနိုင်ကြသေးပေ။</p> <p style="text-align:justify">ရလဒ်အနေဖြင့် ယခုအခါ ကန့်သတ်ချက်ကို ငါးကြိမ်ဖောက်ထွင်းနိုင်သူ တစ်ယောက်ပြီးတစ်ယောက် ထွက်ပေါ်လာနေသည်။</p> <p style="text-align:justify">“ဒါက လွန်လွန်းနေပြီ မဟုတ်လား”</p> <p style="text-align:justify">“သောက်ကျိုးနည်း…”</p> <p style="text-align:justify">ဒန်လော့ပ်၏မျက်နှာမှာ မှုန်ကုပ်နေပြီး သူ၏အမူအရာတွင် စိုးရိမ်ပူပန်မှုတို့ ပေါ်လွင်နေသည်။</p> <p style="text-align:justify">ချန်ယွီရှု ဤမျှအားကောင်းနေလိမ့်မည်ဟု သူ မမျှော်လင့်ထားခဲ့ချေ။ </p> <p style="text-align:justify">လုရှန်သည် အဆင့် (၅) ဖောက်ထွင်းမှုတိုက်ကွက်ကို ထုတ်လွှတ်နိုင်ခဲ့သော်လည်း ၎င်းက ထိုအဆင့်ရှိတိုက်ခိုက်မှုကို သူခံနိုင်ရည်ရှိသည်ဟု မဆိုလိုပေ။ မည်သို့ပင် ဆိုစေ သူ၏သိုင်းအဆင့်မှာ အဆင့် (၁၀) သာ ရှိသေးသည် မဟုတ်လော။</p> <p style="text-align:justify">မသေမျိုးအဆင့် သွေးဆက်က လုရှန်အား ထိပ်တန်း အဆင့် ၁၃ သိုင်းပညာရှင် တစ်ဦးနှင့် ယှဉ်ပြိုင်နိုင်သော အံ့မခန်း တိုက်ခိုက်ရေး စွမ်းအားကို ပေးစွမ်းထားပြီး ၎င်းက လုံလောက်အောင် မှတ်သားလောက်စရာ ကောင်းနေပြီဖြစ်သည်။ အခြားသော ကဏ္ဍများဖြစ်သည့် စိတ်စွမ်းအားနှင့် ကာကွယ်ရေး စွမ်းအား စသည်တို့မှာမူ ထိုအရာက သူ၏ အားနည်းချက် ဖြစ်ကောင်း ဖြစ်နေနိုင်သည်။ </p> <p style="text-align:justify">"ဘာပဲဖြစ်ဖြစ်... ဒါက အဓိက အဆင့်ကြီး နှစ်ခု ကွာခြားနေတဲ့ တိုက်ပွဲပဲ။ အစပြုနိုင်ခွင့် သာ ဆုံးရှုံးသွားရင် အလွန်တရာ အန္တရာယ်များသွားပြီ" </p> <p style="text-align:justify">ဒန်လော့ပ်၏ မျက်လုံးများ ရိုင်းစိုင်းစွာ တောက်ပလာပြီး သူ၏ စိတ်စွမ်းအားများ တစ်ဟုန်ထိုး ပျံ့နှံ့သွားသည်။ သူသည် ပြိုင်ပွဲဒိုင်လူကြီးနှင့် ချိတ်ဆက်ထားပြီးဖြစ်ကာ ပွဲကို အချိန်မရွေး ရပ်တန့်လိုက်ရန် အသင့်အနေအထား ဖြစ်နေတော့သည်။</p> <p style="text-align:justify">ဤသို့ တွေးမိသူမှာ ဒန်လော့ပ် တစ်ယောက်တည်း မဟုတ်သည်မှာမူ ထင်ရှားနေသည်။ </p> <p style="text-align:justify">လူအများ၏ နှလုံးသားများမှာ လည်ချောင်းဝအထိ ရောက်ရှိလာကြပြီး မျက်လုံးများသည်လည်း ထိတ်လန့်ဖွယ်ကောင်းသော ဓားအလင်းတန်း ကျရောက်လာမည့် နေရာကိုသာ စူးစိုက်ကြည့်နေကြသည်။</p> <p style="text-align:justify">ကန့်သတ်ချက်ကို ငါးကြိမ်တိုင် ဖောက်ထွင်းထားသည့် တိုက်ကွက်...။</p> <p style="text-align:justify">လုရှန်အနေဖြင့် မွန်ရိုးအား အနိုင်ယူခဲ့စဉ်က အသုံးပြုခဲ့သော လက်သီးချက်မျိုးကို ပြန်လည်မသုံးနိုင်ပါက ချန်ယွီရှု၏ ဓားကို တားဆီးနိုင်မည် မဟုတ်ပေ။</p> <p style="text-align:justify">လူတိုင်း တင်းမာနေပြီး ပြိုင်ပွဲဒိုင်လူကြီးမှာလည်း ပွဲကို ချက်ချင်းရပ်တန့်ကာ ချန်ယွီရှုကို တားဆီးသင့် မတားဆီးသင့် တွေဝေနေမိချိန်၌ပင်...။</p> <p style="text-align:justify">ဘုန်း...</p> <p style="text-align:justify">အလွန်တရာ ကျယ်လောင်သော ဟိန်းဟောက်သံကြီးနှင့်အတူ ကြယ်တာရာကောင်းကင်ယံ၏ နေရာအများစုကို လွှမ်းခြုံထားသည့် ဓားပင်လယ်ကြီးမှာ ရုတ်တရက် ပေါက်ကွဲထွက်သွားသည်။</p> <p style="text-align:justify">လှိုင်းထန်နေသော ဓားအလင်းတန်းများကြားမှ မယုံနိုင်စရာ ဧရာမကိုယ်ထည်ကြီးတစ်ခု ထွက်ပေါ်လာသည်။ ထိုကိုယ်ထည်မှာ လွန်စွာမှပင် ကြီးမားလှပေသည်။</p> <p style="text-align:justify">၎င်း၏ ကြီးမားလွန်းသော ပုံသဏ္ဌာန်အရှေ့တွင် မည်သူမဆို မိမိကိုယ်ကို သေးငယ်သွားသလို ခံစားရစေမည်ဖြစ်သည်။ ထိုမျှသာမက ၎င်းမှာ လျင်မြန်စွာ ကျယ်ပြန့်ကြီးထွားလာနေဆဲပင်။</p> <p style="text-align:justify">မျက်စိတစ်မှိတ်အတွင်းမှာပင် မီတာ (၅) သိန်းကျော် မြင့်မားသော ဧရာမလူဘီလူးကြီးတစ်ကောင်သည် ဓားပင်လယ်ကြီးထဲမှ ထွက်ပေါ်လာသည်။</p> <p style="text-align:justify">ဤလူဘီလူးကြီးသည် အရောင်လေးမျိုးရှိသော အလင်းတန်းများနှင့် မရေမတွက်နိုင်သော ကြယ်များ ဝန်းရံထားလျက် အချိုးအစားကျသော ကိုယ်လုံးကိုယ်ပေါက် ခန့်ညားသော မျက်နှာပိုင်ရှင် ဖြစ်နေသည်။ </p> <p style="text-align:justify">သူ၏ မျက်လုံးများမှာ လောင်ကျွမ်းနေသော နေမင်းနှစ်စင်းအလား ဖြစ်နေပြီး ၎င်းတို့အတွင်း၌ ခြေသုံးချောင်း ရွှေကျီးကန်းများ လှည့်ပတ်နေသည်။</p> <p style="text-align:justify">သူ၏နားရွက်တွင် အပြာရင့်ရောင်မြွေတစ်ကောင် တွဲလောင်းကျနေပြီး ခန္ဓာကိုယ်မှာ ချီလင်နှင့် လိပ်နက်တက်တူးများဖြင့် ဖုံးလွှမ်းထားသည်။ </p> <p style="text-align:justify">သူခြေလှမ်းလှမ်းလိုက်သည့် အခိုက်အတန့်မှာပင် ကြယ်တာရာကောင်းကင်ယံရှိ မိုးမြေစွမ်းအားနှင့် စကြဝဠာစွမ်းအင် (၈၀) ရာခိုင်နှုန်းကျော်သည် စုစည်းသွားကာ မျက်စိဖြင့်ပင် မမြင်နိုင်သော ရေစီးကြောင်းများနှင့် ဒီရေလှိုင်းများအဖြစ် သူ့ထံသို့ အလုံးအရင်းနှင့် စီးဝင်သွားကြသည်။</p> <p style="text-align:justify">လူတိုင်း မှင်သက်သွားကြသည်။ </p> <p style="text-align:justify">ထို့နောက် သူတို့ ဘာဖြစ်နေသည်ကို လျင်မြန်စွာ နားလည်သွားကြပြီး အလွန်အမင်း တုန်လှုပ်ချောက်ချားသွားကြသဖြင့် မျက်နှာအမူအရာနှင့် အသံများပင် ပုံပျက်သွားကာ မယုံကြည်နိုင်စွာဖြင့် အသက်ရှူမှားသွားကြသည်။</p> <p style="text-align:justify">"ဒါက... လုရှန်ရဲ့ သိုင်းတရားပုံရိပ် လား" </p> <p style="text-align:justify">ရှူး...။ </p> <p style="text-align:justify">ပရိသတ်အားလုံးထံမှ ပြင်းထန်သော အသက်ရှူသံများ လေထုထဲ၌ ပြည့်နှက်သွားသည်။ လူအများစု၏ မျက်လုံးများမှာ မျက်လုံးအိမ်ထဲမှ ကျွတ်ထွက်လာလုမတတ်ပင်။</p> <p style="text-align:justify">သူတို့သည် ယခင်က သိုင်းကိုယ်ပွားများကို မြင်ဖူးခဲ့ကြသော်လည်း မီတာ (၅) သိန်းကျော် မြင့်မားသော သိုင်းတရားပုံရိပ်ကိုမူ တစ်ခါမျှ မကြားဖူးခဲ့ကြပေ။</p> <p style="text-align:justify">"သိုင်းတရားပုံရိပ်က ဒီလောက် အရွယ်အစားအထိ ကြီးထွားနိုင်လို့လား" </p> <p style="text-align:justify">အချို့လူများက တိုက်ရိုက်ပင် ညည်းတွားလိုက်ကြသည်။ </p> <p style="text-align:justify">"ဒါက သိပ်ကို အဓိပ္ပါယ် မရှိလွန်းဘူး" </p> <p style="text-align:justify">"အဓိက အချက်က..." </p> <p style="text-align:justify">တစ်စုံတစ်ယောက်က ရေရွတ်လိုက်သည်။</p> <p style="text-align:justify">"လုရှန်က အခုမှ အဆင့် ၁၀ ပဲ ရှိသေးတာလေ။ သူသာ အဆင့် ၁၁ ကို ရောက်သွားရင်... ဘယ်လောက်တောင် မြင့်သွားဦးမလဲ" </p> <p style="text-align:justify">“ငါ့ဦးရေပြားတွေတောင် ထုံကျင်လာပြီ”</p> <p style="text-align:justify">တစ်ခဏမျှ လူတိုင်းမှာ အလွန်အမင်း တုန်လှုပ်သွားကြသဖြင့် စကားပင် မပြောနိုင်တော့ချေ။ ချန်ယွီရှုပင်လျှင် အလွန်အမင်း အံ့အားသင့်သွားသည်။ </p> <p style="text-align:justify">သို့သော် သူ လျင်မြန်စွာ သတိပြန်ဝင်လာပြီး သူ၏ မျက်လုံးများထဲတွင် အေးစက်သော အလင်းတန်းတစ်ခု ပေါ်လာသည်။</p> <p style="text-align:justify">"ငါ့ရဲ့ ဓားချက်ကို တန်ပြန်ဖို့ မင်းရဲ့ တရားပုံရိပ်ကို သုံးမယ်ပေါ့လေ။ ကောင်းတဲ့ စိတ်ကူးပါပဲ... ဒါပေမယ့်... မင်း တကယ်ပဲ တားဆီးနိုင်မလား" </p> <p style="text-align:justify">"ဟက်..." </p> <p style="text-align:justify">ချန်ယွီရှု လှောင်ပြောင်လိုက်ပြီး မီတာ တစ်သောင်း ရှည်လျားသော ရွှေရောင်ဓားကြီးဖြင့် အောက်သို့ ဆက်လက် ခုတ်ပိုင်းလာသည်။ </p> <p style="text-align:justify">ဟင်းလင်းပြင် ငါးလွှာကိုပင် ဆုတ်ဖြဲနိုင်စွမ်းရှိသော ကြောက်မက်ဖွယ် ဓားအလင်းတန်းအောက်တွင် မီတာ (၅) သိန်းမြင့်သော တရားပုံရိပ်ကြီးပင်လျှင် အလွန်တရာ ကျိုးပဲ့လွယ်နေပုံရသည်။ ၎င်းမှာ ဧရာမကွက်လပ်ကြီးတစ်ခုနှင့်အတူ အလွယ်တကူ ဆုတ်ဖြဲခံလိုက်ရသည်။</p> <p style="text-align:justify">သို့သော် ထိုအက်ကွဲကြောင်းကြီး မကျယ်ပြန့်လာမီမှာပင် မီတာငါးသိန်းအထိ မြင့်မားခဲ့သော တရားပုံရိပ်ကြီးမှာ ရုတ်ချည်း ပြန်လည်ကျုံ့ဝင်သွားသည်။ မျက်စိတစ်မှိတ်အတွင်းမှာပင် ၎င်းသည် ဓားပင်လယ်ကြီးထဲသို့ တစ်စမကျန် နစ်မြုပ်ပျောက်ကွယ်သွားရာ တစ်ခါက ရှိခဲ့ဖူးသည်ဟုပင် မထင်ရတော့ချေ။</p> <p style="text-align:justify">"သူတို့ လှည့်ကွက်တွေ ကုန်သွားပြီပဲ။ ဟား..." </p> <p style="text-align:justify">ချန်ယွီရှု၏ အပြုံးများ ပို၍ပင် နက်ရှိုင်းကျယ်ပြန့်လာသည်။ သူ ထပ်မံတုံ့ဆိုင်းမနေတော့ဘဲ ထိုပုံရိပ်ကြီး ပျောက်ကွယ်သွားသည့် နေရာဆီသို့ သူ၏ပျံသန်းဓားကို အားကုန်သုံးကာ ခုတ်ပိုင်းချလိုက်လေသည်။</p> <p style="text-align:justify">သို့သော် နောက်တစ်စက္ကန့်တွင်ကား...။</p> <p style="text-align:justify">ထန်း...