Book List

<h2 style="text-align: center;">​အခန်း ၂၈၇</h2> <h2 style="text-align: center;">မိစ္ဆာများ တိုက်ခိုက်ခြင်း</h2> <h2 style="text-align: center;">လင်းချီယဲ့က လူသတ်သမားလော</h2> <h2 style="text-align: center;">*</h2> <p> </p> <p>​မျက်နှာသစ်ပြီးခါစဖြစ်သော လင်းချီယဲ့သည် မျက်ခုံးပင့်လိုက်၏။</p> <p>သူ တံခါးကို တွန်းဖွင့်လိုက်ရာ ချီပိုင်ရှီနှင့် ထိပ်တိုက်တိုးလေသည်။</p> <p>လင်းချီယဲ့က “ဘာဖြစ်နေတာလဲ။ ဘာလို့ ပြာပြာသလဲ ဖြစ်နေရတာလဲ။” ဟု မေးလိုက်၏။</p> <p>ချီပိုင်ရှီက အသက်ပြင်းပြင်းရှူလိုက်ကာ “အပြင်မှာ… အပြင်မှာ လူတွေက အစ်ကိုကြီးယဲ့ကို ပြဿနာလာရှာနေကြတယ်။ သူတို့က ရန်လိုတဲ့ပုံစံနဲ့ လာနေကြတာ။” ဟု ပြောလိုက်သည်။</p> <p>ချီပိုင်ရှီ၏ မျက်နှာတွင် ကြောက်ရွံ့မှုများ ပြည့်နှက်နေ၏။</p> <p>လင်းချီယဲ့သည် အခြေအနေကို သိရှိနိုင်ရန် သူ၏ မသေမျိုး အသိစိတ်ဝိညာဉ်ကို အသုံးပြုလိုက်ပြီးနောက် လှောင်ပြုံးပြုံးလိုက်လေသည်။</p> <p>“စိန်အဆင့်အထွတ်အထိပ် ကျင့်ကြံသူလေးတွေကများ ပြဿနာလာရှာရဲတယ်ပေါ့။”</p> <p>အရေခြုံမိစ္ဆာက ထိုမျှအထိ တုံးအသလား။</p> <p>“ဟက်။ သူတို့ ဘာလုပ်မလို့လဲဆိုတာ သွားကြည့်ရအောင်။”</p> <p>စကားပြောနေစဉ်မှာပင် လင်းချီယဲ့သည် ကျွန်း၏အဝင်ဝဆီသို့ လျှောက်သွားခဲ့၏။</p> <p>ချီပိုင်ရှီသည် လင်းချီယဲ့၏ နောက်တွင် ရပ်နေပြီး သူ့ကို ပြင်းထန်သော မျက်လုံးများဖြင့် စိုက်ကြည့်နေသည့် စိန်အဆင့်အထွတ်အထိပ် ကျင့်ကြံသူသုံးဦးကို ကြည့်နေမိသည်။</p> <p>သူ့နောက်တွင် ချန်ဖန်းလည်း တစ်ချိန်တည်းမှာပင် ဆင်းသက်လာခဲ့၏။</p> <p>“အစ်ကိုကြီးယဲ့၊ ဘာတွေဖြစ်နေတာလဲ။”</p> <p>“ငါလည်း မသိဘူး။ မနက်စောစောစီးစီး တစ်ယောက်ယောက်က ငါ့ကို လာရှာနေကြတယ်။ သူတို့က ငါ့ကို အနိုင်ကျင့်လို့ရတဲ့သူလို့ ထင်နေကြပုံပဲ။”</p> <p>လင်းချီယဲ့၏ မျက်လုံးများ ကျဉ်းမြောင်းသွားကာ သူ၏မျက်နှာမှာ အေးစက်သွားခဲ့လေသည်။</p> <p>ချန်ဖန်းက ကျင့်ကြံသူသုံးဦးကို တစ်ချက်ကြည့်လိုက်၏။</p> <p>“စိန်အဆင့်အထွတ်အထိပ် ကျင့်ကြံသူသုံးယောက်ပဲ။ အစ်ကိုကြီးယဲ့က နှစ်ယောက်ကို သတ်လိုက်၊ ကျန်တဲ့တစ်ယောက်ကို ကျွန်တော် သတ်ပေးမယ်။”</p> <p>လင်းချီယဲ့က လက်ဝေ့ယမ်းလိုက်ကာ “အရင်ဆုံး ဘာဖြစ်တာလဲဆိုတာ မေးကြည့်ရအောင်။ သူတို့ကို သတ်ဖို့က လွယ်ပါတယ်။” ဟု ဆိုလေသည်။</p> <p>စကားခဏပြောပြီးနောက် လင်းချီယဲ့က ရှေ့သို့ တက်ရပ်လိုက်၏။</p> <p>“မင်းတို့ ငါ့ကို ဘာလို့ ရှာနေတာလဲ။”</p> <p>သူ၏ လေသံမှာ ပေါ့ပေါ့ပါးပါးပင် ဖြစ်ပြီး ဂရုမစိုက်သကဲ့သို့ ရှိနေသဖြင့် စိန်အဆင့်အထွတ်အထိပ် ကျင့်ကြံသူများကို ဒေါသထွက်သွားစေခဲ့၏။</p> <p>“မင်း မနေ့ညက ငါတို့ ဂိုဏ်းထဲကို ကျူးကျော်ဝင်ရောက်ပြီး ငါတို့ရဲ့ ပါရမီရှင် မျိုးဆက်သစ်တစ်ယောက်ကို သတ်ခဲ့တယ်။”</p> <p>“မင်းက ဘာမှမဖြစ်သလိုမျိုး လမ်းလျှောက်သွားခဲ့ပြီး အခုထိတောင် ပေါ့ပေါ့ပါးပါး နေနိုင်သေးတာလား။ မင်း ခုနစ်မြို့တော် မဟာမိတ်တပ်ဖွဲ့ကို အထင်သေးနေတာလား။”</p> <p>သူတို့သုံးဦးလုံး အသက်ပြင်းပြင်းရှူလိုက်ကြပြီး မျက်လုံးများ အေးစက်သွားကြ၏။</p> <p>“မင်းက လင်းချီယဲ့လား။ မင်း ငြင်းလို့မရအောင် ငါတို့ စောင့်ကြည့်ရေး ဗီဒီယိုတွေ ယူလာတယ်။”</p> <p>ပြောပြောဆိုဆိုဖြင့် စိန်အဆင့်အထွတ်အထိပ် ကျင့်ကြံသူတစ်ဦးက ကိရိယာလေးတစ်ခုကို ထုတ်ယူလိုက်လေသည်။</p> <p>မကြာမီမှာပင် လင်းချီယဲ့၏ ရှေ့တွင် ပုံရိပ်ယောင်တစ်ခု ပေါ်လာခဲ့၏။</p> <p>ထိုပုံရိပ်ယောင်ထဲတွင် လင်းချီယဲ့နှင့် တစ်ပုံစံတည်းတူသော လူတစ်ယောက်သည် မည်သူမည်ဝါဖြစ်ကြောင်း သက်သေခံကတ်ပြားကို အသုံးပြုကာ ခုနစ်မြို့တော် မဟာမိတ်တပ်ဖွဲ့၏ နယ်မြေအတွင်းသို့ ဝင်ရောက်သွားခဲ့လေသည်။</p> <p>သူသည် အိုင်ဒီယယ်ကျွန်း၏ တပ်မှူးငယ်ဖြစ်နေသောကြောင့် မည်သူကမျှ သူ့ကို မတားဆီးရဲကြပေ။ ထိုကဲ့သို့သော လူကြီးလူကောင်းတစ်ယောက်က ခုနစ်မြို့တော် မဟာမိတ်တပ်ဖွဲ့၏ နယ်မြေအတွင်း လူသတ်လိမ့်မည်ဟု မည်သူမျှ မထင်မှတ်ထားခဲ့ကြပေ။</p> <p>သို့သော် လေလံပွဲကျင်းပရာနေရာ၏ အပြင်ဘက်တွင် လင်းချီယဲ့သည် ခုနစ်မြို့တော် မဟာမိတ်တပ်ဖွဲ့၏ အင်အားအကြီးဆုံး မိသားစုဖြစ်သော