Book List

<h2 style="text-align: center;">အခန်း ၁၀၆</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ရွှမ်ထျန်းဘုရားကျောင်း၏ အဓိကခန်းမဆောင်တွင်...</p> <p> </p> <p>   ဝူချင်းရှင်းသည် ပလ္လင်ပေါ်ရှိ အင်မော်တယ်ရုပ်ထုများကို တိတ်ဆိတ်စွာ ကြည့်နေသည် ။</p> <p> </p> <p>   အင်မော်တယ်ရုပ်ထုများကို အဆင့်အတန်းပေါ် မူတည်ပြီး သုံးမျိုးခွဲခြားထား၏ ။</p> <p> </p> <p>   အဓိကနေရာတွင် ရှိနေသည်က ဂိုဏ်းခေါင်းဆောင်နှင့် အရေးပါသည့်အကြီးအကဲများဖြစ်သည် ။</p> <p> </p> <p>   ဒုတိယနေရာတွင် ဂိုဏ်း၏ ထူးချွန်သော သူတော်စင်များနှင့် အဓိကတပည့်အချို့ ရှိသည် ။</p> <p> </p> <p>   အနိမ့်ဆုံးအဆင့်တွင် ဘုရားကျောင်း၏ အကာအကွယ်အစေခံအစောင့်များဖြစ်သော ချီယန်နှင့် ချင်းယန် တို့ရှိ၏ ။</p> <p> </p> <p> </p> <p>   သို့ရာတွင် မည်သည့်နေရာတွင်မှ သူမ၏ ရုပ်ထုမရှိပေ ။</p> <p> </p> <p> </p> <p>' တစ်နေ့မှာ ငါလဲ နေရာတစ်ခု ရရမယ်..'</p> <p> </p> <p> </p> <p>   ဝူချင်းရှင်းက နောက်သို့ လှည့်ကြည့်လိုက်လျှင် အုပ်ချုပ်ရေးမှူးလော့နှင့် သူ့လူများ ရောက်လာသည်ကို မြင်လိုက်ရ၏ ။</p> <p> </p> <p> </p> <p>      " သူတော်စင်မ.."</p> <p> </p> <p> </p> <p>   အုပ်ချုပ်ရေးမှူးလော့က တောင်းပန်ဟန်ပြုံး၍...</p> <p> </p> <p> </p> <p>      " ချောင်ပိုင်ဖူ ရဲ့ လုပ်ရပ်ကြောင့် ကျုပ်လည်း စိတ်မကောင်းဖြစ်မိပါတယ်.. "</p> <p> </p> <p>      " ဒီငွေတစ်သောင်းက ရွှမ်ထျန်းဂိုဏ်းကို လှူဒါန်းတာပါ.. ဘုရားကျောင်းအပျက်အဆီးတွေအတွက် ပြင်ဖို့ ငွေလိုတာ ကြိုသိလို့ လာပို့ပေးတာပါ.. "</p> <p> </p> <p> </p> <p>   အုပ်ချုပ်ရေးမှူးလော့ ပြောပြီးနောက် သူ၏ အစေခံများက သယ်ဆောင်လာသော သေတ္တာကို ဖွင့်လိုက်ရာ သေချာ စီရီထားသော ငွေတုံးများ ထွက်ပေါ်လာသည် ။</p> <p> </p> <p>   ဝူချင်းရှင်းက အမူအရာမဲ့စွာဖြင့် အကြည့်များက အေးစက်နေ၏ ။</p> <p> </p> <p>   သူမသည် သူတော်စင်မဘွဲ့ကို ရထားသော်လည်း အင်မော်တယ်ဂိတ်တွင် ဘာမှ မဟုတ်ချေ ။</p> <p> </p> <p>   သို့သော်လည်း ဟဲရန်မြို့တွင်မူ ကွာခြားသည် ။ အုပ်ချုပ်ရေးမှူးလော့လို သာမန်လူများအတွက် သူတော်စင်မ ဟူသည်က အင်မော်တယ်ဂိတ်ကို ကိုယ်စားပြုသည့် အရေးပါသော အင်မော်တယ်တစ်ပါးပင် ။</p> <p> </p> <p>   အုပ်ချုပ်ရေးမှူးလော့သည် အဆင့် ၄ သိုင်းပညာရှင်ဖြစ်ပြီး ခရိုင်တစ်ခုကို