Book List

<h2 style="text-align: center;">အပိုင်း (၁၃၃၀)</h2> <h2 style="text-align: center;">*</h2> <p> </p> <p>ရှမ့်လန် သူ့ကို ကြည့်လိုက်ချိန်မှာတော့ သူ့အကြည့်နှင့် ဝိညာဉ်၌ အပြစ်ဆိုဖွယ်ရာ တစ်ခုမှ မတွေ့ရပေ။ အရှိန်အဝါချင်း ယှဉ်ပြိုင်ရာတွင်လည်း သူက အသာစီး မရနိုင်အောင် ဖြစ်နေ၏။ သူသည် ရှမ့်လန်ထက်ပင် ပို၍ ရှမ့်လန် ဆန်နေသည်။</p> <p> </p> <p>ထိုသူသည် ရှမ့်လန်ကိုကြည့်ရင်း မျက်လုံးဖြင့် စကားလှမ်းပြောနေသကဲ့သို့ ရှိ၏။ “ကျုပ်က ခင်ဗျားရဲ့ ခြေလှမ်းတွေကို အောင်မြင်ခွင့်ပေးမှာ မဟုတ်ဘူး။”</p> <p> </p> <p>သူသည် ပါးစပ်ဖြင့် မပြောဘဲ မျက်လုံးဖြင့် ပြောနေခြင်းဖြစ်သည်။ ထို့အပြင် အခြားသူများ မသိစေဘဲ ရှမ့်လန်တစ်ယောက်တည်း သိစေရန် ပြောလိုက်ခြင်း ဖြစ်သည်။</p> <p> </p> <p>ထိုခံစားချက်မှာ ထူးဆန်းလွန်းလှသည်။ သူသည် တိုက်ပွဲတွင် ရှမ့်လန်၏ ပရိယာယ်ကို ဖော်ထုတ်တော့မည့် ပုံစံမျိုး ဖြစ်နေသည်။ သူက ရှမ့်လန်အစစ် ဖြစ်နေပြီး ရှမ့်လန်ကသာ အတုဖြစ်နေသည့်နှယ် သူ၏ ဝိညာဉ်အာရုံ ခံစားမှုက ပြသနေသည်။ ထိုဝိညာဉ်အာရုံခံစားမှုကြောင့်ပင် သူ၏အရှိန်အဝါမှာ လုံးဝ ပြိုင်ဘက်ကင်းနေခြင်း ဖြစ်၏။</p> <p> </p> <p>........</p> <p> </p> <p>ကျူးဟုန်ရွှဲ့က ပြောလိုက်သည်။ “အရှင်ရှမ့်လန်အစစ်က အရမ်းနက်နဲတဲ့ စွမ်းအင်တစ်ခုကို သိရှိ နားလည်ထားပါတယ်။ သူက ကြက်ကလေးတစ်ကောင်ကိုတောင် ဖမ်းနိုင်တဲ့ အားမရှိဘဲနဲ့ ရင်ဝူမင်ကို သတ်ဖြတ်ပြီး စွမ်းအင်ဝဲကတော့ကို ထုတ်လွှတ်ပြခဲ့ဖူးပါတယ်။”</p> <p> </p> <p>သို့သော်ငြား ကျူးဟုန်ရွှဲ့ စကားမဆုံးမီမှာပဲ ရှမ့်လန်အတုက ခေါင်းမော့ကာ နဂါးဓားကို ဝှေ့ယမ်းပြီး စွမ်းအင်ဝဲကတော့ ကို ထုတ်လွှတ်ပြလိုက်သည်။ ထိုမြင်ကွင်းမှာ ရှမ့်လန်က ရင်ဝူမင်ကို တစ်စက္ကန့်အတွင်း သတ်ဖြတ်ခဲ့သည့် မြင်ကွင်းနှင့် တစ်ပုံစံတည်း တူညီနေ၏။</p> <p> </p> <p>သူ့တွင် ရှေးဟောင်းဘုရင်လက်စွပ်၊ နဂါးနှလုံးသား၊ နဂါးဓား အစုံအလင် ရှိနေသည်။ လူတိုင်း သိထားကြသည့်အတိုင်း ဤရှေးဟောင်းပစ္စည်းများသည် ရှမ့်လန်၏ အမှတ်အသားများ ဖြစ်ကြသည်။ ရှမ့်လန်အစစ်မှာမူ ဗလာနတ္ထိ ဖြစ်နေပြီး မည်သည့်ပစ္စည်းမှ မရှိချေ။</p> <p> </p> <p>သေချာသည်မှာ သူသည် လေထဲမှ စွမ်းအင်ဝဲကတော့ကို ထုတ်လွှတ်ပြနိုင်သော်လည်း ထိုသို့ပြုလုပ်ပါက လူများ ပို၍ သံသယ ဝင်သွားစေလိမ့်မည်။ ‘ခင်ဗျားက အရမ်းစွမ်းအားကြီးနေတာပဲ။ ကျန်းလီ လွှတ်လိုက်တဲ့ ကိုယ်ပွားများလား’ ဟူ၍ တွေးတောသွားကြပေလိမ့်မည်။</p> <p> </p> <p>ကျူးဟုန်ရွှဲ့က ပြောလိုက်၏။ “အရှင်ရှမ့်လန်ရဲ့ သားရဲကြီး တချောင်က မြောက်ဝင်ရိုးစွန်း အရေးအခင်း မတိုင်ခင်တည်းက အရှင်ရှမ့်လန်နားကနေ ထွက်ခွာသွားခဲ့တာပါ။၊ သူက အရင်ဆုံး နုရှောင့်မြို့ကို ပြန်ရောက်လာပြီး အဲဒီကနေမှ ကျုပ်တို့ မိုကျင်းကို ခေါ်လာခဲ့တာပါ။၊ တချောင်က ပျံသန်းတဲ့သားရဲဆိုတော့ လူတွေထက် ပိုပြီး အာရုံခံစားမှု ကောင်းမွန်ပါလိမ့်မယ်။”</p> <p> </p> <p>ကျိုးရှီ ခေါင်းညိတ်လိုက်သည်။ ခဏအကြာတွင် တချောင် ဝင်ရောက်လာခဲ့သည်။ ၎င်းသည် ရှမ့်လန်အစစ်ကို တစ်ချက်ကြည့်ပြီးနောက် ညာဘက်ရှိ ရှမ့်လန်အတုထံသို့ ကြည့်လိုက်သည်။</p> <p> </p> <p>ထို့နောက် တချောင်သည် ညာဘက်ရှိ ရှမ့်လန်အတုထံသို့ တန်းတန်းမတ်မတ် သွားရောက်ကာ ခေါင်းဖြင့် ပွတ်သပ်ရင်း ဝမ်းနည်းပက်လက် အော်မြည်နေသည်။ သို့သော်ငြား ၎င်း၏ မျက်လုံးကြီးများက ဘယ်ဘက်ရှိ ရှမ့်လန်အတုကို ကြည့်နေဆဲ ဖြစ်၏။</p> <p> </p> <p>ညာဘက်ရှိ ရှမ့်လန်အတုက တချောင်၏ ခေါင်းကို ညင်သာစွာ ပွတ်သပ်ပေးလိုက်သည်။ “မိတ်ဆွေဟောင်းကြီး... မတွေ့တာ ကြာပြီပဲ။ မင်းလည်း ပြောင်းလဲသွားပြီနော်။”</p> <p> </p> <p>ရှမ့်လန်အတု သက်ပြင်းချလိုက်ရာ သူ့အသံတွင် ခံစားချက်များ ပြည့်နှက်နေသည်။ တချောင်ပင်လျှင် ညာဘက်ရှိ ရှမ့်လန်ကို အစစ်ဟု ထင်မှတ်နေ၏။ ရှမ့်လန်အတုသည် ရှမ့်လန်ကို ကြည့်ကာ တစ်လုံးချင်း ပြောလိုက်သည်။ “ကျုပ် ပြောခဲ့သားပဲ။ ကျုပ်က မင်းရဲ့ ခြေလှမ်းတွေကို အောင်မြင်ခွင့်ပေးမှာ မဟုတ်ဘူးလို့။ လူလိမ်ကောင်...”