Book List

<h2 style="text-align: center;">အခန်း (၁၃၄၉)</h2> <h2 style="text-align: center;">ထူးခြားဆန်းပြားသော ဂိုဏ်းကြီးငါးခု</h2> <h2 style="text-align: center;">*</h2> <p> </p> <p> </p> <p> </p> <p>​ချင်းယွီမသေမျိုး ပြောပြခဲ့သော အဆင့် ၇ ရှေးဟောင်းမသေမျိုးနှင့် အဆင့် ၆ မသေမျိုးတို့ကြားရှိ သက်ရှိအဆင့်အတန်း ကွာခြားချက်ကို ဖန့်ချန် သတိကြီးစွာ ထားနေမိသည်။</p> <p> </p> <p>​ယခုတစ်ကြိမ်တွင်မူ ဖန့်ချန်သည် သူ၏ ဝိညာဉ်ကို ကိုယ်ပြင်ပသို့ ထွက်ခွာခြင်း မပြုလုပ်တော့ဘဲ၊ ရှေးဦး နတ်ဘုရားမျက်လုံး ကိုသာ အသုံးပြု၍ ထိုစင်မြင့်မြင့်ပေါ်ရှိ မြင်ကွင်းကို အကဲခတ်လိုက်သည်။</p> <p> </p> <p>​လက်ရှိတွင် ရောက်ရှိနေသော ကျင့်ကြံသူ ကိုးဆယ်ကိုးရာခိုင်နှုန်းမှာ ထိုစင်မြင့်ကိုသာ ကြည့်နေကြသဖြင့် ဖန့်ချန်၏ အကြည့်မှာ ထင်ရှားပေါ်လွင်ခြင်း မရှိလှချေ။</p> <p> </p> <p>​စင်မြင့်ပေါ်တွင် လူရိပ်တစ်ခုက သူ၏အာရုံကို ချက်ချင်း ဆွဲဆောင်သွားသည်။</p> <p> </p> <p>​ထိုက်ရွှီမသေမျိုးအရှင်</p> <p>​ မသေမျိုးဆွေးနွေးပွဲ တုန်းကနှင့် နှိုင်းယှဉ်လျှင်    ထိုက်ရွှီ မသေမျိုးအရှင်မှာ သိသိသာသာ ပိုမိုနုပျိုနေပုံရသည်။</p> <p> </p> <p>​သူ၏တပည့် ကျိကန်း  မှာလည်း အနားတွင် ရှိနေသော်လည်း၊ ကြယ်မိုး မသေမျိုးအရှင် ၏ အရိပ်အယောင်ကိုမူ မတွေ့ရချေ။</p> <p> </p> <p>​သူမသည် အထက်နယ်မြေသုံးခုသို့ ဝင်ရောက်မလာသေးဘဲ၊ ထိုက်ရွှီ မသေမျိုးအရှင်အတွက် မသေမျိုးကျောက်တုံး နှင့် ကျင့်ကြံခြင်းရင်းမြစ်များကို ရှာဖွေပေးရန် ရှေးဟောင်းနယ်မြေ ထဲတွင် ကျန်ရစ်ခဲ့ပုံရသည်။</p> <p>​ယခု စင်မြင့်ပေါ်ရှိ မသေမျိုးများမှာ အခြေခံအားဖြင့် ထိုက်ရွှီမသေမျိုးအရှင်ကိုသာ အဓိကထား၍ ဆက်ဆံနေကြသည်။</p> <p> </p> <p>လူအနည်းငယ်မှာ သူတို့၏ အရှိန်အဝါကို ဖုံးကွယ်ထားသော်လည်း ထိုက်ရွှီမသေမျိုးအရှင်နှင့် တန်းတူရည်တူ စကားပြောဆိုနေကြသည်ကိုကြည့်လျှင် လင်းကွေ့ကြယ်တာရာနယ်မြေမှ အဆင့် ၇ ရှေးဟောင်းမသေမျိုးများ ဖြစ်ပုံရသည်။</p> <p> </p> <p>​ကျန်ရှိသူများမှာမူ ထိုသူတို့၏ စကားဝိုင်းအတွင်း အမေးခံရမှသာ စကားအနည်းငယ် ပြန်ပြောရဲကြပြီး၊ ခွင့်ပြုချက်မရှိဘဲ ကြားဖြတ်ပြောဆိုခြင်းမျိုး လုံးဝမပြုရဲကြချေ။</p> <p> </p> <p>​"ဟုန်မိတ်ဆွေ... ဖန့်မိတ်ဆွေ... ကျုပ်တို့နဲ့ လက်တွဲဖို့အတွက် သေချာစဉ်းစားပြီးပြီလား  ဒီတစ်ခါ ကျုပ်တို့ရဲ့ ပြိုင်ဘက်တွေက မနည်းဘူးနော်"</p> <p> </p> <p>​ချင်းကျန်းသည် လူအချို့ကို ခေါ်ဆောင်ကာ သူတို့နှစ်ဦးရှေ့သို့ ရောက်လာပြီး ဖန့်ချန်၏ အတွေးများကို ဖြတ်တောက်လိုက်သည်။</p> <p> သူသည် စကားပြောနေရင်း ပတ်ဝန်းကျင်ကိုလည်း ဝေ့ဝိုက်ကြည့်ရှုနေသည်။</p> <p> </p> <p>​မသေမျိုးလှေများပေါ်ရှိ တာအိုပေါင်းစပ်ခြင်းအဆင့် ကျင့်ကြံသူတိုင်းမှာ ထူးချွန်ထက်မြက်သူများ ဖြစ်ကြသည်။</p> <p> </p> <p>ချင်းကျန်းသည် အကဲခတ်ရုံမျှဖြင့်ပင် အလွန်နက်နဲသော အရှိန်အဝါရှိသည့် လူအချို့ကို သတိထားမိလိုက်ရာ၊ သူကိုယ်တိုင်ပင် ထိုသူတို့နှင့် ရင်ဆိုင်ရပါက အနိုင်ရရန် အာမခံချက် လုံးဝမရှိချေ။</p> <p> </p> <p>​ထို့ကြောင့် ဤစစ်ဆေးပွဲအတွက် သူ၏စိတ်ထဲတွင် စိုးရိမ်စိတ်ရိပ်များ ဖုံးလွှမ်းနေသည်။</p> <p> </p> <p>​ကြာနီနတ်မိမယ်ငယ်က အေးစက်စွာပင်</p> <p> </p> <p>"ကျမတို့ သေချာစဉ်းစားပြီးပါပြီ၊ ရှင့်တို့နဲ့ အတူတူမသွားတော့ပါဘူး"</p> <p> </p> <p>​"...အင်းလေ"</p> <p> </p> <p>​ချင်းကျန်းက ပြုံး၍ ခေါင်းညိတ်လိုက်သည်</p> <p> </p> <p> "ဟုန်မိတ်ဆွေအနေနဲ့ ဒီနေ့ ဆုံးဖြတ်ချက်အတွက် နောင်တမရဖို့ မျှော်လင့်ပါတယ်။ ဒီလို ပတ်ဝန်းကျင်မျိုးမှာ လက်မတွဲဘူးဆိုရင် ထူးထူးခြားခြား ပေါ်ထွက်လာဖို့က တော်တော်ခက်ခဲလိမ့်မယ်"</p> <p> </p> <p>​ပြောပြီးသည်နှင့် သူသည် ဆက်လက် စကားမဆိုတော့ဘဲ လူများကို ခေါ်ထုတ်သွားကာ နည်းဗျူဟာများ တိုင်ပင်ရန် တစ်ဖက်သို့ ထွက်သွားတော့သည်။</p> <p> </p> <p>​ကျင့်ကြံသူများ၏ စစ်ဆေးမှုမှာ သူတို့ကဲ့သို့ အဆင့်မျိုးတွင် ခွန်အားနှင့် နည်းစနစ်ကိုသာ အဓိက စစ်ဆေးခြင်း ဖြစ်သည်။</p> <p> </p> <p> ပါရမီအရည်အချင်း မှာ ဒုတိယဦးစားပေးသာဖြစ်ပြီး အပိုဆောင်း ဂုဏ်ဒြပ်တစ်ခုသာ ဖြစ်ပေသည်။</p> <p> </p> <p>​ကြာနီနတ်မိမယ်ငယ်အနေဖြင့် ရာနှုန်းပြည့် အရွေးခံရမည်ဟုလည်း သူတို့ မထင်ကြချေ။</p> <p> </p> <p> ထိုသို့ ထင်ပေါ်လွန်းသော တည်ရှိမှုမျိုးမှာ အများ၏ ပစ်မှတ်ထားခြင်းကို ခံရတတ်သဖြင့် သူတို့ထက်ပင် စောစီးစွာ ရှုံးနိမ့်သွားနိုင်သည်ဟု ယူဆထားကြသည်။</p> <p> </p> <p>​လူတိုင်းသည် ရက်အနည်းငယ်ခန့် စောင့်ဆိုင်းခဲ့ကြပြီး၊ ထိုအတောအတွင်း ချင်းယွီမသေမျိုး အပါအဝင် ထိုနေရာရှိ မသေမျိုးများအားလုံးသည် စင်မြင့်မြင့်ပေါ်သို့ တစ်ခေါက်စီ သွားရောက်ခဲ့ကြသည်။</p> <p> </p> <p>​သူတို့ ပြန်လာသည့်အခါတွင် ကျောက်စိမ်းပြား တစ်ခုစီ ပါလာကြသည်။</p> <p> </p> <p>​"ဒါက ကျွယ်မင်ကျင့်ကြံသူရဲ့ ကျောက်စိမ်းပြားပဲ၊ အခုချက်ချင်း မင်းတို့ကို ပေးတာမဟုတ်ဘူး၊ ဒါက စစ်ဆေးမှုအတွက် လိုအပ်လို့ပဲ။ ကျောက်စိမ်းပြားထဲမှာ ရှေးဟောင်းမသေမျိုးက ထည့်သွင်းပေးထားတဲ့ အခြေခံဝိညာဉ်စွမ်းအား ပါဝင်တယ်၊ သာမန်လူတွေ အတုခိုးလို့မရဘူး"</p> <p> </p> <p>​ချင်းယွီမသေမျိုးက ဖန့်ချန်ကို ကျောက်စိမ်းပြားတစ်ပြား ကမ်းပေးရင်း မှာကြားသည်</p> <p> </p> <p>"တခြားသူတွေရဲ့ လက်ထဲမှာလည်း ဒီဝိညာဉ်စွမ်းအားပါတဲ့ ကျောက်စိမ်းပြားတွေ ရှိတယ်။ အဲဒါကို လုယူပြီး ကိုယ့်ကျောက်စိမ်းပြားထဲကို ထည့်သွင်းလိုက်ရင် ကျောက်စိမ်းပြားရဲ့ အရှိန်အဝါက ပိုမိုထူထပ်လာလိမ့်မယ်။ အဆင့်တစ်ခုကို ရောက်သွားရင်တော့ အရောင်ပြောင်းသွားလိမ့်မယ်။ ကြားဖူးတာတော့ ကြေးညိုရောင်၊ ငွေရောင်၊ ရွှေရောင် နဲ့ ခရမ်းရောင် ဆိုပြီး လေးမျိုးရှိတယ်တဲ့ "</p> <p> </p> <p>​"အရင်နှစ်တွေက အခြေအနေအရဆိုရင်တော့ ကြေးညိုရောင် ဖြစ်သွားတာနဲ့ ကျွယ်မင်နတ်ဘုရားနန်းတော်ရဲ့ အပြင်စည်းကျင့်ကြံသူ ဖြစ်ဖို့ ခုနစ်ဆယ်၊ ရှစ်ဆယ် ရာခိုင်နှုန်းလောက် သေချာသွားပြီ။ ပိုပြီးစိတ်ချရအောင် ငွေရောင်ရဖို့အထိ ကြိုးစားလို့ရပေမဲ့၊ အဲဒီအတွက် ပေးဆပ်ရမယ့် ပင်ပန်းဆင်းရဲမှုကိုတော့ မင်း စိတ်ကူးကြည့်လို့ ရမှာပါ "</p> <p> </p> <p>​"အကယ်၍ မင်းသာ ကျွယ်မင်ကျင့်ကြံသူ ဖြစ်သွားခဲ့ရင် ဒီကျောက်စိမ်းပြားက မင်းရဲ့ အထောက်အထား သက်သေခံပြား ဖြစ်လာလိမ့်မယ်။ နောင်ကျရင်လည်း မင်းနဲ့အတူ အမြဲရှိနေမှာဖြစ်သလို၊ သူက ဘာအရောင်လဲဆိုတာက ကျွယ်မင်နတ်ဘုရားနန်းတော်ထဲမှာ မင်းရဲ့ အနာဂတ်လမ်းစဉ်ကိုပါ သက်ရောက်မှု ရှိလိမ့်မယ်"</p> <p> </p> <p>​ခဏမျှ ရပ်တန့်လိုက်ပြီးနောက်</p> <p> </p> <p> "သတ်ဖြတ်ခြင်းမိစ္ဆာတောင်တန်း ထဲမှာ သတ်ဖြတ်ခြင်းအငွေ့အသက် တွေက သိပ်ကို နက်နဲတယ်၊ အဲဒီကနေ သတ်ဖြတ်ခြင်းမိစ္ဆာ တွေ ဖြစ်လာတတ်တယ်။ အဲဒီမိစ္ဆာတွေဟာ... အရင်နှစ်တွေက အထဲမှာ သေဆုံးသွားခဲ့တဲ့ တာအိုပေါင်းစပ်ခြင်းအဆင့် ကျင့်ကြံသူတွေ ဒါမှမဟုတ် ဘေးဒုက္ခကျော်ဖြတ်ခြင်းအဆင့်  ကျင့်ကြံသူတွေ ဖြစ်နိုင်တယ် "</p> <p> </p> <p>​"သူတို့မှာ အသိဉာဏ်မရှိဘူး၊ ဒါပေမဲ့ သူတို့ရဲ့ ပစ်မှတ်ထားခြင်းကို ခံရပြီဆိုရင်တော့ အသေအလဲ တိုက်ခိုက်ရမှာပဲ။ အကယ်၍ သတ်ဖြတ်ခြင်းအငွေ့အသက်တွေနဲ့ ထိမိသွားရင် မသေမျိုးတစ်ပါးက ကူညီမထုတ်ပေးရင် ဖယ်ရှားဖို့ ခက်ခဲလိမ့်မယ်၊ သတိထားပါဦး"</p> <p> </p> <p>​"ကျုပ် သေချာမှတ်သားထားပါ့မယ်"</p> <p> </p> <p>ဖန့်ချန်က အသာအယာ ခေါင်းညိတ်လိုက်ပြီးနောက် တစ်ခု မေးမြန်းလိုက်သည်</p> <p> </p> <p> "ဘိုးဘေး... အကယ်၍ ကျုပ်သာ ကျွယ်မင်နတ်ဘုရားနန်းတော်ကို အောင်အောင်မြင်မြင် ဝင်ရောက်နိုင်ခဲ့ရင် ချင်းယွီမသေမျိုးဂိုဏ်းအတွက် ဘယ်လိုအကျိုးကျေးဇူးတွေ ရှိနိုင်မလဲ "</p> <p> </p> <p>​ချင်းယွီမသေမျိုး၏ နှုတ်ခမ်းဖျားတွင် အနည်းငယ် ပြုံးယောင်သန်းသွားသည်</p> <p> </p> <p> "မင်း သိနေပြီလို့ ငါ ထင်ထားတာ။ အကယ်၍ မင်းသာ ကျွယ်မင်ကျင့်ကြံသူ ဖြစ်သွားရင်၊ နောင်ကျရင် ချင်းယွီမသေမျိုးဂိုဏ်း တည်ရှိတဲ့ နယ်မြေမှာ ငါတို့ကပဲ အမိန့်ပေးပိုင်ခွင့်ရှိသူ ဖြစ်လာလိမ့်မယ်။ အနည်းဆုံးတော့ အခုရှိနေတဲ့ အခြေခံပေါ်မှာ          ဝိညာဥ်တောင်  ရာပေါင်းများစွာ ထပ်တိုးလာလိမ့်မယ်"</p> <p> </p> <p>​ဖန့်ချန် စိတ်ထဲမှ မှတ်ချက်ချမိသည်မှာ၊ ဤသည်က ချင်းယွီမသေမျိုးဂိုဏ်းအတွက် အတော်လေး ကြီးမားသော ပြောင်းလဲမှုပင်။</p> <p> </p> <p>ယနေ့ ရောက်ရှိနေသော ဂိုဏ်းအားလုံးသည်လည်း ထိုအချက်ကြောင့်ပင် ရောက်လာကြခြင်း ဖြစ်ပေလိမ့်မည်။</p> <p> </p> <p>ထို့အပြင် ချင်းယွီမသေမျိုး ထုတ်ဖော်မပြောသေးသော တခြားသော လျှို့ဝှက်အကျိုးကျေးဇူးများလည်း ရှိနေဦးမည် ဖြစ်သည်။</p> <p> </p> <p>​"ဒီတစ်ခါ စစ်ဆေးမှုသက်တမ်းက ခြောက်လပဲ။ စည်းကမ်းတွေကိုတော့ မင်းတို့ သိကြမှာပါ။ ဘေးဒုက္ခ ကျော်ဖြတ်ခြင်းအဆင့် ကျင့်ကြံသူတွေက အောက်ဆင့်လူတွေကို တိုက်ခိုက်လို့မရဘူး။ မင်းတို့ရဲ့ စစ်ဆေးမှု စံနှုန်းကတော့ သတ်ဖြတ်ခြင်းမိစ္ဆာတွေအပေါ်မှာပဲ အဓိကမူတည်တယ်"</p> <p> </p> <p>​ထိုက်ရွှီမသေမျိုးအရှင်၏ အသံမှာ လူတိုင်း၏ နားထဲတွင် ဟိန်းထွက်လာပြီးနောက်၊ အလင်းအကာအကွယ်ကြီးမှာ တုန်ခါလာတော့သည်။</p> <p> </p> <p>​"ထွက်ခွာကြတော့"</p> <p> </p> <p>ချင်းယွီမသေမျိုးက လေးနက်သော အကြည့်ဖြင့် ပြောလိုက်သည်။</p> <p> </p> <p>​ခဏချင်းတွင်ပင် ကျင့်ကြံသူ သန်းပေါင်းများစွာသည် သတ်ဖြတ်ခြင်းမိစ္ဆာတောင်တန်းဆီသို့ တပြိုင်နက်တည်း ဦးတည်သွားကြတော့သည်။</p> <p> </p> <p>​ဖန့်ချန်နှင့် ကြာနီနတ်မိမယ်ငယ်တို့မှာ ဘေးချင်းယှဉ်၍ ပျံသန်းသွားကြရာ နှစ်ဦးလုံး၏ အရှိန်မှာ အလွန်ပင် မြန်ဆန်လှသဖြင့် ပထမဆုံးအသုတ်အနေဖြင့် သတ်ဖြတ်ခြင်းမိစ္ဆာတောင်တန်းထဲသို့ ဝင်ရောက်နိုင်ခဲ့ကြသည်။</p> <p> </p> <p>​သန်းနှင့်ချီသော ကျင့်ကြံသူများ အကုန်ဝင်သွားသည့်အခါ တုန်ခါနေသော အလင်းအကာအကွယ်ကြီးမှာ ပြန်လည် ငြိမ်သက်သွားတော့သည်။</p> <p> </p> <p>​ဖန့်ချန်နှင့် ကြာနီနတ်မိမယ်ငယ်တို့မှာ လုံးဝ ရပ်တန့်ခြင်း မရှိကြချေ။</p> <p> အဘယ်ကြောင့်ဆိုသော် အစပိုင်းတွင် သေချာပေါက် ရုန်းရင်းဆန်ခတ် တိုက်ပွဲများ ဖြစ်ပွားမည်ဖြစ်သဖြင့်၊ နှစ်ဦးသားမှာ အလွန်မြန်သော အရှိန်ဖြင့် သတ်ဖြတ်ခြင်းမိစ္ဆာတောင်တန်း၏ အတွင်းပိုင်းသို့ တိုက်ရိုက် တိုးဝင်သွားကြသည်။</p> <p> </p> <p>​တစ်ခါတစ်ရံတွင် ကျင့်ကြံသူတစ်ဦး၏ စွမ်းရည်မှာ မည်သို့ရှိသည်ကို သူ၏ အရှိန်အဝါမှတစ်ဆင့် သိမြင်နိုင်သည်။</p> <p> </p> <p>​လက်ရှိတွင် သူတို့နှစ်ဦးနှင့် အရှိန်ချင်း တူညီသူ၊ သို့မဟုတ် အနည်းငယ် ပိုမြန်သူမှာ လူအများကြီး မရှိဘဲ နှစ်ရာ၊ သုံးရာခန့်သာ ရှိပေသည်။</p> <p> </p> <p>ကျင့်ကြံသူ သန်းပေါင်းများစွာနှင့် နှိုင်းယှဉ်လျှင် ထိုအရေအတွက်မှာ အလွန်ပင် နည်းပါးလှသည်။</p> <p> </p> <p>​သူတို့၏ ကျင့်ကြံမှု နည်းစနစ်များမှာ ကြာနီနတ်မိမယ်ငယ်နှင့် အဆင့်ချင်း တူညီနိုင်သော်လည်း၊ ကြာနီနတ်မိမယ်ငယ်မှာမူ ထူးခြားသော နောက်ခံရှိပြီး မိစ္ဆာ တစ်ဦး၏ အမှတ်ရမှုများကို နိုးထထားသူ ဖြစ်သည်။</p> <p> </p> <p> ထိုအချက်ကို ထည့်တွက်မည်ဆိုလျှင် သူမက အထူးနည်းစနစ်များ သုံးလိုက်ပါက ဤလူအုပ်ထဲတွင် ထင်ရှားစွာ ပေါ်ထွက်လာနိုင်ဆဲ ဖြစ်သည်။</p> <p> </p> <p>​လူတိုင်း ပျံသန်းနေစဉ် အချင်းချင်း အကဲခတ်နေကြသော်လည်း၊ သူတို့၏ အာရုံစိုက်မှုမှာ ဖန့်ချန်နှင့် ကြာနီနတ်မိမယ်ငယ်ထံတွင် မဟုတ်ဘဲ၊ ထူးခြားသော အရှိန်အဝါရှိသည့် လူငယ် အမျိုးသား၊ အမျိုးသမီး ခုနစ်ဦးထံတွင်သာ ရှိနေကြသည်။</p> <p> </p> <p>​ဖန့်ချန်နှင့် ကြာနီနတ်မိမယ်ငယ်တို့သည် အခြားသူများနှင့် အကွာအဝေးတစ်ခု ခြားလိုက်ပြီးနောက်၊ သူမက ထိုသူတို့ထဲမှ အချို့၏ နောက်ခံကို ချက်ချင်းပင် ထောက်ပြပြောဆိုသည်</p> <p> </p> <p>​"ဟိုက မိန်းမနဲ့တူတဲ့ ရုပ်ရည်ရှိပြီး ခရမ်းရောင်တာအိုဝတ်စုံ ဝတ်ထားတာကတော့ ယန်ကွန်းတာအိုဂိုဏ်း က ယွီဝူရှီး ပဲ "</p> <p> </p> <p>​"ဟိုက ရိုးရိုးရှင်းရှင်းနဲ့ မျက်နှာသေ ဖြစ်နေတာကတော့ မိစ္ဆာဂူမသေမျိုးဂိုဏ်း က လင်းယွမ် ဖြစ်ရမယ် "</p> <p> </p> <p>​"ဟို အမျိုးသမီးကတော့ လင်းကွေ့ကြယ်တာရာနယ်မြေရဲ့ ထူးခြားဆန်းပြားသော