Book List

<h2 style="text-align: center;">အခန်း ၈၂၈</h2> <h2 style="text-align: center;">အဖေခေါ်ချင်လို့</h2> <h2 style="text-align: center;">*</h2> <p> </p> <p> </p> <p> </p> <p>"ဒီတစ်ခါတော့ သိပ်ပြီးတရားဝင်မဟုတ်တဲ့ ကိစ္စတစ်ခုကို သွားကြည့်ရအောင်"</p> <p> </p> <p>အိုင်းရင်း၏ မျက်နှာထက်တွင် ဖော်ပြရခက်သော အမူအရာတစ်ခု ပေါ်လာလေသည်။</p> <p> </p> <p>"ဝိုး... စကြဝဠာမျိုးနွယ်စုတွေမှာတောင် ဒီလိုလုပ်ငန်းမျိုးတွေ ရှိတာလား"</p> <p> </p> <p>ကျန်းမုန့်လောင်၏ အမူအရာကား အိုင်းရင်းနှင့် တစ်ထပ်တည်းတူညီနေပေသည်။</p> <p> </p> <p>"အဲ့ဒီမှာ နတ်သူငယ်မလေးတွေရော ရှိလား"</p> <p> </p> <p>"ရှိတာပေါ့... ပိုက်ဆံသာ လုံလုံလောက်လောက်ရှိမယ်ဆိုရင် နတ်သူငယ်မလေးတွေတင်မကဘူး... နတ်သူငယ်တော်ဝင်မျိုးနွယ်စုထဲက ကောင်မလေးတွေကိုတောင် ရနိုင်တယ်"</p> <p> </p> <p>"အဲဒီလောက်တောင် ရင်ခုန်ဖို့ကောင်းတာလား"</p> <p> </p> <p>ကျန်းမုန့်လောင်မှာ လက်နှစ်ဖက်ကို ပွတ်သပ်လိုက်သည်။</p> <p> </p> <p>"ဒါပေမဲ့ လုံခြုံရေးကရော စိတ်ချရရဲ့လား"</p> <p> </p> <p>"ဒီလိုကိစ္စမျိုးတွေမှာ အန္တရာယ်ဆိုတာကတော့ အနည်းနဲ့အများ ရှိစမြဲပါပဲ... ဒါပေမဲ့ လူတွေအများကြီးလာကြမှာဆိုတော့ ပွဲစီစဉ်သူတွေဘက်ကလည်း လိုအပ်တဲ့ ပြင်ဆင်မှုတွေ အကုန်လုပ်ထားပြီးသားပါ"</p> <p> </p> <p>"လူတွေအများကြီးလား"</p> <p> </p> <p>ကျန်းမုန့်လောင်ခမျာ ရုတ်တရက် ခေါင်းရှုပ်သွားရသည်။ ပွဲစီစဉ်သူများပင် ရှိသေးသတဲ့လား။ စကြဝဠာမျိုးနွယ်စုကြီးက ဤလုပ်ငန်းမျိုးကို ပွင့်ပွင့်လင်းလင်း ခွင့်ပြုထားကြလေသလား။ အုပ်စုလိုက်လှုပ်ရှားမှုများ ရှိရုံသာမက စပွန်ဆာများပင် ပါသေးသည်။</p> <p> </p> <p>"ခဏနေဦး... မင်းက ဘာကိုပြောတာလဲ"</p> <p> </p> <p>"စကြဝဠာမြေအောက်ပြပွဲကြီးအကြောင်း ပြောနေတာလေ။ အစ်ကိုပြောနေတာလည်း ဒါပဲမဟုတ်ဘူးလား"</p> <p> </p> <p>အိုင်းရင်းက စပ်စုချင်လေဟန် အမူအရာဖြင့် မေးလိုက်သည်။</p> <p> </p> <p>"ငါ... အဟမ်း"</p> <p> </p> <p>ကျန်းမုန့်လောင်ခမျာ နေရခက်သွားသဖြင့် ချောင်းတစ်ချက်ဟန့်ပြီး စိတ်ထဲ၌တွေးလိုက်မိသည်။</p> <p> </p> <p>"ငါက အကုန်အဆင်သင့်ဖြစ်နေပြီ။ မင်းကအခုမှ ဒီလိုလာပြောနေတာလား"</p> <p> </p> <p>သူသည် စကြဝဠာမျိုးနွယ်စုကြီး၏ တတိယတန်းစား အပျော်အပါးလုပ်ငန်းတစ်ခုခုများလားဟု ထင်ခဲ့မိခြင်းပင်။</p> <p> </p> <p>"ငါပြောနေတာလည်း ဒီပြပွဲအကြောင်းပါပဲ"</p> <p> </p> <p>"ဒီပြပွဲအကြောင်း သိတဲ့သူသိပ်မရှိဘူး။ အစ်ကိုက ဘယ်လိုလုပ်သိတာလဲ"</p> <p> </p> <p>အိုင်းရင်းကမူ ကျန်းမုန့်လောင် ဘာမှမသိဘူးဟုသာ ထင်ထားခဲ့သည်။</p> <p> </p> <p>"သတင်းသဲ့သဲ့ကြားထားရုံပါ"</p> <p> </p> <p>ကျန်းမုန့်လောင်မှာ စကားလမ်းကြောင်းလွှဲလိုက်၏။ အမှန်တကယ်တော့ သူလည်း ဤအကြောင်းကို ကောင်းကောင်းသိထားသည်တော့ မဟုတ်ပေ။</p> <p> </p> <p>"မင်းပဲ ငါ့ကို သေချာရှင်းပြပေးပါဦး"</p> <p> </p> <p>"တကယ်တော့ သိပ်မရှုပ်ပါဘူး။ ပုံမှန်မှောင်ခိုဈေးကွက်ပါပဲ။ ဒါပေမဲ့ အခမ်းအနားကတော့ အကြီးကြီးပေါ့"</p> <p> </p> <p>အိုင်းရင်းက ရှင်းပြလိုက်သည်။</p> <p> </p> <p>"ဒီတစ်ခေါက် ပြပွဲအကျယ်အဝန်းက ဘေးပတ်ဝန်းကျင်က အဆင့်ငါးမျိုးနွယ်စုပေါင်း ၁၂၇အထိတောင် လွှမ်းခြုံထားတာ။ ကိုယ်ပိုင်အာကာသယာဉ်တွေနဲ့ စစ်သင်္ဘောတွေကို ဝယ်လို့ရရုံတင်မကဘူး။ ကျွန်တွေကိုပါ ဝယ်လို့ရသေးတယ်။ ခုနက အစ်ကိုပြောတဲ့ နတ်သူငယ်မလေးတွေကို ကျွန်အဖြစ် ဝယ်လို့ရသလိုမျိုးပေါ့"</p> <p> </p> <p>"ဟုတ်တယ်... ဟုတ်တယ်... ဟုတ်တယ်... ငါကလည်း အဲ့ဒါကိုပြောတာ"</p> <p> </p> <p>"ဟားဟားဟား... အစ်ကိုကျန်း... ခင်ဗျားကလည်း ကျွန်တော်တို့လိုပဲကိုး။ ဒါပေမဲ့ နတ်သူငယ်မလေးတွေက ဈေးမပေါဘူးနော်။ ပညာတတ်နတ်သူငယ်ကျွန်တွေဆိုရင် တော်တော်ဈေးကြီးပေးရတာ"</p> <p> </p> <p>အိုင်းရင်း ဆက်ပြောလိုက်၏။</p> <p> </p> <p>"နတ်သူငယ်မျိုးနွယ်စုတွေက သူတို့လူတွေအပေါ် တော်တော်အကာအကွယ်ပေးတတ်ကြတယ်။ တစ်ယောက်ယောက်ကများ သူတို့မျိုးနွယ်ကို ကျွန်အဖြစ် ခိုင်းစေနေမှန်းသိသွားရင် သူတို့တွေ ရူးမတတ်ဒေါသထွက်ကြမှာ"</p> <p> </p> <p>"ခုနက မင်းပြောတော့ စစ်သင်္ဘောတွေပါ ရနိုင်တယ်ဆို"</p> <p> </p> <p>"ဟဲဟဲ... အဲ့ဒါကတော့ အစ်ကိုမသိလောက်တဲ့ကိစ္စပဲ"</p> <p> </p> <p>အိုင်းရင်းက စကြဝဠာမဟာမိတ်အဖွဲ့၏ အာကာသတပ်ဖွဲ့များနှင့် ပတ်သက်သော စည်းမျဉ်းစည်းကမ်းများကို ရှင်းပြလိုက်သည်။</p> <p> </p> <p>"တကယ်လို့ ကိုယ်ပိုင်လက်နက်တပ်ဆင်ထားတဲ့ အာကာသတပ်ဖွဲ့တစ်ခုကို ဝယ်ချင်တယ်ဆိုရင်တော့ မြေအောက်ပြပွဲက အကောင်းဆုံးရွေးချယ်မှုပဲ။ ပိုက်ဆံသာရှိရင် ထိပ်ဆုံးအဆင့်ငါးမျိုးနွယ်စုစံနှုန်းတွေနဲ့ ကိုက်ညီတဲ့ တပ်ဖွဲ့တစ်ခုကိုတောင် ရနိုင်သေးတယ်"</p> <p> </p> <p>"နောက်ထပ်ဘာတွေရှိသေးလဲ"</p> <p> </p> <p>"သက်တော်စောင့်တွေလည်း ရှိသေးတယ်။ ဒါပေမဲ့ သူက အငှားစနစ်နဲ့မဟုတ်ဘဲ အပြီးအပိုင်ဝယ်ရတာ။ ပြောရရင်တော့ သူတို့လည်း ကျွန်တစ်မျိုးပါပဲ"</p> <p> </p> <p>အိုင်းရင်းက ရှင်းပြလိုက်၏။</p> <p> </p> <p>"ဒီလောက်ကြီးတဲ့ မြေအောက်ပြပွဲကြီးဆိုတာ နှစ်တစ်သောင်းနေမှ တစ်ကြိမ်ပဲ ကျင်းပတာ။ ကျွန်တော့်အဖေတောင် တစ်ခါမှ မတက်ဖူးဘူး။ ဘယ်ပြောလို့ရမလဲ။ အဆင့်ငါးသက်ရှိအဆင့်ကိုတောင်ကျော်နေတဲ့ ကျွန်တွေကိုပါ တွေ့ရနိုင်တာပဲ"</p> <p> </p> <p>"သြော်... ဒီပြပွဲရဲ့လေလံပွဲမှာ အဆင့်ခြောက် ဒါမှမဟုတ် အဲ့ဒီထက်ပိုမြင့်တဲ့ သိုင်းလက်နက်တွေနဲ့ နိယာမလက်နက်တွေတောင် ပါလာနိုင်တယ်လို့ ကြားထားတယ်။ ဒါက အရမ်းကြီးကျယ်ခမ်းနားတဲ့ ပွဲကြီးတစ်ပွဲ ဖြစ်လာတော့မှာပဲ"</p> <p> </p> <p>"ဝိုး... လက်မှတ်ခက တော်တော်ဈေးကြီးမှာပေါ့နော်"</p> <p> </p> <p>ကျန်းမုန့်လောင်က မေးလိုက်သည်။</p> <p> </p> <p>"သေချာပေါက်ဈေးကြီးတာပေါ့"</p> <p> </p> <p>အိုင်းရင်းခမျာ အနည်းငယ်ရှက်ရွံ့လေဟန်ဖြင့် ပြောလိုက်၏။</p> <p> </p> <p>"အဆင့်နှစ်မျိုးနွယ်စုက သူငယ်ချင်းတချို့ဆီက ဈေးကြီးပေးပြီး ရလာတာလေ။ အဲ့ဒါကို ဖွံ့ဖြိုးပြီးဂြိုဟ်ဆယ်လုံးနဲ့ လဲလိုက်ရတာ"</p> <p> </p> <p>"ဒီလက်မှတ်က အရမ်းဈေးကြီးတာပဲ"</p> <p> </p> <p>ကျန်းမုန့်လောင်မှာ အံ့ဩသွားလေတော့သည်။ ဖွံ့ဖြိုးပြီးဂြိုဟ်ဆယ်လုံးဆိုလျှင် စကြဝဠာဒင်္ဂါး၁.