Book List

<h2 style="text-align: center;">အခန်း ၈၂၆</h2> <h2 style="text-align: center;">သေစမ်း အသက်ရှင်ရတာ ငြီးငွေ့နေပြီလား</h2> <h2 style="text-align: center;">*</h2> <p> </p> <p> </p> <p> </p> <p>"ဆရာ... ဆရာက အမှတ်စဉ်EV7RYVF54ဂြိုဟ်ကို အောင်အောင်မြင်မြင် ဝယ်ယူပြီးပါပြီ။ ဆရာ့မှာ ဒီဂြိုဟ်အတွက် အချုပ်အခြာအာဏာ အပြည့်အဝရှိသလို ကိုယ်ပိုင်ခုခံကာကွယ်ပိုင်ခွင့်လည်း ရှိပါတယ်။ ကျေးဇူးပြုပြီး ဝယ်ယူမှုပမာဏဖြစ်တဲ့ စကြဝဠာဒင်္ဂါးတစ်သောင်းကို ပေးချေပေးပါရှင့်"</p> <p> </p> <p>"အရမ်းဈေးသက်သာတာပဲ"</p> <p> </p> <p>ကျန်းမုန့်လောင်သည် စကြဝဠာမဟာမိတ်အဖွဲ့၏ စနစ်အတွင်း၌ ထိုငွေပမာဏကို ပေါ့ပေါ့ပါးပါး ပေးချေလိုက်သည်။</p> <p> </p> <p>သူသည် ယခင်က ကျန်းခိုင် ချန်ထားရစ်ခဲ့သော ပိုက်ဆံများမှာ ကမ္ဘာဂြိုဟ်ကို ဝယ်ယူရန် လုံလောက်ပါ့မလားဟု စိုးရိမ်ခဲ့ဖူးသည်။ ယခု ပြန်ကြည့်လိုက်သည့်အခါတွင်မူ ထိုစိုးရိမ်မှုများမှာ အမှန်တကယ် ရယ်စရာကောင်းလှ‌ပေသည်။</p> <p> </p> <p>"ငါတို့ကမ္ဘာဂြိုဟ်က တန်ဖိုးအနိမ့်ဆုံးအဆင့် ဖြစ်နေလိမ့်မယ်လို့ လုံးဝထင်မထားဘူး"</p> <p> </p> <p>ကျန်းမုန့်လောင်က ရွှတ်နောက်နောက် ဆိုလိုက်သည်။</p> <p> </p> <p>"ကျောင်းအုပ်ကြီး... ဒါက ပုံမှန်ပါပဲ.. လူကြီးမင်းတို့ကမ္ဘာဂြိုဟ်ရဲ့နည်းပညာဟာ နှစ်ပေါင်းရာဂဏန်းလောက်ပဲ ဖွံ့ဖြိုးသေးတာဆိုတော့ အဆင့်တစ်မျိုးနွယ်စုရဲ့ ကနဦးပုံစံပဲ ရှိပါသေးတယ်။ ဒီဈေးနဲ့ ပေးဝယ်တာကကတောင် တော်တော်ရက်ရောလွန်းနေပါပြီ"</p> <p> </p> <p>"လူကြီးမင်း... ငွေပေးချေမှု ပြီးဆုံးပါပြီ"</p> <p> </p> <p>ဂြိုဟ်ပိုင်ဆိုင်ခွင့် လုပ်ငန်းစဉ်များကို ကိုင်တွယ်ပေးနေသည့် ဝန်ထမ်းက တရိုတသေပြောလိုက်၏။</p> <p> </p> <p>စကြဝဠာအတွင်း၌ ဒင်္ဂါးတစ်သောင်းကို အလွယ်တကူထုတ်ပေးနိုင်သူ မည်သူမဆို အလွန်ချမ်းသာသူဟု သတ်မှတ်ခံရပြီး ဤအခြေခံဝန်ထမ်းများထက် အဆပေါင်းများစွာ ပိုချမ်းသာကြသည်။</p> <p> </p> <p>"ကျေးဇူးပါ"</p> <p> </p> <p>ကျန်းမုန့်လောင်က စကြဝဠာမဟာမိတ်အဖွဲ့ထံမှ အီးမေးလ်တစ်စောင်ကို ချက်ချင်း