အုပ်ချုပ်နေသူလည်း ဖြစ်၏ ။</p> <p> </p> <p>   ယခု ဘုရားကျောင်းတွင် ဖြစ်ပျက်ခဲ့သည်က သူနှင့် မသက်ဆိုင်သော်လည်း အပြစ်တင်ခံရမည်ကို စိုး၍ ငွေလှူဒါန်းခြင်းပင် ။</p> <p> </p> <p>   ဘုရားကျောင်း ပြုပြင်ရန် ဆိုသည်က ဆင်ခြေတစ်ခုသာဖြစ်၏ ။ ချောင်ပိုင်ဖူသည် ဘုရားကျောင်း အဝင်ဝတွင် ပြာဖြစ်သည်အထိ လောင်ကျွမ်းခံလိုက်ရသဖြင့် ဘုရားကျောင်းတွင် မည်သည့် ပျက်ဆီးမှုမှ မရှိချေ ။</p> <p> </p> <p> </p> <p>      " အရှင်လော့ စိတ်ပူနေစရာမလိုပါဘူး ..ဒီကိစ္စက အရှင်နဲ့မှ မဆိုင်တာ .."</p> <p> </p> <p> </p> <p>   ဝူချင်းရှင်းက တည်ငြိမ်​စွာဖြင့် ...</p> <p> </p> <p> </p> <p>      " ကျွန်မတို့ အင်မော်တယ်ဂိတ်က အပြစ်မရှီတဲ့သူကို အပြစ်ပုံမချတက်ပါဘူး .."</p> <p> </p> <p> </p> <p>   အုပ်ချုပ်ရေးမှူးလော့က စိတ်သက်သာရာ ရသွားဟန်ဖြင့် ဦးညွှတ်အရိုအသေပေးပြီး ပြန်ထွက်သွား၏ ။</p> <p> </p> <p>   ဝူချင်းရှင်းက ငွေတုံးများ အပြည့်ထည့်ထားသော ငွေသေတ္တာကို တစ်ချက်ကြည့်လိုက်သည် ။</p> <p> </p> <p>   ငွေကြေးများသည် ကျင်ကြံသူများအတွက် အသုံးမဝင်သော်လည်း အသုံးချ၍ ရသည့် နေရာများရှိ၏ ။</p> <p> </p> <p>   သူမက ခဏစဥ်းစားကာ ဘုရားကျောင်းဂိတ်စောင့်အားလုံးကို စုဝေးခိုင်းလိုက်ပြီး ...</p> <p> </p> <p> </p> <p>      " မနေ့က မင်းတို့အားလုံး ရှိနေပေမဲ့ သာမန်သိုင်းပညာရှင်ကိုတောင် မရပ်တန့်နိုင်ခဲ့ဘူး.. "</p> <p> </p> <p> </p> <p>   သူမ၏ ပြောလိုက်သည်နှင့် အစောင့်များ အားလုံး တုန်ရီသွားကြ၏ ။ အပြစ်ပေးခံရမည်ကို စိုးသဖြင့် ချက်ချင်း ဒူးထောက်လိုက်ကြသည် ။</p> <p> </p> <p> </p> <p>      " ထ..ထ..မင်းတို့ကို အပြစ်မပေးပါဘူး.. "</p> <p> </p> <p> </p> <p>   သူတော်စင်မ ဝူချင်းရှင်းက တည်ငြိမ်သည့် အသံဖြင့်...</p> <p> </p> <p> </p> <p>      " ငါတို့ အင်မော်တယ်ဂိတ်ရဲ့ လုပ်ရပ်တွေက မှားနေရင်တောင် အမြဲတမ်းအမှန်ပဲ.."</p> <p> </p> <p>      " မင်းတို့ရဲ့ အမှားက မင်းတို့မှာ ခွန်အား လုံလုံလောက်လောက်မရှိတာ.. "</p> <p> </p> <p>      " မနေ့က မင်းတို့ ကြိုးစားခဲ့လို့ ဒဏ်ရာရတဲ့သူတွေ တော်တော်များတယ်.. မအောင်မြင်ခဲ့ပေမဲ့ မင်းတို့ ကြိုးစားခဲ့တာကို အသိအမှတ်ပြုတယ် .."