Book List

<h2 style="text-align: center;">​အခန်း ၁၀၇၀</h2> <h2 style="text-align: center;">မြင့်မြတ်သားတော် ရွေးချယ်ခြင်း</h2> <h2 style="text-align: center;">*</h2> <p> </p> <p> </p> <p> </p> <p>​"မဟုတ်ဘူး... "</p> <p> </p> <p>​အချို့လူများက သံသယဝင်နေကြသည်ကို မြင်သောအခါ အစောပိုင်းက စကားပြောခဲ့သော အစိမ်းရောင်ဝတ်ရုံနှင့် ကျင့်ကြံသူက ဒေါသမထွက်ဘဲ ခေါင်းကိုသာ ညင်သာစွာ ခါယမ်းလိုက်လေသည်။</p> <p> </p> <p>​"သူတော်စင်တစ်ပိုငးအဆင့် ကျင့်ကြံသူက အရမ်းအစွမ်းထက်တယ်ဆိုပေမဲ့ သူတော်စင်တစ်ပါးရဲ့ စွမ်းအားနဲ့ ဘယ်လိုလုပ် ယှဉ်နိုင်ပါ့မလဲ။ ခုက ထာ့ထျန်းဂိုဏ်းရဲ့ သူတော်စင်ကိုယ်တိုင်က တပည့်လက်ခံဖို့ ကိုယ်တိုင်ကိုယ်ကျ ထွက်လာလိမ့်မယ်လို့ သတင်းထွက်နေတယ်"</p> <p> </p> <p>​"ဒါကြောင့်မို့လို့ ဝမ်မိသားစုက ဝမ်ကျီကျဲတင်မကဘူး၊ ကျုံးကျိုး ဟူမိသားစုက ဟူယွင်ရှောင်၊ ပေ့ကျိုး ကျန်းမိသားစုက ကျန်းရီချန်၊ ရွှမ်ကျိုး ကျောက်မိသားစုက ကျောက်ဟန်... ဒီ မျိုးဆက်သစ် ပါရမီရှင်အများစုက ထာ့ထျန်းဂိုဏ်းဆီကို လာနေကြတာ"</p> <p> </p> <p>​ထို့နောက် ချက်ချင်းပင် ထိုလူက ပို၍ အံ့သြတုန်လှုပ်ဖွယ်ကောင်းသော သတင်းတစ်ခုကို ထပ်မံထုတ်ပြောလိုက်သည်။</p> <p> </p> <p>​ဤစကားကြောင့် ထိုနေရာရှိ လူအားလုံး အံ့သြတကြီး လေအေးများ စုပ်ယူလိုက်ကြလေသည်။</p> <p> </p> <p>​ဤအခိုက်အတန့်တွင် ရှိနေသူအားလုံးမှာ ငြိမ်ငြိမ်မထိုင်နိုင်ကြတော့ချေ။</p> <p> </p> <p>​သူတော်စင်တစ်ပိုင်းအဆင့်က မည်မျှပင် အစွမ်းထက်ပါစေ၊ သူတော်စင်တစ်ပါးလောက်တော့ မစွမ်းပေ။</p> <p> </p> <p>​သူတော်စင်တစ်ပါးသည် အလွန်မြင့်မြတ်သော အဆင့်အတန်းရှိပြီး လူထောင်သောင်းချီ၏ ကြည်ညိုလေးစားမှုကို ခံရကာ မရေမတွက်နိုင်သော သိုင်းပညာများနှင့် နတ်ဘုရားစွမ်းအားများကို ကျွမ်းကျင်တတ်မြောက်ထားသည်။ သူသည် ထျန်းယောင်ကုန်းမြေတိုက်ကြီးတွင် ဩဇာတိက္ကမကြီးမားသော ပုဂ္ဂိုလ်ကြီးဖြစ်ပေသည်။</p> <p> </p> <p>​အကယ်၍ ကြီးမားသောစွမ်းအားရှိသည့် သူတော်စင်တစ်ပါး၏ တပည့်အဖြစ် လက်ခံခြင်းခံရပါက ထိုအချိန်မှစ၍ မရေမတွက်နိုင်သော သူတော်စင်သိုင်းပညာများကို လွတ်လွတ်လပ်လပ် လေ့လာကျင့်ကြံခွင့် ရရှိသွားမည် မဟုတ်ပါလော။</p> <p> </p> <p>​ဤသတင်းကို ကြားလိုက်ရသောအခါ ပါရမီရှင်များစွာမှာ စိတ်လှုပ်ရှားသွားကြပြီး သူတို့၏ မျက်လုံးများက တောက်ပသွားကာ တိုက်ခိုက်လိုစိတ်များ ပြင်းထန်စွာ ထွက်ပေါ်လာခဲ့ကြသည်။</p> <p> </p> <p>​"ဒါပေမဲ့ အရင်က ထာ့ထျန်းဂိုဏ်းရဲ့ တပည့်သစ်ရွေးချယ်ပွဲတွေမှာ ဘယ်သူတော်စင်မှ မလာခဲ့ဖူးပါဘူး။ အများဆုံးမှ သူတော်စင်တစ်ပိုင်း အကြီးအကဲတွေပဲ ထွက်လာခဲ့ကြတာလေ။ ဒီတစ်ကြိမ်ကျမှ ဘာလို့ တပည့်သစ်ရွေးချယ်ပွဲကို သူတော်စင်တစ်ပါး ကိုယ်တိုင်ထွက်လာရတာလဲ"</p> <p> </p> <p>​ဤအချိန်တွင် ကျငိ့ကြံသူတစ်ဦးက သူ၏သံသယကို တိုးတိုးလေး ထုတ်ပြောလိုက်၏။</p> <p> </p> <p>​သို့သော်လည်း သူ၏စကားသံဆုံးသွားသည်နှင့် တစ်ပြိုင်နက် ရှိနေသူအားလုံး တိတ်ဆိတ်သွားမည်ဟု သူ လုံးဝ ထင်မှတ်မထားခဲ့ချေ။</p> <p> </p> <p>​ဤတုံ့ပြန်မှုကြောင့် ထိုကျင့်ကြံသူမှာ အနည်းငယ် တွေဝေသွားလေသည်။</p> <p> </p> <p>​"ဟေ့... မင်း မသိဘူးလား။ ထာ့ထျန်းဂိုဏ်းရဲ့ မြင့်မြတ်သားတော် ကျဆုံးသွားပြီလေ။ သခင်လေး ယဲ့ထျန်းဆိုတဲ့လူရဲ့ ခေါင်းဖြတ်သတ်တာကို ခံလိုက်ရတာ"</p> <p> </p> <p>​အစိမ်းရောင်ဝတ်ရုံနှင့် ကျင့်ကြံသူက ညင်သာစွာ သက်ပြင်းချလိုက်ပြီး သူ၏အသံတွင် ထိတ်လန့်မှုများ ကျန်ရစ်နေဆဲပင်။</p> <p> </p> <p>​"ဟင်"</p> <p> </p> <p>​သတင်းကို ယခုမှ ကြားလိုက်ရသော ကျင့်ကြံသူအချို့မှာ ဆွံ့အသွားကြရသည်။</p> <p> </p> <p>​'ထာ့ထျန်းဂိုဏ်းရဲ့ မြင့်မြတ်သားတော် သေသွားပြီလား..'</p> <p> </p> <p>​ဤသည်မှာ ကမ္ဘာမြေကိုပင် တုန်လှုပ်စေနိုင်သော ကိစ္စရပ်တစ်ခုဖြစ်ပြီး ထာ့ထျန်းဂိုဏ်းမှ သူတော်စင်များက တပည့်သစ်ရွေးချယ်ပွဲတွင် ကိုယ်တိုင်ကိုယ်ကျ ထွက်ပေါ်လာမည်ဆိုသည်မှာလည်း အံ့သြစရာ မဟုတ်တော့ချေ။</p> <p> </p> <p>​မြင့်မြတ်သားတော် ကျဆုံးသွားခဲ့ပြီဖြစ်ရာ ထာ့ထျန်းဂိုဏ်းအနေဖြင့် လစ်လပ်သွားသောနေရာကို အစားထိုးရန် သားတော်တစ်ပါးကို အရေးပေါ် ပြန်လည်ပျိုးထောင်ရန် လိုအပ်နေပေသည်။</p> <p> </p> <p>​ထာ့ထျန်းဂိုဏ်း၏ ကြီးစိုးလွှမ်းမိုးမှုအရ ထာ့ထျန်းဂိုဏ်း၏ မြင့်မြတ်သားတော်ကို ရဲတင်းစွာ သတ်ဖြတ်ခဲ့သော ယဲ့ထျန်းကို ထာ့ထျန်းဂိုဏ်းက အလွတ်ပေးမည် မဟုတ်ကြောင်း လူတိုင်းက နားလည်ထားကြသည်။</p> <p> </p> <p>​သို့သော်လည်း အရေးအကြီးဆုံးအချက်မှာ သူတို့အတွက် အခွင့်အရေး ရောက်လာပြီဆိုသည့် အချက်ပင်။</p> <p> </p> <p>​အကယ်၍ ထာ့ထျန်းဂိုဏ်း၏ သူတော်စင်တစ်ပါးကို ဆရာတင်နိုင်ပြီး ထာ့ထျန်းဂိုဏ်း၏မြင့်မြတ်သားတော် ဖြစ်လာနိုင်မည်ဆိုပါက ရရှိလာမည့် သိုင်းပညာများနှင့် နတ်ဘုရားစွမ်းအားများကို ထည့်မပြောလျှင်တောင်မှ ဤအဆင့်အတန်းတစ်ခုတည်းနှင့်ပင် လူတိုင်းကို ရူးသွပ်သွားစေရန် လုံလောက်နေလေသည်။</p> <p> </p> <p>​"ဒါကြောင့်ကိုး... ဒါကြောင့်ကိုး"</p> <p> </p> <p>​ဝတ်ရုံနက်ဝတ်အဘိုးအိုက ဤစကားကို ကြားသောအခါ အံ့အားသင့်မှုကို မထိန်းနိုင်တော့ချေ။</p> <p> </p> <p>​အစောပိုင်းက ထိုဝတ်ရုံနက်နှင့် အဘိုးအိုသည် အဘယ်ကြောင့် ဤမျှများပြားသော လူများက ယခုအကြိမ် ထာ့ထျန်းဂိုဏ်း၏ တပည့်သစ်ရွေးချယ်ပွဲသို့ တက်ရောက်လာကြသနည်းဟု အံ့သြနေခဲ့သော်လည်း ယခုမှသာ သဘောပေါက် နားလည်သွားရတော့သည်။</p> <p> </p> <p>​"ချန်အာ... မင်း ပိုပြီး ဂရုစိုက်ရမယ်၊ ပေါ့ပေါ့ဆဆနဲ့ ဒီအရေးကြီးတဲ့ အခွင့်အရေးကို လက်လွတ်မခံစေနဲ့"</p> <p> </p> <p>​ဝတ်ရုံနက်ဝတ် အဘိုးအိုက ခေါင်းလှည့်ကာ သူ၏ဘေးရှိ မိသားစုဝင်ပါရမီရှင်လေးကို အသံနက်ကြီးဖြင့် သတိပေးလိုက်၏။</p> <p> </p> <p>​"မြေး နားလည်ပါတယ်"</p> <p> </p> <p>​ပါရမီရှင် လူငယ်လေးက ခပ်အေးအေးပင် ခေါင်းညိတ်ပြလိုက်သည်။ သူ၏ ကိုယ်ပိုင်စွမ်းအားအပေါ် အတော်လေး ယုံကြည်မှုရှိနေပုံရလေသည်။</p> <p> </p> <p>​သို့သော်လည်း သူ၏မျက်လုံးများထဲတွင် အလင်းတန်းတစ်ခု လက်ကနဲ ဖြစ်သွား၏။</p> <p> </p> <p>​'ပုလော့မင်းဆက်လား။ ယဲ့ထျန်းလား'</p> <p> </p> <p>​မည်သည့်အကြောင်းကြောင့်မှန်းမသိ ကျင့်ကြံသူများစွာက ပုလော့မင်းဆက်အပေါ် မထီမဲ့မြင် ပြောဆိုနေကြသည်ကို ကြားလိုက်ရသောအခါ သူ၏စိတ်ထဲတွင် ထိုသို့သော အတွေးတစ်ခု ဝင်လာခဲ့လေသည်။</p> <p> </p> <p>​'ဒီမင်းဆက်က ငါ ဝင်ရောက်ဖို့ ပိုပြီး သင့်တော်နေမလား'</p> <p> </p> <p>​တစ်နည်းဆိုရသော် သူ၏အလိုအလျောက် သိစိတ်အရ ထာ့ထျန်းဂိုဏ်းက ပုလော့မင်းဆက်လောက် ကောင်းမွန်ခြင်း မရှိနိုင်ဟု ခံစားနေခဲ့ရသည်။</p> <p> </p> <p>​'ငါ ဖိအားတွေများလွန်းလို့ စိတ်ကယောင်ချောက်ချား ဖြစ်နေတာနေမှာပါ'</p> <p> </p> <p>​ထို့နောက် သူက ခေါင်းခါယမ်းလိုက်ပြီး ပြန်လည် ပြုံးရယ်လိုက်လေသည်။</p> <p> </p> <p>​မရေမတွက်နိုင်သော နှစ်ပေါင်းများစွာတိုင်အောင် ကျုံးကျိုးတွင် အမြစ်တွယ်နေခဲ့သော ထာ့ထျန်းဂိုဏ်းနှင့် ယခုမှ အသစ်တက်လာသော အင်ပါယာမင်းဆက်တစ်ခုက ဘယ်လိုလုပ်ပြီး ယှဉ်နိုင်ပါမည်နည်း။</p> <p> </p> <p>​သူ၏ ဤအတွေးက တကယ်ကို ရယ်စရာကောင်းလှပေသည်။</p> <p> </p> <p>​ကြီးမားကျယ်ပြန့်သော နေရာလွတ်ကြီး။</p> <p> </p> <p>​ခေါင်းအထက်တွင် အဆုံးအစမဲ့ ကျယ်ပြန့်သော တိမ်ဖြူများရှိနေပြီး ခြေအောက်တွင်မူ မွှေးပျံ့သော ရနံ့များ ထွက်ပေါ်နေသည့် မြက်ခင်းပြင်ကြီး ရှိနေလေသည်။</p> <p> </p> <p>​မိုင်တစ်ထောင်ထက်မက ကျယ်ဝန်းသော နေရာလွတ်ကြီးတစ်ခုက လူတိုင်း၏ ရှေ့မှောက်တွင် ထွက်ပေါ်လာချေပြီ။</p> <p> </p> <p>​"လေဟာနယ်ကနေ ကမ္ဘာတစ်ခုကို ဖန်တီးပြီး လျှို့ဝှက်ကမ္ဘာငယ်တစ်ခုကို ဖွင့်လှစ်နိုင်တယ်ဆိုတော့ သူတော်စင်တစ်ပါးရဲ့ လုပ်ဆောင်နိုင်စွမ်းတွေက တကယ်ကို အံ့မခန်းပဲ"</p> <p> </p> <p>​ကျန်းမိသားစုမှ ဝတ်ရုံနက်ဝတ်အဘိုးအိုက မှန်ထဲရှိ မြင်ကွင်းကို စိုက်ကြည့်နေခဲ့သည်။</p> <p> </p> <p>​အခမ်းအနားကို လာရောက်ကြည့်ရှုကြသော ကျင့်ကြံသူများစွာ၏ ရှေ့တွင် မှော်စာသားများ ရေးထိုးထားသော ကြေးဝါမှန်ကြီးတစ်ချပ် ရှိနေခဲ့သည်။</p> <p> </p> <p>​မှန်ထဲရှိ မြင်ကွင်းမှာ လေဟာနယ်ထဲတွင် ဖုံးကွယ်ထားသော