Book List

<h2 style="text-align: center;">အခန်း (၆၉၉)</h2> <h2 style="text-align: center;">*</h2> <p> </p> <p style="text-align:justify">"ဒီကောင့်ရဲ့ စိတ်စွမ်းအားက အဆင့် ၁၃ ဝန်းကျင်လောက် ရှိမယ်လို့ ခန့်မှန်းရတယ်။ နည်းနည်း လျော့ချင် လျော့မယ်... ဒါပေမယ့် သေချာတာက သိပ်မကွာဘူး" </p> <p style="text-align:justify">မဟုတ်လျှင် ချန်ယွီရှုသည် ပြိုင်ပွဲကာလအတွင်း သူ၏ စိတ်စွမ်းအားကို နောက်ဆုံး ဝှက်ဖဲအဖြစ် အသုံးပြုခဲ့မည် မဟုတ်ပေ။ </p> <p style="text-align:justify">"ထို့ကြောင့်ပင် တစ်ဖက်၌ လုရှန်ကဲ့သို့သော ထူးဆန်းလှသည့် လူတစ်ယောက်နှင့် သွားရောက်တိုးမိခြင်း ဖြစ်လေသည်။ လုရှန်၏ အဆင့် ၁၂ ရှိ အရောင်လေးမျိုး သလင်းကျောက် လူသားပုံရိပ် စိတ်ဝိညာဉ်စွမ်းအားမှာ သာမန်အဆင့် ၁၃ စိတ်စွမ်းအားထက်ပင် အရည်အသွေးများစွာ သာလွန်နေသဖြင့် ကျောက်ဆောင်ကို ကြက်ဥဖြင့် ပစ်ပေါက်သကဲ့သို့ အချည်းနှီးသာ ဖြစ်သွားခဲ့ရသည်။</p> <p style="text-align:justify">အကယ်၍သာ အခြားသူတစ်ဦးဦး ဥပမာအားဖြင့် မွန်ရိုးသာဆိုပါက... အခြေအနေများမှာ များစွာကွာခြားသွားနိုင်ပေသည်။</p> <p style="text-align:justify">ချန်ယွီရှုအနေဖြင့် ထိုအခြေအနေကို ပြောင်းပြန်လှန်ပစ်နိုင်စွမ်း အတော်ပင် ရှိပေလိမ့်မည်။</p> <p style="text-align:justify">လုရှန်မှာ ဤအချက်ကို တွေးတောဆင်ခြင်ရင်း ချန်ယွီရှု၏ မှတ်ဉာဏ်အလွှာများကို ဂရုတစိုက် စစ်ဆေးကြည့်လိုက်သည်။</p> <p style="text-align:justify">ရိုးရိုးသားသား ပြောရလျှင် ချန်ယွီရှု၏ အတွင်း၌ ဖုံးကွယ်ထားသော လျှို့ဝှက်ချက်များအား သူ သိချင်စိတ် ပြင်းပြနေခဲ့သည်။ </p> <p style="text-align:justify">လုရှန်သည် ချန်ယွီရှု၏ မှတ်ဉာဏ်များကို ဖြည်းညှင်းစွာ ထိတွေ့လိုက်သည်။ </p> <p style="text-align:justify">သူသည် အိပ်မက် ကမ္ဘာထဲတွင် ဤကဲ့သို့ အကြိမ်ပေါင်း မရေမတွက်နိုင်အောင် ပြုလုပ်ခဲ့ဖူးသော်လည်း လက်တွေ့ဘဝတွင်မူ ဤသည်မှာ သူ၏ ပထမဆုံးအကြိမ် ဖြစ်သည်။ </p> <p style="text-align:justify">ယခင်က သူ ချန်ယွီရှု၏ ဝိညာဉ်ကို ဝါးမျိုလိုက်ခြင်းသည်ပင် စိတ်ကူးပေါက်ရာ လုပ်လိုက်ခြင်း ဖြစ်ပြီး သဘာဝအတိုင်း ဖြစ်ပျက်သွားခဲ့ခြင်းသာ ဖြစ်သည်။ </p> <p style="text-align:justify">နွားများနှင့် သိုးများ မြက်စားသကဲ့သို့ သားရဲကောင်များက အသားစားသကဲ့သို့ပင်။ </p> <p style="text-align:justify">ဗီဇစိတ်၏ တွန်းအားပေးမှုကြောင့် ဖြစ်သည်။ </p> <p style="text-align:justify">"ငါက အိပ်မက်နယ်မြေထဲမှာ နတ်ဘုရား ဝိညာဉ် မှတ်ဉာဏ်တွေ အများကြီးကို ဝါးမျိုပြီး ပေါင်းစပ်ခဲ့လို့... ငါ့ရဲ့ ကိုယ်ပိုင် ဝိညာဉ်က ဝါးမျိုခြင်း ဂုဏ်သတ္တိ အစအနလေး ရရှိသွားပြီး ရက်စက်တဲ့ သားရဲကောင် တစ်ကောင်လို ပြောင်းလဲသွားတာများလား" </p> <p style="text-align:justify">ဤသည်မှာ အတော်လေး ဖြစ်နိုင်ခြေ ရှိသည်။ </p> <p style="text-align:justify">လုရှန်၏ သိုင်းကိုယ်ထည်သည် အသွင်ပြောင်းလဲခြင်းနှင့် ဆင့်ကဲပြောင်းလဲခြင်းများစွာ ပြုလုပ်ခဲ့ပြီး သာမန်လူများထက် များစွာ သာလွန်သော အသက်အဆင့်အတန်း တစ်ခုသို့ ရောက်ရှိနေပြီဖြစ်သည်။ </p> <p style="text-align:justify">သူ၏ ဝိညာဉ်သည် မရေမတွက်နိုင်သော မှတ်ဉာဏ်များကို ဝါးမျိုခဲ့သည်။ ယုတ္တိဗေဒ အရဆိုလျှင် ဤအရေအတွက် အပြောင်းအလဲသည် လွန်ခဲ့သော အချိန်ကတည်းက အရည်အသွေး အပြောင်းအလဲ တစ်ခုကို ဖြစ်ပေါ်စေသင့်ပြီး သူ့အား ပို၍ ခန့်မှန်းရခက်သော အဆင့်တစ်ခုသို့ ပြောင်းလဲပေးသင့်သည်။ </p> <p style="text-align:justify">"နောက်ကျရင် ထျန်းရှား ကြယ်တာရာ စနစ်ရဲ့ အလယ်ဗဟိုကို သွားတဲ့အခါ သေချာ စမ်းသပ်ကြည့်ရမယ်..." </p> <p style="text-align:justify">လုရှန်သည် ဒန်လော့ပ်နှင့် စကားစမြည် ပြောနေစဉ်အတွင်း ဤအကြောင်းကို တစ်ခါ ကြားဖူးခဲ့သည်။ </p> <p style="text-align:justify">ထျန်းရှား ဂယ်လက်ဆီ၏ အလယ်ဗဟို ထျန်းဝေ အကယ်ဒမီ ပင်မ ကျောင်းဝင်း အတွင်းတွင် ဂြိုဟ်တစ်လုံးမျှ ကြီးမားသော ကြယ်တာရာ မြေပုံကြီး တစ်ခု ရှိသည်။ </p> <p style="text-align:justify">ယာမူ နယ်မြေခွဲ ကဲ့သို့သော လက်အောက်ခံ ကြယ်တာရာ နယ်မြေများ၏ ဗေဒင်မြေပုံများ အားလုံးသည် ၎င်းအား တုပထားခြင်း ဖြစ်သည်။ </p> <p style="text-align:justify">ထိုအရာအား ဧရာမ အရာဝတ္ထုကြီး တစ်ခု၏ တာမီနယ် တစ်ခုအဖြစ် စိတ်ကူးကြည့်နိုင်သည်။ </p> <p style="text-align:justify">ဤတာမီနယ်များသည် ပင်မ စက်ကိရိယာကြီးနှင့် ဆင်တူသော လုပ်ဆောင်ချက်များ ရှိသော်လည်း စွမ်းအား မကြီးမားသလို ပြည့်စုံခြင်းလည်း မရှိပေ။ </p> <p style="text-align:justify">ဥပမာအားဖြင့် ကြယ်တာရာ နယ်မြေ တစ်ခု၏ ကံကြမ္မာပြ မြေပုံ သည် အမြင့်ဆုံး သာလွန်ထူးခြား သက်ရှိ အဆင့်အတန်း ဖြစ်သော မသေမျိုး အဆင့်အထိသာ စမ်းသပ်နိုင်သည်။ </p> <p style="text-align:justify">မသေမျိုး အဆင့်ထက် ကျော်လွန်သွားပါက စမ်းသပ်၍ မရတော့ပေ။ </p> <p style="text-align:justify">တစ်နည်းဆိုရသော် လုရှန်သည် အပေါ်ယံအားဖြင့် မသေမျိုးအဆင့် သွေးဆက်ကို ပိုင်ဆိုင်ထားသူ ဖြစ်သော်လည်း သူသည် ထိုအတိုင်း ရိုးရိုး ဆွေးမြေ့ခြင်းအဆင့် သွေးဆက်တစ်ခု ဖြစ်ချင်မှ ဖြစ်ပေလိမ့်မည်။</p> <p style="text-align:justify">မှန်ပေသည်။ မသေမျိုးအဆင့်ထက် သာလွန်မြင့်မားသော ဖြစ်တည်မှုအဆင့်များစွာ ရှိနေသေးသည်။</p> <p style="text-align:justify">သို့သော် ထိုအဆင့်အတန်းများ အဘယ်နည်းဆိုသည်ကိုမူ ဒန်လော့ပ်ကိုယ်တိုင်ပင် အတိအကျ မသိရှိခဲ့ပေ။</p> <p style="text-align:justify">သူသည် ထျန်းရှား ဂယ်လက်ဆီကြီး အမှန်တကယ် တည်ရှိခဲ့ခြင်း ရှိ မရှိ ဆိုသည်ကိုပင် တပ်အပ်မပြောနိုင်ခဲ့ချေ။</p> <p style="text-align:justify">ထို့အပြင် ကောင်းကင်ဘုံနန်းတော်၏ ပင်မဗေဒင်မြေပုံကြီးသည် လူသားတစ်ဦး၏ ဝိညာဉ်ပါရမီကိုပင် စမ်းသပ်နိုင်စွမ်း ရှိလေသည်။</p> <p style="text-align:justify">ပင်မဗေဒင်မြေပုံကြီးသည် ဘိုးဘေးကြယ်နှင့် ချိတ်ဆက်မိပါက လူတစ်ဦး၏ သိုင်းကံကြမ္မာကိုပင် ဖော်ထုတ်ပြသနိုင်သည်ဟု ဆိုရိုးစကားပင် ရှိခဲ့သေးသည်။</p> <p style="text-align:justify">ဆန်းကြယ်နက်နဲလှသော ကံကြမ္မာအလှည့်အပြောင်းများကိုပင် စမ်းသပ်နိုင်သည်ဟု ဆိုကြသည်။</p> <p style="text-align:justify">စင်စစ်မှာမူ ထိုအချက်မှာ ယုံကြည်နိုင်စရာပင် မရှိလှပေ။</p> <p style="text-align:justify">ဒန်လော့ပ်မှာ ပုံပြင်တစ်ပုဒ်အဖြစ် ပြောပြခဲ့ပြီး လုရှန်မှာလည်း ပုံပြင်တစ်ပုဒ်အဖြစ်သာ နားထောင်ခဲ့သည်။ </p> <p style="text-align:justify">ကံတရား မဆိုထားနှင့် လုရှန်သည် ပါရမီဟူသော အရာကိုပင် သိပ်ယုံကြည်သူ မဟုတ်ပေ။</p> <p style="text-align:justify">"လူတစ်ယောက်ရဲ့ အနာဂတ် အောင်မြင်မှုတွေကို သူ့ရဲ့ ပါရမီနဲ့ သွေးဆက်အပေါ် မူတည်ပြီး ဆုံးဖြတ်တာက အမိုက်မဲဆုံး လုပ်ရပ်ပဲ" </p> <p style="text-align:justify">"ငါက အရမ်း သန်မာလို့ သူတို့က ငါ့ကို မသေမျိုးအဆင့် သွေးဆက်လို့ ခေါ်ကြတာ" </p> <p style="text-align:justify">“ငါ့မှာ မသေမျိုးအဆင့် သွေးဆက် ရှိနေလို့ ငါ သန်မာတာ မဟုတ်ဘူး”</p> <p style="text-align:justify">"တကယ်လို့ ငါသာ ဒီစကြာဝဠာထဲမှာ အသန်မာဆုံးလူ ဖြစ်နေရင်... ငါ့ရဲ့ သွေးဆက်က ဒီစကြာဝဠာထဲမှာ အမွန်မြတ်ဆုံးနဲ့ အားအကောင်းဆုံး သွေးဆက် ဖြစ်နေမှာပဲ" </p> <p style="text-align:justify">"သွေးဆက် ဆိုတာ... လူသားတွေမှာ အခြေခံသင့်တာ" </p> <p style="text-align:justify">လုရှန်၏ မျက်လုံးအစုံမှာ တည်ငြိမ်အေးစက်နေသည်။ သူသည် မိမိကိုယ်ကိုယ် ပြန်လည်ဆင်ခြင်ကြည့်ရာ သိုင်းလောကထဲသို့ စတင်ခြေချစဉ်က ထမင်းနှစ်ပန်းကန်ပင် ကုန်အောင် မစားနိုင်သည့် အသုံးမကျသော အထက်တန်းကျောင်းသားလေးတစ်ဦးသာ ဖြစ်ခဲ့ဖူးသည်။</p> <p style="text-align:justify">"ငါ့ကလေး မွေးလာတဲ့အခါ... သူ့ရဲ့ စမှတ်က ငါ့ထက် အများကြီး အများကြီး ပိုမြင့်နေလိမ့်မယ်။ အဲဒါက ကောင်းတဲ့အရာလား ဆိုးတဲ့အရာလား ဆိုတာတော့ ငါမသိဘူး..." </p> <p style="text-align:justify">လုရှန် ခေါင်းကို အနည်းငယ် ခါလိုက်သည်။ </p> <p style="text-align:justify">သူသည် တရားဝင် ဖခင်တစ်ဦးပင် မဖြစ်သေးဘဲ ဖခင်ဘဝ၏ သောကများကို ကြိုတင်၍ ခံစားနေရလေပြီ။</p> <p style="text-align:justify">ပေါ့ပါးသော အတွေးစတစ်ခုနှင့်အတူ လုရှန်သည် သူ၏ စိတ်စွမ်းအားကို အသုံးပြု၍ ချန်ယွီရှု၏ မှတ်ဉာဏ်အလွှာများကို လွှမ်းခြုံကြည့်လိုက်သည်။</p> <p style="text-align:justify">မျက်စိတစ်မှိတ်အတွင်းမှာပင် မရေမတွက်နိုင်သော ပုံရိပ်များ သူ၏ အသိစိတ်ထဲသို့ တိုးဝင်လာလေတော့သည်။</p> <p style="text-align:justify">…</p> <p style="text-align:justify">စည်ကားသော မြို့ကြီးတစ်မြို့ရှိ သားဖွားခန်းတစ်ခုအတွင်း…။</p> <p style="text-align:justify">ချွေးသီးချွေးပေါက်များဖြင့် ဖုံးလွှမ်းနေသော လှပသည့် အမျိုးသမီးတစ်ဦးသည် ရင်သွေးငယ်တစ်ဦးကို ဖွားမြင်လိုက်သည်။</p> <p