Book List

<h2 style="text-align: center;">​အခန်း (၂၄၈)</h2> <h2 style="text-align: center;">ကင်းစခန်းသို့ ရောက်ရှိခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​ရန်ကျန့်ရှန်းသည် မိမိ၏ ဦးနှောက်တစ်ခုလုံး ရှုပ်ထွေးနောက်ကျိနေသည်ဟု ခံစားနေရသည်။ ယခုအခါ သူသည် အမှန်တကယ်ပင် အားကိုးရာမဲ့သည့် ခံစားချက်မျိုးကို ရရှိနေခြင်း ဖြစ်သည်။ စစ်တပ်အနေဖြင့် ယခင်က ဤကဲ့သို့သော အခြေအနေမျိုးနှင့် မည်သည့်အခါမျှ မကြုံတွေ့ခဲ့ဖူးချေ။</p> <p>​မှန်ပါသည်၊ ယခင်က ၎င်းတို့ ဇွန်ဘီရှင်းလင်းရေး ထွက်ခဲ့စဉ်က သာမန်မြို့များကိုသာ သွားရောက်ခဲ့ခြင်း ဖြစ်သည်။ ဤတာဝန်ကို လက်ခံရရှိချိန်တွင် ကွမ်ဟန်မြို့ကဲ့သို့ တားမြစ်နယ်မြေ ဟု တင်စားခံရသော နေရာမျိုးမှာ အခြားမြို့များနှင့် မည်သို့မျှ နှိုင်းယှဉ်၍မရနိုင်ကြောင်း ကြိုတင်ပြင်ဆင်ထားခဲ့သော်လည်း ဤနေရာ၏ အန္တရာယ်မှာ သူ၏ မျှော်လင့်ချက်ထက် များစွာ သာလွန်နေခဲ့သည်။</p> <p>​“ဒီက သတင်းတွေ အကုန်ပို့ပြီးပြီလား ကူညီဖို့လာနေတဲ့ တပ်ဖွဲ့တွေဆီကကော အကြောင်းပြန်လား” ရန်ကျန့်ရှန်းက နားထင်ကို ပွတ်ရင်း မေးမြန်းလိုက်သည်။</p> <p>​ယခုအခါ သူ တစ်ဦးတည်း အားကိုးနိုင်သည်မှာ စစ်ကူတပ်ဖွဲ့ သုံးဖွဲ့သာ ရှိတော့သည်။</p> <p>​“စစ်တပ်က စစ်ကူတပ်ဖွဲ့ နှစ်ဖွဲ့ကတော့ ဇွန်ဘီလှိုင်းရဲ့ အပြင်ဘက်ကို ရောက်တော့မှာပါ.. ဒါပေမဲ့ လက်ရှိ အခြေအနေအရ ကျွန်တော်တို့ဆီကို အချိန်မီ ရောက်လာဖို့ မလွယ်ပါဘူး။ ဒါကြောင့် သူတို့က အပြင်ဘက်မှာပဲ ပူးပေါင်းပြီး အဲဒီ ဗီဇပြောင်းဇွန်ဘီ လေးကောင်ကို တိုက်ခိုက်ဖို့ ဆုံးဖြတ်လိုက်ကြပါတယ်။ ရန်သူ့နောက်ကျောကို တိုက်ခိုက်ပြီး ကျွန်တော်တို့ဆီက ဖိအားတွေကို လျှော့ချပေးဖို့ ကြိုးစားမှာပါ” ဟု သတင်းပို့စစ်သည်က ပြန်လည်ဖြေကြားသည်။</p> <p>​ရန်ကျန့်ရှန်းက ခေါင်းညိတ်လိုက်သည်။ ဤသည်မှာလည်း နည်းလမ်းကောင်းတစ်ခုပင်။ ၎င်းတို့ အချိန်မီ ရောက်မလာနိုင်ပါက ဤသို့လုပ်ဆောင်ခြင်းကသာ အကောင်းဆုံး ဖြစ်ပေလိမ့်မည်။ ထိုဗီဇပြောင်းဇွန်ဘီ လေးကောင်ကို အသေသတ်ရန် မလိုအပ်ဘဲ တိုက်ခိုက်မည့် အနေအထားပြရုံဖြင့် ထိုဇွန်ဘီများအပေါ် ဖိအားပေးနိုင်လျှင် လုံလောက်ပြီ ဖြစ်သည်။ ဖိအားများလာပါက ၎င်းတို့ ဆုတ်ခွာမသွားသည့်တိုင် အနည်းဆုံးတော့ မိမိတို့၏ ဘေးကင်းရေးကို ထည့်တွက်လာရပေလိမ့်မည်။ ဇွန်ဘီများနှင့် သွေးပိုးကောင် အချို့ကို စစ်ကူတပ်ဖွဲ့များဘက်သို့ လှည့်၍ တိုက်ခိုက်ခိုင်းလိုက်ရုံဖြင့် ၎င်းတို့ ကင်းစခန်းအပေါ် ကျရောက်နေသော ဖိအားများ သိသိသာသာ လျော့ကျသွားမည် ဖြစ်သည်။</p> <p>​“ဒါနဲ့... ကြေးစားအဖွဲ့ရဲ့ ပထမတပ်မကော သူတို့ဆီက ဘာသတင်းမှ မလာဘူးလား” သတင်းပို့စစ်သည်က ဆက်မပြောတော့သဖြင့် ရန်ကျန့်ရှန်းက သိချင်စိတ်ဖြင့် မေးလိုက်သည်။</p> <p>​“အဲ... မရှိပါဘူးခင်ဗျာ” ဟု စစ်သည်က ဖြေသည်။</p> <p>​“.......” ရန်ကျန့်ရှန်းမှာ ဇဝေဇဝါ ဖြစ်သွားရသည်။ ဤသည်မှာ လုံးဝ ယုတ္တိမရှိပေ။ ခုနကတင် ၎င်းတို့သည် ဇွန်ဘီလှိုင်းအတွင်းသို့ ဝင်ရောက်လာပြီး ကင်းစခန်းဆီသို့ ချဉ်းကပ်လာနေပြီ ဖြစ်သည်။ ယခုမူ ဘာကြောင့် သတင်းအစအန ပျောက်နေရသနည်း။</p> <p>​“အရာရှိမင်း... ကြေးစားအဖွဲ့ရဲ့ ပထမတပ်မ ရောက်တော့မှာပါ၊ ကျွန်တော်တို့နဲ့ မီတာ ၂၀၀ ကျော်ပဲ ကွာတော့ပါတယ်” ဟု ယာယီကွပ်ကဲမှုစင်တာရှိ အဝေးကြည့်အရာရှိတစ်ဦးက လှမ်းပြောလိုက်သည်။</p> <p>​“ဟင် ဒီလောက် မြန်မြန်လား” ရန်ကျန့်ရှန်းမှာ အံ့အားသင့်သွားရသည်။ သူသည် အမိုးပေါ်မှ ဆင်းလာကတည်းက တိုက်ပွဲကိုသာ အာရုံစိုက် ကွပ်ကဲနေသဖြင့် အခြားသတင်းများကို သတိမထားမိခဲ့ခြင်း ဖြစ်သည်။</p> <p>​သူသည် အဝေးကြည့်အရာရှိရှိရာသို့ အပြေးအလွှား သွားရောက်ကာ စောင့်ကြည့်ကင်မရာမှတစ်ဆင့် အပြင်ဘက် အခြေအနေကို ကြည့်လိုက်သည်။ အမှန်တကယ်ပင် ပထမတပ်မမှာ ၎င်းတို့နှင့် လမ်းတစ်သွယ်သာ ခြားတော့ပြီး ကွေ့လိုက်သည်နှင့် ရောက်ရှိလာတော့မည် ဖြစ်သည်။</p> <p>​“ကောင်းလိုက်တာ” ရန်ကျန့်ရှန်းက