Book List

<h2 style="text-align: center;">အခန်း (၁၁၉)</h2> <h2 style="text-align: center;">မဟာမိစ္ဆာ တစ်ပါး ဖြစ်လာခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">"ဒါက... ဆေးရုံလား..."</p> <p style="text-align:justify">ဖူရှောင်ကွမ်း နိုးလာပြီး ဘေးဘီဝဲယာကို ကြည့်လိုက်သည်။</p> <p style="text-align:justify">သူက အချိန်ရဲ့ တန်ပြန်သက်ရောက်မှုကြောင့် အတိတ်ဘဝကို ပြန်ရောက်သွားတာများလား။ အဲဒီလောက်တောင် စွမ်းအားကြီးတာလား။ ဒါမှမဟုတ် တစ်နေ့တာပိုး ဖြစ်လာတာက ကျွမ်ကျိုးရဲ့ လိပ်ပြာအိပ်မက်လို အိပ်မက်တစ်ခု သက်သက်များလား။</p> <p style="text-align:justify">"ဒါက ယနေ့အထိ သက်တမ်း အတိုဆုံး သတ္တဝါတွေထဲက တစ်ကောင် ဖြစ်ပါတယ်… ခင်ဗျားတို့ရဲ့ တစ်နေ့တာက သူ့ရဲ့ ဘဝတစ်ခုလုံးနဲ့ ညီမျှပါတယ်… ငယ်ရွယ်စဉ်မှာ ရေအောက်မှာ ပုန်းအောင်းနေပြီး အရွယ်ရောက်ပြီးနောက်မှ ထွက်ပေါ်လာတတ်ပါတယ်… မနက်မှာ မွေးဖွားပြီး ညနေမှာ သေဆုံးရတဲ့ သူ့ကို တစ်နေ့တာပိုးလို့ ခေါ်ပါတယ်..."</p> <p style="text-align:justify">နံရံကပ် တီဗွီတွင် "Animal World" အစီအစဉ်ကို ပြသနေပြီး တစ်နေ့တာပိုးအကြောင်းကို အတိအကျ ပြောပြနေခြင်း ဖြစ်၏။ ဆွဲဆောင်မှုရှိပြီး ဩဇာပါသော အသံက သာယာနာပျော်ဖွယ်ကောင်းသော ကလေးချော့တေး တစ်ပုဒ်ကဲ့သို့ နစ်မြောသွားစေသည်။</p> <p style="text-align:justify">"တကယ်ပဲ အိပ်မက်တစ်ခု သက်သက်များလား..."</p> <p style="text-align:justify">ဖူရှောင်ကွမ်းက သူ့ဖာသာ တတွတ်တွတ် ရေရွတ်လိုက်၏။ သူ နိုးလာပြီဖြစ်၍ သူသည် သူသာ ပြန်ဖြစ်သွားပြီ ဖြစ်သည်။ ဘေးအန္တရာယ် ဖြတ်ကျော်နေသည့် အချိန်လေးတွင် အတိအကျ လာပြီး ရပ်တန့်သွားသဖြင့် ၎င်းကို အိပ်မက်ဆိုးတစ်ခုအဖြစ် သတ်မှတ်၍ ရနိုင်မည်လား။</p> <p style="text-align:justify">တစ်ချိန်တည်းမှာပင် နွေဦးနှင့် ဆောင်းဦး ဂူသင်္ချိုင်းအတွင်း၌…</p> <p style="text-align:justify">မိစ္ဆာများ၏ မျှော်လင့်တကြီး စိုက်ကြည့်မှုများအောက်တွင် ကျောင်းအုပ်ကြီး ဂျီမိုမှာ အကြိတ်အနယ် စဉ်းစားရုံမှလွဲ၍ ရွေးချယ်စရာ မရှိတော့ချေ။ တစ်ခဏအကြာတွင် သူမ၏ ခေါင်းထဲ၌ လှုံ့ဆော်မှုတစ်ခု လက်ခနဲ ဖြစ်သွားပြီး တစ်စုံတစ်ခုကို သတိရသွား၏။ ထို့ကြောင့် သူမက ချောင်းဟန့်ကာ ပြောလိုက်သည်။</p> <p style="text-align:justify">"ဒါက စိတ်ပိုင်းဆိုင်ရာ မိစ္ဆာဘေးအန္တရာယ် ဖြစ်ရမယ်... ရှေးဟောင်းစာအုပ် တစ်အုပ်မှာ ပြန့်ကျဲနေတဲ့ မှတ်တမ်းအချို့ကို ငါ တစ်ခါ တွေ့ဖူးတယ်... ဒီဘေးအန္တရာယ်က အလွန် အန္တရာယ်များပြီး သတ္တဝါတစ်ကောင်ရဲ့ တာအိုနှလုံးသားနဲ့ ဝိညာဉ်အာရုံကို စမ်းသပ်တာပဲ... ပုံမှန်အားဖြင့် ဘုရင်ဖြစ်လာမယ့် ဘေးအန္တရာယ်မှာမှ ပေါ်လာတတ်တာ...”</p> <p style="text-align:justify">“အပြစ်ကြီးမားတဲ့သူတွေ ဒါမှမဟုတ် ကောင်းကင်နဲ့ မြေကြီးရဲ့ အမှတ်အသားတစ်ခုကို ပိုင်ဆိုင်တော့မယ့် မိစ္ဆာတွေသာ အသွင်ပြောင်းခြင်း ဘေးအန္တရာယ်အတွင်းမှာ စိတ်ပိုင်းဆိုင်ရာ မိစ္ဆာဘေးအန္တရာယ်နဲ့ ကြုံတွေ့ရလေ့ရှိတယ်..."</p> <p style="text-align:justify">တစ်ခဏမျှ စဉ်းစားပြီးနောက် ကျောင်းအုပ်ကြီး ဂျီမိုက ဆက်ပြောလိုက်၏။</p> <p style="text-align:justify">"ဖူရှောင်ကွမ်းက တည်ရှိဖူးသမျှထဲမှာ ပထမဆုံး တစ်နေ့တာပိုးမိစ္ဆာ မဟုတ်ပေမဲ့ သူက တတိယမြောက် လျှပ်စီးကို အသက်ရှင်ကျန်ရစ်ခဲ့ပြီး ကမ္ဘာပေါ်မှာ ပထမဆုံးသော တစ်နေ့တာပိုး မဟာမိစ္ဆာ ဖြစ်လာတော့မှာပဲ...”</p> <p style="text-align:justify">“ဒါကြောင့် သူက ကောင်းကင်နဲ့ မြေကြီးမှာ အမှတ်အသားတစ်ခု ချန်ထားနိုင်ပြီး လောကကြီးရဲ့ အမှတ်ရမှုနဲ့အတူ ကောင်းကင်နဲ့ မြေကြီးဆီကနေ လက်ဆောင်တွေ ရရှိလိမ့်မယ်... သူ့ရဲ့ အလားအလာတွေက အများကြီး မြင့်တက်လာပြီး သူ့ရဲ့ မျိုးနွယ်စုနဲ့ သားစဉ်မြေးဆက်တွေကလည်း အကျိုးကျေးဇူးတွေ ရရှိနိုင်ပြီး သူ့ကို သူတို့ရဲ့ ဘိုးဘေးအဖြစ် ဂုဏ်ပြုကြလိမ့်မယ်...”</p> <p style="text-align:justify">“သူ စိတ်ပိုင်းဆိုင်ရာ မိစ္ဆာဘေးအန္တရာယ်နဲ့ ကြုံတွေ့ရတာက မထင်မှတ်ပဲ ဖြစ်ခဲ့တာဆိုပေမယ့် ကျိုးကြောင်းဆီလျော်မှု ရှိပါတယ်... သူ ဒါကို ဖြတ်ကျော်နိုင်မလားဆိုတာကတော့ သူ့အပေါ်မှာပဲ လုံးလုံးလျားလျား မူတည်တယ်... ငါတို့ ကူညီပေးလို့ မရဘူး..."</p> <p style="text-align:justify">ကျောင်းအုပ်ကြီး ဂျီမို၏ စကားများတွင် ယူကျုံးမရဖြစ်မှု၊ စိုးရိမ်ပူပန်မှု၊ သက်ပြင်းချမှုများနှင့် မနာလိုအားကျမှု အရိပ်အယောင်လေးများပင် ပါဝင်နေ၏။ အကယ်၍ သူသာ ဤဘေးအန္တရာယ်ကို ဖြတ်ကျော်နိုင်ခဲ့ပါက ဤတစ်နေ့တာပိုးမိစ္ဆာက အနာဂတ်တွင် သူမထက်ပင် ပိုမိုဝေးကွာသော နေရာတစ်ခုအထိ ရောက်ရှိသွားနိုင်ပေသည်။</p> <p style="text-align:justify">အင်းဆက်ဥအပေါ် ကျရောက်နေသော မိစ္ဆာများ၏ အကြည့်များတွင် အားကျမှုများ၊ မနာလိုမှုများပင် ပြည့်နှက်နေကြ၏။ ကိုယ့်နာမည်ကို ကောင်းကင်နဲ့ မြေကြီးက မှတ်တမ်းတင်ပေးတာတဲ့လား။</p> <p style="text-align:justify">အမွေအနှစ် မှတ်ဉာဏ်များကို ချန်ရစ်ပေးခဲ့သော ဘိုးဘေးများသာ ဤအဆင့်သို့ ရောက်ရှိနိုင်ခြင်း ဖြစ်သည်။ ထိုကဲ့သို့သူမျိုးက မျိုးနွယ်စုတိုင်းတွင် လက်တစ်ဆုပ်စာမျှသာ ရှိပြီး သူတို့က မြင့်မြတ်သော အဆင့်အတန်းများကို ပိုင်ဆိုင်ကာ ခေတ်အဆက်ဆက် ချီးမွမ်းဂုဏ်ပြုခံရသူများ ဖြစ်၏။</p> <p style="text-align:justify">တစ်နေ့တာပိုးမိစ္ဆာက ထိုကဲ့သို့သော တည်ရှိမှုတစ်ခု ဖြစ်လာတော့မည်ဟု တွေးမိသောအခါ မိစ္ဆာများ၏ ရင်ထဲတွင် ရှုပ်ထွေးသော ခံစားချက် အမျိုးမျိုး ရောထွေးဖြစ်ပေါ်လာကြတော့သည်။</p> <p style="text-align:justify">...</p> <p style="text-align:justify">ဖူရှောင်ကွမ်းက ဆေးရုံမှ ဆင်းလာခဲ့သည်။ သူ၏ ကုသ၍ မရနိုင်သော ရောဂါကြီးက ဆန်းကြယ်စွာပင် ပျောက်ကွယ်သွားခဲ့၏။ ဆရာဝန်များ အားလုံးက ၎င်းကို ဆေးပညာဆိုင်ရာ အံ့ဖွယ်တစ်ခုဟု ခေါ်ဆိုခဲ့ကြသည်။</p> <p style="text-align:justify">သူက စမ်းသပ်ခံ ကြွက်ဖြူလေးတစ်ကောင်ကဲ့သို့ ဆက်ဆံခံရခြင်းနှင့် ပြည့်စုံသော စစ်ဆေးမှု အမျိုးမျိုးကို ခံယူရခြင်းတို့မှ ရှောင်ရှားနိုင်ရန် ညတွင်းချင်းပင် ထွက်ပြေးခဲ့သည်။ မည်သို့ပင်ဆိုစေ အခမဲ့ရသော အရာတိုင်းက မကောင်းပါချေ။ ဂီနီဝက်တစ်ကောင်ကဲ့သို့ လေ့လာစမ်းသပ်ခံရခြင်းကို သူ မလိုလားပေ။</p> <p style="text-align:justify">ယခင်က သူ၏ ရောဂါကြောင့် သူက ကြွေထည်လေးတစ်ခုကဲ့သို့ ဖြစ်နေခဲ့ပြီး ပွန်းပဲ့ထိခိုက်မိမည်ကို စိုးရိမ်သဖြင့် အလွန်အမင်း သတိထား၍ ပြုမူနေထိုင်ခဲ့ရ၏။</p> <p style="text-align:justify">ယခု ရောဂါ ပျောက်ကင်းသွားပြီ ဖြစ်သဖြင့် ဖူရှောင်ကွမ်းက လွတ်လွတ်လပ်လပ် ပျော်ရွှင်စွာ နေထိုင်ရန်၊ တရုတ်ပြည်၏ ခမ်းနားကြီးကျယ်လှသော မြစ်များနှင့် တောင်တန်းများကို သေချာစွာ လည်ပတ်ကြည့်ရှုရန်၊ လွတ်လပ်မှုကို ခံစားရန်နှင့် ပျော်ရွှင်မှုကို