Book List

<h2 style="text-align: center;">အခန်း (၆၉၇)</h2> <h2 style="text-align: center;">*</h2> <p> </p> <p style="text-align:justify">လုရှန် ရောက်ရောက်ချင်းမှာပင် လန့်ဖျပ်သွားရသည်။ </p> <p style="text-align:justify">"ဘုရားရေ..."</p> <p style="text-align:justify">လွန်ခဲ့သော နှစ်များစွာက သူ ပေါ့ပေါ့ပါးပါး စိုက်ပျိုးခဲ့သော ဗီဇပြောင်းဆဲလ် မျိုးစေ့လေးသည် ယခုအခါ ကြီးထွားလာခဲ့ပြီ ဖြစ်ကြောင်း လုရှန် အံ့အားသင့်စွာ တွေ့ရှိလိုက်ရသည်။ </p> <p style="text-align:justify">၎င်းမှာ ဧရာမ သတ္တဝါကြီး တစ်ကောင်အဖြစ် ကြီးထွားလာခဲ့လေပြီ။ </p> <p style="text-align:justify">ခြုံငုံကြည့်ရလျှင် ပုံသဏ္ဍာန် မမှန်သော ဧရာမ အသားစိုင်ကြီး တစ်ခု ဖြစ်သည်။ အပြင်ဘက် မျက်နှာပြင်မှာ ထူထဲပြီး မာကျောသော အခွံတစ်ခု ဖြစ်သည်။ </p> <p style="text-align:justify">ပုံသဏ္ဍာန်ကို ဖော်ပြရလျှင် ဧရာမ အနက်ရောင် ပင်လယ်ခရုခွံကြီး တစ်ခု ဖြစ်သည်။ </p> <p style="text-align:justify">ဤအနက်ရောင် ခရုခွံကြီးသည် ချောက်ကမ်းပါး၏ အနက်ရှိုင်းဆုံး အပိုင်းမှ မီတာ ထောင်ပေါင်းများစွာ အကွာတွင် တည်ရှိသည်။ စုစုပေါင်း အနက်မှာ မီတာ သောင်းနှင့်ချီ ရှိလောက်ပေသည်။ </p> <p style="text-align:justify">အခွံကြီးထဲတွင် ထူးဆန်းပြီး ဆန်းကြယ်သော လက်မောင်းများ ခြေထောက်များနှင့် ပေါင်တံများ မျိုးစုံဖြင့် ပြည့်နှက်နေသည်။ အများစုမှာ မျက်လုံးများနှင့် ရေဘဝဲ လက်တံများ ဖြစ်ကြသည်။ </p> <p style="text-align:justify">ထို့နောက် လွှသွားကဲ့သို့ သွားများဖြင့် ဖုံးလွှမ်းထားသော ဧရာမ ပါးစပ်ကြီး တစ်ပေါက် ရှိသည်။ </p> <p style="text-align:justify">ထောင်ပေါင်းများစွာသော ရှည်လျားသည့် လက်တံများသည် ချောက်ကမ်းပါး၏ အနက်ပိုင်း တစ်ခုလုံး နီးပါးကို ဖုံးလွှမ်းထားပြီး မီးခိုးရောင် အက်ကွဲကြောင်း တစ်ခုစီ၏ ပတ်လည်တွင် ဧရာမ စပါးအုံးမြွေကြီးများအလား ရစ်ခွေနေကြသည်။ </p> <p style="text-align:justify">အက်ကွဲကြောင်းထဲမှ ထူးဆန်းသော သားရဲကောင် တစ်ကောင် ပြေးထွက်လာတိုင်း မြေကြီးပေါ်သို့ မကျရောက်မီမှာပင် ဤလက်တံများက ၎င်းအား ခရုခွံကြီး အတွင်းသို့ လျင်မြန်စွာ ရစ်ပတ်ဆွဲယူပြီး ဧရာမ ပါးစပ်ကြီးထဲသို့ ပို့ဆောင်လိုက်ကြသည်။ </p> <p style="text-align:justify">ဧရာမ ပါးစပ်ကြီးသည် အဆက်မပြတ် စားသောက်နေပြီး အဆက်မပြတ် ကြီးထွားလာနေသည်။ </p> <p style="text-align:justify">ဤချောက်ကမ်းပါး တွင်းနက်ကြီး၏ အဓိက