Book List

<h2 style="text-align: center;">ပြိုင်ဘက်ကင်း သိမ်းပိုက်ခြင်းစနစ်</h2> <h2 style="text-align: center;">​အခန်း ၁၀၆၆</h2> <h2 style="text-align: center;">ခွန်ဖန်ငှက်ရဲ့ ဝါးမြိုခြင်းနတ်ဘုရားစွမ်းရည်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>​မိုးကြိုးနဂါးက ဟိန်းဟောက်လိုက်ပြီး ကြောက်မက်ဖွယ်ကောင်းသော မိုးကြိုးများကို ပစ်လွှတ်ကာ အစွမ်းထက်သော ခွန်အားများကို ထုတ်ဖော်လိုက်၏။</p> <p> </p> <p>​ဖျက်ဆီးခြင်းအငွေ့အသက်များက ဟင်းလင်းပြင်ထဲတွင် ပြည့်နှက်နေပြီး ဟင်းလင်းပြင်ကို တုန်ခါသွားစေခဲ့သည်။ မိုးကြိုးများက အရာအားလုံးကို ရိုက်ချိုး ဖျက်ဆီးပစ်တော့မည့်အလားပင်။</p> <p> </p> <p>​မိုးကြိုးဆိုသည်မှာ အလွန်တရာ ပူပြင်းကာ ပြင်းထန်သော စွမ်းအားတစ်ရပ်ဖြစ်သည်။ ၎င်းသည် ပြင်းထန်သော ဖျက်ဆီးခြင်းစွမ်းအားကြောင့် နာမည်ကျော်ကြားလှပြီး မိုးကြိုး၏ရိုက်ခတ်မှုကို ခံနိုင်ရည်ရှိသူ အလွန်နည်းပါးလှပေသည်။</p> <p> </p> <p>​ဒေါသမိုးကြိုးသူတော်စင်သည် ဤမိုးကြိုးနတ်ဘုရားစွမ်းရည်များကို ထိန်းချုပ်ကာ ထျန်းယောင်ကုန်းမြေတိုက်တစ်ခွင်လုံးကို ဖြတ်သန်းသွားလာနိုင်ခဲ့ပြီး ဒေါသမိုးကြိုးဟူသော ဂုဏ်ပုဒ်ကို ရရှိခဲ့ခြင်းဖြစ်၏။</p> <p> </p> <p>​ထိုမိုးကြိုးနတ်ဘုရားစွမ်းရည်များကို အားကိုး၍ ဒေါသမိုးကြိုးသူတော်စင်သည် ထာ့ထျန်းဂိုဏ်း၏ ရန်သူဖြစ်သော ကျင့်ကြံသူမည်မျှကို သတ်ဖြတ်ကာ ဘာမှမရှိတော့သည်အထိ ဖျက်ဆီးပစ်ခဲ့ဖူးပေသည်။</p> <p> </p> <p>​မိုးကြိုးနဂါးသည် ချင်ယိနှင့် အခြားသူများရှိနေသော နေရာအားလုံးကို ဖုံးလွှမ်းသွားတော့မည်ကို မြင်လိုက်ရပြီး ဤတိုက်ခိုက်မှုတစ်ချက်တည်းဖြင့် ချင်ယိတို့မှာ ပြာအဖြစ်သို့ ပြောင်းလဲသွားတော့မည်ဖြစ်သည်။</p> <p> </p> <p>​"ရွှီ"</p> <p> </p> <p>​ဤအချိန်တွင် ငှက်တစ်ကောင်၏အော်သံကဲ့သို့ အသံတစ်သံထွက်ပေါ်လာခဲ့သည်။</p> <p> </p> <p>​ထို့နောက် ကောင်းကင်မှ တွဲလောင်းကျနေသော တိမ်တိုက်တစ်ခုနှင့်တူသည့် ရွှေရောင်တောင်ပံတစ်စုံက