Book List

<h2 style="text-align: center;">အခန်း (၆၉၄)</h2> <h2 style="text-align: center;">*</h2> <p> </p> <p style="text-align:justify">ယာမူ နယ်မြေ၏ ပင်မ ကြယ်တာရာ စနစ်ရှိ ထိပ်တန်း ဆေးဘက်ဆိုင်ရာ အဖွဲ့အစည်း တစ်ခုအတွင်း…။</p> <p style="text-align:justify">လုရှန်သည် စင်္ကြံလမ်းတွင် ရပ်နေပြီး သူ့ အရှေ့ရှိ ဝဖိုင့်ဖိုင့်နှင့် စီးပွားရေး ဝတ်စုံ ဝတ်ဆင်ထားသော လူလတ်ပိုင်း တစ်ဦးအား တည်ငြိမ်စွာ ကြည့်နေသည်။ </p> <p style="text-align:justify">"ဆောရီးပါ... ခင်ဗျား ပြောတဲ့စကားကို ကျွန်တော် နည်းနည်းလေးမှ စိတ်မဝင်စားဘူး" </p> <p style="text-align:justify">"အဆွေတော် လုရှန်... ကျေးဇူးပြုပြီး ထပ်စဉ်းစားပေးပါဦး။ ကျွန်တော်တို့ အဖွဲ့က လျော်ကြေးငွေနဲ့ ပတ်သက်ပြီး လုံးဝ ကပ်စေးနှဲမှာ မဟုတ်ပါဘူး..." </p> <p style="text-align:justify">ချွေးများ ရွှဲရွှဲစိုနေသော ဝဖိုင့်ဖိုင့် လူလတ်ပိုင်းကြီးမှာ ကြိုးစားနေဆဲဖြစ်သည်။ မကြာမီ သူ၏ အနောက်တွင် တရားဥပဒေ စိုးမိုးရေး ဝတ်စုံများ ဝတ်ဆင်ထားသော တောင့်တင်းခိုင်မာသည့် အမျိုးသား သုံးလေးဦး ပေါ်လာလေသည်။</p> <p style="text-align:justify">ခိုးကြောင်ခိုးဝှက် ဝင်လာတဲ့ နောက်ထပ် အနှောင့်အယှက် တစ်ယောက်ပဲ…။ </p> <p style="text-align:justify">"သူ့ကို ဖမ်း... အလွတ်မပေးနဲ့" </p> <p style="text-align:justify">တရားဥပဒေ စိုးမိုးရေး အရာရှိများကို မြင်လိုက်ရချိန်တွင် ဝဖိုင့်ဖိုင့် လူလတ်ပိုင်းကြီးမှာ အလွန်အမင်း ထိတ်လန့်သွားပြီး ဖြူလျော့သွားသည်။ သူသည် လုရှန်၏ လက်ထဲသို့ လိပ်စာကတ် တစ်ကတ်ကို ကပျာကယာ ထိုးထည့်ပေးခဲ့ပြီးနောက် လှည့်ပြေးတော့သည်။</p> <p style="text-align:justify">"ဂါရဝပြုပါတယ်... မြို့စားမင်း လုရှန်"</p> <p style="text-align:justify">"ဂါရဝပြုပါတယ်... သခင်"</p> <p style="text-align:justify">လုရှန် နောက်သို့ တစ်လှမ်းဆုတ်လိုက်သည်။ </p> <p style="text-align:justify">တရားဥပဒေစိုးမိုးရေးအဖွဲ့ဝင်များသည် သူ့ဘေးမှ ဖြတ်သွားတိုင်း လေးစားစွာ ဦးညွှတ်ဂါရဝပြုသွားကြပြီးနောက် ထိုဝဖိုင့်ဖိုင့်လူလတ်ပိုင်းကြီးနောက်သို့ အပြေးလိုက်သွားကြသည်။ </p> <p style="text-align:justify">ထိုမြင်ကွင်းကို ကြည့်ရင်း လုရှန်မှာ ပြောစရာစကားမဲ့ကာ အံ့အားသင့်နေမိသည်။</p> <p style="text-align:justify">သူ့လက်ထဲတွင် ရှိနေသည့် ဝဖိုင့်ဖိုင့်ကြီး ချန်ရစ်ထားခဲ့သော လိပ်စာကတ်ကို သူ ငုံ့ကြည့်လိုက်သည်။</p> <p style="text-align:justify">"ရီထျန်း ချီဟွာ အိပ်မက် ရုပ်ရှင်နှင့် ရုပ်သံ ထုတ်လုပ်ရေး" </p> <p style="text-align:justify">ကတ်ပြားပေါ်ရှိ 'ထုတ်လုပ်သူ' ဆိုသည့် စာတန်းအောက်တွင် ဖတ်ရခက်လောက်အောင် ရှည်လျားသော အမည်တစ်ခုကို တွေ့လိုက်ရသည်။</p> <p style="text-align:justify">ထိုလူလတ်ပိုင်းကြီးမှာ ကြယ်တာရာစနစ်များစွာအထိ ဩဇာဖြန့်ကျက်ထားသော ဧရာမလုပ်ငန်းစုကြီးတစ်ခုမှ ထိပ်တန်းထုတ်လုပ်သူတစ်ဦး ဖြစ်နေသည်။</p> <p style="text-align:justify">သူသည် လုရှန်အား သူတို့ကုမ္ပဏီ၏ ဇာတ်လမ်းတွဲသစ်ဖြစ်သည့် 'မသေမျိုး ဒဏ္ဍာရီ' တွင် ခေါင်းဆောင်မင်းသားအဖြစ် သရုပ်ဆောင်စေရန် ဆေးရုံအထိ ခိုးကြောင်ခိုးဝှက် ဝင်လာခဲ့ခြင်းပင်။ </p> <p style="text-align:justify">ဤဇာတ်လမ်းတွဲမှာ လုရှန်၏ ဖြစ်ရပ်မှန်ကို မှီငြမ်းထားခြင်းဖြစ်ပြီး သလင်းကျောက်နက် ငွေပြား ထရီလီယံဆယ်ဂဏန်းကျော် ရင်းနှီးမြှုပ်နှံရန် လျာထားသည်။</p> <p style="text-align:justify">ခေါင်းတစ်ချက်ညိတ်ရုံဖြင့် ထရီလီယံတစ်ဂဏန်းကျော်သော သရုပ်ဆောင်ကြေးနှင့် အကျိုးခံစားခွင့်များကို အလွယ်တကူ ရရှိနိုင်မည်ဖြစ်သည်။ </p> <p style="text-align:justify">ပွင့်ပွင့်လင်းလင်း ပြောရလျှင် နောင်ခြောက်နှစ်အကြာ၌ ကြယ်တာရာစနစ် တစ်ခုလုံးကို ဖျက်ဆီးပစ်နိုင်သော ကြောက်မက်ဖွယ် ကောင်းသည့် အကျပ်အတည်းကြီး တစ်ခု မရှိခဲ့လျှင်သော်လည်းကောင်း ပုံမှန် ကျင့်ကြံရန် အချိန်မလောက်ဟု ခံစားနေရခြင်းမျိုး မရှိခဲ့လျှင်သော်လည်းကောင်း လုရှန် သွေးဆောင်သွေးဆောင်ဖြားယောင်း ခံလိုက်ရပြီး ဖြစ်ပေလိမ့်မည်။</p> <p style="text-align:justify">သလင်းကျောက်နက် ငွေပြား ထရီလီယံ တစ်ဂဏန်း...။</p> <p style="text-align:justify">သူ၏ ဘဝတစ်လျှောက်လုံးတွင် ဒေါ်လာ ထရီလီယံချီ ချမ်းသာသော ကုမ္ပဏီတစ်ခုအား တစ်ခါမျှ မပိုင်ဆိုင်ခဲ့ဖူးပေ။ </p> <p style="text-align:justify">လက်ရှိတွင် သူ ငွေကြေး မပြတ်လပ်ပေ။ တစ်ခုခု လိုအပ်ပါက ယာမူ နယ်မြေ ဖက်ဒရယ် အစိုးရကို အသိပေးလိုက်ရုံသာ ဖြစ်သည်။ </p> <p style="text-align:justify">သို့သော် ဤလောကတွင် မည်သည့်အရာကမျှ မြဲမြံခိုင်မာခြင်း မရှိပေ။ ထို့အပြင် ဖက်ဒရယ် အစိုးရထံမှ အကူအညီများကို အမြဲ တောင်းခံနေရသည်မှာလည်း အတော်လေး အားနာစရာ ကောင်းလှသည်။ </p> <p style="text-align:justify">အရေးအကြီးဆုံး အချက်လည်း ရှိနေသေးသည်။</p> <p style="text-align:justify">"ငါ့မှာ ကလေးရှိနေပြီ... နောင်ကျရင် ကလေးကို ပြုစုပျိုးထောင်ရတော့မယ်..."