အာဏာရှင်ကြီး တစ်ပါး ဖြစ်လာခဲ့ပြီမှာ ထင်ရှားသည်။ </p> <p style="text-align:justify">လုရှန် ယခင်က မြင်တွေ့ခဲ့ဖူးသော အဆင့်ကိုး ဝေလငါး သားရဲကောင်ကြီးမှာ ပျောက်ကွယ်သွားခဲ့ပြီ ဖြစ်ရာ လွန်ခဲ့သော အချိန်ကတည်းက စားသောက်ခံလိုက်ရပြီ ဖြစ်လောက်သည်။</p> <p style="text-align:justify">"ဒီကို လာခဲ့..." </p> <p style="text-align:justify">ဤအခိုက်အတန့်တွင် ထူးဆန်းသော အသိစိတ် လှိုင်းဂယက်တစ်ခု ချောက်ကမ်းပါး၏ အနက်ရှိုင်းဆုံး နေရာမှ ထွက်ပေါ်လာသည်။ </p> <p style="text-align:justify">ချက်ချင်းဆိုသလိုပင် လုရှန်သည် ထိုအရာအား သူနှင့် "ထိပ်တိုက်တွေ့ဆုံမှု" တစ်ကြိမ်မက ရှိခဲ့ဖူးသော သူ ဖြစ်ကြောင်း မှတ်မိလိုက်သည်။ </p> <p style="text-align:justify">လုရှန်၏ မျက်လုံးများ တောက်ပသွားသည်။ ထို့နောက် သူ၏ ပင်မ အသိစိတ်ကို ကျုံ့လိုက်ကာ ခန္ဓာကိုယ် ထိန်းချုပ်မှုအား သူ၏ ဗီဇပြောင်း ကိုယ်ပွား၏ ဗီဇစိတ်များထံသို့ ပြန်လည် လွှဲပြောင်းပေးလိုက်သည်။ </p> <p style="text-align:justify">သူ ၏ အသိစိတ် လမ်းညွှန်မှုအောက်တွင် ဧရာမ အနက်ရောင် ခရုခွံကြီးသည် ချောက်ကမ်းပါး၏ အောက်ခြေသို့ လျင်မြန်စွာ နစ်မြုပ်သွားသည်။ </p> <p style="text-align:justify">မကြာမီတွင် လုရှန်သည် ချောက်ကမ်းပါး အက်ကွဲကြောင်းများဖြင့် ပြည့်နှက်နေသော နေရာသို့ ရောက်ရှိသွားသည်။ နောက်ဆုံးအကြိမ် လာရောက်ခဲ့စဉ်ကနှင့် နှိုင်းယှဉ်လျှင် ဤနေရာရှိ အက်ကွဲကြောင်း အရေအတွက်မှာ ထပ်မံ တိုးပွားလာပုံရသည်။ </p> <p style="text-align:justify">"ဘယ်လောက်တောင် ကြာသွားပြီလဲ..." </p> <p style="text-align:justify">လုရှန်၏ နှလုံးသား အနည်းငယ် လေးလံသွားသည်။ </p> <p style="text-align:justify">အနက်ရောင် ခရုခွံကြီးသည် ချောက်ကမ်းပါး၏ အောက်ခြေသို့ ကျရောက်သွားပြီး လက်တံများနှင့် ခြေလက်အင်္ဂါများ အားလုံး ငြိမ်သက်သွားကြသည်။ </p> <p style="text-align:justify">မရေမတွက်နိုင်သော အကြီးအသေး မျက်လုံးများမှာ ပတ်ဝန်းကျင်အား စပ်စုသလို ကြည့်ရှုနေကြသည်။ </p> <p style="text-align:justify">"လိမ္မာတဲ့ ကလေးလေး..." </p> <p style="text-align:justify">ထိုအသိစိတ် လှိုင်းဂယက် ထပ်မံ ထွက်ပေါ်လာပြန်သည်။ </p> <p style="text-align:justify">ဤအသိစိတ် ထွက်ပေါ်လာသည်နှင့် တစ်ပြိုင်နက် ဤနေရာရှိ မရေမတွက်နိုင်သော အက်ကွဲကြောင်းများသည် ချက်ချင်းဆိုသလိုပင် မီးခိုးရောင်မှ အနက်ရောင်သို့ ပြောင်းလဲသွားကြသည်။ </p> <p style="text-align:justify">ထို့နောက် မျက်လုံးပုံသဏ္ဍာန်များ အဖြစ်သို့ ပြောင်းပြန်လှန်သွားကြသည်။ </p> <p style="text-align:justify">ထိုမြင်ကွင်းသည် မရေမတွက်နိုင်သော မျက်လုံးများက နှင်းခွဲမှန် တစ်ချပ်မှတဆင့် စူးစူးစိုက်စိုက် ကြည့်နေသကဲ့သို့ပင်။ </p> <p style="text-align:justify">ထိုမြင်ကွင်းမှာ အလွန်တရာ ကျောချမ်းစရာ ကောင်းလှသည်။ သူ ယခင်က တစ်ကြိမ် မြင်ဖူးခဲ့သော်လည်း ကြက်သီးမထဘဲ မနေနိုင်ခဲ့ချေ။ </p> <p style="text-align:justify">သို့သော် ပြီးခဲ့သော အကြိမ်နှင့် မတူညီသည်မှာ ဤမျက်လုံးများသည် ကြောက်မက်ဖွယ် ကောင်းနေသော်လည်း ခံစားချက်များကို ထုတ်ဖော်ပြသနေခြင်းပင်။ </p> <p style="text-align:justify">ဒါက... ဂရုဏာသက်မှုတဲ့လား…။ </p> <p style="text-align:justify">ထိုအချိန်တွင် အနက်ရောင် ရေစီးကြောင်းကြီး တစ်ခုသည် ထိုမရေမတွက်နိုင်သော မျက်လုံးများ၏ သူငယ်အိမ်များထဲမှ ရုတ်တရက် ပေါက်ကွဲထွက်လာသည်။ </p> <p style="text-align:justify">လုရှန် မျက်လုံးပြူးသွားသည်။ ထိုအနက်ရောင် ရေစီးကြောင်းသည် အမှန်စင်စစ် မရေမတွက်နိုင်သော သေးငယ်သည့် အနက်ရောင် သလင်းကျောက်များဖြင့် ဖွဲ့စည်းထားခြင်း ဖြစ်ကြောင်း သတိပြုမိလိုက်သည်။ </p> <p style="text-align:justify">အနက်ရောင် သလင်းကျောက်များသည် ချောက်ကမ်းပါး တွင်းနက်ကြီးထဲတွင် နေရာအနှံ့ ရှိနေသော အနက်ရောင် မြူခိုးများဖြင့် ဖွဲ့စည်းထားခြင်း ဖြစ်သည်။ </p> <p style="text-align:justify">ဧရာမ အနက်ရောင် မြူခိုးကြီးအား အစွန်းရောက် အရွယ်အစားအထိ ကျုံ့ထားခြင်းပင်။</p> <p style="text-align:justify">၎င်းသည် စကြာဝဠာ၏ အမှောင်ဘက်ခြမ်း စွမ်းအင်များကို ကိုယ်စားပြုသည်။ </p> <p style="text-align:justify">ဗီဇပြောင်းဆဲလ်များ အတွက်မူ ထိုအရာသည် ပြိုင်ဘက်ကင်း အားဆေးတစ်လက်ပင် ဖြစ်တော့သည်။</p> <p style="text-align:justify">တစ်ချိန်တည်းမှာပင် အနက်ရောင် ခရုခွံကြီး အတွင်းရှိ ဧရာမ ပါးစပ်ကြီးမှာ အချိန်ကိုက် ပွင့်လာသည်။ ထို့နောက် သူ့အား ကျွေးမွေးနေသော မရေမတွက်နိုင်သည့် အနက်ရောင် အရည်စီးကြောင်းများအား လောဘတကြီး ဝါးမျိုလိုက်တော့သည်။ </p> <p style="text-align:justify">အားကောင်းလှသော ရေစီးကြောင်းများဖြင့် ပြုစုပျိုးထောင်ခြင်း ခံရသဖြင့် ကိုယ်ခန္ဓာကြီးမှာ ပိုပို၍ ကြီးထွားလာပြီး မျက်လုံးများလည်း ပို၍ ကျယ်လာသည်။ </p> <p style="text-align:justify">ခြေလက်အင်္ဂါများနှင့် လက်တံများသည်လည်း လျင်မြန်စွာ ကြီးထွားလာပြီး