Book List

<h2 style="text-align: center;">အခန်း ၁၀၈</h2> <h2 style="text-align: center;">*</h2> <p> </p> <p> </p> <p> </p> <p>   ကျန်းချန်သည် အသတ်ခံရတော့မည့် ခံစားချက်ကြောင့် အလိုလို တောင့်တင်းသွားသော်လည်း စကားပြောရန် သတ္တိများ စုဆောင်းထားဆဲ ဖြစ်သည် ။</p> <p> </p> <p> </p> <p>      " ချောင်မိသားစုက ကျုပ်ကို ကယ်တင်ခဲ့တာပါ.. အဲ့တာကြောင့် ကျုပ် ပုံပြောသူ ဖြစ်လာတာ.. "</p> <p> </p> <p>      " ဒါပေမဲ့ ကျုပ်က ချောင်မိသားစုရဲ့ ဖြောင့်မတ်မှုကို လူသိစေချင်ရုံပါပဲ.. သူတို့အကြောင်း ဇာတ်လမ်းဆင်ပြောပြီး ဂုဏ်သတင်းဖြန့်ပေးတဲ့သူ မဟုတ်ပါဘူး.. "</p> <p> </p> <p>      " ဖြောင့်မတ်တဲ့ လုပ်ရပ်ကို လုပ်နေသရွေ့ မျိုးရိုးနာမည် ချောင် ဒါမှမဟုတ် ချောင်မိသားစုဝင် ဖြစ်မဖြစ်က အရေးကြီးတာမှ မဟုတ်တာ.. "</p> <p> </p> <p> </p> <p>   လူဆိုးထိန်းများ အနည်းငယ် အံ့သြကုန်ကြ၏ ။</p> <p> </p> <p>   ကျန်းချန်က ခန္ဓာကိုယ်ကို ဖြောင့်ဖြောင့်ရပ်လိုက်ပြီး လေးနက်သည့်ဟန်ဖြင့်...</p> <p> </p> <p> </p> <p>      " ကျုပ်က သူရဲကောင်းတွေအကြောင်းကို ပြောရတာကြိုက်တဲ့ ပုံပြောသူတစ်ယောက်လေ.. ချောင်မိသားစုက ကျုပ်နဲ့ ဘာမှ မဆိုင်ပါဘူး.. နာမည်ကြီး သူရဲကောင်းတွေရဲ့ မျိုးရိုးနာမည်က ချောင်ဖြစ်နေတာ တိုက်ဆိုင်မှုတစ်ခုပါ.. "</p> <p> </p> <p> </p> <p>   ထို့နောက် ခေါင်းဆောင်က သူ့ကို အချိန်အတော်ကြာသည်အထိ အမူအရာကင်းမဲ့စွာ စိုက်ကြည့်နေသဖြင့် ကျန်းချန် ကျောရိုးတစ်လျောက် အေးစိမ့်စိမ့်ခံစားလာရပြီး ကြက်သီးများထလာကာ ခေါင်းမွေးများ ထောင်လာ၏ ။</p> <p> </p> <p>   ခေါင်းဆောင်က ရုတ်တရက် ပြုံးလိုက်​ပြီး...</p> <p> </p> <p> </p> <p>      " နောက်မေးခွန်း တစ်ခုမေးမယ်.. မှန်အောင်ဖြေနိုင်ရင် အသက်ရှင်ခွင့်ရမယ်.. "</p> <p> </p> <p>      " ဒီလောကမှာ အမှန်တရားကို ပြောရဲတဲ့ လှည့်လည်ပုံပြောသူ တကယ်ကို ရှားတယ်.. မင်း ဒီရေနားစွင့် မျှော်စင်မှာ ပါဝင်ပြီး အဖွဲ့ဝင်တစ်ယောက်ဖြစ်လာဖို့ ဆန္ဒရှိလား.. "</p> <p> </p> <p> </p> <p>' ဒီရေနားစွင့် မျှော်စင်လား.. '</p> <p> </p> <p> </p> <p>   ကျန်းချန် ရှုပ်ထွေးသွားပြီး စဥ်းစားနေ၏ ။</p> <p> </p> <p> </p> <p>      " ဟုတ်တယ်.. မင်းက ၃၁ နှစ်ပေမဲ့ အဆင့် ၉ သိုင်းပညာရှင်ပဲ ရှိသေးတယ်.. ဂိုဏ်းငယ်လေးက ဆိုတော့ ဗဟုသုတ နည်းတာ ပုံမှန်ပါပဲ.. "</p> <p> </p> <p> </p> <p>   ခေါင်းဆောင်က ခပ်ပေါ့ပေါ့ ပြုံးလိိုက်​ပြီး ...</p> <p> </p> <p> </p> <p>      " ​မျိုးနွယ်ခြား စစ်ပွဲ အပြီးမှာ သိုင်းသူတော်စင်က သူတစ်ယောက်ထဲနဲ့ သိုင်းလောက တစ်ခုလုံးကို အနိုင်ယူခဲ့တယ်.."</p> <p> </p> <p>      " ရှောင်လင် ..ဝူတန်..ကွန်တုံ.. ဟွာရှန်း.. အဓိက ထိပ်သီး မိသားစုကြီး လေးခု.. ရှေးဟောင်းဂိုဏ်းတွေနဲ့ သိုင်းလောကထိပ်သီးမိသားစုကြီးတွေက ခုဆို ဖုန်မှုန့်ပဲ ကျန်တော့တယ်.. "</p> <p> </p> <p>      " အဲ့ဒီနောက် သိုင်းလောက ရဲ့ ကြောက်စရာအကောင်းဆုံး ဝူကျိအသင်းရဲ့ ခေတ်ကို ရောက်လာတာပေါ့.. "</p> <p> </p> <p>      " ဒါပေမဲ့ ဝူကျိအသင်းက ဖျက်ဆီးတာကို မခံရတဲ့ လျှို့ဝှက်အဖွဲ့အစည်းတစ်ခု ဒီကမ္ဘာပေါ်မှ ရှိနေတုန်းပဲ.. "</p> <p> </p> <p>      " အဲ့တာ ငါတို့ ဒီရေနားစွင့်မျှော်စင်ပဲ.. ထူးဆန်းတဲ့ ဇာတ်လမ်းပြောသူနဲ့ ပုံပြောသူတွေရဲ့ စုဝေးရာ နေရာတစ်ခုပေါ့.. ဟီးဟီး..."</p> <p> </p> <p> </p> <p>   ခေါင်းဆောင်က ရယ်ပြီး ပြောလိုက်၏ ။</p> <p> </p> <p> </p> <p>      " ဒီရေနားစွင့် မျှော်စင် က ရှည်ကြာတဲ့ သမိုင်းကြောင်းရှိပြီးတော့ အနှစ်တစ်ထောင်ကျော် တည်မြဲလာတဲ့ အဖွဲ့အစည်းပဲ.. အရင်မင်းဆက်ထဲက ဆိုပါတော့.. "</p> <p> </p> <p>      " လွန်ခဲ့တဲ့ နှစ်ငါးဆယ်တုန်းက ငါတို့ အဖွဲ့အစည်းကနေ လူတစ်ယောက် မွေးထုတ်ပေးနိုင်ခဲ့တယ်.. သူ့ကို မင်းလည်း ကြားဖူးမှာပါ အရာအားလုံးသိသူ လို့ ကြေညာခဲ့တဲ့ လူလေ.. "</p> <p> </p> <p> </p> <p>   ကျန်းချန် ရင်တစ်ချက် ခုန်သွား၏ ။ အရာအားလုံသိသူ ဟူသည့် အမည်က သိုင်းလောက၏ ဒဏ္ဍာရီ တစ်ပုဒ်ဖြစ်သည် ။ ထိပ်တန်းလက်နက် စာရင်း ၊ သူရဲကောင်းစာရင်း နှင့် သိုင်းလောက၏ ထူးဆန်းသည့် အဖြစ်အပျက်များ၌ မပါမဖြစ် နာမည်တစ်ခုဖြစ်၏ ။</p> <p> </p> <p>   ကျန်းသည်သည် ဒီရေနားစွင့်မျှော်စင်၏ စွမ်းရည်ကို နားလည်လာခဲ့သည် ။ ရာစုနှစ်များအတွင်း မင်းဆက်များသည် ဒီရေကဲ့သို့ အတက်အကျရှိနေသော်လည်း ပုံပြောသူများက အဆောက်အဦး၏ ထိပ်တွင်ထိုင်ကာ ပုံပြောနေကြဆဲပင် ။</p> <p> </p> <p>   ခေါင်း​ဆောင်က ...