style="text-align:justify">ကလေးငယ် မွေးဖွားလာသည်နှင့်တစ်ပြိုင်နက် မွေးဖွားခန်းတစ်ခုလုံး လင်းထိန်သွားပြီး သစ်ခွပန်းရနံ့များမှာလည်း အခန်းအတွင်း၌ ပျံ့လွင့်သွားလေသည်။</p> <p style="text-align:justify">သားဖွားပေးသော ဆရာဝန်များနှင့် သူနာပြုများမှာ မိမိတို့ရှေ့မှ တောက်ပလွန်းလှသော မွေးကင်းစကလေးငယ်ကို ကြောင်တောင်တောင် ကြည့်ရင်း မှင်သက်နေကြသည်။</p> <p style="text-align:justify">နောက်တစ်ကြိမ် အသက်ရှူလိုက်ချိန်တွင်မူ သားဖွားခန်းအတွင်းရှိ လေထုမှာ လှိုင်းဂယက်ထသွားပြီး ဟင်းလင်းပြင်ထဲ၌ အက်ကွဲကြောင်းတစ်ခု ပေါ်ပေါက်လာသည်။</p> <p style="text-align:justify">ဝဲကျနေသော ဆံနွယ်ရှည်များ ခန့်ညားသော ရုပ်ရည်နှင့် စူးရှသော မျက်ဝန်းအစုံရှိသည့် အရပ်ရှည်ရှည် လူလတ်ပိုင်းအမျိုးသားတစ်ဦးသည် ထိုအက်ကွဲကြောင်းအတွင်းမှ လျှောက်လှမ်းထွက်လာသည်။</p> <p style="text-align:justify">သူ လက်ကို ပေါ့ပေါ့ပါးပါး မြှောက်လိုက်ရာ မွေးဖွားခန်း တစ်ခုလုံးရှိ အချိန်ကာလ ရပ်တန့်သွားသကဲ့သို့ ဖြစ်သွားသည်။ </p> <p style="text-align:justify">လူတိုင်းမှာ တောင့်တင်းသွားကြပြီး ရွှံ့ရုပ်တုများအလား ငြိမ်သက်သွားကြတော့သည်။</p> <p style="text-align:justify">လှုပ်ရှားနိုင်သူဟူ၍ မွေးကင်းစကလေးငယ်နှင့် ယခုလေးတင် ပေါ်ပေါက်လာသော လူလတ်ပိုင်းအမျိုးသားကြီးသာ ကျန်ရှိတော့သည်။</p> <p style="text-align:justify">"သူ့ရဲ့ အရည်အချင်းတွေက လက်ခံနိုင်စရာပဲ။ ငါ့ခရီးစဉ်က အလကား မဖြစ်ခဲ့ဘူးပေါ့" </p> <p style="text-align:justify">လူလတ်ပိုင်းအမျိုးသားကြီးသည် ထူးခြားသော နိမိတ်များဖြင့် မွေးဖွားလာသည့် ကလေးငယ်အား ခဏမျှ စိုက်ကြည့်ပြီးနောက် ညင်သာစွာ ပွေ့ချီလိုက်သည်။</p> <p style="text-align:justify">သူသည် အခြားလက်တစ်ဖက်ဖြင့် ဟင်းလင်းပြင်ထဲ၌ နောက်ထပ် အက်ကွဲကြောင်းတစ်ခုကို ဆွဲဖွင့်လိုက်ပြန်သည်။</p> <p style="text-align:justify">သူ အထဲသို့ ဝင်ရောက်ရန် ဟန်ပြင်လိုက်စဉ်မှာပင် သူ၏ အကြည့်များသည် ကုတင်ပေါ်တွင် လှဲလျောင်းနေသော မီးဖွားထားသည့် အမျိုးသမီးထံသို့ ရောက်ရှိသွားပြီး သူ၏ မျက်လုံးများထဲတွင် လွမ်းဆွတ်တသမှု အရိပ်အယောင် အနည်းငယ် ပေါ်လာသည်။ </p> <p