ချင်ယိနှင့်အခြားသူများကို ရစ်ပတ်ကာကွယ်ပေးလိုက်သည်။</p> <p> </p> <p>​မိုးကြိုးနဂါးသည် ရွှေရောင်တောင်ပံများနှင့် ထိတွေ့မိသည်နှင့် တစ်ပြိုင်နက် ရွှေရောင်တောင်ပံများ၏ တိတ်ဆိတ်စွာ စုပ်ယူခြင်းကို ခံလိုက်ရပြီး ပျောက်ကွယ်သွားခဲ့ရသည်။</p> <p> </p> <p>​ခွန်ဖန်ငှက်တောင်ပံများသည် ခွန်ဖန်ငှက် အမွေးအတောင်တစ်ချောင်းတည်းမှ ဖန်တီးထားခြင်း ဖြစ်သော်လည်း ၎င်း၏ဝါးမြိုနိုင်စွမ်းမှာ အလွန်အမင်း ဆိုးရွားနေခြင်း မရှိချေ။</p> <p> </p> <p>​အနည်းဆုံးတော့ ဒေါသမိုးကြိုးသူတော်စင်၏ မိုးကြိုး နတ်ဘုရားစွမ်းရည်များထက် ပိုမိုအစွမ်းထက်လှပေသည်။</p> <p> </p> <p>​"ခွန်ဖန်ငှက်အမွေးအတောင်လား"</p> <p> </p> <p>​ဒေါသမိုးကြိုးသူတော်စင်သည် မျက်လုံးများကို စူးစိုက်ကြည့်လိုက်ပြီး ခွန်ဖန်ငှက်တောင်ပံများကို မှတ်မိသွားခဲ့သည်။</p> <p> </p> <p>​ခွန်ဖန်ငှက်တောင်ပံများသည် အရင်ကနှင့် သိသိသာသာ ပြောင်းလဲသွားသော်လည်း မူလအရှိန်အဝါကတော့ ပြောင်းလဲသွားခြင်း မရှိချေ။</p> <p> </p> <p>​"ကောင်လေး... မင်းက ဂိုဏ်းတူအစ်ကိုကျီးယွင်ရဲ့ ခွန်ဖန်ငှက်တောင်ပံတွေကို လုယူရဲရုံတင် မကဘူး၊ ဒီလို သရဲတစ္ဆေလို ပုံစံမျိုးဖြစ်အောင်ပါ အသွင်ပြောင်းထားရဲသေးတယ်။ တကယ်ကို သတ္တိကောင်းတာပဲ"</p> <p> </p> <p>​ဒေါသမိုးကြိုးသူတော်စင်၏ ခရမ်းရောင်ဆံပင်များမှာ လွင့်ဝဲနေပြီး တစ်ကိုယ်လုံးတုန်ခါနေကာ သူ၏ မျက်လုံးများထဲတွင် သတ်ဖြတ်လိုစိတ်များ လှိမ့်တက်နေခဲ့သည်။</p> <p> </p> <p>​သူ စကားပြောနေစဉ်မှာပင် နဂါးဟိန်းဟောက်သံ အချို့ ထပ်မံထွက်ပေါ်လာပြီး သူ၏နောက်ကျောဘက်မှနေ၍ သက်ရှိများအလား အစွယ်များနှင့်လက်သည်းများကို ဖြန့်ကားထားသော မိုးကြိုးနဂါးများ ထွက်ပေါ်လာခဲ့သည်။</p> <p> </p> <p>​ရေတွက်ကြည့်မည်ဆိုလျှင် ပေထောင်ချီရှည်လျားသော မိုးကြိုးနဂါးဆယ့်ရှစ်ကောင် ရှိနေလေသည်။</p> <p> </p> <p>​ဟင်းလင်းပြင်ထဲရှိ မိုးကြိုးနဂါးများက ဟိန်းဟောက်လိုက်ကြရာ ကြောက်မက်ဖွယ်ကောင်းသော အရှိန်အဝါက မိုင်ထောင်ချီ အဝေးသို့တိုင်အောင် ရိုက်ခတ်သွားပြီး