Book List

<h2 style="text-align: center;">အခန်း ၈၃၀</h2> <h2 style="text-align: center;">ကျွန်တော့်နာမည်က ဂျက်မားပါ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"အမြွှာဝေလငါး စကြာဝဠာအင်ပါယာမှာ စတားဂေဇာဝါသနာရှင်တွေအတွက် ပထမဆုံးသော သီးသန့်အဆင့်မြင့်ကိုယ်ပိုင်အာကာသယာဉ် ပေါ်လာပြီဟေ့"</p> <p> </p> <p>"ဂလက်ဆီမျိုးနွယ်စုတွေထဲက အဆင့်သုံးနယ်မြေမှာရှိတဲ့ အိုင်ဇက်မျိုးနွယ်စုက အဆင့်နှစ်မျိုးနွယ်စုပဲ ရှိပါသေးတယ်။ ဒီလောက်များပြားတဲ့ ချမ်းသာကြွယ်ဝမှုကို ဘယ်သူကများ ပိုင်ဆိုင်ထားတာလဲ"</p> <p> </p> <p>"ဒီအဆင့်မြင့်ကိုယ်ပိုင်အာကာသယာဉ်ရဲ့ အခြေခံစျေးနှုန်းက စကြာဝဠာဒင်္ဂါး ၈၈ထရီလီယံရှိပြီး အဆင့်ငါးမျိုးနွယ်စုတစ်ခုလုံးရဲ့ ပိုင်ဆိုင်မှုနီးပါး တန်ကြေးရှိတယ်တဲ့။ လောလောဆယ် အစီးရေနှစ်ရာကျော်ပဲ ရောင်းချရသေးတယ်။ ပိုင်ရှင်တွေအားလုံးကလည်း စကြာဝဠာထဲက နာမည်ကြီးလုပ်ငန်းရှင်တွေနဲ့ သိုင်းပညာရှင်တွေချည်းပဲ"</p> <p> </p> <p>"အာကာသယာဉ်ပိုင်ရှင်ရဲ့ဓာတ်ပုံနဲ့ ဗီဒီယိုမှတ်တမ်းတွေကို တချို့လူတွေက ရိုက်ကူးနိုင်ခဲ့တယ်တဲ့။ လောလောဆယ် ဒီလူက ဘယ်သူဘယ်ဝါဆိုတာ မသိရသေးပေမဲ့ သူနဲ့အတူ ခရီးသွားနေသူကတော့ အိုင်ဇက်မျိုးနွယ်စုခေါင်းဆောင်ရဲ့ သားပဲ။ တလောတုန်းက အိုင်ဇက်မျိုးနွယ်စုအပါအဝင် အဆင့်နှစ်မျိုးနွယ်စုဆယ်ခုက ဒီလူရဲ့အမည်ပေါက်အောက်ကို ​ရောက်သွားတယ်လို့ တချို့က ဖွင့်ဟထားတယ်။ ဒီကိစ္စက အာကာသယာဉ်ပိုင်ရှင်နဲ့ ဆက်စပ်နေတယ်လို့လည်း သံသယရှိနေကြတယ်"</p> <p> </p> <p>"အိုင်ဇက်မျိုးနွယ်စုနယ်မြေထဲမှာ အမြွှာဝေလငါးအာကာသနိုင်ငံတော်ရဲ့ ရေယာဉ်တပ်စုကိုလည်း တွေ့ခဲ့သေးတယ်တဲ့"</p> <p> </p> <p>"အိုင်ဇက်မျိုးနွယ်စုမှာ အဆင့်ခြောက်သက်ရှိနှစ်ဦး ပေါ်ထွက်လာတယ်တဲ့။ ဒီမျိုးနွယ်စုမှာ ဘာတွေများဖြစ်ပျက်နေတာလဲ"</p> <p> </p> <p>အဆင့်မြင့်အာကာသယာဉ်ကြီး ပေါ်ထွက်လာပြီး တစ်နာရီမပြည့်ခင်မှာပင် အိုင်ဇက်မျိုးနွယ်စုတစ်ခုလုံး သတင်းများ ပွက်လောရိုက်သွားသလို အမြွှာဝေလငါးစကြာဝဠာအင်ပါယာ၏ မီဒီယာများအထိပါ တုန်လှုပ်သွားခဲ့သည်။</p> <p> </p> <p>ဤသည်မှာ ရှောင်လွှဲ၍ မရနိုင်ပေ။ အင်အားကြီးနိုင်ငံတစ်ခု၏ သမ္မတက နိုင်ငံငယ်လေးတစ်ခုကို လာလည်သလိုပင်။ သူတို့၏ကိုယ်ပိုင်အာကာသယာဉ်မှာ စကြာဝဠာအင်ပါယာတစ်ခု၏ အရှင်သခင်က သူပိုင်သမျှ အကုန်ရောင်းလျှင်ပင် ဝယ်နိုင်မည်မဟုတ်သောအရာမျိုး ဖြစ်နေသောကြောင့် ဟိုးလေးတကျော်ကျော် မဖြစ်ဘဲ ဘယ်နေမည်နည်း။</p> <p> </p> <p>အမြွှာဝေလငါးစကြာဝဠာအင်ပါယာ၏ အရှင်သခင်ကိုယ်တိုင်ပင် လျှို့ဝှက်ဆန်းကြယ်လှသော ဤဝယ်ယူသူမှာ မည်သူဖြစ်ကြောင်း အလွန်စိတ်ဝင်စားနေခဲ့သည်။</p> <p> </p> <p>ခဏတွင်းချင်းမှာပင် အမြွှာဝေလငါးစကြာဝဠာအင်ပါယာအောက်ရှိ မျိုးနွယ်စုအသီးသီးမှာ အိုင်ဇက်မျိုးနွယ်စုဆီသို့ အလုအယက်ရောက်လာကြသလို ဘေးပတ်ဝန်းကျင်ရှိ စကြာဝဠာအင်ပါယာအချို့ကလူများပါ အုတ်အော်သောင်းနင်း ဖြစ်ကုန်ကြသည်။</p> <p> </p> <p>အမြွှာဝေလငါးစကြာဝဠာအင်ပါယာ၏ နယ်စားများသာမက သူတို့၏ဘုရင်ကိုယ်တိုင်ပင် ဤအာကာသယာဉ်ကို မဝယ်နိုင်ပေ။ ဆင်းရဲသားတစ်သိုက်ကတော့ အမြင်ကျယ်အောင် လာကြည့်သင့်သည်။</p> <p> </p> <p>သို့သော် ထိုအချိန်မှာမူ ကျန်းမုန့်လောင်နှင့် အိုင်းရင်းတို့မှာ ပစ္စည်းသိမ်းပြီး အိုင်ဇက်မျိုးနွယ်စုက ထွက်ခွာသွားကြလေပြီ။ သူတို့သည် လူအများ၏အာရုံစိုက်မှုကို ခံနေရပြီဖြစ်ရာ ဤနေရာတွင်ဆက်နေပြီး နောက်ထပ်ပြဿနာများ မတက်ချင်တော့ပေ။</p> <p> </p> <p>"ဘဝမှာ ကျွန်တော့်နာမည်က ကျွန်တော်တို့အမြွှာဝေလငါးစကြာဝဠာအင်ပါယာရဲ့ နံပါတ်တစ်မီဒီယာမှာ ပါလာလိမ့်မယ်လို့ တစ်ခါမှ မတွေးဖူးဘူး"</p> <p> </p> <p>အိုင်ဇက်က အင်တာနက်ပေါ်ရှိ သတင်းများကို စိတ်လှုပ်ရှားစွာ ဖတ်နေပေသည်။ သူ့အတွက်တော့ ဤအရာမှာ ဘိုးဘေးဘီဘင်များအတွက်ပါ ဂုဏ်တက်စေသော ကိစ္စမျိုးပင်။</p> <p>"အခုလောလောဆယ်တော့ မင်း ပျော်နေလို့ရသေးတာပေါ့"</p> <p> </p> <p>ကျန်းမုန့်လောင်က ရယ်မောရင်း ပြောလိုက်သည်။</p> <p> </p> <p>"မင်း အိမ်ပြန်ရောက်တဲ့အခါကျရင်တော့ ဒုက္ခတွေအပုံလိုက်ကြီး မင်းကို စောင့်နေလိမ့်မယ်"</p> <p> </p> <p>ကမ္ဘာပေါ်တွင် သတင်းထောက်များနှင့် နောက်ယောင်ခံလိုက်သော ပရိတ်သတ်များက ဘယ်လောက်စိတ်ပျက်ဖို့ကောင်းကြောင်း ကျန်းမုန့်လောင်သိသည်။ စကြာဝဠာအဆင့်မျိုးနွယ်စုများထဲတွင် ထိုလူများနှင့် အဖွဲ့အစည်းများမှာ ပိုဆိုးရွားလာလိမ့်မည်ဟု သူ ခန့်မှန်းမိသည်။</p> <p> </p> <p>"အနာဂတ်အကြောင်းကတော့ နောက်မှပဲ ပြောတာပေါ့"</p> <p> </p> <p>အိုင်းရင်းကမူ ဘာမှဂရုမစိုက်လေဟန်ဖြင့် ပြောလိုက်သည်။ သူသည် အာကာသယာဉ်၏အပြင်ဘက်ရှိ ရှုခင်းများကို ကြည့်လိုက်၏။</p> <p> </p> <p>"E4အဆင့် အမြန်နှုန်းက အရမ်းအားရတာပဲ။ ဒီအရှိန်နဲ့ဆိုရင် စတားရှာ့ခ်စကြာဝဠာအင်ပါယာကို သုံးရက်မပြည့်ခင်မှာတင် ရောက်နိုင်တယ်"</p> <p> </p> <p>"ဒါနဲ့ ဒီကုန်စည်ပြပွဲမှာ လိုက်နာရမယ့် စည်းကမ်းတွေ ဒါမှမဟုတ် ရှောင်ကြဉ်ရမယ့်အရာတွေ ရှိလား"</p> <p> </p> <p>ကျန်းမုန့်လောင်က ရုတ်တရက် တစ်စုံတစ်ခုကို သတိရသွားသည်။</p> <p> </p> <p>"ဒါက တရားမဝင် မှောင်ခိုစျေးကွက်ဆိုတော့ မရိုးသားတဲ့ကိစ္စတွေ ဖြစ်လာနိုင်မလား။ ဥပမာ သစ္စာဖောက်တာမျိုး ဒါမှမဟုတ် မရိုးသားတဲ့နည်းလမ်းတွေ သုံးတာမျိုးတွေပေါ့"</p> <p> </p> <p>"သေချာပေါက် ရှိတာပေါ့"</p> <p> </p> <p>အိုင်းရင်းက ဆို၏။</p> <p> </p> <p>"ဒီကုန်စည်ပြပွဲက ဒုစရိုက်လောကတစ်ခုပဲ။ အတွင်းထဲက အေးချမ်းတဲ့လေထုကို ကြည့်ပြီး အရူးအဖြစ်မခံနဲ့။ ပြပွဲကနေ ထွက်လိုက်တာနဲ့ လူသတ်တာ၊ လုယက်တာတွေက နေရာတိုင်းမှာရှိနေတာ။ လေလံပွဲမှာ ပစ္စည်းတစ်ခုကို စျေးကြီးပေးပြီး အနိုင်ရခဲ့ရင်တောင် အစ်ကိုကျန်းကို ကာကွယ်ပေးမယ့်လူမရှိရင် ဒုက္ခရောက်မှာပဲ"</p> <p> </p> <p>"ဒါပေမဲ့ ရပါတယ်။ ဒီလိုနေရာမျိုးမှာ လူတော်တော်များများက နောက်ပိုင်း တခြားလူတွေဆီက ဒုက္ခပေးတာမျိုးမခံရအောင် သူတို့ရဲ့ကိုယ်ရေးအချက်အလက်တွေကို ဖုံးကွယ်ဖို့ နည်းမျိုးစုံသုံးကြတယ်"</p> <p> </p> <p>အိုင်းရင်းက ပစ္စည်းတစ်ခုကို ထုတ်လိုက်သည်။</p> <p> </p> <p>"အစ်ကိုကျန်းကို မှော်ဝင်ပစ္စည်းတစ်ခု ပြမယ်"</p> <p> </p> <p>"ဒါက မျက်နှာဖုံးမဟုတ်ဘူးလား"</p> <p> </p> <p>"ဒါက သာမန်မျက်နှာဖုံး မဟုတ်ဘူး"</p> <p> </p> <p>အိုင်းရင်းက ရှင်းပြလိုက်သည်။</p> <p> </p> <p>"ပုံမှန်ဆိုရင် ကျွန်တော်တို့က လူတစ်ယောက်ကိုခွဲခြားဖို့ သူ့ရဲ့စွမ်းအင်လှိုင်းကို အားကိုးကြတာ။ ဒါပေမဲ့ ဒီဟာကိုတပ်လိုက်တာနဲ့ အစ်ကိုကျန်းရဲ့စွမ်းအင်လှိုင်းက အမြဲပြောင်းလဲနေမှာ။ အဲ့ဒါကြောင့် တစ်ယောက်ယောက်ကို အပြစ်ပြုမိရင်တောင် အစ်ကိုကျန်းကို လွယ်လွယ်နဲ့ မှတ်မိမှာမဟုတ်ဘူး"</p> <p> </p> <p>"စိတ်ဝင်စားစရာပဲ"</p> <p> </p> <p>ကျန်းမုန့်လောင်က ထိုပစ္စည်းကို ယူကြည့်လိုက်သည်။</p> <p> </p> <p>"တစ်ခုတည်းလား"</p> <p> </p> <p> </p> <p>"ဟီးဟီး... အစ်ကိုကျန်းနဲ့ဆုံမယ်လို့ ကြိုမသိထားတော့ တစ်ခုပဲမှာထားမိတာ။ အစကတော့ တခြားသူငယ်ချင်းတစ်ယောက်ကို ခေါ်လာဖို့ စီစဉ်ထားတာလေ"</p> <p> </p> <p>အိုင်းရင်းက ဆို၏။</p> <p> </p> <p>"ရိုးရိုးရှင်းရှင်းပုံစံကိုကြည့်ပြီး အထင်မသေးလိုက်နဲ့။ ဒါကိုမှာဖို့ ခြောက်လကြိုတင်ပြီး ရက်ချိန်းထားရတာ"</p> <p> </p> <p>"ကျစ်... ငါကတော့ မဝယ်နိုင်ဘူးဆိုတာ မယုံဘူး"</p> <p> </p> <p>ကျန်းမုန့်လောင်က စကြာဝဠာစူပါမားကတ်ကို ဖွင့်လိုက်သည်။ ထိုနေရာတွင် ဝယ်မရနိုင်သော အရာဟူ၍ မရှိသလောက်ပင်။</p> <p> </p> <p>"ဟားဟားဟား... ရှာမနေနဲ့။ ဝယ်လို့ရမှာမဟုတ်ဘူး"</p> <p> </p> <p>အိုင်းရင်းက ဂုဏ်ယူဝင့်ကြွားစွာ ပြောလိုက်သည်။</p> <p> </p> <p>"ဒါက နည်းပညာမြင့်ထုတ်ကုန် မဟုတ်ဘူး။ သိုင်းလက်နက်တွေဖန်တီးတဲ့ လက်မှုပညာနဲ့ လုပ်ထားတာ။ ကျွန်တော်တို့ ဂလက်ဆီမျိုးနွယ်စုတစ်ခုလုံးမှာ ဒီလိုအရည်အချင်းမျိုးရှိတဲ့ အဂ္ဂိရတ်ပညာရှင်ဆိုလို့ တစ်ယောက်ပဲ ရှိတာ"</p> <p> </p> <p>"ဒါပေမဲ့ စိတ်မပူပါနဲ့"</p> <p> </p> <p>အိုင်းရင်းက ထပ်ပြောလိုက်၏။</p> <p> </p> <p>"ကုန်စည်ပြပွဲတိုင်းမှာ ဒီလိုပစ္စည်းမျိုးတွေ လာရောင်းတဲ့ အဂ္ဂိရတ်ပညာရှင်တွေ ရှိတယ်လို့ ကြားဖူးတယ်။ တချို့ကတော့ ပိုက်ဆံရှာဖို့ လာကြတာ။ တချို့ကတော့ သူတို့ကို အရင်းအမြစ်တွေ ထောက်ပံ့ပေးမယ့် မျိုးနွယ်စုကြီးတွေကို ရှာဖို့လာကြတာ။ သူတို့က များသောအားဖြင့် အဆင့်သုံး ဒါမှမဟုတ် အဆင့်လေး အဂ္ဂိရတ်ပညာရှင်တွေပါပဲ"</p> <p> </p> <p>"ဒီလောက်အဆင့်နိမ့်တဲ့ အဂ္ဂိရတ်ပညာရှင်လား"</p> <p> </p> <p>ကျန်းမုန့်လောင်က သူ့ကို အထင်သေးလေဟန်အကြည့်ဖြင့် ကြည့်လိုက်သည်။</p> <p> </p> <p>"ဒါဆိုရင်တော့ ဒီကုန်စည်ပြပွဲက အကြီးကြီးမဟုတ်တဲ့ပုံပဲ"</p> <p> </p> <p>"အစ်ကိုကျန်း