Book List

<h2 style="text-align: center;">အခန်း ၈၂၇</h2> <h2 style="text-align: center;">ငါက ပုံမှန်မဟုတ်တာတွေကိုမှ သဘောကျတာ</h2> <h2 style="text-align: center;">*</h2> <p> </p> <p> </p> <p> </p> <p>"မစ္စတာကျန်း စိတ်ချပါ.. လူကြီးမင်းဝယ်ထားတဲ့ ဂြိုဟ်တင်မကဘူး။ လူကြီးမင်းရဲ့ သူငယ်ချင်းတွေကို ပေးထားတဲ့ အဆင့်နှစ်မျိုးနွယ်စု ဆယ်ခုလုံးကိုလည်း နောင်အနာဂတ်မှာ အခွန်ပေးဆောင်စရာမလိုအောင် ကျွန်တော်ကိုယ်တိုင် စီစဉ်လိုက်ပါ့မယ်"</p> <p> </p> <p>အိုလောရင့်စ်ပ ငတုံးမဟုတ်ပေ။ ဤသို့ပြုလုပ်ခြင်းမှာ သူ့အကျိုးအမြတ်တချို့ကို ထိခိုက်စေနိုင်သော်လည်း ရေရှည်အတွက်မူ စင်စစ်ထိုက်တန်သော ရင်းနှီးမှုဖြစ်ကြောင်း နားလည်ပေသည်။ ယခုမူ သူတို့၏မျိုးနွယ်စုတွင် အဆင့်ငါးစစ်သင်္ဘောအုပ်စုကို အမိန့်ပေးနိုင်သူတစ်ဦး ရှိနေပြီဖြစ်ရာ နောင်အနာဂတ်တွင် အမြွှာဝေလငါးစကြဝဠာအင်ပါယာတစ်ခုလုံး၌ မည်သူကများ နဂါးငွေ့တန်းကို လာရောက်နှောင့်ယှက်ရဲတော့မည်နည်း။</p> <p> </p> <p>"ဒါဆိုရင် ကျေးဇူးအများကြီးတင်ပါတယ် မစ္စတာအိုလောရင့်စ်"</p> <p> </p> <p>ကျန်းမုန့်လောင်က ဆိုသည်။</p> <p> </p> <p>"ကျုပ်က အခုကစပြီး နဂါးငွေ့တန်းမှာပဲ အမြဲနေသွားမှာမို့.. တကယ်လို့ နဂါးငွေ့တန်းအတွက် ခြိမ်းခြောက်မှုတစ်ခုခု ရှိလာရင် ကျုပ်ကို ကြိုအကြောင်းကြားပေးပါ"</p> <p> </p> <p>"ဟုတ်ကဲ့ပါခင်ဗျာ"</p> <p> </p> <p>အိုလောရင့်စ်၏မျက်နှာထက်တွင် အပြုံးတစ်ပွင့် ပေါ်လာလေသည်။</p> <p> </p> <p>ဤကဲ့သို့သော ထိပ်သီးပုဂ္ဂိုလ်ကြီးက နဂါးငွေ့တန်းတွင် အမြဲနေထိုင်မည်ဟု ဆိုလာခြင်းမှာ သူ့စစ်သင်္ဘောအုပ်စုကလည်း ဤနေရာမှာပင် အမြဲရှိနေမည်ဟု ဆိုလိုခြင်းပင်။ ၎င်းမှာ နဂါးငွေ့တန်းအတွက် 'အစောင့်အရှောက်နတ်ဘုရား'တစ်ပါး ရရှိလိုက်ခြင်းနှင့်ပင် တူလှချေသည်။</p> <p> </p> <p>"တစ်ယောက်ယောက် လာခဲ့စမ်း"</p> <p> </p> <p>အိုလောရင့်စ်ကလည်း ချက်ချင်းအမိန့်ပေးလိုက်၏။</p> <p> </p> <p>"အရှင်သခင်.. ဘာများလိုအပ်ပါသလဲ"</p> <p> </p> <p>သူ့လက်အောက်ငယ်သားများမှာ ဘေးနားသို့ ချက်ချင်းရောက်လာကြသည်။</p> <p> </p> <p>"နဂါးငွေ့တန်းဘက်စုံစီမံခန့်ခွဲရေးရုံးကို သွားလိုက်စမ်း။ အမှတ်စဉ်EV7RYVF54ဂြိုဟ်နဲ့ အိုင်ဇက်မျိုးနွယ်စုနယ်မြေထဲမှာရှိတဲ့ အဆင့် နှစ်မျိုးနွယ်စုဆယ်ခုစလုံးကို ထာဝရအခွန်ကင်းလွတ်ခွင့်ပေးလိုက်ပြီလို့ အကြောင်းကြားလိုက်"</p> <p> </p> <p>"အရှင်သခင်... ဒါက..."</p> <p> </p> <p>သူ့လက်အောက်ငယ်သားမှာ အနည်းငယ် တုံ့ဆိုင်းသွားသည်။ နဂါးငွေ့တန်းမှာ အလွန်ကြီးမားသော အဆင့်သုံးမျိုးနွယ်စုမဟုတ်ပေ။ သူ့လက်အောက်တွင် အဆင့်နှစ်မျိုးနွယ်စုတစ်ရာကျော်သာ ရှိ၏။ ဤသည်မှာ နှစ်စဉ်ဝင်ငွေ၏ ဆယ်ရာခိုင်နှုန်းခန့် ဆုံးရှုံးသွားခြင်းဖြစ်လေရာ ပမာဏအနည်းငယ်မျှ မဟုတ်ပေ။</p> <p> </p> <p>"ခိုင်းတဲ့အတိုင်းသာ လုပ်စမ်းပါ"</p> <p> </p> <p>အိုလောရင့်စ်က ပြောလိုက်သည်။</p> <p> </p> <p>"တစ်နေ့ကျရင် ငါတို့ရဲ့နဂါးငွေ့တန်းမျိုးနွယ်စုက အမြွှာဝေလငါးစကြဝဠာအင်ပါယာ တစ်ခုလုံးမှာ ဘယ်သူမှမထိရဲတဲ့ မျိုးနွယ်စုတစ်ခု ဖြစ်လာနိုင်တယ်"</p> <p> </p> <p> </p> <p>...</p> <p> </p> <p> </p> <p>"အာ... ရာသီဥတုက သာယာလိုက်တာ"</p> <p> </p> <p>အခန်းထဲက ထွက်လာရင်း ကျန်းမုန့်လောင် ကိုယ်လက်အကြောဆန့်လိုက်သည်။</p> <p> </p> <p>သူသည် ယခုအခါတွင် ကမ္ဘာဂြိုဟ်၏ အချုပ်အခြာအာဏာပိုင်တစ်ယောက် ဖြစ်လာလေပြီ။ စကြဝဠာစင်မြင့်ထက်သို့ တက်လှမ်းစပြုနေပြီဖြစ်သော ဤမျိုးနွယ်စုအတွက် တစ်စုံတစ်ခုဖြည့်ဆည်းပေးရန် လိုအပ်သည်ဟု သူ ခံစားမိသည်။</p> <p> </p> <p>"ကောထန်... ငါ စစ်သင်္ဘောတစ်စီးလောက် ဝယ်ချင်တယ်။ နည်းလမ်းရှိလား"</p> <p> </p> <p>"ကျောင်းအုပ်ကြီး... စကြဝဠာအဆင့်စူပါမားကတ်တွေမှာ ခင်ဗျားတွေးမိသမျှ အရာအားလုံးကို ဝယ်လို့ရပါတယ်။ အဆင့်တစ်ကနေ အဆင့်ငါးမျိုးနွယ်စုတွေရဲ့ စစ်သင်္ဘောတွေကိုပါ အဲ့ဒီမှာ ဝယ်လို့ရပါတယ်"</p> <p> </p> <p>"ဝိုး... ဒါလည်း ငါ့ရဲ့ကိုယ်ပိုင်စီးပွားရေးတစ်ခုပဲပေါ့"</p> <p> </p> <p>ကျန်းမုန့်လောင်က သူ့ဘဏ်စာရင်းထဲရှိ အမြတ်ဝေစုမှတ်တမ်းများတွင် စကြဝဠာအဆင့် စူပါမားကတ်မှရရှိသော အမြတ်ဝေစုက ထိပ်ဆုံးတွင်ရှိနေကြောင်း အမှတ်ရလိုက်သည်။</p> <p> </p> <p>"လူကြီးမင်းက လက်ရှိမှာ ရှယ်ယာ၃၇.၃၃ရာခိုင်နှုန်းကို ပိုင်ဆိုင်ထားပြီး တခြားရှယ်ယာရှင်တစ်ယောက်နဲ့အတူ အကြီးဆုံး ရှယ်ယာရှင်ဖြစ်နေတာပါ"</p> <p> </p> <p>"ဒါပေမဲ့..."</p> <p> </p> <p>"ဒါပေမဲ့ ဘာဖြစ်လဲ" </p> <p> </p> <p>ကျန်းမုန့်လောင်က ဆို၏။</p> <p> </p> <p>"ရှယ်ယာရှင်တစ်ယောက်အနေနဲ့ စစ်သင်္ဘောဝယ်ဖို့ မခက်ခဲလောက်ပါဘူးနော်.. အဆိုးဆုံးဖြစ်လာရင်လည်း ငါက ပိုက်ဆံပေးဝယ်မှာလေ"</p> <p> </p> <p>"လူကြီးမင်း... အဲ့ဒီလို မဟုတ်ပါဘူး"</p> <p> </p> <p>ကောထန်က ​ဆို၏။</p> <p> </p> <p>"စကြဝဠာမှာ သူ့ဥပဒေနဲ့သူရှိပါတယ်။ လူတိုင်းက စစ်သင်္ဘောတွေကို ဝယ်ခွင့်မရှိပါဘူး"</p> <p> </p> <p>"ဘာကိုဆိုလိုတာလဲ"</p> <p> </p> <p>"စဉ်းစားကြည့်လိုက်ပါ။ တကယ်လို့ ဂြိုဟ်တစ်ဂြိုဟ်က အရမ်းချမ်းသာလို့ လူတိုင်းမှာသာ စစ်သင်္ဘောတစ်စီးစီ ရှိနေမယ်ဆိုရင် အဲ့ဒီမျိုးနွယ်စုတစ်ခုလုံး ဖရိုဖရဲဖြစ်ကုန်မှာ မဟုတ်ဘူးလား"</p> <p> </p> <p>"ဟုတ်သားပဲ"</p> <p> </p> <p>ကျန်းမုန့်လောင် ခေါင်းညိတ်လိုက်သည်။ ဥပမာအားဖြင့် ကမ္ဘာမြေပေါ်ရှိ အမေရိကန်နိုင်ငံတွင် နိုင်ငံသားများကို သေနတ်ကိုင်ဆောင်ခွင့်ပေးထားသဖြင့် ပစ်ခတ်မှုများနှင့် အကြမ်းဖက်မှုများ ခဏခဏဖြစ်ပေါ်နေတတ်သည်။</p> <p> </p> <p>အကယ်၍ မျိုးနွယ်စုတစ်ခုတွင် စစ်သင်္ဘောတပ်ဖွဲ့တစ်ခု ရှိနေသော်လည်း မငြိမ်မသက်မှုများ ဖြစ်ပေါ်လာသည့်အခါ စစ်သင်္ဘော ပိုင်ဆိုင်ထားသူများက ပုန်ကန်ကြမည်ဆိုလျှင် ထိုမျိုးနွယ်စုအတွက် ကြီးမားသော ထိုးနှက်ချက်တစ်ခု ဖြစ်လာပေလိမ့်မည်။</p> <p> </p> <p>"စကြဝဠာမဟာမိတ်အဖွဲ့ရဲ့  ဥပဒေအရ အဆင့်တစ်မျိုးနွယ်စုတွေကို