စိတ်လှုပ်ရှားစွာဖြင့် လက်သီးကို ကျစ်ကျစ်ပါအောင် ဆုပ်လိုက်သည်။ “အမြောက်တပ်ဖွဲ့ကို အဆင်သင့်ပြင်ခိုင်းလိုက်.. လက်ပစ်ဗုံးတွေကို သုံးပြီး အဲဒီလမ်းပေါ်က ဇွန်ဘီတွေကို အကုန်ရှင်းပစ်လိုက်စမ်း၊ ငါတို့ စစ်ကူတွေအတွက် လမ်းဖယ်ပေးရမယ်။”</p> <p>​သတင်းပို့စစ်သည်က ချက်ချင်းပင် အမိန့်ပေးရန် ထွက်သွားတော့သည်။ ရန်ကျန့်ရှန်းမှာ အခြားကိစ္စများကို အာရုံမရတော့ဘဲ မကြာမီ ရောက်ရှိလာတော့မည့် ပထမတပ်မကိုသာ စခရင်ပေါ်မှတစ်ဆင့် စိုက်ကြည့်နေမိသည်။</p> <p>​ထိုအချိန်တွင်မှ သူသည် ဤစစ်ကူတပ်ဖွဲ့၏ စွမ်းဆောင်ရည်မှာ အမှန်တကယ်ပင် ကြောက်မက်ဖွယ်ကောင်းလှကြောင်း သတိပြုမိလိုက်သည်။ ဤမျှကြီးမားသော ဇွန်ဘီလှိုင်းအတွင်း၌ပင် ၎င်းတို့သည် အေးအေးဆေးဆေး ရှေ့တိုးလာနိုင်ပြီး ဇွန်ဘီများစွာမှာ ယာဉ်တန်းအနားသို့ပင် မကပ်နိုင်ဘဲ အသတ်ခံနေရသည်။</p> <p>​၎င်းတို့ထံတွင် တိုက်ခိုက်ရေးဒရုန်းများ နှင့် စက်ရုပ်စစ်သည်များ အမြောက်အမြား ရှိနေသည်ကို မြင်တွေ့ရသော်လည်း အမှန်အတိုင်းဆိုရလျှင် ဤကဲ့သို့သော ဇွန်ဘီလှိုင်းမျိုးတွင် အန္တရာယ်အရှိဆုံးမှာ အဆင့်မြင့်ဇွန်ဘီများ ဖြစ်သည်။ ဒရုန်းဖြစ်စေ၊ စက်ရုပ်ဖြစ်စေ အဆင့်မြင့်ဇွန်ဘီများကို ယှဉ်ပြိုင်နိုင်စွမ်း မရှိပေ။ ထို့ကြောင့် ၎င်းတို့ ဤမျှ လွယ်လွယ်ကူကူ ရှေ့တိုးလာနိုင်ခြင်းမှာ စစ်မှန်သော တိုက်ခိုက်ရေးစွမ်းရည်ကြောင့်သာ ဖြစ်ပေလိမ့်မည်။</p> <p>​ရန်ကျန့်ရှန်းသည် သက်ပြင်းတစ်ချက် ချလိုက်မိသည်။ လင်းရှင်းဟိုင်သည် ကြေးစားအဖွဲ့များအပေါ် ထားရှိသော သူ၏ အမြင်ဟောင်းများကို လုံးဝ ပြောင်းလဲပစ်လိုက်ပြီ ဖြစ်သည်။</p> <p>​ထိုစဉ် ပထမတပ်မသည် နောက်ဆုံး လမ်းကွေ့သို့ ရောက်ရှိလာသည်။ တစ်ချိန်တည်းမှာပင် ကင်းစခန်းဘက်မှ လက်ပစ်ဗုံးများ အဆက်မပြတ် ပစ်လွှတ်လိုက်သည်။</p> <p>“​ဝုန်း ဝုန်း ဝုန်း”</p> <p>​နောက်ဆုံးလမ်းပေါ်ရှိ ဇွန်ဘီများမှာ ခဏချင်းအတွင်း ရှင်းလင်းသွားတော့သည်။</p> <p>​လင်းရှင်းဟိုင်သည် ဤမြင်ကွင်းကို