Book List

<h2 style="text-align: center;">အခန်း (၁၃၄၆)</h2> <h2 style="text-align: center;">အပြန်အလှန် ကူညီဖေးမခြင်း</h2> <h2 style="text-align: center;">*</h2> <p> </p> <p> </p> <p> </p> <p>​မသိမသာနှင့်ပင် ဖန့်ချန်သည် ဟေးဟွမ်တောင်တွင် နေထိုင်ခဲ့သည်မှာ နှစ်ပေါင်းသုံးဆယ်နီးပါး ရှိလာခဲ့ပြီ ဖြစ်သည်။</p> <p> </p> <p>​ထိုအနှစ်သုံးဆယ်အတွင်း ဖန့်ယိန့်ကွမ်း အစရှိသော သူ၏ ကိုယ်ပွားများသည်လည်း တစ်ဦးပြီးတစ်ဦး ထိုးဖောက်အောင်မြင်မှုများ ရရှိခဲ့ကြသည်။</p> <p> </p> <p>​ထိုကိုယ်ပွားများထံမှ တုံ့ပြန်လာသော စွမ်းအားများသည် အလွှာပေါင်းစုံသော ဟင်းလင်းပြင်များကို ဖြတ်ကျော်ကာ ဖန့်ချန်၏ ကိုယ်ပေါ်သို့ တိကျမှန်ကန်စွာ ကျရောက်လာခဲ့သည်။</p> <p> </p> <p>​ထိုစွမ်းအားများကြောင့် သူသည် ဘေးဒုက္ခဖြတ်ကျော်ခြင်းအဆင့် ထဲသို့ ခြေတစ်လှမ်း တိုးဝင်မိတော့မည့်အခြေအနေကို မနည်းထိန်းချုပ်ထားရသည်။</p> <p> </p> <p>​ယခုတစ်ကြိမ် လင်းကွေ့ကြယ်တာရာနယ်မြေတွင် ပြုလုပ်မည့် ကျွယ်မင်နတ်ဘုရားနန်းတော်၏ စစ်ဆေးမှုတွင် အနည်းဆုံး ကျင့်ကြံသူ သန်းဂဏန်းမျှ ရှိလိမ့်မည်။</p> <p> </p> <p>​၎င်းတို့အနက် ဘေးဒုက္ခဖြတ်ကျော်ခြင်းအဆင့် ကျင့်ကြံသူများ၏ စစ်ဆေးမှုကို စစ်ဆေးရေးမှူးများက အထူးတလည် အာရုံစိုက် စောင့်ကြည့်ကြမည်မှာ သေချာသည်။</p> <p> </p> <p>​အကယ်၍ စစ်ဆေးမှု မအောင်မြင်ပါက ကိစ္စမရှိသော်လည်း၊ အကယ်၍ အောင်မြင်ခဲ့ပါက ကျွယ်မင်နတ်ဘုရားနန်းတော်သည် ထိုသူ၏ နောက်ခံသမိုင်းကြောင်းကို စုံစမ်းစစ်ဆေးရာတွင် တာအိုပေါင်းစပ်ခြင်းအဆင့်ထက် အဆပေါင်းများစွာ ပိုမိုတင်းကျပ်မည် ဖြစ်သည်။</p> <p> </p> <p>​ဖန့်ချန်သည် ပြဿနာများကို ရှောင်လွှဲရန်အတွက် နောက်ဆုံးခြေလှမ်းကို မတက်လှမ်းမိစေရန် အတင်းအကျပ် ဖိနှိပ်ထားခြင်း ဖြစ်သည်။</p> <p> </p> <p>​ကျွယ်မင်နတ်ဘုရားနန်းတော်တွင် အမည်စာရင်း သွင်းပြီးမှသာ ဘေးဒုက္ခဖြတ်ကျော်ခြင်းအဆင့်သို့ တက်လှမ်းလျှင်လည်း မနှောင်းပေ။</p> <p> </p> <p>​"ဖန့်မိတ်ဆွေ... ကျွယ်မင်နတ်ဘုရားနန်းတော်က