Book List

<h2 style="text-align: center;">​အခန်း ၂၈၈</h2> <h2 style="text-align: center;">မိစ္ဆာများ တိုက်ခိုက်ခြင်း</h2> <h2 style="text-align: center;">လင်းချီယဲ့က လူသတ်သမားလော</h2> <h2 style="text-align: center;">*</h2> <p> </p> <p>​အကယ်၍ အိုင်ဒီယယ်ကျွန်း၏ မျက်နှာကို မကြည့်ပါက သူတို့သည် ထိုမျှအထိ ယဉ်ကျေးနေကြမည် မဟုတ်ပေ။</p> <p>ခုနစ်မြို့တော် မဟာမိတ်တပ်ဖွဲ့၏ စိန်အဆင့်ကျင့်ကြံသူများမှာ ဒေါသထွက်နေကြ၏။</p> <p>ထိုအချိန်မှာပင် ဝမ်းရှုဟုန်သည် ဘေးလူတစ်ယောက်ကဲ့သို့ တဖြည်းဖြူး နောက်ဆုတ်သွားသည်ကို သူတို့ တွေ့လိုက်ရလေသည်။</p> <p>နောက်မဆုတ်မီတွင် ဝမ်းရှုဟုန်သည် ထူးဆန်းသော အမူအရာဖြင့် လင်းချီယဲ့၏ ပုခုံးကို ပုတ်ကာ “သူတို့ကို မသတ်ပါနဲ့။ ဒီကိစ္စမှာ တစ်ခုခု ထူးဆန်းနေတယ်။ သူတို့ကို လုံးဝ အငြိုးထားစရာ မလိုပါဘူး။” ဟု ဆိုခဲ့၏။</p> <p>လင်းချီယဲ့က အသာအယာ ခေါင်းညိတ်လိုက်လေသည်။</p> <p>ဝမ်းရှုဟုန် နောက်ဆုတ်သွားသည်ကို မြင်လိုက်ရသည့်အခါ လူတိုင်း၏ မျက်လုံးများ တောက်ပသွားကြ၏။</p> <p>“ဟဲဟဲ၊ မင်းကို ကာကွယ်ပေးမယ့်သူက မင်းလို လူအတစ်ယောက်ကို ကာကွယ်ပေးဖို့ ရည်ရွယ်ချက်မရှိတော့ဘူးထင်တယ်။”</p> <p>“အားလုံးပဲ လုပ်ကြစမ်း။ လင်းချီယဲ့ကို ဖမ်းပြီး စစ်ဆေးဖို့အတွက် ခေါ်သွားကြ။”</p> <p>ထိုစကား ပြီးဆုံးသည်နှင့် ခုနစ်ဦးလုံး ချက်ချင်း လှုပ်ရှားလိုက်ကြ၏။</p> <p>ကြီးကျယ်ခမ်းနားသော စွမ်းအားများသည် ကောင်းကင်နှင့် မြေကြီးကို လွှမ်းခြုံသွားခဲ့လေသည်။</p> <p>သို့သော် နောက်တစ်စက္ကန့်တွင် လင်းချီယဲ့၏ လျှပ်စီးနတ်ဘုရား ပုံရိပ်သည် ကောင်းကင်ယံမှ ဆင်းသက်လာခဲ့၏။</p> <p>တောင်တစ်လုံးကဲ့သို့ ပြင်းထန်သော ဖိအားများသည် လျှပ်စီးနတ်ဘုရား ပုံရိပ်ထံမှ ထွက်ပေါ်လာကာ လူတိုင်းကို ဖိနှိပ်ထားလိုက်လေသည်။ ထိုဖိအားထဲတွင် အင်အားကြီးမားသော