၈သန်းခန့် တန်ကြေးရှိနိုင်ကြောင်း တွေးမိလိုက်၏။</p> <p> </p> <p>"အဲ့ဒီအတွက် ငါပြန်ရှင်းပေးပါ့မယ်"</p> <p> </p> <p>ကျန်းမုန့်လောင်က အိုင်းရင်း၏ အကောင့်ထဲသို့ စကြဝဠာဒင်္ဂါးငါးသန်းတိတိ လွှဲပေးလိုက်သည်။</p> <p> </p> <p>"မင်းကို ငါဒကာခံတယ်လို့ပဲ သဘောထားလိုက်"</p> <p> </p> <p>ကျန်းမုန့်လောင်က ချမ်းသာကြွယ်ဝကြောင်း အိုင်းရင်းသိထားပြီးဖြစ်လေရာ ထိုစကြဝဠာဒင်္ဂါးငါးသန်းမှာ သူ့အမြင်တွင် ဘာမှမပြောပလောက်ပေ။ ကျန်းမုန့်လောင်၏ မျက်နှာထက်ရှိ စိတ်လှုပ်ရှားမှုနှင့် မျှော်လင့်တကြီးဖြစ်နေလေဟန် အမူအရာများကို ကြည့်ရုံမျှဖြင့် ဤပွဲကြီးကို သူ မည်မျှမျှော်လင့်စောင့်စားနေကြောင်း သိသာလှသည်။</p> <p> </p> <p>ထိုခရီးစဉ်က တစ်ပြားတစ်ချပ်မှ အမြတ်မထွက်ဘူးဆိုလျှင်ပင် ဤအပေးအယူက အမြတ်အစွန်းကြီးတစ်ခုဟု သူခံစားနေရသည်။</p> <p> </p> <p>အထူးသဖြင့် သူကိုယ်တိုင်က အနည်းဆုံး စကြဝဠာဒင်္ဂါး လေးသန်းခန့် အမြတ်ထွက်နေချေပြီ။</p> <p> </p> <p>"လူချမ်းသာတစ်ယောက်နဲ့ သူငယ်ချင်းဖြစ်ရတာ အရမ်းပျော်ဖို့ကောင်းတာပဲ"</p> <p> </p> <p>"ဒီပြပွဲကြီးက ဘယ်တော့စမှာလဲ"</p> <p> </p> <p>ကျန်းမုန့်လောင်က မေးလိုက်သည်။</p> <p> </p> <p>"နောက်ထပ်စကြဝဠာနေ့ဆယ့်ငါးရက်လောက်နေရင် စမှာပါ"</p> <p> </p> <p>အိုင်းရင်းက ပြန်ဖြေလိုက်၏။</p> <p> </p> <p>"ကျွန်တော်တို့နဲ့ အလင်းနှစ်၄.၇ဘီလီယံဝေးတဲ့ ကြယ်ငါးမန်းစကြဝဠာအင်ပါယာထဲမှာလေ"</p> <p> </p> <p>"အဲ့လောက်တောင် ဝေးတာလား"</p> <p> </p> <p>"တော်တော်ဝေးတယ်ဆိုပေမဲ့ အချိန်မီမရောက်မှာတော့ စိတ်ပူစရာမလိုပါဘူး"</p> <p> </p> <p>အိုင်းရင်းက ပြောလိုက်သည်။</p> <p> </p> <p>"ပြပွဲကြီးတစ်ခုလုံးက စကြဝဠာနှစ်တစ်နှစ်တိတိ ကျင်းပမှာဆိုတော့ အာကာသဖြတ်လမ်းဂိတ်တွေကတစ်ဆင့် သွားလို့ရပါတယ်"</p> <p> </p> <p>"အဲ့ဒါက ဘာကြီးလဲ"</p> <p> </p> <p>"အဲဒါက လူလုပ်တွင်းနက်ကြီးတစ်ခုပါပဲ"</p> <p> </p> <p>အိုင်းရင်းက ရှင်းပြလိုက်၏။</p> <p> </p> <p>"အဆင့်ငါးမျိုးနွယ်စုတိုင်းလိုလိုမှာ ဒီလိုအရပ်ဘက်သုံးအာကာသဖြတ်လမ်းအကြီးစားတွေ ရှိတတ်ကြတယ်။ ကျွန်တော်တို့ ဒီကနေ နဂါးငွေ့တန်းရဲ့ဗဟိုချက်ကိုသွားပြီး