Book List

<h2 style="text-align: center;">အခန်း ၃၀၀</h2> <h2 style="text-align: center;">လင်းချီယဲ့က မိစ္ဆာလား</h2> <h2 style="text-align: center;">*</h2> <p> </p> <p>​"ကျွန်တော် သခင်ကြီး လင်းချီယဲ့ကို တွေ့ချင်ပါတယ်"</p> <p>"ကျွန်တော် သခင်ကြီး လင်းချီယဲ့ကို တွေ့ချင်ပါတယ်၊၊ ခင်ဗျားတို့ ဘာလို့ ကျွန်တော်တို့ကို ဖမ်းတာလဲ၊၊ ကျွန်တော်တို့က ထုတ်ဖော်ခံရတဲ့သူတွေရဲ့ စာရင်းထဲမှာ မပါပါဘူး"</p> <p>"သခင်ကြီးလင်း၊ ခင်ဗျား ပြောခဲ့တာက ကျွန်တော်တို့ရဲ့ အစိတ်အပိုင်းတချို့ကိုပဲ ထုတ်ဖော်မယ်ဆိုတာလေ၊၊ အဲ့ဒီလို လုပ်နေသရွေ့ ခင်ဗျား ကြယ်မြို့တော်ရဲ့ အဆင့်မြင့်ပိုင်းတွေထဲကို ထိုးဖောက်ဝင်ရောက်နိုင်မှာပါ"</p> <p>"ခင်ဗျားက ဘာလို့ ကျွန်တော်တို့အားလုံးကို သတ်ဖို့ လိုတာလဲ၊၊ ကျွန်တော့်အသက်ကို ပေးလို့ရပါတယ်၊ ဒါပေမဲ့ ဘာလို့ ကျွန်တော့်ချစ်သူက သေရမှာလဲ၊၊ ဘာလို့ ကျွန်တော့်ကလေးက သေရမှာလဲ"</p> <p>"သခင်ကြီးလင်း၊ ခင်ဗျား ဒီလိုမလုပ်နိုင်ပါဘူး၊၊ ဒါက ကျွန်တော်တို့ သဘောတူထားတာ မဟုတ်ဘူး"</p> <p>"ကျွန်တော်တို့ သခင်ကြီးလီကို တွေ့ချင်ပါတယ်၊၊ သခင်ကြီးလီက ခင်ဗျားကို ကျွန်တော်တို့အားလုံးကို သတ်ဖို့ ခွင့်ပြုထားလို့လား"</p> <p>"ကျွန်တော်တို့အားလုံးက မိစ္ဆာတွေပဲလေ၊၊ ခင်ဗျားက ဘာလို့ ဒီလောက် ရက်စက်နေရတာလဲ"</p> <p>"ကျွန်တော်တို့အားလုံးက အမြစ်တစ်ခုတည်းက လာတာပဲ၊၊ ခင်ဗျားက ဘာလို့ တစ်ဦးကိုတစ်ဦး သတ်ဖို့ ဒီလောက် အလျင်လိုနေရတာလဲ"</p> <p>ကောင်းကင်အကျဉ်းထောင်အတွင်း၌ ဖမ်းဆီးခံထားရသည့် မိစ္ဆာများသည် ရန်ငြိုးဖွဲ့ မသေမျိုးမျက်လုံး၏ ထိမှန်ခြင်းကို မခံရမီမှာပင် သူတို့၏ ရုပ်သွင်အစစ်အမှန်များကို ထုတ်ဖော်ပြသလာကြသည်၊၊</p> <p>သူတို့သည် ကောင်းကင်အကျဉ်းထောင်အတွင်း၌ အော်ဟစ်ငိုယိုနေကြပြီး သူတို့၏ စကားများကြောင့် ဒိုင်းမွန်းအဆင့် ကျင့်ကြံသူများ၏ မျက်နှာမှာ ပျက်ယွင်းသွားသည်၊၊</p> <p>မိစ္ဆာများသည် လင်းချီယဲ့ကို သခင်ဟု