</p> <p> </p> <p> </p> <p>      " ငါတို့ ဒီရေနားစွင့်မျှော်စင်မှာ အကြမ်းဖျဥ်းအားဖြင့် အုပ်စုနှစ်ခု ခွဲထားတယ်.. "</p> <p> </p> <p>      " တစ်ဖွဲ့က အမှန်တရားကို ဖြန့်ဝေဖို့ အန္တရာယ်ကြားထဲမှာ လှုပ်ရှားကြပြီး အာဏာပိုင်တွေ ဒါမှမဟုတ် ကျင့်ကြံသူတွေ လိုက်သတ်တာတောင် ခံရနိုင်တယ်.. "</p> <p> </p> <p>      " တခြားအဖွဲ့ကတော့ ထူးဆန်းတဲ့ဇာတ်လမ်းတွေနဲ့ အတင်းအဖျင်းတွေကို ပြောကြတယ် မှန်တာမမှန်တာတော့ ဂရုမစိုက်ကြဘူး.. "</p> <p> </p> <p>      " ဘယ်အဖွဲ့မှာ ပါချင်လဲ.. "</p> <p> </p> <p> </p> <p>   ကျန်းချန် အနည်းငယ် အံ့သြသွားပြန်သည် ။ အဆင့် ၉ သိုင်းပညာရှင်တစ်ယောက်အနေဖြင့်​ ရွေးချယ်ခွင့်ရှိမည်ဟု ထင်မထားပေ ။ သူ မေးလိုက်၏ ။</p> <p> </p> <p> </p> <p>      " ဒုတိယအမျိုးအစားက ဘယ်လိုမျိုးလဲ.. "</p> <p> </p> <p> </p> <p>   ခေါင်းဆောင်က နှုတ်ခမ်းတွန့်ရုံသာ ပြုံးလိုက်ပြီး...</p> <p> </p> <p> </p> <p>     " ဥပမာဆိုရင် .. ငါတို့ ဒီရေနားစွင့်မျှော်စင်မှာ ပါပါရာဇီ ဆိုတဲ့သူ ရှိတယ်.. သူဆိုရင် သိုင်းလောက အတင်းတွေကို ဇာတ်လမ်းလုပ်ပြောရတာကို သဘောကျတယ်.. "</p> <p> </p> <p>      " သိုင်းလောကရဲ့ အလှဆုံး မိန်းကလေးဆယ်ယောက်တို့.. တိုက်ပွဲအတွင်း ဂွပြဲကြသူများတို့.. ညဘက်မစွမ်းဆောင်နိုင်တော့သည့် လူကြီးလူကောင်းဓားသမားတို့ ..အဲ့လိုမျိုးတွေပေါ့.. "</p> <p> </p> <p>   ကျန်းချန်..."..."</p> <p> </p> <p>   သူသေချာ စဥ်းစားလိုက်​ပြီး ဆုံးဖြတ်ချက်ချလိုက်တော့၏ ။</p> <p> </p> <p> </p> <p>      " ဒုတိယတစ်ခုက စိတ်ဝင်စားစရာ​တော့ကောင်းပေမဲ့ ပထမအဖွဲ့ထဲပဲ ဝင်တော့မယ်.. "</p> <p> </p> <p>     " အဆင်ပြေပါတယ်.. "</p> <p> </p> <p> </p> <p>   ခေါင်းဆောင်က ခေါင်းညိတ်လိုက်ပြီး...</p> <p> </p> <p> </p> <p>      " ခုကစပြီး မင်းက ငါတို့ ဒီရေနားစွင့်မျှော်စင်ရဲ့ အဖွဲ့ဝင်ဖြစ်သွားပြီ.. "</p> <p> </p> <p>      " ဒါပေမဲ့ ခု ငါ့မှာ အရေးကြီးကိစ္စရှိလို့ သူတို့နောက်ကနေ လိုက်သွားလိုက်ပါ.. "</p> <p> </p> <p> </p> <p>   ခေါင်းဆောင်က သူ့လူများကို ခေါ်ပြီး ကျန်းချန်ကို ခေါ်သွားရန် အမိန့်ပေးလိုက်၏ ။</p> <p> </p> <p>   ထို့နောက် သူက ပြုံးလိုက်ပြီး လမ်းကြားတစ်ခုဘက်သို့ ကြည့်ကာ အော်ပြောလိုက်၏ ။</p> <p> </p> <p> </p> <p>      " မိတ်ဆွေက ဝူကျိအသင်းက ရောင်းရင်းလား.. "</p> <p> </p> <p>      " ဝူကျိအသင်းရဲ့ လျှို့ဝှက် ကြယ်သံတမန်က ဝူချင်းရှင်းကို လိုက်ဖမ်းဖို့ အမိန့်ထုတ်ထားတာကို ဘာလို့ ကျုပ်နောက်လိုက်နေတာလဲ ..