မသေမျိုး အသိစိတ်ဝိညာဉ်လည်း ပါဝင်နေ၏။</p> <p>​သို့ဖြစ်ရာ ချက်ချင်းဆိုသလိုပင် စိန်အဆင့်ကျင့်ကြံသူ ခုနစ်ဦးစလုံးသည် ထိုကြောက်မက်ဖွယ်ကောင်းသော ဖိအားအောက်တွင် ဒူးထောက်ကျသွားခဲ့ကြလေသည်။</p> <p>“ဒါ ဘယ်လိုလုပ် ဖြစ်နိုင်မှာလဲ။”</p> <p>စိန်အဆင့်ကျင့်ကြံသူ ခုနစ်ဦးလုံးမှာ ကြောက်ရွံ့မှုများဖြင့် တုန်လှုပ်နေကြပြီး ချွေးစေးများ ထွက်လာကာ လင်းချီယဲ့ကို ကြည့်နေကြ၏။</p> <p>“မင်း… မင်းက စိန်အဆင့်အထွတ်အထိပ် ကျင့်ကြံသူလား။”</p> <p>လင်းချီယဲ့၏ မျက်နှာအမူအရာမှာ တည်ငြိမ်လျက်ရှိပေသည်။</p> <p>“ဟုတ်တယ်။ မင်းတို့ရဲ့ အမှိုက်လို ပါရမီရှင်က ငါ့ရှေ့မှာဆိုရင် ထည့်ပြောနေစရာတောင် မလိုဘူး။ သူ့ကို သတ်ဖို့ ငါက ခိုးကြောင်ခိုးဝှက် လုပ်နေစရာ လိုမလား။”</p> <p>“သူက အဲ့ဒီလောက် တန်ဖိုးရှိလို့လား။”</p> <p>“မင်းတို့ စိန်အဆင့်ကျင့်ကြံသူတွေတောင်မှ ငါကိုယ်တိုင် တိုက်ခိုက်ဖို့ မထိုက်တန်ကြဘူး။”</p> <p>“မင်းတို့ နားလည်လား။”</p> <p>စိန်အဆင့်ကျင့်ကြံသူ ခုနစ်ဦးလုံးမှာ သူတို့၏ ဦးရေပြားများ ထုံကျင်သွားသကဲ့သို့ ခံစားလိုက်ရ၏။</p> <p>“ဒါပေမဲ့… မနေ့ညက ငါတို့ နယ်မြေထဲမှာ ပေါ်လာတဲ့သူက ဘယ်သူလဲ။”</p> <p>လင်းချီယဲ့က သူတို့ကို အေးစက်စွာ တစ်ချက်ကြည့်လိုက်ကာ “အဲ့ဒါ ငါမဟုတ်ဘူး။” ဟု ဆို၏။</p> <p>“အဲ့ဒီလူရဲ့ နည်းစနစ်က ပလက်တီနမ်အဆင့်မှာပဲ ရှိသေးတယ်။ သူက သူ့ရဲ့ ရုပ်ရည်ကို ပြောင်းလဲနိုင်ပေမဲ့ ငါက စိန်အဆင့်အထွတ်အထိပ်ကို ရောက်နေပြီဆိုတာ သူ မသိဘူး။ အဲ့ဒါ ငါအစစ် ဟုတ်မဟုတ်ဆိုတာကို တစ်ချက်ကြည့်ရုံနဲ့ သိနိုင်တယ်။”</p> <p>“ပြီးတော့ ငါ တစ်ယောက်ယောက်ကို သတ်ချင်တယ်ဆိုရင် ဘာအစအနမှ ကျန်ခဲ့မယ်လို့ မင်းတို့ ထင်နေတာလား။ ဗီဒီယိုလေးတစ်ခုက ငါ့ကို ရိုက်ကူးနိုင်ပါ့မလား။”</p> <p>စကားပြောနေစဉ်မှာပင် လင်းချီယဲ့သည် သူရှိနေရာမှ ပျောက်ကွယ်သွားခဲ့၏။</p> <p>နောက်တစ်စက္ကန့်တွင် သူသည် ထိုလူခုနစ်ဦး၏ နောက်ကွယ်၌ ပေါ်လာခဲ့လေသည်။ သူသည် သူ၏ လက်ညှိုးဖြင့် သူတို့ကို ညွှန်ပြကာ အသာအယာ ဝှေ့ယမ်းလိုက်၏။</p> <p>အလင်းတန်းတစ်ခုသည် လူတိုင်း၏ နောက်ကျောသို့ ချက်ချင်း ကျရောက်သွားခဲ့လေသည်။</p> <p>သူတို့သည် မသိစိတ်ဖြင့် ခုခံခဲ့ကြသော်လည်း မြေပြင်ပေါ်တွင် လိမ့်သွားသည်အထိ တိုက်ခိုက်ခံခဲ့ရပြီး သူတို့၏ ပါးစပ်နှင့် နှာခေါင်းများမှ သွေးများ စီးကျလာခဲ့၏။</p> <p>“ထွက်သွားကြတော့။ ဒီတစ်ကြိမ်မှာတော့ တပ်မှူးဝမ်းက ငါ့ကို ကြိုတင်ဖျောင်းဖျထားလို့ ငါက ကရုဏာသက်ပေးလိုက်တာ။ မဟုတ်ရင် မင်းတို့တွေ အလောင်းတွေ ဖြစ်နေလောက်ပြီ။”</p> <p>ကျင့်ကြံသူ ခုနစ်ဦး၏ မျက်နှာအမူအရာမှာ အလွန်ပင် ကြည့်ရဆိုးနေခဲ့၏။</p> <p>သို့သော် အကြွင်းမဲ့ အင်အား၏ ရှေ့တွင် သူတို့သည် ဘာမှ မတတ်နိုင်ကြပေ။</p> <p>သူတို့သည် ပြာပြာသလဲဖြင့်သာ ပြန်ထလာကြပြီး လင်းချီယဲ့ကို ဦးညွှတ်ကာ တောင်းပန်ခဲ့ကြလေသည်။</p> <p>အခြားနည်းလမ်း မရှိပေ။ လင်းချီယဲ့သည် သူတို့ထက် ပိုမို အင်အားကြီးမားနေခြင်းကြောင့်ဖြစ်၏။</p> <p>လင်းချီယဲ့ ခုနက လှုပ်ရှားလိုက်သည့်အခါ သူတို့နှင့် လင်းချီယဲ့ကြားရှိ ကွာဟချက်ကို သူတို့ ခံစားလိုက်ရပေသည်။</p> <p>ပထမဆုံးအနေဖြင့် ကြောက်မက်ဖွယ်ကောင်းသော လျှပ်စီးနတ်ဘုရား ပုံရိပ်၊ ထို့နောက် သူတို့ကို ဒူးထောက်သွားစေသည့် စိတ်စွမ်းအား၊ ပြီးတော့ နေရာရွှေ့ပြောင်းနိုင်သည့် စွမ်းရည်တို့ပင် ဖြစ်၏။</p> <p>မည်သည့်စွမ်းရည်မဆို လင်းချီယဲ့အနေဖြင့် ဝမ်မိသားစုမှ ပါရမီရှင်တစ်ဦးကို သတ်ရန် ကိုယ့်ကိုယ်ကိုယ် အောက်ကျနောက်ကျဖြစ်အောင် လုပ်စရာမလိုကြောင်း သက်သေပြရန် လုံလောက်နေပေသည်။</p> <p>ထိုပါရမီရှင်သည် လင်းချီယဲ့နှင့် ယှဉ်ရန် မထိုက်တန်ပေ။</p> <p>“တောင်းပန်ပါတယ် မစ္စတာလင်း။ ကျွန်တော်တို့ ရိုင်းပျမိသွားပါတယ်။ ကရုဏာသက်ပေးတဲ့အတွက် ကျေးဇူးတင်ပါတယ်။ ကျွန်တော်တို့ ပြန်ရောက်တဲ့အခါ တကယ့်တရားခံကို ရှာဖွေပြီး မစ္စတာလင်းရဲ့ အမည်နာမကို ပြန်လည်စင်ကြယ်အောင် လုပ်ပေးပါ့မယ်။”</p> <p>လင်းချီယဲ့က လက်ဝေ့ယမ်းပြလိုက်ပြီး ဘာမှ ပြန်မပြောခဲ့ပေ။</p> <p>ထို့နောက် စိန်အဆင့်ကျင့်ကြံသူများသည် အရှက်တကွဲဖြင့် ထိုနေရာမှ ထွက်ခွာသွားကြလေသည်။</p> <p>သို့သော် သူတို့ ထွက်သွားပြီး မကြာမီမှာပင် ဝမ်မိသားစုမှ စိန်အဆင့် တရားဥပဒေစိုးမိုးရေး အရာရှိများသည် နောက်ထပ် ဗီဒီယိုတစ်ခုကို လက်ခံရရှိခဲ့ကြ၏။</p> <p>ထိုဗီဒီယိုထဲတွင် တရားခံမှာ ချန်ဖန်း ဖြစ်သွားခဲ့လေသည်။</p> <p>စိန်အဆင့်ကျင့်ကြံသူ ခုနစ်ဦးသည် ဗီဒီယိုကို ကြည့်ပြီးနောက် တစ်ဦးကိုတစ်ဦး ကြည့်လိုက်ကြ၏။</p> <p>“မင်းတို့ တရားမျှတမှု ရှာဖို့ ပြန်သွားချင်သေးလား။”</p> <p>“တရားမျှတမှု ရှာမယ် ဟုတ်လား။”</p> <p>“မင်း သွားမလို့လား။ မင်းမှာ သွားရဲတဲ့ သတ္တိရှိလို့လား။”</p> <p>“မရှိဘူး။”</p> <p>“ဒါဆိုရင် ပြန်ပြီး အစည်းအဝေးလုပ်ကြတာပေါ့။”</p> <p>ဝမ်မိသားစုမှ စိန်အဆင့် တရားဥပဒေစိုးမိုးရေး အရာရှိမှာ ဒေါသထွက်နေသော်လည်း လင်းချီယဲ့၏ ရှေ့တွင် နောက်ထပ်တစ်ကြိမ် အရှက်မကွဲချင်တော့ပေ။</p> <p>သူသည် ထွက်ခွာသွားရန်မှတစ်ပါး အခြားရွေးချယ်စရာ မရှိခဲ့ပေ။</p> <p>...</p> <p>“သွားရအောင်။”</p> <p>ချန်ဖန်းက ခေါင်းယမ်းလိုက်၏။</p> <p>“အဲ့ဒီဗီဒီယိုက ထူးဆန်းတယ်။ ဘယ်သူက အစ်ကိုကြီးရဲ့ ရုပ်ရည်အတိုင်း တစ်ပုံစံတည်း ပြောင်းလဲနိုင်မှာလဲ။ အစ်ကိုကြီးရဲ့ အင်အားကိုသာ ကျွန်တော် မသိခဲ့ရင် ကျွန်တော်လည်း ကွာခြားချက်ကို သိမှာမဟုတ်ဘူး။”</p> <p>လင်းချီယဲ့က သူ၏ မျက်လုံးများကို ကျဉ်းမြောင်းလိုက်ကာ “ဖြစ်နိုင်ခြေ နှစ်ခုရှိတယ်။ သူတို့က မျက်နှာဖုံးစွပ်ထားတာ ဒါမှမဟုတ် သူတို့က မိစ္ဆာတွေ ဖြစ်နေတာပဲ။”</p> <p>“ငါထင်တာကတော့ မိစ္ဆာပဲ ဖြစ်လိမ့်မယ်။”</p> <p>“ဘာပဲဖြစ်ဖြစ် ငါက မိစ္ဆာတွေ အများကြီးကို ရန်စထားမိတာပဲ။”</p> <p>လင်းချီယဲ့၏ မျက်နှာအမူအရာမှာ တည်ငြိမ်လျက်ရှိပေသည်။</p> <p>သို့သော် ဝမ်းရှုဟုန်၏ မျက်နှာအမူအရာမှာမူ ပြောင်းလဲသွားခဲ့၏။</p> <p>အကြောင်းမှာ သူသည်လည်း ဗီဒီယိုတစ်ခုကို လက်ခံရရှိခဲ့ခြင်းကြောင့်ဖြစ်ပေသည်။</p> <p>ထိုဗီဒီယိုထဲတွင် ချန်ဖန်းသည် နည်းပညာဂိုဏ်းမှ ပါရမီရှင် ပန်းပဲဆရာတစ်ဦးကို သတ်ဖြတ်ပြီး ပျောက်ကွယ်သွားခဲ့၏။</p> <p>တရားခံသည် ချန်ဖန်း၏ တိုက်ကွက်များကို အသုံးပြုခဲ့လေသည်။</p> <p>ဗီဒီယိုထဲမှ တိုက်ခိုက်မှုသည် ချန်ဖန်း လွန်ခဲ့သော တစ်ရက်က အသုံးပြုခဲ့သော တိုက်ကွက်နှင့် တစ်ရာရာခိုင်နှုန်း တူညီနေခဲ့၏။</p> <p>ဝမ်းရှုဟုန်သည် ထိုဗီဒီယိုကို ပုံရိပ်ယောင်အဖြစ် ပြသလိုက်စဉ်တွင် စကားပင် မပြောနိုင်အောင် ဖြစ်နေခဲ့ရလေသည်။</p> <p>လင်းချီယဲ့နှင့် ချန်ဖန်းတို့သည် ဗီဒီယိုကို အသေအချာ ကြည့်ရှုခဲ့ကြ၏။</p> <p>ဗီဒီယိုကို ကြည့်ပြီးနောက် ချန်ဖန်းက အသက်ပြင်းပြင်းရှူလိုက်ကာ “သူက ငါ့အယောင်ဆောင်နေတာလား။” ဟု ဆိုသည်။</p> <p>“ဒါက စိတ်ဝင်စားဖို့ ကောင်းလာပြီပဲ။”</p> <p>ချန်ဖန်း၏ မျက်လုံးများမှာ အေးစက်နေ၏။</p> <p>“တစ်စုံတစ်ယောက်က မင်းတို့နှစ်ယောက်ကို ထောင်ချောက်ဆင်ဖို့ ကြိုးစားနေတာ သေချာတယ်…” ဝမ်းရှုဟုန်က ခန့်မှန်းလိုက်လေသည်။</p> <p>“ဒါက မိစ္ဆာတွေနဲ့ ပတ်သက်နေတာ သေချာတယ်။ ငါ ဒီကိစ္စကို ဖြေရှင်းဖို့ ကျွန်းပေါ်က တခြားပညာရှင်တွေကို ရှာဖွေပေးပါ့မယ်။”</p> <p>“အကယ်၍ သူတို့က အိုင်ဒီယယ်ကျွန်းရဲ့ နာမည်ကို ဖျက်ဆီးချင်တာဆိုရင် ငါတို့ သူတို့ကို လုံးဝ လွှတ်ပေးမှာ မဟုတ်ဘူး။”</p> <p>“မစိုးရိမ်ပါနဲ့။ ဘယ်သူမှ မင်းတို့ကို ထိလို့မရစေရဘူး။”</p> <p>လင်းချီယဲ့က ခေါင်းညိတ်ပြလိုက်ကာ “ငါတို့ နားလည်ပါတယ်။ ဒါပေမဲ့ ငါတို့ ဘာမှမတတ်နိုင်ဘူး။ အဲ့ဒီကောင်တွေက ပြဿနာလာရှာနေကြတာ။” ဟု ဆို၏။</p> <p>​စကားပြောနေစဉ်မှာပင် လင်းချီယဲ့နှင့် ချန်ဖန်းတို့သည် ကျွန်း၏အဝင်ဝသို့ လှမ်းကြည့်လိုက်ကြလေသည်။</p> <p>ထိုနေရာတွင် လူတစ်စု ရောက်ရှိလာခဲ့၏။</p> <p>“ချန်ဖန်း။ ထွက်လာပြီး အပြစ်ဝန်ခံစမ်း။”</p> <p>“ချန်ဖန်း။ ထွက်လာပြီး အပြစ်ဝန်ခံစမ်း။”</p> <p>သူတို့၏ အသံများသည် မိုးခြိမ်းသံကဲ့သို့ ကျယ်လောင်လှပေသည်။ ထိုလူအုပ်သည် ပင်မကမ္ဘာ၏ အင်အားကြီး အဖွဲ့အစည်းများထဲမှ တစ်ခုဖြစ်သော သိပ္ပံနှင့် နည်းပညာအသင်းမှ လာကြခြင်းဖြစ်ကြောင်း ထင်ရှားလှ၏။</p> <p>သူတို့သည် သူတို့၏ လူများကို အလွန်အမင်း အကာအကွယ်ပေးတတ်ကြပေသည်။</p> <p>ထို့ကြောင့် သူတို့၏ လေသံမှာ ရိုင်းပျပြီး ခက်ထန်နေခဲ့၏။</p> <p>ဤအချက်နှင့် ပတ်သက်၍ ချန်ဖန်းမှာ စိတ်မချမ်းမြေ့ဖြစ်သွားခဲ့ရသည်။</p> <p>“အင်း။ ကျွန်တော်က စိန်အဆင့်ကျင့်ကြံသူ ခုနစ်ယောက်ကို ဖိနှိပ်နိုင်လောက်အောင် အစ်ကိုကြီးလင်းလို မသန်မာပေမဲ့ သူတို့က ငါ့ရှေ့မှာ လာပြီး ဟိတ်ဟန်ထုတ်ချင်တာဆိုရင်တော့… သိပ္ပံနှင့် နည်းပညာအသင်း ဖြစ်နေရင်တောင်မှ အဲ့ဒါက မဖြစ်နိုင်ဘူး။”</p> <p>သူ၏ စကားအဆုံးတွင် ချန်ဖန်းသည် လှည့်ထွက်သွားခဲ့လေသည်။</p> <p>သူ၏ အရှိန်အဝါများ မြင့်တက်လာကာ သူ၏ ခန္ဓာကိုယ်ပေါ်တွင် ခရမ်းရောင်ရွှေရောင် အကြေးခွံများ ပေါ်လာခဲ့၏။ သူ၏ ရှေးဟောင်းနဂါး ဝတ်စုံသည် သူ့ကို သုံးမီတာအထိ မြင့်တက်သွားစေပြီး ရှေးဟောင်းကီလင် ဒိုင်းလွှတ်မှာမူ သူ့နောက်ကျောတွင် လွင့်မျောနေခဲ့လေသည်။ ၎င်းသည် မည်သည့်အချိန်တွင်မဆို သေစေနိုင်သော တိုက်ခိုက်မှုကို တားဆီးပေးနိုင်စွမ်း ရှိပေသည်။</p> <p>သူသည် အပြည့်အစုံ ပြင်ဆင်ပြီးနောက်တွင် ချန်ဖန်းသည် အဝင်ဝ၌ တိတ်ဆိတ်စွာ ရပ်နေခဲ့လေသည်။</p> <p> </p> <p> </p> <p style="text-align: center;">***</p> <p> </p>


Save