အရေအတွက် တိုးပွားလာသည်။ </p> <p style="text-align:justify">ကြည့်ရတာ ဒါက ပထမဆုံးအကြိမ် ဖြစ်ပုံမရဘူး…။ </p> <p style="text-align:justify">ဗီဇပြောင်းဆဲလ်တွေ ဒီလောက် မြန်မြန် ကြီးထွားလာတာ အံ့သြစရာ မဟုတ်တော့ပါဘူး…။ </p> <p style="text-align:justify">လုရှန်၏ ရှုထောင့်မှ ကြည့်လျှင် မရေမတွက်နိုင်သော မျက်ရည်ဝိုင်းနေသည့် မျက်လုံးများက ဧရာမ ပုံပျက်ပန်းပျက် ခရုခွံ ဘီလူးကြီး တစ်ကောင်ကို မည်သည့် ချန်လှပ်ထားမှုမျှ မရှိဘဲ အစာကျွေးနေကြသည်။ </p> <p style="text-align:justify">ဤထူးဆန်းပြီး ကြောက်မက်ဖွယ်ကောင်းသော မြင်ကွင်းက သူ့အား အမှန်တကယ်ပင် မျှော်လင့်ချက် ရောင်ခြည်သန်းစေသည်။ </p> <p style="text-align:justify">နွေးထွေးမှု ခံစားချက်တဲ့လား...။ </p> <p style="text-align:justify">"စားပါ... စားပါ... များများစားပြီး မြန်မြန် ကြီးထွားလာခဲ့..." </p> <p style="text-align:justify">ပြုစုပျိုးထောင်နေစဉ် ကာလအတွင်း "သူ" ၏ အသိစိတ်များမှာ ဆက်လက် ပျံ့လွင့်နေသည်။ </p> <p style="text-align:justify">လုရှန် ထုံကျင်နေမိသည်။ </p> <p style="text-align:justify">ဤသည်မှာ ဂြိုဟ်သား ကိုယ်ပွားအား သားတစ်ယောက်ကဲ့သို့ ပြုစုပျိုးထောင်ပေးနေခြင်း မဟုတ်လော။</p> <p style="text-align:justify">ဂြိုဟ်သား ကိုယ်ပွားသည် "သူ" ၏ အသိစိတ်ဖြင့် ပြုစားခံရနိုင်ခြေ ရှိကြောင်း လုရှန် ကြိုတင် တွက်ဆထားခဲ့ပြီးသား ဖြစ်သည်။ </p> <p style="text-align:justify">သို့သော် ဤပုံစံ ဖြစ်လာလိမ့်မည်ဟု သူ မမျှော်လင့်ထားခဲ့မိပေ။ </p> <p style="text-align:justify">လက်ပါးစေအဖြစ် သွေးဆောင်ဖြားယောင်းလိုလျှင်ပင် ဤမျှများပြားသော အကျိုးအမြတ်တို့ကို ပေးအပ်ရန် မလိုအပ်လှပေ။</p> <p style="text-align:justify">ဗီဇပြောင်း ကိုယ်ပွား၏ စွမ်းအားတို့မှာလည်း အဆင့် ၁၀ သို့ ကူးပြောင်းရန် ချဉ်းကပ်နေပြီ ဖြစ်သည်။</p> <p style="text-align:justify">လုရှန်မှာ အကြောင်းရင်းကို မတွေးဆနိုင်ဘဲ ခေါင်းရှုပ်နေစဉ်မှာပင် 'သူ' ထံမှ အမိန့်သံတစ်ခု ရောက်ရှိလာသည်။</p> <p style="text-align:justify">"ကြီးထွားလာခဲ့… ပိုသန်မာလာခဲ့... ပြီးရင် သူ့ကို ဖမ်း..." </p> <p style="text-align:justify">ဤသတင်းစကားနှင့်အတူ ပုံရိပ်တစ်ခုမှာလည်း တစ်ပါတည်း ပါလာသည်။ </p> <p style="text-align:justify">ပုံရိပ်ထဲတွင် တည်ငြိမ်သော အကြည့်နှင့် ခန့်ညားသော အသွင်အပြင်ရှိသည့် လူငယ်လေး တစ်ဦးက အေးစက်သော