Book List

<h2 style="text-align: center;">​အခန်း ၁၀၆၉</h2> <h2 style="text-align: center;">ဟာဂိုရိုမို၏ စွမ်းအား၊ ထာ့ထျန်းဂိုဏ်း၏ တပည့်ရွေးချယ်ပွဲ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>​ရှေးဟောင်းသူတော်စင်။</p> <p> </p> <p>​ထိပ်သီးပုဂ္ဂိုလ်ကြီး။</p> <p> </p> <p>​သူတော်စင်အဆင့်တွင် သတ္တမအဆင့်နှင့်အထက် ရှိသော ကျင့်ကြံသူများကိုသာ ရှေးဟောင်းသူတော်စင်ဟု ခေါ်ဝေါ်ကြလေသည်။</p> <p> </p> <p>​ထိုမျှ အစွမ်းထက်သောသူကို ပြိုင်ဘက်ကင်းသော တည်ရှိမှုတစ်ခုဟု လူတိုင်းက သတ်မှတ်ထားကြသည်။</p> <p> </p> <p>​ထျန်းယောင်ကုန်းမြေတိုက်ကြီးတွင် အထွန်းကားဆုံးဖြစ်ခဲ့သော ရှေးဟောင်းခေတ်ကာလများ၌ပင် ရှေးဟောင်းသူတော်စင်အဆင့် စွမ်းအားရှင်များ သိပ်များများစားစား မရှိခဲ့ချေ။</p> <p> </p> <p>​ရှေးဟောင်းခေတ်က ထျန်းယောင်ကုန်းမြေတိုက်ကြီးသည် အပြစ်သားကမ္ဘာကဲ့သို့သော အခြားကမ္ဘာများကို ဖိနှိပ်ထားနိုင်ခဲ့ခြင်းမှာ ဤရှေးဟောင်းသူတော်စင်များ ရှိနေသောကြောင့် ဖြစ်၏။</p> <p> </p> <p>​ရှေးဟောင်းသူတော်စင်အဆင့် စွမ်းအားရှင်တိုင်းသည် ကောင်းကင်နှင့် လောကတစ်ခွင်လုံးတွင် ဩဇာတိက္ကမကြီးမားသော ပုဂ္ဂိုလ်ကြီးများအဖြစ် သတ်မှတ်ခံရပြီး အစွမ်းအထက်ဆုံး ထိပ်သီးပုဂ္ဂိုလ်ကြီးများအဖြစ် လူသိများကြလေသည်။</p> <p> </p> <p>​ထျန်းယောင်ကုန်းမြေတိုက်ကြီးသည် ရှေးဟောင်းခေတ်စစ်ပွဲကြီးများမှ လွတ်မြောက်ရှင်သန်နိုင်ခဲ့ခြင်းမှာလည်း ဤရှေးဟောင်းသူတော်စင် ထိပ်သီးပုဂ္ဂိုလ်ကြီးများကြောင့်ပင်။</p> <p> </p> <p>​ထိုရှေးဟောင်းသူတော်စင်များသည် အသက်နှင့် သေခြင်းတရားကို ပဓာနမထားဘဲ ထျန်းယောင်ကုန်းမြေတိုက်ကြီး ဆက်လက်တည်တံ့နိုင်စေရန် သူတို့၏ အသက်များနှင့် လဲလှယ်ပေးခဲ့ကြသည်။</p> <p> </p> <p>​ထိုရှေးဟောင်းသူတော်စင်များ၏ စွန့်လွှတ်အနစ်နာခံမှုများသာ မရှိခဲ့လျှင် ထျန်းယောင်ကုန်းမြေတိုက်ကြီးသည် ပြိုကွဲပျက်စီးသွားခဲ့ပြီ ဖြစ်ပေမည်။</p> <p> </p> <p>​သေချာသည်ကတော့ ရှေးဟောင်းခေတ် စစ်ပွဲကြီးများကြောင့် ထျန်းယောင်ကုန်းမြေတိုက်ကြီးသည်လည်း လျင်မြန်စွာ ကျဆင်းယုတ်လျော့သွားခဲ့ရသည်။</p> <p> </p> <p>​သူတော်စင်အဆင့်များ ထွက်ပေါ်လာဆဲဖြစ်သော်လည်း ရှေးဟောင်းသူတော်စင် ထိပ်သီးပုဂ္ဂိုလ်ကြီးများကား ထပ်မံ ထွက်ပေါ်လာခြင်း မရှိတော့ချေ။</p> <p> </p> <p>​တစ်နည်းဆိုရသော် အိုဆွတ်ဆွတ်ကီ ဟာဂိုရိုမိုသည် ယခုအခါ ထျန်းယောင်ကုန်းမြေတိုက်ကြီးရှိ တစ်ဦးတည်းသော ရှေးဟောင်းသူတော်စင် စွမ်းအားရှင်ကြီး ဖြစ်လေသည်။</p> <p> </p> <p>​အိုဆွတ်ဆွတ်ကီ ဟာဂိုရိုမိုတစ်ယောက်တည်းနှင့်ပင် ပုလော့မင်းဆက်သည် ထျန်းယောင်ကုန်းမြေတိုက်ကြီး တစ်ခုလုံးကို ဂရုစိုက်နေစရာမလိုတော့ဘဲ မည်သည့်ရန်စမှုကိုမဆို ကြောက်ရွံ့နေရန် မလိုတော့ချေ။</p> <p> </p> <p>​ဤသည်ကား ရှေးဟောင်းသူတော်စင်တစ်ပါး၏ စွမ်းအားပင်။</p> <p> </p> <p>​ဟာဂိုရိုမို၏ စွမ်းအားဖြင့် ပုလော့မင်းဆက်ကို ကူညီကာ ထျန်းယောင်ကုန်းမြေတိုက်ကြီး တစ်ခုလုံးကို ပေါင်းစည်းပစ်ရန်မှာ ပြဿနာမဟုတ်ပေ။</p> <p> </p> <p>​သို့သော်လည်း နောက်ဆုံးတွင် ချင်ယိက ထိုသို့လုပ်ရန် မရွေးချယ်ခဲ့ချေ။</p> <p> </p> <p>ဟာဂိုရိုမို၏ စွမ်းအားဖြင့် ထျန်းယောင်ကုန်းမြေတိုက်ကြီးရှိ အင်အားစုများစွာကို ဖိနှိပ်ကာ ပုလော့မင်းဆက်က ထျန်းယောင်တစ်ခုလုံးကို ကြီးစိုးရန်မှာ တကယ်ကို ဖြစ်နိုင်ပေသည်။</p> <p> </p> <p>​သို့သော်လည်း ချင်ယိသာ ထိုသို့လုပ်ဆောင်လိုက်ပါက အင်အားစုများစွာ၏ ဘုံရန်သူအဖြစ် သတ်မှတ်ခံရပြီး သူတို့၏ ဆန့်ကျင်တွန်းလှန်လိုစိတ်များကို နှိုးဆွပေးလိုက်သလို သေချာပေါက် ဖြစ်သွားပေမည်။</p> <p> </p> <p>​ပုလော့မင်းဆက်က ကုန်းမြေတိုက်ကြီးတစ်ခုလုံးကို သိမ်းပိုက်နိုင်သည့် စွမ်းအားကို ပြသလိုက်ချိန်တွင် အင်အားစုများစွာက မည်သို့လျှင် လက်ပိုက်ကြည့်ကာ အသေခံကြမည်နည်း။ သူတို့အားလုံး ပေါင်းစည်းပြီး ပုလော့မင်းဆက်ကို သေချာပေါက် ခုခံကြမည်သာဖြစ်ဆလသည်။</p> <p> </p> <p>​ဂိုဏ်းကြီးခုနစ်ဂိုဏ်းကဲ့သို့သော အင်အားစုများတွင် သူတော်စင်များ၊ ရှေးဟောင်းသူတော်စင်များ၏ အမွေအနှစ်များ ရှိနေပေသည်။ ၎င်းတို့တွင် မည်သို့သော လျှို့ဝှက်နည်းလမ်းများ ပုန်းကွယ်နေသည်ကို မည်သူကမျှ ကြိုတင် မခန့်မှန်းနိုင်ချေ။</p> <p> </p> <p>​ထို့ကြောင့် ပုလော့မင်းဆက်က ထျန်းယောင်ကုန်းမြေတိုက်ကြီးတစ်ခုလုံးကို ရန်သူအဖြစ် အလောတကြီး ဖန်တီးလိုက်မည်ဆိုပါက သေချာပေါက် ပညာရှိရာ ရောက်မည်မဟုတ်ပေ။</p> <p> </p> <p>​ထို့ပြင် ပုလော့မင်းဆက်သည် ချင်းကျိုးတစ်ခုလုံးကို ယခုမှ သိမ်းပိုက်ထားနိုင်ရုံသာရှိပြီး ပြီးခဲ့သော ဆယ်နှစ်တာ စုဆောင်းထားသည့် စည်းစိမ်ဥစ္စာများကို အခြေခံအားဖြင့် သုံးစွဲပစ်လိုက်ရပြီဖြစ်သည်။</p> <p> </p> <p>​ချင်းကျိုးတစ်ခုတည်းနှင့်ပင် အင်ပါယာမင်းဆက်၏ မှူးမတ်များကို ကိုင်တွယ်ဖြေရှင်းရလွန်းသဖြင့် အတော်လေး ပင်ပန်းနေစေခဲ့ပြီဖြစ်သည်။</p> <p> </p> <p>​ထျန်းယောင်ကုန်းမြေတိုက်ကြီး တစ်ခုလုံးကို ထိန်းချုပ်မှုအောက်သို့ သွတ်သွင်းခြင်းသည် ပုလော့မင်းဆက်အတွက် ကောင်းသောအရာ မဟုတ်ကြောင်း ပြောစရာပင် မလိုတော့ချေ။</p> <p> </p> <p>​ထျန်းယောင်ကုန်းမြေတိုက်ကြီးကို အုပ်စိုးပြီးနောက် အင်ပါယာမင်းဆက်၏ အုပ်ချုပ်မှုကို အချိန်မရွေး နေရာမရွေး ပုန်ကန်မည့် အင်အားစုများ ရှိနေခြင်းမျိုးကို ချင်ယိ မလိုလားချေ။</p> <p> </p> <p>​မကြောက်ရွံ့သော်ငြားလည်း ထိုအရာက ချင်ယိ လိုချင်သော ရလဒ်မျိုး မဟုတ်ပေ။</p> <p> </p> <p>​ထို့ပြင် နှစ်တစ်ထောင်ကြာပြီးနောက် ပြင်ပကမ္ဘာမှ နတ်ဆိုးမျိုးနွယ်စုများက ထျန်းယောင်ကုန်းမြေတိုက်ကြီးဆီသို့ ထပ်မံ ကျဆင်းလာကြဦးမည်ဖြစ်သည်။</p> <p> </p> <p>​အကယ်၍ ပုလော့မင်းဆက်ကသာ ထျန်းယောင်ကုန်းမြေတိုက်ကြီးကို ပေါင်းစည်းလိုက်မည်ဆိုပါက ပြင်ပကမ္ဘာမှ နတ်ဆိုးများ၏ အဓိကပစ်မှတ်သည် သဘာဝကျကျပင် ပုလော့မင်းဆက် အပေါ်သို့ ကျရောက်လာပေမည်။</p> <p> </p> <p>​ဒါက ချင်ယိ မြင်တွေ့ချင်သော