Book List

<h2 style="text-align: center;">အခန်း (၁၃၄၈)</h2> <h2 style="text-align: center;">ဂူမသေမျိုး</h2> <h2 style="text-align: center;">*</h2> <p> </p> <p> </p> <p>​ကြာနီနတ်မိမယ်ငယ်က ရောက်လာသူကို တစ်ချက်ကြည့်လိုက်ပြီး ခပ်အေးအေးပင် ခေါင်းညိတ်ပြကာ</p> <p> </p> <p>"ချင်းမိတ်ဆွေက ယွီဝူရှီးနဲ့ တွေ့ဖူးတာလား"</p> <p> </p> <p>​ချင်းကျန်းက ခေါင်းကို အသာအယာ ညိတ်လိုက်ပြီး နွေးထွေးစွာ ပြုံးလျက်</p> <p> </p> <p> "လွန်ခဲ့တဲ့ အနှစ်ငါးဆယ်တုန်းက ယွီဝူရှီးနဲ့ လက်ဖက်ရည်ဆိုင် တစ်ဆိုင်တည်းမှာ အတူတူ လက်ဖက်ရည် သောက်ခဲ့ဖူးတယ်လေ"</p> <p> </p> <p>​"ချင်းမိတ်ဆွေက ယွီဝူရှီးနဲ့တောင် သိကျွမ်းနေလိမ့်မယ်လို့ မထင်ထားဘူး"</p> <p> </p> <p>"ဒီယွီဝူရှီးရဲ့ စရိုက်က ဘယ်လိုမျိုးလဲမသိဘူး၊ ဆက်ဆံရတာရော လွယ်ကူရဲ့လား"</p> <p> </p> <p>​ဤနေရာတွင် ယခုတစ်ကြိမ် စစ်ဆေးမှု၏ ရေပန်းစားနေသော လူရွေးချယ်မှုများအကြောင်း ဆွေးနွေးနေကြသည်ကို ကြားသောအခါ လူအတော်များများမှာ စုရုံးရောက်ရှိလာကြသည်။</p> <p> </p> <p>​ချင်းယွီမသေမျိုးနှင့် အခြားသူများမှာမူ ဤဘက်သို့ တစ်ချက်မျှသာ ဝေ့ကြည့်လိုက်ပြီး ဆက်လက်၍ အရေးမစိုက်တော့ချေ။</p> <p> </p> <p>လူတိုင်းသည် ပြိုင်ဘက်များ ဖြစ်ကြသော်လည်း တစ်နယ်တည်းသားများ ဖြစ်ကြသည့်အတွက် အချင်းချင်း ပိုမိုနှီးနှောဖလှယ်ကြခြင်းမှာ ဆိုးကျိုးမရှိနိုင်ဟု ယူဆပုံရသည်။</p> <p> </p> <p>​ချင်းကျန်းက ပြုံး၍</p> <p> </p> <p> "ယွီမိတ်ဆွေက စကားပြောရတာ အဆင်ပြေပါတယ် လူကလည်း အတော်လေး ယဉ်ကျေးပျူငှာတယ်"</p> <p> </p> <p>​စကားကို ခဏရပ်လိုက်ပြီးနောက် သူက ကြာနီနတ်မိမယ်ငယ်ကို တစ်ချက်ကြည့်ကာ</p> <p> </p> <p> "ဟုန်မိတ်ဆွေ... ဒီတစ်ခါ စစ်ဆေးပွဲကျရင် ကျုပ်ကြည့်ပေးပါ့မယ်၊ အကယ်၍ ယွီမိတ်ဆွေနဲ့ တွေ့ခဲ့ရင် မင်းကို မိတ်ဆက်ပေးရမလား"</p> <p> </p> <p>​"မလိုပါဘူး၊ ကျမ နဲ့ သူနဲ့က ဘာမှ ပတ်သက်စရာ မရှိနိုင်ဘူး"</p> <p> </p> <p>ကြာနီနတ်မိမယ်ငယ်က ခပ်သာသာ ခေါင်းခါလိုက်သည်။</p> <p> </p> <p>​ချင်းကျန်းမှာ ခဏမျှ မှင်တက်သွားသော်လည်း ထိုကိစ္စကို အရေးမစိုက်ဟန်ဖြင့် ခေါင်းညိတ်ပြလိုက်ပြီးနောက် ဆက်ပြောသည်</p> <p> </p> <p>"ကျုပ်တို့ ခုနကပဲ တိုင်ပင်ထားကြတယ်၊ ဒီတစ်ကြိမ် စစ်ဆေးမှုက ကျုပ်တို့အတွက် သိပ်ကို အရေးကြီးတယ်၊ ဒါပေမဲ့ ပြိုင်ဘက်ကောင်းတွေကလည်း အများကြီးပဲ။ အခြေအနေတွေ မရေရာသေးခင်မှာ ကျုပ်တို့က တစ်နယ်တည်းသားတွေ ဖြစ်ကြတဲ့အပြင် တစ်ယောက်နဲ့တစ်ယောက်လည်း အနည်းနဲ့အများ တွေ့ဖူးကြတာဆိုတော့၊ အားလုံး လက်တွဲပြီး အပြန်အလှန် ကူညီဖေးမသင့်တယ်လို့ ထင်တယ်"</p> <p> </p> <p>​"ချင်းမိတ်ဆွေ ပြောတာ မှန်ကန်လှပါတယ်။ ဟုန်မိတ်ဆွေရော ကျုပ်တို့နဲ့ လက်တွဲဖို့ ဆန္ဒရှိပါသလား"</p> <p> </p> <p>"အကယ်၍ ကျုပ်တို့သာ စည်းစည်းလုံးလုံး ရှိကြမယ်ဆိုရင် ကျုပ်တို့ထဲက တစ်ယောက်ယောက်ကတော့ ကျွယ်မင်ကျင့်ကြံသူ သေချာပေါက် ဖြစ်လာမှာပါ"</p> <p> </p> <p>လူအတော်များများက ဝိုင်းဝန်းထောက်ခံကြသည်။</p> <p> </p> <p>​အမှန်စင်စစ် သူတို့ ထိုနေရာသို့ မလာခင်ကတည်းက အချင်းချင်း နှီးနှောဖလှယ်ခဲ့ကြပြီး ဖြစ်သည်။</p> <p>တစ်ဦးတည်းသော မဆွေးနွေးရသေးသူမှာ ရှေ့မှ ကြာနီနတ်မိမယ်ငယ်နှင့် ချင်းယွီမသေမျိုးဂိုဏ်းမှ လူသာ ဖြစ်သည်။</p> <p> </p> <p>​သူတို့သည် မကြာသေးမီက ဟေးဟွမ်တောင် တောင်လုပွဲများ၏ သတင်းအချက်အလက်များကို ရရှိထားပုံမရဘဲ ဖန့်ချန်၏ အောက်ခြေသမိုင်းကြောင်းကိုလည်း သေချာမသိကြချေ။</p> <p> </p> <p>ချင်းယွီမသေမျိုးဂိုဏ်းမှ အောက်ခြေနယ်မြေခြောက်ခုမှ လာသော တာအိုပေါင်းစပ်ခြင်းအဆင့် ကျင့်ကြံသူတစ်ဦး ပါလာသည်ဟုသာ သိထားကြသည်။</p> <p> </p> <p>​ထို့ကြောင့် ယခုအချိန်တွင် သူတို့၏ အာရုံစိုက်မှုအားလုံးမှာ ကြာနီနတ်မိမယ်ငယ်ထံတွင်သာ ရှိနေပြီး၊ သူမကို အဖွဲ့ထဲဆွဲသွင်းကာ အားကိုးလိုကြခြင်း ဖြစ်သည်။</p> <p> </p> <p>​ချင်းကျန်းသည် ကြည်လင်သော အကြည့်များဖြင့် ကြာနီနတ်မိမယ်ငယ်၏ အဖြေကို စောင့်ဆိုင်းနေသည်။</p> <p> </p> <p>တစ်ဖက်လူက အနည်းဆုံးတော့ စဉ်းစားပေးလိမ့်မည်ဟု ထင်ထားသော်လည်း၊ ကြာနီနတ်မိမယ်ငယ်က အလွန်ပြတ်သားစွာ ခေါင်းခါလိုက်ပြီး</p> <p> </p> <p>"မလိုပါဘူး၊ ကျမ က ဖန့်မိတ်ဆွေနဲ့ မဟာမိတ်ဖွဲ့ပြီးသားပါ။ ဒီတစ်ခါ စစ်ဆေးမှုမှာ သူနဲ့ကျမအပြန်အလှန် ကူညီဖေးမသွားမှာပါ။ နှစ်ယောက်ဆိုရင် လုံလောက်ပါပြီ၊ အဲဒီထက် ပိုလာရင် ကျမတို့နှစ်ယောက်အတွက် ဝန်ထုပ်ဝန်ပိုးပဲ ဖြစ်လိမ့်မယ်"</p> <p> </p> <p>​ဤစကားများသည် ချင်းကျန်းနှင့် အခြားသူများ၏ စွမ်းရည်အပေါ် ကြာနီနတ်မိမယ်ငယ်၏ အထင်အမြင်သေးမှုကို အထင်အရှား ဖော်ပြနေခြင်းပင်။</p> <p> </p> <p>​ချက်ချင်းပင် ထိုနေရာရှိ တာအိုပေါင်းစပ်ခြင်းအဆင့် ကျင့်ကြံသူများ၏ စိတ်ထဲတွင် မသက်မသာ ခံစားချက်များ ပေါ်ပေါက်လာပြီး၊ ကြာနီနတ်မိမယ်ငယ်ကို ကြည့်သော အကြည့်များတွင်လည်း ဒေါသအရိပ်အယောင်များ ပါဝင်လာသည်။</p> <p> </p> <p>သို့သော် ဒေါသထက် ပိုသည်မှာ သံသယပင် ဖြစ်သည်။</p> <p> </p> <p>​ကြာနီနတ်မိမယ်ငယ်က ဘာဖြစ်လို့ ချင်းယွီမသေမျိုးဂိုဏ်းက ဒီလူနဲ့မှ လက်တွဲရတာလဲ</p> <p> </p> <p>​ချင်းကျန်းသည် ဖန့်ချန်မှာ မျက်လုံးများကို အမြဲပိတ်ထားသည်ကို သတိပြုမိလိုက်ရာ စိတ်ထဲမှ အတွေးတစ်ခု ဝင်လာသည်။</p> <p> </p> <p>သူသည် စိတ်ထဲက ဒေါသကို အတင်းအကျပ် နှိမ်နင်းလိုက်ပြီး ဖန့်ချန်ကို လက်အုပ်ချီကာ</p> <p> </p> <p>"ဖန့်မိတ်ဆွေရဲ့ အကြောင်းကို အနည်းနဲ့အများ ကြားဖူးပါတယ်၊ ခုနက နှုတ်မဆက်မိတာကို ဖန့်မိတ်ဆွေအနေနဲ့ စိတ်မရှိပါနဲ့ဦး"</p> <p> </p> <p>​"ကိစ္စမရှိပါဘူး"</p> <p> </p> <p>ဖန့်ချန်က ပြန်လည် လက်အုပ်ချီလိုက်သည်။</p> <p> </p> <p>​ချင်းကျန်းက ပြုံးလျက်</p> <p> </p> <p> "ဟုန်မိတ်ဆွေက ဖန့်မိတ်ဆွေနဲ့ပဲ မဟာမိတ်ဖွဲ့ချင်တယ်ဆိုတော့၊ ဒါဟာ ဖန့်မိတ်ဆွေရဲ့ စွမ်းအားကို ဟုန်မိတ်ဆွေက အသိအမှတ်ပြုထားလို့ပဲ ဖြစ်မှာပါ။ ကျုပ်တို့ကျတော့... ဟုန်မိတ်ဆွေရဲ့ မျက်လုံးထဲမှာ ဘာတန်ဖိုးမှ မရှိဘူးဆိုတာ သိရတာ တကယ်ပဲ... စိတ်မကောင်းဖြစ်ရပါတယ်ဗျာ"</p> <p> </p> <p>​ကြာနီနတ်မိမယ်ငယ်က မျက်မှောင်ကြုတ်လိုက်ပြီး ချင်းကျန်းကို အေးစက်စွာ ကြည့်ကာ</p> <p> </p> <p> "ရှင့်တို့ရဲ့ စွမ်းအားက တန်ဖိုးမရှိတာ မဟုတ်ပါဘူး၊ ကျမတို့ကြားမှာ ကွာခြားချက်က သိပ်ကြီးမားနေလို့ လက်တွဲရင်လည်း လိုက်လျောညီထွေဖြစ်ဖို့ ခက်ခဲလိမ့်မယ်လို့ ပြောတာပါ"</p> <p> </p> <p>​"..."</p> <p> </p> <p>​"ဟုန်မိတ်ဆွေ...ရှင့်စကားက သိပ်ကို အောက်ခြေလွတ်နေပြီ။ ရှင် ဘယ်လောက်ပဲ အစွမ်းထက်ပါစေ၊ တစ်ယောက်တည်းနဲ့ လူတစ်ရာကို အံတုနိုင်လို့လား"</p> <p> </p> <p>အေးစက်လှပသော တာအိုပေါင်းစပ်ခြင်းအဆင့် အမျိုးသမီးကျင့်ကြံသူတစ်ဦးက အေးစက်စွာ ပြောလိုက်သည်။</p> <p> </p> <p>သူမသည် ကျိုထုံထပ်တိုက် မှ ဖြစ်ပြီး ထိုဂိုဏ်းမှာ ကြာနီနတ်ဘုရားဂိုဏ်း၊ ချင်းယွီမသေမျိုးဂိုဏ်းတို့နှင့် အခြေခံအင်အားချင်း တူညီသော ဂိုဏ်းတစ်ခု ဖြစ်သည်။</p> <p> </p> <p>​"ကျမနဲ့ ဖန့်မိတ်ဆွေ လက်တွဲရင်တော့... တကယ်ပဲ တစ်ယောက်တည်းနဲ့ လူတစ်ရာကို အံတုနိုင်မှာပါ"</p> <p> </p> <p>ကြာနီနတ်မိမယ်ငယ်က သူမ၏ မေးခွန်းကို အလွန်လေးနက်စွာ ပြန်ဖြေလိုက်သည်။</p> <p> တစ်ဖက်လူက သရော်နေခြင်းဖြစ်သည်ကို သူမ လုံးဝ သတိမထားမိသကဲ့သို့ပင်။</p> <p> </p> <p>​ဖန့်ချန်သည်  ထိုအသေးစိတ်ကို သတိပြုမိပြီးနောက် စိတ်ထဲမှ အတွေးတစ်ခု ဝင်လာသည်။</p> <p> </p> <p>ဒီတစ်ယောက်ကတော့... ကြည့်ရတာ နတ်မိမယ်ယွီထက်စာရင် ကိုင်တွယ်ရ ပိုလွယ်မယ့်ပုံပဲ</p> <p>​ယခုအခါ နတ်မိမယ်ယွီမှာ ဘွဲ့နှင်းခြင်း ခံထားရသော်လည်း၊ ဖန့်ချန်အနေဖြင့် သူမ သိထားသည်များကို ပြောပြရန် အသက်အန္တရာယ်ဖြင့် ခြိမ်းခြောက်၍ မရနိုင်သေးချေ။</p> <p> </p> <p> စီမံကိန်းအရ မယ်တော်စီ ကိုသာ သေချာစောင့်ကြည့်ခိုင်းထားပြီး အခွင့်အရေးကို စောင့်ရပေမည်။</p> <p> </p> <p>​ကြာနီနတ်မိမယ်ငယ်မှာမူ မတူချေ။</p> <p> </p> <p>အကယ်၍ သူမကို ယင်လောကထဲ ခေါ်သွားနိုင်မည့် အခွင့်အရေးသာ ရှိခဲ့လျှင် တန်ဖိုးရှိသော သတင်းအချက်အလက်များစွာကို မေးမြန်းနိုင်ပေလိမ့်မည်။</p> <p> </p> <p>​"အော်... ဟုတ်လား..."