ခေါ်ဆိုနေကြသည်၊၊</p> <p>သူတို့၏ စိတ်ဓာတ်များ ပြိုလဲသွားကာ လင်းချီယဲ့၏ ရုပ်သွင်အစစ်အမှန်မှာ မိစ္ဆာတစ်ကောင် ဖြစ်ကြောင်း ထုတ်ဖော်ပြောဆိုနေကြသည်၊၊</p> <p>ထို့ပြင် သူသည် မိစ္ဆာများ၏ အဆင့်မြင့်ပုဂ္ဂိုလ်များထဲမှ တစ်ဦးဖြစ်သည်ဟု ဆိုကြသည်၊၊</p> <p>၎င်းမှာ အမှန်တရားလော၊၊</p> <p>သူတို့ မသိသော်လည်း သံသယဖြစ်ဖွယ် အချက်များ ရှိနေသည်၊၊</p> <p>အနည်းဆုံးတော့ လင်းချီယဲ့မှာ အလွန် သံသယဖြစ်ဖွယ် ကောင်းနေသည်၊၊</p> <p>ထို့ကြောင့် ခုနစ်မြို့တော် မဟာမိတ်တပ်ပေါင်းစု၊ သိပ္ပံနှင့်နည်းပညာအသင်း၊ အလင်းနှင့်အရိပ်အဖွဲ့နှင့် စိတ်ကူးယဉ်ကျွန်းမှ ဒိုင်းမွန်းအဆင့် ကျင့်ကြံသူများ အားလုံးမှာ လင်းချီယဲ့ကို ကြည့်လိုက်ကြသည်၊၊</p> <p>သူတို့၏ အမူအရာမှာ ထူးဆန်းနေသည်၊၊</p> <p>"မင်းက မိစ္ဆာတစ်ကောင်လား၊ မဟုတ်ဘူးလား"</p> <p>"မိစ္ဆာတစ်ကောင်က ဝန်ခံပါ့မလား"</p> <p>ဝမ်ရှုဟုန်က မျက်မှောင်ကြုတ်လိုက်ပြီး "မိစ္ဆာတွေရဲ့ တစ်ဖက်သတ် စကားတွေကို မယုံကြနဲ့ဦး၊၊ ဒါက ရှင်းရှင်းလင်းလင်းပဲ သွေးထိုးလှုံ့ဆော်တဲ့ အကွက်ပဲ" ဟု ပြောသည်၊၊</p> <p>"မင်းက လင်းချီယဲ့နဲ့ နီးစပ်တာပဲ၊၊ မင်းလည်း မိစ္ဆာတွေရဲ့ ပူးကပ်ခြင်းကို ခံထားရတာ ဖြစ်နိုင်တာပဲ"</p> <p>ကြယ်မြို့တော်၏ ဒိုင်းမွန်းအဆင့် ကျင့်ကြံသူများမှာ ထိတ်လန့်နေကြသည်၊၊</p> <p>မျက်နှာနှစ်ဖက်မိစ္ဆာများမှာ မည်မျှ ကြောက်စရာကောင်းကြောင်း သူတို့ မြင်တွေ့ခဲ့ရပြီးဖြစ်သည်၊၊</p> <p>အကယ်၍ လင်းချီယဲ့သာ မိစ္ဆာတစ်ကောင် ဖြစ်ခဲ့မည်ဆိုပါက၊ လူသားမျိုးနွယ်၏ အဆင့်မြင့်ပိုင်းသို့ ထိုးဖောက်ဝင်ရောက်နေသည့် အရေးပါသူတစ်ဦး ဖြစ်ခဲ့မည်ဆိုပါက ၎င်းမှာ မည်မျှအထိ ကြောက်စရာကောင်းလိုက်မည်နည်း၊၊</p> <p>ဤအတွေးကြောင့် လူ့ဇာတ်သွင်းနယ်ပယ်မှ ကျင့်ကြံသူတစ်စုမှာ လင်းချီယဲ့ကို သတိကြီးစွာ စောင့်ကြည့်နေကြသည်၊၊</p> <p>စွပ်စွဲချက်များကို ရင်ဆိုင်ရသော်လည်း လင်းချီယဲ့မှာ ရှင်းပြရန် အလျင်မလိုပေ၊၊ သူသည် ကောင်းကင်အကျဉ်းထောင်အတွင်းရှိ မိစ္ဆာများကို စိတ်ဝင်တစား ကြည့်နေသည်၊၊</p> <p>မိစ္ဆာတစ်ကောင်မှာ အချုပ်ခန်းတံခါးကို တွန်းကာ ငိုယိုလိုက်သည်၊၊</p> <p>"သခင်ကြီးလင်း၊ ခင်ဗျား စည်းကမ်းတွေကို ချိုးဖောက်လို့ မရဘူး"</p> <p>"အဲ့ဒီတုန်းက လူကြီးတွေက ခင်ဗျားကို ကာကွယ်ပေးခဲ့တာ၊ ကျွန်တော်တို့ကလည်း ကျွန်တော်တို့ မျိုးနွယ်စုရဲ့ အနာဂတ်အတွက် ကိုယ့်ကိုယ်ကိုယ် စတေးဖို့ ဆန္ဒရှိခဲ့ကြတာ၊၊ ဒါပေမဲ့ ခင်ဗျား ကျွန်တော်တို့ကို ကတိပေးခဲ့တယ်လေ၊ ကျွန်တော်တို့ရဲ့ ဇနီးမယားနဲ့ ကလေးတွေကို အနစ်နာခံမှာ မဟုတ်ဘူးဆိုတာ၊၊ ဒါ့အပြင် သူတို့ကို အထူး ဂရုစိုက်ပေးမယ်လို့လည်း ပြောခဲ့တယ်"</p> <p>"ဒါပေမဲ့ ခင်ဗျား ဘာလို့ ကတိမတည်တာလဲ၊ ဘာလို့လဲ"</p> <p>"အဲ့ဒီတုန်းက ခင်ဗျား အနက်ရောင် မြူဆိုင်းသော ရွှံ့နွံတောကို ဖြတ်ကျော်တဲ့အခါ ကျွန်တော်တို့ကပဲ ခင်ဗျားကို ဝိုင်းကူပေးခဲ့တာ မဟုတ်လား"</p> <p>အနက်ရောင် မြူဆိုင်းသော ရွှံ့နွံတောအကြောင်း ပြောလိုက်သောအခါ ထိုနေရာရှိ လူတိုင်း၏ အမူအရာမှာ တစ်ဖန် ပြောင်းလဲသွားပြန်သည်၊၊</p> <p>သံသယဖြစ်ဖွယ် အချက်များစွာမှာ သူတို့၏ စိတ်ထဲတွင် ပေါ်ပေါက်လာသည်၊၊</p> <p>အဲ့ဒီတုန်းက လင်းချီယဲ့ ကြယ်မြို့တော်ကို ပထမဆုံး ရောက်လာတဲ့အချိန်မှာ သူ့ရဲ့ ခွန်အားက ပလက်တီနမ်အဆင့်လောက်ပဲ ရှိသေးတာ၊၊</p> <p>ပလက်တီနမ်အဆင့် ကျင့်ကြံသူတစ်ဦးက နတ်ကျောင်းမိစ္ဆာ စောင့်ကြပ်နေတဲ့ အနက်ရောင် မြူဆိုင်းသော ရွှံ့နွံတောကို တကယ်ပဲ ဖြတ်ကျော်နိုင်ပါ့မလား၊၊</p> <p>နတ်ကျောင်းမိစ္ဆာက သတ်ဖို့ အရမ်းခက်တာပဲ၊၊</p> <p>သူက ဘာလို့ ရုတ်တရက်ကြီး အရိပ်အယောင်တောင် မကျန်ဘဲ ပျောက်ကွယ်သွားရတာလဲ၊၊</p> <p>သူက အရေးကြီးတဲ့ ပုဂ္ဂိုလ်တစ်ဦးဦးနဲ့ ပူးပေါင်းနေခဲ့တာလား၊၊</p> <p>ထပ်ပြီးတော့ ဟိုက်ဒြာမိစ္ဆာကရော အလှပြထားတာပဲလား၊၊</p> <p>အဲ့ဒါက လူ့ဇာတ်သွင်းနယ်ပယ်ရဲ့ အထွတ်အထိပ်မှာ ရှိနေတဲ့ မိစ္ဆာတစ်ကောင်ပဲ၊၊ ပလက်တီနမ်အဆင့် ကျင့်ကြံသူတစ်ဦးကို သတ်ဖို့က အရမ်းလွယ်မှာ မဟုတ်ဘူးလား၊၊</p> <p>ဒါပေမဲ့ အဆုံးမှာတော့ လင်းချီယဲ့က အသက်ရှင်လျက် လွတ်မြောက်လာခဲ့တယ်၊၊</p> <p>ဒါက တကယ်ပဲ ဖြစ်နိုင်ပါ့မလား၊၊</p> <p>ထိုသို့သော လုပ်ရပ်များမှာ သံသယများဖြင့် ပြည့်နှက်နေသည်၊၊ တစ်ဦးတစ်ယောက်မှာ မိမိ၏ စိတ်ကူးများကို နယ်ပယ်ချဲ့ထွင်ခြင်း မပြုဘဲ မနေနိုင်တော့ပေ၊၊</p> <p>လူများမှာ တစ်ဦးကိုတစ်ဦး ကြည့်လိုက်ကြသည်၊၊ သံသယစိတ်များမှာ သူတို့၏ နှလုံးသားအတွင်း၌ ကပ်ရောဂါတစ်ခုကဲ့သို့ ပျံ့နှံ့သွားသည်၊၊</p> <p>သံသယဖြစ်ဖွယ်မရှိဘဲ လင်းချီယဲ့ဘက်မှ ခုနက ပြောဆိုပေးခဲ့သည့် ဝမ်ရှုဟုန်ပင်လျှင် ယခုအခါ တိတ်ဆိတ်သွားခဲ့ရပြီဖြစ်သည်၊၊</p> <p>၎င်းမှာ မဟုတ်တန်ရာ၊၊</p> <p>ဝမ်ရှုဟုန်မှာ မယုံကြည်လိုပေ၊၊</p> <p>သို့သော် သိပ္ပံနှင့်နည်းပညာအသင်း၏ အမှုဆောင်အရာရှိချုပ်က ပထမဆုံး စတင်ပြောဆိုလာသည်၊၊</p> <p>"တစ်ခုခု မှားနေတယ်လို့ ငါ အမြဲတမ်း ခံစားနေရတာ၊၊ ပထမအချက်က ဒီကောင်လေးရဲ့ တိုးတက်မှုက အရမ်းမြန်လွန်းလို့ ငါ့ဆံပင်တွေတောင် ထောင်လာရတယ်၊၊ ဒုတိယအချက်က သူ နတ်ကျောင်းမိစ္ဆာ၊ ဟိုက်ဒြာမိစ္ဆာနဲ့ အနက်ရောင် မြူဆိုင်းသော ရွှံ့နွံတောကနေ လွတ်မြောက်လာတာက သံသယဖြစ်စရာပဲ"</p> <p>"အရေးကြီးဆုံးက လင်းချီယဲ့ တစ်ယောက်တည်းကပဲ မျက်နှာနှစ်ဖက်မိစ္ဆာကို ရှာနိုင်တာ၊၊ လူ့ဇာတ်သွင်းနယ်ပယ်ရဲ့ အထွတ်အထိပ် ကျင့်ကြံသူတွေတောင် ဘာလို့ မလုပ်နိုင်ရတာလဲ၊၊ အကြောင်းရင်းက ဘာလဲ"</p> <p>"နောက်ပြီး ဘာလို့ မျက်နှာနှစ်ဖက်မိစ္ဆာတွေကို ကြယ်မြို့တော်မှာပဲ တွေ့ရတာလဲ၊၊ ဘာလို့ တခြားမြို့တွေကို မပြန့်နှံ့သွားတာလဲ"</p> <p>သိပ္ပံနှင့်နည်းပညာအသင်း အမှုဆောင်အရာရှိချုပ်၏ စကားများမှာ အချက်ကျလှသဖြင့် လင်းချီယဲ့အား သံသယများ၏ ဝဲဂယက်အတွင်းသို့ ဆွဲသွင်းလိုက်သည်၊၊</p> <p>လူများမှာ သံသယ မဝင်ဘဲ မနေနိုင်တော့ပေ၊၊</p> <p>လင်းချီယဲ့က မိစ္ဆာတစ်ကောင်လား၊၊</p> <p>မိစ္ဆာမျိုးနွယ်စုက လင်းချီယဲ့နှင့် ပူးပေါင်းကာ ဤဖြစ်ရပ်ကို စီစဉ်ခဲ့ခြင်းဖြစ်ပြီး၊ လင်းချီယဲ့ကို မျက်နှာနှစ်ဖက်မိစ္ဆာများကို