Book List

<h2 style="text-align: center;">အပိုင်း ၈၂၉</h2> <h2 style="text-align: center;">ဒီစူပါအာကာသယာဉ်က လေအေးပေးစနစ် သိပ်မကောင်းဘူး</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>"ဒါနဲ့ မင်းကြားပြီးပြီလား။ တလောတုန်းက ငါတို့အိုင်ဇက်မျိုးနွယ်စုဆီကို ထိပ်သီးပုဂ္ဂိုလ်တစ်ယောက် ရောက်နေတယ်ဆိုတာလေ"</p> <p> </p> <p>"တကယ်လား"</p> <p> </p> <p>"လွန်ခဲ့တဲ့ရက်ပိုင်းက ငါတို့ဂြိုဟ်ပေါ်မှာ ရုတ်တရက်ပေါ်လာတဲ့ အားကောင်းတဲ့ စွမ်းအင်ကြီးကို မင်း မှတ်မိသေးလား"</p> <p> </p> <p>"မှတ်မိတာပေါ့။ အဲ့ဒီနေ့က အချိန်နဲ့ ဟင်းလင်းပြင်ကြီးတစ်ခုလုံး အေးခဲသွားသလို ခံစားရတာ။ ငါ့အဖေဆိုရင် ခဏလောက်မိန်းမောသွားလို့ ကားတောင်တိုက်မလို ဖြစ်သွားသေးတယ်"</p> <p> </p> <p>"အဆင့်ငါးထက်ကျော်တဲ့ သက်ရှိတွေပဲ ဒီလိုအရှိန်အဝါမျိုး ထုတ်လွှတ်နိုင်တာလို့ ငါ့ဆရာကပြောတယ်။ ဒါပေမဲ့ ငါ့ဆရာက အဆင့်သုံးသက်ရှိပဲ ရှိသေးတာဆိုတော့ အဆင့်ခြောက်သက်ရှိက ဘယ်လိုမျိုးလဲဆိုတာ သူလည်းမသိဘူး"</p> <p> </p> <p>"ငါ့ရဲ့အမျိုးတစ်ယောက်က အရှင်သခင်ရဲ့ လက်အောက်မှာ အလုပ်လုပ်တယ်လေ။ သူပြောတာတော့ အဲ့ဒီနေ့က ငါတို့ဂြိုဟ်ပေါ်ကို အဆင့်ငါးမျိုးနွယ်စုရဲ့ စစ်သင်္ဘောတပ်ဖွဲ့တစ်စုတောင် ရောက်လာခဲ့တယ်တဲ့"</p> <p> </p> <p>"ဒါဆို ငါတို့ဂြိုဟ်ပေါ်မှာ ထိပ်သီးပုဂ္ဂိုလ်တစ်ယောက် တကယ်ရောက်နေတာပေါ့"</p> <p> </p> <p>ဤ'စတားဂေဇာ'အာကာသယာဉ် ပေါ်ထွက်လာသောကြောင့် အနီးအနားရှိ လူများအကြား လွန်ခဲ့သည့်ရက်ပိုင်းက ဖြစ်ရပ်များနှင့်ပတ်သက်၍ ဆွေးနွေးမှုများမှာ ဝေဝေဆာဆာ ထွက်ပေါ်လာသည်။ သူတို့လို သာမန်အဆင့်နှစ်မျိုးနွယ်စုတစ်ခုက မည်သည့်အတွက်ကြောင့် ဤမျှအထိ အာရုံစိုက်ခံနေရသလဲ။</p> <p> </p> <p>သူတို့သည် ဤ'စတားဂေဇာ'ကို မည်သူ ဝယ်ယူခဲ့ကြောင်း သိလိုကြသဖြင့် ပတ်ဝန်းကျင်ကို ဝေ့ဝဲကြည့်ရှုနေကြသည်။</p> <p> </p> <p>"အစ်ကိုကျန်း.. ဒါကို