</p> <p> </p> <p>ချင်းကျန်းက မချိပြုံး ပြုံးလိုက်ရင်း</p> <p> </p> <p> "ဖန့်မိတ်ဆွေမှာ ဘယ်လိုမျိုး ဂုဏ်ယူစရာကောင်းတဲ့ စွမ်းဆောင်ရည်တွေ ရှိလို့လဲဗျာ ကျုပ်တို့ ဘာလို့ တစ်ခါမှ မကြားဖူးရတာလဲ..."</p> <p> </p> <p>​"ဟုန်မိတ်ဆွေက ကျုပ်ကို မြှောက်ပင့်ပေးလွန်းနေတာပါ။ ကျုပ်က တကယ်တော့ လွတ်မြောက်ခြင်းပညာ လေး နည်းနည်း ထူးခြားတာကလွဲရင်၊ ကျန်တဲ့ နည်းစနစ်တွေမှာတော့ မိတ်ဆွေတို့အားလုံးကို ဘယ်လိုမှ မမီနိုင်ပါဘူး"</p> <p> </p> <p>ဖန့်ချန်က နှိမ့်ချစွာ လက်အုပ်ချီလိုက်သည်။</p> <p> </p> <p>​ကြာနီနတ်မိမယ်ငယ်မှာ ခဏမျှ မှင်တက်သွားပြီးနောက် ချက်ချင်းပင် ပါးစပ်ကို ပိတ်ထားလိုက်တော့သည်။</p> <p> ဖန့်ချန်၏ ဆိုလိုရင်းကို သူမ နားလည်သွားပြီ ဖြစ်သည်။</p> <p> ဖန့်ချန်၏ နှိမ့်ချမှုကြောင့် ထိုနေရာရှိ တာအိုပေါင်းစပ်ခြင်းအဆင့် ကျင့်ကြံသူများမှာ အရှက်ရမည့်ဘေးမှ လွတ်မြောက်သွားကြသည်။</p> <p> </p> <p>​ချင်းကျန်းက အမှတ်မထင် မေးလိုက်သည်</p> <p> </p> <p> "ဖန့်မိတ်ဆွေက ဘာဖြစ်လို့ မျက်လုံးကို အမြဲမှိတ်ထားရတာလဲ၊ တစ်ခုခု ထူးခြားတဲ့ မျက်လုံးပညာရပ်ကို ကျင့်ကြံနေလို့လား"</p> <p> </p> <p>​လူတိုင်း၏ အကြည့်မှာ ဖန့်ချန်၏ မျက်နှာပေါ်သို့ ကျရောက်လာသည်။</p> <p>ဖန့်ချန်သည် မျက်လုံးကို ဖွင့်လိုက်ရာ ဖြူဆွတ်နေသော မျက်စိသူငယ်အိမ်များဖြင့် ချင်းကျန်းကို စိုက်ကြည့်လိုက်ပြီး</p> <p> </p> <p>"ထူးခြားတဲ့ မျက်လုံးပညာရပ် မဟုတ်ပါဘူး၊ မွေးရာပါ မျက်စိမမြင်ရတဲ့ ချို့ယွင်းချက် ရှိနေလို့ပါ"</p> <p> </p> <p>​"အော်..."</p> <p> </p> <p>လူတိုင်း၏ အမူအရာမှာ အနည်းငယ် ထူးဆန်းသွားသည်။</p> <p>မျက်စိမမြင်ရဘဲနှင့် ကျင့်ကြံခြင်းလမ်းစဉ်ပေါ် ရောက်လာရုံတင်မက၊ အောက်ခြေနယ်မြေခြောက်ခုကနေ အထက်နယ်မြေသုံးခုအထိ ရောက်လာနိုင်သည်ဆိုကတည်းက သူ၏ နောက်ခံသမိုင်းကြောင်းမှာ မသေးလှသည်မှာ သေချာသည်။</p> <p> </p> <p>​ကြာနီနတ်မိမယ်ငယ်သည် အဘယ်ကြောင့် ဖန့်ချန်နှင့် လက်တွဲလိုသည်ကို သူတို့ ခန့်မှန်းမိသွားကြပြီ။</p> <p> </p> <p>တစ်ဖက်လူ၏ နောက်ခံကို အလေးထားခြင်း ဖြစ်နိုင်သလို၊ သို့မဟုတ် ထိုသူ၏ ကိုယ်ပေါ်တွင် အစွမ်းထက်သော ရတနာ တစ်ခုခု ရှိနေနိုင်သည်ဟု ယူဆလိုက်ကြသည်။</p> <p> </p> <p>​"ဘာပဲဖြစ်ဖြစ်... ဟုန်မိတ်ဆွေ ထပ်ပြီး စဉ်းစားပေးပါဦး၊ ကျုပ်တို့ ဒီတစ်ခေါက် စစ်ဆေးမယ့် နေရာကို ရောက်ဖို့ အချိန်နည်းနည်းတော့ ကျန်သေးတယ်"</p> <p> </p> <p>ချင်းကျန်းက ကြာနီနတ်မိမယ်ငယ်ကို တစ်ချက်ကြည့်ကာ လှည့်ထွက်သွားတော့သည်။</p> <p> </p> <p>အခြားသော တာအိုပေါင်းစပ်ခြင်းအဆင့် ကျင့်ကြံသူများလည်း ထိုနေရာတွင် ဆက်မနေလိုကြတော့သဖြင့် တစ်ဦးပြီးတစ်ဦး လူစုခွဲသွားကြသည်။</p> <p> </p> <p>​"ဖန့်မိတ်ဆွေ... သူတို့ရှေ့မှာ ရှင့်ရဲ့ ကျင့်ကြံမှုကို ဖုံးကွယ်ထားဖို့ မလိုပါဘူး"</p> <p> </p> <p>ကြာနီနတ်မိမယ်ငယ်က အသံလှိုင်းဖြင့် ပေးပို့လိုက်သည်။</p> <p> ခဏမျှ ရပ်တန့်လိုက်ပြီးနောက် သူမ စုဆောင်းထားသော သတင်းအချက်အလက်များကို ဖန့်ချန်နှင့် ဆက်လက် ဆွေးနွေးပြန်သည်</p> <p> </p> <p>"ယန်ကွန်းတာအိုဂိုဏ်းက ယွီဝူရှီးအပြင်၊ မိစ္ဆာဂူမသေမျိုးဂိုဏ်း ကိုလည်း သတိထားရမယ်"</p> <p> </p> <p>​"ဒီဂိုဏ်းက ဂူအတတ် ကို ကျင့်ကြံကြတာ၊ နည်းစနစ်တွေက နည်းနည်း ထူးခြားတယ်။ ဒီတစ်ခါ စစ်ဆေးပွဲကို ပါဝင်မယ့် တာအိုပေါင်းစပ်ခြင်းအဆင့် ကျင့်ကြံသူ ၃၀၀ ကျော် ရှိတဲ့အထဲမှာ လင်းယွမ် ဆိုတဲ့ တစ်ယောက်က ပြီးခဲ့တဲ့ နှစ်အနည်းငယ်ကမှ မိစ္ဆာဂူမသေမျိုးဂိုဏ်းရဲ့ အစွမ်းထက်ဆုံး အသားနှင့်သွေးဂူ ကို ပေါင်းစပ်နိုင်ခဲ့တယ်တဲ့"</p> <p> </p> <p>​ကြာနီနတ်မိမယ်ငယ်နှင့် စကားပြောခြင်းဖြင့် အထက်နယ်မြေသုံးခုတွင် အောက်ခြေနယ်မြေခြောက်ခုက