လက်ခံရရှိခဲ့သည်။ ထိုအီးမေးလ်တွင် ဂြိုဟ်ပိုင်ရှင်တစ်ဦး၏ ရပိုင်ခွင့်အမျိုးမျိုးကို ဖော်ပြထားပြီး ထိုအခွင့်အရေးများအားလုံးကို စကြဝဠာမဟာမိတ်အဖွဲ့က အကာအကွယ်ပေးထားသည်။</p> <p> </p> <p>ဤအခိုက်အတန့်မှစ၍ ကျန်းမုန့်လောင်သည် ကမ္ဘာဂြိုဟ်၏ပိုင်ရှင် ဖြစ်လာခဲ့လေပြီ။ လက်တွေ့တွင်မူ သူတို့သည် နှစ်ပေါင်း ထောင်ချီကတည်းက ပိုင်ရှင်များ ဖြစ်ခဲ့ကြခြင်းပင်။</p> <p> </p> <p>"ဟမ်.. ဘာလို့ နောက်ထပ်မက်ဆေ့ခ်ျတစ်စောင် ရှိနေတာလဲ"</p> <p> </p> <p>ကျန်းမုန့်လောင်မှာ သူ့မက်ဆေ့ချ်ဘောက်စ်ထဲတွင် နောက်ထပ်အီးမေးလ်တစ်စောင်ကို မြင်လိုက်ရ၏။</p> <p> </p> <p>၎င်းမှာ နဂါးငွေ့တန်းမျိုးနွယ်စုထံမှ လာသော မက်ဆေ့ခ်ျတစ်ခုပင်။</p> <p> </p> <p>မစ္စတာကျန်းမုန့်လောင်ခင်ဗျာ... ခင်ဗျားက အမှတ်စဉ်EV7RYVF54ဂြိုဟ်ကို စကြဝဠာမဟာမိတ်အဖွဲ့ကတစ်ဆင့် ဝယ်ယူခဲ့ကြောင်း ကျွန်တော်တို့ သိရှိရပါတယ်။ ခင်ဗျားတင်ပြထားတဲ့ ကိုဩဒိနိတ်တွေအရ ခင်ဗျားရဲ့ဂြိုဟ်ဟာ ဘယ်အဆင့်နှစ်မျိုးနွယ်စုရဲ့ နယ်မြေထဲမှာမှ ပါဝင်ခြင်းမရှိတဲ့အတွက် ဒီဂြိုဟ်ရဲ့ လုံခြုံရေးကို နဂါးငွေ့တန်းက တာဝန်ယူစောင့်ရှောက်ပေးသွားမှာ ဖြစ်ပါတယ်။</p> <p> </p> <p>သက်ဆိုင်ရာနဂါးငွေ့တန်း ဥပဒေတွေအရ ခင်ဗျားအနေနဲ့ ဂြိုဟ်ရဲ့တစ်နှစ်တာ စုစုပေါင်းအထွက်နှုန်းရဲ့ ၁၀ရာခိုင်နှုန်းကို အခွန်အဖြစ် ပေးဆောင်ရမှာဖြစ်ပါတယ်။ ခင်ဗျားက ဂြိုဟ်ကို အခုမှ ဝယ်ယူတာဖြစ်တဲ့အတွက် ပထမဆုံးနှစ်တစ်ရာအတွက် အခွန်ကို ထက်ဝက်လျှော့ပေါ့ပေးမှာပါ။ သက်ဆိုင်ရာကိစ္စရပ်တွေကို ဆွေးနွေးဖို့အတွက် ကိုယ်စားလှယ်တစ်ဦးက မကြာခင်ခင်ဗျားကို ဆက်သွယ်လာပါလိမ့်မယ်။</p> <p> </p> <p>စာသားများမှာ အလွန်ယဉ်ကျေးသော်လည်း ဆိုလိုရင်းမှာမူ 'ဆက်ကြေးတောင်းနေခြင်း' ဖြစ်ကြောင်း ကျန်းမုန့်လောင် ရိပ်မိလိုက်၏။</p> <p> </p> <p>မူလကတည်းက ကျန်းမုန့်လောင်သည် ကိုယ်ပိုင်စစ်သင်္ဘောအုပ်စုတစ်စုကို တည်ဆောက်ရန် စီစဉ်ထားပြီးဖြစ်၏။ ထို့ကြောင့် ကျူးကျော်ခံရလျှင်ပင် သူတို့ဘာသာ ကာကွယ်နိုင်ပေသည်။</p> <p> </p> <p>အဲဒီတော့ မင်းတို့ကို ဘာလို့ ဆက်ကြေးပေးရမှာလဲ။</p> <p> </p> <p>နဂါးငွေ့တန်းကြီးတစ်ခုလုံး ပေါက်ကွဲသွားလျှင်ပင် ကမ္ဘာဂြိုဟ်ကို ထိခိုက်မည်မဟုတ်ပေ။ ကမ္ဘာဂြိုဟ်ကသာ သူတို့ကို ဆက်ကြေးပြန်တောင်းရမည့်ကိန်းပင်။ ယင်းမှာ တကယ်အဓိပ္ပာယ်မရှိလှပေ။</p> <p> </p> <p>မကြာခင်မှာပင် ကျန်းမုန့်လောင်ထံသို့ ဆက်သွယ်မှု တောင်းဆိုချက်တစ်ခု ရောက်လာတော့သည်။</p> <p> </p> <p>"အရမ်းမြန်တာပဲ"</p> <p> </p> <p>ကျန်းမုန့်လောင်က ဆက်သွယ်မှုကို ချက်ချင်းလက်ခံလိုက်သည်။</p> <p> </p> <p>ဟိုလိုဂရပ်ဖစ်ပုံရိပ်ထဲတွင် ဂြိုဟ်သားနှင့်တူသော သတ္တဝါတစ်ကောင် ပေါ်လာချေသည်။ သူ့တွင် ဆံပင်ရှိသလိုလည်း ထင်ရပေသည်။</p> <p> </p> <p>"ဟယ်လို.. EV7RYVF54ရဲ့အရှင်သခင်.. ကျွန်တော်က နဂါးငွေ့တန်းဘက်စုံစီမံခန့်ခွဲရေးရုံးက အက်ခ်ဆာပါ။ ခင်ဗျားနဲ့ အခွန်ဆိုင်ရာကိစ္စရပ်တွေကို ဆွေးနွေးဖို့ လာတာပါ"</p> <p> </p> <p>"ခဏ"</p> <p> </p> <p>ကျန်းမုန့်လောင်က သူ့စကားကို ဖြတ်ပြောလိုက်သည်။</p> <p> </p> <p>"မင်းကို မေးစရာမေးခွန်းတစ်ခု ရှိတယ်"</p> <p> </p> <p>"မေးပါ"</p> <p> </p> <p>အက်ခ်ဆာက ယဉ်ကျေးသောစကားလုံးများကိုသာ သုံးသော်လည်း သူ့လေသံတွင်မူ စစ်မှန်သောရိုသေမှု ကင်းမဲ့နေသည်မှာ သိသာလှ၏။</p> <p> </p> <p>နဂါးငွေ့တန်းဘက်စုံစီမံခန့်ခွဲရေးရုံးဆိုသည်မှာ တကယ်တမ်းတွင် နဂါးငွေ့တန်းအတွင်းရှိ အစိုးရအဖွဲ့အစည်းတစ်ခုဖြစ်ကြောင်း သိထားရန် လိုအပ်ပေသည်။ ဝန်ထမ်းများမှာ စကြဝဠာအဆင့် အစိုးရဝန်ထမ်းများ ဖြစ်ကြသည်။</p> <p> </p> <p>အထူးသဖြင့် အခွန်ကောက်ခံသည့် ဝန်ထမ်းများမှာ အဆင့်အတန်းမြင့်မားရုံသာမက အခွင့်ထူးများစွာလည်း ရရှိကြသည်။</p> <p> </p> <p>အဆင့်သုံးမျိုးနွယ်စုမှ လူများသည် သက်ရှိအဆင့်အတန်း မမြင့်မားသော်လည်း အဆင့်တစ်နှင့် အဆင့်နှစ်မျိုးနွယ်စုရှိ လူများကိုမူ တစ်ဖက်သတ်အထင်သေးတတ်ကြသည်။ ထိုလူမှာ မျိုးနွယ်စုတစ်ခု၏ အုပ်ချုပ်သူဖြစ်နေလျှင်ပင် ဂရုမစိုက်တတ်ကြပေ။</p> <p> </p> <p>"ငါက စကြဝဠာမဟာမိတ်အဖွဲ့ကတစ်ဆင့် ဒီဂြိုဟ်ကို ဝယ်ခဲ့တာဆိုတော့ ငါကပဲ ဒီဂြိုဟ်ရဲ့ပိုင်ရှင်ဖြစ်ရမှာ မဟုတ်ဘူးလား"</p> <p> </p> <p>"ဟုတ်ပါတယ်။ အဲ့ဒီလိုအဓိပ္ပာယ်ဖွင့်လို့ ရပါတယ်"</p> <p> </p> <p>"ငါ့မှာ ဒီဂြိုဟ်နဲ့ပတ်သက်ပြီး အမြတ်အစွန်းရယူပိုင်ခွင့်၊ ခုခံကာကွယ်ပိုင်ခွင့်နဲ့ ကုန်သွယ်ပိုင်ခွင့် အားလုံးရှိတယ်.. ဟုတ်တယ်မလား"</p> <p> </p> <p>"မှန်ပါတယ်"</p> <p> </p> <p>"ဒါဆိုရင် ဒါက ငါ့ဂြိုဟ်ဆိုတော့ မင်းတို့နဲ့လည်း ဘာမှမသက်ဆိုင်ဘဲနဲ့ ငါက မင်းတို့ကို ဘာလို့အခွန်ပေးရမှာလဲ"</p> <p> </p> <p>အမှန်စင်စစ်တွင် ဤကဲ့သို့သော စုံစမ်းမေးမြန်းမှုများမှာ မကြာခဏ ဖြစ်ပေါ်လေ့ရှိသည်။ အထူးသဖြင့် နဂါးငွေ့တန်းမျိုးနွယ်စုထဲမှမဟုတ်ဘဲ ဂြိုဟ်ပိုင်ရှင်အသစ်ဖြစ်လာသူများမှာ ဤကဲ့သို့ မေးလေ့ရှိကြ‌သည်။</p> <p> </p> <p>"အရှင်သခင်... ကျွန်တော်တို့စကြဝဠာကြီးက လက်ရှိမှာ အထွေထွေငြိမ်းချမ်းရေးအခြေအနေမှာ ရှိနေပေမဲ့ နဂါးငွေ့တန်း အပါအဝင် နေရာတချို့မှာ ဒေသအလိုက် ပဋိပက္ခတွေ ရှိနေပါသေးတယ်။ ခင်ဗျား ဝယ်ထားတဲ့ဂြိုဟ်က အဆင့်တစ်မျိုးနွယ်စုပဲ ရှိသေးတယ်ဆိုတာကို ခင်ဗျား နားလည်ရပါမယ်။ အဲ့ဒါက အရမ်းအားနည်းလွန်းတယ်လေ"</p> <p> </p> <p>"ကျွန်တော်တို့က ခင်ဗျားကို တတ်နိုင်သမျှ အကာအကွယ်ပေးမှာပါ။ အဲဒါကြောင့် တခြားမျိုးနွယ်စုတွေရဲ့ ခြိမ်းခြောက်မှုတွေနဲ့ လက်နက်ကိုင်တိုက်ခိုက်မှုတွေကို ခင်ဗျား စိုးရိမ်စရာမလိုတော့ပါဘူး။ အဲ့ဒီအတွက် ကျွန်တော်တို့က အချိုးကျအခွန်လေးပဲ ကောက်ခံတာပါ။ ဒါက အရမ်းမျှတပါတယ်"</p> <p> </p> <p>"သြော်... မလိုပါဘူး။ ကျေးဇူးပဲ"</p> <p> </p> <p>ကျန်းမုန့်လောင်က ပြတ်ပြတ်သားသားငြင်းလိုက်သည်။</p> <p> </p> <p>"ငါ့ဘာသာ စစ်သင်္ဘောအုပ်စု တည်ဆောက်မှာမို့ ဘယ်လိုအရူးမျိုးနွယ်စုကမှ ငါတို့ကို လာတိုက်ရဲမှာ မဟုတ်ဘူးထင်တယ်။ ဒါကြောင့် မင်းတို့ရဲ့ အကာအကွယ်ကို မလိုအပ်ဘူး"</p> <p> </p> <p>"အရှင်သခင်... ကျွန်တော်တို့မှာ ခင်ဗျားရဲ့ အချက်အလက်တွေ ရှိပါတယ်။ ခင်ဗျားရဲ့ဂြိုဟ်EV7RYVF54ကို စကြဝဠာမဟာမိတ်အဖွဲ့က အဆင့်တစ်မျိုးနွယ်စုရဲ့ အနိမ့်ဆုံးအဆင့်လို့ သတ်မှတ်ထားပါတယ်။ ခင်ဗျားမှာ စစ်သင်္ဘောအုပ်စုရှိနေရင်တောင် တခြား အဆင့်တစ်မျိုးနွယ်စုတွေကို