အစ်ကို တကယ်ဝယ်လိုက်တာလား"</p> <p> </p> <p>အိုင်ရင်းခမျာ မနာလိုအားကျစွာ ငေးကြည့်လျက် မေးလိုက်သည်။ ဤကဲ့သို့သော စူပါ အာကာသယာဉ်မျိုးကို ပိုင်ဆိုင်ရန်မှာ သူ တစ်ခါမှ အိပ်မက်မမက်ဖူးသော အရာပင်။ အကယ်၍ ထိုကဲ့သို့သော မိသားစုမျိုးတွင် မွေးဖွားမလာခဲ့ပါက တစ်သက်လုံးကြိုးစားလျှင်ပင် ရရှိနိုင်မည့်အရာ မဟုတ်ပေ။</p> <p> </p> <p>"မဟုတ်ရင် ဘယ်သူရှိဦးမှာလဲ"</p> <p> </p> <p>ကျန်းမုန့်လောင်က ရယ်မောလျက် လျှောက်လာသည်။</p> <p> </p> <p>သယ်ယူပို့ဆောင်ရေးယာဉ်ပေါ်မှ လူတချို့ ဆင်းလာကြသည်။ ထိုလူတို့မှာ ပစ္စည်းပို့ဆောင်ရေးတာဝန်ခံ ဝန်ထမ်းများသာ ဖြစ်ကြသော်လည်း သူတို့ထံမှ ထွက်ပေါ်နေသော အရှိန်အဝါမှာ အဆင့်ငါးသက်ရှိအဆင့်များ ဖြစ်ကြလေသည်။ ဤအာကာသယာဉ်မှာ အဆင့်ငါးမျိုးနွယ်စုများ၏ တန်ဖိုးထက်ပင် ပိုတန်ဖိုးကြီးလှသဖြင့် လန်းစလော့ကုမ္ပဏီမှာ အလွန်သတိထား၍ ကိုင်တွယ်ခဲ့သည်။ ထို့ပြင် အာကာသယာဉ်၏ ပိုင်ရှင်မှာ ကုမ္ပဏီ၏ ရှယ်ယာရှင်တစ်ဦး ဖြစ်ကြောင်းကိုလည်း အထူးတလည် အကြောင်းကြားထားပြီးဖြစ်၏။</p> <p> </p> <p>"မစ္စတာကျန်းမုန့်လောင်လား"</p> <p> </p> <p>ဝန်ထမ်းများမှာ ကျန်းမုန့်လောင်ကို တရိုတသေ ဦးညွှတ်လိုက်ကြသည်။ ကုမ္ပဏီ၏ အကြီးဆုံးရှယ်ယာရှင်မှာ ဤမျှအထိ ငယ်ရွယ်သူတစ်ဦးဖြစ်နေသောကြောင့် သူတို့လည်း အံ့အားသင့်နေကြသည်။</p> <p> </p> <p>"ဟုတ်ပါတယ်။ ကျွန်တော်ပါပဲ"</p> <p> </p> <p>"ကျေးဇူးပြုပြီး ဒီမှာ လက်မှတ်ထိုးပေးပါ။ လက်မှတ်ထိုးပြီးတာနဲ့ ဒီ'စတားဂေဇာ'ကို ဆရာ့စိတ်ကြိုက် အသုံးပြုနိုင်ပါပြီ"</p> <p> </p> <p>"ကျေးဇူး"</p> <p> </p> <p>ကျန်းမုန့်လောင် သူ့စကြဝဠာနိုင်ငံသားစိစစ်ရေးကတ်ဖြင့် လက်မှတ်ထိုးလိုက်ပြီးနောက် ကြီးမားလှသော ပို့ဆောင်ရေးယာဉ်ကြီးမှာ အလိုအလျောက်စနစ်ဖြင့် ပြန်လည်ထွက်ခွာသွားသည်။</p> <p> </p> <p>"အတွင်းထဲကို ဝင်ကြည့်လို့ရမလား"</p> <p> </p> <p>အိုင်ရင်းက