Book List

<h2 style="text-align: center;">​အခန်း (၂၅၀)</h2> <h2 style="text-align: center;">ရိုးရှင်းပြတ်သားသော နည်းလမ်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>​ခံစစ်ကြောင်း တည်ငြိမ်သွားသည်နှင့်အမျှ အရာအားလုံးမှာ ပုံမှန်အတိုင်း လည်ပတ်လာတော့သည်။</p> <p>​ပထမတပ်မတွင် လူအင်အား တောင့်တင်းလှသဖြင့် ခံစစ်စနစ်၏ အရေးပါသော နေရာတိုင်း၌ အနည်းဆုံး လူ ၁၀ ဦးပါ အဖွဲ့ငယ်တစ်ဖွဲ့၊ စက်ရုပ်စစ်သည် အနည်းငယ်နှင့် တိုက်ခိုက်ရေးဒရုန်း ၁၀ စင်းကျော်စီ ရှိနေကြသည်။</p> <p>​ဤကဲ့သို့သော အင်အားမှာ အလွန်ပင် ခမ်းနားလှသည်။ ထိုကြေးစားများသည် အခြားကိစ္စများတွင် မကျွမ်းကျင်သော်လည်း ဇွန်ဘီများကို ရင်ဆိုင်ရာတွင်မူ ၎င်းတို့၏ ကျွမ်းကျင်မှုမှာ စစ်သည်များထက်ပင် မနိမ့်ပါးချေ။ မမျှော်လင့်ထားသော အခြေအနေမျိုး မပေါ်ပေါက်သရွေ့ မည်သည့်ပြဿနာမျှ ရှိလာလိမ့်မည် မဟုတ်ပေ။</p> <p>​ရန်ကျန့်ရှန်းသည်လည်း လင်းရှင်းဟိုင် ထုတ်ပေးလိုက်သော လူအင်အားကို စနစ်တကျ ခွဲဝေလိုက်ရာ ယခုအခါ စစ်သည်တစ်ဦးလျှင် ကြေးစား ၁၀ ဦးခန့်က ဝိုင်းဝန်းကူညီပေးနေသဖြင့် ခံစစ်စနစ် တည်ဆောက်ရေးမှာ အလွန်ပင် လျင်မြန်နေတော့သည်။</p> <p>​ရန်ကျန့်ရှန်း တွက်ချက်ကြည့်ရသလောက်ဆိုလျှင် ၁၀ မိနစ်ပင် မပြည့်ခင် ခံစစ်စနစ်ကို အကြမ်းဖျင်း တည်ဆောက်နိုင်မည် ဖြစ်ပြီး လူအင်အား ပြည့်စုံသဖြင့် ကင်းစခန်း၏ ကျန်ရှိသော အစိတ်အပိုင်းများကိုပါ တည်ဆောက်မည်ဆိုလျှင် မိနစ် ၃၀ ထက် ပိုကြာမည် မဟုတ်ပေ။ ဤသည်မှာ ဇွန်ဘီလှိုင်း၏ တိုက်ခိုက်မှုကို ခံနေရသည့် အခြေအနေမျိုးတွင် ဖြစ်ပြီး ပုံမှန်ဆိုလျှင် ဤထက်ပင် ပိုမိုမြန်ဆန်ဦးမည် ဖြစ်သည်။</p> <p>​လျိုမြောင်မြောင်ဘက်တွင်မူ ဒဏ်ရာပြင်းထန်သူ ၁၃ ဦးကို အရေးပေါ်ကုသပြီးနောက် စစ်တပ်မှ ဆေးတပ်ဖွဲ့နှင့် ပူးပေါင်းကာ အရေးပေါ် ကယ်ဆယ်ရေးစင်တာတစ်ခုကို တည်ထောင်လိုက်သည်။ ဤကယ်ဆယ်ရေးစင်တာတွင် လျိုမြောင်မြောင် ကိုယ်တိုင် ရှိနေသဖြင့် နေရာတင် သေဆုံးသွားခြင်းမျိုး မဟုတ်ပါက အသက်ရှင်ရန် အခွင့်အလမ်း အပြည့်အဝ ရှိနေတော့သည်။</p> <p>​ဤကဲ့သို့သော ဆေးကုသရေးစနစ် ရှိလာခြင်းကြောင့် ရှေ့တန်းတွင် တိုက်ပွဲဝင်နေကြသော ကြေးစားများမှာလည်း နောက်ဆံမအေးတော့ဘဲ ဇွန်ဘီများကို အားတက်သရော ရင်ဆိုင်နိုင်ကြတော့သည်။</p> <p>​သို့သော် အချို့သော