စံနှုန်းမီစစ်သင်္ဘောတပ်ဖွဲ့တွေ တည်ဆောက်ခွင့် မပြုထားပါဘူး။ အများဆုံးအနေနဲ့ သင်္ဘော အစီးရေတစ်ရာထက်မပိုတဲ့ ခုခံရေးသင်္ဘောတပ်ဖွဲ့တစ်ခုကိုပဲ ပိုင်ဆိုင်ခွင့်ရှိတာပါ"</p> <p> </p> <p>စံနှုန်းမီစစ်သင်္ဘောတပ်ဖွဲ့တစ်ခု၏ အဓိပ္ပာယ်မှာ ဥပမာအားဖြင့် အဆင့်နှစ်အခြေခံမျိုးနွယ်စုတစ်ခုတွင် အဆင့်နှစ်အခြေခံစစ်သင်္ဘော အစီးတစ်ထောင်၊ အဆင့်နှစ်အလယ်အလတ်စစ်သင်္ဘောဆယ်စီးနှင့် အဆင့်နှစ်အဆင့်မြင့်ကွပ်ကဲရေးသင်္ဘောတစ်စီး စသဖြင့် ပါဝင်ရမည်ဖြစ်၏။</p> <p> </p> <p>အဆင့်ငါးမျိုးနွယ်စုများသာလျှင် သူတို့၏စစ်အင်အားနှင့် အာကာသယာဉ်တပ်ဖွဲ့များကို ကန့်သတ်ချက်မရှိ တိုးချဲ့ခွင့်ရှိကြသည်။ အခြားအဆင့်မျိုးနွယ်စုများမှာမူ သူတို့၏ သက်ဆိုင်ရာအဆင့်အလိုက် စံနှုန်းမီ စစ်သင်္ဘောတပ်ဖွဲ့ဆယ်ခုထက်ပို၍ ပိုင်ဆိုင်ခွင့်မရှိပေ။</p> <p> </p> <p>"လူကြီးမင်း... လူကြီးမင်းမှာ မရေမတွက်နိုင်အောင်ချမ်းသာတဲ့ ဥစ္စာဓနတွေ ရှိနေပေမဲ့ အခုလက်ရှိမှာ အဆင့်တစ်အခြေခံမျိုးနွယ်စုရဲ့ အရှင်သခင်တစ်ယောက်ပဲ ရှိပါသေးတယ်။ အဲဒါကြောင့် လူကြီးမင်းအနေနဲ့ ဘယ်တရားဝင်လမ်းကြောင်းကဝယ်ဝယ်၊ အဆင့်တစ်အဆင့်မြင့်မျိုးနွယ်စုထက် မပိုတဲ့ စစ်သင်္ဘောအစင်းတစ်ရာကိုပဲ ဝယ်ယူခွင့်ရှိမှာပါ"</p> <p> </p> <p>"သောက်ကျိုးနည်း.. ဒါ ဘယ်လိုသောက်သုံးမကျတဲ့ စည်းကမ်းတွေလဲ"</p> <p> </p> <p>ကျန်းမုန့်လောင်ခမျာ ဆွံ့အသွားလေသည်။</p> <p> </p> <p>"ငါကတော့ ဝယ်မှာပဲ။ ဘယ်သူ ငါ့ကိုလာတားရဲလို့လဲ"</p> <p> </p> <p>"အဲ့ဒီလိုပြောမယ်ဆိုရင်တော့ ဘယ်သူမှ မတားရဲတာ အမှန်ပါပဲ"</p> <p> </p> <p>ကောထန်က ဆိုလာချေသည်။</p> <p> </p> <p>"ဒါပေမဲ့ ပစ္စည်းရောင်းတဲ့လူတွေကလည်း စကြဝဠာဥပဒေတွေကို လိုက်နာကြရပါတယ်။ လူကြီးမင်းက စကြဝဠာမဟာမိတ်အဖွဲ့ကို အဲ့ဒီဥပဒေပြင်ခိုင်းနိုင်ရင်တော့ တစ်မျိုးပေါ့။ ဒါပေမဲ့ အဲ့ဒီဥပဒေထုတ်ထားတဲ့ လူတွေကို လိုက်ရိုက်ရုံနဲ့တော့ မရပါဘူး"</p> <p> </p> <p>"တော်တော်ဒုက္ခများတာပဲ"</p> <p> </p> <p>ကျန်းမုန့်လောင်သည် လက်ရှိတွင် အဆင့်ခြောက်သက်ရှိတစ်ဦး၏ စွမ်းအားကိုသာ အသုံးပြုနိုင်သေးသည်။ အကယ်၍ ပြဿနာကြီးကြီးမားမား ဖြစ်လာပါက သူ့ဘိုးဘေးများကို ချက်ချင်းအကူအညီ လှမ်းတောင်းရန်မှာလည်း မလွယ်ကူပေ။</p> <p> </p> <p>"ဒါဆိုရင် ငါတို့ ဘာလုပ်သင့်လဲ"</p> <p> </p> <p>"ကျွန်တော် ပြောသားပဲ။ ပုံမှန်နည်းလမ်းနဲ့ မရရင် တခြားနည်းလမ်းတွေ ရှိပါသေးတယ်"</p> <p> </p> <p>ကောထန်က ပြောလိုက်လေ၏။</p> <p> </p> <p>"အလင်းရှိတဲ့နေရာတိုင်းမှာ အမှောင်ဆိုတာ ရှိစမြဲပါ.. လူကြီးမင်းမှာ ပိုက်ဆံသာရှိမယ်ဆိုရင် မဖြစ်နိုင်တာ ဘာမှမရှိပါဘူး"</p> <p> </p> <p>"မင်းပြောချင်တာက တရားမဝင်လမ်းကြောင်းကတစ်ဆင့် လုပ်ဖို့လား"</p> <p> </p> <p>"ဟုတ်တာပေါ့"</p> <p> </p> <p>ကောထန်က ထောက်ခံလိုက်သည်။</p> <p> </p> <p>"လူကြီးမင်း စစ်သင်္ဘောတပ်ဖွဲ့တစ်ခုကို ဝယ်မယ်ဆိုရင် လူကြီးမင်းရဲ့မျိုးနွယ်စုနဲ့ ချိတ်ဆက်ထားဖို့ လိုပါတယ်။ ဒါပေမဲ့ အဲ့ဒီ စစ်သင်္ဘောတပ်ဖွဲ့ကို ဘယ်လိုသုံးမလဲဆိုတာကိုတော့ ဘယ်သူမှ ကန့်သတ်ထားတာ မရှိပါဘူး။ ဒီနေရာမှာလာစစ်ဆေးမယ့် ယာဉ်ထိန်းရဲလည်း မရှိဘူးလေ"</p> <p> </p> <p>"အဓိပ္ပါယ်ရှိသားပဲ"</p> <p> </p> <p>"လူကြီးမင်းအနေနဲ့ တခြားမျိုးနွယ်စုတွေနဲ့ ချိတ်ဆက်ပြီးသားဖြစ်နေတဲ့ သင်္ဘောတွေကို တခြားလမ်းကြောင်းတွေကတစ်ဆင့် ဝယ်ယူဖို့ပဲလိုတာပါ"</p> <p> </p> <p>"ဒါဆိုရင် ငါက အဆင့်ငါးမျိုးနွယ်စုတွေကို လိုက်ရှာရမှာလား" </p> <p> </p> <p>ကျန်းမုန့်လောင်က မေးလိုက်သည်။</p> <p> </p> <p>သူနားလည်ထားသလောက်ဆိုလျှင် ထိုသို့ပြုလုပ်ရန်မှာ အလွန်ခက်ခဲပေလိမ့်မည်။ အမြွှာဝေလငါးစကြဝဠာအင်ပါယာဆိုသည်မှာ အလွန်သာမန်ဆန်သော အဆင့်ငါးအခြေခံမျိုးနွယ်စုတစ်ခုသာ ဖြစ်၏။ သူတို့မှာ အလွန်ချမ်းသာသူများ မဟုတ်ကြသဖြင့် စစ်သင်္ဘောအပိုအလျှံများရှိရန်မှာ မဖြစ်နိုင်သလောက်ပင်။</p> <p> </p> <p>"အဲ့ဒီလောက်အထိ မခက်ခဲပါဘူး"</p> <p> </p> <p>ကောထန်က ​ဆိုချေသည်။</p> <p> </p> <p>"လူကြီးမင်း အဆင့်ငါးမျိုးနွယ်စုကို သွားရှာရင်တောင် အော်ဒါတင်ပြီး ပစ္စည်းရဖို့အတွက် အချိန်တွေအများကြီး စောင့်ရပါလိမ့်မယ်"</p> <p> </p> <p>"ဒီထက်ပိုလွယ်တဲ့ နည်းလမ်းရှိသေးလို့လား"</p> <p> </p> <p>"လူကြီးမင်း... 'အခွံသက်သက် ကုမ္ပဏီ'တွေအကြောင်း ကြားဖူးလား"</p> <p> </p> <p>"ကြားဖူးတာပေါ့"</p> <p> </p> <p>ကျန်းမုန့်လောင်က ပြန်ဖြေသည်။</p> <p> </p> <p>"အခွန်ရှောင်ဖို့အတွက် နည်းလမ်းအမျိုးမျိုးနဲ့ လိမ်ညာထားတဲ့ ကုမ္ပဏီတွေကို ပြောတာ မဟုတ်လား"</p> <p> </p> <p>"စကြဝဠာထဲမှာလည်း 'အခွံသက်သက် မျိုးနွယ်စု'တွေ အများကြီးရှိပါတယ်။ ဘာလို့လဲဆိုတော့ စကြဝဠာဘေးအန္တရာယ် တချို့ကြောင့် မျိုးနွယ်စုတွေ ပျက်သုဉ်းသွားတတ်လို့ပါ။ အဲ့ဒီမှာ သက်ရှိတွေမရှိတော့ပေမဲ့ စကြဝဠာမဟာမိတ်အဖွဲ့ထဲမှာတော့ အဲ့ဒီမျိုးနွယ်စုတွေက ရှိနေတုန်းပါ။ တချို့လူတွေက အဲ့ဒီအခွံသက်သက်မျိုးနွယ်စုတွေကို အသုံးပြုပြီး စစ်သင်္ဘောတွေ ကျွန်တွေကို လက်ကျန်ပစ္စည်းအနေနဲ့ ရောင်းဝယ်ဖောက်ကားနေကြတာပါ"</p> <p> </p> <p>"ဒါက မှောင်ခိုဈေးတစ်ခုလို ဖြစ်နေတာပေါ့"</p> <p> </p> <p>"မှောင်ခိုဈေးနဲ့ သိပ်မခြားပါဘူး"</p> <p> </p> <p>ကောထန်က ဆိုလေ၏။</p> <p> </p> <p>"စကြဝဠာမဟာမိတ်အဖွဲ့က အမြဲနှိမ်နင်းဖို့ ကြိုးစားနေပေမဲ့ သူတို့က ဘယ်တော့မှ ပျောက်ကွယ်မသွားပါဘူး။ အမှန်အတိုင်း ပြောရရင် နှစ်ပေါင်းများစွာ စုဆောင်းလာခဲ့တဲ့ သူတို့ရဲ့အင်အားနဲ့ ဥစ္စာဓနတွေက တစ်ဖက်ကကြည့်ရင် စကြဝဠာမဟာမိတ်အဖွဲ့ကိုတောင် ယှဉ်နိုင်တဲ့ အနေအထားမှာ ရှိပါတယ်"</p> <p> </p> <p>"ဒါဆို အခု ငါတို့က မှောင်ခိုဈေးကို ရှာရမှာပေါ့။ ဘယ်နားမှာလဲ"</p> <p> </p> <p>"ကျွန်တော်က ဘယ်လိုလုပ်သိမှာလဲ"</p> <p> </p> <p>ကောထန်က ဆိုလာလေသည်။</p> <p> </p> <p>"မှောင်ခိုဈေးတွေက အမြဲနေရာရွှေ့နေတာ။ မဟုတ်ရင် စကြဝဠာမဟာမိတ်အဖွဲ့ဆီမှာ အဖမ်းခံရဖို့ ထိုင်စောင့်နေရမှာလား။ လမ်းဘေးဈေးသည်တွေ စည်ပင်ကိုမြင်ရင် ထွက်ပြေးကြတာ မြင်ဖူးတယ်မလား"</p> <p> </p> <p>"မင်းဟာကလည်း... ဘာမှမပြောတာမှ တော်ဦးမယ်"</p> <p> </p> <p>"အစ်ကိုကျန်း"</p> <p> </p> <p>ထိုစဉ်မှာပင် အာကာသယာဉ်တစ်စီး ဆင်းသက်လာပြီး အိုင်ရင်းက ယာဉ်ပေါ်မှ စိတ်လှုပ်ရှားစွာဖြင့် ဆင်းလာလေသည်။</p> <p> </p> <p>"ဘာဖြစ်လို့လဲ။ ဘာတွေများ အဲဒီလောက်တောင် ပျော်နေရတာလဲ"</p> <p> </p> <p>ကျန်းမုန့်လောင်က ရယ်မောလျက် မေးလိုက်သည်။</p> <p> </p> <p>"အစ်ကို အချိန်ရလား"</p> <p> </p> <p>အိုင်ရင်းက မေးလိုက်သည်။</p> <p> </p> <p>"ကျွန်တော် အစ်ကို့ကို အမြင်ကျယ်သွားအောင် လိုက်ပြမလို့"</p> <p> </p> <p>အိုင်ရင်းသည် ကျန်းမုန့်လောင်ကို လူချမ်းသာတစ်ဦးဖြစ်ကြောင်း သိထားသော်လည်း သူ့အပြုအမူနှင့် အပြောအဆိုများအရ အဆင့်နှစ်မျိုးနွယ်စုများကိုပင် အသစ်အဆန်းနှယ် မြင်နေသူဖြစ်ကြောင်း ရိပ်မိထားသည်။</p> <p> </p> <p>ထို့ကြောင့် ကျန်းမုန့်လောင်မှာ ဘိုးဘေးများထံမှ အမွေအနှစ်များကို ရုတ်တရက်ရရှိလိုက်သော တောသားတစ်ယောက်ဖြစ်ပြီး အတွေ့အကြုံများစွာ လိုအပ်နေသေးသည်ဟု သူ ယူဆထားသည်။</p> <p> </p> <p>"အချိန်တော့ရှိပါတယ်။ မင်း ငါ့ကို ဘာတွေလိုက်ပြချင်လို့လဲ"</p> <p> </p> <p>"ဟဲဟဲ"</p> <p> </p> <p>အိုင်ရင်းက စိန်ဖြင့်ပြုလုပ်ထားဟန်တူသော လက်ဖဝါးအရွယ်အစားပင် မရှိသည့် စက်ဝိုင်းပုံအပြားလေးနှစ်ခုကို ထုတ်လိုက်သည်။</p> <p> </p> <p>"အစ်ကို့ကို နေရာကောင်းတစ်ခုဆီ ခေါ်သွားမလို့ပါ"</p> <p> </p> <p>"အဲ့ဒီနေရာက တရားဝင်နေရာလား"</p> <p> </p> <p>ကျန်းမုန့်လောင်က လွှတ်ခနဲမေးလိုက်မိသည်။</p> <p> </p> <p>"ငါက တရားမဝင် ပုံမှန်မဟုတ်တဲ့အရာတွေကိုမှ ပိုသဘောကျတာ"</p> <p> </p> <p> </p> <p> </p> <p> </p> <p> </p> <p>******************</p> <p> </p> <p> </p> <p> </p> <p>***</p> <p> </p>


Save