ဂိုဏ်းကြီးငါးခု ထဲက တစ်ခုဖြစ်တဲ့၊ အစီရင်အတတ်ကို အဓိက ကျင့်ကြံတဲ့ မိုးကြိုးမီးတောက်မသေမျိုးဂိုဏ်း  ရဲ့ တာအိုပေါင်းစပ်ခြင်းအဆင့် ကျင့်ကြံသူ မုံချင့်လင် ပဲ "</p> <p> </p> <p>​"ကြားဖူးတာတော့ သူမက မိုးကြိုးမီးတောက်မသေမျိုးဂိုဏ်းရဲ့ အစွမ်းထက်ဆုံး တိုက်ခိုက်ရေးအစီရင်ဖြစ်တဲ့ မိုးကြိုးမီးတောက်စစ်သည် ခုနစ်ပါးသတ်ဖြတ်ခြင်းအစီရင်  ကို တတ်မြောက်ထားတယ်တဲ့ "</p> <p> </p> <p>​ထူးခြားဆန်းပြားသော ဂိုဏ်းကြီးငါးခု ( ဆိုသည်မှာ ဆေးဖော်စပ်ခြင်း ၊ အစီရင် ၊ လက်နက်သွန်းလုပ်ခြင်း ၊ လွတ်မြောက်ခြင်းအတတ်  နှင့် ပုံရိပ်ယောင်အတတ် I တို့ကို အဓိက ကျင့်ကြံကြပြီး လင်းကွေ့ကြယ်တာရာနယ်မြေတွင် ထိုပညာရပ်များ၌ အမြင့်ဆုံး ကျွမ်းကျင်သည့် ဂိုဏ်းများကို ခေါ်ဆိုခြင်း ဖြစ်သည်။</p> <p> </p> <p>​ဤဂိုဏ်းကြီးငါးခုလုံးတွင် ရှေးဟောင်းမသေမျိုးတစ်ပိုင်းများ စောင့်ကြပ်နေကြသည်။</p> <p> </p> <p>​စကားပြောနေစဉ်အတွင်း ဖန့်ချန်က ရုတ်တရက် လက်ကို လေထဲတွင် ဝှေ့ယမ်း၍ ဆုပ်ကိုင်လိုက်ရာ၊ ဝိညာဉ်စွမ်းအားများမှာ လက်ဝါးကြီးတစ်ခုအဖြစ် ပြောင်းလဲသွားပြီး ကြာနီနတ်မိမယ်ငယ်ကို သူ၏ အနားသို့ ဆွဲခေါ်လိုက်သည်။</p> <p> </p> <p>​ကြာနီနတ်မိမယ်ငယ်မှာ ခဏမျှ တုံ့ပြန်ရန် အချိန်မရလိုက်ဘဲ မျက်လုံးထဲတွင် ဒေါသအရိပ်အယောင်များ ပေါ်လာစဉ်မှာပင်၊ သူမ ခုနက ရပ်နေခဲ့သော ဟင်းလင်းပြင်မှာ ဓားမြှောင်တစ်လက်၏ ခုတ်ဖြတ်ခြင်းကို ခံလိုက်ရပြီး အက်ကြောင်းတစ်ခု ဖြစ်သွားသည်ကို မြင်လိုက်ရသည်။</p> <p> </p> <p>​တစ်စုံတစ်ဦးက ချောင်းမြောင်း တိုက်ခိုက်ခြင်းလား</p> <p>​ကြာနီနတ်မိမယ်ငယ်၏ မျက်နှာမှာ အေးစက်သွားသည်။</p> <p> ထိုအဆင့်ရှိသော တိုက်ခိုက်မှုမျိုးက သူမကို မသတ်နိုင်မှန်း သေချာသော်လည်း၊ အနည်းဆုံးတော့ သူမကို ဒဏ်ရာရစေနိုင်သည်မှာ အမှန်ပင်။</p> <p> </p> <p>​စစ်ဆေးပွဲက ခုမှ စတင်ကာရှိသေးသည်၊ တစ်စုံတစ်ဦးက သူမကို ပစ်မှတ်ထားနေပြီလား။</p> <p> </p> <p>***</p> <p> </p>


Save