မြင်သောအခါ ပြုံးလိုက်မိသည်။ တစ်ဖက်လူမှာ ခဲယမ်းများကို ဖြုန်းတီးရာ ရောက်နေသော်လည်း ဤသို့လုပ်ဆောင်ခြင်းမှာ ၎င်းတို့အပေါ် ထားရှိသော လေးစားမှုကို ဖော်ပြခြင်းပင် ဖြစ်သည်။</p> <p>​“အရှိန်မြှင့် ရှေ့တိုးကြစမ်း။” လင်းရှင်းဟိုင်က ဆက်သွယ်ရေးလိုင်းမှတစ်ဆင့် အမိန့်ပေးလိုက်သည်။</p> <p>​တစ်ချိန်တည်းမှာပင် သူ၏ အကြည့်မှာ ကင်းစခန်း၏ အခြားတစ်ဖက်ဆီသို့ ရောက်သွားသည်။ ထိုနေရာရှိ ဇွန်ဘီလှိုင်းအတွင်း၌ နီရဲနေသော အဆင့်မြင့်ဇွန်ဘီများနှင့် သွေးပိုးကောင် များစွာ ရောနှောနေသည်။</p> <p>​ထိုအဆင့်မြင့်ဇွန်ဘီများကို လင်းရှင်းဟိုင်က သိပ်ပြီး ဂရုမစိုက်သော်လည်း ဇွန်ဘီလှိုင်းအတွင်း၌ ပျံ့နှံ့နေသော သွေးပိုးကောင် များမှာမူ လူကို အမှန်တကယ်ပင် သတိမထားမိဘဲ ဒုက္ခပေးနိုင်သည့်အရာများ ဖြစ်သည်။ အကယ်၍ မီးလျှံကျည်  သို့မဟုတ် လက်အမြောက် ကဲ့သို့သော ဧရိယာအနှံ့ တိုက်ခိုက်နိုင်သည့် လက်နက်များဖြင့် မဟန့်တားနိုင်ဘဲ စက်ရုပ်စစ်သည်၏ အပြင်ဘက် သံချပ်ကာကိုပင် အလွယ်တကူ ကိုက်ဖြတ်နိုင်သော ထို သွေးပိုးကောင် များ အနားသို့ ကပ်လာပါက တပ်ဖွဲ့တစ်ခုလုံး လွယ်လွယ်ကူကူ ပျက်သုဉ်းသွားနိုင်သည်။</p> <p>​သို့သော် ထို သွေးပိုးကောင် များမှာလည်း ပါးနပ်လာပုံရသည်။ ၎င်းတို့သည် တစ်စုတစ်စည်းတည်း မနေတော့ဘဲ ဇွန်ဘီလှိုင်းအတွင်း၌ ပျံ့နှံ့နေသဖြင့် ၎င်းတို့ကို လုံးဝ အမြစ်ပြတ်အောင် ရှင်းလင်းရန်မှာ အလွန်ခက်ခဲလှသည်။</p> <p>​“တကယ်ကို စိတ်ရှုပ်စရာပဲ.. ဒါကို ဖြေရှင်းဖို့ဆိုရင်တော့ အရင်းအမြစ်ကိုပဲ သွားတိုက်ရတော့မှာပေါ့” ဟု လင်းရှင်းဟိုင်က နားထင်ကို ပွတ်ရင်း တွေးလိုက်သည်။ တစ်ဖက်တွင် စိတ်ပျက်မိသလို အခြားတစ်ဖက်တွင်လည်း သူ၏ အာရုံခံနိုင်စွမ်းမှာ ပထမဆုံးအကြိမ်အဖြစ် အလွန်အကျွံ သုံးစွဲမိသွားသောကြောင့် ဖြစ်သည်။</p> <p>​မတတ်နိုင်ပေ၊ ဇွန်ဘီလှိုင်း၏ အလယ်ဗဟိုသို့ ဝင်ရောက်လာပြီးနောက် သူသည် အကြိမ်ပေါင်းများစွာ ကိုယ်တိုင် ပါဝင်တိုက်ခိုက်ခဲ့ရသည်။ အထူးသဖြင့် နောက်ဆုံးလမ်းပိုင်းတွင် ၎င်းတို့၏ လှုပ်ရှားမှုများကြောင့် ဗီဇပြောင်းဇွန်ဘီများ၏ အာရုံစိုက်မှုကို ခံခဲ့ရသဖြင့် တိုက်ခိုက်လာသော အဆင့်မြင့်ဇွန်ဘီ အရေအတွက်မှာလည်း ရုတ်တရက် တိုးလာခဲ့ရာ လင်းရှင်းဟိုင်ကိုယ်တိုင် အကြိမ်ကြိမ် လက်စွမ်းပြခဲ့ရသည်။ ထို့အပြင် သူ၏ အာရုံခံနိုင်စွမ်းကိုလည်း စစ်မြေပြင်အနှံ့ စူးစမ်းရန် အသုံးပြုခဲ့ရသဖြင့် လမ်းတစ်လျှောက်လုံးတွင် သူ၏ အာရုံခံနိုင်စွမ်းမှာ ထက်ဝက်နီးပါး ကုန်ခမ်းသွားခဲ့ပြီ ဖြစ်သည်။</p> <p>​တွေးတောနေစဉ်အတွင်း ယာဉ်တန်းမှာ ၃၂ နံပါတ် ကင်းစခန်း၏ အတိုင်းအတာအတွင်းသို့ လျင်မြန်စွာ ဝင်ရောက်လာသည်။ ယခုအခါ လမ်းပိတ်ဆို့မှုများကို ဖယ်ရှားပေးထားသဖြင့် ယာဉ်တန်းမှာ ကင်းစခန်း၏ ခံစစ်စည်းအတွင်းသို့ လျင်မြန်စွာ ဝင်ရောက်သွားတော့သည်။</p> <p>​ထိုစဉ် ကင်းစခန်းအတွင်းမှ အရာရှိတစ်ဦးသည် ဝေယံစစ်သည် နှစ်ဦးနှင့်အတူ ၎င်းတို့ထံသို့ အပြေးအလွှား လာနေသည်ကို တွေ့လိုက်ရသည်။ “ကြေးစားအဖွဲ့က ညီအစ်ကိုတို့... ကျွန်တော်က ဒီကင်းစခန်းရဲ့ တာဝန်ခံ ရန်ကျန့်ရှန်း ဖြစ်ပါတယ်။ ခင်ဗျားတို့ရဲ့ ကူညီမှုကို အထူးပဲ ကျေးဇူးတင်ပါတယ်ခင်ဗျာ။”</p> <p>​“ဒုဗိုလ်မှူးကြီး ရန်.. အားနာစရာ မလိုပါဘူး၊ ဒါက ကျွန်တော်တို့ လုပ်သင့်လုပ်ထိုက်တဲ့ ကိစ္စပါပဲ” ဟု လင်းရှင်းဟိုင်က ကားပေါ်မှ ခုန်ဆင်းကာ တစ်ဖက်လူ၏ ပုခုံးပေါ်မှ တံဆိပ်ကို ကြည့်ရင်း ပြုံး၍ ပြောလိုက်သည်။</p> <p>​“ခင်ဗျားက နာမည်ကျော် သေနတ်နတ်ဘုရား ရဲဘော် လင်းရှင်းဟိုင် ဖြစ်မှာပေါ့နော် စကားကို တိုတိုပဲ ပြောပါရစေ.. ခင်ဗျားတို့အနေနဲ့ ဇွန်ဘီလှိုင်းကို ခေတ္တမျှ ခုခံထားပေးဖို့ ကျွန်တော် မျှော်လင့်ပါတယ်။ ကျွန်တော်တို့ဘက်က ရိုးရှင်းတဲ့ ခံစစ်စနစ်တစ်ခု တည်ဆောက်ဖို့ အချိန်ရအောင်ပါ” ဟု ရန်ကျန့်ရှန်းက တိုက်ရိုက်ပင် အကူအညီ တောင်းလိုက်သည်။</p> <p>​“ရပါတယ်.. ဘယ်လောက်ကြာမလဲ” ဟု လင်းရှင်းဟိုင်က