ရောင်းရင် လူမှားနေပြီထင်တယ်နော်.. "</p> <p> </p> <p> </p> <p>   အကွယ်တစ်ခုတွင် ပုန်းနေသော ချောင်မူက ထွက်လာခဲ့လိုက်၏ ။ ဤသို့သော လျှို့ဝှက်အဖွဲ့အစည်းများနှင့် ကြုံတွေ့ရခြင်းသည် သေမင်းကို ဖိတ်ခေါ်နေသည်နှင့်တူပေသည် ။ သို့ရာတွင် ထိုသေမင်းဆိုသည်က ချောင်မူလိုက်ရှာနေသည့်သူပင် ။</p> <p> </p> <p>   ချောင်မူက အေးဆေးနေသော အမူအရာဖြင့် ထွက်လာပြီး...</p> <p> </p> <p> </p> <p>      " ဝူချင်းရှင်းက ရွှမ်ထျန်းဂိုဏ်းရဲ့ သူတော်စင်မလေ ရင်ဆိုင်ရတာ မလွယ်ဘူး.. အဲ့တာကြောင့် သွားမရှာခင် လမ်းကြားထဲက ကြွက်လေးတွေကို အရင်ရိုက်ရင် ကောင်းမလားလို့ပါ.. "</p> <p> </p> <p> </p> <p>   ချောင်မူက ရှေ့သို့ တိုးလိုက်ပြီး တစ်ဘက်လူကို သေချာကြည့်လိုက်၏ ။ ထိုသို့ လျှို့ဝှက်ဆန်းကြယ်သော အဖွဲ့အစည်းမျိုးကို သူသဘောကျသည် ။ ဝူကျိအသင်းသည်လည်း သူ၏ ရန်သူဖြစ်သဖြင့် နှစ်ဖက်ရန်တိုက်ပေး၍ရလျှင် ပိုကောင်းပေမည် ။</p> <p> </p> <p>    သို့သော်လည်း ခေါင်းဆောင်က ချောင်မူ၏ တစ်ကိုယ်လုံးကို သေချာကြည့်လိုက်ပြီး ..</p> <p> </p> <p> </p> <p>      " သြော် မိတ်ဆွေက ဝူကျိအသင်းဝင် မဟုတ်ပေမဲ့ နီးစပ်နေတာပဲ.. "</p> <p> </p> <p> </p> <p>   ထို့​နောက် ပြုံးလိုက်ကာ...</p> <p> </p> <p> </p> <p>      " ရောင်းရင်းက သိုင်းသူတော်စင်စိတ်ဝိညာဥ်ကျမ်းကို လေ့ကျင့်ထားတယ်ဆိုတော့ ဝူကျိအသင်းဝင် တဝက်လို့ ပြောလို့ရနေပြီ.. ဒီဒေသ တာဝန်ခံ လျှို့ဝှက်ကြယ်သံတမန်ကလည်း ရောင်းရင်းလို လူသစ်မျိုးကို ရှာနေတာ.. ခုသွားမယ်ဆိုရင် ဝူချင်းရှင်းကို အမဲလိုက်မယ့်ပွဲကိုတောင် မီနိုင်သေးတယ်.. "</p> <p> </p> <p>      " သိုင်းသူတော်စင်က မျိုးနွယ်ခြားတွေကို မုန်းသလို ရုံးတော်ကိုလည်း မ​ကြိုက်ဘူး..သူ့တပည်က ကျင့်ကြံသူတွေရဲ့ ခွေးဖြစ်နေတာကို သူဘယ်ကျေနပ်နိုင်မလဲ.. "</p> <p> </p> <p>      " ဒါပေမဲ့ ဝူချင်းရှင်းက သိုင်းသူတော်စင်ရဲ့ တပည့်ဖြစ်ဖူးသလို အင်မော်တယ်ကျင့်စဥ်တွေကိုလဲ လေ့ကျင့်ထားတယ်.. သူ့ကိုသတ်ဖို့ ဆိုတာ လွယ်တာ မဟုတ်ဘူး.. "</p> <p> </p> <p>      " ရောင်းရင်းကို ကြည့်ရတာ အစွမ်းအစ ရှိမယ့်ပုံပဲ.. ရောင်းရင်းသာ ဝူချင်းရှင်းကို သတ်နိုင်ရင် အောင်မြင်မှုကြီးတစ်ခုလို့ သတ်မှတ်လို့ရနိုင်တယ် .. သိုင်းသူတော်စင်ရဲ့ မျက်နှာသာကိုတောင် ရနိုင်ချေရှိတယ်နော်.. "</p> <p> </p> <p>***</p>


Save