ရှာဖွေရန် ဆုံးဖြတ်လိုက်သည်။ သူက ညတွင်းချင်းပင် အစီအစဉ်မရှိသော ခရီးတစ်ခုကို စတင် ထွက်ခွာခဲ့တော့၏။</p> <p style="text-align:justify">ယခုက ဆောင်းရာသီ ဖြစ်သည်။ ရာသီဥတုကို စစ်ဆေးပြီးနောက် သူက မြောက်ဘက် မြို့တော်ဆီသို့ တစ်ယောက်တည်း ထွက်လာခဲ့သည်။ အနောက်ဘက် ဘူတာရုံမှ ထွက်လိုက်သည်နှင့် တစ်ပြိုင်နက် မိုးမခပွင့်များ လေထဲတွင် လွင့်ဝဲနေသကဲ့သို့ နှင်းများ သည်းထန်စွာ ကျဆင်းလာ၏။</p> <p style="text-align:justify">မြောက်လေက အရိုးကွဲမတတ် အေးစိမ့်နေသော်လည်း ဖူရှောင်ကွမ်းက အေးသည်ဟု မခံစားရပေ။ သူ၏ နှလုံးသားထဲရှိ မီးတောက်က ပြင်ပမှ အအေးဓာတ်များကို ကာလကြာရှည်ကတည်းက လောင်ကျွမ်းပစ်လိုက်ပြီ ဖြစ်သည်။</p> <p style="text-align:justify">စောသေးသဖြင့် သူက နှင်းများကို အံတုနေသော မက်မွန်ပန်းနီနီများနှင့် အဖြူရောင် အမိုးကြွေပြားများရှိသည့် အနီရောင် နံရံများကို ကြည့်ရှုရန် တားမြစ်မြို့တော်ဆီသို့ တန်းတန်းမတ်မတ် သွားရောက်ခဲ့သည်။ သူက စင်္ကြံလမ်းများတစ်လျှောက်တွင် လမ်းလျှောက်လျက် သူကဲ့သို့ နှင်းများ ဖုံးလွှမ်းနေသော နန်းတော်ကြီးကို ငေးကြည့်ရသည်ကို သဘောကျသည့် ရှေးလူများ ရှိခဲ့ဖူးမလားဟု တွေးတောနေမိ၏။</p> <p style="text-align:justify">မီးရောင်များ လင်းလာသောအခါ သူက ရှေးဟောင်း လမ်းကြားများဆီသို့ ရွှေ့ပြောင်းသွားပြီး လမ်းများနှင့် လမ်းကြားများထဲရှိ ရိုးရှင်းသော အစားအစာများကို ရှာဖွေခဲ့သည်။ မြို့ပြ၏ သာမန် ဆူညံပွက်လောရိုက်မှုများကြားတွင် စစ်မှန်သော အရသာများ ပုန်းကွယ်နေတတ်သည် မဟုတ်ပါလား။</p> <p style="text-align:justify">နောက်ရက်များတွင် သူက 'ယွင် ဟယ် ကျို ရှောင်း' အဆင့်များကို လှောင်ပြောင်နေသော လူရွှင်တော်များ၏ စကားပြောများကို နားထောင်ခဲ့သည်။ ရှေးခေတ် မီးရှူးမီးပန်းများကို ပြန်လည်အမှတ်ရရန် မဟာတံတိုင်းကြီးပေါ်သို့ တက်ခဲ့သည်။ ယူနီဗာဆယ် စတူဒီယိုသို့ သွားရောက် လည်ပတ်ခဲ့ပြီး နန်လော့ကူရှန်းတွင် ကြီးကျယ်ခမ်းနားသော အော်ပရာ တစ်ပုဒ်ကို ကြည့်ရှုခဲ့၏။</p> <p style="text-align:justify">မြို့တော်မှ ထွက်ခွာပြီးနောက် သူက အရှေ့မြောက်ဘက်ဆီသို့ ဆက်လက် ခရီးဆက်ခဲ့သည်။ လမ်းတွင် သူနှင့် ဝါသနာတူသော ခရီးသွားအချို့နှင့် တွေ့ဆုံခဲ့၏။ ရေခဲမြို့တော်တွင် သူတို့က နှင်းလျှောစီးကြသည်။</p> <p style="text-align:justify">မီးပုံးများကို ကြည့်ရှုကြပြီး နှင်းတိုက်ပွဲများ ဆင်နွှဲကာ တောင်ပိုင်းက အာလူးလေးများကို နှင်းပုံများထဲတွင် ပိတ်လှောင်ထားခဲ့ကြသည်။ ထို့နောက် ချန်ပိုင်တောင်၏ ရေပူစမ်းများတွင် အတူတကွ ရေချိုးရင်း အံ့ဩဖွယ်ကောင်းသော ညတစ်ညကို ကုန်ဆုံးခဲ့ကြ၏။</p> <p style="text-align:justify">သူတို့က တုံးအသော သမင်များကို စနောက်ကြသည်။ သံအိုးဖြင့် ချက်ထားသော စွပ်ပြုတ်များကို မြည်းစမ်းကြသည်။ ကြက်ရိုးကင်များကို စားသောက်ကြပြီး အရှေ့မြောက်ဒေသမှ ခက်ထန်သော အမျိုးသမီးများ၊ အမျိုးသားများနှင့်အတူ သေရည်သောက် ပြိုင်ပွဲများ ဆင်နွှဲကာ ဝိုင်ပူပူလေး သောက်လျက် သူရဲကောင်းများအကြောင်း ဆွေးနွေးခဲ့ကြသည်။</p> <p style="text-align:justify">အချိန်အတန်ကြာ အတူတကွ ခရီးသွားပြီးနောက် ဖူရှောင်ကွမ်းက အမှတ်တရများကို ချန်ရစ်ကာ လက်ပြနှုတ်ဆက်ပြီး ကျက်သရေရှိစွာ ထွက်ခွာလာခဲ့၏။</p> <p style="text-align:justify">သူက မဟာမြက်ခင်းပြင်ကြီးဆီသို့ ဦးတည်သွားပြီး သဲကန္တာရများကို ကြည့်ကာ သိုးမွေးတဲများတွင် တည်းခိုခဲ့သည်။ သူက တိရစ္ဆာန် မွေးမြူခြင်း၊ မြင်းစီးခြင်း၊ နပန်းလုံးခြင်း၊ အရက်သောက်ခြင်း၊ မီးပုံပွဲများ ပြုလုပ်ခြင်းနှင့် ကခုန်ခြင်းများတွင် ပါဝင်ဆင်နွှဲခဲ့၏။ ထို့ပြင် သူက အသစ်သင်ယူထားသော သတို့သမီးပို့ဆောင်ခြင်း သီချင်းကို သီဆိုလျက် ဧည့်ဝတ်ကျေပွန်သော မြက်ခင်းပြင်မှ သူငယ်ချင်းများကို လက်ပြနှုတ်ဆက်ခဲ့သည်။</p> <p style="text-align:justify">ရှေ့ဆက်ရမည့် ခရီးက ရှည်လျားပြီး သူတို့ ဘယ်တော့ ပြန်ဆုံတွေ့ကြမည်ကို သူ မသိပေ။ ရပ်လိုက် သွားလိုက်၊ လာလိုက် ထွက်သွားလိုက်နှင့် လူတိုင်းက တစ်ယောက်အတွက်တစ်ယောက် ရှုခင်းတစ်ခုမျှသာ ဖြစ်၏။ လူတိုင်း ကျန်းမာချမ်းသာကြပါစေဟုသာ သူ ဆုတောင်းပေးခဲ့သည်။</p> <p style="text-align:justify">ကုလားအုတ် ခေါင်းလောင်းလေးများ၏ တချွင်ချွင် မြည်သံနှင့်အတူ ဖူရှောင်ကွမ်းက ဟယ်ရှီစင်္ကြံတစ်လျှောက် အနောက်ဘက်သို့ ကုလားအုတ်စီးကာ ခရီးဆက်ရင်း လမ်းတစ်လျှောက်ရှိ ရှုခင်းများကို ခံစားခဲ့၏။</p> <p style="text-align:justify">ကောင်းကင်ဘုံမှ ဆင်းသက်လာသကဲ့သို့ ထင်ရသော မြစ်ဝါမြစ်ကြီးကို သူ မြင်တွေ့ခဲ့ရသည်။ လော့အက်စ် ကုန်းပြင်မြင့်၏ အရိုးကွဲမတတ် အေးစိမ့်လှသော မြောက်လေကို ခံစားခဲ့ရသည်။ ရိုးရာ သီချင်းအချို့ကို အော်ဟစ်သီဆိုခဲ့သည်။ ခါးပတ်ဗုံအကကို ကပြခဲ့ပြီး ချင်ချန် အော်ပရာ သံစဉ်အချို့ကို သင်ယူခဲ့သည်။</p> <p style="text-align:justify">သိုးသားစွပ်ပြုတ်နှင့် စိမ်ထားသော ပီတာပေါင်မုန့်များကို စားခဲ့ပြီး ဂူအိမ်များရှိ အပူပေးထားသော အုတ်ကုတင်များပေါ်တွင် အိပ်စက်ခဲ့ကာ ဆောင်းရာသီ၏ အအေးဆုံးအချိန်တွင် ခေါင်းပေါ်၌ အဖြူရောင် ပဝါတစ်ထည်ကို ပတ်၍ ဆေးတံတစ်တံဖြင့် ပျော်ရွှင်စွာ ဆေးလိပ်သောက်ခဲ့၏။</p> <p style="text-align:justify">လန်ကျိုးတွင် 'လန်ကျိုး ခေါက်ဆွဲ' မရှိဘဲ အမဲသားခေါက်ဆွဲသာ ရှိသည်။ ခေါက်ဆွဲက စားလို့ကောင်းပြီး အမဲသားက နူးညံ့ကာ ဟင်းရည်က လန်းဆန်းစေပြီး 'တစ်ခုက ကြည်လင်၊ နှစ်ခုက အဖြူ၊ သုံးခုက အနီ၊ လေးခုက အစိမ်း၊ ငါးခုက အဝါ' ဟူသော စံနှုန်းကို လိုက်နာထား၏။</p> <p style="text-align:justify">သက်တံရောင် တောင်တန်းများက အရောင်အသွေး စုံလင်လှပြီး မြစိမ်းရောင် ရေကန်က ကြည်လင်ကာ စိမ်းလန်းနေသည်။ ချင်းဟိုင် ရေကန်ကြီးက ကျယ်ဝန်းလှပြီး လခြမ်း စမ်းရေတွင်းကတော့... အင်း... စကားနည်းနည်း ပြောတာ ပိုကောင်းပါတယ်။</p> <p style="text-align:justify">သူက ပိုတာလာ နန်းတော်ရှိ ဝမ်ချန် မင်းသမီးကို ဂါရဝပြုခဲ့သည်။ ဘာခေါလမ်းကို နာရီလက်တံအတိုင်း ပတ်၍ လမ်းလျှောက်ခဲ့သည်။ ဘာဆွမ်ဆိုးတွင် ရိုးရာ ဓလေ့ထုံးစံများကို ခံစားခဲ့ပြီး နမ်ဆိုတွင် ရင်သပ်ရှုမောဖွယ်ကောင်းသော ကြယ်တာရာ ကောင်းကင်ကြီးကို ငေးမောကြည့်ရှုခဲ့လေသည်။</p> <p style="text-align:justify">ထို့နောက် သူက အနောက်မြောက်ဘက်မှ အနောက်တောင်ဘက်သို့ ကူးပြောင်းကာ သူကိုယ်တိုင် တောင်တန်းများနှင့် သစ်တောများကို ဖြတ်သန်း မောင်းနှင်ခဲ့သည်။ တောက်ချန်သို့ သွားရောက်လည်ပတ်ခဲ့ပြီး မင်ရည်ကျောက်တုံးများကို မြင်တွေ့ခဲ့ကာ ကျိုကျိုက်ကုန်းရှိ ရေများကို ကြည့်ရှုခဲ့၏။</p> <p style="text-align:justify">ချင်းချန်တောင်ပေါ်တွင် တာအိုလမ်းစဉ်ကို ရှာဖွေခဲ့ပြီး တူကျန်းယန် ဆည်မြောင်းစနစ်တစ်လျှောက် လမ်းလျှောက်ခဲ့ကာ ဟော့ပေါ့စားပြီး စီချွမ် မာဂျောင် ကစားခဲ့သည်။ အပူအစပ်ကြိုက်သော မိန်းကလေးများကို အရက်သောက်ရန် ဖိတ်ခေါ်ခဲ့ပြီး အရက်သောက်ပြီးနောက် ရှူလမ်းမ၏ ကြောက်မက်ဖွယ်ကောင်းသော တောင်တန်းများကို ရင်ဆိုင်ခဲ့၏။</p> <p style="text-align:justify">ထို့နောက် သူက တောင်ပေါ်မြို့တော်သို့ တက်လှမ်းခဲ့ပြန်သည်။ အဆုံးမရှိသော လှေကားထစ်များကို ကြည့်ကာ ညည်းညူလျက် မီတာ တစ်ရာ ခရီးကို လမ်းလျှောက်ရန်အတွက် ဆယ်မိနစ် အချိန်ယူရသည့် မျှော်လင့်ချက်မဲ့မှုကို ခံစားခဲ့ရသည်။ ဤနေရာတွင် ဟော့ပေါ့က ပိုစပ်ပြီး မိန်းကလေးများက ပိုမို ပွင့်လင်းကာ အသံများကလည်း ပိုမို ကျယ်လောင်ကြ၏။</p> <p style="text-align:justify">ယူနန်ဘက်သို့ လှည့်သွားပြီးနောက် ဖူရှောင်ကွမ်းက တောမှိုများကို ဦးစွာ မြည်းစမ်းခဲ့သည်။ သူက မြောက်မှ တောင်၊ အရှေ့မှ အနောက်သို့ ခရီးလှည့်လည်သွားလာခဲ့သည်။</p> <p style="text-align:justify">ထိုသို့ဖြင့် သူမသိလိုက်ဘဲ သုံးနှစ်တာ အချိန် ကုန်လွန်သွားခဲ့သည်။ ဖူရှောင်ကွမ်းက တရုတ်ပြည် တစ်ခွင်ကို လေဆင်နှာမောင်းတစ်ခုလို လှည့်လည်သွားလာခဲ့ပြီးနောက် မူလအစသို့ ပြန်လည် ရောက်ရှိလာခဲ့၏။</p> <p style="text-align:justify">သူက ထိုဆေးရုံသို့ ပြန်သွားကာ လူနာကုတင်ပေါ်တွင် လှဲလျောင်းရင်း "Animal World" ၏ တစ်နေ့တာပိုး အပိုင်းကို ဖွင့်ကြည့်နေလိုက်သည်။ မျက်လုံးများကို မှိတ်လိုက်သည့် အခိုက်အတန့်တွင် သူက တတွတ်တွတ် ရေရွတ်လိုက်၏။</p> <p style="text-align:justify">"ငါ့ရဲ့ ဇာတိမြေတစ်လျှောက်က ဝိညာဉ်ရေးရာ ခရီးစဉ်... အိပ်မက်ဆိုတာ တစ်ချိန်ကျရင် အဆုံးသတ်ရမှာပဲ... နှုတ်ဆက်ပါတယ် ဇာတိမြေ... နှုတ်ဆက်ပါတယ် အတိတ်ဘဝ..."</p> <p style="text-align:justify">လှည့်စားတတ်သော အိပ်မက်ကို သူ ဘယ်အချိန်ကတည်းက သဘောပေါက်သွားခဲ့မှန်း သူ မသိပေ။ ကုသ၍ မရနိုင်သော ရောဂါကြီး ပျောက်ကင်းသွားခြင်း၏ ယုတ္တိမတန်မှုမှ စတင်ခဲ့ခြင်း ဖြစ်ကောင်း ဖြစ်နိုင်သည်။ သို့မဟုတ် ရှုခင်းတစ်ခုခုကို မြင်တွေ့ရချိန်တွင် ဝိညာဉ်ရေးရာ လန်းဆန်းမှုမှ ဖြစ်နိုင်သည်။ ထိုသို့မဟုတ်လျှင် အရသာရှိသော အစားအစာများကို မြည်းစမ်းချိန်တွင် ရရှိခဲ့သော စစ်မှန်သည့် ပျော်ရွှင်မှုမှ ဖြစ်နိုင်ပေသည်။</p> <p style="text-align:justify">အတိုချုပ် ပြောရလျှင် ပြောပြရန် ခက်ခဲလှ၏။ သို့သော် ဉာဏ်အလင်းပွင့်သွားပြီဆိုလျှင် ပွင့်သွားပြီ ဖြစ်သည်။</p> <p style="text-align:justify">သူက မျက်လုံးများကို မှိတ်ကာ ခန္ဓာကိုယ်နှင့် စိတ်ကို ဖြေလျှော့လိုက်ချိန်တွင် ဖန်ကွဲသွားသကဲ့သို့ အသံတစ်ခုကို ကြားလိုက်ရ၏။ ထို့နောက် သူ၏ အသိစိတ်က ဆွဲထုတ်ခံလိုက်ရတော့သည်။</p> <p style="text-align:justify">...</p> <p style="text-align:justify">အန်းလဲ့လမ်းကြား၊ နွေဦးနှင့် ဆောင်းဦး ဂူသင်္ချိုင်း…</p> <p style="text-align:justify">မိစ္ဆာများက အင်းဆက်ဥကို စူးစိုက်ကြည့်နေကြ၏။ အတွင်းမှ ရှင်သန်ခြင်း ချီစွမ်းအင်များ တဖြည်းဖြည်း အားနည်းလာသည်ကို ခံစားရသောအခါ ကျူးယွင်၊ ကုန်းရန်ယန်၊ ရှောင်ကျူးနှင့် ပုစဉ်းရင်ကွဲမိစ္ဆာတို့မှာ ထိတ်လန့်စိုးရိမ်မှုများကြောင့် မျက်နှာများ ဖြူရော်သွားကြသည်။</p> <p style="text-align:justify">ကျောက်စိမ်းမျက်နှာနှင့် ကြောင်ကတိုးမလေးပင် စိုးရိမ်ပူပန်မှုကို ခံစားနေရ၏။ သို့သော် သူ၏ နာမည်ကို ခေါ်ကာ အတိတ်က အဖြစ်အပျက်များကို