</p> <p> </p> <p>ရှမ့်လန် မျက်လုံးများကို ကျဉ်းမြောင်းလိုက်၏။ ကစားပွဲက ပျော်စရာ ကောင်းလာပြီဟု သူ ခံစားလိုက်ရသည်။ ဤကစားပွဲက တကယ်ကို စိတ်ဝင်စားစရာ ကောင်းလွန်းလှသည်။ ရှမ့်လန်အတုသည် သူ့ထက်ပင် ပို၍ စစ်မှန်နေသည်။ သူ့ရုပ်ရည်နှင့် ခန္ဓာကိုယ်က ရှမ့်လန်နှင့် တူညီရုံသာမက နဂါးနှလုံးသား၊ နဂါးဓား၊ ရှေးဟောင်းဘုရင်လက်စွပ်တို့ကို ပိုင်ဆိုင်ထားပြီး တချောင်ကပါ သူ့ကို အသိအမှတ်ပြုထားသည်။ ထို့ကြောင့် ရှမ့်လန်သည် လုံးဝ ရှုံးနိမ့်သွားတော့မည့်ပုံ ပေါက်နေ၏။</p> <p> </p> <p>ရှမ့်လန်သည် ရှမ့်လန်အတု၏ မျက်နှာမှ အကြည့်ကို လွှဲလိုက်ပြီး နန်းဆောင်သခင် ကျိုးရှီကို ပြောလိုက်သည်။</p> <p>“လူတိုင်းပဲ.. အစစ်ဘယ်သူလဲ ၊ အတုဘယ်သူလဲ ဆိုတာကို တိုက်ရိုက်ဆုံးဖြတ်ပေးနိုင်မယ့် နည်းလမ်းတစ်ခု ကျုပ်ဆီမှာ ရှိပါတယ်။”</p> <p> </p> <p>ထိုစကားကြားသည်နှင့် လူတိုင်း သူ့ကို ကြည့်လိုက်ကြ၏။</p> <p> </p> <p>ရှမ့်လန်က ပြုံးလိုက်ပြီး ပြောသည်။ “လူတိုင်းပဲ.. တခြားအရာတွေအားလုံးက အတုလုပ်လို့ ရပါတယ်။၊ ပြီးတော့ မြောက်ဝင်ရိုးစွန်း အရေးအခင်းတုန်းက ကျုပ် နဂါးနှလုံးသား၊ နဂါးဓားနဲ့ ရှေးဟောင်းဘုရင် လက်စွပ်တို့ကို ဆုံးရှုံးခဲ့ရပါတယ်။</p> <p> </p> <p>ဒါပေမဲ့ အတုလုပ်လို့မရတဲ့ အရာတစ်ခု ရှိပါတယ်။ အဲဒါကတော့ ဉာဏ်ပညာပါပဲ။၊ အရှင်ရှမ့်လန် အစစ်မှာ ပြိုင်ဘက်ကင်းတဲ့ ဉာဏ်ပညာ ရှိပါတယ်။၊ မဟာပညာရှင် ရာပေါင်းများစွာ နှစ်ချီပြီး မဖြေရှင်းနိုင်ခဲ့တဲ့ သင်္ချာပုစ္ဆာတွေကို ရှမ့်လန်က မျက်တောင်တစ်ခတ် အတွင်းမှာ ဖြေရှင်းနိုင်ပါတယ်။”</p> <p> </p> <p>ထိုစကားကို ကြားချိန်မှာတော့ အားလုံးက သဘောတူစွာ ခေါင်းညိတ်လိုက်ကြ၏။ မှန်ပေသည်။ အခြား အရာများကို တုပနိုင်သော်လည်း ဉာဏ်ပညာကို တုပ၍ မရနိုင်ပေ။</p> <p> </p> <p>ရှမ့်လန်က ဆက်ပြောလိုက်၏။ “နန်းဆောင်သခင် ကျိုးရှီ... ကျုပ်တို့ စကားပြောခဲ့တာကို ခင်ဗျား မှတ်မိအုံးမှာပါ။၊ ကျုပ်တို့ လမ်းမခွဲခင်တုန်းက ခင်ဗျားကို ကျုပ် သင်္ချာပုစ္ဆာတစ်ပုဒ် ပေးခဲ့တာ မှတ်မိအုံးမှာပါ။ ဒါပေမဲ့ အဖြေကိုတော့ မပေးခဲ့ပါဘူး။၊</p> <p> </p> <p>ပုစ္ဆာက ရိုးရှင်းပါတယ်။ 1 + 1 = 2 ဖြစ်ကြောင်း ဘယ်လို သက်သေပြမလဲ ဆိုတာပါပဲ။၊ တကယ်တော့ အဲဒါက 2 ထက်ကြီးတဲ့ စုံကိန်းတိုင်းကို သုဒ္ဓကိန်းနှစ်လုံး ပေါင်းလဒ်အဖြစ် ရေးသားနိုင်တယ် ဆိုတဲ့ ဂယ်ဘတ် သီအိုရီရဲ့ အခြေခံပါပဲ။၊ ဒါက နှစ်ထောင်ချီပြီး မဖြေရှင်းနိုင်ခဲ့တဲ့ ပုစ္ဆာပါ။၊ လူစားထိုးထားတဲ့သူအနေနဲ့ ဒါကို သိနိုင်စရာ အကြောင်းမရှိပါဘူး။ သူက သက်သေပြရုံပါပဲ။ ဒီတော့ ဒီပုစ္ဆာကို အကောင်းဆုံး ဖြေရှင်းနိုင်တဲ့ သူက ရှမ့်လန်အစစ်ပဲ ဖြစ်ရပါမယ်။ မဟုတ်ဘူးလား။”</p> <p> </p> <p>နန်းဆောင်သခင် ကျိုးရှီ စဉ်းစားလိုက်ပြီး ပြောလိုက်သည်။ “အရှင်ရှမ့်လန်က အဲဒီတုန်းက ဒီအကြောင်း ပြောခဲ့တာ မှန်ပါတယ်။ သူက ဒီနေ့လို အခြေအနေမျိုး ကြုံလာရမယ်ဆိုတာကို ကြိုသိနေခဲ့တာလား။ အရှင်ရှမ့်လန်က တကယ့် နတ်ဘုရားပါပဲ။”</p> <p> </p> <p> </p> <p>ကျိုးရှီက ကျူးနင်နှင့် မင်းသမီး နင်ဟန်တို့ဘက် လှည့်မေးသည်။ “အရှင်ရှမ့်လန် ပေးတဲ့ ပုစ္ဆာကို မင်းတို့ နားလည်နိုင်ရဲ့လား။ နားလည်လား။”</p> <p> </p> <p>ဂိုးဘတ်ချ်၏ ယူဆချက်မှာ သူ့အတွက် ရင်းနှီးနေပြီးသား ဖြစ်လေရာ လူအများကြားမှာတော့ ၁ + ၁ အဖြစ် ပျံ့နှံ့သွားသည်။ အမှန်တကယ်တော့ ထိုအရာက မည်သည့် ၂ ထက်ကြီးသော စုံကိန်းကိုမဆို သုဒ္ဓကိန်းနှစ်ခု၏ ပေါင်းလဒ်အဖြစ် ရေးပြနိုင်ခြင်းပဲ ဖြစ်၏။</p> <p> </p> <p>လက်ရှိ ကမ္ဘာမြေပေါ်မှာတော့ ဤပုစ္ဆာမှာ အဖြေမရှိသေးဘဲ လူအများကတော့ ယင်းကို သင်္ချာသရဖူပေါ်မှ ရတနာတစ်ပါး၊ ကမ္ဘာ့ခေတ်သစ် သင်္ချာလောက၏ အကြီးမားဆုံး ခက်ခဲသော ပုစ္ဆာကြီးသုံးခုထဲမှ တစ်ခုအဖြစ် သတ်မှတ်ထားကြဆဲ ဖြစ်သည်။</p> <p> </p> <p>နှစ်ပေါင်း ၂၀၀ လုံးလုံး အစိတ်အပိုင်း သေးသေးလေး တစ်ခုကိုသာ သက်သေပြနိုင်ခဲ့ပြီး