ယှဉ်နိုင်မှာ မဟုတ်လောက်ဘူး"</p> <p> </p> <p>"ပြီးတော့ တခြားမျိုးနွယ်စုတွေက ပဋိပက္ခတွေကို တမင်တကာမဖန်တီးဘူးလို့လည်း ကျွန်တော်တို့ အာမမခံနိုင်ပါဘူး။ ဒါကြောင့် ခင်ဗျား သေချာပြန်စဉ်းစားဖို့ မျှော်လင့်ပါတယ်"</p> <p> </p> <p>ဤစကားမှာ ခြိမ်းခြောက်မှုအနည်းငယ် ပါဝင်နေလေသည်။</p> <p> </p> <p>နဂါးငွေ့တန်း၏ အကြီးအကဲအနေနှင့်မူ အနည်းငယ်ပိုသန်မာသော အဆင့်တစ် သို့မဟုတ် အဆင့်နှစ်မျိုးနွယ်စုတချို့မှာ အကြီးအကဲကို မျက်နှာလိုမျက်နှာရလုပ်ရန်အတွက် လက်ပါးစေအဖြစ် ကူညီပေးရန်ပင် ဝန်မလေးကြပေ။</p> <p> </p> <p>"ဒါက ဆက်ကြေးတောင်းနေတာမဟုတ်ဘူးလား"</p> <p> </p> <p>ကျန်းမုန့်လောင်က ရယ်မောလိုက်၏။</p> <p> </p> <p>"မင်းတို့ရဲ့အရှင်သခင်ကိုသာ သွားမေးကြည့်လိုက်ပါဦး။ သူ ငါ့ဆီက ဆက်ကြေးတောင်းရဲတဲ့ သတ္တိရှိလားလို့"</p> <p> </p> <p>"မင်းက ငါတို့နဂါးငွေ့တန်းရဲ့ အရှင်သခင်ကို စိန်ခေါ်ရဲတယ်ပေါ့"</p> <p> </p> <p>ပုံမှန်အားဖြင့် ဆွေးနွေးမှုများမှာ ဤအဆင့်သို့ရောက်လျှင် ခေါင်းမာသော ဂြိုဟ်ပိုင်ရှင်များပင် လက်လျှော့ကာ အခွန်ပေးဆောင်လေ့ရှိကြသည်။ ကျန်းမုန့်လောင်ကဲ့သို့ လုံးဝလက်မခံဘဲ တိုက်ရိုက်ပြန်လည်တုံ့ပြန်သူမျိုးကို အက်ခ်ဆာ ပထမဆုံးအကြိမ် ကြုံဖူးခြင်းပင်။</p> <p> </p> <p>"မင်းတို့အရှင်သခင်ကို စိန်ခေါ်တာလားဆိုတော့ ဟုတ်တယ်။ ငါ စိန်ခေါ်နေတာ။ သူ့ကို သွားမေးကြည့်လိုက်။ စကားတစ်ခွန်းတောင်ပြည့်အောင် ဟရဲလားလို့"</p> <p> </p> <p>ကျန်းမုန့်လောင်က ဆက်ပြောလိုက်သည်။</p> <p> </p> <p>"ကဲ... ငါ့ဖုန်းက အားကုန်တော့မယ်။ ဖုန်းချလိုက်တော့မယ်"</p> <p> </p> <p>"ထားလိုက်ပါတော့။ ငါ မရှိတဲ့အချိန် ကမ္ဘာမှာ ဘာပြဿနာမှမတက်အောင် အိုလောရင့်စ်ကို သတိပေးချက်တစ်ခုပို့လိုက်တာ ပိုကောင်းမယ်"</p> <p> </p> <p>...