ပြန်လည်ပြောပြခြင်းမှလွဲ၍ သူတို့ လုပ်နိုင်သည့်အရာ ဘာမှ မရှိချေ။</p> <p style="text-align:justify">မဟာမိစ္ဆာ သုံးပါးက ခေါင်းယမ်း၍ သက်ပြင်းချလိုက်ကြသည်။ သို့သော် သူတို့က ထွက်မသွားကြပေ။ ရှင်သန်ခြင်း ချီစွမ်းအင် လုံးဝ ပျောက်ကွယ်မသွားမီ အချိန်အထိ မျှော်လင့်ချက် နည်းပါးနေလျှင်တောင် အရာရာက ဖြစ်နိုင်ခြေ ရှိနေသေးသည် မဟုတ်ပါလား။</p> <p style="text-align:justify">နောက်ဆုံး ရှင်သန်ခြင်း ချီစွမ်းအင် ကြိုးမျှင်လေးသာ ကျန်ရှိတော့ချိန်တွင် ရုတ်တရက် အောက်ခြေမှ တက်ကြွလှုပ်ရှားသော ရှင်သန်ခြင်း ချီစွမ်းအင်များက ပြန်ကန်ထွက်လာသကဲ့သို့ အဟုန်ပြင်းစွာ ပေါက်ကွဲထွက်လာတော့သည်။</p> <p style="text-align:justify">မဟာမိစ္ဆာ သုံးပါး၏ မျက်နှာအမူအရာများက လင်းလက်သွား၏။</p> <p style="text-align:justify">မိစ္ဆာများ၏ စိတ်ခံစားချက်များက ပို၍ပင် ရှုပ်ထွေးနေသော်လည်း ယေဘုယျအားဖြင့်တော့ ဝမ်းသာနေကြသည်။ ယွီတောင်တန်းက ပိုမို အစွမ်းထက်လာလေလေ သူတို့ ပိုမို လုံခြုံလေလေ ဖြစ်မည် မဟုတ်ပါလား။ နှုတ်ခမ်းနှင့် သွားများကဲ့သို့ နီးကပ်စွာ ဆက်စပ်နေသည်ဟူသော သဘောတရားကို သူတို့ နားလည်ထားကြ၏။</p> <p style="text-align:justify">ကျူးယွင်မှာ ဝမ်းသာလွန်း၍ ငိုချလိုက်တော့သည်။ ကုန်းရန်ယန်က မျက်ရည်များ မကျလာစေရန် ခေါင်းကို မော့ထားလိုက်၏။</p> <p style="text-align:justify">ရှောင်ကျူးက သူ၏ ဝမ်းဗိုက်အဖျားပိုင်းမှ ပြင်းထန်သော မီးတောက်များကို ပန်းထုတ်လိုက်သည်။ ပုစဉ်းရင်ကွဲမိစ္ဆာကလည်း ပုစဉ်းရင်ကွဲ အော်သံကို မအော်ဘဲ မနေနိုင်တော့ချေ။</p> <p style="text-align:justify">ကောင်းကင်ယံရှိ မိုးကြိုးတိမ်တိုက်များက ကွဲကွာသွားပြီး ကောင်းကင်ယန်၏ ဖန်ဆင်းခြင်း စွမ်းအင်များက ဆင်းသက်လာတော့သည်။ မြေချီစွမ်းအင်များလည်း အရှိန်အဟုန်ဖြင့် တက်လာပြီး မသန့်စင်သော ချီစွမ်းအင်များက ရူးသွပ်စွာ ကြီးထွားလာကာ ယင်ချီစွမ်းအင်များကလည်း ဆူပွက်လာ၏။</p> <p style="text-align:justify">အင်းဆက်ဥက ၎င်းတို့၏ လွှမ်းခြုံမှုကို ခံလိုက်ရပြီး ဧရာမ အဖြူနှင့် အမည်း ပိုးအိမ်ကြီး တစ်ခုအဖြစ် ဖန်တီးကာ မိစ္ဆာများ၏ အမြင်အာရုံကို ပိတ်ဆို့လိုက်တော့သည်။</p> <p style="text-align:justify">ပိုးအိမ်အတွင်းတွင် တစ်နေ့တာပိုးတစ်ကောင်က ရေထဲမှ ခုန်ထွက်လာသကဲ့သို့ ဥကို ဖောက်ထွက်လာသည်။ ထို့နောက် ကွဲအက်သွားသော ဥခွံက ချက်ချင်းပင် ပြန်လည်ကောင်းမွန်သွား၏။</p> <p style="text-align:justify">ပိုးလောက်လမ်း၊ အင်းဆက်ငယ်၊ အရွယ်ရောက် အင်းဆက်စသဖြင့် တဖြည်းဖြည်း အရွယ်ရောက်လာသည်။</p> <p style="text-align:justify">နောက်ဆုံးတွင် ဖူရှောင်ကွမ်းက သူ၏ အခွံဟောင်းကို ခွာချလိုက်သည်။ သူ၏ ခန္ဓာကိုယ်က တဖြည်းဖြည်း ရှည်လျားလာပြီး ခြောက်လက်မအထိ ကြီးထွားသွား၏။ သူ၏ အတောင်ပံများက ပွင့်လင်းမြင်သာနေပြီး သူ၏ အင်းဆက်ခန္ဓာကိုယ်က ငွေဖြူရောင် ဖြစ်ကာ အချိန်၏ လျှို့ဝှက်ချက်များ ပါဝင်နေသည့် နက်နဲဆန်းကြယ်သော အမှတ်အသားများဖြင့် ဖုံးလွှမ်းနေသည်။</p> <p style="text-align:justify">သူ၏ ခန္ဓာကိုယ်အတွင်းရှိ ကောင်းကင်နှင့် မြေကြီး တံတားနှင့် အပေါက်ကိုးပေါက် သွေးကြောမကြီးများက အတုအယောင်မှ အစစ်အမှန်သို့ လုံးဝ ပြောင်းလဲသွားပြီး ဟာကွက်များ အားလုံးကို ဖာထေးလိုက်၏။ သူ၏ ဓမ္မစွမ်းအားက နှစ်ဆတိုးလာပြီး သူ၏ ဝိညာဉ်အာရုံကလည်း စစ်မှန်သော