Book List

<h2 style="text-align: center;">အခန်း (၄၆၈)</h2> <h2 style="text-align: center;">သိုင်းဝိညာဉ် ပေါ်ထွက်လာပြီဆိုလျင် ဘယ်သူကယှဉ်ပြိုင်နိုင်မှာလဲ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ရန်ရှောက်ထျန်း၏ ဝိညာဉ်ကွင်းဆက်သည်မှာနှစ်တစ်သိန်းတစ်သောင်း၊ နှစ်နှစ်သိန်း သို့မဟုတ် နှစ်သုံးသိန်းချီဝိညာဉ်ကွင်းဆက်တောင်မဟုတ်ပေ။</p> <p>၎င်းအစား ထိုကွင်းဆက်သည် နှစ်သန်းချီနေလေပြီဖြစ်သောဝိညာဉ်ကွင်းဆက်သာလျင်ဖြစ် နေလေတော့သည်။</p> <p>ထို့တွင်လည်းမကသေးပေ... ထိုအရာသည်မှာခက်မှန်းရပင်ခက်သည့် နှစ်သန်းချီဝိညာဉ် ကွင်း ဆက်ကိုပင်ကျော်လွန်လို့နေကာ နှစ်နှစ်သန်းနီးပါးခန့်ရှိနေလေပြီဖြစ်သော တွင်းနက်ကြီး အရှင်သခင်၏ ဝိညာဉ်ကွင်းဆက်ပင်ဖြစ်နေပြန်တော့သည်။</p> <p>မုန့်ပိုင်မှာမူ အဆုံးအစမဲ့သော ကြောက်ရွံ့မှုများတို့ဖြင့် ဖုံးလွှမ်းသွားတော့သည်။</p> <p>သူသည် သတ်ဖြတ်ခြင်းနတ်ဘုရား၏အမွေအနှစ်ကိုဆက်ခံထားလေပြီး၊ သတ်ဖြတ်ခြင်း တာအိုကိုလည်းကျင့်ကြံထားကာ သတ်ဖြတ်ခြင်းနတ်ဘုရား၏နှလုံးသားကိုပိုင်ဆိုင်ထားသူဖြစ်ရာ ကြောက်ရွံ့ ခြင်းဆိုသည်ကို မည်သည့်အခါမျှမသိခဲ့ဖူးပေ။</p> <p>သို့သော် ယခုအချိန်တွင်မူ သူ၏သတ်ဖြတ်ခြင်းနတ်ဘုရားနှလုံးသားပင်လျှင် ကြောက်ရွံ့မှု များဖြင့် အပြည့်အဝဖုံးလွှမ်းသွားခဲ့လေပြီသာဖြစ်သည်။</p> <p>အလွန်အမင်း ကြောက်လန့်သွားသောကြောင့်လည်းဖြစ်ကောင်းဖြစ်နိုင်ပေသည်၊ မုန့်ပိုင်တစ် ယောက်အရူးတစ်ယောက်ကဲ့သို့ပင်ဖြစ်သွားခဲ့ပြီး "ငါ့ကို မသတ်ပါနဲ့... ငါ့ကို မသတ်ပါနဲ့" ဟုသာ အော်ဟစ်နေလေတော့သည်။</p> <p>နောက်ဆုံးအချိန်တွင် ရန်ရှောက်ထျန်းသည် သူ၏စွမ်းအားအများစုကို အတင်းအကျပ် ပြန်လည်ရုပ်သိမ်းလိုက်သော်လည်း မုန့်ပိုင်အတွက်တွင်မှာတော့ ထိုစွမ်းအား၏အရှိန်အဝါရယ် ကြောင့်လေထဲသို့ပင်လွင့်ထွက်လို့သွားကာ တောင်တန်းအမြောက်အမြားတို့ဖြင့်ပင် ဖြတ်သန်းတိုက် ခက်လို့သွားတော့သည်။</p> <p>နောက်ဆုံးတွင် သူသည် ကမ္ဘာဦးအစွန်အဖျားတစ်နေရာသို့ ပြုတ်ကျသွားတော့သည်။</p> <p>ထိုအခိုက်ရန်ရှောက်ထျန်း သူ၏ရှေ့သို့ရောက်လာသောအခါ မုန့်ပိုင်၏တစ်ကိုယ်လုံးမှာ သွေးချင်းချင်းနီနေပြီး သူ၏သတ်ဖြတ်ခြင်းနတ်ဘုရားနှလုံးသားရှိ သတ်ဖြတ်ခြင်းချီစွမ်းအင်များမှာ လည်းလုံးဝပျောက်ကွယ်သွားသည်ကိုသာတွေ့လိုက်ရသည်။</p> <p>မုန့်ပိုင်၏အသက်ရှူသံမှာအားနည်းလို့နေပြီး လဲလျောင်းနေရင်းမှ အရူးတစ်ယောက်ကဲ့သို့ "ငါ့ကို မသတ်ပါနဲ့... ငါ့ကို မသတ်ပါနဲ့" ဟုသာ တိုးတိုးလေး ရေရွတ်နေဆဲ ဖြစ်လေသည်။</p> <p>"ဒီကောင်လေးကတော့ ကြောက်လွန်းလို့ကြောင်သွားပြီပဲ" ဟု ဆေးနံ့သာအိုးဘိုးဘေးက အာမေဍိတ်သံဖြင့် ပြောလိုက်သည်။</p> <p>လူတစ်ယောက်သည် အလွန်အမင်း ထိတ်လန့်သွားပါက ကြောင်အသွားတတ်လေသည်။</p> <p>သိုင်းပညာရှင်များလည်း ချွင်းချက်မဟုတ်ပေ။</p> <p>သိုင်းပညာရှင်တစ်ဦး၏ဝိညာဉ်မှာ ခိုင်မာသော်လည်း အလွန်အမင်းထိတ်လန့်ပါက ကြောင် အသွားနိုင်သည်မှာအမှန်သာလျင်ဖြစ်ချေသည်။</p> <p>ရန်ရှောက်ထျန်းသည် တွင်းနက်ကြီးအရှင်သခင်၏ဝိညာဉ်ကွင်းဆက်ကို ဆင့်ခေါ်လိုက်ရုံမျှ ဖြင့် ပြိုင်ဘက်ကို တိုက်ရိုက်ကြောင်အသွားစေလိမ့်မည်ဟုမမျှော်လင့်ထားခဲ့ပေ။</p> <p>သို့သော် ဆေးနံ့သာအိုးက ပြိုင်ဘက်မှာကြောင်သွားပြီဟု ပြောလိုက်သဖြင့် ၎င်းမှာအမှန်ပင် ဖြစ်ပေလိမ့်မည်။</p> <p>ထိုအချိန်မှာပင် လေကိုခွဲလာသော အသံအမြောက်အမြား ထွက်ပေါ်လာတော့သည်။</p> <p>ရန်ရှောက်ထျန်း၏ နှစ်သန်းချီဝိညာဉ်ကွင်းဆက်၏စွမ်းအားကြောင့် ချန်ဆန်းစံအိမ်တော်မှ တပည့်များမှာလည်း လန့်နိုးသွားကြခြင်းဖြစ်လေသည်။</p> <p>ရန်ရှောက်ထျန်းမှာ တုံ့ဆိုင်းမနေဘဲလေထဲသို့ ပျံတက်ကာ ထိုနေရာမှထွက်ခွာသွားတော့ သည်။</p> <p>ရန်ရှောက်ထျန်းထွက်ခွာသွားပြီးမကြာမီမှာပင် ချန်ဆန်းစံအိမ်တော်မှတပည့်အဖွဲ့များထိုနေ ရာ သို့ ပျံသန်းရောက်ရှိလာကြသည်။</p> <p>ရောက်လာသူများထဲတွင် အမာခံတပည့်အမြောက်အမြားလည်း ပါဝင်လေသည်။</p> <p>ချန်ဆန်းစံအိမ်တော်မှ အမာခံတပည့်များစွာမှာအခင်းဖြစ်ပွားရာနေရာသို့ ရောက်ရှိလာပြီး လုံးဝ ပျက်စီးသွားသောမြေပြင်နှင့်သတ်ဖြတ်ခြင်းသားတော်မုန့်ပိုင်မှာလုံးဝ ကြောင်အကာ လဲလျောင်းနေသည်ကိုသာ မြင်လိုက်ရသဖြင့် အလွန်အမင်းတုန်လှုပ်သွားကြတော့သည်။</p> <p>ချန်ဆန်းစံအိမ်တော်တပည့်များ၏ ကုသမှုအောက်တွင် မုန့်ပိုင်၏ဒဏ်ရာများမှာ အတော် အတန် ပြန်လည်သက်သာလာခဲ့ပေသည်။</p> <p>သူသည် ချန်ဆန်းစံအိမ်တော်တပည့်များကိုကြည့်ကာ တစ်ကိုယ်လုံးတွန့်လိမ်နေပြီး ထိတ် လန့်နေသော မျက်နှာအမူအရာဖြင့် "ငါ့ကို မသတ်ပါနဲ့... ငါ့ကို မသတ်ပါနဲ့" ဟုသာ အမြဲတစေ အော်ဟစ်နေလေသည်။</p> <p>ဤစကားအပြင် တစ်ခါတစ်ရံတွင်ဝယ် "သိုင်းဝိညာဉ်ပေါ်ထွက်လာပြီဆိုလျင် ဘယ်သူက ယှဉ်ပြိုင် နိုင်တော့မှာလဲ" ဟုလည်း အော်ဟစ်တတ်လေပြန်တော့သည်။</p> <p>သတ်ဖြတ်ခြင်းသားတော်မုန့်ပိုင်၏ပုံစံကိုမြင်သောအခါ ချန်ဆန်းစံအိမ်တော်တပည့်အား လုံး တို့မှာလည်း တစ်ယောက်ကိုတစ်ယောက်ကြည့်ကာ ဆွံ့အသွားကြတော့သည်။</p> <p>ရန်ထျန်းရဲ၊ ကျန်းမင်နှင့် လော့ကျိုးတို့မှာ အခင်းဖြစ်ပွားရာနေရာတွင် မရှိကြသော်လည်း မုန့်ပိုင်၏ အခြေအနေကို အလျင်အမြန် သိရှိသွားခဲ့ကြသည်။</p> <p>"ဘာ... ကြောက်ပြီး ကြောင်သွားတယ် ဟုတ်လား"</p> <p> မုန့်ပိုင် ကြောက်ပြီးကြောင်သွားကြောင်း သိလိုက်ရသောအခါ ရန်ထျန်းရဲနှင့် အခြားသူများ မှာ အကြီးအကျယ်တုန်လှုပ်သွားပြီး သူတို့၏မျက်နှာများမှာမယုံကြည်နိုင်မှုများဖြင့် ပြည့်နှက်သွား တော့သည်။</p> <p>ခန့်ညားထည်ဝါသော သတ်ဖြတ်ခြင်းသားတော်၊ ချန်ဆန်းခြောက်ပါးထဲမှ တစ်ဦးဖြစ်သူက ကြောက်ပြီး ကြောင်သွားသည်တဲ့လား။ ဤသည်မှာအလွန်တရာ အဓိပ္ပာယ်မရှိလှပေ။</p> <p>"သူ ကြောက်ပြီးကြောင်သွားတာပါ" ဟု သတင်းပို့သော တပည့်ဖြစ်သူကလည်း ထူးဆန်း သောမျက်နှာအမူအရာဖြင့်ပြောလိုက်လေသည်။</p> <p> "အခင်းဖြစ်ပွားရာနေရာက တပည့်တွေရဲ့အဆိုအရအစ်ကိုကြီးမုန့်ပိုင်က အဲဒီမှာ 'ငါ့ကို မသတ်ပါနဲ့' လို့ပဲ အော်နေခဲ့တာပါ"</p> <p>"ဪ... ပြီးတော့တစ်ခါတစ်ရံမှာ 'သိုင်းဝိညာဉ်ပေါ်ထွက်လာပြီဆိုလျင် ဘယ်သူကယှဉ်ပြိုင် နိုင်မှာလဲ' လို့လည်း ပြောနေပြန်ပါတယ်"</p> <p>သိုင်းဝိညာဉ် ပေါ်ထွက်လာပြီဆိုလျင် ဘယ်သူက ယှဉ်ပြိုင်နိုင်မှာလဲ။</p> <p>ရန်ထျန်းရဲနှင့် ကျန်းမင်တို့မှာ အကြီးအကျယ်တုန်လှုပ်သွားကြတော့သည်။</p> <p>မုန့်ပိုင် ဘာလုပ်ဖို့သွားခဲ့သလဲဆိုတာကို သူတို့သိထားကြလေသည်။ မုန့်ပိုင်သည် ရန်ရှောက်ထျန်း ၏ ဝိညာဉ်ကွင်းဆက်စွမ်းအားကို စမ်းသပ်ရန်အတွက် ယခုအကြိမ်ထွက်သွားခဲ့ခြင်း ဖြစ်လေသည်။</p> <p>"ကောင်းပြီ... မင်း အရင်ထွက်သွားလို့ရပြီ" ဟု ရန်ထျန်းရဲက ထိုတပည့်ကို ပြောလိုက်သည်။</p> <p>ထိုတပည့်မှာ ပြန်လည်ဖြေကြားပြီးနောက် ထွက်ခွာသွားတော့သည်။</p> <p>"ရန်ရှောက်ထျန်းရဲ့ သိုင်းဝိညာဉ်နဲ့ဝိညာဉ်ကွင်းဆက်က တကယ်ပဲမုန့်ပိုင်ကို ကြောင်သွားစေ လောက်အောင် ကြောက်စရာကောင်းနေတာလား" ဟု လော့ကျိုးက သံသယများစွာဖြင့် ပြောလိုက် သည်။</p> <p>ကျန်းမင်က ခေါင်းခါပြကာ</p> <p>"ငါတို့ ဒါကို ကိုယ်တိုင်မမြင်ခဲ့ရဘူး၊ ဒါကြောင့် အဲဒီအချိန်မှာ ဘာဖြစ်ခဲ့သလဲဆိုတာ ဘယ်သူမှ မသိနိုင်ဘူး။ ရန်ရှောက်ထျန်း ကိုယ်တိုင်လုပ်တာမဟုတ်ဘဲ သူ့ဘေးမှာရှိနေတဲ့ဝိညာဉ်ကို ထိတ် လန့်စေသောနည်းလမ်းတစ်ခုခုသုံးနိုင်တဲ့ ပြိုင်ဘက်ကင်းပညာရှင်တစ်ယောက်ရှိနေလို့ မုန့်ပိုင်ဒီလို ဖြစ်သွားတာလည်းဖြစ်နိုင်တာပဲ" ဟု ပြောလိုက်သည်။</p> <p>ရန်ရှောက်ထျန်းက မုန့်ပိုင်ကိုဤကဲ့သို့အခြေအနေဖြစ်အောင် လုပ်ခဲ့သူဖြစ်သည်ဟု သူမ မယုံ ကြည်ပေ။</p> <p>ဧကရာဇ်အဆင့် ပထမအလွှာဖြစ်သောရန်ရှောက်ထျန်းက မုန့်ပိုင်ကို ဘယ်လိုလုပ်ပြီး ဒီလောက်အထိ ကြောက်သွားအောင် လုပ်နိုင်မှာလဲ။</p> <p>ရန်ထျန်းရဲသည်မှာလည်း ၎င်းကို မယုံကြည်ပေ။</p> <p>ရန်ရှောက်ထျန်းသည် အခင်းဖြစ်ပွားရာနေရာမှထွက်ခွာလာခဲ့ပြီးနောက် ချက်ချင်းပင် တွင်းနက်ကြီး ပျံသန်းရေးယာဉ်ကိုစီးနင်းကာ ဖော်ယွမ်အင်ပါယာဆီသို့ ဦးတည်သွားလေတော့သည်။</p> <p>ခရီးစဉ်မှာ အေးအေးဆေးဆေးပင် ဖြစ်လေသည်။</p> <p>မကြာမီ နှစ်ရက်ဆိုသောအချိန်သည် ကုန်ဆုံးသွားခဲ့ပြန်လေသည်။</p> <p>နတ်ဘုရားဆေးလုံး အကြွင်းအကျန်များကို မျိုချပြီးနောက် သက်စောင့်နတ်ဘုရားအသီးပင် တွင် နောက်ဆုံး၌ သက်စောင့်နတ်ဘုရားအသီး လေးလုံး သီးလာခဲ့လေသည်။</p> <p>လတ်ဆတ်ပြီး နုပျိုသောသက်စောင့်နတ်ဘုရားအသီးကိုကြည့်ကာ ရန်ရှောက်ထျန်းမှာ တုံ့ဆိုင်းမနေတော့ပါဘဲ ကျင့်ကြံရန်အတွက် သစ်သီးတစ်လုံးကိုချက်ချင်း မျိုချလိုက်လေသည်။</p> <p>ဧကရာဇ်အဆင့်သို့ အောင်မြင်စွာတက်လှမ်းပြီးနောက် ရန်ရှောက်ထျန်း၏ သက်စောင့် နတ်ဘုရားသစ်သီးကိုသန့်စင်သည့်အရှိန်မှာ အများကြီးတိုးတက်လာခဲ့သည်သာဖြစ်သည်။</p> <p>ယခင်ကမဟာအရှင်အဆင့်တွင် သက်စောင့်နတ်ဘုရားသစ်သီးတစ်လုံးကိုသန့်စင်ရန် ရက်ပေါင်းနှစ်ဆယ်ကြာမြင့်ခဲ့သော်လည်း ယခုအခါတွင်မူတစ်လုံးကိုသန့်စင်ရန် ဆယ်ရက်ပင် မကြာတော့ပေ။</p> <p>ထို့ကြောင့် တစ်လခန့်အတွင်းမှာပင် ရန်ရှောက်ထျန်းသည် သက်စောင့်နတ်ဘုရားသစ်သီး လေးလုံးစလုံးကို အပြည့်အဝသန့်စင်ပြီးသွားခဲ့လေသည်။</p> <p>သက်စောင့်နတ်ဘုရားသစ်သီးလေးလုံးကို သန့်စင်ပြီးနောက် ရန်ရှောက်ထျန်း၏ သွေးလေစွမ်းအားမှာ အံ့မခန်းဖွယ်အတိုင်းအတာအထိတစ်ဖန်တိုးတက်လာခဲ့သည်။ သို့သော် သူ၏သွေးလေစွမ်းအားမှာ အံ့မခန်းတိုးတက်လာခဲ့သော်လည်း သူ၏ကျင့်ကြံမှုအဆင့်မှာမူ ဧကရာဇ် အဆင့် ဒုတိယအလွှာ အလယ်ပိုင်းသို့သာ မသီမတင်ရောက်ရှိခဲ့လေသည်။</p> <p>သက်စောင့်နတ်ဘုရားသစ်သီးလေးလုံးကိုမျိုချပြီးနောက် ဧကရာဇ်အဆင့်ဒုတိယအလွှာ အလယ်ပိုင်းသို့သာရောက်ရှိသွားသည်ကိုမြင်သောအခါ ရန်ရှောက်ထျန်းမှာအမှန်တကယ်ပင် ဆွံ့အ သွားတော့သည်။</p> <p>သူ၏ အခြေခံမှာအလွန်တရာနက်ရှိုင်းလှပေသည်။ ကျင့်ကြံမှုအဆင့်မြင့်မားလာလေလေ နောက်ထပ် အဆင့်တက်ရန်အတွက် အရင်းအမြစ်များပိုမိုလိုအပ်လေလေဖြစ်ပေလိမ့်မည်။</p> <p>နောင်တွင် သူဤမျှလောက်များပြားသောအရင်းအမြစ်များကို မည်သည့်နေရာမှရနိုင်မည် နည်း။</p> <p>ယခုရရှိခဲ့သော နတ်ဘုရားဆေးလုံးအကြွင်းအကျန်များမှာ ချန်ဆန်းစံအိမ်တော်က အားစိုက် ထုတ်ကာ စုဆောင်းထားခဲ့ခြင်းဖြစ်လေသည်။</p> <p>နောက်တစ်ကြိမ်တွင် ဤမျှလောက်များပြားသော နတ်ဘုရားဆေးလုံးအကြွင်းအကျန် များ ကို စုဆောင်းရန်ခက်ခဲပေလိမ့်မည်။</p> <p>မိုးပြာရောင်နတ်ဘုရားဂူဗိမာန်၏ စတုတ္ထမြောက်နန်းတော်တွင် ချန်ဆန်းဆေးလုံးများ ရှိနေသော်လည်း ၎င်းကိုအစွမ်းထက်ဆုံးဟွန်ယွမ်ကောင်းကင်ကံကြမ္မာဆယ့်လေးခုကို စုစည်းပြီး