အရာမဟုတ်ပေ။</p> <p> </p> <p>​ထျန်းယောင်ကုန်းမြေတိုက်ကြီးတွင် အခြားသော အင်အားစုများ ရှိနေသေးပါက ပြင်ပကမ္ဘာမှ နတ်ဆိုးမျိုးနွယ်စုများ၏ အာရုံစိုက်မှုသည်လည်း ပြန့်ကျဲသွားလိမ့်မည် ဖြစ်၏။</p> <p> </p> <p>​ထိုသို့ဆိုလျှင် မင်းဆက်အပေါ် ကျရောက်မည့် ဖိအားသည်လည်း အလွန်အမင်း ကြီးမားနေမည် မဟုတ်တော့ချေ။</p> <p> </p> <p>​စဉ်းစားစရာ အချက်များစွာအပေါ် အခြေခံပြီးနောက် နောက်ဆုံးတွင် ချင်ယိသည် ဟာဂိုရိုမို၏ စွမ်းအားအကူအညီဖြင့် ထျန်းယောင်ကုန်းမြေတိုက်ကြီးကို ကြီးစိုးမည့် အစီအစဉ်ကို စွန့်လွှတ်လိုက်လေသည်။</p> <p> </p> <p>​တိတ်တဆိတ် အင်အားစုဆောင်းပြီး ဖြည်းဖြည်းချင်း ဆက်လက် ကြံစည်လုပ်ဆောင်ခြင်းကသာ အကောင်းဆုံးသော လမ်းစဉ်ပင်။</p> <p> </p> <p>​'ဒါပေမဲ့ ဒီထာ့ထျန်းဂိုဏ်းက ငါ့ကို လာရန်စရဲမှတော့ မင်းတို့ကို အလွတ်ပေးဖို့ အစီအစဉ် မရှိဘူး'</p> <p> </p> <p>​ချင်ယိက သူ၏မေးစေ့ကို ပွတ်သပ်ရင်း မျက်လုံးများကို အနည်းငယ် ကျဉ်းလိုက်လိုက်သည်။</p> <p> </p> <p>​"ဟာဂိုရိုမို"</p> <p> </p> <p>​"အမိန့်ရှိပါ အရှင်မင်းကြီး"</p> <p> </p> <p>​"မင်း ချက်ချင်း ထွက်သွားပြီး ထာ့ထျန်းဂိုဏ်းကို ဖျက်ဆီးပစ်ဖို့ ငါအမိန့်ပေးတယ်"</p> <p> </p> <p>​"အမိန့်တော်အတိုင်းပါ အရှင်မင်းကြီး"</p> <p> </p> <p>..........</p> <p> </p> <p>​အဆုံးအစမဲ့ ကျယ်ပြန့်သောလွင်ပြင်၌ မြင့်မားလှသည့် မြို့တော်ကြီးတစ်ခုရှိနေခဲ့ကြီး မြို့တော်အတွင်းရှိ မရေမတွက်နိုင်သော နန်းဆောင်ကြီးများက ခမ်းနားထည်ဝါစွာ မားမားမတ်မတ် တည်ရှိနေခဲ့ကြသည်။</p> <p> </p> <p>​နန်းဆောင်များ၏ အောက်ဘက်တွင် ဝိညာဉ်စမ်းရေများ ပန်းထွက်နေပြီး မရေမတွက်နိုင်သော ဝိညာဉ်ကြောများက ဤမြို့တော်အောက်တွင် စုဆုံနေကြ၏။</p> <p> </p> <p>​ဤမြို့တော်ထဲတွင် အစွမ်းထက်သော အရှိန်အဝါများရှိသည့် ကျင့်ကြံသူများနှင့် ရှားပါးဆန်းကြယ်သော သားရဲများစွာ ပျံသန်းသွားလာနေသည်ကိုပင် မြင်တွေ့နိုင်ပေသည်။</p> <p> </p> <p>​"ဒါက ထာ့ထျန်းမြို့တော်ပဲ"</p> <p> </p> <p>​အဝေးမှ ရောက်လာသော ပါရမီရှင်လူငယ်တစ်ဦးက သူ့ရှေ့ရှိ မြို့တော်ကြီးကို မော့ကြည့်လိုက်လေသည်။</p> <p> </p> <p>​"ဒီမြို့တော်တစ်ခုတည်းနဲ့တင် ကျုံးကျိုးမှာ အခမ်းနားဆုံးမြို့တော်တွေထဲက တစ်ခုလို့ ခေါ်ဖို့ လုံလောက်နေပြီ"</p> <p> </p> <p>​ကျင့်ကြံသူလူငယ်လေးက ခံစားချက်အပြည့်ဖြင့် ပြောလိုက်၏။</p> <p> </p> <p>​"ဒါက သဘာဝကျပါတယ်။ ဂိုဏ်းကြီးခုနစ်ဂိုဏ်းထဲက တစ်ခုဖြစ်တဲ့ ထာ့ထျန်းဂိုဏ်းက တခြားအင်အားစုတွေနဲ့ ယှဉ်နိုင်ဖို့ အလှမ်းဝေးလွန်းပါတယ်။ ဒီ ထာ့ထျန်းမြို့တော်က သူတို့ဂိုဏ်း တည်ရှိတဲ့နေရာဆိုတော့ သဘာဝကျကျပဲ အရမ်းကို ခမ်းနားနေတာပေါ့"</p> <p> </p> <p>​ကျင့်ကြံသူလူငယ်လေး၏ ဘေးတွင်ရှိသော ကလေးတစ်ယောက်လို မျက်နှာပေါက်နှင့် ဆံပင်ဖြူဖြူ ဝတ်ရုံနက်ဝတ် အဘိုးအိုတစ်ဦးက ပြုံးလျက် ပြောလိုက်၏။</p> <p> </p> <p>​"ထာ့ထျန်းဂိုဏ်းချုပ်က ထျန်းယောင်ကုန်းမြေတိုက်ကြီးရဲ့ ထိပ်တန်းစွမ်းအားရှင် ငါးယောက်စာရင်းဝင်ပြီး နှစ်ပေါင်းမရေမတွက်နိုင်အောင် ထျန်းယောင်တစ်ခုလုံးကို တုန်လှုပ်စေခဲ့တယ်လို့တောင် ပြောကြတယ်"</p> <p> </p> <p>​ဝတ်ရုံနက်ဝတ် အဘိုးအိုက လွတ်လွတ်လပ်လပ်ပင် ပြောဆိုနေလေသည်။</p> <p> </p> <p>​ချက်ချင်းပင် သူက မျက်နှာကို တည်တင်းလိုက်ပြီး သကျင့်ကြံသူလူငယ်လေးကို ပြောလိုက်သည်။</p> <p> </p> <p>​"ချန်အာ... ဒီနေ့က ထာ့ထျန်းဂိုဏ်းရဲ့ နှစ်တစ်ရာမှာ တစ်ကြိမ် ကျင်းပတဲ့ တပည့်သစ်ရွေးချယ်ပွဲ ကျင်းပတဲ့နေ့ပဲ။ ကုန်းမြေတိုက်ကြီးပေါ်က ပြည်နယ်ကြီးတွေအားလုံးက ပါရမီရှင်တွေဟာ ထာ့ထျန်းဂိုဏ်းကို ဝင်ခွင့်ရဖို့ မျှော်လင့်ချက်နဲ့ ဒီနေရာကို စုဝေးရောက်ရှိလာကြတာ။ မင်းက ကျန်းမိသားစုရဲ့ ဂုဏ်ယူရတဲ့ သားတစ်ယောက်ဖြစ်ပေမဲ့ အဘိုးကတော့ မင်းကို ပေါ့ပေါ့ဆဆ မနေစေချင်ဘူး"</p> <p> </p> <p>​"အဘိုး စိတ်မပူပါနဲ့၊ ချန်အာ နားလည်ပါတယ်"</p> <p> </p> <p>​လူငယ်လေးက လေးနက်စွာ ပြန်ဖြေလိုက်လေသည်။</p> <p> </p> <p>​"သွားကြစို့"</p> <p> </p> <p>​ဝတ်ရုံနက်ဝတ်အဘိုးအိုက