Book List

<h2 style="text-align: center;">အခန်း (၆၉၈)</h2> <h2 style="text-align: center;">*</h2> <p> </p> <p style="text-align:justify">သူ့အား ပြုစုပျိုးထောင်ခြင်း လုပ်ငန်းစဉ်သည် တစ်ရက်လုံး ကြာမြင့်ခဲ့သည်။ </p> <p style="text-align:justify">လုရှန်သည် သူ၏ ဗီဇပြောင်း ကိုယ်ပွား၏ အင်အားမှာ အဆင့် ၉ မှနေ၍ အဆင့် ၁၀ သို့ ချိုးဖျက်ဝင်ရောက်သွားပြီး ထိုမှတဆင့် အဆင့် ၁၀ အလယ်အလတ်ပိုင်းအထိ ဆက်လက် မြင့်တက်သွားသည်ကို စောင့်ကြည့်နေခဲ့သည်။ </p> <p style="text-align:justify">"အေ့..." </p> <p style="text-align:justify">ကီလိုမီတာ အတော်များများ ကြီးမားသည့် အနက်ရောင် ပူဖောင်းကြီး တစ်လုံး ဧရာမ ပါးစပ်ကြီးထဲမှ ထွက်ပေါ်လာသည်။ </p> <p style="text-align:justify">ကြီးမားလိုက်တဲ့ အိတ်ကြီးပါလား…။ </p> <p style="text-align:justify">ဗီဇပြောင်း ကိုယ်ပွားသည် ပြုစုပျိုးထောင် ခံရပြီးနောက် အဆများစွာ ပိုမို ကြီးထွားလာခဲ့ပြီး အနက်ရောင် ခရုခွံကြီးသည် စတုရန်းကီလိုမီတာ ဆယ်ချီ ကျယ်ဝန်းသော ဧရိယာကို ဖုံးလွှမ်းထားသည်။ </p> <p style="text-align:justify">ခရုခွံကြီး၏ အောက်ဘက်တွင် စုပ်ခွက်များ လွှသွားများ အက်ကွဲကြောင်းများဖြင့် ဖုံးလွှမ်းနေသော ထူထဲရှည်လျားသည့် ရေဘဝဲ လက်တံ အမြောက်အမြား ရှိနေသည်။ </p> <p style="text-align:justify">ကမာကောင် အခွံထဲတွင် ပုလဲများ ပေါက်ရောက်နေသကဲ့သို့ လှည့်ပတ်နေသော အရွယ်အစား မျိုးစုံရှိသည့် မျက်လုံး သောင်းနှင့်ချီလည်း ရှိနေသေးသည်။ </p> <p style="text-align:justify">ဗီဇပြောင်း ကိုယ်ပွား တစ်ခုလုံးသည် ပုံပျက်ပန်းပျက် ရုပ်ဆိုးပြီး ယုတ်မာသော ပေါင်းစပ်မှုကြီး တစ်ခု ဖြစ်သည်။ တစ်ချက် ကြည့်လိုက်ရုံဖြင့် နေ့ရောညပါ အိပ်မက်ဆိုး မက်စေနိုင်လောက်သည်။ </p> <p style="text-align:justify">သို့သော် သူ ၏ မျက်လုံးထဲတွင်မူ ၎င်းမှာ ချစ်စရာကောင်းပြီး လှပသော လက်ရာမွန် တစ်ခု ဖြစ်နေသည်။ </p> <p style="text-align:justify">"သွားတော့... နောက်တစ်ခါ... ခေါ်ရင်... ပြန်လာခဲ့..." </p> <p style="text-align:justify">‘သူ’ သည် မိခင်တစ်ဦး ကလေး၏ ဆံပင်ကို ညင်သာစွာ သပ်ပေးသကဲ့သို့ ကျေနပ်အားရစွာဖြင့် အသိစိတ် လှိုင်းဂယက်များကို ထုတ်လွှတ်လိုက်သည်။ </p> <p style="text-align:justify">ဂြိုဟ်သား ကိုယ်ပွားသည် လိမ္မာစွာ ဖြင့် ချောက်ကမ်းပါး၏ အနက်ရှိုင်းဆုံး နေရာမှ ထွက်ခွာလာပြီး ၎င်း၏ မူလနေရာသို့ ပြန်သွားလေသည်။ </p> <p style="text-align:justify">လုပ်ငန်းစဉ် တစ်ခုလုံးတွင် လုရှန်၏ ပင်မ အသိစိတ်သည် ဗီဇပြောင်း ကိုယ်ပွား၏ နက်ရှိုင်းသော နေရာတွင် ပုန်းအောင်းနေပြီး အရိပ်အယောင် တစ်စွန်းတစ်စမျှ ထုတ်ဖော်မပြခဲ့ပေ။ </p> <p style="text-align:justify">ဧရာမ အနက်ရောင် ခရုခွံကြီး အတွင်းရှိ အဝါရောင်သန်းသော မျက်လုံးတစ်လုံးသည် ရုတ်တရက် ရွေ့လျားမှု ရပ်တန့်သွားပြီး မှုန်ဝါးဝါး တွေးတောနေသည့် အမူအရာတစ်ခု ပေါ်လာသည်။ </p> <p style="text-align:justify">"ကြည့်ရတာ ဗီဇပြောင်း ကိုယ်ပွားက ငါ့ရဲ့ မူလခန္ဓာကိုယ်ထက်တောင် ပိုပြီး သက်တောင့်သက်သာ နေရတဲ့ပုံပဲ။ သူ့ရဲ့ ပြုစုပျိုးထောင်မှုနဲ့ ဆိုရင်... တကယ်လို့ ငါ့ရဲ့ မူလခန္ဓာကိုယ်သာ ကြိုးကြိုးစားစား မလုပ်ဘူးဆိုရင် မကြာခင် အကျော်ခံရနိုင်တယ်..." </p> <p style="text-align:justify">ကိုယ်ပွား၏ အဆင့်အတွက် ကန့်သတ်ချက်များ မရှိပေ။ စွမ်းအင် လုံလုံလောက်လောက် ရှိသရွေ့ ဆက်လက် သန်မာလာနိုင်သည်။ </p> <p style="text-align:justify">သူသည် အဆင့် ၁၀ ရောက်နေပြီဖြစ်ပြီး အဆင့် ၁၁ သို့ ရောက်ရှိရန်လည်း သိပ်ကြာတော့မည် မဟုတ်ပေ။ ဗီဇပြောင်း ကိုယ်ပွား အဆင့် ၁၂ ရောက်သွားလျှင် ဦးနှောက်ဆေးခံရပြီး သူ့ထိန်းချုပ်မှုအောက်မှ လွတ်မြောက်သွားမည်ကို လုရှန် မစိုးရိမ်ပေ။ </p> <p style="text-align:justify">"သူ" အနေဖြင့် ဂြိုဟ်သား ကိုယ်ပွားအား မည်သို့သော ပုံစံမျိုး ပြောင်းလဲပစ်သည် ဖြစ်စေ လုရှန်၏ ပင်မ အသိစိတ် ဆင်းသက်လာပြီး အတွေးတစ်ချက် တွေးလိုက်ရုံဖြင့် "သူ" ချန်ရစ်ထားခဲ့သော အရာများ အားလုံး အပြီးတိုင် ပျက်စီးသွားပြီး လုရှန်၏ ထိန်းချုပ်မှုအောက်သို့ ပြန်ရောက်လာမည်ဖြစ်သည်။ </p> <p style="text-align:justify">"လောလောဆယ်တော့ ဒီအတိုင်းပဲ ထားလိုက်ပါတော့မယ်။ ရံဖန်ရံခါ လာစစ်ဆေးပေးရုံပဲ..." </p> <p style="text-align:justify">လုရှန်သည် ဂရေးထံမှ ရရှိခဲ့သော ယင်မီး လမ်းစဉ်ကို ကူးယူပြီး ဂြိုဟ်သား ကိုယ်ပွားထဲတွင် ထားခဲ့လိုက်သည်။ မည်သို့ ကျင့်ကြံရမည် ဆိုသည်ကိုမူ ၎င်း၏ သဘောအတိုင်းသာ ပစ်ထားလိုက်သည်။ </p> <p style="text-align:justify">ပြီးဆုံးသွားပြီးနောက် ပင်မ အသိစိတ်သည် ဗီဇပြောင်း ကိုယ်ပွားထံမှ ထွက်ခွာလာခဲ့သည်။ </p> <p