လျှို့ဝှက်ကမ္ဘာငယ်တစ်ခုဖြစ်ပြီး ထိုအထဲတွင် ဖြစ်ပျက်နေသမျှကို တစ်ခုချင်းစီ ဖော်ပြနေခြင်း ဖြစ်၏။</p> <p> </p> <p>​ဤလျှို့ဝှက်ကမ္ဘာငယ်သည် ထာ့ထျန်းဂိုဏ်းမှ သူတော်စင်ဖန်တီးထားသော စမ်းသပ်ရာလျှို့ဝှက်ကမ္ဘာငယ်တစ်ခု ဖြစ်လေသည်။</p> <p> </p> <p>​ထိုလျှို့ဝှက်ကမ္ဘာငယ်၏ စမ်းသပ်မှုကို အောင်မြင်သော ပါရမီရှင်များသာ ထာ့ထျန်းဂိုဏ်းသို့ ဝင်ရောက်နိုင်မည် ဖြစ်သည်။</p> <p> </p> <p>​ထိုအခိုက်အတန့်တွင် မရေမတွက်နိုင်သော ပါရမီရှင်များက စမ်းသပ်ရာလျှို့ဝှက်ကမ္ဘာငယ်ထဲတွင် စုဝေးနေကြပြီး အချို့မှာ မျက်နှာထား အေးစက်နေကာ၊ အချို့မှာ တိုက်ခိုက်လိုစိတ်များ မြင့်တက်နေပြီး အချို့မှာမူ တည်ငြိမ်နေကြလေသည်။</p> <p> </p> <p>​သို့သော်လည်း ဝတ်ရုံနက်ဝတ်အဘိုးအိုက သူ၏ မြေးဖြစ်သူကို တစ်ချက်ကြည့်လိုက်ရုံဖြင့် မှတ်မိနေခဲ့သည်။</p> <p> </p> <p>​"ချန်အာက ငါတို့ ကျန်းမိသားစုရဲ့ ဂုဏ်ယူရတဲ့ သားတစ်ယောက်ပဲ။ သူက ပါရမီရှင်တွေအားလုံးကို အနိုင်ယူပြီး ထာ့ထျန်းဂိုဏ်းရဲ့ မြင့်မြတ်သားတော် သေချာပေါက် ဖြစ်လာလိမ့်မယ်"</p> <p> </p> <p>​ဝတ်ရုံနက်ဝတ်အဘိုးအို၏ အသံက ပြတ်သားနေပြီး သူ၏မြေးအပေါ် အပြည့်အဝ ယုံကြည်မှု ရှိနေခဲ့သည်။</p> <p> </p> <p>​ရောက်ရှိနေသော ပါရမီရှင်များအားလုံးထဲတွင် သူ၏ မြေးဖြစ်သူကသာ အဆင့်အမြင့်ဆုံး ဖြစ်နေပေသည်။</p> <p> </p> <p>​ထို့ပြင် သူတို့ ကျန်းမိသားစုသည် အားနည်းသူက အားကြီးသူကို အနိုင်ယူနိုင်စွမ်းရှိခြင်းဖြင့် နာမည်ကြီးပြီးသား ဖြစ်၏။</p> <p> </p> <p>​ထာ့ထျန်းဂိုဏ်း၏ မြင့်မြတ်သားတော်နေရာကို သူတို့ ကျန်းမိသားစုကသာ ရယူနိုင်မည်ဟု ဆုံးဖြတ်ထားပြီး ဖြစ်သည်။</p> <p> </p> <p>​ချန်အာသာ သတိထားပြီး လုပ်ဆောင်မည်ဆိုလျှင် ရလဒ်က သေချာနေပြီ ဖြစ်လေသည်။</p> <p> </p> <p>​"စမ်းသပ်မှု စတင်ပြီ"</p> <p> </p> <p>​ထာ့ထျန်းဂိုဏ်းမှ အကြီးအကဲများ၏ စကားသံနှင့်အတူ ထာ့ထျန်းဂိုဏ်း၏ စမ်းသပ်မှုကြီးကို စတင်လိုက်လေသည်။</p> <p> </p> <p>​နောက်ဆက်တွဲ ဖြစ်ရပ်များက ဝတ်ရုံနက်ဝတ် အဘိုးအို မျှော်လင့်ထားသည့်အတိုင်းပင် ဖြစ်လာခဲ့သည်။</p> <p> </p> <p>​အထက်တန်းလွှာမိသားစုများမှ တပည့်များစွာသည် စမ်းသပ်မှုတွင် အသာစီးရခဲ့ကြပြီး ပါရမီရှင်များစွာထဲမှ ထင်ရှားစွာ ထွက်ပေါ်လာကာ စမ်းသပ်မှုကို ပြီးမြောက်ခဲ့ကြပေသည်။</p> <p> </p> <p>​စမ်းသပ်မှုကို အောင်မြင်သွားသော ကျင့်ကြံသူများ ရှိသော်လည်း အရေအတွက်က အနည်းငယ်သာ ဖြစ်၏။</p> <p> </p> <p>​ဝတ်ရုံနက်ဝတ် အဘိုးအို၏ မြေးဖြစ်သူ ကျန်းရီချန်ကမူ စမ်းသပ်မှုတွင် ပထမနေရာကို ရရှိသွားခဲ့လေသည်။</p> <p> </p> <p>​"ကောင်းတယ်"</p> <p> </p> <p>​ဝတ်ရုံနက်ဝတ်အဘိုးအိုက လက်ခုပ်တီးကာ ရယ်မောလိုက်ပြီး ကျန်းမိသားစုမှ ချီလင်လေးတစ်ကောင် ထွက်ပေါ်လာပြီဟု ကြွေးကြော်လိုက်လေသည်။</p> <p> </p> <p>​အထက်တန်းလွှာ မိသားစုများမှ အကြီးအကဲကျင့်ကြံသူများစွာက ဝတ်ရုံနက်ဝတ်အဘိုးအိုကို မနာလိုစွာ ကြည့်နေကြသော်လည်း မတတ်နိုင်ကြပေ။</p> <p> </p> <p>​ထို ကျန်းရီချန်သည် ပါရမီရှင်များစွာကို အနိုင်ယူပြီး စမ်းသပ်မှုတွင် နံပါတ်တစ်နေရာကို ရယူနိုင်ခဲ့သည်ဖြစ်ရာ သူတို့အနေဖြင့် အပြစ်ဆိုစရာ မရှိနိုင်ချေ။</p> <p> </p> <p>​"ဝုန်း"</p> <p> </p> <p>​လျှို့ဝှက်ကမ္ဘာငယ်ကြီး ပွင့်ဟသွားပြီး အပြာရောင်ဝတ်ရုံကို ဝတ်ဆင်ထားကာ ဆံပင်အရှည်များ လွင့်ခတ်နေသော ကျန်းရီချန်က လူတိုင်း၏အာရုံစိုက်မှုအောက်တွင် တည်ငြိမ်အေးဆေးစွာဖြင့် ဖြည်းညှင်းစွာ ထွက်ပေါ်လာခဲ့သည်။</p> <p> </p> <p>​"ကောင်းတယ်... ဒီကလေးက ငါတို့ဂိုဏ်းရဲ့ မြင့်မြတ်သားတော်သစ် ဖြစ်လာနိုင်တယ်"</p> <p> </p> <p>​ထာ့ထျန်းဂိုဏ်း၏ အကြီးအကဲချုပ်ဖြစ်သော လဲ့ထျန်းအရှင်သခင်ပင်လျှင် ခေါင်းကို ညင်သာစွာ ညိတ်ပြလိုက်သည်။</p> <p> </p> <p>​လေဟာနယ်ထဲတွင် တုန်ခါမှုတစ်ခုဖြစ်ပေါ်သွားပြီး နေမင်းကြီးတစ်စင်းအလား အရှိန်အဝါရှိသော အနီရောင်ဝတ်ကျင့်ကြံသူတစ်ဦးက လူတိုင်း၏ရှေ့တွင် ထွက်ပေါ်လာခဲ့သည်။</p> <p> </p> <p>​သူ့တစ်ကိုယ်လုံးမှ ထွက်ပေါ်နေသော