style="text-align:justify">ခဏမျှ တွေးတောပြီးနောက် သူ ခေါင်းခါလိုက်ပြီး လျစ်လျူရှုကာ ကလေးငယ်နှင့်အတူ ဟင်းလင်းပြင် အက်ကွဲကြောင်းထဲသို့ တည့်တည့်မတ်မတ် ဝင်ရောက်သွားတော့သည်။ </p> <p style="text-align:justify">ထိုအမျိုးသားကြီး ထွက်ခွာသွားသည်နှင့် တစ်ပြိုင်နက် မွေးဖွားခန်း အတွင်းရှိ အရာအားလုံး ပုံမှန်အတိုင်း ပြန်ဖြစ်သွားသည်။ </p> <p style="text-align:justify">ကလေးမွေးဖွားမှုကို တာဝန်ယူထားသော ဆရာဝန်များနှင့် သူနာပြုများသည် ရုတ်တရက် သတိဝင်လာပြီး ငုံ့ကြည့်လိုက်ရာ နောက်တစ်ကြိမ် ထပ်မံ မှင်သက်သွားကြပြန်သည်။ </p> <p style="text-align:justify">"ကလေး ဘယ်ရောက်သွားလဲ။ မွေးကင်းစလေး ဘယ်ရောက်သွားလဲ" </p> <p style="text-align:justify">"မသိဘူးလေ..." </p> <p style="text-align:justify">"သောက်ကျိုးနည်း ဘာတွေ ဖြစ်ကုန်တာလဲ။ ငါ ကိုယ်တိုင် အပြင်ထုတ်လာတာ သေချာပါလျက်နဲ့... ဘယ်လိုလုပ် မျက်စိတစ်မှိတ်အတွင်း ပျောက်သွားရတာလဲ" </p> <p style="text-align:justify">"ခုနက ငါတို့ မြင်လိုက်ရတဲ့ ထူးဆန်းတဲ့ ဖြစ်ရပ်ဆန်းနဲ့ ဆိုင်နေမလား" </p> <p style="text-align:justify">"ငါတို့ ကလေးအမေကို နောက်ကျရင် ဘယ်လို ရှင်းပြရမလဲ" </p> <p style="text-align:justify">"အား... ဘယ်လို အခြေအနေကြီးလဲဟ" </p> <p style="text-align:justify">…</p> <p style="text-align:justify">ဂြိုဟ်တစ်လုံးပေါ်တွင်…။ </p> <p style="text-align:justify">တောင်တန်းများမှာ ထူထပ်နေပြီး ရှေးဟောင်းသစ်တောများမှာလည်း စိမ်းလန်းစိုပြေလျက် ရှိသည်။</p> <p style="text-align:justify">ဤဂြိုဟ်သည် စကြာဝဠာ၏ စွမ်းအင်နှင့် ဝိညာဉ်ဓာတ်တို့ဖြင့် ပြည့်နှက်နေသဖြင့် ပထမတန်းစား ကောင်းချီးမင်္ဂလာနယ်မြေဟု တင်စားခေါ်ဝေါ်နိုင်သည်။</p> <p style="text-align:justify">ငါးနှစ် ခြောက်နှစ် အရွယ် ကလေးငယ် တစ်ဦးသည် နှုတ်ခမ်းကို တင်းတင်းစေ့ထားသည်။ သူ၏ နူးညံ့သိမ်မွေ့သော မျက်နှာပေါ်တွင် ခေါင်းမာမှုနှင့် ပြတ်သားမှုများ ပြည့်နှက်နေသည်။ </p> <p style="text-align:justify">သူ၏ မျက်လုံးများက သူ့အရှေ့ရှိ လူကို စူးစိုက်ကြည့်နေသည်။ </p> <p style="text-align:justify">ထိုလူမှာ အိုမင်းရင့်ရော်နေသည့် မျက်နှာရှိသော်လည်း ရှေးဟောင်းသံချပ်ကာနှင့် တူသော ခမ်းနားကြီးကျယ်သည့် ဝတ်ရုံကို ဆင်မြန်းထားပြီး သူရှေ့ရှိ ကလေးငယ်အား နူးညံ့သော ချစ်ခင်မှုဖြင့် ကြည့်ရှုနေသည်။</p> <p style="text-align:justify">"သခင်လေး နာမည်က ချန်ယွီရှု ပါ။ သခင်လေးရဲ့ အဖေက သခင်ကြီး ချန်ရိ ဖြစ်ပြီး... သူက တာအိုလင်း ဂိုဏ်းရဲ့ နဝမမြောက် တောင်ထွတ်သခင် ဖြစ်သလို ကျွန်တော်မျိုးရဲ့ သခင်လည်း ဖြစ်ပါတယ်" </p> <p style="text-align:justify">"တာအိုလင်း ဂိုဏ်း ဆိုတာက ခြွင်းချက်မရှိ အဇူရာ ကြယ်တာရာ စနစ် တစ်ခုလုံးမှာ အားအကောင်းဆုံး ကျင့်ကြံခြင်း ဂိုဏ်းကြီး ဖြစ်ပါတယ်" </p> <p style="text-align:justify">"သခင်လေးရဲ့ အဖေက အဇူရာ ဂယ်လက်ဆီ တစ်ခုလုံးမှာ အားအကောင်းဆုံး ကျင့်ကြံသူတွေထဲက တစ်ယောက်ပါ..."</p> <p style="text-align:justify">"ခင်ဗျားကို သူ့အကြောင်း ဘာမှ မမေးဘူး" </p> <p style="text-align:justify">ကလေးငယ်က အစေခံ အဘိုးအို၏ စကားကို ရိုင်းစိုင်းစွာ ဖြတ်ပြောလိုက်ပြီး အော်ဟစ်လိုက်သည်။</p> <p style="text-align:justify">"ကျွန်တော် မေးနေတာက... ကျွန်တော့်အမေ ဘယ်မှာလဲ။ ကျွန်တော့်အမေ ဘယ်မှာလဲလို့" </p> <p style="text-align:justify">အစေခံ အဘိုးအို ခဏမျှ တွေးတောလိုက်ပြီးနောက် တိုးညှင်းစွာ ပြောလိုက်သည်။</p> <p style="text-align:justify">"သခင်ကြီးက ညွှန်ကြားထားပါတယ်" </p> <p style="text-align:justify">"သခင်လေးယွီရဲ့ ကျင့်ကြံမှုက ကနဦး ဝိညာဉ်အဆင့်ကို ရောက်သွားရင်... သခင်လေး ကိုယ်တိုင် သွားပြီး အမေကို ရှာလို့ ရပါပြီတဲ့။ သခင်ကြီးက တားမှာ မဟုတ်ပါဘူး" </p> <p style="text-align:justify">"ဒါပေမယ့်... ကနဦး ဝိညာဉ် အဆင့်ကို မရောက်ခင်မှာတော့ သခင်လေးယွီအနေနဲ့ ဒီဂြိုဟ်ကနေ ထွက်ခွာလို့ မရပါဘူး" </p> <p style="text-align:justify">အရိပ်ထဲမှ ကလေးငယ်သည် သူ့အရှေ့ရှိ အစေခံ အဘိုးအိုအား လက်သီးဖြင့် တင်းကျပ်စွာ ဖိကပ်ထားလိုက်သည်။ </p> <p style="text-align:justify">အချိန်အတော်ကြာပြီးနောက် သူ ဖြည်းညှင်းစွာ ပြန်လွှတ်ပေးလိုက်သည်။ </p> <p style="text-align:justify">"ကနဦး ဝိညာဉ် အဆင့် ဟုတ်လား။ ကောင်းပြီလေ... ဒါဆိုရင် ကျွန်တော် ကနဦး