ဤအရှိန်အဝါကို ခံစားလိုက်ရသော မြောက်ပိုင်းအအေးလွင်ပြင်ရိုင်းမှ မရေမတွက်နိုင်သော ဓားပြများမှာ ထိတ်လန့်တုန်လှုပ်သွားကြ၏။</p> <p> </p> <p>​"မြောက်ပိုင်းအအေးလွင်ပြင်ရိုင်းကို သူတော်စင် တစ်ပါး ဆင်းသက်လာတာလား"</p> <p> </p> <p>​"မြန်မြန် ထွက်ပြေးကြ၊ အရမ်းကြောက်စရာကောင်းတဲ့ အရာကြီး ရှိနေတယ်"</p> <p> </p> <p>​ဒေါသမိုးကြိုးသူတော်စင်ကို ဗဟိုပြု၍ မရေမတွက်နိုင်သော ဓားပြများမှာ အသက်လုထွက်ပြေးနေကြပြီး အထူးသဖြင့် ဒေါသမိုးကြိုးသူတော်စင်နှင့် နီးကပ်သော ဓားပြအဖွဲ့များဆိုလျှင် ပို၍ပင် အလောတကြီး ထွက်ပြေးနေခဲ့ကြသည်။</p> <p> </p> <p>​သူတော်စင်တစ်ပါး၏အစွမ်းထက်သော တိုက်ခိုက်မှုကြောင့် အသက်ဆုံးရှုံးရမည်ကို ဓားပြများစွာက ကြောက်ရွံ့နေကြလေသည်။</p> <p> </p> <p>​"ကောင်လေး... မင်း ဂိုဏ်းတူအစ်ကိုကျီးယွင်ရဲ့ ခွန်ဖန်ငှက်တောင်ပံတွေကို ရထားရုံနဲ့ ငါတို့ကို ယှဉ်နိုင်ပြီလို့ မထင်နဲ့. ဒီသူတော်စင်က မင်းရဲ့အသက်ကို ယူပြီး ဂိုဏ်းတူအစ်ကိုရဲ့ ခွန်ဖန်ငှက်တောင်ပံတွေကို ပြန်ယူပြမယ်"</p> <p> </p> <p>​ဒေါသမိုးကြိုးသူတော်စင်၏ အသံသည် မိုးခြိမ်းသံကဲ့သို့ ထွက်ပေါ်လာပြီး နတ်ဘုရားတစ်ပါးက ချင်ယိနှင့် အခြားသူများကို သေဒဏ်ပေးလိုက်သည့်အလားပင်။</p> <p> </p> <p>​"ဝေါင်း"</p> <p> </p> <p>​မိုးကြိုးနဂါး ဆယ့်ရှစ်ကောင်သည် ချက်ချင်းပင် လေထဲသို့ ပျံတက်သွားပြီး ဖျက်ဆီးခြင်းအရှိန်အဝါများနှင့်အတူ ချင်ယိနှင့် အခြားသူများကို ကိုက်ဖြတ်ရန် ပြေးဝင်သွားခဲ့သည်။</p> <p> </p> <p>​ဤကြောက်မက်ဖွယ်ကောင်းသော စွမ်းအား၏ရှေ့တွင် ယွီလင်သက်တော်စောင့်တပ်သုံးထောင်လုံး တိုက်ရိုက် ဖိနှိပ်ခံလိုက်ရပြီး မလှုပ်ရှားနိုင်တော့ချေ။</p> <p> </p> <p>​ယွီလင်သက်တော်စောင့်တပ်၏ အဖွဲ့ဝင်အားလုံးကို ချင်ယိက စနစ်ဟင်းလင်းပြင်ထဲမှ ခေါ်ယူထားခြင်း ဖြစ်သည်။ သူတို့၏ကျင့်ကြံမှုအဆင့်များမှာ ကောင်းကင်ဘုံအဆင့်တွင်ရှိပြီး ကြယ်ငါးပွင့် တပ်မဟာတွင် ပါဝင်လေသည်။</p> <p> </p> <p>​သို့သော် ဒေါသမိုးကြိုးသူတော်စင်နှင့် နှိုင်းယှဉ်ပါက