မေးသည်။</p> <p>​“အနည်းဆုံး ၁၀ မိနစ်ပါ.. အဓိကကတော့ အလိုအလျောက် ပစ်ခတ်ရေးစနစ်ကို ပြန်လည် တည်ဆောက်ဖို့ပါပဲ။ အဲဒါသာ ပြီးသွားရင် သွေးပိုးကောင် တွေရဲ့ ခြိမ်းခြောက်မှုက အနည်းဆုံး ခုနစ်ဆယ်ရာခိုင်နှုန်းလောက် လျော့သွားပါလိမ့်မယ်။ ဟုတ်ပါတယ်၊ အချိန်ပိုရလေ ပိုကောင်းလေပါပဲ.. အကယ်၍ ခံစစ်စနစ်တစ်ခုလုံးကို တည်ဆောက်နိုင်ခဲ့ရင်တော့ ဒီဇွန်ဘီလှိုင်းရဲ့ တိုက်ခိုက်မှုကို ကျွန်တော်တို့ အပြည့်အဝ တောင့်ခံနိုင်ပါလိမ့်မယ်” ဟု ရန်ကျန့်ရှန်းက ရှင်းပြသည်။</p> <p>​“ကောင်းပြီ၊ ပြဿနာမရှိဘူး။ ကျွန်တော်တို့ ပထမတပ်မမှာ လူအင်အားများတယ်.. လိုအပ်ရင် ခင်ဗျားတို့ လူတချို့ ခေါ်သုံးလို့ရပါတယ်” ဟု လင်းရှင်းဟိုင်က မဆိုင်းမတွဘဲ ကတိပေးလိုက်သည်။</p> <p>​ရန်ကျန့်ရှန်းသည် လင်းရှင်းဟိုင်၏ အေးဆေးတည်ငြိမ်နေသော ပုံစံကို ကြည့်ပြီး မျက်နှာတွင် အံ့သြရိပ် အနည်းငယ် ထွက်ပေါ်လာသည်။ သူသည် လင်းရှင်းဟိုင်၏ လက်စွမ်းကို ကိုယ်တိုင် မမြင်ဖူးသေးသလို ယခုအချိန်တွင် ကင်းစခန်းကို တိုက်ခိုက်နေသည်မှာ ရူးသွပ်နေသော အဆင့်မြင့်ဇွန်ဘီ အမြောက်အမြား ဖြစ်နေသောကြောင့် ဖြစ်သည်။</p> <p>​ထိုကဲ့သို့ ရူးသွပ်နေသော အဆင့်မြင့်ဇွန်ဘီများ၏ ကြံ့ခိုင်မှုမှာ သွေးစွမ်းအင်အဆင့် နီးပါး ရှိနေပြီဖြစ်ရာ ၎င်းတို့ကို တစ်ပိုင်းတစ်စ သွေးစွမ်းအင်အဆင့် ဟုပင် ခေါ်ဆိုနိုင်ပေသည်။ ၎င်းတို့သည် သွေးစွမ်းအင် ကို အသုံးမပြုနိုင်သော်လည်း မြင့်တက်လာသော စွမ်းဆောင်ရည်များကြောင့် လက်ပစ်ဗုံးများဖြင့်ပင် ရင်ဆိုင်ရန် မလွယ်ကူလှပေ။ ကြေးစားအဖွဲ့များ သယ်ဆောင်လာသော လက်အမြောက် များမှာမူ ထည့်တွက်စရာပင် မလိုတော့ချေ။</p> <p>​သို့သော် ရန်ကျန့်ရှန်းသည် တစ်ဖက်လူ၏ နာမည်ကျော်ကြားမှုကို သတိရလိုက်သဖြင့် မည်သည့် စကားမျှ ပြန်မပြောတော့ဘဲ ခေါင်းညိတ်ကာ လေးစားစွာဖြင့် ဆိုလိုက်သည်။ “ဒါဆိုရင်တော့ ခင်ဗျားကိုပဲ အားကိုးရတော့မှာပါဗျာ။”</p> <p>***</p> <p> </p>


Save