Book List

<h2 style="text-align: center;">အပိုင်း (၃၈၂)</h2> <h2 style="text-align: center;">*</h2> <p> </p> <p> </p> <p> ​"စုန့်ယွီဖေး" မဟာရှနိုင်ငံသားများက ထိုအမျိုးသမီးကို မှတ်မိကြသည်။</p> <p> </p> <p>​ သူမသည် တာအိုဂိုဏ်း၏ တာအိုသမီးတော်ဖြစ်ပြီး မျိုးဆက်သစ် လူငယ်များကြားတွင် ခေါင်းဆောင်တစ်ဦး ဖြစ်ရုံသာမက တစ်ချိန်က မဟာရှနိုင်ငံသားတစ်ဦးလည်း ဖြစ်ခဲ့ဖူးသည်။ သို့သော်လည်း ဂိုဏ်းဂဏ ကွဲပြားမှုများကြောင့် နောက်ပိုင်းတွင် မဟာလော့၏ ရင်ခွင်ထဲသို့ ခိုဝင်သွားခဲ့သူ ဖြစ်သည်။ ယခုအခါတွင်မူ သူတို့သည် ထိပ်တိုက်ရင်ဆိုင်နေကြရပြီဖြစ်သည်။</p> <p> </p> <p>​ "နင်တစ်ယောက်တည်းနဲ့ ငါတို့လမ်းကို ပိတ်နိုင်မယ်လို့ ထင်နေတာလား" ချိုင်ယွီရှင်းက သူမ၏ နတ်ဘုရားလှံကို ဝှေ့ယမ်းကာ ကျယ်လောင်စွာ စိန်ခေါ်လိုက်သည်။</p> <p> </p> <p>​ စုန့်ယွီဖေးက ခေါင်းခါလိုက်ပြီး - "ကျွန်မတစ်ယောက်တည်းနဲ့တော့ မဖြစ်နိုင်ပါဘူး။ ဒါပေမဲ့ ကျွန်မနဲ့အတူ တာအိုဂိုဏ်းက လေးစားအပ်တဲ့ အကြီးအကဲတွေ ပါလာတယ်၊ သူတို့ကတော့ ရှင်တို့ကို တားဆီးဖို့ လုံလောက်ပါလိမ့်မယ်"</p> <p> </p> <p>​ ထိုအချိန်တွင် တာအိုဝတ်စုံ ဝတ်ဆင်ထားသော တာအိုသိုင်းပညာရှင် အယောက် ၃၀ ခန့်သည် စစ်တပ်အတွင်းမှ ရှေ့သို့ တက်လာကြသည်။ ကြောက်မက်ဖွယ်ကောင်းသော စွမ်းအင်များမှာ ဒီရေလှိုင်းကဲ့သို့ လွှမ်းမိုးလာပြီး မဟာရှစစ်သည် ငါးသိန်းခန့်ကို တုန်လှုပ်ခြောက်ခြားသွားစေကာ မျက်နှာများမှာလည်း ဖြူဖျော့သွားကြသည်။</p> <p> </p> <p>​ ချိုင်ယွီရှင်း၊ အရက်ဓားအင်မော်တယ်နှင့် အခြားသော ချီဖွဲ့တည်ခြင်းအဆင့် သိုင်းပညာရှင်များပင် မျက်နှာပျက်သွားကြသည်။ ထိုသူ ၃၀ လုံးမှာ ချီဖွဲ့တည်ခြင်းအဆင့်များ ဖြစ်ကြပြီး အနည်းဆုံး ကြယ်တာရာချီအဆင့် နှင့် အထက်ရှိသူများ ဖြစ်ကြသည်။ ထိုထဲမှ ၁၀ ဦးမှာ အင်ပါယာချီအဆင့်၏ အထွတ်အထိပ်သို့ ရောက်ရှိနေသူများ ဖြစ်သဖြင့် ချီဖွဲ့တည်ခြင်းအဆင့်များကြားတွင် အင်အားကြီးသူများ ဖြစ်ကြသည်။</p> <p> </p> <p>​ ယခင်တိုက်ပွဲတွင် တာအိုဂိုဏ်းမှ အင်ပါယာချီအဆင့် ၁၀ ဦးမှာ ဒဏ်ရာရရှိကာ ပြန်ဆုတ်သွားခဲ့ရပြီး ဖြစ်သည်။ ယခုအခါတွင်မူ နောက်ထပ် အင်ပါယာချီအဆင့် ၁၀ ဦးနှင့် ကြယ်တာရာချီအဆင့် ကျွမ်းကျင်သူ ၂၀ ကို ထပ်မံစေလွှတ်လိုက်ခြင်းဖြစ်ရာ တာအိုဂိုဏ်း၏ အင်အားမှာ အမှန်တကယ်ပင် ကြောက်ခမန်းလိလိ ဖြစ်နေတော့သည်။</p> <p> </p> <p>​ "ဒါတောင်မှ နင်တို့ ငါတို့ကို တားနိုင်မှာ မဟုတ်သေးဘူး” ချိုင်ယွီရှင်းက ခေါင်းမာစွာ ပြောလိုက်သည်။ သူတို့လက်ထဲတွင် ရွှမ်ရှောင်ဓား ရှိနေသဖြင့် ဓားအဖိုးအို၏ အစွမ်းကို ငှားရမ်းကာ တိုက်ခိုက်နိုင်သောကြောင့် ကောင်းကင်အဆင့်အောက် မည်သူ့ကိုမျှ မကြောက်ပေ။</p> <p> </p> <p>​ "ငါတို့ တာအိုအဖိုးအို နှစ်ယောက်ကိုပါ ပေါင်းလိုက်ရင်ကော ဘယ်လိုလဲ"</p> <p> </p> <p>​ လူမရောက်ခင် အသံက အရင်ရောက်လာသည်။ အားလုံးက အသံလာရာဘက်သို့ ကြည့်လိုက်ရာ ရုပ်ရည်ပိန်ပါးနေသော တာအိုအဖိုးအို နှစ်ဦးသည် လေကိုစီးကာ ရောက်ရှိလာသည်ကို မြင်လိုက်ရသည်။ မျက်တောင်တစ်ခတ်အတွင်းမှာပင် သူတို့သည် နတ်ဘုရားများကဲ့သို့ လေထဲတွင် ဝဲပျံကာ ရောက်ရှိလာကြသည်။</p> <p> </p> <p>​ စုန့်ယွီဖေးက မိတ်ဆက်ပေးလိုက်သည် - "ဒါကတော့ ကျွန်မတို့ တာအိုဂိုဏ်းက ကောင်းကင်အဆင့် သိုင်းပညာရှင် နှစ်ယောက်ဖြစ်တဲ့ ကုန်းတုန်နဲ့ ကုန်းမင် တို့ပဲ ဖြစ်တယ်"</p> <p> </p> <p>​ "အားလုံးပဲ မင်္ဂလာပါ" တာအိုကောင်းကင်အဆင့် နှစ်ဦးက တစ်ပြိုင်တည်း နှုတ်ဆက်လိုက်ကြသည်။</p> <p> </p> <p>​  ကောင်းကင်အဆင့်…</p> <p> </p> <p> တာအိုဂိုဏ်းက ကောင်းကင်အဆင့် နှစ်ယောက်တောင်မှ စေလွှတ်လိုက်တာလား။ ဒါကတော့ တကယ်ကို ခက်ခဲသွားပြီ။ ချိုင်ယွီရှင်းနှင့် အခြားသူများ၏ မျက်နှာများမှာ ညှိုးငယ်သွားကြသည်။ သူတို့သည် ကောင်းကင်အဆင့်အောက်တွင် မည်သူ့ကိုမဆို ရင်ဆိုင်နိုင်သော်လည်း တကယ့် ကောင်းကင်အဆင့်များနှင့် တွေ့သောအခါတွင်မူ ဘာမှမတတ်နိုင်ကြတော့ပေ။ ယခုမူ ကောင်းကင်အဆင့် နှစ်ဦးတောင် ရှိနေသဖြင့် အခြေအနေမှာ ပို၍ ဆိုးရွားသွားသည်။</p> <p> </p> <p>​ ထိုစဉ် တာအိုဂိုဏ်း၏ ေကာင်းကင်အဆင့်တစ်ဦးက ကျယ်လောင်စွာ ဟစ်အော်လိုက်သည် - "ဓားအဖိုးအို... ရောက်နေပြီဆိုမှတော့ ဘာလို့ ပုန်းနေတာလဲ၊ ထွက်လာခဲ့စမ်းပါ"</p> <p> </p> <p>​ ဓားအဖိုးအိုမှာလည်း မဟာရှစစ်တပ်ရှေ့သို့ ဆင်းသက်လာကာ ထိုကောင်းကင်အဆင့် နှစ်ဦးကို သတိကြီးစွာဖြင့် ကြည့်ရင်း - "တာအိုမိတ်ဆွေ နှစ်ယောက်လုံးကို နှုတ်ဆက်ပါတယ်။ သင်တို့က တာအိုဂိုဏ်းရဲ့ စီနီယာတွေပဲ၊ ဘာလို့ တောင်ပေါ်မှာ တရားမကျင့်ဘဲ ဒီလို လောကီရေးရာ စစ်ပွဲတွေထဲ ပါဝင်ပတ်သက်နေရတာလဲ။ နှစ်ပေါင်းများစွာ တရားကျင့်ကြံပြီးမှ ဘာတွေများ ရခဲ့လို့လဲ"</p> <p> </p> <p>​ ကုန်းတုန် တာအိုဆရာကြီးက သက်ပြင်းချကာ - "တကယ်တော့ ငါတို့လည်း မလာချင်ပါဘူး။ ဒါပေမဲ့ မဟာလော့ဧကရာဇ်က ကောင်းကင်ဘုံက ရွေးချယ်ထားတဲ့ မင်းကောင်းမင်းမြတ် ဖြစ်နေတယ်။ သူ ဒုက္ခရောက်နေတာဆိုတော့ ငါတို့လည်း တရားရိပ်ကနေ ထွက်လာပြီး ကူညီရတော့တာပေါ့"</p> <p> </p> <p>​ ကုန်းမင် တာအိုဆရာကြီးကလည်း - "မိတ်ဆွေ... ငါတို့ကြောင့် တစ်စုံတစ်ရာ ထိခိုက်မှုရှိရင်လည်း ခွင့်လွှတ်ပေးပါဦး"</p> <p> </p> <p>​ "ခင်ဗျားတို့မှာ အစွမ်းရှိမရှိ ကြည့်ရသေးတာပေါ့" ဓားအဖိုးအိုက လက်ယမ်းလိုက်ရာ ရွှမ်ရှောင်နတ်ဘုရားဓားသည် သူ၏ ကျောပြင်မှ ပျံထွက်လာပြီး လက်ထဲသို့ ရောက်ရှိလာသည်။</p> <p> </p> <p>​ "ဓားအဖိုးအို... မင်းရဲ့ဓားက ကောင်းပါတယ်၊ ဒါပေမဲ့ ငါတို့ တာအိုဂိုဏ်းမှာလည်း ရတနာတွေ ရှိပါသေးတယ်" တာအိုဆရာကြီး နှစ်ဦးမှာ သူတို့၏ ကျောပြင်မှ ဓားတစ်လက်စီကို ဆွဲထုတ်လိုက်ကြသည်။ ကုန်းတုန် တာအိုဆရာကြီးက ပြုံးရင်း - "ဒါကတော့ ငါတို့ တာအိုဂိုဏ်းရဲ့ ဇီချင်းအမြွှာဓားပဲ။ ဓားစွမ်းအင်မှာ မင်းရဲ့ ရွှမ်ရှောင်နတ်ဓားကို အနည်းငယ် မမီပေမဲ့ ဒီလောကရဲ့ ထိပ်တန်း နတ်ဘုရားလက်နက်တွေလို့တော့ ခေါ်နိုင်ပါသေးတယ်"</p> <p> </p> <p>​ ကုန်းမင် တာအိုဆရာကြီးက သူ၏ဓားကို အသာအယာ ဝှေ့ယမ်းလိုက်သည်။</p> <p> </p> <p> "ဝုန်း"</p> <p> </p> <p>  ပေ ၃၀၀ ခန့် အကွာရှိ တောင်ငယ်လေးတစ်ခုမှာ ချက်ချင်းပင် ပြိုကျပျက်စီးသွားတော့သည်။ တစ်ချိန်တည်းမှာပင် ရွှမ်ရှောင်နတ်ဘုရားဓားမှာလည်း ပြိုင်ဘက်ကောင်းနှင့် တွေ့သဖြင့် တုန်ခါကာ မြည်ဟီးလာသည်။</p> <p> </p> <p>​ မဟာရှပြည်သူများ၏ မျက်နှာမှာ နောက်တစ်ကြိမ် နက်မှောင်သွားပြန်သည်။ ကောင်းကင်အဆင့် နှစ်ဦး၊ နတ်ဘုရားဓား နှစ်လက်၊ ထို့အပြင် ချီဖွဲ့တည်ခြင်းအဆင့် သိုင်းပညာရှင် အရေအတွက်မှာလည်း မဟာရှထက် သာလွန်နေသည်။ တာအိုဂိုဏ်းသည် မဟာရှကို ကဏ္ဍတိုင်းတွင် လုံးဝ ဖိနှိပ်ထားသည်ဟု ဆိုနိုင်သည်။</p> <p> </p> <p>​ ဓားအဖိုးအို၏ မျက်နှာမှာ အလွန်ပင် တည်ကြည်နေပြီး - "တာအိုဂိုဏ်းဆိုတဲ့အတိုင်း တကယ့်ကို အထင်ကြီးစရာပါပဲ။ ဒါဆိုရင်တော့ ခင်ဗျားတို့ရဲ့ အစွမ်းအစတွေကို ကျုပ် မြည်းစမ်းကြည့်ရတာပေါ့" သူသည် မဟာရှသိုင်းပညာရှင်များထံသို့ တိုးတိုးလေး အသံလွှင့်ကာ မှာကြားလိုက်သည် - "ငါ သူတို့ကို ထိန်းထားမယ်၊ မင်းတို့ စစ်တပ်ကို မြန်မြန် ဦးဆောင်ပြီး ဆုတ်ခွာကြတော့"</p> <p> </p> <p>​ မဟာရှမှ သိုင်းပညာရှင်များက ခေါင်းညိတ်လိုက်ကြသည်။ သူတို့ ရှိနေခြင်းက ဓားအဖိုးအိုအတွက် အနှောင့်အယှက်သာ ဖြစ်မည်ကို သိကြသည်။ သူတို့ ထွက်သွားမှသာ ဓားအဖိုးအိုအနေဖြင့် စိတ်အေးလက်အေး တိုက်ခိုက်နိုင်မည် ဖြစ်သည်။ သို့သော်လည်း သူတို့ အလွန်ပင် စိုးရိမ်နေကြသည်။</p> <p> </p> <p>​ "ဓားအဖိုးအို... တစ်ယောက်တည်း ရင်ဆိုင်နိုင်ပါ့မလား"</p> <p> </p> <p>​ "စိတ်မပူပါနဲ့၊ သူတို့က အစွမ်းထက်ပေမဲ့ ငါ့ကိုတော့ အနိုင်ယူနိုင်မှာ မဟုတ်ဘူး" ဓားအဖိုးအိုက ရွှမ်ရှောင်နတ်ဘုရားဓားကို ကျစ်ကျစ်ပါအောင် ဆုပ်ကိုင်လိုက်သည်။ အဘယ်ကြောင့်ဆိုသော် ရွှမ်ရှောင်နတ်ဘုရားဓားသည် အခြား အရန်ဓား ၅ လက်နှင့် ချိတ်ဆက်ထားသဖြင့် စွမ်းအင်များကို ကူးပြောင်းရယူနိုင်သည်။ ထိုထဲမှ တစ်လက်မှာ လင်းပိုင်ဖန်၏ လက်ထဲတွင် ရှိနေပြီး စစ်သည်တစ်သန်း၏ အစွမ်းကို ရယူနိုင်သဖြင့် သူသည် အလွန်ယုံကြည်မှု ရှိနေခြင်းဖြစ်သည်။ အနိုင်မရလျှင်ပင် ရန်သူ့စစ်တပ်တစ်ခုလုံးကို သူ ထိန်းထားနိုင်ပေသည်။</p> <p> </p> <p>​ အခြားတစ်ဖက်တွင်မူ စုန့်ယွီဖေးသည်လည်း တာအိုဂိုဏ်း၏ ကောင်းကင်အဆင့်များထံသို့ တိတ်တဆိတ် အသံလွှင့်ကာ တောင်းဆိုနေသည် - "လေးစားအပ်တဲ့ ဦးလေးတို့... မဟာရှက ဒီတစ်ခါမှာ ကလဲ့စားချေဖို့ လာတာပါ၊ မဟာလော့ဘက်ကလည်း အမှားရှိခဲ့တာမို့ ကျေးဇူးပြုပြီး သူတို့ရဲ့ အသက်တွေကိုတော့ ချမ်းသာပေးပါဦး"</p> <p> </p> <p>​ "တာအိုသမီးတော်... ငါတို့က ကျင့်ကြံသူတွေဆိုတော့ အပြစ်မဲ့သူတွေကို မသတ်ချင်ပါဘူး။ ဒါပေမဲ့ အသက်ကို ချမ်းသာပေးနိုင်ပေမဲ့ သူတို့လုပ်ခဲ့တဲ့ အပြစ်တွေအတွက်တော့ ပြစ်ဒဏ်ကနေ မလွတ်နိုင်ဘူး။ ငါတို့ရဲ့ တာအိုမိတ်ဆွေတွေကို ဒဏ်ရာရအောင် လုပ်ခဲ့ပြီး တာအိုဂိုဏ်းရဲ့ သိက္ခာကို စော်ကားခဲ့တာဆိုတော့ သူတို့ဘက်က ပေးဆပ်ရမှာပေါ့"</p> <p> </p> <p>​ "တာအိုသမီးတော်... စိတ်ချပါ၊ ငါတို့ အခြေအနေကြည့်ပြီး လှုပ်ရှားပါ့မယ်"</p> <p> </p> <p>​ "ကျေးဇူးတင်ပါတယ် ဦးလေးတို့" စုန့်ယွီဖေးမှာ သက်ပြင်းချရုံမှတစ်ပါး အခြားမတတ်နိုင်တော့ပေ။ ဤသည်မှာ သူမ တောင်းဆိုပေးနိုင်သော အကန့်အသတ်ပင် ဖြစ်သည်။ အသက်မသေလျှင် နောင်တစ်ချိန်တွင် ပြန်လည်စေ့စပ်ရန် အခွင့်အရေး ရှိသေးသည်။</p> <p> </p> <p>​ ထိုအချိန်တွင် စစ်တပ်နှစ်ခုလုံးမှာ ဆွေးနွေးမှုများ ပြီးဆုံးသွားကာ နောက်သို့ ဆုတ်ပေးလိုက်ကြပြီး စစ်မြေပြင်ကို ကောင်းကင်အဆင့် ၃ ဦးအတွက် ချန်ထားပေးလိုက်ကြသည်။ တာအိုဂိုဏ်း၏ ကောင်းကင်အဆင့် နှစ်ဦးမှာ အနိုင်ရရှိထားပြီးသူများကဲ့သို့ စိတ်အေးလက်အေး ရှိနေကြသည်။</p> <p> </p> <p>​ ကုန်းတုန် တာအိုဆရာကြီးက ပြုံးရင်း - "ဓားအဖိုးအို... ငါတို့က အင်အားချင်း မမျှဘဲ ဝိုင်းတိုက်တာမျိုး မလုပ်ချင်ဘူး။ ဒါပေမဲ့ မင်းရဲ့ ဓားပညာက အရမ်းနက်နဲပြီး အစွမ်းကလည်း ခန့်မှန်းရခက်တာမို့ ငါတို့ နှစ်ယောက်ပေါင်းပြီး တိုက်ဖို့ကလွဲလို့ တခြားနည်းလမ်း မရှိတော့ဘူး"</p> <p> </p> <p>​ "ငါတို့ရဲ့ ရိုင်းပျမှုကို ခွင့်လွှတ်ပေးပါဦး" ကုန်းမင် တာအိုဆရာကြီးကလည်း အနည်းငယ် ရှက်ရွံ့စွာဖြင့် ပြောလိုက်သည်။</p> <p> </p> <p>​ "တိုက်မှာသာ တိုက်စမ်းပါ၊ ဘာတွေ အပိုတွေ ပြောနေတာလဲ" ဓားအဖိုးအိုက စိတ်မရှည်စွာ ပြောလိုက်သည်။</p> <p> </p> <p>​ ထိုစဉ် ဝေးကွာသော အရပ်မှ လှောင်ပြောင်သံတစ်ခု ထွက်ပေါ်လာသည် - "ဝိုး... ဝိုး... ဝိုး... ကြည့်စမ်းပါဦး၊ တာအိုဂိုဏ်းက အင်အားနည်းသူကို လူအများနဲ့ ဝိုင်းပြီး အနိုင်ကျင့်နေကြတာပဲ။ အံ့ဩဖို့ကောင်းလိုက်တာ။ ရှင်တို့ကိုယ်ရှင်တို့တော့ တရားသောဂိုဏ်းဆိုပြီး ပြောနေကြတာပဲ၊ တကယ်ကို အရှက်မရှိတာပဲ"</p> <p> </p> <p>​ အားလုံးက အသံလာရာဘက်သို့ ကြည့်လိုက်ရာ အနက်ရောင်ဝတ်စုံနှင့် ခြေဗလာ အမျိုးသမီးတစ်ဦးသည် အရှိန်အဝါကြီးမားသော လူတစ်စုကို ဦးဆောင်ကာ လာနေသည်ကို မြင်လိုက်ရသည်။ ထိုအုပ်စုတွင် လူ ၃၀ ခန့် ပါဝင်ပြီး အားလုံးမှာ ချီဖွဲ့တည်ခြင်းအဆင့် သိုင်းပညာရှင်များ ဖြစ်ကြသည်။ ထိုသူအားလုံးမှာ ချီဖွဲ့တည်ခြင်း အဆင့်များကြားတွင် အစွမ်းထက်သူများ ဖြစ်ကြသည်။</p> <p> </p> <p>​ တစ်ကမ္ဘာလုံးတွင် ဤကဲ့သို့သော အင်အားမျိုး ရှိသည့်အဖွဲ့မှာ လက်ချိုးရေတွက်ရုံသာ ရှိသည်။ ထိပ်တန်းအင်ပါယာကြီး ၄ ခုအပြင် ဗုဒ္ဓဂိုဏ်း၊ တာအိုဂိုဏ်းနှင့် မိစ္ဆာဂိုဏ်းတို့သာ ရှိပေသည်။ သူတို့၏ ရိုင်းစိုင်းပြီး မောက်မာသော အမူအရာကို ကြည့်ရုံဖြင့် မိစ္ဆာဂိုဏ်းမှ ကျွမ်းကျင်သူများဖြစ်ကြောင်း သိနိုင်ပေသည်။ အနက်ရောင်ဝတ်စုံနှင့် ခြေဗလာ အမျိုးသမီးမှာမူ မိစ္ဆာဂိုဏ်း၏ မြင့်မြတ်သမီးတော် ယောင်ယောင် ပင် ဖြစ်သည်။ သူမသည် ဂိုဏ်းချုပ်၏ အမိန့်ရရှိပြီးနောက် ချက်ချင်းပင် သူမ၏ လူများကို စုစည်းကာ အပြေးအလွှား ရောက်ရှိလာခြင်း ဖြစ်သည်။</p> <p> </p> <p>​ တာအိုဂိုဏ်းသားများမှာလည်း သူတို့၏ ရန်ဘက်ဟောင်းကို တွေ့လိုက်ရသဖြင့် မျက်နှာများ ပျက်သွားကြသည်။</p> <p>***</p> <p> </p>


Save