ဝမ်မိသားစုမှ ဂုဏ်ယူရသော ပါရမီရှင်တစ်ဦးထံသို့ တိုက်ရိုက်လျှောက်သွားလိမ့်မည်ဟု မည်သူမျှ မမျှော်လင့်ထားခဲ့ကြပေ။ ထိုသူမှာ လွန်ခဲ့သော နှစ်ပေါင်း သုံးရာအတွင်း ဝမ်မိသားစု၏ အထူးချွန်ဆုံး ပါရမီရှင်ပင် ဖြစ်လေသည်။</p> <p>သို့သော် သူသည် လင်းချီယဲ့၏ ကြောက်မက်ဖွယ်ကောင်းသော လျှပ်စီးချက်ဖြင့် ပြင်းထန်စွာ ဒဏ်ရာရရှိခဲ့ပြီး နှစ်နာရီအကြာတွင် သေဆုံးသွားခဲ့ရ၏။</p> <p>ထိုဖြစ်ရပ်က ခုနစ်မြို့တော် မဟာမိတ်တပ်ဖွဲ့ကို အလွန်အမင်း ဒေါသထွက်သွားစေခဲ့သည်။ သူတို့သည် လင်းချီယဲ့ကို ဖမ်းဆီးရန် စိန်အဆင့်ကျင့်ကြံသူများကို ချက်ချင်း စေလွှတ်ခဲ့ကြလေသည်။</p> <p>သို့သော် လင်းချီယဲ့မှာ ဘယ်ကွေ့ညာကွေ့ဖြင့် လူအုပ်ထဲတွင် ပျောက်ကွယ်သွားခဲ့၏။</p> <p>ခုနစ်မြို့တော် မဟာမိတ်တပ်ဖွဲ့က ထွက်ပေါက်များကို ပိတ်ဆို့ကာ နေရာအနှံ့ ရှာဖွေခဲ့သော်လည်း ဘာမှ ရှာမတွေ့ခဲ့ပေ။</p> <p>ဗီဒီယို ပြီးဆုံးသွားသည့်အခါ ချန်ဖန်းနှင့် လင်းချီယဲ့တို့၏ မျက်နှာအမူအရာမှာ ထူးဆန်းသွားခဲ့လေသည်။</p> <p>“ဒါက အစ်ကိုကြီးယဲ့ မဟုတ်တာ သေချာတယ်။”</p> <p>လင်းချီယဲ့ကလည်း “ဒါ ငါမဟုတ်ဘူး။” ဟု ဆို၏။</p> <p>တစ်ဖက်မှ ဝမ်မိသားစု၏ တရားဥပဒေစိုးမိုးရေး အရာရှိက “ဒါ မင်းပဲ။ မင်းနဲ့ တစ်ပုံစံတည်းတူတယ်။”</p> <p>“မင်းရဲ့ ရုပ်ရည်၊ မင်းရဲ့ အမူအရာ၊ မင်းရဲ့ နည်းလမ်းတွေ… ဒါတွေအားလုံးက မင်းပဲ။” ဟု ဆိုလေသည်။</p> <p>လင်းချီယဲ့က “ဒါ ငါမဟုတ်ဘူး။” ဟု ထပ်မံငြင်းဆိုလိုက်၏။</p> <p>“ငါတို့ သက်သေကို ခေါ်လာမယ်။”</p> <p>တရားဥပဒေစိုးမိုးရေး အရာရှိက လက်ဝေ့ယမ်းလိုက်၏။</p> <p>ချက်ချင်းပင် လူတစ်ယောက် ထွက်လာခဲ့ပြီး လင်းချီယဲ့ကို လက်ညှိုးထိုးပြလိုက်လေသည်။</p> <p>“သူပဲ။ သူပဲ။ သူပဲ။ ဒါ လုံးဝမမှားနိုင်ဘူး။”</p> <p>ထိုစကားကို ကြားလိုက်ရသည့်အခါ စိန်အဆင့်ကျင့်ကြံသူ အရာရှိသုံးဦး၏ မျက်နှာများ အေးစက်သွားခဲ့၏။</p> <p>“အထောက်အထားအားလုံးက ဒီမှာပဲ။ ဒီနေ့တော့ အိုင်ဒီယယ်ကျွန်းလည်း မင်းကို ကာကွယ်ပေးနိုင်မှာ မဟုတ်ဘူး။”</p> <p>“တပ်မှူးဝမ်း၊ မင်း