တစ်စုံတစ်ခု ထိခိုက်သွားမည်ကို စိုးရိမ်သဖြင့် တုံ့ဆိုင်းစွာ မေးလိုက်သည်။</p> <p> </p> <p>"လာလေ"</p> <p> </p> <p>ကျန်းမုန့်လောင်က ရယ်မောလျက် ဆက်ပြောလိုက်ပြန်သည်။</p> <p> </p> <p>"ဒါက ပျက်လွယ်တဲ့ပစ္စည်းမှ မဟုတ်တာ"</p> <p> </p> <p>အိုင်ရင်းခမျာ စိတ်လှုပ်ရှားစွာဖြင့် ထိန်းချုပ်ခန်းထဲသို့ လှမ်းဝင်လိုက်သည်။</p> <p> </p> <p>"ဝိုး... ဒါက အမှာစာနဲ့ သီးသန့်လုပ်ထားတဲ့ 'ခရမ်းရင့်ရောင်'ဗားရှင်းပဲ"</p> <p> </p> <p>"ဟား... အမြန်နှုန်း၂၄ဆပါပြီး အချိန်ကြန့်ကြာမှုမရှိတဲ့ ဟိုလိုဂရပ်ဖစ်ထိန်းချုပ်စနစ်ကြီးပါလား"</p> <p> </p> <p>"ဟင်းလင်းပြင်ချဲ့ထွင်မှု ဆယ်ဆတောင်လား"</p> <p> </p> <p>"ဘာပစ္စည်းကို သုံးထားတာလဲ"</p> <p> </p> <p>အိုင်ရင်းမှာ ဤအရာကို မဝယ်နိုင်သော်လည်း ကမ္ဘာပေါ်ရှိ စူပါကား ဝါသနာအိုးများကဲ့သို့ အချက်အလက်များကိုမူ အသေးစိတ်သိရှိထားသည်။</p> <p> </p> <p>ပိုက်ဆံမရှိသူများမှာ အရာအားလုံးကို သိတတ်ကြစမြဲဖြစ်လေရာ အိုင်ရင်းကလည်း ထိုသို့သောလူစားမျိုးပင်။</p> <p> </p> <p>"မူလသတ္တုစပ်လေ"</p> <p> </p> <p>"မူလသတ္တုစပ် ဟုတ်လား"</p> <p> </p> <p>အိုင်ရင်း၏မျက်လုံးများ ပြူးကျယ်သွားသည်။</p> <p> </p> <p>"အဲ့ဒီပစ္စည်းက တစ်ဂရမ်ကို မျိုးနွယ်စုတစ်ခုရဲ့ တန်ဖိုးလောက် ရှိတာလေ။ ဒါကြီးက မင်းသားတစ်ပါးလို သုံးဖြုန်းနေတာပဲ။ ရောနှောမှုအချိုးအစားက ဘယ်လောက်လဲ"</p> <p> </p> <p>"အင်း... အစ်ကိုကျန်းအကြောင်း သိပြီးသားပါ။ အမြင့်ဆုံး၁.၅ရာခိုင်နှုန်းနေမှာပေါ့"</p> <p> </p> <p>အိုင်ရင်းက သူ့ဘာသာသူ ပြန်ဖြေလိုက်သည်။</p> <p> </p> <p>"ဟားဟား.. အမှန်တော့ ငါက ၁၀၀ရာခိုင်နှုန်းမူလသတ္တုစပ်နဲ့ပဲ လုပ်ချင်တာ။ ဒါပေမဲ့ အဲ့ဒီလောက်အများကြီး မရနိုင်လို့ အလျှော့ပေးလိုက်ရတာ"</p> <p> </p> <p>"အစ်ကိုက တကယ်ပြောရဲလိုက်တာ"</p> <p> </p> <p>အိုင်ရင်း