အမြွှာဝေလငါးစကြဝဠာအင်ပါယာရဲ့ အာကာသဖြတ်လမ်းဂိတ်ကိုသွားတဲ့ ပုံမှန်အမြန်ယာဉ်လိုင်းတွေကို စီးသွားမယ်ဆိုရင် အများဆုံး စကြဝဠာရက်သုံးဆယ်အတွင်း ရောက်နိုင်ပါတယ်"</p> <p> </p> <p>"အဲ့ဒါလည်း ကြာလွန်းတယ်။ တခြားနည်းလမ်း မရှိတော့ဘူးလား"</p> <p> </p> <p>"ရှိတာပေါ့"</p> <p> </p> <p>အိုင်းရင်းက ပြောလိုက်သည်။</p> <p> </p> <p>"တကယ်လို့ အစ်ကို့ဆီမှာ E3အဆင့် ဒါမှမဟုတ် အဲ့ဒီထက်ပိုမြင့်တဲ့ စူပါအာကာသယာဉ်သာ ရှိမယ်ဆိုရင် အာကာသဖြတ်လမ်းဂိတ်ကို မသုံးဘဲနဲ့တောင် အများဆုံး စကြဝဠာသုံးရက်အတွင်း ရောက်နိုင်ပါတယ်"</p> <p> </p> <p>"E3အဆင့်ဆိုတာက ဘာကြီးလဲ"</p> <p> </p> <p>"အဲ့ဒါက အဆင့်မြင့်အဆင့်ငါးမျိုးနွယ်စုတစ်ခုရဲ့ စံသတ်မှတ်ချက်ဝင် အာကာသယာဉ်တစ်စီးရဲ့ ပျံသန်းမှုအမြန်နှုန်းပါ"</p> <p> </p> <p>"ဒါနဲ့ စကားမစပ်..."</p> <p> </p> <p>ကျန်းမုန့်လောင်မှာ သူမှာယူထားသော အာကာသယာဉ်ကြီး မကြာခင်ရောက်လာတော့မည်ဖြစ်ကြောင်း ရုတ်တရက် သတိရသွားသည်။</p> <p> </p> <p>သူသည် လန်းစလော့ကုမ္ပဏီ၏အက်ပ်ကို ဖွင့်ပြီး ကုန်ပစ္စည်းပို့ဆောင်မှုအခြေအနေကို စစ်ဆေးကြည့်လိုက်၏။</p> <p> </p> <p>"ဝူးဟူး... နဂါးငွေ့တန်းထဲတောင် ရောက်နေပြီပဲ။ တော်တော်မြန်တယ်‌ရော်"</p> <p> </p> <p>ဤအရှိန်နှင့်ဆိုလျှင် နှစ်နာရီအတွင်း ပို့ဆောင်ပေးနိုင်လိမ့်မည်။</p> <p> </p> <p>နှစ်ရက်ပင်မပြည့်သေးချေ။ ဤမျှမြန်ဆန်လှသော ထောက်ပံ့ပို့ဆောင်ရေးစနစ်မျိုးသာ ကမ္ဘာမြေပေါ်တွင် ရှိလျှင် ရွှင်းဖုန်း၊ ရှန့်သုန်းနှင့် ယွမ်သုန်းတို့ကဲ့သို့သော ကုမ္ပဏီကြီးများပင် ချက်ချင်းဒေဝါလီခံသွားရလိမ့်မည်။</p> <p> </p> <p>"ကျွန်တော် အာကာသဖြတ်လမ်းဂိတ်အတွက် စီစဉ်လိုက်ဦးမယ်"</p> <p> </p> <p>အိုင်းရင်းက ပြောလိုက်သည်။</p> <p> </p> <p>"မလိုပါဘူး"</p> <p> </p> <p>ကျန်းမုန့်လောင်က ပြောလိုက်၏။</p> <p> </p> <p>"ငါ တလောတုန်းက အာကာသယာဉ်တစ်စီး မှာထားတယ်။ အဲ့ဒီယာဉ်ရဲ့ အမြန်နှုန်းက E3အဆင့်ကို ရောက်နိုင်မယ်ထင်တယ်။ ငါတို့ဘာသာပဲ မောင်းသွားကြတာပေါ့"</p> <p> </p> <p>"အစ်ကို