style="text-align:justify">ထိုအဝါရောင်သန်းသော မျက်လုံးထဲမှ ဉာဏ်ပညာ အရိပ်အယောင်များ မှေးမှိန်သွားပြီး အခြားမျက်လုံးများကဲ့သို့ပင် ရှေးကျပြီး ရိုင်းစိုင်းသော အကြည့်များ လျင်မြန်စွာ ပြန်ရောက်လာတော့သည်။ </p> <p style="text-align:justify">"ငါ့ရဲ့ ဗီဇပြောင်း ကိုယ်ပွားက အဆင့် ၁၀ တောင် ဖြစ်နေပြီ။ ပြီးတော့ အဲဒီကောင်က ဒါကို ဘယ်လောက် တန်ဖိုးထားလဲ ဆိုတာကို ကြည့်ရင်... ငါ့ရဲ့ မတော်တဆ လုပ်ရပ်က ပါရမီရှင် ဆန်ဆန် လုပ်ရပ်တစ်ခု ဖြစ်လာနိုင်တယ်..." </p> <p style="text-align:justify">အိပ်မက်နယ်မြေ အတွင်းတွင် လုရှန်သည် ဟင်းလင်းပြင်ထဲ၌ တင်ပျဉ်ခွေ ထိုင်နေသည်။</p> <p style="text-align:justify">သူ၏ မျက်နှာပေါ်မှ ထူးဆန်းသော အလင်းတန်းတစ်ခု ထွက်ပေါ်နေသည်။ </p> <p style="text-align:justify">ဂြိုဟ်သား ကိုယ်ပွားသည် အနာဂတ်တွင် သူ့အား အံ့အားသင့်စရာများစွာ ယူဆောင်လာပေးနိုင်ကြောင်း သူ ကြိုတင်အာရုံ ခံစားနေရသည်။ </p> <p style="text-align:justify">လုရှန် အစီအစဉ်တစ်ခု ရေးဆွဲပြီးသား ဖြစ်သည်။ အနာဂတ်တွင် သူ၏ မူလခန္ဓာကိုယ် မကျင့်ကြံနိုင်သော စနစ်မကျသည့် သို့မဟုတ် မိစ္ဆာဆန်သည့် ကျင့်စဉ်များကို သူ၏ ဗီဇပြောင်း ကိုယ်ပွားများထဲသို့ ပစ်ထည့်လိုက်မည် ဖြစ်သည်။ </p> <p style="text-align:justify">ကျင့်ကြံပြီးရင် ဘယ်လိုပုံစံ ဖြစ်လာမလဲဆိုတာ ဘယ်သူ ဂရုစိုက်နေမှာလဲ…။ </p> <p style="text-align:justify">ရုတ်တရက် ဉာဏ်အလင်း တစ်ခု လုရှန်၏ ခေါင်းထဲသို့ ဝင်ရောက်လာသည်။ </p> <p style="text-align:justify">သူ ရုတ်တရက် တစ်စုံတစ်ခုကို သဘောပေါက်သွားသည်။</p> <p style="text-align:justify">"သက်ရှိရဲ့ အနှစ်သာရ ဆိုတာ စကြာဝဠာထဲက ဖရိုဖရဲ ဖြစ်နေမှုတွေကို စနစ်ကျမှု အဖြစ် ပြောင်းလဲပေးတဲ့ လုပ်ငန်းစဉ်ပဲ" </p> <p style="text-align:justify">“စကြာဝဠာ အမှောင်ဘက်ခြမ်းရဲ့ စည်းမျဉ်းတွေကတော့ ဆန့်ကျင်ဘက် ဖြစ်နေတယ်”</p> <p style="text-align:justify">“ငါ့ရဲ့ ရှုပ်ထွေးပြီး စနစ်မကျတဲ့ ကျင့်ကြံခြင်း လမ်းစဉ်က ဗီဇပြောင်း ကိုယ်ပွား လျှောက်လှမ်းသင့်တဲ့ လမ်းစဉ် ဖြစ်ကောင်း ဖြစ်နိုင်တယ်”</p> <p style="text-align:justify">လုရှန် စဉ်းစားလေလေ အဓိပ္ပါယ် ရှိလေလေဟု ခံစားရသည်။ </p> <p style="text-align:justify">မိမိကိုယ်တိုင်၏ ကိစ္စရပ်များဖြင့်ပင် လက်မလည်အောင် အလုပ်ရှုပ်နေရသဖြင့် ကိုယ်ပွားအတွက် ကျင့်စဉ်လမ်းသစ်တစ်ခုကို ရှာဖွေစီမံပေးရန် ပျင်းရိနေမိကြောင်းကိုမူ သူသည် မည်သည့်အခါမျှ ဝန်ခံမည်မဟုတ်ပေ။</p> <p style="text-align:justify">ကျင့်ကြံခြင်း လမ်းစဉ်အား လျစ်လျူရှုထားနိုင်သော်လည်း ထိုကျင့်ကြံမှု စနစ်၏ အမည်နာမကိုမူ သေချာစွာ ရွေးချယ်ရပေမည်။ အကြောင်းမူကား လုရှန်သည် အမည်ပေးကိစ္စရပ်များတွင် အမြဲပင် ဝါသနာထုံလှသောကြောင့်ပင်။</p> <p style="text-align:justify">လုရှန် မိနစ်အနည်းငယ်မျှ စဉ်းစားလိုက်ပြီး ဂြိုဟ်သား ကိုယ်ပွားအတွက် ကျင့်ကြံခြင်း စနစ် နာမည်ကို လျင်မြန်စွာ ဆုံးဖြတ်လိုက်သည်။ </p> <p style="text-align:justify">"မိစ္ဆာခေါ် သိုင်းကျမ်း လို့ပဲ အမည်ကမ္ပည်း တပ်ကြတာပေါ့"</p> <p style="text-align:justify">မိစ္ဆာခေါ် သိုင်းကျမ်း…။ </p> <p style="text-align:justify">ဗီဇပြောင်းကိုယ်ပွားသည် အရိပ်အင်အားစုများအကြား၌ အောင်မြင်စွာ ကျင့်ကြံအားထုတ်ပြီးစီး၍ စွမ်းအားအပြည့်ဖြင့် ပြန်လည်ရောက်ရှိလာသောအခါ...။</p> <p style="text-align:justify">ထိုနေ့သည် မိစ္ဆာခေါ်ယူခြင်း အောင်မြင်ကာ "မိစ္ဆာခေါ် သိုင်းကျမ်း" ပြီးပြည့်စုံသွားသော နေ့ ဖြစ်ပေလိမ့်မည်။ </p> <p style="text-align:justify">အနာဂတ်အား ပျော်ရွှင်စွာ စိတ်ကူးယဉ်ပြီးနောက် လုရှန်သည် သူ စီမံခန့်ခွဲ၍ မပြီးသေးသော အကျိုးအမြတ်များကို ဆက်လက် ရှင်းလင်းလိုက်သည်။ </p> <p style="text-align:justify">ဒုတိယ အကျိုးအမြတ်မှာ မွန်ရိုး၏ ရေခဲအေး လမ်းစဉ် ဖြစ်သည်။ </p> <p style="text-align:justify">"မွန်ရိုးရဲ့ ရေခဲအကျဉ်းထောင်က ကြယ်တွေကိုတောင် အေးခဲစေနိုင်တယ်။ အဆင့် ၁၃ ဒါမှမဟုတ် ၁၄ အထိတောင် ရောက်နိုင်တယ်။ အဲဒါက ငါ့ရဲ့ မြောက်ပိုင်းလိပ်နက် စစ်မှန်ရေစီးကြောင်း အတွက် ပြီးပြည့်စုံတဲ့ ဖြည့်စွက်မှုပဲ" </p> <p style="text-align:justify">လုရှန်သည် စကြာဝဠာ မူလစွမ်းအားကို ထုတ်လွှတ်လိုက်ပြီး အမိန့်ပေးလိုက်သည်။ </p> <p style="text-align:justify">"ပေါင်းစပ် ပုံဖော်ခြင်း..." </p> <p style="text-align:justify">မူလစွမ်းအား၏ အံ့ဖွယ် အသုံးပြုပုံများကို ဤအခိုက်အတန့်တွင် အပြည့်အဝ ဖော်ထုတ်လိုက်ပြီဖြစ်သည်။ </p> <p style="text-align:justify">မွန်ရိုးနှင့် တိုက်ပွဲအတွင်း လုရှန်သည် ရေခဲအကျဉ်းထောင်၏ လျှို့ဝှက်ချက်များကို