နားမလည်ပါဘူး"</p> <p> </p> <p>အိုင်းရင်းက ရှင်းပြလိုက်သည်။</p> <p> </p> <p>"အဂ္ဂိရတ်ပညာရှင်ဆိုတာ အရမ်းမြင့်မြတ်တဲ့ အသက်မွေးဝမ်းကြောင်းတစ်ခုဗျ။ အဆင့်ငါး ဒါမှမဟုတ် အဆင့်ခြောက်ရှိတဲ့ အရှင်သခင်တွေတောင် သူတို့ကို ဘိုးဘေးတွေလို ဆက်ဆံကြရတာ။ သူတို့လိုချင်တာကို ဝယ်နေစရာတောင် မလိုဘူး။ စကားတစ်ခွန်းဟလိုက်ရုံပဲ။ မရေမတွက်နိုင်တဲ့လူတွေက အလုအယက်တောင် လာပေးကြမှာ"</p> <p> </p> <p>"တော်တော်ရေပန်းစားတာပဲ"</p> <p> </p> <p>ကျန်းမုန့်လောင်လည်း တစ်ကိုယ်တည်း ခပ်တိုးတိုးရေရွတ်လိုက်သည်။</p> <p> </p> <p>သူ့ဆရာအိုယဲ့ကျီဆီက သင်ထားသော အဂ္ဂိရတ်ပညာမှာ ဤစကြာဝဠာမျိုးနွယ်စုထဲတွင် ဘယ်အဆင့်လောက်ရှိမလဲဆိုသည်ကို သူ စဉ်းစားနေမိသည်။</p> <p> </p> <p>"ဒါပေမဲ့ ပြပွဲကျင်းပတဲ့နေရာမှာ ဒီလိုမျက်နှာဖုံးမျိုးရဲ့စျေးနှုန်းက ငါးဆခြောက်ဆ ဒါမှမဟုတ် ဆယ်ဆလောက်အထိ တက်သွားနိုင်တယ်။ အဲ့ဒါကြောင့် ကြိုတင်ပြင်ဆင်ထားဖို့တော့ လိုမယ်"</p> <p> </p> <p>"ငါ့မှာ ပိုက်ဆံမရှားပါဘူး"</p> <p> </p> <p>ကျန်းမုန့်လောင်က ပြောလိုက်၏။ သူသည် စုတ်ပြတ်သတ်နေသော ဤမျက်နှာဖုံးကို လုံးဝအလေးမထားပါချေ။</p> <p> </p> <p>"ဒါပေမဲ့ မင်းရဲ့ဒီဟာက တော်တော်ရုပ်ဆိုးတာပဲ။ ဒီထက်ပိုပြီး ဆန်းဆန်းပြားပြားပုံစံလေးတွေ မရှိဘူးလား"</p> <p> </p> <p>"ဒါကိုရတာတောင် ကံကောင်းလှပြီ။ အစ်ကိုကျန်းကတော့ တော်တော်လောဘကြီးတာပဲ"</p> <p> </p> <p>အိုင်းရင်းက ညည်းညူလိုက်ချေသည်။</p> <p> </p> <p>အာကာသယာဉ်မှာ မြန်မြန်ဆန်ဆန် ပျံသန်းနေလေသည်။ ကျန်းမုန့်လောင်နှင့် အိုင်းရင်းတို့မှာ နှစ်ရက်ခန့် ဂိမ်းကစားပြီးနောက် စတားရှာ့ခ်စကြာဝဠာအင်ပါယာနယ်မြေထဲသို့ ရောက်လာပြီဖြစ်ကြောင်း အာကာသယာဉ်၏စနစ်က အကြောင်းကြားလာသည်။</p> <p> </p> <p>ဤတစ်ကြိမ်မှာတော့ ပွဲစီစဉ်သူများမှာ စတားရှာ့ခ်စကြာဝဠာအင်ပါယာ၏ အစွန်အဖျားရှန လူသူကင်းသော နယ်မြေတစ်ခုကို ငှားရမ်းထားသည်။ သို့သော် ပွဲစီစဉ်သူများမှာ အင်အားကြီးလှသော အဆင့်ငါးမျိုးနွယ်စုတစ်ခု ဖြစ်သောကြောင့် သူတို့သာအလိုရှိလျှင် ဆိုးရွားလွန်းသော