ကျင့်ကြံသူတွေ လင်းကွေ့ကြယ်တာရာနယ်မြေကို ရောက်လာကြပြီ။ အခု ဒီနယ်မြေက အင်အားကြီး ပုဂ္ဂိုလ်တွေနဲ့ စစ်ဆေးမှု အသေးစိတ်တွေကို သတ်မှတ်နေကြတယ်လို့ ကြားတယ်။ ရှင် ကျွယ်မင်နတ်ဘုရားနန်းတော်ကို ဝင်နိုင်ဖို့ ဘယ်လောက်လောက် ယုံကြည်ချက်ရှိလဲ "</p> <p> </p> <p>​ကြာနီနတ်မိမယ်ငယ်က ဖန့်ချန်ကို တစ်ချက်ကြည့်ကာ အမှတ်မထင် မေးလိုက်သည်။</p> <p> </p> <p>​ဤသည်မှာ သူမ၏ နောက်ဆုံးအကြိမ် တောင်လုပွဲ ဖြစ်သည်။</p> <p> ယခင်အတိုင်းပင် တောင်လုပွဲမှာ ရှုံးနိမ့်ခဲ့သော်လည်း သူမသည် ချက်ချင်း ထွက်မသွားဘဲ ဖန့်ချန်နှင့်အတူ ထိုင်ကာ တာအိုတရားများ ဆွေးနွေးရင်း ဝိညာဉ်လက်ဖက်ရည်ကို မြည်းစမ်းနေခြင်း ဖြစ်သည်။</p> <p> </p> <p>​"သုံးဆယ်ရာခိုင်နှုန်း လောက်ပါပဲ"</p> <p> </p> <p>​ဖန့်ချန်က အမှတ်မထင် ပြန်ဖြေလိုက်သည်။</p> <p> </p> <p>​"သုံးဆယ်ရာခိုင်နှုန်းလား  ရှင်က သိပ်ကို သတိကြီးလွန်းတာပဲ။ ကျမ တောင်မှ ရှစ်ဆယ်ရာခိုင်နှုန်းလောက် အခွင့်အရေးရှိတယ်လို့ ထင်နေတာ"</p> <p> </p> <p>​ကြာနီနတ်မိမယ်ငယ်က ခပ်သာသာ ခေါင်းခါလိုက်ရင်း</p> <p> </p> <p>"ဒါတောင် ရှင်က ရှင့်ရဲ့ စွမ်းဆောင်ရည်တွေကို ထည့်မတွက်သေးဘူးနော်။ ကျမ တောင်လုပွဲ အကြိမ်ကြိမ်မှာ ရှင့်လက်ထဲမှာပဲ ရှုံးခဲ့တာ။ ရှင့်ရဲ့ အခွင့်အလမ်းက ကျမ ထက်တောင် ပိုမြင့်ရမှာ"</p> <p> </p> <p>​အနီးနားတွင် ဖန့်ချန်နှင့် ကြာနီနတ်မိမယ်ငယ်အပြင် ကျန်းအကြီးအကဲ၊ ဝါယန်ဖုန်း အစရှိသော တာအိုပေါင်းစပ်ခြင်းအဆင့် ကျင့်ကြံသူ ဆယ်ဂဏန်းခန့်လည်း ရှိနေကြသည်။</p> <p> </p> <p>​ကြာနီနတ်မိမယ်ငယ်၏ စကားကို ကြားသောအခါ ကျန်းအကြီးအကဲက မနေနိုင်ဘဲ ခေါင်းညိတ်လိုက်သည်</p> <p> </p> <p> "ဟုတ်တယ်... သုံးပုံဆိုတာ နည်းလွန်းပါတယ်။ ကျုပ်ကြည့်ရသလောက်တော့ ရှစ်ပုံ၊ ကိုးပုံလောက် ရှိရမယ်"</p> <p> </p> <p>​ဝါယန်ဖုန်းသည်လည်း ဝန်မခံချင်သော်လည်း ယခုအချိန်တွင် ခေါင်းညိတ်လိုက်ရသည်</p> <p> </p> <p>"ရှစ်ပုံ ကိုးပုံလောက်ကတော့ သေချာပါတယ်"</p> <p> </p> <p>​သူတို့သည် ကြာနီနတ်မိမယ်ငယ်၏ စရိုက်ကို