သူတို့သည် အလွန်တရာ အားနည်းလွန်းလှပေသည်။ ယွီလင်သက်တော်စောင့်တပ်အနေဖြင့် ဓားပြများကဲ့သို့ မြေကြီးပေါ်တွင် ဒူးမထောက်ရုံတမယ် တောင့်ခံထားရခြင်းမှာ လွယ်ကူသော ကိစ္စမဟုတ်ပေ။</p> <p> </p> <p>​ဤကြောက်မက်ဖွယ်ကောင်းသော တိုက်ခိုက်မှုသည် ဒေါသမိုးကြိုးသူတော်စင်၏ စွမ်းအားကို အပြည့်အဝ ဖော်ပြနေသည်ဟု ဆိုနိုင်ပေသည်။</p> <p> </p> <p>​ဒေါသမိုးကြိုးသူတော်စင်က ယုံကြည်မှုအပြည့်ရှိနေခဲ့သည်။ အသွင်ပြောင်းအဆင့်အရှင်သခင်ကို မဆိုထားနှင့် သူတော်စင်အဆင့်စွမ်းအားရှင်ပင်လျှင် ဤတိုက်ခိုက်မှုကို ခံနိုင်ရည်ရှိမည်ဟု မသေချာပေ။</p> <p> </p> <p>​ချင်ယိ၏ လက်ထဲတွင် ခွန်ဖန်ငှက်တောင်ပံများ ရှိနေလျှင်ပင် သူက ခွန်ဖန်ငှက်တောင်ပံများ၏ စွမ်းအား မည်မျှကို အသုံးပြုနိုင်မည်နည်း။</p> <p> </p> <p>​ဒေါသမိုးကြိုးသူတော်စင်၏ နောက်ကျောဘက်ရှိ ထာ့ထျန်းဂိုဏ်းမှ အကြီးအကဲအနည်းငယ်မှာ အထင်အမြင်သေးစွာ မပြုံးဘဲမနေနိုင်ခဲ့ကြပေ။ သူတို့ ဝင်ပါရန် မလိုဘဲနှင့်ပင် ထာ့ထျန်းဂိုဏ်းကို ရန်စရဲသော ဤအရူးကောင်မှာ ကျဆုံးသွားတော့မည် ဖြစ်သည်။</p> <p> </p> <p>​ငွေရောင်ဝတ်စုံနှင့် သူတော်စင်ကျီးယွင်ပင်လျှင် ခေါင်းညိတ် ထောက်ခံလိုက်၏။</p> <p> </p> <p>​သူတော်စင်။</p> <p> </p> <p>​အထွတ်အထိပ်အင်အားစုကြီး၏ နောက်ခံဖြင့် ထျန်းယောငမကုန်းမြေတိုက်ရှိ သက်ရှိအားလုံး၏ ထိပ်ဆုံးတွင် ရပ်တည်ကာ နှစ်ပရိစ္ဆေဒကြာရှည်စွာ အထက်မှနေ၍ ငုံ့ကြည့်နေသူများဖြစ်သည်။</p> <p> </p> <p>​သူတော်စင်တစ်ပါး၏ တိုက်ခိုက်မှုကို သူတော်စင်အဆင့်အောက်ရှိ မည်သည့်ကျင့်ကြံသူကမျှ ခုခံနိုင်စွမ်း မရှိချေ။</p> <p> </p> <p>​ချင်ယိက ခွန်ဖန်ငှက်တောင်ပံများကို အားကိုး၍ ဒေါသမိုးကြိုးသူတော်စင်၏ တိုက်ခိုက်မှုကို တားဆီးနိုင်ခဲ့လျှင်ပင် သူက ဒေါသမိုးကြိုးသူတော်စင်၏ ပြိုင်ဘက် ဖြစ်လာမည် မဟုတ်ပေ။</p> <p> </p> <p>​သို့သော် ဒေါသမိုးကြိုးသူတော်စင်နှင့် အခြားသူများက ယုံကြည်မှု အပြည့်ရှိနေချိန်မှာပင်။</p> <p> </p> <p>​"ဝါးမြိုစမ်း"</p> <p> </p> <p>​ညင်သာအသံတစ်သံ ထွက်ပေါ်လာပြီး တစ်ချိန်တည်းမှာပင် ရွှေရောင်လေဝဲကတော့ကြီးတစ်ခု တိတ်ဆိတ်စွာ ပေါ်ထွက်လာခဲ့သည်။</p> <p> </p> <p>​ရွှေရောင်လေဝဲကတော့ကြီးထံမှ ကြောက်မက်ဖွယ်ကောင်းသော စုပ်ယူနိုင်စွမ်းများထွက်ပေါ်လာပြီး ပျံသန်းလာသော မိုးကြိုးနဂါးဆယ့်ရှစ်ကောင်ကို မျက်စိတစ်မှိတ်အတွင်း ဝါးမြိုပစ်လိုက်လေသည်။</p> <p> </p> <p>​မိုးကြိုးနဂါးများက မည်မျှပင် ဟိန်းဟောက်နေပါစေ ရွှေရောင်လေဝဲကတော့ကြီး၏ ဝါးမြိုမှုမှ မလွတ်မြောက်နိုင်ခဲ့ပေ။</p> <p> </p> <p>​'ဒါက ဘာလဲ'</p> <p> </p> <p>​ဒေါသမိုးကြိုးသူတော်စင်သည် မျက်မှောင်ကြုတ်လိုက်ပြီး သူ၏ရင်ထဲတွင် အလွန်တရာအံ့အားသင့်သွားခဲ့ရသည်။</p> <p> </p> <p>​ဤထူးဆန်းသော ရွှေရောင်လေဝဲကတော့ကြီးက သူ့ကို အလွန်ခက်ခဲကျပ်တည်းသည့် ခံစားချက်မျိုး ပေးစွမ်းနေခဲ့သည်။</p> <p> </p> <p>​သူ၏ ယခုတိုက်ခိုက်မှုသည် သူတော်စင်တစ်ပါး၏ စွမ်းအားပါဝင်နေသော်လည်း လွယ်ကူစွာပင် ရွှေရောင်လေဝဲကတော့ကြီး၏ ဝါးမြိုခြင်းကို ခံလိုက်ရလေသည်။</p> <p> </p> <p>​ဒေါသမိုးကြိုးသူတော်စင်သည် အချိန်ကြာမြင့်စွာ ကျင့်ကြံလာခဲ့သော်လည်း ဤကဲ့သို့ ထူးဆန်းသော အရာမျိုးကို တစ်ခါမျှ မမြင်တွေ့ခဲ့ဖူးပေ။</p> <p> </p> <p>​"ဒါက ခွန်ဖန်ငှက်ရဲ့ ဝါးမြိုခြင်းနတ်ဘုရားစွမ်းရည်လား"</p> <p> </p> <p>​မည်သည့်အရာကိုမျှ သိပ်ဂရုမစိုက်တတ်သော သူတော်စင်ကျီးယွင်သည် ရွှေရောင်လေဝဲကတော့ကြီးကို မြင်သောအခါ အံ့အားသင့်စွာ ပြောလိုက်၏။</p> <p> </p> <p>​"ခွန်ဖန်ငှက်ရဲ့ ဝါးမြိုခြင်းနတ်ဘုရားစွမ်းရည် ဟုတ်လား"</p> <p> </p> <p>​ဒေါသမိုးကြိုးသူတော်စင်၏ သူငယ်အိမ်များ ကျုံ့ဝင်သွားပြီး သူ၏မျက်နှာအမူအရာမှာ အလွန်လေးနက်တည်ကြည်သွားခဲ့သည်။</p> <p> </p> <p>​သူသည် အထွတ်အထိပ်အင်အားစုကြီးမှ မွေးဖွားလာသူဖြစ်ပြီး လျှို့ဝှက်ကျမ်းစာ အများအပြားကို ဖတ်ရှုခဲ့ဖူးရာ ကောင်းကင်ဘုံကို စိုးမိုးထားသည့် သားရဲကြီးများအကြောင်းကို အတိုင်းအတာတစ်ခုအထိ နားလည်ထားလေသည်။</p> <p> </p> <p>​ထို့အပြင် သူ၏ဘေးတွင် ခွန်ဖန်ငှက်ကို အလွန်အမင်း စွဲလန်းနေသော အစွမ်းထက်ပုဂ္ဂိုလ်ကြီးတစ်ဦး ရှိနေသည် မဟုတ်ပါလား။</p> <p> </p> <p>​သို့သော် နားလည်ထားသောကြောင့်ပင် ပို၍ယုံကြည်နိုင်စရာ မရှိအောင် ဖြစ်နေရခြင်းဖြစ်သည်။</p> <p> </p> <p>​သူတော်စင်ကျီးယွင်၏ စွမ်းအားဖြင့်ပင်လျှင် ခွန်ဖန်ငှက်၏ အလွန်မြန်ဆန်သော နတ်ဘုရားစွမ်းရည်ကို ကျွမ်းကျင်ပိုင်နိုင်ရန် မလုံလောက်သေးဘဲ ခွန်ဖန်ငှက်၏ ဝါးမြိုခြင်းနတ်ဘုရားစွမ်းရည်နှင့် ပတ်သက်လာလျှင် ပို၍ပင်အကူအညီမဲ့နေခဲ့ရသည်။</p> <p> </p> <p>​သို့သော် ယဲ့ထျန်းဆိုသော ကောင်လေးသည် အသွင်ပြောင်းအဆင့် အရှင်သခင်တစ်ပါးသာဖြစ်ပြီး ထိုကြောက်မက်ဖွယ်ကောင်းသော ဝါးမြိုခြင်းနတ်ဘုရားစွမ်းရည်ကို မည်သို့ ထိန်းချုပ်နိုင်နေသနည်း။</p> <p> </p> <p>​"ဟုတ်တယ်၊ ငါ့ရဲ့ ကြိုတင်ခံစားသိရှိမှုက မမှားဘူးပဲ။ ဒီကောင်လေးဆီကနေ ငါ သေချာပေါက် စိတ်ကူးမယဉ်နိုင်လောက်တဲ့ အကျိုးအမြတ်တွေ ရလိမ့်မယ်"</p> <p> </p> <p>​သူတော်စင်ကျီးယွင်မှာ အံ့အားသင့်ခြင်းမရှိဘဲ သူ၏ မျက်နှာပေါ်တွင် ဝမ်းသာပျော်ရွှင်မှုများပင် ပေါ်လွင်နေခဲ့သည်။</p> <p> </p> <p>​အချိန်ကြာမြင့်စွာ ရှာဖွေနေခဲ့ရသော နတ်ဘုရားစွမ်းရည်တစ်ခုက သူ၏ ရှေ့မှောက်သို့ ရောက်ရှိလာပြီဖြစ်ရာ သူက မည်သို့ ဝမ်းမသာဘဲ နေနိုင်မည်နည်း။</p> <p> </p> <p>​"ယဲ့ထျန်းကောင်လေး... မင်းရဲ့ နားလည်သဘောပေါက်နိုင်စွမ်းပါရမီကို ငါတကယ်လေးစားမိတယ်"</p> <p> </p> <p>​"ငါ့ရဲ့ ခွန်ဖန်ငှက်တောင်ပံတွေကို ရသွားတာ ရက်အနည်းငယ်ပဲရှိသေးပေမဲ့ အဲ့ဒီထဲကနေ ဝါးမြိုခြင်း နတ်ဘုရားစွမ်းရည်ကို နားလည်သဘောပေါက်နိုင်ခဲ့တယ်။ ဒီလို နားလည်နိုင်စွမ်းက တခြားသူတွေနဲ့ ယှဉ်လို့မရအောင် သာလွန်လွန်းနေပြီ"</p> <p> </p> <p>​သူတော်စင်ကျီးယွင်၏ မျက်လုံးများတွင် ရွှေရောင်အလင်းများ တောက်ပလာပြီး အကာအကွယ်ကို ဖောက်ထွင်းကာ ရထားလုံးထဲတွင် တင်ပျဉ်ခွေ ထိုင်နေသော ချင်ယိကိုကြည့်ရင်း တည်ငြိမ်စွာ ပြောလိုက်၏။</p> <p> </p> <p>​သူ စကားတစ်ခွန်းပြောလိုက်တိုင်း