ဂြိုဟ်တစ်လုံးကိုပင် နေချင်စဖွယ်နေရာတစ်ခုဖြစ်အောင် ခဏတွင်းချင်း ပြောင်းလဲပစ်နိုင်သည်။</p> <p> </p> <p>ဤနယ်မြေတစ်ခုလုံးမှာ ဂြိုဟ်ပေါင်း သောင်းဂဏန်းခန့် ရှိလိမ့်မည်ဟု ခန့်မှန်းရပြီး အကုန်လုံးနီးပါးကလည်း ဂျူပီတာဂြိုဟ်အရွယ်အစားခန့်ရှိ၏။ နယ်မြေ၏အလယ်ဗဟိုတွင်မူ ကြီးမားလှသော လူလုပ်ကြယ်ကြီးတစ်လုံးရှိပြီး ဤဂြိုဟ်သောင်းဂဏန်းမှာ ထိုကြယ်ကြီးကို ဗဟိုပြုပြီး အလွန်ညီညွတ်သောနှုန်းထားဖြင့် ဖြည်းဖြည်းချင်း လှည့်ပတ်နေကြသည်။</p> <p> </p> <p>"ဒါဟာ သိပ္ပံပညာရဲ့ အထွတ်အထိပ်ပါလား"</p> <p> </p> <p>ကျန်းမုန့်လောင်က အံ့ဩတကြီး ရေရွတ်လိုက်သည်။ ကမ္ဘာသူကမ္ဘာသားများအတွက်တော့ ဤသည်မှာ အိပ်မက်ပင်မမက်ရဲသော အရာမျိုးပင်။</p> <p> </p> <p>"ဒါက အထင်ကြီးစရာလား"</p> <p> </p> <p>အိုင်းရင်းက ဆိုလေသည်။</p> <p> </p> <p>"ဂြိုဟ်တွေကိုရွှေ့တာက အဆင့်နှစ်မျိုးနွယ်စုတောင် လုပ်နိုင်တာပဲ။ လူလုပ်ကြယ်တွေ ဖန်တီးတာကတော့ အဆင့်လေးမျိုးနွယ်စုတိုင်းလုပ်နိုင်တဲ့ သာမန်ကိစ္စလေးပါ"</p> <p> </p> <p>"ဒါကို သေချာမှတ်ထား။ ငါက အဆင့်တစ်မျိုးနွယ်စုက လာတာ။ အဲဒါကြောင့် ဒါက ငါ့အတွက် တော်တော်အံ့ဩစရာကောင်းနေတာ ဟုတ်ပြီလား"</p> <p> </p> <p>ကျန်းမုန့်လောင်က မျက်လုံးလှန်ပြီး ပြောလိုက်သည်။</p> <p> </p> <p>ကုန်စည်ပြပွဲက တရားဝင် မစတင်သေးသော်ငြား စကြာဝဠာအရပ်ရပ်က လာရောက်ကြသူများမှာ တစ်ယောက်ပြီးတစ်ယောက် ရောက်လာနေကြသဖြင့် ပြပွဲဝင်ပေါက်တွင် အာကာသယာဉ်များဖြင့် ပိတ်ဆို့နေလေသည်။</p> <p> </p> <p>ထိုအချိန်မှာ ကျန်းမုန့်လောင်ကတော့ သူ့ဝီချက်မှာ တစ်ခုခုတင်ချင်လာသည်။</p> <p> </p> <p>"မင်းတို့ကတော့ ယုံမှာမဟုတ်ပေမဲ့ ငါ အခု အာကာသထဲမှာ အာကာသယာဉ်မောင်းရင်း ယာဉ်ကြောပိတ်ဆို့မှုကြောင့် ပိတ်မိနေတယ်"ဟုပင်။</p> <p> </p> <p>"သောက်ကျိုးနည်း... စတားဂေဇာအဆင့်မြင့်အာကာသယာဉ်ကြီးပါလား"</p> <p> </p> <p>"ဒီသူဌေးကြီးက ဘယ်သူလဲဟ"</p> <p> </p> <p>"အရမ်းလန်းတာပဲ"</p> <p> </p> <p>လာရောက်သူများမှာ စကြာဝဠာအရပ်ရပ်ကဖြစ်ပြီး အများစုကလည်း အလွန်အမင်းချမ်းသာကြွယ်ဝသူများ ဖြစ်သော်ငြား ဤစတားဂေဇာကိုတော့ မနာလိုအားကျလေဟန် အကြည့်များဖြင့် ကြည့်နေကြသည်။</p> <p> </p> <p>"မင်္ဂလာပါ။ အာကာသယာဉ်ကို ဒီမှာပါကင်ထိုးပေးပါ။ ပြပွဲထဲမှာတော့ အာကာသယာဉ်တွေကို မောင်းနှင်ခွင့်မပြုပါဘူး"</p> <p> </p> <p>လက်မှတ်များကို စစ်ဆေးပြီးနောက် သူတို့နှစ်ယောက်သား အာကာသယာဉ်ဆိပ်ကမ်းကြီးတစ်ခုထဲသို့ ဝင်လာခဲ့လိုက်သည်။</p> <p> </p> <p>ဝန်ထမ်းမှာ အလွန်ချောမောလှပသော မိန်းကလေးတစ်ဦးဖြစ်ပြီး အိုင်းရင်းကလည်း ဤသည်မှာ နတ်သူငယ်များနှယ် အလှအပကို အထူးတန်ဖိုးထားသော မျိုးနွယ်စုဖြစ်ကြောင်း ကျန်းမုန့်လောင်ကို ပြောပြလေသည်။</p> <p> </p> <p>အာကာသယာဉ်ကို အထင်ကြီးသွားဟန်တူသည့် ထိုမိန်းကလေးက သူတို့နှစ်ယောက်ကို ကလူကျီစယ်နေချေသည်။</p> <p> </p> <p>"ဒီနေရာက အကြီးကြီးပဲ။ အာကာသယာဉ် မရှိဘဲနဲ့ ဘယ်လိုသွားလာကြမလဲ"</p> <p> </p> <p>"စိတ်မပူပါနဲ့။ ဂြိုဟ်တိုင်းမှာ ကူးပြောင်းရေးစခန်းတွေ ထားပေးထားပါတယ်။ ဂြိုဟ်တိုင်းမှာ မြန်နှုန်းမြင့်အများသုံးသယ်ယူပို့ဆောင်ရေးတွေလည်း ရှိပါတယ်။ သီအိုရီအရတော့ ပြပွဲရဲ့ဘယ်နေရာကိုမဆို နာရီဝက်အတွင်း ရောက်နိုင်တယ်"</p> <p> </p> <p>"ကျစ် ကျစ်... သူတို့ တကယ်အကုန်အကျခံထားတာပဲ"</p> <p> </p> <p>ကျန်းမုန့်လောင်က မှတ်ချက်ပေးလိုက်သည်။</p> <p> </p> <p>"အခု ရှင်တို့နှစ်ယောက်အတွက် နာမည်ကတ်တွေ လုပ်ပေးပါ့မယ်။ နာမည်လေးတွေ သိပါရစေ"</p> <p> </p> <p>"ကျွန်တော့်နာမည်က အီဘတ်ပါ"</p> <p> </p> <p>အိုင်းရင်းက ပြောလိုက်လေသည်။</p> <p> </p> <p>"ဘာဖြစ်တာလဲ။ ဒါက မင်းရဲ့ နာမည်ပြောင်လား"</p> <p> </p> <p>"ရှူး..."</p> <p> </p> <p>အိုင်းရင်းက တိုးတိုးလေး ပြောလိုက်၏။</p> <p> </p> <p>"ဒီမှာ နာမည်အစစ်နဲ့ စာရင်းသွင်းစရာမလိုဘူး။ လူကို အရှင်လတ်လတ် ဝါးစားမယ့် ဒီလိုနေရာမျိုးမှာ ဘယ်သူက နာမည်အစစ် သုံးမှာလဲ။ အကုန်လုံးက အချက်အလက်အတုတွေပဲ သုံးကြတာ"</p> <p> </p> <p>"ဒါလည်း ဟုတ်တာပဲ"</p> <p> </p> <p>ကျန်းမုန့်လောင်က ခေါင်းညိတ်ပြလိုက်၏။</p> <p> </p> <p>"မင်္ဂလာပါ။ ကျွန်တော့်နာမည်က ဂျက်မားပါ"</p> <p> </p> <p> </p> <p> </p> <p> </p> <p>****************</p> <p> </p> <p> </p> <p>***</p> <p> </p>


Save