ဝိညာဉ်အာရုံအဖြစ် အသွင်ပြောင်းသွားကာ ပေပေါင်းများစွာ ကြီးထွားလာတော့သည်။</p> <p style="text-align:justify">ထို့နောက် နည်းစနစ် သုံးခုဖြစ်သော အချိန်တစ်လက်မ ဆွဲဆန့်ခြင်း၊ အလင်းစီးဆင်းခြင်းသိုင်း နည်းစနစ်နှင့် အခိုက်အတန့် ပျောက်ကွယ်ခြင်းတို့က ပေါင်းစပ်သွားကြ၏။ ဖူရှောင်ကွမ်းမှာ နည်းစနစ် နှစ်ခုကို ပေါင်းစပ်ဖူးသော အတွေ့အကြုံ ရှိပြီးသားဖြစ်သလို အခိုက်အတန့် ပျောက်ကွယ်ခြင်းက တည်ငြိမ်စေသည့် အရာအဖြစ် ရှိနေသဖြင့် နည်းစနစ် သုံးခုက တစ်ခုတည်းအဖြစ် အလွယ်တကူ ပေါင်းစပ်သွားကြတော့သည်။</p> <p style="text-align:justify">အရေးအကြီးဆုံးမှာ ဖူရှောင်ကွမ်းက သူ၏ သက်တမ်းမှာ အဟုန်ပြင်းစွာ မြင့်တက်လာနေပြီး အတားအဆီး တစ်ခုခုကို ချိုးဖျက်ကာ ယခင်က တစ်ခါမှ မရှိခဲ့ဖူးလောက်အောင် ရှည်လျားလာကြောင်း ခံစားလိုက်ရခြင်းပင် ဖြစ်၏။</p> <p style="text-align:justify">ထို့ပြင် သူက အချိန်၏ သဘောတရားများကို ပိုမိုနက်ရှိုင်းစွာ နားလည်သဘောပေါက်လာပြီး အသစ်အဆန်းဖြစ်သော ထိုးထွင်းသိမြင်မှု အမျိုးမျိုးကို မွေးဖွားလာစေကာ အချိန်၏ အမှန်တရားအချို့ကို ထိုးဖောက် သိမြင်သွားတော့သည်။ သူ၏ ကျင့်ကြံခြင်းက လျှပ်စီးလက်သကဲ့သို့ မြန်ဆန်သောနှုန်းဖြင့် တိုးတက်လာပြီး သူ၏ ဓမ္မအနှစ်သာရကလည်း တောက်ပကာ ပြင်းထန်လှ၏။</p> <p style="text-align:justify">ဖူရှောင်ကွမ်းက ကောင်းကင်နှင့် မြေကြီးကြားတွင် မတ်မတ်ရပ်နေသော နက်နဲဆန်းကြယ်သည့် တာအိုကျောက်တိုင်ကြီး တစ်ခုကိုလည်း မြင်တွေ့လိုက်ရသည်။ ထိုကျောက်တိုင်မှာ မှုန်ဝါးဝါးဖြစ်နေသော်လည်း ရှေးကျပြီး ခမ်းနားကြီးကျယ်ကာ နက်နဲဆန်းကြယ်လှ၏။</p> <p style="text-align:justify">ဤကျောက်တိုင်ကို မြင်လိုက်ရသည့် အခိုက်အတန့်တွင် သူက ထိုကျောက်တိုင်မှာ ကောင်းကင်နှင့် မြေကြီး ကျောက်တိုင် ဖြစ်ကြောင်း နားလည်သွားတော့သည်။</p> <p style="text-align:justify">ပန်းများ၊ ငှက်များ၊ အင်းဆက်များ၊ ငါးများ၊ မြေကြီး၊ ကျောက်တုံ၊ သဲ၊ ရွှံ့၊ လေ၊ မိုး၊ မိုးခြိမ်းသံ၊ လျှပ်စီး၊ လူသား၊ နတ်ဘုရား၊ နတ်မင်းများနှင့် ဗုဒ္ဓများစသဖြင့် လောကရှိ အရာခပ်သိမ်းတွင် နက်သည်ဖြစ်စေ၊ တိမ်သည်ဖြစ်စေ၊ မြင့်သည်ဖြစ်စေ၊ နိမ့်သည်ဖြစ်စေ၊ အားကောင်းသည်ဖြစ်စေ၊ အားနည်းသည်ဖြစ်စေ အမှတ်အသား တစ်ခုစီ ရှိကြ၏။</p> <p style="text-align:justify">ထူးခြားသော သတ္တဝါများသာ တာအိုကျောက်တိုင်ပေါ်တွင် သူတို့၏ နာမည်များကို ချန်ရစ်ရန်နှင့် သူတို့၏ ကိုယ်ပိုင် အမှတ်အသားများကို ခတ်နှိပ်ရန် အရည်အချင်း ပြည့်မီကြသည်။</p> <p style="text-align:justify">တာအိုကျောက်တိုင်ပေါ်တွင် နာမည်ချန်ရစ်နိုင်သော သတ္တဝါတိုင်းက ကောင်းကင်နှင့် မြေကြီးထံမှ သဘောတရားများနှင့် ကံတရားများကဲ့သို့သော လက်ဆောင်များကို ရရှိကြမည်ဖြစ်ပြီး သူတို့၏ တာအိုလမ်းစဉ်ကို ပိုမို ချောမွေ့စေမည် ဖြစ်၏။</p> <p style="text-align:justify">ယခု သူ၏ ကျင့်ကြံခြင်း လျင်မြန်စွာ တိုးတက်လာရခြင်းက ဘေးအန္တရာယ်ကို အောင်မြင်စွာ ဖြတ်ကျော်နိုင်ခဲ့သည့်အပြင် ကောင်းကင်နှင့် မြေကြီးထံမှ ရရှိသော လက်ဆောင်များကြောင့်ပင် ဖြစ်သည်။ ထို့ပြင် သူက ကောင်းကင်နှင့် မြေကြီး ကျောက်တိုင်ပေါ်တွင် သူ၏ ကိုယ်ပိုင် နာမည်ကို မြင်တွေ့လိုက်ရ၏။<br />  </p> <p style="text-align:justify">"တစ်နေ့တာပိုး မဟာမိစ္ဆာ... ဖူရှောင်ကွမ်း"</p> <p style="text-align:justify">၎င်း၏ အောက်တွင်တော့ နောက်ထပ် နာမည်တစ်ခု ရှိနေသေးသည်။</p> <p style="text-align:justify">"တစ်နေ့တာပိုးမိစ္ဆာ... တန်မု"</p> <p style="text-align:justify">ထို့နောက် ကောင်းကင်နှင့် မြေကြီး တာအိုကျောက်တိုင်က မျက်တောင်တစ်ခတ်အတွင်းမှာပင် ပျောက်ကွယ်သွားတော့၏။</p> <p style="text-align:justify">ဂျွတ်...