ပြုံးလိုက်ပြီး သူ၏ မေးစေ့မှ မုတ်ဆိတ်မွေးများကို ညင်သာစွာ ပွတ်သပ်လိုက်လေသည်။</p> <p> </p> <p>​သေချာသည်ကတော့ ဤသည်မှာ ထာ့ထျန်းမြို့တော်အတွင်းရှိ မြင်ကွင်းများထဲမှ တစ်ခုသာဖြစ်ပေသည်။</p> <p> </p> <p>​အမြင့်မြတ်ဆုံး ဂိုဏ်းကြီးခုနစ်ဂိုဏ်းအနက်မှ တစ်ခုဖြစ်သော ထာ့ထျန်းဂိုဏ်းသည် ထျန်းယောင်ကုန်းမြေတိုက်ကြီးတွင် သာလွန်မြင့်မြတ်သော အဆင့်အတန်းတစ်ခုကို ပိုင်ဆိုင်ထားပြီး ထိပ်တန်းမြင့်နယ်မြေတစ်ခု ဖြစ်လေသည်။</p> <p> </p> <p>​နှစ်တစ်ရာလျှင် တစ်ကြိမ်သာ ကျင်းပသော ၎င်းတို့၏ တပည့်သစ်ရွေးချယ်ပွဲသည် ထာ့ထျန်းဂိုဏ်းသို့ ဝင်ရောက်ခွင့်ရရန် မျှော်လင့်နေကြသည့် မရေမတွက်နိုင်သော ပါရမီရှင်ကျင့်ကြံသူများ၏ အာရုံစိုက်မှုကို ဆွဲဆောင်နိုင်ခဲ့သည်။</p> <p> </p> <p>​ပါရမီရှင်များက ထာ့ထျန်းဂိုဏ်းသို့ ဝင်ရောက်နိုင်ရန်အတွက်သာ ထာ့ထျန်းမြို့တော်သို့ ရောက်ရှိလာကြခြင်းဖြစ်သည်။ မြို့တော်အတွင်းသို့ ဝင်ထွက်သွားလာနေကြသော ပါရမီရှင်ကျင့်ကြံသူများမှာ လူပင်လယ်ကြီးတစ်မျှ ပြည့်နှက်နေသည်ကို မြင်တွေ့နိုင်ပေသည်။</p> <p> </p> <p>​ထာ့ထျန်းဂိုဏ်းမှ စွမ်းအားရှင်ကြီးများက တပည့်သစ်ရွေးချယ်ပွဲအတွက် စမ်းသပ်ရာကွင်းပြင်အဖြစ် နတ်ဘုရားစွမ်းအားများကို အသုံးပြုကာ သီးခြားကမ္ဘာငယ်တစ်ခုကို ဖွင့်လှစ်ပေးလိုက်မှသာ ထိုအခြေအနေက သက်သာရာရသွားတော့သည်။</p> <p> </p> <p>​"ဒီတစ်ခေါက် ထာ့ထျန်းဂိုဏ်းရဲ့ တပည့်သစ်ရွေးချယ်ပွဲကို လာပြိုင်တဲ့ ပါရမီရှင်တွေ အရမ်းများတာပဲ"</p> <p> </p> <p>​ဤထာ့ထျန်းမြို့တော်ကြီးကို ကြည့်ကာ ကျင့်ကြံသူများစွာက အာမေဍိတ်သံများ ပြုလိုက်ကြလေသည်။</p> <p> </p> <p>​"ဒါက ဖြစ်ရိုးဖြစ်စဉ်ပါပဲ။ ထာ့ထျန်းဂိုဏ်းက အမြဲတမ်း အင်အားကြီးမားခဲ့တာလေ။ ဂိုဏ်းကြီးခုနစ်ဂိုဏ်းထဲမှာဆိုရင် ရီကျန့်နန်းတော်နဲ့ မဟာယနဗုဒ္ဓဘာသာတစ်သောင်းဂိုဏ်း ပြီးရင် သူက ဒုတိယပဲ။ သူ့ရဲ့ အင်အားက ဂိုဏ်းကြီးခုနစ်ဂိုဏ်းရဲ့ ထိပ်ဆုံးနေရာတွေမှာ ရှိနေတာ။ ထာ့ထျန်းဂိုဏ်းက တပည့်သစ်ရွေးချယ်ပွဲ လုပ်တယ်ဆိုမှတော့ အားလုံးရဲ့ အာရုံစိုက်တာကို ခံရမှာပေါ့"</p> <p> </p> <p>​မြို့တော်ထဲတွင် အချိန်ကြာမြင့်စွာ နေထိုင်ခဲ့သော ကျင့်ကြံသူတစ်ဦးက ဂုဏ်ယူဝင်ကြွားစွာဖြင့် ပြောလိုက်၏။</p> <p> </p> <p>​"ဒီတစ်ခေါက်မှာ ကျုံးကျိုးက ဝမ်မိသားစုရဲ့ ပါရမီရှင် ဝမ်ကျီကျဲတောင်မှ ထာ့ထျန်းဂိုဏ်းရဲ့ တပည့်သစ်ရွေးချယ်ပွဲကို ဝင်ပြိုင်ဖို့ ရောက်လာတယ်လို့ ကြားတယ်"</p> <p> </p> <p>​ချက်ချင်းပင် အစိမ်းရောင်ဝတ်ရုံ ဝတ်ဆင်ထားသော ကျင့်ကြံသူတစ်ဦးက အံ့သြဖွယ် သတင်းတစ်ခုကို ထုတ်ပြောလိုက်လေသည်။</p> <p> </p> <p>​"မဖြစ်သင့်ပါဘူး၊ ကျုံးကျိုးက ဝမ်မိသားစုက ထာ့ထျန်းဂိုဏ်းလောက် မကောင်းပေမဲ့ သူတို့ဆီမှာလည်း သူတော်စင်တစ်ပိုင်းအဆင့် ကျင့်ကြံသူတွေ ရှိတယ်လေ။ ဝမ်ကျီကျဲက ဝမ်မိသားစုမျိုးဆက်တွေထဲမှာ အထူးချွန်ဆုံး တပည့်တစ်ယောက်ပဲ။ ဝမ်မိသားစုက အဲ့ဒီ ရှေးဟောင်းအဘိုးကြီးတွေက သူ့ကို အပြင်လွှတ်ဖို့ လိုလားပါ့မလား"</p> <p> </p> <p>​ဘေးပတ်ဝန်းကျင်ရှိ လူတိုင်းမှာ အံ့အားသင့်သွားကြပြီး မနေနိုင်ဘဲ ပြန်လည်ချေပလိုက်ကြသည်။</p> <p> </p> <p>​ကျုံးကျိုးတွင် ဂိုဏ်းကြီးခုနစ်ဂိုဏ်းနှင့် မင်းဆက်များစွာအပြင် အခြားသော အင်အားစုများလည်း ကြီးစိုးလျက်ရှိပေသည်။</p> <p> </p> <p>​ထိုအင်အားစုများသည် ဂိုဏ်းကြီးခုနစ်ဂိုဏ်းနှင့် အင်ပါယာအင်အားစုများလောက် မစွမ်းသာသော်ငြားလည်း ကျုံးကျိုးမှ ဝမ်မိသားစုကဲ့သို့ အင်အားမနည်းလှပေ။</p> <p> </p> <p>​ထိုအင်အားစုများမှ ကျင့်ကြံသူများသည် ထာ့ထျန်းဂိုဏ်းမှ ကျင့်ကြံသူများထက် အားနည်းနေမည်ဟု မဆိုနိုင်သလို ထာ့ထျန်းဂိုဏ်း၏ တပည့်သစ်ရွေးချယ်ပွဲတွင် လာရောက်ယှဉ်ပြိုင်ရန်လည်း မလိုအပ်ချေ။ အထက်တန်းလွှာ မိသားစုများမှ ကလေးအများစုအတွက် မိသားစုထဲရှိ အကြီးအကဲများကပင် ဆရာသခင်များဖြစ်နေကြသည်ဖြစ်ရာ အဘယ်ကြောင့် အဝေးကို သွားပြီး ဒုက္ခခံနေကြမည်နည်း။</p> <p> </p> <p>***</p> <p> </p>


Save