နားလည်သဘောပေါက်ထားပြီး ဖြစ်ရာ စကြာဝဠာ မူလစွမ်းအားဖြင့် သူ၏ မြောက်ပိုင်းလိပ်နက် စစ်မှန်ရေစီးကြောင်းထဲသို့ လျင်မြန်စွာ ပေါင်းစပ်လိုက်သည်။ </p> <p style="text-align:justify">လမ်းစဉ်နှစ်ခုသည် အခြေခံအားဖြင့် ဆင်တူသဖြင့် ပေါင်းစပ်ရာတွင် အခက်အခဲ သိပ်မရှိလှပေ။ </p> <p style="text-align:justify">သို့သော် ၎င်းက လုရှန်အတွက် အချိန်နှင့် ခွန်အား အများအပြားကို သက်သာစေသည်။ </p> <p style="text-align:justify">အကယ်၍ သူသာ ကိုယ်တိုင် အနှစ်ချုပ်ပြီး သန့်စင်မည် ဆိုပါက ပြီးစီးရန် လအနည်းငယ်မှ နှစ်ဝက်ခန့်အထိ ကြာမြင့်ပေလိမ့်မည်။ </p> <p style="text-align:justify">အစွန်းရောက် ရေခဲလမ်းစဉ်အား ပြီးပြည့်စုံစွာ ပေါင်းစပ်လိုက်ခြင်းဖြင့်...။ </p> <p style="text-align:justify">ဘုန်း...။ </p> <p style="text-align:justify">လုရှန်၏ သိုင်းတရားပုံရိပ် အလိုအလျောက် ပေါ်ထွက်လာသည်။ </p> <p style="text-align:justify">တရားပုံရိပ် ကိုယ်ထည်ပေါ်ရှိ လိပ်နက် တက်တူးသည် တောက်ပစွာ လင်းလက်လာပြီး အဆုံးအစမဲ့သော ရေခဲအေး စွမ်းအင်များကို ထုတ်လွှတ်လိုက်သည်။ </p> <p style="text-align:justify">ချက်ချင်းဆိုသလိုပင် မူလက မီတာ ၅ သိန်း ရှည်လျားသော တရားပုံရိပ် ကိုယ်ထည်ကြီးမှာ လျင်မြန်စွာ စတင် ကြီးထွားလာသည်။ </p> <p style="text-align:justify">ဝုန်း...။ </p> <p style="text-align:justify">တစ်ခါတည်းနှင့် မီတာ တစ်သိန်းခန့် ထိုးတက်သွားပြီး အမြင့် မီတာ ၆ သိန်း ရောက်သောအခါမှသာ ရပ်တန့်သွားသည်။ </p> <p style="text-align:justify">"ပေါင်းစပ်ပြီးသွားတဲ့ မြောက်ပိုင်းလိပ်နက် စစ်မှန်ရေစီးကြောင်းက အဆင့် ၁၃ ကို ရောက်သွားပြီ။ ဒါက ကြယ်တာရာ လမ်းစဉ်နဲ့ နတ်ဘုရား သလင်းကျောက် လမ်းစဉ်တို့ကို အမီလိုက်နိုင်ပြီလို့ ပြောလို့ရတယ်" </p> <p style="text-align:justify">လုရှန် အတော်လေး ကျေနပ်သွားသည်။ </p> <p style="text-align:justify">သူ၏ သိုင်းတရားပုံရိပ် ကြီးထွားလာခြင်း၏ အကျိုးကျေးဇူးမှာ သူ၏ စတုတ္ထမြောက် နတ်ဘုရားစွမ်းအား ဖြစ်သော ရွှေရောင် သလင်းကျောက် ကိုယ်ထည်ကိုလည်း မြှင့်တင်ပေးနိုင်ခြင်း ဖြစ်သည်။ </p> <p style="text-align:justify">မြောက်ပိုင်းလိပ်နက် စစ်မှန်ရေစီးကြောင်း အဆင့် ၁၃ ရောက်သွားသည်နှင့် ၎င်း၏ စွမ်းအားကို အတော်လေး ထည့်သွင်းစဉ်းစားလာရပြီဖြစ်သည်။ </p> <p style="text-align:justify">၎င်းအား လုရှန်၏ ဝှက်ဖဲ အများအပြားထဲမှ တစ်ချပ်အဖြစ် သတ်မှတ်နိုင်ပြီး ရန်သူများနှင့် ရင်ဆိုင်ရာတွင် သူ၏ နည်းလမ်းများကို ပိုမို စုံလင်လာစေသည်။ </p> <p style="text-align:justify">နောက်ဆုံး လုရှန်၏ အသိစိတ်သည် နောက်ဆုံးနှင့် အကြီးမားဆုံးသော အကျိုးအမြတ်ပေါ်သို့ ကျရောက်သွားသည်။ </p> <p style="text-align:justify">ချန်ယွီရှု ၏ မှတ်ဉာဏ် ဘဏ္ဍာတိုက်…။ </p> <p style="text-align:justify">လုရှန်သည် ချန်ယွီရှု၏ ဝိညာဉ်ကို ဝါးမျိုလိုက်ပြီး ၎င်းအတွင်း၌ ပါဝင်သော စိတ်စွမ်းအား အားလုံးကို စုပ်ယူလိုက်သော်လည်း မှတ်ဉာဏ်များကိုမူ မထိတွေ့ဘဲ ထားခဲ့သည်။ </p> <p style="text-align:justify">ချန်ယွီရှု၏ ဝိညာဉ်သည် လုရှန်အား ကြီးမားသော အကျိုးကျေးဇူးများ ပေးစွမ်းခဲ့ပြီးဖြစ်သည်။ </p> <p style="text-align:justify">၎င်းမှာ အဆင့် ၁၂ သို့ တက်လှမ်းထားသည်မှာ မကြာသေးသော သူ၏ စိတ်စွမ်းအားကို ၁၀ ရာခိုင်နှုန်းခန့် တိုးတက်လာစေခဲ့သည်။ </p> <p style="text-align:justify">ဆယ်ပုံတစ်ပုံပင် ဖြစ်သည်။ </p> <p style="text-align:justify">ဒွမ်းယိဖန်၏ နတ်ဘုရား သလင်းကျောက် လမ်းစဉ် အမွေအနှစ်ကို ဖွင့်လှစ်ပြီးနောက် သူ၏ စိတ်ထဲရှိ သလင်းကျောက်နက် တံစဉ် ဝိညာဉ်ပုံရိပ်အား အရောင်လေးမျိုးရှိသော သလင်းကျောက် ဝိညာဉ်ပုံရိပ် အဖြစ် ပြောင်းလဲလိုက်ရာ လုရှန်၏ စိတ်စွမ်းအားသည် အရည်အသွေးပိုင်းဆိုင်ရာ ခုန်ပျံကျော်လွှားမှု တစ်ခု ဖြစ်ပေါ်ခဲ့သည်။ </p> <p style="text-align:justify">သူသည် ဂြိုဟ် ခုနစ်လုံး ရှစ်လုံးခန့်ကို အဆင့်မြှင့်တင်ပေးခဲ့ပြီးနောက်မှသာ သလင်းကျောက်နက် တံစဉ် ဝိညာဉ် လူသားပုံရိပ်အား အထွတ်အထိပ် အဆင့် ၅ သို့မဟုတ် အဆင့် ၁၁ သို့ ရောက်ရှိစေနိုင်ခဲ့သည်။ </p> <p style="text-align:justify">အဆင့် ၁၂ သို့ ရောက်ရှိပြီးနောက် နောက်ထပ် ဂြိုဟ် ခုနစ်လုံး ရှစ်လုံးခန့်ကို အဆင့်မြှင့်တင်ပေးလျှင်ပင် ၁၀ ရာခိုင်နှုန်းခန့်သာ တိုးတက်လာနိုင်သည်။ </p> <p style="text-align:justify">ထို့ကြောင့် ၁၀ ရာခိုင်နှုန်းသာ ဆိုသော်လည်း လက်ရှိ လုရှန်အတွက် အလွန် ကြီးမားသော ပမာဏ ဖြစ်ပြီး အချိန်နှင့် ခွန်အား အများအပြားကို သက်သာစေသည်။ </p> <p style="text-align:justify"> </p> <p style="text-align: center;">***</p>


Save