</p> <p style="text-align:justify">ဧရာမ ပိုးအိမ်ကြီးက တစ်လက်မချင်းစီ အက်ကွဲလာပြီး အစအနအဖြစ် ကွဲကြေသွားတော့သည်။ အထဲမှနေ၍ အရပ်ခြောက်ပေရှိ ချောမောလှပသော လူငယ်လေးတစ်ဦး ပေါ်ထွက်လာပြီး လေထဲတွင် လွင့်မျောနေ၏။ သူက ငွေရောင်ဆံပင်၊ ငွေရောင်မျက်လုံးများနှင့် ငွေရောင်အဝတ်အစားများ ဝတ်ဆင်ထားသည်။</p> <p style="text-align:justify">ညလေညှင်း တိုက်ခတ်လာသောအခါ သူ၏ ဆံပင်များက လေထဲတွင် လွင့်ဝဲနေပြီး သူ၏ အဝတ်အစားများက ကျက်သရေရှိစွာ လွင့်မျောနေ၏။ သူက လက်နှစ်ဖက်ကို နောက်ပစ်ကာ ရပ်နေပြီး သူ၏ ပုံစံက လောကနှင့် ကင်းကွာနေသကဲ့သို့ ရှိသည်။</p> <p style="text-align:justify">ထို့ပြင် သူ၏ ခန္ဓာကိုယ်မှ ငွေရောင်အလင်းတန်းများ ဖြာထွက်နေပြီး ကြယ်များနှင့် လမင်းကိုပင် တစ်ခဏမျှ မှေးမှိန်သွားစေတော့သည်။</p> <p style="text-align:justify">မီးလျှံနီမှာ စိတ်ဓာတ်ကျသွား၏။</p> <p style="text-align:justify">အထက်က ထျန်းယီ မိစ္ဆာနတ်ဘုရား...</p> <p style="text-align:justify">ဒီကောင်က ငါ့ထက်တောင် ပိုပြီး စတိုင်ကျနေတယ်လို့ ထင်မိတယ်...</p> <p style="text-align:justify">"မိစ္ဆာသခင် ရှောင်ကွမ်းကို ဂါရဝပြုပါတယ်... မဟာမိစ္ဆာ တစ်ပါး ဖြစ်လာပြီး ကောင်းကင်နဲ့ မြေကြီးကြားမှာ နာမည် ချန်ရစ်နိုင်ခဲ့တဲ့ မိစ္ဆာသခင်ကို ဂုဏ်ပြုပါတယ်..."</p> <p style="text-align:justify">ရှောင်ကျူးက ဦးစွာ စကားပြောလိုက်၏။ သူ၏ အသံက ကျယ်လောင်နေပြီး သူ၏ မျက်နှာပေါ်တွင် အားကျမှုများ ပြည့်နှက်နေတော့သည်။ ထို့နောက် သူက လေးစားစွာ ဦးညွှတ်လိုက်သည်။</p> <p style="text-align:justify">အခြား မိစ္ဆာများကလည်း သူ့နောက်မှနေ၍ ချက်ချင်းပင် လိုက်လုပ်ကြ၏။</p> <p style="text-align:justify">"မိစ္ဆာသခင် ရှောင်ကွမ်းကို ဂါရဝပြုပါတယ်... မဟာမိစ္ဆာတစ်ပါး ဖြစ်လာပြီး ကောင်းကင်နဲ့ မြေကြီးကြားမှာ နာမည် ချန်ရစ်နိုင်ခဲ့တဲ့ မိစ္ဆာသခင်ကို ဂုဏ်ပြုပါတယ်..."</p> <p style="text-align:justify">နားကွဲမတတ် ကျယ်လောင်သော အသံလှိုင်းများက နွေဦးနှင့် ဆောင်းဦး ဂူသင်္ချိုင်း တစ်လျှောက် ပဲ့တင်ထပ်သွားတော့သည်။</p> <p style="text-align:justify">ကျောင်းအုပ်ကြီး ဂျီမို၏ မျက်လုံးများက လခြမ်းပုံစံ ကွေးညွတ်သွား၏။</p> <p style="text-align:justify">"ငါတို့နဲ့ အဆင့်အတန်းတူ မိစ္ဆာတစ်ကောင် ဖြစ်လာတဲ့အတွက် တာအိုမိတ်ဆွေကို ဂုဏ်ပြုပါတယ်..."</p> <p style="text-align:justify">မိစ္ဆာသခင် ကျိုကွမ်းကလည်း ပြောလိုက်သည်။</p> <p style="text-align:justify">"နောက်တစ်ဆင့်ကို ရောက်ရှိသွားတဲ့အတွက် တာအိုမိတ်ဆွေကို ဂုဏ်ပြုပါတယ်..."</p> <p style="text-align:justify">မိစ္ဆာသခင် ဟုန်ယဲ့ကလည်း ဝင်ပြောလိုက်သည်။</p> <p style="text-align:justify">"အဆုံးအစမရှိတဲ့ သက်တမ်းကို ပိုင်ဆိုင်သွားတဲ့အတွက် တာအိုမိတ်ဆွေကို ဂုဏ်ပြုပါတယ်..."</p> <p style="text-align:justify">…</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save