အာကာသယာဉ် ဝယ်လိုက်တာလား"</p> <p> </p> <p>"လာ လာ... ဆိပ်ကမ်းမှာ ပစ္စည်းသွားရွေးရအောင်။ ငါနဲ့လိုက်ခဲ့"</p> <p> </p> <p>အာကာသယာဉ်များကို ဂြိုဟ်၏အတွင်းပိုင်းအထိ ပို့ဆောင်လေ့မရှိသောကြောင့် အိုင်ဇက်မျိုးနွယ်စု၏ ဆင်ခြေဖုံးရပ်ကွက်တွင် ဤကဲ့သို့သောပစ္စည်းကြီးများကို ကိုင်တွယ်ရန်အတွက် အထူးသီးသန့်အသုံးချနေသည့် ကုန်တင်ကုန်ချဆိပ်ကမ်းကြီးတစ်ခု ရှိနေပေသည်။</p> <p> </p> <p>ကုန်တင်ကုန်ချဆိပ်ကမ်းကြီးမှာ အလွန်စည်ကားသိုက်မြိုက်နေပြီး အိုင်ဇက်မျိုးနွယ်စုရှိ ကုမ္ပဏီအများစုက ကုန်ပစ္စည်းများကို အတင်အချလုပ်နေကြသည်။ ထို့ပြင် အိုင်ဇက်မျိုးနွယ်စုမှ ချမ်းသာကြွယ်ဝသူတချို့ကလည်း အာကာသယာဉ်အရောင်းအဝယ်ကိစ္စများကို ပြုလုပ်နေကြသည်မှာ အထင်အရှားပင်။</p> <p> </p> <p>"ငါ့မိသားစုထဲက လူကြီးတွေပေးတဲ့ အရွယ်ရောက်အထိမ်းအမှတ်လက်ဆောင်လေးက ဘယ်လိုနေလဲ။ BYDမျိုးနွယ်စုရဲ့ ဘိုရီစီးရီး အာကာသယာဉ်လေးက B2အဆင့် စွမ်းအင်နဲ့နော်"</p> <p> </p> <p>"ဝိုး... ဈေးမပေါဘူးမလား"</p> <p> </p> <p> </p> <p>"ရပါတယ်။ ဂလက်ဆီငွေကြေး သုံးသန်းလောက်ပါပဲ။ ငါသာ နှဂါးငွေ့တန်းဗဟိုအကယ်ဒမီကို ဝင်ခွင့်ရမယ်ဆိုရင် ဒီထက်ပိုကောင်းတာတစ်ခု လက်ဆောင်ပေးမယ်လို့ အဖေကပြောထားတယ်"</p> <p> </p> <p>"ကျစ် ကျစ် ကျစ်... ဘိုရိီ၇စီးရီးပါလား"</p> <p> </p> <p>အိုင်းရင်းမှာမူ ထိုလူငယ်ကို အားကျလေဟန်အကြည့်ဖြင့် ကြည့်ကာ ပြောလိုက်သည်။</p> <p> </p> <p>"အရင်တုန်းက ကျွန်တော်လည်း ဒါမျိုးတစ်စီးလောက် လိုချင်ခဲ့တာ။ ဒါပေမဲ့ ဈေးအရမ်းကြီးလွန်းလို့"</p> <p> </p> <p>"ဟားဟားဟား... အခုကျတော့ မင်းလိုချင်သလောက်ဝယ်နိုင်တဲ့ အနေအထားမျိုး ရောက်နေပြီမဟုတ်ဘူးလား"</p> <p> </p> <p>"ဒါနဲ့ အစ်ကို ဘယ်ကုမ္ပဏီရဲ့ အာကာသယာဉ်ကို ဝယ်လိုက်တာလဲ။"</p> <p> </p> <p>အိုင်းရင်းက မေးလိုက်၏။</p> <p> </p> <p>"ဟိုဟာက ဘာကြီးလဲ"</p> <p> </p> <p>"တော်တော်ကြီးတဲ့ သယ်ယူပို့ဆောင်ရေးယာဉ်ကြီးပါလား"</p> <p> </p> <p>"မဟုတ်ဘူး။ အဲ့ဒါက ပုံမှန်သယ်ယူပို့ဆောင်ရေးယာဉ်မဟုတ်ဘူး။ အာကာသယာဉ်တွေကို သယ်ဆောင်ဖို့ သီးသန့်ထုတ်လုပ်ထားတာ"</p> <p> </p> <p>"အဲ့ဒီလိုဂိုကြီးကို တစ်နေရာရာမှာ မြင်ဖူးသလိုပဲ"</p> <p> </p> <p>"လန်းစလော့... အဲ့ဒါက လန်းစလော့ကုမ္ပဏီရဲ့ လိုဂိုကြီး... သူတို့က စကြဝဠာထဲမှာ အကောင်းဆုံးစူပါအာကာသယာဉ် ကုမ္ပဏီကြီးလေ။ ဒီနေရာမှာ လန်းစလော့ကုမ္ပဏီရဲ့ စူပါအာကာသယာဉ်ကို ဝယ်နိုင်တဲ့လူ ရှိနေတာလား"</p> <p> </p> <p>"အဲ့ဒါ အရှင်သခင် မှာထားတာပဲဖြစ်ရမယ်။ ဒီနေရာမှာ အရှင်သခင်ကလွဲရင် ဘယ်သူကများ ဒီလောက်ဈေးကြီးတဲ့ အာကာသယာဉ်ကို ဝယ်နိုင်မှာလဲ"</p> <p> </p> <p>"ကြည့်လိုက်... ရောက်လာပြီ"</p> <p> </p> <p>ကျန်းမုန့်လောင်က ကောင်းကင်ယံသို့ လက်ညှိုးထိုးပြလိုက်သည်။</p> <p> </p> <p>အာကာသယာဉ်ကြီးမှာ ဆိပ်ကမ်းတွင် တဖြည်းဖြည်းဆင်းသက်လာပြီး ကုန်ပစ္စည်းအခန်းတံခါးကလည်း ပွင့်လာသည်။ ထို့နောက် ဧရာမကွန်တိန်နာကြီးတစ်ခုကို ကရိန်းဖြင့် ဘေးဘက်သို့ ညင်သာစွာချပေးလိုက်၏။</p> <p> </p> <p>"ကလစ်..."</p> <p> </p> <p>ကွန်တိန်နာကြီး ပွင့်သွားသည်နှင့် ခရမ်းနက်ရောင် အာကာသယာဉ်ကြီးကလည်း လူတိုင်း၏အာရုံကို ချက်ချင်းဖမ်းစားသွားတော့သည်။</p> <p> </p> <p>"အဲ့ဒါ... အဲ့ဒါ လန်းစလော့ကုမ္ပဏီရဲ့ နောက်ဆုံးပေါ် မော်ဒယ်ပဲ။ နာမည်က ဘယ်လိုခေါ်တာပါလိမ့်။ အွန်လိုင်းမှာ တွေ့လိုက်ပါသေးတယ်"</p> <p> </p> <p>"စတားဂေဇာလေ။ အဲ့ဒါက စတားဂေဇာလေ။ သူ့ရဲ့အခြေခံဈေးနှုန်းနဲ့တင် စကြဝဠာဒင်္ဂါးရှစ်ဆယ့်ရှစ်ထရီလီယံတောင်ရှိတာ။ အဆင့်ငါးမျိုးနွယ်စုတစ်ခုရဲ့ စုစုပေါင်းပိုင်ဆိုင်မှုနီးပါးလောက်အထိ တန်ကြေးရှိတာနော်"</p> <p> </p> <p>"ဘုရားရေ... ငါတို့မျိုးနွယ်စုထဲက လူတစ်ယောက်က ဒီလိုအာကာသယာဉ်မျိုးကို တကယ်ဝယ်နိုင်တာလား"</p> <p> </p> <p>"အာကာသယာဉ်ပိုင်ရှင်က ဘယ်မှာလဲ။ ငါတော့ သူ့ကို အဖေတော်ချင်သွားပြီ"</p> <p> </p> <p>"အဖေနေရာကို ငါနဲ့လာမလုကြနဲ့နော်"</p> <p> </p> <p>"ငါကတော့ မြေးအဖြစ်နေရရင်တောင် ကျေနပ်တယ်"</p> <p> </p> <p> </p> <p> </p> <p> </p> <p>*****************</p> <p> </p> <p> </p> <p>***</p> <p> </p>


Save