ဘာပြောရမှန်းမသိတော့ပေ။</p> <p> </p> <p>"ကျွန်တော့်ရဲ့ အမှိုက်လိုသင်္ဘောနဲ့ဆိုရင် ဒါကို နှိုင်းယှဉ်လို့တောင် မရဘူး။ ကျွန်တော့်ဟာက ကျိုးပဲ့နေတဲ့ ကစားစရာလေးတစ်ခုလိုပဲ"</p> <p> </p> <p>"အစ်ကို့ရဲ့ ဒီလိုအပြင်အဆင်မျိုးဆိုရင် အပြီးအစီးဈေးက အနည်းဆုံး ကြယ်ဆယ်ပွင့်လောက်တော့ ကုန်မယ်ထင်တယ်"</p> <p> </p> <p>အိုင်ရင်း စိတ်ထဲမှ တွက်ချက်ကြည့်လိုက်သည်။ အမှန်အတိုင်းပြောရလျှင် သူသည် ဤ'စတားဂေဇာ'၏ ဈေးနှုန်းကို ကောင်းကောင်းနားလည်ထားသူ ဖြစ်၏။</p> <p> </p> <p>"လက်ထဲရောက်တဲ့အချိန်မှာတော့ ၁၂ပွင့်လောက် ရှိမယ်"</p> <p> </p> <p>ကျန်းမုန့်လောင်က ဆိုလာလေသည်။</p> <p> </p> <p>"ဒါပေမဲ့ ငါ တစ်ပြားမှ မကုန်လိုက်ပါဘူး"</p> <p> </p> <p>"ပိုက်ဆံမသုံးရဘူး ဟုတ်လား.. ဘယ်လိုလုပ်ဖြစ်နိုင်မှာလဲ.."</p> <p> </p> <p>အိုင်ရင်းခမျာ မျက်လုံးပြူးသွားပြန်သည်။</p> <p> </p> <p>"အစ်ကိုကျန်းက သူတို့ရဲ့ရှယ်ယာရှင်လား"</p> <p> </p> <p>လန်းစလော့ကုမ္ပဏီ၏ ရှယ်ယာရှင်တစ်ဦးမှသာ ဤကဲ့သို့သော အဆင့်မြင့်အာကာသယာဉ်ကို ပိုက်ဆံမပေးဘဲ ရရှိနိုင်မည်ဖြစ်၏။ အထူးသဖြင့် အကြီးဆုံး ရှယ်ယာရှင်မျိုးပင်။ ကျန်းမုန့်လောင်၏ ရိုးသားလှသော မျက်နှာအမူအရာကို မြင်လိုက်ရသောအခါ အိုင်ရင်းခမျာ ဆွံ့အသွားလေသည်။</p> <p> </p> <p>"အစ်ကိုကျန်းက လန်းစလော့ရဲ့ ရှယ်ယာရှင်တစ်ယောက်လို့တော့ မပြောနဲ့နော်.."</p> <p> </p> <p>"စိတ်မကောင်းပါဘူး။ မင်းပြောတာ အမှန်ပဲ"</p> <p> </p> <p>ကျန်းမုန့်လောင်က ပွင့်ပွင့်လင်းလင်း ဝန်ခံလိုက်သည်။</p> <p> </p> <p>"ပြီးတော့ အကြီးဆုံးရှယ်ယာရှင်ဆိုလည်း ဟုတ်တယ်.."</p> <p> </p> <p>"ဘုရားရေ"</p> <p> </p> <p>ကံဆိုးချင်တော့ အိုင်ရင်းခမျာ မည်သည့်စကားလုံးဖြင့် ဖော်ပြရမှန်းမသိတော့ပေ။</p> <p> </p> <p>"အမှန်အတိုင်းပြောရရင် ငါလည်း ပိုက်ဆံပေးဝယ်မလို့ပါပဲ"</p> <p> </p> <p>ကျန်းမုန့်လောင်က