လူတစ်ယောက်မှ မလျှောက်လှမ်းဖူးသေးသော မသေမျိုးလမ်းစဉ်တစ်ခု ရှိကြောင်း ဖန့်ချန် သိလိုက်ရသည်။</p> <p> </p> <p> ၎င်းမှာ  ဂူမသေမျိုး  ပင်။</p> <p> </p> <p>​နှစ်လခန့် ကြာပြီးနောက် လှေ၏ အရှိန်မှာ တဖြည်းဖြည်း နှေးကွေးသွားသည်။</p> <p> </p> <p>​လူတိုင်းသည် ရှေ့တွင် မိုင်ပေါင်းသောင်းချီ ကျယ်ဝန်းသော အလင်းအကာအကွယ် တစ်ခုကို ဝေဝါးစွာ မြင်တွေ့လိုက်ရသည်။</p> <p> </p> <p>၎င်းသည် ပြောင်းပြန်လှန်ထားသော အိုးတစ်လုံးကဲ့သို့ မြေပြင်ကြီးကို လွှမ်းခြုံထားသည်။</p> <p> </p> <p>​ဤအနီးအနားတွင် ရေတွက်၍မရနိုင်သော လှေများမှာ ရပ်နားထားကြပြီး ဖြစ်သည်။</p> <p> </p> <p> ထိုအလင်းအကာအကွယ်၏ အပေါ်တည့်တည့်တွင် တစ်စုံတစ်ဦးက ရွှေဓာတ်စွမ်းအား ကို အသုံးပြုကာ စင်မြင့်တစ်ခု ဖန်တီးထားပြီး၊ ထိုနေရာတွင် လွတ်လပ်သောမသေမျိုး အများအပြား ရပ်နေကြသည်။</p> <p> </p> <p>​"ဒါက ကျွယ်မင်နတ်ဘုရားနန်းတော်က ဒီတစ်ခါ ရွေးချယ်ထားတဲ့ စစ်ဆေးမယ့်နေရာ... သတ်ဖြတ်ခြင်းမိစ္ဆာတောင်တန်း  လား "</p> <p> </p> <p>​ချင်းယွီမသေမျိုး၏ အကြည့်မှာ လေးနက်နေသည်။</p> <p>ဤသတ်ဖြတ်ခြင်းမိစ္ဆာတောင်တန်းထဲတွင် သူကိုယ်တိုင်ပင် အနည်းငယ် ကြောက်ရွံ့ရသော အရာတစ်ခုခု ရှိနေပုံရသည်။</p> <p> </p> <p>​ထိုနေရာရှိ လွတ်လပ်သောမသေမျိုး ဆယ်ဂဏန်းခန့်သည်လည်း တစ်စုံတစ်ခုကို စဉ်းစားနေကြသော်လည်း၊ ရွှေဓာတ်စွမ်းအားဖြင့် ဖန်တီးထားသော စင်မြင့်မြင့်ဆီသို့မူ ချဉ်းကပ်သွားခြင်း မရှိကြချေ။</p> <p> </p> <p>​သူတို့တွင် ထိုအရည်အချင်း မရှိကြပါ။</p> <p> </p> <p>ယခုအချိန်တွင် ထိုစင်မြင့်မြင့်ပေါ်တွင် ရပ်နေသူများမှာ ကျွယ်မင်နတ်ဘုရားနန်းတော်မှ စေလွှတ်လိုက်သော စစ်ဆေးရေးမှူးများ ဖြစ်ကြသလို၊ လင်းကွေ့ကြယ်တာရာနယ်မြေမှ အင်အားကြီး ပုဂ္ဂိုလ်များလည်း ဖြစ်ကြသည်။</p> <p> </p> <p>​ထိုနေရာတွင် ရှေးဟောင်းမသေမျိုးများပင် ရှိနေနိုင်ပေသည်။</p> <p> </p> <p>***</p> <p> </p>


Save