ယခုတိုင် အဖြေရှာ မရသေးပေ။</p> <p> </p> <p>တရုတ်နိုင်ငံမှ သင်္ချာပညာရှင် မစ္စတာဟွာလော်ဂန်း နေရပ်သို့ ပြန်လာပြီးနောက် ဤယူဆချက်ကို စတင် လေ့လာခဲ့ရာ နောက်ပိုင်းတွင် အောင်မြင်မှုကြီးများ ရရှိခဲ့သည်။ ဝမ်ယွမ်၊ ဖန်ချန်တုန်းနှင့် ချန်ကျင်းရွမ်တို့သည် တိကျသော တိုးတက်မှုများ ရရှိခဲ့ပြီး ၃ + ၄၊ ၂ + ၅၊ ၁ + ၅ နှင့် ၁ + ၂ တို့ကို အသီးသီး သက်သေပြနိုင်ခဲ့ကြ၏။</p> <p> </p> <p>မှန်သည်။ ယခုအချိန်အထိ ဂိုးဘတ်ချ်၏ယူဆချက်နှင့် ပတ်သက်ပြီး အနည်းငယ်သာ တိုးတက်မှု ရှိသေး၏။ ထို့အပြင် ပြီးခဲ့သော ဆယ်စုနှစ်များစွာ အတွင်း၌လည်း ယင်းကို အပြည့်အဝ ဖြေရှင်းနိုင်မည့် မျှော်လင့်ချက် မတွေ့ရသေးချေ။</p> <p> </p> <p>နှစ်ပေါင်း ၂၀၀ လုံးလုံး မရေမတွက်နိုင်သော သင်္ချာပညာရှင်များ အဆက်ဆက် ကြိုးစားခဲ့ကြသော်လည်း ရလဒ်မှာ အောင်မြင်ဖို့ ရာခိုင်နှုန်း အလွန်နည်းပါးလွန်းလှသည်။ ထို့ကြောင့် အမှန်တကယ်ပဲ ကမ္ဘာ့အဆင့် အခက်ခဲဆုံး သင်္ချာပုစ္ဆာကြီး ဖြစ်နေသည်။</p> <p> </p> <p>အတိတ်က ရှမ့်လန်သည် မြောက်ပိုင်းစစ်ဆင်ရေးအဖြစ် ရန်မြို့တော်သို့ မသွားမီက ဂိုဏ်းချုပ်ကျိုးရှီနှင့် နက်နက်နဲနဲ ဆွေးနွေးခဲ့ဖူးသည်။ ထိုအချိန်က ကျိုးရှီပဲဖြစ်ဖြစ်၊ ကန်ဝမ် ပဲဖြစ်ဖြစ်၊ ရှမ့်လန် ကိုယ်တိုင်ပဲဖြစ်ဖြစ် အနာဂတ်နှင့် ပတ်သက်ပြီး အဆိုးမြင်နေခဲ့ကြ၏။</p> <p> </p> <p>သို့ပေမည့် ကျိုးရှီ၏ ကောင်းကင်ပင်လယ်နန်းဆောင်  မှ တည်ဆောက်ထားသော မိုင်တစ်သောင်း သဲကန္တာရထဲမှာတော့ ကမ္ဘာကြီး ကြီးမားစွာ ပြောင်းလဲသွားပြီးနောက် လူသားများ ကံကောင်းထောက်မစွာ ရှင်သန်နိုင်မည့် တစ်ခုတည်းသော အခြေစိုက်စခန်း ဖြစ်လာဖွယ် ရှိသည်။</p> <p> </p> <p>ဤသို့ဆိုလျှင် အနာဂတ်တွင် ရန်သူများက ရှမ့်လန်အတုတစ်ယောက်ကို စေလွှတ်ကာ ထိုနယ်မြေ၏ အမြင့်ဆုံး ခေါင်းဆောင်နေရာကို တိုက်ရိုက် လုယူသွားနိုင်မည် မဟုတ်လား။</p> <p> </p> <p>ထို့ကြောင့် အတိတ်က ရှမ့်လန်သည် အလွန် ပြောင်မြောက်သော လျှို့ဝှက်သင်္ကေတ တစ်ခုကို ချမှတ်ထားခဲ့သည်။ ထိုအရာက ဂိုးဘတ်ချ်၏ ယူဆချက်ပဲ ဖြစ်သည်။ ဤယူဆချက်နှင့် ပတ်သက်ပြီး သိရှိထားသော သက်သေပြချက်များမှာ အလွန်နည်းပါးပြီး ဆယ်ခုကျော်ခန့်သာ ရှိသည်။ ထို့အပြင် သက်သေပြချက် တစ်ခုစီတိုင်းမှာလည်း ကွဲပြားခြားနားနေ၏။</p> <p> </p> <p>ထို့ကြောင့် ထိုအချိန်က ရှမ့်လန်သည် ကျိုးရှီကို ၁ + ၃၊ ၁ + ၄၊ ၁ + ၅ စသည့် အကြောင်းအရာများကိုသာ ပေးခဲ့ပြီး ၁ + ၂ တစ်ခုတည်းကိုသာ ချန်ထားခဲ့သည်။</p> <p> </p> <p>ဤအရာက ကျိုးရှီအနေဖြင့် ဤပုစ္ဆာကို ရှင်းလင်းစွာ သဘောပေါက်နိုင်စေရန် သေချာစေရုံသာမက ဤသက်သေပြမှု လုပ်ငန်းစဉ်ကိုလည်း နားလည်နိုင်စေရန် ဖြစ်၏။</p> <p> </p> <p>ထို့အပြင် ထိုနောက်တွင် ရှမ့်လန်က ဉာဏ်ရည်တုဦးနှောက်ထဲမှ ၁ + ၂ သက်သေပြမှု လုပ်ငန်းစဉ်များကို အပြီးတိုင် ဖျက်ဆီးပစ်ခဲ့သည်။ ဤအရာက ချန်ကျင်းရွမ်၏ ဆယ်စုနှစ်များစွာ ကြိုးစားအားထုတ်ခဲ့ရသော အောင်မြင်မှု ဖြစ်သလို လက်ရှိ ဂိုးဘတ်ချ် ယူဆချက်၏ အကြီးမားဆုံးသော အောင်မြင်မှုလည်း ဖြစ်သည်။</p> <p> </p> <p>သဘာဝကျစွာပဲ ပါရီ အဆင့်မြင့်ဆရာအတတ်သင်ကောလိပ်မှ သုတေသီ ဟာရယ်ဒ်ဟက်ဖ်ဂေါ့ က ၂၀၁၃ ခုနှစ်တွင် စာတမ်းနှစ်စောင် ထုတ်ဝေခဲ့ပြီး အားနည်းသော ဂိုးဘတ်ချ် ယူဆချက်ကို အပြည့်အဝ သက်သေပြနိုင်ပြီ ဖြစ်ကြောင်း ကြေညာခဲ့၏။</p> <p> </p> <p>အားနည်းသော ဂိုးဘတ်ချ် ယူဆချက်ဆိုသည်မှာ မည်သည့် ၇ ထက်ကြီးသော မကိန်းကိုမဆို အံ့ဖွယ်သုဒ္ဓကိန်း သုံးခု၏ ပေါင်းလဒ်အဖြစ် ဖော်ပြနိုင်ခြင်း ဖြစ်သည်။</p> <p> </p> <p>ယင်းက ဂိုးဘတ်ချ် ယူဆချက်မှ ဆင်းသက်လာသော ပုစ္ဆာတစ်ပုဒ်သာ ဖြစ်လေရာ ယူဆချက်တစ်ခုလုံးကို သက်သေပြနိုင်ရန် အလှမ်းဝေးနေဆဲ ဖြစ်သည်။ ထို့ကြောင့် ၁ + ၂ ကို မည်သို့ သက်သေပြရမည်ဆိုသည်မှာ လွန်ခဲ့သော နှစ် ၃၀ က ရှမ့်လန် ချန်ရစ်ခဲ့သော သော့ချက်တစ်ခုသာ ရှိ၏။</p> <p> </p> <p>ဤသော့ချက်က ရှမ့်လန်၏မည်သူမည်ဝါဖြစ်ကြောင်းကို