ဖမ်းဆီးစေခြင်းဖြင့် သူတို့၏ ယုံကြည်မှုကို ရရှိစေရန် ပြုလုပ်ခဲ့ခြင်းလား၊၊ သူတို့က လင်းချီယဲ့ကို အထက်တန်းလွှာထဲသို့ ရောက်ရှိစေကာ လူသားမျိုးနွယ်အတွင်းသို့ ထိုးဖောက်ဝင်ရောက်စေချင်နေကြခြင်းလား၊၊</p> <p>အကယ်၍ ထိုသို့ မဟုတ်ပါက ဘာကြောင့် မျက်နှာနှစ်ဖက်မိစ္ဆာသည် လင်းချီယဲ့၏ မျက်နှာနှင့် သူ့အနီးနားရှိ လူများ၏ မျက်နှာကို အတုယူခဲ့ရသနည်း၊၊</p> <p>ဘာကြောင့် သူတစ်ဦးတည်းကသာ မျက်နှာနှစ်ဖက်မိစ္ဆာကို ဖမ်းနိုင်ရသနည်း၊၊</p> <p>​ဒါ့အပြင် လင်းချီယဲ့က လီမြို့တော်က လာတာ၊၊</p> <p>လမ်းမှာ သူက နတ်ကျောင်းမိစ္ဆာနဲ့ ဟိုက်ဒြာမိစ္ဆာတို့ရဲ့ နယ်မြေကို ဖြတ်ကျော်ခဲ့ရတာ၊၊</p> <p>လူ့ဇာတ်သွင်းနယ်ပယ်က မိစ္ဆာနှစ်ကောင်က လင်းချီယဲ့ကို အလွယ်တကူ ဖြတ်သန်းခွင့် ပေးပါ့မလား၊၊</p> <p>ဒါက မဖြစ်နိုင်ဘူး၊၊ ဘယ်သူမှ ဒီလောက်အထိ ကံကောင်းမှာ မဟုတ်ဘူး၊၊</p> <p>ဒါက တိုက်ဆိုင်မှုလည်း မဖြစ်နိုင်ဘူး၊၊ ဒါက လွန်ခဲ့တဲ့ အချိန်အတော်ကြာကတည်းက စီစဉ်ထားတာ ဖြစ်ရမယ်၊၊</p> <p>ထိုနေရာရှိ လူများမှာ လင်းချီယဲ့တွင် အပြစ်ရှိသည်ဟု ဆုံးဖြတ်ထားကြပြီးဖြစ်သည်၊၊</p> <p>ဤကိစ္စနှင့် ပတ်သက်၍ လင်းချီယဲ့က ပြုံးလိုက်သည်၊၊</p> <p>မိစ္ဆာ၏ အကွက်မှာ လိမ္မာပါးနပ်သည်ဟု ဆိုရမည်ဖြစ်သည်၊၊ ၎င်းမှာ မရင့်ကျက်သေးသည့် သွေးထိုးလှုံ့ဆော်သည့် လှည့်ကွက်တစ်ခု ဖြစ်ပုံရသော်လည်း စိတ်ကူးယဉ်ရန် နေရာအလုံအလောက် ချန်ထားခဲ့သည်၊၊</p> <p>ကြယ်မြို့တော်ရှိ လူ့ဇာတ်သွင်းနယ်ပယ် ကျင့်ကြံသူအားလုံးမှာ အချက်တစ်ခုကို စိတ်ကူးယဉ်ကြည့်ခြင်းမှ မရှောင်လွှဲနိုင်တော့ပေ၊၊</p> <p>စိတ်ကူးယဉ်ခြင်းမှာ အကြောက်ရွံ့ရဆုံး အရာဖြစ်သလို အယုံကြည်ရဆုံး အရာလည်း ဖြစ်သည်၊၊</p> <p>အဆုံးတွင် လူတို့သည် မိမိတို့ စိတ်ကူးယဉ်ထားသည့် အချက်အလက်များကို အခိုင်အမာ ယုံကြည်တတ်ကြသည်၊၊</p> <p>"ခေါင်းဆောင်ဝမ်၊ ခင်ဗျား ဘယ်လိုထင်သလဲ"</p> <p> </p> <p> </p> <p style="text-align: center;">***</p>


Save