</p> <p> </p> <p>      " ဒါ မင်းတို့အတွက် ဆုလဒ်ပဲ.. "</p> <p> </p> <p> </p> <p>   သူမက လက်ကိုဝှေ့ယမ်းကာ အစောင့်အချို့ကို ငွေတုံး ဝေပေးခိုင်းလိုက်သည် ။</p> <p> </p> <p> </p> <p>      " ကျေးဇူးတင်ပါတယ်ခင်ဗျ.. သူတော်စင်ကို ကျေးဇူးတင်ပါတယ်..ကျေးဇူးတင်ပါတယ်.."</p> <p> </p> <p> </p> <p>   အစောင့်များက စိတ်လှုပ်ရှားစွာ အော်ဟစ်နေကြပြီး ကျေးဇူးတင်ကြောင်းကို အထပ်ထပ် ပြောနေ၏ ။</p> <p> </p> <p>   ဤအစောင့်များ၏ နှလုံးသားထဲတွင် သူတော်စင်မ ဝူချင်းရှင်းက စံပြဖြစ်သည် ။ သူမရှိနေသည့် အတွက်ကြောင့်သာ သိုင်းပညာရှင်အစေခံများ ဤမျှအထိ ရှိနေခြင်းပင် ။</p> <p> </p> <p> </p> <p>      " ငါ့အတွက် အင်မော်တယ်ဂိတ်ကို အမှုထမ်းရင် ဆုလဒ်တွေ ရမယ်.. ကြီးကြီးမားမား အောင်မြင်မှုရရင် ဒီလို သာမန်အရာတွေတင်မကဘူး အင်မော်တယ်ဂိုဏ်းရဲ့ ကျင့်စဥ်တွေကိုပါ သင်ယူနိုင်ဖို့ အခွင့်အရေး ရလိမ့်မယ်.. "</p> <p> </p> <p> </p> <p>   သူမက အိမ်မက်လှလှလေး ပေးပြီးနောက်...</p> <p> </p> <p> </p> <p>      " မြို့ပြင်က တောင်တန်းတွေပေါ်မှာ ဝိညာဥ်သားရဲတွေ ရှိပေမဲ့ ကောင်းကင်နဲ့ မြေကြီးရဲ့ သဘာဝ ရတနာတွေလည်း ရှိတယ်........."</p> <p> </p> <p> </p> <p>   ဝူချင်းရှင်းသည် ဘုရားကျောင်းမှ မထွက်ခွါရဲသော်လည်း သိုင်းကျွန်များကို အသုံးပြုပြီး စိတ်ဝိညာဥ်သစ်သီးများကို ရှာဖွေရန် စေခိုင်းနိုင်သေး၏ ။</p> <p> </p> <p>   သူတော်စင်မဟူသည့် ဝိသေသက အလွန်အသုံးဝင်သည်ဟု ဆိုနိုင်ပေသည် ။</p> <p> </p> <p>   အုပ်ချုပ်ရေးမှူလော့ဖြစ်စေ သိုင်းကျွန်များဖြစ်စေ သူမအား ရိုသေလေးစားစွာ ဆက်ဆံကြသည် ။</p> <p> </p> <p>   အသေးအဖွဲကိစ္စများကို ကိုင်တွယ်ဖြေရှင်းပြီးနောက်၊ သူတော်စင်ဝူချင်းရှင်းသည် လေနှင့်အတူ တစ်ဖန်ပျံတက်သွားပြီး တောင်ကုန်းထိပ်ရှိ သူမ၏ အိမ်သို့ ပျံသန်းသွားခဲ့သည် ။</p> <p> </p> <p>   ကျင့်ကြံရန် အချိန်နည်းသေးသည့်အတွက် ရသမျှ အချိန်အားလုံးကို ကျင့်ကြံသည့်နေရာတွင်သာ အသုံးချပေသည် ။</p> <p> </p> <p>   သို့သော်လည်း သူမ တောင်ထိပ်သို့ ရောက်သည်နှင့် စောင့်နေသော အနီရောင်တာအိုဝတ်ရုံ ဝတ်ဆင်ထားသူကို တွေ့လိုက်ရ၏ ။</p> <p> </p> <p> </p> <p>      " သူတော်စင်မလေး..ဂိုဏ်းရဲ့ အကြီးအကဲတွေ ဆုံးဖြတ်ထားတဲ့ အမိန့်ကို ကျုပ်လာပို့တာပါ.. "</p> <p> </p> <p> </p> <p>   ကျင့်ကြံသူ ချီယန် စကားပြောလိုက်သည်နှင့် ဝူချင်းရှင်း၏ တည်ငြိမ်အေးစက်သည့် အမူအရာမှာ ပျက်ယွင်းသွားတော့သည် ။</p> <p> </p> <p>***</p>


Save