။ </p> <p style="text-align:justify">ရွှေရောင်ဖန်သားပြင်အလား တောက်ပနေသော ဧရာမလက်ဝါးကြီးတစ်ဖက်သည် ဓားပင်လယ်ထဲမှ ဝုန်းခနဲ ထွက်ပေါ်လာပြီး မျက်စိကျိန်းမတတ် ဝင်းလက်နေသည့် မီတာတစ်သောင်းရှည် ရွှေရောင်ဓားကြီးကို အသာအယာပင် ဖမ်းဆုပ်လိုက်တော့သည်။</p> <p style="text-align:justify">ထိုခဏ၌ပင် ပုံရိပ်တစ်ခုသည် ဓားပင်လယ်ထဲမှ အရှိန်အဝါအပြည့်ဖြင့် ထွက်ပေါ်လာသည်။ </p> <p style="text-align:justify">ထိုပုံရိပ်သည် ရွှေနှင့် သလင်းကျောက်တို့ကို သွန်းလုပ်ထားသကဲ့သို့ ရွှေရောင်အဆင်း လွှမ်းမိုးနေပြီး ကြည့်ရသူတိုင်းကို ပြိုင်ဘက်ကင်းသော မွန်မြတ်မှုနှင့် ခန့်ညားထည်ဝါမှုတို့ကို ပေးစွမ်းနေသည်။</p> <p style="text-align:justify">သူသည် မိမိကိုယ်ထည်ထက် အဆပေါင်းတစ်ထောင်မက ကြီးမားလှသော ကြောက်မက်ဖွယ်ရာ ပျံသန်းဓားကြီးကို လက်တစ်ဖက်တည်းဖြင့် အေးအေးလူလူ ဖမ်းကိုင်ထားခြင်းဖြစ်သည်။ ဓား၏ ထက်မြက်လှသော အရှိန်အဝါများက သူ၏ခန္ဓာကိုယ်ကို လာရောက်ရိုက်ခတ်သော်လည်း သတ္တုချင်း ထိခိုက်မိသကဲ့သို့ ကြည်လင်ပြတ်သားသော အသံများသာ တချွင်ချွင် ထွက်ပေါ်နေသည်။</p> <p style="text-align:justify">သူသည် ဒဏ္ဍာရီလာ ပန်းချီကားချပ်ထဲမှ ထွက်ပေါ်လာသော ပြင်းထန်သည့် ဒဏ္ဍာရီလာ အရှိန်အဝါများ ပြည့်နှက်နေသည့် ရှေးဟောင်း စစ်နတ်ဘုရား တစ်ပါးအလားပင်။</p> <p style="text-align:justify">"စတုတ္ထမြောက် နတ်ဘုရားစွမ်းအား... ရွှေရောင် သလင်းကျောက် ကိုယ်ထည်"</p> <p style="text-align:justify">လုရှန်သည် ဧရာမဓားကြီးကို လက်တစ်ဖက်ဖြင့် မြဲမြံစွာ ဆုပ်ကိုင်ထားရင်း အဝေးရှိ ချန်ယွီရှုအား စူးစိုက်ကြည့်နေသည်။ သူ ခန္ဓာကိုယ်ကို ဖြည်းညှင်းစွာ ဆန့်ထုတ်လိုက်ရာ အရိုးအဆစ်များမှ ဂျွတ်ခနဲ ချွင်ခနဲ အသံများ တစ်ဆက်တည်း ထွက်ပေါ်လာသည်။</p> <p style="text-align:justify">သူ ညင်သာစွာပင် ဆိုလိုက်သည်။</p> <p style="text-align:justify">"မင်း ခုတ်လို့ ဝပြီလား။ အခုတော့... မင်းကို ငါ ခုတ်မယ့် အလှည့် ရောက်ပြီ" </p> <p style="text-align:justify">ထိုသို့ပြောပြီးနောက် လုရှန် ရှေ့သို့ တစ်လှမ်း တိုးလိုက်သည်။ </p> <p style="text-align:justify">ထိုအရှိန်အဝါမှာ ကြယ်တာရာ ကောင်းကင်ယံကြီးကို ခုတ်ပိုင်းသွားမည့် ရွှေရောင် ကောင်းကင်ဓားကြီးတစ်လက်အလားပင် ထင်မှတ်ရတော့သည်။</p> <p style="text-align:justify"> </p> <p style="text-align: center;">***<br />  </p>


Save