အပြုံးဖြင့် "မင်း... သတ္တိရှိရင် ဒီကို လာခဲ့လေ" ဟု ထပ်ခါတလဲလဲ ပြောနေသည်။ </p> <p style="text-align:justify">ထိုလူမှာ လုရှန် ကိုယ်တိုင်ပင် ဖြစ်နေသည်။</p> <p style="text-align:justify">ဤအခိုက်အတန့်တွင် သံသယ အားလုံး ဖြေရှင်းသွားခဲ့လေပြီ။ </p> <p style="text-align:justify">"သူ" က ငါ့ကို အရမ်းမုန်းလွန်းလို့ ခြောက်နှစ်တောင် မစောင့်နိုင်တော့ဘဲ ငါ့ကို ဒုက္ခပေးဖို့အတွက် ဒီမှာ စွမ်းရည်ရှိတဲ့ လက်ပါးစေ တစ်ကောင်ကို ကြိုတင် လေ့ကျင့်ပေးဖို့ စဉ်းစားနေတာ ဖြစ်လောက်တယ်…။</p> <p style="text-align:justify">မိမိအား အန္တရာယ်ပြုမည့်သူမှာ မည်သို့ပင်ဆိုစေကာမူ သဘာဝအလျောက် အားကောင်းနေရန် လိုအပ်ပေသည်။</p> <p style="text-align:justify">ဤအချိန်တွင် ချောက်ကမ်းပါး တွင်းနက်ကြီးထဲ၌ ၎င်း၏ အလားအလာကို စတင် ပြသနေသော ဗီဇပြောင်း ကိုယ်ပွားမှာ "သူ" ၏ မျက်စိကျစရာ ဖြစ်လာခဲ့ခြင်း ဖြစ်သည်။ </p> <p style="text-align:justify">အသွင်ပြောင်းလဲခြင်းနှင့် ဆင့်ကဲပြောင်းလဲခြင်းများ သန်းနှင့်ချီ၍ ကြုံတွေ့ထားရသည့် ထိုဗီဇပြောင်း ကိုယ်ပွားများမှာ သာမန်ဂြိုဟ်သားသားရဲကောင်များနှင့် နှိုင်းယှဉ်လျှင် အဆပေါင်းများစွာ သာလွန်သည့် ပါရမီရှင်များ ဖြစ်ကြသည်။</p> <p style="text-align:justify">ထို့အပြင် မိမိ၏ အသိစိတ် ကင်းမဲ့နေချိန်၌ ထိုကိုယ်ပွားမှာ မွေးကင်းစကလေးတစ်ဦးကဲ့သို့ အသိစိတ် ဗလာကျင်းနေသဖြင့် ထိန်းချုပ်ရန်မှာလည်း အလွန်ပင် လွယ်ကူလှသည်။</p> <p style="text-align:justify">ဤကဲ့သို့ ကဏ္ဍစုံတွင် ပြည့်စုံနေသည့် ယာဉ်မောင်းကောင်းတစ်ယောက်အား 'သူ' အနေဖြင့် စိတ်ပါလက်ပါ မပြုစုပျိုးထောင်ဘဲ နေပါ့မည်လော။</p> <p style="text-align:justify">"တကယ်လို့သာ သူ သားအရင်းလို ပြုစုပျိုးထောင်ပေးနေတဲ့ ကောင်က တကယ်တော့ ငါ့ရဲ့ ကိုယ်ပွား ဖြစ်နေတယ် ဆိုတာကို သိသွားရင်... သူ ဘယ်လောက်တောင် ဒေါသထွက်သွားလိုက်မလဲ" </p> <p style="text-align:justify">လုရှန်မှာ ထိုအချက်ကို တွေးတောမိရင်း သူ့အား နို့တိုက်ကျွေးမွေး နေသော 'သူ' အား စိတ်ထဲမှ တိတ်တဆိတ်ပင် လက်မထောင်၍ အသိအမှတ်ပြုလိုက်မိသည်။</p> <p style="text-align:justify">"သူတို့က ငါ့ကို တိုက်ခိုက်ဖို့အတွက် ငါ့ကို လေ့ကျင့်ပေးနေကြတာပဲ" </p> <p style="text-align:justify">မင်းကတော့ တကယ်ပါပဲကွာ...မင်းက စကြာဝဠာ အမှောင်ဘက်ခြမ်းရဲ့ ဉာဏ်ပညာ အရှင်သခင်ကြီးပဲ မဟုတ်လား။</p> <p style="text-align:justify"> </p> <p style="text-align: center;">***</p>


Save