ငှက်အော်သံတစ်ခု ပါဝင်နေသကဲ့သို့ ထင်မှတ်ရလေသည်။</p> <p> </p> <p>​ဤ သူတော်စင်ကျီးယွင်သည် ခွန်ဖန်ငှက်ကို စွဲလန်းနေရုံသာမက သူ၏ကိုယ်ပိုင် ကျင့်ကြံမှုကိုပါ ခွန်ဖန်ငှက် အစစ်အမှန် ကျင့်စဉ်အဖြစ် အသွင်ပြောင်းထားရာ စကားပြောဆိုရာတွင်ပင် ခွန်ဖန်ငှက်၏အော်သံနှင့် တူနေခဲ့သည်။</p> <p> </p> <p>​"သူတော်စင်ကျီးယွင်က ဘာများ အကြံဉာဏ်ပေးချင်လို့လဲ"</p> <p> </p> <p>​ချင်ယိသည် မတ်တပ်ရပ်လိုက်ပြီး သူ၏ခန္ဓာကိုယ်ကို တစ်ချက် ခါယမ်းကာ ရထားလုံးထဲမှ လျှောက်ထွက်လာခဲ့သည်။</p> <p> </p> <p>​"အကြံဉာဏ်ပေးတာလို့တော့ မဆိုလိုပါဘူး။ မင်းရဲ့ ကျင့်ကြံမှုက မလွယ်ကူသလို မင်းက အရမ်းကို ပါရမီထူးချွန်တဲ့သူ တစ်ယောက်ပါ။ ပြိုင်ဘက်ကင်း ပါရမီရှင်တစ်ယောက် ဒီနေရာမှာ ကျဆုံးသွားရမှာကို ငါမလိုလားဘူး။ ဒါကြောင့် မင်းကို လမ်းညွှန်မှု နည်းနည်း ပေးချင်တာပါ"</p> <p> </p> <p>​သူတော်စင်ကျီးယွင်က ပြုံးရွှင်စွာ ပြောလိုက်၏။</p> <p> </p> <p>​"ဘယ်လိုမျိုး လမ်းညွှန်မှာလဲ"</p> <p> </p> <p>​ချင်ယိက မျက်ခုံးပင့်လိုက်ပြီး သူ၏အသံမှာ အေးစက်နေခဲ့သည်။</p> <p> </p> <p>​"မင်းက ငါတို့ ထာ့ထျန်းဂိုဏ်းကို စော်ကားထားတာ ကိုယ့်သေတွင်း ကိုယ်တူးတာနဲ့ အတူတူပဲ"</p> <p> </p> <p>​"ဒါပေမဲ့ မင်းရဲ့ပါရမီကို ငါသနားတာကြောင့် မင်းကို ငါ့ရဲ့ တပည့်အရင်းအဖြစ် လက်ခံပေးမယ်၊ ဒါဆိုရင် မင်း သေစရာ မလိုတော့ဘူး။ ဘယ်လိုလဲ"</p> <p> </p> <p>​သူတော်စင်ကျီးယွင်သည် ချင်ယိ၏ အသံထဲမှ အေးစက်မှုကို မကြားသည့်အလား ဆက်လက် ပြောဆိုနေခဲ့သည်။</p> <p> </p> <p>​"ငါ့ကို တပည့်အဖြစ် လက်ခံမယ် ဟုတ်လား"</p> <p> </p> <p>​ချင်ယိ၏ အသံမှာ ပို၍ပို၍ နက်ရှိုင်းလာပြီး အလွန်အမင်း အေးစက်လာခဲ့သည်။</p> <p> </p> <p>​အဆုံးအစမရှိသော သတ်ဖြတ်လိုစိတ်များသည် သူ၏ရင်ထဲတွင် ဖြည်းညင်းစွာ စုစည်းလာပြီး အဆက်မပြတ် လှိမ့်တက်နေခဲ့လေသည်။</p> <p> </p> <p>​'အရှက်မရှိတဲ့ လူအိုကြီး... ငါ့ကို ဒီလို လာစော်ကားရဲတယ်ပေါ့'</p> <p> </p> <p>***</p> <p> </p>


Save