Book List

<h2 style="text-align: center;">အခန်း။ ၂၇၃</h2> <h2 style="text-align: center;">*</h2> <p> </p> <p> </p> <p> </p> <p>ထိုသူများအနက်မှ အစွမ်းထက်ဆုံး ပုဂ္ဂိုလ် ၇၀၀ ကိုသာ သူတို့ အသေအချာ စိစစ်ရွေးချယ်ခဲ့</p> <p>ခြင်းပင်။</p> <p>ထို ၇၀၀ ထဲမှမှ ၈၅ ဦးကို ထပ်မံရွေးချယ်ခဲ့ပြီး...သူတို့အနက်မှ နောက်ဆုံးတွင် ဆယ်ဦးသာ ကျန်ရှိတော့သည်။</p> <p>အကြွင်းမဲ့ ပါရမီမျိုး မရှိပါက ရှုံးနိမ့်သူများအဖြစ်သာ သတ်မှတ်ခံရပြီး ဆုတ်ယုတ်မှုများနှင့်သာ ရင်ဆိုင်ရပေလိမ့်မည်။ ကျန်ရှိနေသော ဆယ်ဦးမှာလည်း ရွှီရန်နှင့် ဆုံတွေ့လိုက်ရသည့်အခါတွင် ကြီးမားသော စိတ်ဓာတ်ကျဆင်းမှုနှင့် ထပ်မံရင်ဆိုင်လိုက်ရပြန်သည်။</p> <p>ဤသည်မှာ ကျင့်ကြံခြင်းလောက၏ ရက်စက်လှသော အမှန်တရားပင်။</p> <p>ကတ္တရာလမ်းပေါ်တွင် စူပါပါရမီရှင် ၁၂ ဦးသာ ကျန်ရှိတော့သည်။</p> <p>“မင်းတို့အားလုံးရဲ့ ပါရမီက တစ်ပိုင်းတစ်စ နတ်ဘုရားအဆင့်ထက်မှာ ရှိနေကြတယ်။ အခုကစပြီး မင်းတို့က ရွှီရန်ဆီကနေ ကိုယ်ဖျောက်အတတ်ကို သင်ယူရမယ် ခဏနေရင်တော့ မင်းတို့အနေနဲ့ ရွှီရန်ရဲ့ နတ်ဘုရားသတ်တပ်ဖွဲ့ထဲကို ဝင်ရောက်တာဖြစ်ဖြစ် ဒါမှမဟုတ် ကိုယ်ပိုင်အဖွဲ့အစည်း တစ်ခုကို တည်ထောင်တာဖြစ်ဖြစ် လုပ်ဆောင်နိုင်ကြတယ်”</p> <p>“ဒါပေမဲ့ ဘယ်လိုပဲဖြစ်ဖြစ် အနာဂတ်မှာ မင်းတို့က အနီးကပ်ဆုံး ရဲဘော်ရဲဘက်တွေ ဖြစ်လာကြမှာပါ။ တစ်ဦးကိုတစ်ဦး ကူညီပံ့ပိုးပြီး ပူးပေါင်းဆောင်ရွက်သွားကြရမယ်... ဒီလို သံယောဇဉ်နဲ့ ကံကြမ္မာဆုံဆည်းမှုဟာ အလွန်တရာ အဖိုးတန်လှပါတယ်။ အချိန်တွေ ကုန်ဆုံးသွားလေလေ ဒီနှောင်ကြိုးက ဝိုင်ကောင်းတစ်ပုလင်းလိုပဲ ပိုပြီး ရင့်ကျက်နက်ရှိုင်းလာလေလေ ဖြစ်မှာပါ”</p> <p>“မင်းတို့ အားလုံးကို ဂုဏ်ပြုပါတယ်”</p> <p>ကျောင်းအုပ်ကြီး၏ ပြောကြားချက်အပေါ် လူတိုင်းက ပုံစံအမျိုးမျိုးဖြင့် တုံ့ပြန်ကြသော်လည်း ထိုစကားများ၏ နက်ရှိုင်းသော အဓိပ္ပာယ်ကိုမူ အပြည့်အဝ နားမလည်နိုင်ကြသေးချေ။</p> <p>ဥပမာအားဖြင့် ချင်ယီဟောက်ကို ကြည့်လျှင် သူမ၏ အမူအရာမှာ ငေးငိုင်နေပြီး စိတ်အာရုံမှာ ဤလောကပြင်ပသို့ ရောက်ရှိနေသကဲ့သို့ပင် ရှိနေသည်။</p> <p>သို့သော် ရုတ်တရက် သူမသည် ရွှီရန်အား