မှသာ ဖွင့်နိုင်မည်ဖြစ်လေသည်။</p> <p>သို့သော် အကယ်၍ သူသာမိုးကောင်းကင်ကိုးလွှာကံကြမ္မာဆယ့်ငါးခုကို စုစည်းနိုင်ပါက ကောင်းကင်ကံကြမ္မာနတ်ဘုရားခန္ဓာကိုယ်ကိုကျင့်ကြံနိုင်မည်ဖြစ်လေသည်။ အကယ်၍သူက ဟွန် ယွမ်ကောင်းကင်ကံကြမ္မာဆယ့်ငါးခုကိုစုစည်းနိုင်ခဲ့လျှင် သူကျင့်ကြံထားသောကောင်းကင် ကံကြမ္မာ နတ်ဘုရားခန္ဓာကိုယ်ကို မည်သို့ ခေါ်ဆိုရမည်နည်း။</p> <p>ကောင်းကင်ကံကြမ္မာနတ်ဘုရားခန္ဓာကိုယ်လား။</p> <p>"မှန်တယ်... အဲဒါကောင်းကင်ကံကြမ္မာနတ်ဘုရားခန္ဓာကိုယ်ပဲ" ဟု ဆေးနံ့သာအိုးဘိုးဘေး၏ အသံ ထွက်ပေါ်လာလေသည်။</p> <p>ကောင်းကင်ကံကြမ္မာနတ်ဘုရားခန္ဓာကိုယ်မှာ ကမ္ဘာပေါ်တွင် ရှားပါးလှပေသည်။</p> <p>ကောင်းကင်ကံကြမ္မာနတ်ဘုရားခန္ဓာကိုယ်မှာမူပြောနေစရာပင်မလိုဘဲ ပို၍ပင်ရှားပါးလှပေ လိမ့်မည်။</p> <p>၎င်းကို တွေးရုံမျှဖြင့် ဆေးနံ့သာအိုးဘိုးဘေး၏ဖြူစင်သောနှလုံးသားမှာ အလွန်အမင်း စိတ်လှုပ်ရှားသွားတော့သည်။</p> <p>" ကောင်းကင်ကံကြမ္မာနတ်ဘုရားခန္ဓာကိုယ်"</p> <p> ရန်ရှောက်ထျန်းက အသက်ပြင်းပြင်းတစ်ချက်ရှူလိုက်သည်။</p> <p>အကယ်၍ ထာဝရနတ်ဘုရားခန္ဓာကိုယ်အပေါ်တွင် ကောင်းကင်ကံကြမ္မာနတ်ဘုရားခန္ဓာ ကိုယ်ကိုပါ ထပ်ပေါင်းလိုက်ပါက သူ၏ခန္ဓာကိုယ်မှာ မည်မျှအထိ အစွမ်းထက်လာမည်နည်း။</p> <p>ဘယ်လိုမှ ယှဉ်ပြိုင်လို့မရနိုင်သည့် စူပါပြိုင်ဘက်ကင်းခန္ဓာကိုယ်ကြီး ဖြစ်လာပေတော့မည်။</p> <p>သို့သော် ကောင်းကင်ကံကြမ္မာ နတ်ဘုရားကျောက်တုံးကိုတွေးမိသောအခါ ရန်ရှောက်ထျန်း မှာ အနည်းငယ် အားကိုးရာမဲ့သလိုခံစားလိုက်ရသည်။</p> <p>ယခုအခါ သူသည် ဧကရာဇ်အဆင့် ဒုတိယအလွှာ အလယ်ပိုင်းသို့ အဆင့်တက်သွားပြီဖြစ်ပြီး သူ၏ နတ်ဘုရားပင်လယ် စစ်မှန်သောချီစွမ်းအင်မှာလည်း မိုင်နှစ်သောင်းကျော်ကို ကျော်လွန်နေပြီ ဖြစ်လေသည်။ သူ၏နတ်ဘုရားပင်လယ်ကမ္ဘာကိုခိုင်မာအောင်လုပ်ရန် ကောင်းကင်ကံကြမ္မာနတ် ဘုရားကျောက်တုံး နောက်ထပ်ငါးတုံးသာရှိမည်ဆိုပါက ဒုတိယမြောက်ဟွန်ယွမ်ကောင်းကင် ကံကြမ္မာကို သူ ခံနိုင်ရည် ရှိလာမည်ဖြစ်လေသည်။</p> <p>ထို့ကြောင့် သူသည်ကောင်းကင်ကံကြမ္မာနတ်ဘုရားကျောက်တုံးများကို အမြန်ဆုံးရှာဖွေရ မည် ဖြစ်လေသည်။</p> <p>ဤအချိန်တွင် ပျံသန်းရေးယာဉ်မှာဖော်ယွမ်အင်ပါယာအတွင်းသို့ ဝင်ရောက်လာခဲ့ပြီ ဖြစ်လေသည်။</p> <p>ယင်လေဂိုဏ်းသို့နီးကပ်လာသည်နှင့်အမျှ သိုင်းပညာရှင်များမှာ တဖြည်းဖြည်းများပြား လာသည်။ ရန်ရှောက်ထျန်းသည်ပျံသန်းရေးယာဉ်ကိုသိမ်းဆည်းလိုက်ပြီး သူကိုယ်တိုင်ပျံသန်းကာ ခရီးဆက်ခဲ့လေသည်။ ညရောက်သောအခါ လူသူကင်းမဲ့ပြီးပျက်စီးနေသောတောင်ပေါ်ကျေးရွာ လေးတစ်ရွာကိုတွေ့ရှိခဲ့သဖြင့် ညအိပ်အနားယူရန်နှင့်မနက်ဖြန်မှခရီးဆက်ရန် ဆုံးဖြတ်လိုက် လေသည်။</p> <p>မကြာမီ မီးပုံတစ်ခုကို ထွန်းလိုက်လေသည်။</p> <p>ရန်ရှောက်ထျန်းသည် သူ၏ဖခင်ကြိုချက်ထားသောအရက်ကိုထုတ်ယူကာ သောက်တော့ သည်။</p> <p>ယခုအခါတွင်မူ သူသည် ဖခင်ဖြစ်သူချက်ထားသောအရက်ကို သောက်ရသည်မှာ ကျင့်သား ရနေပြီ ဖြစ်လေသည်။</p> <p>ရန်ရှောက်ထျန်းသည် မနက်ဖြန်တွင် ယင်လေဂိုဏ်းသို့သွားရောက်ရန် စဉ်းစားနေစဉ်မှာပင် ရုတ်တရက်အဝေးမှပုံရိပ်တစ်ခုလွင့်မျောလာကာ သူ၏အနီးသို့ပျံသန်းလာသည်ကို တွေ့လိုက် ရသည်။ ထို့နောက် ထိုသူမှာမြင့်မားသောနေရာမှပြုတ်ကျလာပြီး အနီးနားရှိနေရာတစ်ခုသို့ လိမ့်ကျ သွားတော့သည်။</p> <p>ရန်ရှောက်ထျန်းမှာ ထူးဆန်းသွားသဖြင့် သွားရောက်စစ်ဆေးကြည့်လိုက်သည်။ သတိမေ့ နေသော ထိုလူ၏နှုတ်ခမ်းများမှာမည်းမှောင်နေပြီး တစ်ကိုယ်လုံးမှာအေးစက်နေသည်ကို တွေ့လိုက် ရသည်။ သူသည်အလွန်အမင်းပြင်းထန်သောရေခဲအဆိပ်မိနေခြင်းဖြစ်ပြီး အကယ်၍မကယ်တင်ပါ က သေချာပေါက်သေဆုံးသွားပေလိမ့်မည်။</p> <p>ခဏမျှ စဉ်းစားပြီးနောက် ရန်ရှောက်ထျန်းသည် ထိုလူ၏ကျောပေါ်သို့ သူ၏လက်ဝါးကို တင်လိုက်ကာ ကမ္ဘာမြေမီးလျှံ၏စွမ်းအားကိုအသက်သွင်းလိုက်ရာ ရေခဲအဆိပ်များကို တစ်ခုပြီး တစ်ခု ဖယ်ရှားပေးလိုက်လေသည်။</p> <p>ထို့နောက် သူသည်အဆိပ်ဖြေဆေးလုံးတစ်လုံးကိုထုတ်ယူကာ ထိုလူကိုတိုက်လိုက်လေ သည်။</p> <p>ခဏအကြာတွင် ထိုလူမှာ နိုးထလာခဲ့လေသည်။</p> <p> </p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save