</p> <p> </p> <p> </p> <p>"ဘာတွေဖြစ်နေလဲဆိုတာ အခုထိ မသိသေးဘူးလား"</p> <p> </p> <p>အိုလောရင့်စ်သည် သူ့လက်အောက်ငယ်သားများကို ဒေါသတကြီး ကြည့်လိုက်လေသည်။</p> <p> </p> <p>"အမြွှာဝေလငါးစကြဝဠာအင်ပါယာက စစ်သင်္ဘောအုပ်စုတစ်စု ငါတို့နဂါးငွေ့တန်းထဲကို ရောက်နေတာတောင် မင်းတို့ ဘာမှမသိကြဘူးလား"</p> <p> </p> <p>"အရှင်သခင်... အဲ့ဒါက အဆင့်ငါးမျိုးနွယ်စုရဲ့ စစ်သင်္ဘောအုပ်စုပါ။ ကျွန်တော်တို့ရဲ့နည်းပညာနဲ့ ရှာမတွေ့နိုင်တဲ့အတွက်​ ကျွန်တော်တို့ ဘာမှမတတ်နိုင်ပါဘူး"</p> <p> </p> <p>နဂါးငွေ့တန်းစစ်တပ်၏တပ်မှူးက မျက်နှာငယ်လေးဖြင့် ပြန်ပြောလိုက်သည်။ သူတို့ရှာတွေ့ခဲ့လျှင်ပင် ဘာလုပ်နိုင်မည်နည်း။</p> <p> </p> <p>"အိုက်ဇက်မျိုးနွယ်စုမှာ ဘာတွေဖြစ်ခဲ့တာလဲ"</p> <p> </p> <p>"ဘာတွေဖြစ်ခဲ့လဲဆိုတာ မြင်တဲ့သူမရှိပါဘူး။ ဒါပေမဲ့ အဲ့ဒီနေရာမှာကျန်နေခဲ့တဲ့ စွမ်းအင်နှစ်ခုကို ကျွန်တော်တို့ တွေ့ခဲ့ရပါတယ်။ အဲ့ဒီစွမ်းအင်နှစ်ခုလုံးက အဆင့်ခြောက်သက်ရှိရဲ့စံနှုန်းအထိ ရောက်နေပါပြီ"</p> <p> </p> <p>"အဆင့်ခြောက်သက်ရှိ ဟုတ်လား"</p> <p> </p> <p>အိုလောရင့်စ်ခမျာ ထိတ်လန့်သွားတော့သည်။ အဆင့်ခြောက်သက်ရှိတစ်ဦးတည်းနှင့်ပင် အမြွှာဝေလငါးစကြဝဠာအင်ပါယာတစ်ခုလုံးကို ပြောင်းပြန်လှန်ပစ်နိုင်သည်။</p> <p> </p> <p>အဆင့်ခြောက်သက်ရှိနှစ်ဦးက</p> <p>သူ့နဂါးငွေ့တန်းထဲမှာ ဘာလာလုပ်ကြလေသလဲ။ ဖျက်ဆီးရေးလုပ်ငန်းများလား။</p> <p> </p> <p>"အဲ့ဒီလူနဲ့များ ပတ်သက်နေတာလား"</p> <p> </p> <p>အိုလောရင့်စ်ခမျာ ယခင်က အိုင်ဇက်မျိုးနွယ်စုကို ဝယ်ယူရန် ကြိုးစားခဲ့သည့် လျှို့ဝှက်ဆန်းကြယ်သော ထိုပုဂ္ဂိုလ်အကြောင်း မတွေးဘဲ မနေနိုင်တော့ပေ။</p> <p> </p> <p>ထိုစဉ် အိုလောရင့်စ်၏ ဉာဏ်ရည်တုစနစ်ထံသို့ နောက်ထပ် ဆက်သွယ်မှုတောင်းဆိုချက်တစ်ခု ရောက်လာသည်။</p> <p> </p> <p>"သူပဲ"</p> <p> </p> <p>အိုလောရင့်စ် အချိန်မဆွဲရဲပေ။</p> <p> </p> <p>"ဟယ်လို.. မစ္စတာကျန်း"</p> <p> </p> <p>"အိုလောရင့်စ် ကျုပ် အကူအညီတစ်ခုလောက် တောင်းချင်တယ်"</p> <p> </p> <p>"ဟုတ်ကဲ့။ ပြောပါ"</p> <p> </p> <p>"မကြာသေးခင်က ကျုပ်အမှတ်စဉ် EV7RYVF54ဂြိုဟ်ကို ဝယ်ခဲ့တယ်။ ဒါပေမဲ့ ခင်ဗျားလူတွေက ကျုပ်ဆီက အခွန်လာကောက်ချင်နေကြတယ်။ ကျုပ်ဂြိုဟ်ကို ကျုပ်ဘာသာ ကာကွယ်နိုင်တယ်လို့ထင်တာပဲ။ ခင်ဗျားရော