စိုက်ကြည့်လိုက်ရာ သူမ၏ မျက်ခုံးအစုံကြားတွင် အလင်းတန်းတစ်ခု ဝဲပျံသွားသည်။ နောက်တစ်ခဏတွင်မူ သူမ၏ မျက်နှာမှာ ဖြူဖျော့သွားပြီး ခြေထောက်များပင် မခိုင်တော့ဘဲ အသက်ရှူသံများ ပြင်းထန်လာတော့သည်။</p> <p>“ဒါ... ဒါ ဘယ်လိုလုပ် ဖြစ်နိုင်မှာလဲ”</p> <p>“နှစ်ရက်တည်းပဲ ရှိသေးတာ မဟုတ်လား သူက အဆပေါင်း ဒါဇင်နဲ့ချီပြီး ပိုသန်မာလာတာလား ငါ့အနေနဲ့ သူ့ရဲ့ စွမ်းအားအဆင့်ကို လုံးဝ အာရုံခံလို့ မရတော့ဘူး...”</p> <p>ချင်ယီဟောက်၏ အကြည့်များမှာ ပို၍ပင် ဗလာကျင်းသွားပြီး ထူးထူးခြားခြား အံ့သြမှင်သက်နေသည့် အမူအရာမျိုး ပေါ်ပေါက်လာသည်။</p> <p>လွန်ခဲ့သော နှစ်ရက်ကမူ သူမသည် သူမ၏ အမြစ်အရိုးစွမ်းရည်ဖြင့် ရွှီရန်၏ စွမ်းအားအဆင့်ကို မရေမရာမျှ အာရုံခံနိုင်သေးသည်။</p> <p>သို့သော် မျက်စိတစ်မှိတ်အတွင်း နှစ်ရက်မျှသာ ကုန်ဆုံးသွားခဲ့သည်။</p> <p>ယခုအခါတွင်မူ ထိုစွမ်းအားအဆင့်ကိုပင် သူမ မမြင်နိုင်တော့ချေ။</p> <p>ဤအချက်က ရွှီရန်၏ အင်အားသည် အနည်းဆုံး အဆ ၃၀ ခန့် မြင့်တက်သွားသည်ကို ဖော်ပြနေခြင်းပင်။</p> <p>ဒါက အမှန်တကယ် ဖြစ်ရောဖြစ်နိုင်ပါ့မလား။</p> <p>နှစ်ရက်အတွင်းမှာတင် တိုက်ခိုက်ရေးစွမ်းရည်ကို အဆ ၃၀ အထိ မြှင့်တင်နိုင်စွမ်းရှိတဲ့ စူပါပါရမီရှင်မျိုး တကယ်ပဲ ရှိနေတာလား။</p> <p>ဒါက တကယ့်မိစ္ဆာတစ်ကောင်ပဲ မဟုတ်ဘူးလား။ ဒါက လူသားတစ်ယောက် လုပ်ဆောင်နိုင်တဲ့ စွမ်းဆောင်ရည်မျိုးမှ မဟုတ်တာ။</p> <p>လွန်ခဲ့သော နှစ်ရက်ကပင် ရွှီရန် ပြသခဲ့သော တိုက်ခိုက်ရေးစွမ်းရည်မှာ လူသားတို့၏ အဆင့်အတန်းထက် ကျော်လွန်နေခဲ့ပြီ ဖြစ်သော်လည်း ယခုကဲ့သို့ နှစ်ရက်အတွင်း အဆမတန် ထိုးတက်သွားသည့် အရှိန်အဟုန်ကို ကိုယ်တိုင်မြင်တွေ့လိုက်ရခြင်းမှာ ပို၍ပင် ကြောက်မက်ဖွယ် ကောင်းသည်။</p> <p>သူမသည် ရွှီရန်အား အသေအချာ အကဲခတ်ကြည့်ရှုရင်း တစ်ခုခုပြောရန် ပါးစပ်ဟလိုက်သော်လည်း ဘာပြောရမည်မှန်း မသိတော့ချေ။ နောက်ဆုံးတွင် တခြားသူများနှင့်အတူသာ ထွက်ခွာလာခဲ့ရသော်လည်း သူမ၏ခြေလှမ်းများမှာမူ အနောက်တွင် အတော်လေး နောက်ကျကျန်ရစ်နေခဲ့သည်။</p> <p>သူမ အလွန် သိချင်နေမိသည်။ ထိုအချက်ကို