ရှင်းပြလိုက်သည်။</p> <p> </p> <p>"ငါ့ဘိုးဘေးတွေရဲ့ ပိုင်ဆိုင်မှုတွေကို အစက ငါမသိဘူးလေ။ ဒါပေမဲ့ အရောင်းဝန်ထမ်းက အများကြီးရှင်းပြပေးတော့ သူတို့ရမယ့် ကော်မရှင်ခတွေလည်း ရသင့်တယ်လို့ ငါထင်ခဲ့တာ။ ဒါပေမဲ့ သူတို့က တန်းစီရတာက တော်တော်ကြာမယ်လို့ပြောတော့ ငါကလည်း လက်လျှော့လိုက်ရော"</p> <p> </p> <p>"အဲ့ဒီနောက်မှာမှ ငါက လန်းစလော့ရဲ့ အကြီးဆုံးရှယ်ယာရှင်ဆိုတာ မတော်တဆသိသွားတာပဲ"</p> <p> </p> <p>"မတော်တဆ ဟုတ်လား... အစ်ကိုကျန်းက ဘာလို့ ဒီလောက်တောင် ပေါ့ဆရတာလဲ။ မိသားစုထဲမှာ ဘယ်လောက်ပိုင်ဆိုင်မှု ရှိလဲဆိုတာ မသိဘူးလား"</p> <p> </p> <p>အိုင်ရင်းက ကျန်းမုန့်လောင် သူ့ကို တစ်ဖက်လှည့်နှင့် ကြွားလုံးထုတ်နေသည်ဟု ခံစားလိုက်ရသည်။</p> <p> </p> <p>"အင်း... ငါ တကယ်မသိဘူး"</p> <p> </p> <p>ကျန်းမုန့်လောင်က ပေါ့ပေါ့ပါးပါးပင် ဆိုချေသည်။</p> <p> </p> <p>"ငါသိတာက ငါတို့မှာ စကြဝဠာဘဏ်၊ စကြဝဠာမဟာမိတ်အဖွဲ့နဲ့ စကြဝဠာသိုင်းပညာရှင်အသင်းတွေမှာ ရှယ်ယာတွေရှိတယ်ဆိုတာပဲ။ ကျန်တာတွေကိုတော့ သေချာမကြည့်ရသေးဘူး"</p> <p> </p> <p>"အဟွတ်.. အဟွတ်.. အဟွတ်"</p> <p> </p> <p>အိုင်ရင်းခမျာ အိပ်မက်မက်နေသလားဟုပင် ထင်မှတ်သွားတော့သည်။ သူ စေတနာအရင်းခံပြီး ကူညီခဲ့မိသူက စကြဝဠာအဆင့် ထိပ်သီးပုဂ္ဂိုလ်တစ်ယောက် ဖြစ်နေလေသလား။</p> <p> </p> <p>"အဲ့ဒီနောက်မှ ဒုတိယအကြီးဆုံးရှယ်ယာရှင်ကလည်း 'စတားဂေဇာ'တစ်စီး မှာထားတာနဲ့ တိုက်ဆိုင်သွားရော.. ငါက သူ့ကို ပေးဖို့ပြောလိုက်တော့ သူက ပိုက်ဆံမယူဘူးလို့ အတင်းငြင်းနေတာနဲ့ တစ်ပြားမှမကုန်ဘဲ ဒီယာဉ်ကို ရလိုက်တာပဲ"</p> <p> </p> <p>"ကျွန်တော်ဖြင့် မနာလိုဖြစ်လွန်းလို့ သေချင်စော်နံသွားပြီ"</p> <p> </p> <p>အိုင်ရင်းမှာ 'စတားဂေဇာ'ကို ချစ်ရသူတစ်ဦးကို ထိတွေ့နေသည့်အလား အသာအယာ ပွတ်သပ်ရင်း ဆိုလာသည်။</p> <p> </p> <p>"ကျွန်တော့်မှာသာ ဒါမျိုးတစ်စီးရှိရင် ဒီနေရာမှာတင် ချက်ချင်းသေပစ်လိုက်ဖို့လည်း ဝန်မလေးဘူး"</p> <p> </p> <p>"အဲ့ဒီလောက်အထိတော့ မလိုပါဘူး။ ဒီလိုစူပါအာကာသယာဉ်တွေက မင်းထင်သလောက်လည်း မကောင်းပါဘူးကွာ"</p> <p> </p> <p>ကျန်းမုန့်လောင်က ဆိုပြန်သည်။</p> <p> </p> <p>"ဥပမာတစ်ခုပြောရရင် ဒီကောင်ရဲ့ အပူချိန် ထိန်းညှိတဲ့စနစ်က သိပ်မကောင်းဘူး"</p> <p> </p> <p>"မဖြစ်နိုင်တာ"</p> <p> </p> <p>အိုင်ရင်းက အံ့ဩတကြီး ပြောလိုက်သည်။</p> <p> </p> <p>"'စတားဂေဇာ'က ပုံသေသတ်မှတ်ထားတဲ့ အပူချိန်အတိုင်း ဒီဇိုင်းထုတ်ထားတာလေ။ အစ်ကိုကျန်း ကြယ်တစ်လုံးထဲကို ပျံဝင်သွားရင်တောင် ယာဉ်က ပျက်စီးမှာမဟုတ်သလို ထိန်းချုပ်ခန်းထဲက အပူချိန်ကလည်း ဘာမှပြောင်းလဲသွားမှာ မဟုတ်ဘူး"</p> <p> </p> <p>"မနေ့ညက ငါ လန်းစလော့ရဲ့စမ်းသပ်နယ်မြေမှာ စမ်းကြည့်ခဲ့သေးတယ်"</p> <p> </p> <p>ကျန်းမုန့်လောင်မှာ ဤကဲ့သို့သော ယာဉ်မျိုးကို တစ်ခါမှမမောင်းဖူးသဖြင့် အရင်ရင်းနှီးအောင် လုပ်ရသည်။ 'စတားဂေဇာ'၏ ပိုင်ရှင်အနေနှင့် သူ၏ သီးသန့်ဝန်ဆောင်မှုအဖွဲ့ကလည်း ရှိနေသည်မဟုတ်ပါလော။</p> <p> </p> <p>"ပြောရဦးမယ်။ လန်းစလော့က အမျိုးသမီးဝန်ထမ်းတွေ ယာဉ်ပေါ်တက်လာတော့ သူတို့တွေ အရမ်းပူတယ်ဆိုပြီး အဝတ်အစားတွေ ချွတ်နေကြတာ။ မင်းပဲပြောကြည့်။ ဒါက လေအေးပေးစနစ်မကောင်းတာ မဟုတ်ဘူးလား"</p> <p> </p> <p>"ဒါတင် မကသေးဘူး။ ယာဉ်ရဲ့ သန့်ရှင်းရေးကလည်း သိပ်မကောင်းဘူး။ သူတို့တွေအားလုံး ယားတယ်လို့ ညည်းနေကြတာ။ သေချာတယ်။ ဖုန်တွေပိုးမွှားတွေအပြည့်ရှိနေတာဖြစ်မယ်"</p> <p> </p> <p>အိုင်ရင်း : "သူတို့ တကယ်ပူနေကြတာ သေချာလို့လား"</p> <p> </p> <p>"ပြီးတော့ ဒီယာဉ်တွေက သိပ်ပြီးတော့လည်း သက်သောင့်သက်သာ မရှိဘူး"</p> <p> </p> <p>ကျန်းမုန့်လောင်က ဆက်ပြောပြန်သည်။</p> <p> </p> <p>"ဒါက သီးသန့်သုံးစူပါအာကာသယာဉ် တစ်စီးဆိုပေမယ့် ထူးခြားတဲ့ လုပ်ဆောင်ချက်တွေ မရှိသလို နေရာကလည်း နည်းနည်း