ဘယ်လိုထင်လဲ"</p> <p> </p> <p>"ဘယ်လိုအရူးမျိုးလဲ။ သေချင်နေတာလား"</p> <p> </p> <p>အိုလောရင့်စ်က စကြဝဠာအဆင့် ဆဲဆိုသံများကို ချက်ချင်းထုတ်လွှတ်လိုက်သည်။ ဤကဲ့သို့သော ထိပ်သီးပုဂ္ဂိုလ်ဆီက အခွန်လာကောက်ရအောင် မည်သူကများ ဤမျှအထိ ဦးနှောက်မရှိရသလဲ။</p> <p> </p> <p>"စိတ်ချပါ။ ဒီကိစ္စကို ကျွန်တော် အခုချက်ချင်း ကိုင်တွယ်လိုက်ပါ့မယ်"</p> <p> </p> <p>"ကျေးဇူးအများကြီးတင်ပါတယ်"</p> <p> </p> <p>ကျန်းမုန့်လောင်က ရယ်မောလိုက်၏။</p> <p> </p> <p>"မစ္စတာကျန်း ကျွန်တော် တစ်ခုလောက် မေးလို့ရမလား"</p> <p> </p> <p>"ဘာလဲ"</p> <p> </p> <p>"အစောတုန်းက အိုင်ဇက်မျိုးနွယ်စုမှာ အဆင့်ခြောက်သက်ရှိနှစ်ယောက်နဲ့ အဆင့်ငါးစစ်သင်္ဘောအုပ်စုတစ်စု ရောက်နေတာကို ကျွန်တော်တို့ တွေ့ခဲ့ပါတယ်။ မမေးသင့်ဘူးဆိုတာ သိပေမဲ့ ကျွန်တော်က ဒီနဂါးငွေ့တန်းရဲ့ အရှင်သခင်ဆိုတော့... ဒါက..."</p> <p> </p> <p>"သြော်... အဲ့ဒီစစ်သင်္ဘောအုပ်စုက ကျုပ် ခေါ်လိုက်တာပါ။ စီးပွားရေးလူလိမ်တစ်ယောက်က ကျုပ်ကိုဒုက္ခပေးဖို့ ကြိုးစားပြီး သတ်ဖြတ်မယ်ဆိုပြီး အဆင့်ခြောက်သက်ရှိတစ်ယောက်ကို ခေါ်လာလို့။ ကျုပ်ကလည်း သူတို့ကို လက်သီးတစ်ချက်လောက်ထိုးပြီး ​ချေမှုန်းပစ်လိုက်တာ"</p> <p> </p> <p>"လက်သီးတစ်ချက်တည်းနဲ့ အဆင့်ခြောက်သက်ရှိကို ​ချေမှုန်းလိုက်တာလား"</p> <p> </p> <p>အမှန်တရားကို သေချာမသိသော်လည်း အဆင့်ငါးမျိုးနွယ်စု၏ စစ်သင်္ဘောအုပ်စုကိုပင် အမိန့်ပေးနိုင်သည်ဆိုခြင်းမှာ သူ့အတွက် ဘောင်းဘီထဲ သေးထွက်ကျမတတ် ကြောက်စရာကောင်းလှပေသည်။</p> <p> </p> <p>"ပြဿနာရှိလို့လား"</p> <p> </p> <p>"မရှိပါဘူး.. မရှိပါဘူးဗျ"</p> <p> </p> <p>အိုလောရင့်စ်ခမျာ ဘာပြဿနာမှ မရှိရဲပေ။ တစ်စုံတစ်ယောက်က အဆင့်ခြောက်သက်ရှိကို လက်သီးဖြင့် ထိုးသတ်ခဲ့သည်ဖြစ်စေ၊ သို့မဟုတ် သူ့မိခင်အရင်းကိုပင် လက်သီးဖြင့် ထိုးသတ်ခဲ့သည်ဖြစ်စေ သူကတော့ ဘာပြဿနာမှ မရှိပါဘူးဟုသာ ပြောပေလိမ့်မည်။</p> <p> </p> <p> </p> <p> </p> <p> </p> <p>****************</p> <p> </p> <p> </p> <p>***</p> <p> </p>


Save