ကောင်းကောင်းသိကြသည်။</p> <p>သူမသည် ကြာနီနတ်ဘုရားဂိုဏ်း၏ အကြီးအကဲဖြစ်သလို ဟေးဟွမ် အစစ်မှန်ခန္ဓာကိုလည်း ပိုင်ဆိုင်ထားရာ တာအိုပေါင်းစပ်ခြင်းအဆင့်တွင် ပြိုင်ဘက်ကင်းသလောက် ရှိသူဖြစ်သည်။</p> <p> </p> <p>​ပုံမှန်အားဖြင့် မာနကြီးပြီး သူတို့နှင့်ပင် များများစားစား ထိတွေ့ဆက်ဆံလေ့မရှိသော သူမသည် ယခုအခါ ဖန့်ချန်၏ လက်ထဲတွင် အကြိမ်ကြိမ် ရှုံးနိမ့်ခဲ့ရုံတင်မက၊ ယနေ့တွင် အတူထိုင်ကာ တာအိုတရားများပင် ဆွေးနွေးနေခြင်း ဖြစ်သည်။</p> <p> </p> <p>​သိသာသည်မှာ သူမသည် ဤဖန့်အကြီးအကဲကို သူမနှင့် တန်းတူရည်တူ စကားပြောနိုင်သော မိတ်ဆွေတစ်ဦးအဖြစ် သတ်မှတ်လိုက်ခြင်းပင်။</p> <p> </p> <p>​အောက်ခြေနယ်မြေခြောက်ခုမှ လာသော တာအိုပေါင်းစပ်ခြင်းအဆင့် ကျင့်ကြံသူတစ်ဦးကို ကြာနီနတ်မိမယ်ငယ်က တန်းတူရည်တူ ဆက်ဆံသည်ကို မြင်သောအခါ၊ သူတို့သည်လည်း နှစ်ပေါင်းများစွာက အောက်ခြေနယ်မြေခြောက်ခုအပေါ် ထားရှိခဲ့သော အထင်အမြင်သေးမှုများကို တဖြည်းဖြည်း ဖျောက်ပစ်လိုက်ကြပြီး ဖန့်ချန်အပေါ် ထားရှိသော သဘောထားကို ပြင်ဆင်လိုက်ကြတော့သည်။</p> <p> </p> <p>​"လင်းကွေ့ကြယ်တာရာနယ်မြေမှာ ကျင့်ကြံသူ သန်းချီရှိတာကို အယောက် ၂၀ ပဲ ရွေးမှာဆိုတော့၊ သုံးပုံဆိုတဲ့ ယုံကြည်ချက်က တော်တော်မြင့်နေပါပြီ။ လောကက လူတွေကို လျှော့တွက်လို့ မရဘူးလေ"</p> <p> </p> <p>​ဖန့်ချန်က ပြုံးလျက် ဆိုလိုက်သည်။</p> <p> </p> <p>​"ဖန့်မိတ်ဆွေ ပြောတာလည်း အကျိုးအကြောင်း ရှိပါတယ်။ ပထမဆုံးအကြိမ် တောင်လုတုန်းက ကျုပ်လည်း ဖန့်မိတ်ဆွေကို လျှော့တွက်ခဲ့မိတာပဲ"</p> <p> </p> <p>​ကြာနီနတ်မိမယ်ငယ်က ခပ်သာသာ ခေါင်းညိတ်ကာ လေးနက်သော အမူအရာဖြင့် ဆိုသည်</p> <p> </p> <p> "ဒီတစ်ကြိမ် စစ်ဆေးမှုကိုတော့ ကျမ အစွမ်းကုန် ကြိုးစားသွားမှာပါ။ ခြင်္သေ့တစ်ကောင်က ယုန်ကို ဖမ်းသလိုမျိုးပေါ့"</p> <p> </p> <p>​လူတိုင်း စိတ်လှုပ်ရှားသွားကြပြီး တစ်စုံတစ်ခုကို စဉ်းစားမိကာ ခပ်ဖြည်းဖြည်း ခေါင်းညိတ်လိုက်ကြသည်။</p> <p> </p> <p>​ယခုအခါ ဖန့်ချန်သည် သတိကြီးလွန်းသည်ဟု သူတို့ မထင်ကြတော့ချေ။</p> <p>ထိုကဲ့သို့သော ကြီးမားသည့် ကိစ္စမျိုးတွင် ဤသဘောထားမျိုး ရှိခြင်းကသာ ပုံမှန်ဖြစ်သည်။</p> <p> </p> <p>​ဆန့်ကျင်ဘက်အနေဖြင့် သူတို့၏ ပေါ့ဆသော သဘောထားကသာ အချိန်မရွေး ပြဿနာကြီးကြီးမားမား ပေးနိုင်သည် မဟုတ်ပါလား။</p> <p> </p> <p>​လူအတော်များများမှာ ထိတ်လန့်သွားကြပြီး၊ ဤနှစ်များအတွင်း အခြေအနေက အေးချမ်းလွန်းနေသဖြင့် သူတို့၏ စိတ်ထဲက သတိဝီရိယများ ပျောက်ဆုံးနေခဲ့သည်ဟု ခံစားလိုက်ရသည်။</p> <p> </p> <p>​"ဖန့်မိတ်ဆွေ... ကျမ ဒီကို မလာခင်မှာ ဂိုဏ်းချုပ်က ကျမ ကို ပြောလိုက်တယ်။ ဒီတစ်ကြိမ် စစ်ဆေးမှုမှာ ကျွယ်မင်နတ်ဘုရားနန်းတော်က ဘေးဒုက္ခဖြတ်ကျော်ခြင်းအဆင့် ကျင့်ကြံသူ ၂ ယောက်နဲ့ တာအိုပေါင်းစပ်ခြင်းအဆင့် ၁၈ ယောက်ပဲ ရွေးဖို့ စီစဉ်ထားတယ်တဲ့"</p> <p> </p> <p>​ကြာနီနတ်မိမယ်ငယ်က ဖန့်ချန်ကို ကြည့်လိုက်ရာ သူမ၏ မျက်လုံးများမှာ ကြည်လင်နေပြီး သူမ၏ ရည်ရွယ်ချက်ကို လုံးဝ ဖုံးကွယ်ထားခြင်း မရှိချေ။</p> <p> </p> <p>​"ဆိုလိုတာက  အဲဒီ ၁၈ နေရာထဲက ၂ နေရာကိုပဲ အရယူရမှာ။ စစ်ဆေးမှုမှာ ရှင် နဲ့ လက်တွဲပြီး အပြန်အလှန် ကူညီဖေးမကြဖို့ ကျမ မျှော်လင့်ပါတယ်"</p> <p> </p> <p>​သူမ ထိုနေရာတွင် ရှိနေရခြင်းမှာ ဖန့်ချန်နှင့် လက်တွဲလိုသောကြောင့် ဖြစ်သည်။</p> <p> </p> <p>​"ဘေးဒုက္ခဖြတ်ကျော်ခြင်းအဆင့် ၂ ယောက်ပဲ ရွေးမှာလား ဒါဆိုရင်တော့ ကျုပ်ရဲ့ ခြေလှမ်းက မှန်သွားတာပဲ"</p> <p> </p> <p>​ဖန့်ချန်၏ မျက်နှာတွင် စိတ်လှုပ်ရှားမှု အရိပ်အယောင်ကလေးတစ်ခု ပေါ်လာသည်။</p> <p> </p> <p>​အကယ်၍ သူသာ ဘေးဒုက္ခဖြတ်ကျော်ခြင်းအဆင့်သို့ တက်လှမ်းခဲ့လျှင် ထိုနေရာ ၂ ခုအတွက် ပြိုင်ဆိုင်ရမည်ဖြစ်ရာ၊ သေချာပေါက် အထူးတလည် စောင့်ကြည့်ခြင်း ခံရပေလိမ့်မည်။</p> <p> </p> <p>​"ခွင့်ပြုထားတဲ့ အခြေအနေမျိုးမှာဆိုရင်တော့ ကျုပ်တို့ လက်တွဲနိုင်ပါတယ်"</p> <p> </p> <p>​ဖန့်ချန်က ခေါင်းညိတ်လိုက်သည်။</p> <p> </p> <p>​"ကောင်းပါပြီ။ ဒါဆိုရင် အချိန်ကျရင် စစ်ဆေးမယ့်နေရာကို ကျမ တို့ အတူတူ သွားကြတာပေါ့"</p> <p> </p> <p>​ကြာနီနတ်မိမယ်ငယ်က