ကိစ္စများကိုမူ သူကိုယ်တိုင် ကိုင်တွယ်ဖြေရှင်းရန် လိုအပ်သေးသည်။</p> <p>​“ရဲဘော် လင်းရှင်းဟိုင်... ဒုတိယလှိုင်းအဖြစ် သွေးပိုးကောင် တွေနဲ့ ရူးသွပ်နေတဲ့ အဆင့်မြင့်ဇွန်ဘီ တွေက အရှေ့ဘက်ကနေ မကြာခင် တိုက်ခိုက်လာတော့မှာပါ” ဟု သတင်းပို့စစ်သည်တစ်ဦးက လင်းရှင်းဟိုင်ထံ လာရောက် အစီရင်ခံသည်။</p> <p>​ဤသည်မှာ ရန်ကျန့်ရှန်းက တမင်စီစဉ်ထားခြင်း ဖြစ်သည်။ တစ်ဖက်တွင် လင်းရှင်းဟိုင်ကို အခြေအနေများ အချိန်မီ သိရှိစေရန်ဖြစ်ပြီး အခြားတစ်ဖက်တွင်မူ သတိပေးခြင်းလည်း ဖြစ်သည်။</p> <p>​ကင်းစခန်းတစ်ခုလုံး၏ ဘေးကင်းရေးကို လင်းရှင်းဟိုင်လက်ထဲ အပ်နှံထားရသဖြင့် သူ အနည်းငယ်မျှ စိုးရိမ်မိသည်မှာ အမှန်ပင်။ ကြေးစားအဖွဲ့များမှာ ခံစစ်စနစ် တည်ဆောက်ရေးပိုင်းတွင် နားမလည်ကြသဖြင့် သူ၏ စစ်သည်များကိုသာ ခိုင်းစေရပြီး လင်းရှင်းဟိုင်၏ ကျော်ကြားမှုကြောင့်သာ ဤကဲ့သို့ ဆုံးဖြတ်ခဲ့ခြင်း ဖြစ်သည်။</p> <p>​သို့သော် ရန်ကျန့်ရှန်းသည် အသင့်အနေအထားဖြင့် ပြင်ဆင်ထားပြီး အကယ်၍ လင်းရှင်းဟိုင်ဘက်မှ တစ်ခုခု မှားယွင်းသွားပါက သူ၏ စစ်သည်များမှာ စက္ကန့် ၂၀ အတွင်း သွားရောက် ကူညီနိုင်မည် ဖြစ်သည်။</p> <p>​သတင်းပို့စစ်သည်၏ စကားကို ကြားပြီးနောက် လင်းရှင်းဟိုင်က အေးဆေးစွာ ခေါင်းညိတ်လိုက်ပြီး “သိပြီ... ခဏနေရင် ပြေလည်သွားမှာပါ” ဟု ဆိုသည်။</p> <p>​လင်းရှင်းဟိုင်၏ ဂရုမစိုက်သလို ပုံစံကို မြင်သောအခါ စစ်သည်က မနေနိုင်ဘဲ သတိပေးလိုက်မိသည်။ “ရူးသွပ်နေတဲ့ အဆင့်မြင့်ဇွန်ဘီတွေက တော်တော်လေး သန်မာပါတယ်.. လက်အမြောက် တွေရဲ့ တုန်ခါမှုကိုတောင် အာခံပြီး ရှေ့တိုးလာနိုင်တာပါ”</p> <p>​“အင်း” ဟု လင်းရှင်းဟိုင်က ပြန်ဖြေသည်။</p> <p>​သတင်းပို့စစ်သည်မှာ စိတ်ပျက်သွားရသည်။ သူ ရှင်းပြတာ မရှင်းလင်း၍လား သို့မဟုတ် တစ်ဖက်လူက တကယ်ပဲ ရူးသွပ်နေသော ဇွန်ဘီများကို မကြောက်ဘဲ ယုံကြည်ချက် အပြည့်ရှိနေ၍လား မဝေခွဲနိုင်တော့ချေ။ ၎င်းတို့သည် ထိုဇွန်ဘီများကို ခုခံရန်အတွက် ငရဲဗုံး များစွာကိုပင် ထုတ်သုံးခဲ့ရသည် မဟုတ်ပါလော။</p> <p>​သူသည် စကားထပ်ပြောရန် ပြင်သော်လည်း နောက်ဆုံးတွင် ဘာမှမပြောတော့ဘဲ အလေးပြုကာ ထွက်ခွာသွားတော့သည်။ ရန်ကျန့်ရှန်းသည် သတင်းကို ရရှိသောအခါ မျက်မှောင်ကြုတ်လိုက်မိသည်။ “သိပြီ.. အမြောက်တပ်ဖွဲ့ကို ပြန်ခေါ်ထားလိုက်၊ ပြီးတော့ ငရဲဗုံး နှစ်လုံးကို အဆင်သင့်ပြင်ထား.. အရေးပေါ် အခြေအနေမျိုးအတွက်ပဲ”</p> <p>​သတင်းပို့စစ်သည်က အနည်းငယ် တွန့်ဆုတ်စွာဖြင့် “ဒါက ဖြုန်းတီးရာ မရောက်ဘူးလားခင်ဗျာ.. အကယ်၍ ကြေးစားအဖွဲ့တွေနဲ့ ကြိုတင်ညှိနှိုင်းပြီး လက်ပစ်ဗုံးတွေနဲ့သာ ပူးပေါင်းတိုက်ခိုက်ရင် တောင့်ခံနိုင်မှာပါ” ဟု ဆိုသည်။</p> <p>​“ငါက အဆင်သင့်ပြင်ထားဖို့ပဲ ပြောတာ.. သုံးမယ်လို့ မပြောသေးဘူး။ ပြီးတော့ သူ့ရဲ့ ဂုဏ်ထူးဆောင်တံဆိပ်က ဘယ်လိုရလာလဲဆိုတာ မမေ့နဲ့.. သူ ဒီလိုပြောတယ်ဆိုကတည်းက တစ်ခုခုတော့ ရှိမှာပဲ၊ သူ့ကို ယုံကြည်မှု ပေးရမယ်။ ဒါပေမဲ့ ကြိုတင်ပြင်ဆင်မှုတော့ ရှိရမှာပေါ့” ဟု ရန်ကျန့်ရှန်းက ရှင်းပြလိုက်သည်။</p> <p>​တစ်ချိန်တည်းမှာပင် လင်းရှင်းဟိုင်သည်လည်း အမိန့်များ ထုတ်ပြန်နေသည်။ ကောင်းကင်ဖြိုခွင်းခြင်း အဖွဲ့ဝင်များကို သူ၏ အနားသို့ လျင်မြန်စွာ စုဝေးစေလိုက်သည်။</p> <p>​ကြေးစားအဖွဲ့များကို တိုက်ပွဲဝင်ရန် စီစဉ်ပေးစဉ်က သူသည် ကောင်းကင်ဖြိုခွင်းခြင်း အဖွဲ့ဝင်များကို အသုံးမပြုခဲ့ဘဲ အခြားနေရာများသို့ ပို့ထားသော အဖွဲ့ဝင်များကိုပါ ပြန်လည် ခေါ်ယူလိုက်ခြင်း ဖြစ်သည်။ အစွမ်းထက်သော လက်နက်ကို အရေးကြီးဆုံးနေရာ၌သာ သုံးရမည်ဖြစ်ရာ ထိုရူးသွပ်နေသော ဇွန်ဘီများကို ရင်ဆိုင်ရန် ကောင်းကင်ဖြိုခွင်းခြင်း အဖွဲ့ဝင်များသာလျှင် အရည်အချင်း ပြည့်မီကြသည်။</p> <p>​အဖွဲ့ဝင်များ စုဝေးပြီးနောက် လင်းရှင်းဟိုင်သည် ၎င်းတို့ကို ဦးဆောင်ကာ ကင်းစခန်း၏ အရှေ့ဘက်ခြမ်းသို့ ရောက်ရှိလာသည်။ ထိုဘက်ခြမ်းရှိ ခံစစ်ကြောင်းမှာ အခြားနေရာများထက် တိုက်ခိုက်မှု ပိုမိုပြင်းထန်နေသည်။</p> <p>​ထိုနေရာရှိ ကြေးစားများမှာလည်း အနည်းငယ် စိုးရိမ်နေကြသည်။ အကြောင်းမှာ အဝေးမှ ဇွန်ဘီလှိုင်းအတွင်း၌ တစ်ကိုယ်လုံး နီရဲနေသော ဇွန်ဘီများကို မြင်တွေ့နေရသောကြောင့် ဖြစ်သည်။ ထိုဇွန်ဘီများသည် ရူးသွပ်နေသောအခြေအနေ၌ ရှိနေကြပြီး အလွန်ပင် ထင်ရှားသလို ထူးဆန်းလှသည်။</p> <p>​၎င်းတို့မှာ သိသာထင်ရှားလှသော်လည်း ထိခိုက်အောင် လုပ်ရန်မူ အလွန်ခက်ခဲလှသည်။ အကြောင်းမှာ ၎င်းတို့၏ အရှိန်မှာ အလွန်ပင် မြန်ဆန်လှသဖြင့် သေနတ်ဖြင့် ပစ်မှတ်ထားရန်ပင် မလွယ်ကူသောကြောင့် ဖြစ်သည်။</p> <p>​“ခင်ဗျားတို့က ရှေ့တိုးလာတဲ့ သာမန်ဇွန်ဘီတွေကိုပဲ ဂရုစိုက်ပါ.. ဒီရူးသွပ်နေတဲ့ ဇွန်ဘီတွေကိုတော့ ကောင်းကင်ဖြိုခွင်းခြင်း အဖွဲ့ကပဲ ကိုင်တွယ်ဖြေရှင်းပါလိမ့်မယ်” ဟု လင်းရှင်းဟိုင်၏ အသံမှာ စစ်မြေပြင်တစ်ခုလုံးသို့ ပျံ့နှံ့သွားသည်။</p> <p>​ထိုအခါမှ ကြေးစားများမှာ စိတ်သက်သာရာ ရသွားကြတော့သည်။ ခံစစ်တည်ဆောက်နေသော စစ်သည်များမှာလည်း လင်းရှင်းဟိုင် မည်သို့ ကိုင်တွယ်မည်ကို သိချင်စိတ်ဖြင့် ခဏခဏ လှမ်းကြည့်နေကြသည်။ ထိုရူးသွပ်နေသော ဇွန်ဘီများကြောင့် ၎င်းတို့ ယခင်က အတော်ပင် ဒုက္ခရောက်ခဲ့ရသည် မဟုတ်ပါလော။</p> <p>​လင်းရှင်းဟိုင်၏ ဖြေရှင်းပုံမှာ အလွန်ပင် ရိုးရှင်းလှသည်။ သူသည် အမိန့်တစ်ခုသာ ပေးလိုက်သည် - “အဖွဲ့ဝင်အားလုံး... သံချပ်ဖောက်ကျည် တွေကို ပြောင်းသုံးပြီး စိတ်ကြိုက် ပစ်ခတ်ကြစမ်း။”</p> <p>​ကြေးစားများမှာ ထိုအမိန့်ကို သာမန်ဟု ထင်မြင်ကြသော်လည်း ဘေးမှ စစ်သည်များမှာမူ မှင်တက်သွားကြသည်။ သံချပ်ဖောက်ကျည်ဖြင့် စိတ်ကြိုက်ပစ်ခတ်မည်ဟု ဆိုခြင်းမှာ ဘာကို ဆိုလိုခြင်းနည်း။ ထိုရူးသွပ်နေသော ဇွန်ဘီများမှာ ဤမျှလွယ်လွယ်ကူကူ ရင်ဆိုင်၍ရပါက ၎င်းတို့အနေဖြင့် ‘ငရဲဗုံး’ ကဲ့သို့သော လက်နက်များကို အသုံးချနေမည် မဟုတ်ပေ။</p> <p>​မနီးမဝေးတွင်ရှိသော ရန်ကျန့်ရှန်းမှာလည်း ဤအခြေအနေကို စောင့်ကြည့်နေရာမှ မှင်တက်သွားရသည်။ လင်းရှင်းဟိုင်တွင် တစ်ခုခု ထူးခြားသော နည်းလမ်းရှိမည်ဟု သူ ထင်မှတ်ခဲ့သော်လည်း ယခုကဲ့သို့ ရိုးရှင်းလွန်းလိမ့်မည်ဟု မမျှော်လင့်ထားခဲ့ပေ။</p> <p>​သူ၏ ခန့်မှန်းချက်အရဆိုလျှင် တစ်တပ်လုံးကို လက်အမြောက် များဖြင့် ပစ်ခတ်ခိုင်းကာ ထိုဇွန်ဘီများ၏ အရှိန်ကို ဟန့်တားပြီးမှ စက်ရုပ်စစ်သည် အစင်း ၂၀ ခန့်ဖြင့် ထွက်တိုက်လျှင် အောင်မြင်နိုင်ခြေ ရှိသည်။ သို့သော် ယခုမူ သံချပ်ဖောက်ကျည် ပြောင်းသုံးခိုင်းရုံမျှဖြင့် မည်သို့ ဖြစ်နိုင်မည်နည်း။</p> <p>​ရန်ကျန့်ရှန်းမှာ မနေနိုင်တော့ဘဲ သူ၏ လက်ထောက်ကို ကွပ်ကဲမှု လွှဲပြောင်းပေးကာ ဤနေရာသို့ အပြေးအလွှား လာခဲ့တော့သည်။ တစ်ချိန်တည်းမှာပင် အမြောက်တပ်ဖွဲ့ကို ငရဲဗုံး များဖြင့် ပစ်မှတ်ထားကာ တိုက်ခိုက်ရန် အသင့်ပြင်ထားဖို့ ဆက်သွယ်ရေးလိုင်းမှတစ်ဆင့် အမိန့်ပေးလိုက်သည်။</p> <p>​မည်သို့ပင်ဖြစ်စေ ဤတိုက်ခိုက်မှုလှိုင်းကိုတော့ တောင့်ခံနိုင်ရန် သူ ကြိုးစားရပေလိမ့်မည်။</p> <p>***</p> <p> </p>


Save