သက်သေပြနိုင်သည်။</p> <p> </p> <p>အဘယ့်ကြောင့်ဆိုသော် ဤသက်သေပြချက် အကြောင်းအရာများကို ရှမ့်လန်က ဉာဏ်ရည်တုဦးနှောက်ထဲမှ ဖျက်ဆီးပစ်ခဲ့ပြီး တော်ဝင်ကပ်ဘေး ဉာဏ်ပညာဘုရင်၏ စွမ်းအင်မှတ်ဉာဏ်အချို့ထဲတွင် သိမ်းဆည်း ထားခဲ့သောကြောင့် ဖြစ်၏။</p> <p> </p> <p>ထို့ကြောင့် လက်ရှိအချိန်တွင် ရှမ့်လန်မှလွဲ၍ မည်သူမှ ၁ + ၂ သက်သေပြမှု လုပ်ငန်းစဉ်များကို မသိနိုင်ပေ။</p> <p> </p> <p>ဂိုဏ်းချုပ်ကျိုးရှီက ပြောသည်။ “အတိတ်က အရှင်ရှမ့်လန်က ကျုပ်ကို ဒီစကားတွေ တကယ် ပြောခဲ့ဖူးတယ်။ ၁ + ၃၊ ၁ + ၄၊ ၁ + ၅ ကို ဘယ်လို သက်သေပြရမလဲဆိုတာ ကျုပ်ကို ပြောပြခဲ့ပေမဲ့ ၁ + ၂ ကိုကျတော့ ချန်ထားခဲ့တယ်။ ဒါက အရှင်ရှမ့်လန်ရဲ့ အစစ်အမှန်ဖြစ်တည်မှုကို တကယ် သက်သေပြနိုင်တယ်။</p> <p> </p> <p>တခြားအရာတွေကို အတုခိုးလို့ ရပေမဲ့ ဉာဏ်ပညာကိုတော့ အတုခိုးလို့ မရပါဘူး။ အရှင်နှစ်ပါးလုံး ဒီယူဆချက်ကို စတင် သက်သေပြပေးပါ။ အစစ်အမှန် အရှင်ရှမ့်လန်ရဲ့ ဉာဏ်ပညာက ပြိုင်ဘက်ကင်းတာမို့ ဘယ်သူက ပို သက်သေပြနိုင်လဲ၊ အဲဒီလူက အရှင်ရှမ့်လန် အစစ်ပဲ။”</p> <p> </p> <p>ကျိုးရှီက ထိုသို့ပြောပြီးနောက် လူအများကို ကြည့်ကာ မေး၏။ “ဒီနည်းလမ်းကို အားလုံး သဘောတ ကြရဲ့လား။”</p> <p> </p> <p>“သဘောတူပါတယ်။”</p> <p> </p> <p>“သဘောတူပါတယ်။”</p> <p> </p> <p>ရှမ့်လန်နှင့် ရှမ့်လန် အတုတို့ နှစ်ယောက်လုံးကလည်း အသီးသီး သဘောတူလိုက်ကြသည်။</p> <p> </p> <p>ထိုနောက် ရှမ့်လန် နှစ်ယောက်လုံး ထိုင်ချလိုက်ကာ မှတ်တမ်းစာအုပ်များကို ယူပြီး ဂိုးဘတ်ချ် ယူဆချက်ကို စတင် သက်သေပြကြတော့၏။</p> <p> </p> <p>ရှမ့်လန်က တက်ကြွစွာ ရေးသားနေသည်။</p> <p> </p> <p>အတိတ်က ဤလျှို့ဝှက်ချက်များကို တော်ဝင်ကပ်ဘေးဉာဏ်ပညာဘုရင်၏ စွမ်းအင်မှတ်ဉာဏ်ထဲတွင် ဖုံးကွယ် ထားခဲ့ရာ ကျန်းလီအနေဖြင့် လုံးဝ ရှာတွေ့နိုင်မည် မဟုတ်ကြောင်း သူ ယုံကြည်ထားသောကြောင့်ပင်။</p> <p> </p> <p>တော်ဝင်ကပ်ဘေးဉာဏ်ပညာဘုရင်မှာ ကျန်းလီ၏ ဝိညာဉ်ဆရာသခင် ဖြစ်သည်။ သူ၏ တည်ရှိမှုကြောင့်သာ ကျန်းလီ၏ဝိညာဉ်က အချိန်အကြာကြီး သတိမရဲဘဲ ဖြစ်နေခဲ့ရသည်။ မြောက်ဝန်ရိုးစွန်းကိစ္စအပြီးတွင် သူ၏ နယ်မြေထဲသို့ ဝင်ရောက်လာကာ မကုန်ခမ်းနိုင်သော ငရဲပုံဆောင်ခဲ စွမ်းအင်များကို ရရှိပြီးမှသာ ကျန်းလီ၏ ဝိညာဉ်က တရားဝင် နိုးထလာခဲ့ခြင်း ဖြစ်သည်။</p> <p> </p> <p>ရှမ့်လန်က အလွန် မြန်ဆန်စွာ ရေးသားနေ၏။</p> <p> </p> <p>နာရီဝက်ခန့် အကြာတွင် သူက စာမျက်နှာ ဒါဇင်ပေါင်းများစွာ ရေးသားပြီးသွားခဲ့သည်။</p> <p> </p> <p>သူက ၁ + ၃၊ ၁ + ၄၊ ၁ + ၅၊ ၁ + ၂ နှင့် အခြားသော သက်သေပြမှု လုပ်ငန်းစဉ်များကို ရေးသားရုံသာမက ၁ + ၇၊ ၅ + ၅၊ ၃ + ၁၅ စသည့် အီတလီ သင်္ချာပညာရှင်များ၊ ဆိုဗီယက် သင်္ချာပညာရှင်များနှင့် အခြားသော အောင်မြင်မှုများ ကိုပါ အပြည့်အစုံ ရေးသားဖော်ပြလိုက်၏။</p> <p> </p> <p>နားမလည်နိုင်မည်ကို စိုးရိမ်စရာ မလိုပေ။ ကျိုးရှီ၊ နင်ဟန်နှင့် ကျူးနင် သုံးယောက်မှာ ဤပုစ္ဆာကို မဖြေရှင်းနိုင်သော်လည်း နားလည်နိုင်စွမ်း ရှိဖို့ကတော့ ပြဿနာ မဟုတ်ချေ။</p> <p> </p> <p>ထိုဘက်မှ ရှမ့်လန် အတုကလည်း အလွန် မြန်ဆန်စွာ ရေးသားနေပြီး များစွာ ရေးသားထားသည်။</p> <p> </p> <p>သဘာဝကျစွာပဲ အရေးကြီးဆုံးအရာမှာ ၁ + ၂ ပဲ ဖြစ်သည်။ ဤအရာက ထိုအချိန်က ရှမ့်လန် ဉာဏ်ရည်တု ဦးနှောက်ထဲမှ အပြီးတိုင် ဖျက်ဆီးပစ်ခဲ့သော အကြောင်းအရာ ဖြစ်သည်။</p> <p> </p> <p>ယင်းကပဲ မလုံလောက်သေးဟု ထင်မှတ်ကာ ရှမ့်လန်က အားနည်းသော ဂိုးဘတ်ချ် ယူဆချက်၏ သက်သေပြမှု လုပ်ငန်းစဉ်ကိုပါ အပြည့်အစုံ ရေးသားလိုက်သည်။ နောက်ဆုံးတွင်တော့ အလွန် ထူထဲသော စာအုပ်တစ်အုပ်စာ ဖြစ်သွားလေတော့၏။</p> <p> </p> <p>သို့ပေမည့် သူက အလွန်မြန်ဆန်စွာ ရေးသားပြီး ရှမ့်လန်အတုက အနည်းငယ် နှေးကွေးစွာ ရေးသားနေသောကြောင့် လူနှစ်ယောက်လုံး တစ်ချိန်တည်း နီးပါး ပြီးစီးသွားကြသည်။</p> <p> </p> <p style="text-align: center;">***</p> <p> </p>


Save