ခေါင်းညိတ်ပြပြီးနောက် နှုတ်ဆက်ကာ ထွက်ခွာသွားတော့သည်။</p> <p> </p> <p>​"ဖန့်မိတ်ဆွေ... ကျုပ်တို့ ကြိုတင်ပြီး ဂုဏ်ပြုလိုက်ပါတယ်"</p> <p> </p> <p>​ဝါယန်ဖုန်းနှင့် အခြားသူများလည်း မတ်တတ်ရပ်ကာ ဂုဏ်ပြုစကား ဆိုကြပြီးနောက် တစ်ယောက်ပြီးတစ်ယောက် ထွက်ခွာသွားကြသည်။</p> <p> </p> <p>​ရက်အနည်းငယ်အကြာတွင် ချင်းယွီမသေမျိုး ကိုယ်တိုင် ဟေးဟွမ်တောင်သို့ ရောက်လာခဲ့ပြီး၊ သူနှင့်အတူ ဝါယန်ဖုန်းလည်း ပါလာသည်။</p> <p> </p> <p>​ဖန့်ချန်နှင့် ဝါယန်ဖုန်းတို့သည် တာဝန်များကို လွှဲပြောင်းပေးအပ်ခဲ့ကြပြီး၊ ဟေးဟွမ်တောင်ကို ဝါယန်ဖုန်းထံ အပ်နှံလိုက်ကာ ဖန့်ချန်သည် ချင်းယွီမသေမျိုးနှင့်အတူ ထွက်ခွာခဲ့သည်။</p> <p> </p> <p>​လှေ ပေါ်တွင်မူ ချင်းယွီမသေမျိုးသည် ဖန့်ချန်အပေါ် ထားရှိသော သဘောထားမှာ ယခင်ကထက် ပိုမို နွေးထွေးသိမ်မွေ့လာပြီး ရင်းနှီးမှု အရိပ်အယောင်များ ပိုမိုပါဝင်လာသည်။</p> <p> </p> <p>​ဖန့်ချန်သည် အကြိမ်ကြိမ်သော တောင်လုပွဲများမှတစ်ဆင့် သူ၏ စွမ်းအားကို သက်သေပြခဲ့ပြီးဖြစ်ရာ၊ ချင်းယွီမသေမျိုး၏ မျှော်လင့်ချက်ထက်ပင် များစွာ သာလွန်နေခဲ့သည်။</p> <p> </p> <p>​"ဖန့်အကြီးအကဲ... မင်း မသိသေးတဲ့ ကိစ္စတစ်ခု ရှိသေးတယ်။ ကျွယ်မင်နတ်ဘုရားနန်းတော်က ဒီတစ်ခါ ရွေးချယ်မယ့် ကျင့်ကြံသူတွေဟာ  အပြင်စည်း  တပည့်  တွေဖြစ်ပြီး အမာခံတပည့်တွေ မဟုတ်ဘူး"</p> <p> </p> <p>​ချင်းယွီမသေမျိုးက ဆိုသည်။</p> <p> </p> <p>​အပြင်စည်းတပည့်  ဟုတ်လား</p> <p> </p> <p>​လင်းကွေ့ကြယ်တာရာနယ်မြေမှာ ဒီလောက်ကြီးမားတဲ့ ရွေးချယ်ပွဲကြီး လုပ်တာတောင် အပြင်စည်း     တပည့် ပဲ ဖြစ်ရတာလား</p> <p> </p> <p>​ဖန့်ချန်၏ မျက်လုံးထဲတွင် သံသယများ ပေါ်လာသည်ကို မြင်သောအခါ ချင်းယွီမသေမျိုးက ရှင်းပြသည်</p> <p> </p> <p>​"ကျွယ်မင်နတ်ဘုရားနန်းတော်မှာ ကိုယ်ပိုင် တပည့်လက်ခံတဲ့ စံနှုန်းတွေ ရှိတယ်။ နတ်ဘုရားလမ်းစဉ်ကို တစ်ခါမှ မနင်းဖူးသေးတဲ့ လူသားစစ်စစ်တွေကိုပဲ အခြေခံကစပြီး