စည်းမျဉ်းတွေကို ချိုးဖောက်မှာ မဟုတ်ဘူးမလား။”</p> <p>ဝမ်းရှုဟုန်က “လင်းချီယဲ့က မနေ့ညက ငါနဲ့အတူရှိနေတယ်ဆိုတဲ့ အထောက်အထား ငါ့မှာလည်း ရှိနေတာကြောင့် ငါကတော့ သူ့ဘက်ကပဲ ရပ်တည်မယ်။” ဟု ပြောလိုက်သည်။</p> <p>အခြားတစ်ဖက်မှ လူများက မျက်မှောင်ကြုတ်သွားကြ၏။</p> <p>“ဒါကို ငါတို့ ကြိုတင်မျှော်လင့်ထားပြီးသားပါ။ တပ်မှူးဝမ်း၊ မင်းက ခုနစ်မြို့တော် မဟာမိတ်တပ်ဖွဲ့ကို အနိုင်ကျင့်နေတာလား။ ငါတို့ ဝမ်မိသားစုရဲ့ အထူးချွန်ဆုံး ပါရမီရှင်ကို လင်းချီယဲ့က သတ်ခဲ့တာ။ ဘယ်လိုပဲဖြစ်ဖြစ် အသွေးအတွက် အသွေး၊ အသက်အတွက် အသက် ပြန်ပေးရမယ်။”</p> <p>စကားပြောနေစဉ်မှာပင် ဝမ်မိသားစုမှ စိန်အဆင့်အထွတ်အထိပ် ကျင့်ကြံသူက ချောင်းတစ်ချက်ဟန့်လိုက်၏။</p> <p>နောက်တစ်စက္ကန့်တွင် အခြားတစ်ဖက်မှ စိန်အဆင့်ကျင့်ကြံသူ ခြောက်ဦး ပေါ်လာခဲ့လေသည်။</p> <p>“လင်းချီယဲ့၊ မင်း ငါတို့နဲ့အတူ အလိုက်တသင့် လိုက်ခဲ့သင့်တယ်။ တပ်မှူးဝမ်းကို အခက်မတွေ့စေပါနဲ့။ အကယ်၍ မင်းက ပြန်တိုက်ခိုက်မယ်ဆိုရင် တပ်မှူးဝမ်းလည်း ဒဏ်ရာရသွားလိမ့်မယ်။”</p> <p>သံသယဖြစ်စရာမလိုဘဲ သူတို့သည် ခြိမ်းခြောက်သည့် နည်းလမ်းများကို အသုံးပြုနေကြခြင်းပင် ဖြစ်၏။</p> <p>သို့သော် လင်းချီယဲ့မှာမူ တုန်လှုပ်ခြင်းမရှိပေ။</p> <p>သူသည် တိတ်ဆိတ်စွာ ခေါင်းယမ်းလိုက်ရုံသာ ပြုလုပ်လေသည်။</p> <p>“ဒါ ငါမဟုတ်ဘူးလို့ ပြောပြီးပြီ။ မင်းတို့တွေ ပြန်ကြတော့။ ငါ့ကို မျက်နှာပျက်အောင် မလုပ်ခိုင်းပါနဲ့တော့။”</p> <p>ဤစကားကို ကြားလိုက်ရသည့်အခါ ဝမ်မိသားစုမှ စိန်အဆင့်အထွတ်အထိပ် ကျင့်ကြံသူ၏ မျက်နှာမှာ မည်းမှောင်သွားခဲ့ပြီး သူ အနည်းငယ် မှင်တက်သွား၏။ လင်းချီယဲ့သည် မည်သည့်အချက်ကို အခြေခံ၍ ထိုမျှအထိ ထောင်လွှားသော စကားများကို ပြောရဲသည်ကို သူ နားမလည်နိုင်ဖြစ်နေပေသည်။</p> <p>မျက်နှာပျက်အောင် လုပ်မည် ဟုတ်လား။</p> <p>လင်းချီယဲ့သည် ထိုကဲ့သို့သော စကားမျိုး ပြောရန် ထိုက်တန်သလော။</p> <p> </p> <p> </p> <p style="text-align: center;">***</p> <p> </p>


Save