ကျဉ်းတော့ တစ်ခါတလေကျရင် သိပ်ပြီး သက်သောင့်သက်သာ မရှိသလိုပဲ"</p> <p> </p> <p>"အစ်ကိုကျန်း... အစ်ကိုသာ ဒီလို အာကာသယာဉ်မျိုးနဲ့ စကြဝဠာထဲမှာ လှည့်လည်သွားလာမယ်ဆိုရင် ယာဉ်က သက်သောင့်သက်သာမရှိရင်တောင်မှ တစ်ယောက်ယောက်က အစ်ကို့ကို သက်သောင့်သက်သာဖြစ်အောင် လုပ်ပေးလိမ့်မယ်လို့ ကျွန်တော်အာမခံရဲတယ်"</p> <p> </p> <p>အိုင်ရင်းက နောက်ပြောင်လေဟန် အမူအရာဖြင့် ရယ်မောလျက် ဆက်ပြောသည်။</p> <p> </p> <p>"အစ်ကို့ကို စကြဝဠာကိုဩဒိနိတ်တချို့ ပေးရမလား။ အဲ့ဒီနေရာတွေမှာ နတ်သူငယ်မျိုးနွယ်တွေ နတ်မိမယ်မျိုးနွယ်တွေလိုမျိုး ဆွဲဆောင်မှုရှိတဲ့မျိုးနွယ်စုတွေ စုဝေးနေကြတာ..."</p> <p> </p> <p>"မင်း ဘာတွေပြောနေတာလဲ။ ငါ ဘာမှ နားမလည်တော့ဘူး"</p> <p> </p> <p>ကျန်းမုန့်လောင်က အရှက်မရှိ ပြန်ပြောလိုက်သည်။</p> <p> </p> <p>"ဟန်မဆောင်ပါနဲ့ဗျာ"</p> <p> </p> <p>"ဟားဟားဟား"</p> <p> </p> <p>"လူတွေ ထပ်ရောက်လာကြပြီထင်တယ်"</p> <p> </p> <p>ကျန်းမုန့်လောင်သည် ယာဉ်၏အပြင်ဘက်တွင် လူများ ပြည့်နှက်နေပြီး 'စတားဂေဇာ'ကို ကိရိယာများဖြင့် အသည်းအသန် ရိုက်ကူးနေကြကြောင်း သတိပြုမိလိုက်သည်။</p> <p> </p> <p>အမြွှာဝေလငါးစကြဝဠာအင်ပါယာတစ်ခုလုံးအတွက် ဤအရာမှာ သတင်းထူးကြီးတစ်ခု ဖြစ်ပေလိမ့်မည်။ အင်ပါယာ၏ဘုရင်ပင် 'စတားဂေဇာ'တစ်စီးကို ဝယ်နိုင်ရန်မှာ ခက်ခဲလှပေရာ ဤသည်မှာ သာမန်ကိစ္စမဟုတ်သည်မှာ သေချာလှသည်။</p> <p> </p> <p>သူတို့နှစ်ယောက်သား တစ်ယောက်ကိုတစ်ယောက်ကြည့်ကာ အားမလိုအားမရဟန်ဖြင့် ရယ်မောလိုက်ကြသည်။</p> <p> </p> <p>"မနက်ဖြန်ကျရင် ငါတို့နှစ်ယောက်စလုံး အမြွှာဝေလငါးမျိုးနွယ်စုရဲ့ ရေပန်းအစားဆုံး သတင်းစာရင်းထဲမှာ ထိပ်ဆုံးကနေ ပါလာတော့မယ်ထင်တယ်"</p> <p> </p> <p> </p> <p> </p> <p> </p> <p>*****************</p> <p> </p> <p> </p> <p> </p> <p> </p> <p> </p> <p>***</p> <p> </p>


Save