အစွမ်းကုန် ပြုစုပျိုးထောင်ပေးတာမျိုးပေါ့"</p> <p> </p> <p>​"ဖန့်အကြီးအကဲတို့လို မသေမျိုးလမ်းစဉ်မှာ ခရီးအတော်အသင့် ပေါက်နေပြီဖြစ်တဲ့ ကျင့်ကြံသူတွေကိုတော့ ကျွယ်မင်နတ်ဘုရားနန်းတော်က အပြင်စည်း တပည့် အဆင့်အတန်းပဲ ပေးမှာပါ။ အမာခံတပည့်တွေနဲ့ မတူပေမဲ့ တကယ်တော့ ဒါက မင်းတို့အတွက် ပိုပြီး သင့်တော်ပါတယ်"</p> <p> </p> <p>​"ဘာလို့လဲဆိုတော့ မင်းတို့ကို ကျွယ်မင်နတ်ဘုရားနန်းတော်ရဲ့ အဓိက ကျင့်စဉ်တွေကို အစကနေ ပြန်ကျင့်ခိုင်းဖို့ဆိုတာ မဖြစ်နိုင်တော့လို့ပဲ။ အပြင်စည်းတပည့် ဖြစ်လာရင်တောင်မှ သာမန်ကျင့်ကြံသူတွေ လက်လှမ်းမမီနိုင်တဲ့ အကျိုးခံစားခွင့်တချို့ကို ရရှိနိုင်မှာပါ"</p> <p> </p> <p>​ချင်းယွီမသေမျိုးက ခပ်တိုးတိုး သက်ပြင်းချလိုက်ရင်း</p> <p> </p> <p>"နတ်ဆေးပင် နဲ့ ပတ်သက်ရင်လည်း ကျွယ်မင်နတ်ဘုရားနန်းတော်က မင်းတို့ကို မျက်နှာသာပေးမှာပါ။ အကယ်၍ မင်းတို့ နောင်ကျရင် မသေမျိုး  အဖြစ် တက်လှမ်းဖို့ အခွင့်အရေးရရင် နတ်ဆေးပင် ကို ဦးစားပေး ရယူနိုင်ခွင့် ရှိလိမ့်မယ်"</p> <p> </p> <p>​"ကျုပ်ဆိုရင်လည်း အဆင့် ၂ ကို တက်လှမ်းဖို့ အခြေခံတွေ အစောကြီးကတည်းက ပြည့်စုံနေပေမဲ့ နတ်ဆေးပင်ရဲ့ ကန့်သတ်ချက်ကြောင့်ပဲ အဆင့် ၁ မှာပဲ တစ်နေရတာ။ ဒီလိုမှန်းသိရင် အစကတည်းက သာမန် လွတ်လပ်သောမသေမျိုး လမ်းစဉ်ကိုပဲ လိုက်ခဲ့ရင် အနည်းဆုံးတော့ အဆင့် ၃ အထိ ရောက်နေလောက်ပြီ။ ဒါကလည်း ကျုပ်ရဲ့ ရည်မှန်းချက်တွေ ကြီးလွန်းခဲ့ပြီး လက်တွေ့နဲ့ မကိုက်ညီခဲ့လို့ပါပဲ"</p> <p> </p> <p>(ချင်းယွီရဲ့ မသေမျိုးလမ်းစဥ်နဲ့ လွတ်လပ်သောမသေမျိုး လမ်းစဥ်က မတူဘူးနော် လွတ်လပ်သောမသေမျိုးလမ်းစဥ်က တက်လှမ်းခြင်းအဆင့်ကနေ အစစ်မှန်မသေမျိုး အဆင့်ကို မတက်နိုင်လို့ ခန္ဓာစွန့် ပြီး ဝိညာဥ်ဘဝနဲ့ လွတ်လပ်သောမသေမျိုးလမ်းစဥ်ကို လျှောက်တဲ့ ဟာပေါ့ နှစ်တစ်ထောင်ကြာတိုင်း ကပ်ဘေးကို ဖြတ်ကျော်ရပါတယ် ရှုပ်သွားမှာဆိုးလို့ပါ )</p> <p> </p> <p>​ထိုနေရာသို့ ရောက်သောအခါ သူက ဖန့်ချန်ကို တစ်ချက်ကြည့်လိုက်ရာ၊ သူ၏ အတွေ့အကြုံကို အသုံးပြုပြီး ဖန့်ချန်ကို သတိပေးလိုသော အဓိပ္ပာယ်မှာ ထင်ရှားလှသည်။</p> <p> </p> <p>​"အကယ်၍ ယုံကြည်ချက် သိပ်မရှိဘူးဆိုရင်တော့ အောက်ခြေနယ်မြေခြောက်ခုကအတိုင်းပဲ အဆင့် ၃ ရောက်မှ နတ်ဆေးပင် ကို သုံးစွဲတာကလည်း မနှောင်းပါဘူး"</p> <p> </p> <p> </p> <p>​"ကျုပ် နားလည်ပါတယ်"</p> <p> </p> <p>ဖန့်ချန်က ခေါင်းညိတ်လိုက်သည်။</p> <p> </p> <p>​"မင်း ကျွယ်မင်ကျင့်ကြံသူ ဖြစ်လာပြီးနောက် ရမယ့် အကျိုးကျေးဇူးတွေကို ထပ်ပြောရရင်တော့... ကျွယ်မင်နတ်ဘုရားနန်းတော်ဟာ မင်းလို တာအိုပေါင်းစပ်ခြင်းအဆင့် ကျင့်ကြံသူကို နှစ်စဉ် လစာအဖြစ် အဆင့်မြင့် ဝိညာဉ်ကျောက်တုံး ၂၀ ပေးလိမ့်မယ်။ ဒါက မင်းကျင့်ကြံဖို့အတွက် လုံလောက်ပါတယ်"</p> <p> </p> <p>" မင်း ဘေးဒုက္ခဖြတ်ကျော်ခြင်းအဆင့်၊ နောက်ပြီး တက်လှမ်းခြင်းအဆင့်  ကို ရောက်သွားရင် လစာကလည်း လိုက်ပြီး တိုးသွားမှာပါ။ ငါ သိသလောက်တော့ တချို့ တက်လှမ်းခြင်းအဆင့် ကျင့်ကြံသူတွေရဲ့ တစ်နှစ်စာ လစာဟာ အဆင့်မြင့် ဝိညာဉ်ကျောက်တုံး ရာနဲ့ချီ ရှိတယ်"</p> <p> </p> <p>​ချင်းယွီမသေမျိုးက ဆက်ပြောသည်</p> <p> </p> <p>"မင်း တက်လှမ်းခြင်းအဆင့်ကို ရောက်ရင် လုပ်ဆောင်ချက် အနိမ့်အမြင့်အလိုက် မသေမျိုးလမ်းစဉ်ရဲ့ နတ်ဆေးပင်ကို ရဖို့အတွက် တန်းစီစောင့်ဆိုင်းလို့ ရပြီ။ ဒါက မင်းကို အဆင့် ၁ မသေမျိုးအဖြစ် တက်လှမ်းဖို့ ကူညီပေးလိမ့်မယ်"</p> <p> </p> <p>"တကယ်လို့ မင်းသာ နယ်မြေသစ်ရှာဖွေရေးအဖွဲ့ ထဲကို ဝင်နိုင်ပြီး ရှေးဟောင်းတားမြစ်နယ်မြေတချို့မှာ ကောင်းမှုကုသိုလ်တွေ ပြုနိုင်မယ်ဆိုရင် စည်းကမ်းချက်တွေကို ကျော်လွန်ပြီး အမာခံတပည့် ဖြစ်လာနိုင်တဲ့ အခွင့်အရေးတောင် ရှိသေးတယ်။ အဲဒီအချိန်ကျရင် မင်း သိမြင်ရမယ့် အရာတွေဟာ ငါတောင်မှ ခန့်မှန်းလို့ မရနိုင်တဲ့ အရာတွေ ဖြစ်လာလိမ့်မယ်"</p> <p> </p> <p>​ခဏမျှ ရပ်တန့်လိုက်ပြီးနောက် ချင်းယွီမသေမျိုး၏ မျက်လုံးများက လှုပ်ရှားသွားကာ လေးနက်သော အမူအရာဖြင့် မေးလိုက်သည်</p> <p> </p> <p>​"မင်းက ရှေးဟောင်းနယ်မြေ က လာတာဆိုတော့... ဝမ်ချုံးစန်း ဆိုတဲ့လူကို ကြားဖူးလား "</p> <p>***</p> <p> </p>


Save