</p> <p style="text-align:justify">လုရှန်တွင် ကလေး ရှိနေပြီဖြစ်သည်။</p> <p style="text-align:justify">သူသည် ကြယ်တာရာ လေ့ကျင့်ရေးကွင်းတွင် တံခါးပိတ် ကျင့်ကြံရန် သုံးလကျော် အချိန်ယူခဲ့သည်။ တံခါးပိတ် ကျင့်ကြံမှုမှ ထွက်လာပြီးနောက် အချိန်တိုလေးအတွင်း ခွဲခွာနေခဲ့ရသော သူနှင့် တုန်းချင်းရွှယ်တို့မှာ ကြင်စဦး ဇနီးမောင်နှံများအလား ရမ္မက်မီးများ တောက်လောင်ကာ ညတိုင်း ချစ်တင်းနှီးနှောခဲ့ကြသည်။ </p> <p style="text-align:justify">မမျှော်လင့်ထားသည့် ထီပေါက်ခြင်းနှင့်အတူ သူတို့၏ ဘဝထဲသို့ သတင်းကောင်းတစ်ခု ရောက်ရှိလာခဲ့ပြီဖြစ်သည်။</p> <p style="text-align:justify">လုရှန်သည် ဝဖိုင့်ဖိုင့် လူလတ်ပိုင်းကြီး ပေးသွားသော လိပ်စာကတ်ကို သေချာစွာ သိမ်းဆည်းလိုက်ပြီး စင်္ကြံလမ်းကို ဖြတ်လျှောက်ကာ အခန်းတစ်ခန်းထဲသို့ လျင်မြန်စွာ ဝင်သွားလိုက်သည်။ </p> <p style="text-align:justify">အခန်းထဲတွင် တိတ်ဆိတ်ပြီး လင်းထိန်နေကာ လုမိသားစု တစ်ခုလုံး ထိုနေရာတွင် ရှိနေကြသည်။ </p> <p style="text-align:justify">လူတိုင်း၏ မျက်နှာပေါ်တွင် စိတ်လှုပ်ရှားမှုနှင့် ပျော်ရွှင်မှုများ တောက်ပနေဆဲဖြစ်ပြီး သူတို့၏ မျက်လုံးများက ကုတင်ပေါ်တွင် လှဲလျောင်းကာ ဆရာဝန်၏ စစ်ဆေးမှုကို ခံယူနေသော တုန်းချင်းရွှယ်ထံသို့ စူးစိုက်ကြည့်နေကြသည်။</p> <p style="text-align:justify">တုန်းချင်းရွှယ်အား စစ်ဆေးပေးနေသော ဆရာဝန်မှာ နားရွက်ခြောက်ဖက်နှင့် မျက်လုံးငါးလုံး ပါရှိသော အရပ်ရှည်ရှည် အမျိုးသမီး တစ်ဦးဖြစ်သည်။ </p> <p style="text-align:justify">ထိုအချိန်တွင် သူမက ပြုံးရင်း လုမိသားစုအား ပြောလိုက်သည်။</p> <p style="text-align:justify">"မြို့စားကတော်ရဲ့ ကျန်းမာရေး အခြေအနေက အလွန် ကောင်းမွန်ပါတယ်။ သူမရဲ့ ဝမ်းဗိုက်ထဲက ကလေးလေးကလည်း ပုံမှန် ဖွံ့ဖြိုးတိုးတက်နေပါတယ်။ ဒါပေမယ့်... " </p> <p style="text-align:justify">လုရှန် ဝင်လာသည်နှင့် တစ်ပြိုင်နက် ဆရာဝန်၏ "ဒါပေမယ့်" ဟူသော စကားလုံးကို ကြားလိုက်ရသဖြင့် မအောင့်နိုင်တော့ဘဲ လျင်မြန်စွာ မေးလိုက်သည်။</p> <p style="text-align:justify">"ဒါပေမယ့် ဘာဖြစ်လဲ" </p> <p style="text-align:justify">"သခင်"</p> <p style="text-align:justify">လုရှန်အား မြင်လိုက်ရချိန်တွင် ဆရာဝန်မလေးမှာ ကမန်းကတမ်း မတ်တတ်ရပ်ကာ လေးစားစွာ အရိုအသေ ပေးလိုက်သည်။ လုရှန် ပေါ့ပေါ့ပါးပါး လက်ကာပြလိုက်သည်။ ဆရာဝန်မလေးက ပြန်ဖြေလိုက်သည်။</p> <p style="text-align:justify">"မြို့စားမင်းရဲ့ သွေးဆက်က အရမ်း အားကောင်းလွန်းနေတာကြောင့်... ကလေးရဲ့ ကိုယ်ဝန်ဆောင် ကာလက သာမန် လူသားတွေထက် ပိုကြာနိုင်ပါတယ်"</p> <p style="text-align:justify">အတိုချုပ် ပြောရလျှင် ဇနီးသည်၏ ကိုယ်ဝန်ဆောင် ကာလမှာ အချိန်ကြာမြင့်နိုင်သည်ဟု ဆိုလိုခြင်း ဖြစ်သည်။ </p> <p style="text-align:justify">လုရှန်၏ မျက်လုံးများ တောက်ပသွားပြီး မေးလိုက်သည်။</p> <p style="text-align:justify">"ဘယ်လောက်တောင် ကြာမှာလဲ" </p> <p style="text-align:justify">"ရှေးရိုးစွဲ ခန့်မှန်းချက် အရဆိုရင် စကြာဝဠာနှစ် သုံးနှစ်ကျော်လောက် ကြာပါလိမ့်မယ်" </p> <p style="text-align:justify">စကြာဝဠာနှစ် သုံးနှစ် ဆိုသည်မှာ ကမ္ဘာကြယ်၏ အချိန်ကာလအရ ၉ နှစ်နှင့် ညီမျှသည်။ </p> <p style="text-align:justify">ဘုရားရေ... နီကျား မွေးတုန်းကတောင် ဒီလောက် မကြာခဲ့ပါဘူး…။</p> <p style="text-align:justify">မွေးလာတဲ့အခါ လက်တစ်ဖက်က ကောင်းကင်ကို ညွှန်ပြပြီး နောက်လက်တစ်ဖက်က မြေကြီးကို ညွှန်ပြရင်း ကောင်းကင်နဲ့ မြေကြီးမှာ ငါတစ်ယောက်တည်းသာ အမြင့်မြတ်ဆုံး ဖြစ်တယ်။ ငါ့ရဲ့ ကံကြမ္မာက ကောင်းကင်ဘုံရဲ့ လက်ထဲမှာ မဟုတ်ဘဲ ငါ့လက်ထဲမှာပဲ ရှိတယ် လို့များ အော်ဟစ် ကြေညာလေမလား မသိဘူး…။ </p> <p style="text-align:justify">လုရှန်၏ စိတ်များ လွင့်မျောနေပြီး ဘာမှ မပြောတော့ပေ။ သူ ခေါင်းညိတ်ပြလိုက်ပြီး ဆရာဝန်အား ထွက်သွားခွင့် ပြုလိုက်သည်။</p> <p style="text-align:justify">"သုံးနှစ်..." </p> <p style="text-align:justify">ဆရာဝန် ထွက်သွားသည်နှင့် တစ်ပြိုင်နက် ကျန်းယွီဖန်မှာ မအောင့်နိုင်တော့ဘဲ သက်ပြင်းချလိုက်သည်။</p> <p style="text-align:justify">"သုံးနှစ်ဆိုတာ အတော်လေး ကြာလွန်းတယ်"</p> <p style="text-align:justify">"ကောင်းတာတွေက စောင့်ဆိုင်းရကျိုး နပ်တတ်ပါတယ်" </p> <p style="text-align:justify">သို့သော် လုဒါဟိုင်ကမူ ကျယ်ပြန့်စွာ ပြုံးရင်း ပြောလိုက်သည်။</p> <p style="text-align:justify">"နောက်သုံးနှစ်နေရင် ငါတို့က အဘိုးအဘွားတွေ ဖြစ်လာတော့မှာပဲ။ ငါလည်း အဒေါ် ဖြစ်တော့မယ်..." </p> <p style="text-align:justify">လုချင်းဟဲမှာလည်း ပျော်ရွှင်ပြီး စပ်စုချင်နေပုံ ပေါ်သည်။</p> <p style="text-align:justify">တုန်းချင်းရွှယ်သည် ကုတင်ပေါ်တွင် လှဲလျောင်းနေသည်။ သူမ၏ အေးတိအေးစက် နိုင်လှသော မျက်နှာမှာ ယခုအခါ မိခင် မေတ္တာများဖြင့် တောက်ပနေသည်။ သူမသည် လက်များအား ဝမ်းဗိုက်အောက်ပိုင်းတွင် ညင်သာစွာ တင်ထားပြီး အေးချမ်းစွာ ပြုံးနေသည်။ </p> <p style="text-align:justify">မိသားစု တစ်ခုလုံးသည် ပျော်ရွှင်ဖွယ် လေထုထဲတွင် နစ်မျောနေကြပြီး တစ်ဦးနှင့်တစ်ဦး အတူရှိနေရခြင်းကို ကျေနပ်နေကြသည်။</p> <p style="text-align:justify">လုရှန်သည် တုန်းချင်းရွှယ်၏ အနားသို့ ဖြည်းညှင်းစွာ လျှောက်သွားလိုက်သည်။ ထို့နောက် သူမ၏ ဝမ်းဗိုက်အပေါ် လက်ကို ညင်သာစွာ တင်လိုက်သည်။ </p> <p style="text-align:justify">စိတ်စွမ်းအားကို အသုံးပြု၍ စူးစမ်းစရာပင် မလိုဘဲ သူ၏ လက်ဖဝါးအောက်တွင် အသက်ဝင်လှုပ်ရှားနေသော အားကောင်းလှသည့် သက်ရှိသန္ဓေသားလေး၏ ခုန်ပေါက်နေမှုကို ထိတွေ့ ခံစားလိုက်ရသည်။</p> <p style="text-align:justify">ဤသက်ရှိပုံစံသည် လုရှန် ကြယ်တာရာ ပြိုင်ပွဲ၏ ပထမအချီတွင် ယှဉ်ပြိုင်နေစဉ်ကပင် ပေါ်ပေါက်လာခဲ့ခြင်း ဖြစ်သည်။ </p> <p style="text-align:justify">တုန်းချင်းရွှယ်မှာ သိုင်းမဟာသခင်တစ်ဦး ဖြစ်သည့်အတွက် မိမိခန္ဓာကိုယ်အတွင်းမှ ထူးခြားသော အပြောင်းအလဲကို သိရှိခဲ့သော်လည်း အတည်မပြုနိုင်သေးသဖြင့် လုရှန်အား မပြောပြဘဲ ဝှက်ထားခဲ့ခြင်းဖြစ်သည်။</p> <p style="text-align:justify">ထို့ကြောင့် လုရှန်သည် တုန်းချင်းရွှယ်၏ နှလုံးသားထဲမှ ဤသတင်းကို မတော်တဆ ဖတ်ရှုလိုက်ရချိန်တွင် ရုတ်တရက် ပျော်ရွှင်မှုနှင့် စိတ်လှုပ်ရှားမှု လှိုင်းလုံးကြီးများ ရိုက်ခတ်လာပြီး ဇဝေဇဝါနှင့် မှင်သက်နေသော အခြေအနေထဲသို့ ကျရောက်သွားခဲ့ခြင်း ဖြစ်သည်။ </p> <p style="text-align:justify">လုရှန် ခဏမျှ စဉ်းစားလိုက်ပြီး တုန်းချင်းရွှယ်အား ပြောလိုက်သည်။</p> <p style="text-align:justify">"ပြိုင်ပွဲ ဆုလာဘ်တွေ အခုလေးတင် ခွဲဝေပေးပြီးသွားပြီ။ ပြီးတော့ ငါလည်း မြို့စားမင်း အဖြစ်နဲ့ ငါ့ရဲ့ ပိုင်နက်နယ်မြေကို သွားယူရဦးမယ်" </p> <p style="text-align:justify">"ငါတို့ ဂြိုဟ်တစ်လုံး ရွေးပြီး အဲဒီကို အတူတူ ပြောင်းသွားကြတာပေါ့။ အဲဒါမှ ကိုယ်ဝန်ဆောင်ထားစဉ် အတွင်းမှာ မင်းကို သေချာ ဂရုစိုက်လို့ ရမှာလေ"</p> <p style="text-align:justify">"ဂြိုဟ်တစ်လုံး ရွေးမယ်..." </p> <p style="text-align:justify">ဤစကားကို ကြားလိုက်ရချိန်တွင် ဘေးနား၌ ရပ်နေသော လုချင်းဟဲမှာ စပ်စုချင်စိတ်ကို မအောင့်နိုင်တော့ဘဲ မေးလိုက်သည်။</p> <p style="text-align:justify">"အစ်ကို... အစ်ကို့မှာ စုစုပေါင်း ဂြိုဟ်ဘယ်နှလုံး ပိုင်ထားတာလဲ" </p> <p style="text-align:justify">လုရှန်၏ မျက်လုံးများ အနည်းငယ် တောက်ပသွားပြီး တည်ငြိမ်စွာ ပြောလိုက်သည်။ </p> <p style="text-align:justify">"သိပ်မများပါဘူး... တစ်သိန်းလောက်ပဲ ရှိတာပါ"</p> <p style="text-align:justify">"အမ်..." </p> <p style="text-align:justify">အခန်းထဲတွင် ထူးဆန်းသော တိတ်ဆိတ်မှုကြီး တစ်ခု ကျရောက်သွားတော့သည်။ </p> <p style="text-align: center;"><br /> ***</p>


Save