ကြောက်မက်ဖွယ် အပူချိန်က လေဟာနယ်ကိုပင် အရည်ပျော်သွားစေနိုင်လောက်ပေသည်။</p> <p> </p> <p>​"တပည့်လဲ့ထျန်းက လဲ့ယန်သူတော်စင်ကို ဂါရဝပြုပါတယ်"</p> <p> </p> <p>​လဲ့ထျန်းအရှင်သခင်က ထိုအနီရောင်ဝတ် ကျင့်ကြံသူကို မြင်သောအခါ ခေါင်းငုံ့ကာ အရိုအသေပေးလိုက်သည်။</p> <p> </p> <p>​တစ်ချိန်တည်းမှာပင် ထာ့ထျန်းဂိုဏ်းမှ တပည့်တစ်စုသည်လည်း လေးစားစွာ ဒူးထောက်လိုက်ကြပြီး လဲ့ယန်သူတော်စင်ကို အရိုအသေပေးလိုက်ကြသည်။</p> <p> </p> <p>​ထာ့ထျန်းဂိုဏ်း၏ သူတော်စင် ရောက်ရှိလာလေပြီ။</p> <p> </p> <p>​ထိုနေရာရှိ ကျင့်ကြံသူများစွာက တစ်ယောက်ကိုတစ်ယောက် ကြည့်လိုက်ကြပြီး ခေါင်းငုံ့ကာ သူတော်စင်ဟု ခေါ်ဝေါ်လျက် အရိုအသေ ပေးလိုက်ကြ၏။</p> <p> </p> <p>​"ထကြတော့"</p> <p> </p> <p>​လဲ့ယန်သူတော်စင်က ခေါင်းအနည်းငယ် ညိတ်လိုက်ပြီး လူတိုင်းကို ထရန် အချက်ပြလိုက်သည်။</p> <p> </p> <p>​ချက်ချင်းပင် သူ၏အကြည့်များက ရွေ့လျားသွားပြီး ကျန်းရီချန် အပေါ်သို့ ကျရောက်သွားလေသည်။</p> <p> </p> <p>​"ရှေးဟောင်းမီးမျောက်ဝံရဲ့ သွေးကြောနဲ့ဆိုတော့ ဒီအရှင်မြတ်ရဲ့ တပည့်ဖြစ်ဖို့ ထိုက်တန်ပါတယ်။ သူ့ကို မြင့်မြတ်သားတော်အဖြစ် ငါကိုယ်တိုင် သင်ကြားပေးမယ်"</p> <p> </p> <p>​ဤစကား ထွက်ပေါ်လာသည်နှင့် တစ်ပြိုင်နက် လူတိုင်းက ကျန်းရီချန်ကို မနာလိုစွာဖြင့် ကြည့်လိုက်ကြလေသည်။</p> <p> </p> <p>​လဲ့ယန်သူတော်စင်၏ စကားများအရ ကျန်းရီချန်၏ မြင့်မြတမသားတော်နေရာက ယုံမှားသံသယဖြစ်ဖွယ်မရှိ အတည်ပြုလိုက်ပြီဖြစ်ရာ မည်သူကမျှ မေးခွန်းထုတ်နိုင်တော့မည်မဟုတ်ပေ။</p> <p> </p> <p>​ယနေ့မှစ၍ ကျန်းရီချန်သည် သူတော်စင်၏တိုက်ရိုက်တပည့်ဖြစ်သွားပြီး ထာ့ထျန်းဂိုဏ်း၏ မြင့်မြတ်သားတော် ဖြစ်လာချေပြီ။</p> <p> </p> <p>​'ငါတို့ ကျန်းမိသားစုရဲ့ ချီလင်လေး ဖြစ်လာခဲ့ပြီပဲ'</p> <p> </p> <p>​ဝတ်ရုံနက်ဝတ်အဘိုးအိုမှာ ချက်ချင်းပင် စိတ်လှုပ်ရှားသွားပြီး သက်ပြင်းချကာ စိတ်အေးသွားရသည်။</p> <p> </p> <p>***</p> <p> </p>


Save