သူမကိုယ်တိုင် အတည်ပြုလိုသည့်စိတ်က ပြင်းထန်နေ၏။ သူမ ဖြည်းညင်းစွာ ရှေ့သို့ တိုးကပ်သွားစဉ် ကျောင်းအုပ်ကြီးများက ရွှီရန်အား ချီးကျူးစကား ပြောကြားနေသံကို ကြားလိုက်ရသည်။</p> <p>“မနေ့က မင်းရဲ့ စွမ်းဆောင်ချက်တွေအကြောင်းကို ကောင်းကင်ဘုံ ထိပ်သီးနန်းဆောင်က သိပြီးသွားပါပြီ။ အကယ်၍ မင်းအနေနဲ့ ရတနာတိုက်ထဲကနေ ဆုလာဘ်တစ်ခုခုကို ရွေးချယ်ချငတယ်ဆိုရင် စိတ်ကြိုက် လွတ်လပ်စွာ ရွေးချယ်နိုင်တယ်တဲ့”</p> <p>“မနက်ဖြန်ကျရင် မင်းသွားပြီး ရွေးချယ်လို့ ရပြီ”</p> <p>“ဒါပေမဲ့... အပြာရောင်ဂြိုလ်ရဲ့ အကာအကွယ်ဒိုင်းလွှား ပျက်စီးသွားခဲ့ပြီ။ ညစ်ညမ်းမှုတွေကလည်း ဂြိုလ်ထဲကို ကျူးကျော်ဝင်ရောက်လာပြီဆိုတော့ မင်းတို့မျိုးဆက်တွေအနေနဲ့ အချိန်မဆိုင်းဘဲ အမြန်ဆုံး ကြီးထွားလာဖို့ လိုအပ်တယ်။ အချိန်က ဘယ်သူ့ကိုမှ စောင့်နေမှာ မဟုတ်ဘူး”</p> <p>“နှမြောစရာကောင်းလိုက်တာ နတ်ဘုရားအဆင့် အမြစ်အရိုးပိုင်ရှင်တွေ ဒီတစ်သုတ် ပေါ်ထွက်လာဖို့က မလွယ်ကူဘူး။ ဒါပေမဲ့ မင်းတို့ ကြီးထွားလာဖို့အတွက် ဘေးကင်းလုံခြုံတဲ့ ပတ်ဝန်းကျင်တစ်ခု မရှိတော့ဘူး... မင်းတို့တွေ အရွယ်မရောက်ခင်မှာ တစ်ခုခုဖြစ်သွားမှာကို တကယ်ပဲ စိုးရိမ်မိတယ်”</p> <p>ကျောင်းအုပ်ကြီးများသည် စိုးရိမ်ပူပန်မှုများဖြင့် ပြည့်နှက်နေပြီး သက်ပြင်းချသံများကို မထိန်းချုပ်နိုင်ကြတော့ချေ။</p> <p>ကျောင်းအုပ်ကြီး ချန်ချီက လက်ယမ်းပြလိုက်ရင်း  “လမ်းတော့ ရှိမှာပါ ကောင်းကင်ဘုံ ထိပ်သီးနန်းဆောင်က ဘေးဒုက္ခတွေ ဆိုက်ရောက်လာမယ့်အချိန်ကို ရွှေ့ဆိုင်းနိုင်ဖို့ နည်းလမ်းတစ်ခုခုတော့ သေချာပေါက် ရှာဖွေပါလိမ့်မယ်”</p> <p>“ဒါ့အပြင်... ရွှီရန်ရဲ့ ကျင့်ကြံခြင်း အဆောင်တံဆိပ်သာရှိရင် မူလက သွေးစွမ်းအင် ၈ သန်းအထိရောက်ဖို့ နှစ်ပေါင်း ၅၀ ကြာမယ့် ပါရမီရှင်တွေဟာ အခုဆိုရင် ၂၅ နှစ်ပဲ ကြာပါတော့မယ်။ ရွှီရန်ရဲ့ အဆင့်တွေ မြင့်တက်လာတာနဲ့အမျှ ဒီအချိန်က ပိုပြီးတော့တောင် တိုတောင်းသွားဦးမှာပါ”</p> <p>“ငါတို့ ထွက်ပေါက်တစ်ခု ရှာတွေ့မှာပါ... ဟွာရှလူမျိုးစုက နှစ်ပေါင်း ၅,၀၀၀ တိုင်တိုင် ရှင်သန်လာခဲ့တာ။ ဘယ်လို ဘေးဒုက္ခမျိုးတွေကိုမှ မမြင်ဖူးခဲ့တာ မဟုတ်ဘူး။ ရေကြီးရင် ငါတို့ စီမံခန့်ခွဲတယ်။  သားရဲတွေရှိရင် ငါတို့ သတ်ပစ်တယ်။ ကောင်းကင်မှာ နေကိုးစင်း ထွက်လာရင်တောင် ငါတို့ ပစ်ချခဲ့တာပဲ”</p> <p>ကျောင်းအုပ်ကြီး ချန်ချီ၏ အကြည့်မှာ ခိုင်မာပြတ်သားသည်။ ဟွာရှလူမျိုးတို့ ခေတ်အဆက်ဆက် လက်ဆင့်ကမ်းလာခဲ့သည့် ယဉ်ကျေးမှုအမွေအနှစ်နှင့် ယုံကြည်ချက်တို့ကို ကလေးများထံသို့ လက်ဆင့်ကမ်းပေးနေခြင်းပင်။</p> <p>အမှန်တကယ်တွင်မူ သူသည် ရွှီရန်၏ ပါရမီအပေါ် အလွန်အမင်း ယုံကြည်ချက်ရှိနေခြင်းဖြစ်ပြီး ရွှီရန်သည် အံ့ဖွယ်အမှုများကို သေချာပေါက် ဖန်တီးနိုင်လိမ့်မည်ဟု ယုံကြည်နေခြင်းပင်။</p> <p>အသက်ငါးနှစ်အရွယ်မှာတင် နတ်ဘုရားများကို သတ်ဖြတ်နိုင်ခဲ့သည့် အံ့ဖွယ် အမြစ်အရိုးပိုင်ရှင်ပက်။</p> <p>ကျောင်းအုပ်ကြီး ချန်ချီ၏ ထူးခြားသော ယုံကြည်ချက်နှင့် ပတ်သက်၍ ရွှီရန်သည် ကောင်းကင်ယံသို့ မော့ကြည့်လိုက်ရာ မင်အိုးကဲ့သို့ နက်မှောင်နေသော ညစ်ညမ်းမှု အမျှင်တန်းတစ်ခုမှာ နေ့စဉ်နှင့်အမျှ အပြာရောင်ဂြိုလ်အတွင်းသို့ မဆုတ်မနစ် ကျူးကျော်ဝင်ရောက်နေသည်ကို မြင်တွေ့လိုက်ရသည်။ ၎င်းမှာ အချိန်ကိုက်ဗုံးတစ်လုံး၏ ယမ်းကြိုးက တိတ်တဆိတ် လောင်ကျွမ်းနေသကဲ့သို့ပင်။</p> <p>ကျားမလေးနှင့် ကျူးယွီဟန်တို့သည်လည်း ရွှီရန်၏ အကြည့်အတိုင်း ကောင်းကင်သို့ မော့ကြည့်လိုက်ကြရာ သူတို့၏ နုနယ်သော မျက်နှာလေးများမှာ လေးနက်သွားကြသည်။</p> <p>အမြဲတမ်း ပျော်ပျော်ရွှင်ရွှင်နှင့် တက်ကြွနေတတ်သော ကျားမလေးမှာ ပထမဆုံးအကြိမ်အဖြစ် စိုးရိမ်သော အမူအရာ ပေါ်လာပြီး  “အစ်ကိုရွှီရန်... လမ်းစတစ်ခုတော့ ရှိမှာပါနော်။ ဟုတ်တယ်မလား” ဟု မေးမြန်းလိုက်သည်။</p> <p>ကျူးယွီဟန်ကမူ  “ငါ့မှာ အတိတ်နိမိတ်တစ်ခု ရှိနေတယ်... အကယ်၍ ဒီညစ်ညမ်းမှုတွေသာ ဆက်ပြီး ဝင်လာနေမယ်ဆိုရင် နောက်ထပ် ရက်ပေါင်း ၃၀၀ အတွင်းမှာ... ယုတ်မာတဲ့ နတ်ဘုရားတွေ အလုံးအရင်းနဲ့ ဆင်းသက်လာလိမ့်မယ်”</p> <p>ရွှီရန်မှာ အံ့အားသင့်သွားပြီး  “ဟင်”</p> <p>အချိန် အမြစ်အရိုး ပိုင်ရှင်၏ အတိတ်နိမိတ်မှာ သူ အထူးသတိထားရမည့် အချက်ပင်။</p> <p>“ရက်ပေါင်း ၃၀၀ ပဲလား အဲဒီလောက်တောင် တိုတောင်းတာလား”</p> <p>***</p> <p> </p>


Save