ဝိညာဉ် အဆင့် ရောက်အောင် ကျင့်ကြံပြီး သူ့ကို ပြလိုက်မယ်" </p> <p style="text-align:justify">ထိုသို့ပြောပြီးနောက် ကလေးငယ် လှည့်ထွက်သွားပြီး သူ ရပ်နေသော ချောက်ကမ်းပါးထိပ်မှ ခုန်ချလိုက်သည်။ </p> <p style="text-align:justify">အောက်ဘက်ရှိ နက်ရှိုင်းသော ရေကန်ထဲသို့ သူ တည့်တည့်မတ်မတ် ပြုတ်ကျသွားသည်။ ထိုရေကန်သည် အရသာရှိသော ဝိုင်ကန်ကြီး တစ်ခုအလားပင်။</p> <p style="text-align:justify">ကလေးငယ် ခုန်ဆင်းလိုက်သည်နှင့် တစ်ပြိုင်နက် ကျောက်စိမ်း ရေကန်ထဲမှ ဧရာမ ပူဖောင်းများ လျင်မြန်စွာ ထွက်ပေါ်လာပြီး ရေနွေး ဆူပွက်နေသကဲ့သို့ ဖြစ်သွားသည်။ </p> <p style="text-align:justify">အစေခံ အဘိုးအိုသည် တောင်ထိပ်ပေါ်တွင် ရပ်နေပြီး အောက်ဘက်ရှိ ကလေးငယ်အား တိတ်ဆိတ်စွာ စောင့်ကြည့်နေသည်။ သူ၏ မျက်နှာပေါ်တွင် ရှုပ်ထွေးသော ခံစားချက်များ ပေါ်နေသည်။ </p> <p style="text-align:justify">"သခင်ကြီး ချန်ရိရဲ့ သားသမီး တစ်ရာကျော်ထဲမှာ... သခင်လေးယွီရဲ့ ပါရမီက ထိပ်တန်း မဟုတ်ပေမယ့် သူ့ရဲ့ ဆန္ဒနဲ့ စရိုက်လက္ခဏာကတော့ ထူးချွန်ပါတယ်" </p> <p style="text-align:justify">"သူ့ရဲ့ အနာဂတ် အောင်မြင်မှုတွေက နိမ့်ကျမှာ မဟုတ်ပါဘူး" </p> <p style="text-align:justify">"ဒါပေမယ့်..." </p> <p style="text-align:justify">အစေခံ အဘိုးအို ညင်သာစွာ သက်ပြင်းချလိုက်ပြီး ရေကန်ထဲတွင် ကြိုးကြိုးစားစား ကျင့်ကြံနေသော ကလေးငယ်ကို ကြည့်ကာ ရေရွတ်လိုက်သည်။</p> <p style="text-align:justify">"ကနဦး ဝိညာဉ် အဆင့် ဆိုတာ အဲဒီလောက်လွယ်လွယ် ဖြတ်ကျော်လို့ရတာ မဟုတ်ဘူးလေ" </p> <p style="text-align:justify">"လူသားတွေရဲ့ သက်တမ်းက ဆယ်စုနှစ် အနည်းငယ်ပဲ ရှိတာ... မင်း အမေကို သွားရှာမယ့်နေ့ အထိ တကယ်ပဲ တောင့်ခံနိုင်ပါ့မလား" </p> <p style="text-align:justify">"သခင်လေးယွီ... နောင်ကျရင် သခင်ကြီး ချန်ရိကို အပြစ်မတင်မိပါစေနဲ့လို့ မျှော်လင့်ပါတယ်" </p> <p style="text-align:justify">"နတ်ဘုရားနဲ့ လူသားကြားမှာ ခြားနားချက်တွေ ရှိတယ်... မသေမျိုး လမ်းစဉ် ဆိုတာ ရက်စက်ကြမ်းတမ်းတယ်လေ" </p> <p style="text-align: center;"><br /> ***</p>


Save