Book List

<h2 style="text-align:center">အခန်း (၄၆၉)</h2> <h2 style="text-align:center">ယင်လေဂိုဏ်းနှင့် အဆိပ်နဂါးနန်းတော်</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p> </p> <p>ထိုလူသည် မျက်လုံးများကိုဖွင့်ကြည့်လိုက်ရာ အသက်တစ်ဆယ့်ငါး၊ တစ်ဆယ့်ခြောက် နှစ်အရွယ်လူငယ်လေးတစ်ဦးကို မြင်လိုက်ရသဖြင့် အံ့အားသင့်သွားတော့သည်။</p> <p>"သခင်လေး... သခင်လေးကကျွန်တော့်ကို ကယ်တင်ခဲ့တာလား" ဟု သူက ပတ်ဝန်းကျင်ကို ထူးဆန်းစွာ ကြည့်ရင်းမေးလိုက်သည်။</p> <p>ရန်ရှောက်ထျန်းက ခေါင်းညိတ်ပြလိုက်သည်။</p> <p>"ကျွန်တော်ကယင်လေဂိုဏ်းကချီဟွေ့ပါ၊ သခင်လေးကျွန်တော့်ကိုကယ်တင်ပေးခဲ့တဲ့ အတွက်ကျေးဇူးအများကြီးတင်ပါတယ်" ဟု ထိုလူကကျေးဇူးတင်သောမျက်နှာအမူအရာဖြင့် လက်အုပ်ချီကာပြောလိုက်သည်။</p> <p>"ခင်ဗျားက ယင်လေဂိုဏ်းကလား"</p> <p> ရန်ရှောက်ထျန်းမှာ လန့်သွားတော့သည်။</p> <p>"ဟုတ်ပါတယ်"</p> <p>ချီဟွေ့က ပြုံးလိုက်ပြီး</p> <p> "သခင်လေးရဲ့ နာမည်ကို သိပါရစေ"</p> <p>"ချန်ဆန်းစံအိမ်တော်က၊ ရန်ရှောက်ထျန်းပါ"</p> <p> ရန်ရှောက်ထျန်းက ခဏမျှစဉ်းစားလိုက်ပြီးနောက် မနက်ဖြန်တွင်ယင်လေဂိုဏ်းသို့ သွား မည်ဖြစ်ရာ သူ၏နာမည်ကို ပြောပြရန်ဆုံးဖြတ်လိုက်လေသည်။</p> <p>သူ့ရှေ့ရှိ လူငယ်လေးမှာချန်ဆန်းစံအိမ်တော်မှ ရန်ရှောက်ထျန်းဖြစ်ကြောင်း ကြားလိုက်ရ သောအခါ ချီဟွေ့မှာ အလွန်အမင်းတုန်လှုပ်သွားပြီး အမြန်ပင်ထရပ်လိုက်ကာ</p> <p>"သခင်လေး... သခင်လေးက ဧကရာဇ်သုံးထောင် ရန်နတ်ဘုရားပဲ"</p> <p>တစ်ဖက်လူ၏ တုံ့ပြန်မှုကိုမြင်သောအခါ ရန်ရှောက်ထျန်းက ပြုံးလိုက်ပြီး</p> <p> "ကျွန်တော် ရန်ရှောက်ထျန်းပါ"</p> <p>ဧကရာဇ်သုံးထောင်ရန်နတ်ဘုရားဆိုသည့်နာမည်မှာ ဖော်ယွမ်အင်ပါယာရှိ ယင်လေဂိုဏ်း တပည့်များအထိပင် ပြန့်နှံ့သွားပုံရလေသည်။</p> <p>ချီဟွေ့သည် သူ့ရှေ့ရှိလူငယ်လေးမှာ ဧကရာဇ်သုံးထောင်ရန်နတ်ဘုရားဖြစ်ကြောင်း သိလိုက် ရသဖြင့် အလွန်အမင်းစိတ်လှုပ်ရှားသွားပြီး အနည်းငယ်ပင်ပျာယာခတ်သွားတော့သည်။</p> <p>"ရန်နတ်ဘုရား စီနီယာကို ဒီနေရာမှာ တွေ့ရလိမ့်မယ်လို့ ကျွန်တော်တစ်ခါမှမမျှော်လင့်ထား ခဲ့ဘူး"</p> <p>"မဟုတ်ဘူး... ရန်နတ်ဘုရား သခင်လေးပါ၊ ကျွန်တော် တောင်းပန်ပါတယ်"</p> <p>သူသည် စိတ်လှုပ်ရှားလွန်းသဖြင့် စကားများပင် ထစ်အကုန်တော့သည်။</p> <p>ရန်ရှောက်ထျန်း၏ ခန့်မှန်းချက်မှာ မှန်ကန်လေသည်။ သူ၏ဧကရာဇ်သုံးထောင် ရန်နတ် ဘုရား ဆိုသည့်နာမည်မှာ ချန်ဆန်းတိုက်ကြီးတစ်ခုလုံးသို့ ပျံ့နှံ့နေသည်မှာ ကြာပြီဖြစ်လေသည်။</p> <p>ချန်ဆန်းတိုက်ကြီးပေါ်ရှိ စူပါဂိုဏ်းများမှတပည့်အမြောက်အမြားမှာ သူ့ကို အလွန်အမင်း အားကျလေးစားနေကြလေသည်။</p> <p>ယခုအခါ စူပါဂိုဏ်းများနှင့် မိသားစုများမှတပည့်များစွာသည် ရန်ရှောက်ထျန်းကိုတစ်ခါမျှ ဖြစ်စေ တွေ့ဆုံရန်အတွက် တောင်တန်းနှင့်မြစ်များကိုဖြတ်ကျော်ကာ ချန်ဆန်းစံအိမ်တော်အထိ သွားရောက်ချင်နေကြလေသည်။</p> <p>တစ်ဖက်လူ၏ စိတ်လှုပ်ရှားမှုကိုမြင်သောအခါ ရန်ရှောက်ထျန်းကပြုံးလိုက်ပြီး</p> <p>"ခင်ဗျား ယင်လေဂိုဏ်းကိုပြန်မှာလား။ ကျွန်တော်မနက်ဖြန်ယင်လေဂိုဏ်းကိုလာဖို့ စီစဉ် ထားတယ်"</p> <p>ရန်ရှောက်ထျန်းသည် မနက်ဖြန်တွင် သူတို့၏ယင်လေဂိုဏ်းသို့လာမည်ဟု ကြားလိုက်ရ သဖြင့် ချီဟွေ့မှာပို၍ပင်စိတ်လှုပ်ရှားပြီးဝမ်းသာသွားတော့သည်။</p> <p> "ဟုတ်ကဲ့၊ ဟုတ်ကဲ့၊ ကျွန်တော်လည်း ယင်လေဂိုဏ်းကို ပြန်မှာပါ"</p> <p>ရန်ရှောက်ထျန်းက တစ်ဖက်လူကိုထိုင်ခိုင်းလိုက်ပြီးနောက် အရက်တစ်ဘူးထုတ်ပေးလိုက် လေသည်။</p> <p>ချီဟွေ့သည် သူ၏လက်ကိုသူ၏အဝတ်အစားတွင် အမြန်သုတ်လိုက်ပြီးနောက် ရိုသေလေး စားစွာနှင့် စိတ်လှုပ်ရှားစွာဖြင့် ယူလိုက်ကာ ရန်ရှောက်ထျန်းကို ဦးညွှတ်ပြီး ကျေးဇူးတင်ရန် မမေ့ပေ။</p> <p>"သိပ်ပြီး အားနာမနေပါနဲ့"</p> <p> ရန်ရှောက်ထျန်းက ပြုံးလိုက်ပြီး ထိုသူနှင့် ပေါ့ပေါ့ပါးပါး စကားစမြည် ပြောလိုက်လေသည်။</p> <p>ရန်ရှောက်ထျန်းက အားမနာရန်ပြောသော်လည်း ထိုသူမှာအလွန်အမင်းအားနာနေပြီး စိတ်လှုပ်ရှားနေဆဲ ဖြစ်ကာ ရန်ရှောက်ထျန်းကို အားကျသောအကြည့်များဖြင့် ကြည့်နေတော့သည်။</p> <p>စကားပြောရင်းနှင့် သူတို့နှစ်ဦးမှာ တဖြည်းဖြည်း ပို၍ ရင်းနှီးလာကြသည်။</p> <p>"ရန်နတ်ဘုရားသခင်လေးက ကျွန်တော်တို့ယင်လေဂိုဏ်းကို ဘာကိစ္စနဲ့ကြွလာတာ လဲဆိုတာ မေးလို့ရမလား" ဟု ချီဟွေ့က ရိုသေလေးစားစွာဖြင့် ဂရုတစိုက် မေးလိုက်သည်။</p> <p>"ခင်ဗျားတို့ရဲ့ ရှေးဟောင်းဘိုးဘေးကြီးတိန့်ဖုန်းနဲ့ဆွေးနွေးစရာလေးရှိလို့ပါ" ဟု ရန်ရှောက် ထျန်းက ဖုံးကွယ်မထားဘဲ ပြောလိုက်သည်။</p> <p>လက်ရှိ ယင်လေဂိုဏ်း၏အစွမ်းအထက်ဆုံး ရှေးဟောင်းဘိုးဘေးကြီးမှာတိန့်ဖုန်း ဖြစ်ပြီး သူသည် အသက်အရှည်ဆုံးလည်းဖြစ်ရာ ထာဝရကောင်းကင်ခေါင်းတလားအကြောင်း တစ်ခုခု သိနိုင်မည်ဟု သူ ထင်လေသည်။</p> <p>ချီဟွေ့မှာလန့်သွားပြီး</p> <p>"သခင်လေးရန်က ကျွန်တော်တို့ရှေးဟောင်းဘိုးဘေးကြီးကိုတွေ့ချင်တာလား"</p> <p>သူက တုံ့ဆိုင်းသွားပြီး</p> <p> "သခင်လေးရန် မသိသေးတာဖြစ်ကောင်းဖြစ်နိုင်ပါတယ်၊ ကျွန်တော်တို့ရှေးဟောင်းဘိုး ဘေးကြီးက ထာဝရကောင်းကင်သင်္ချိုင်းကနေပြန်လာကတည်းက လွန်ခဲ့တဲ့ နှစ်နှစ်လုံးလုံး တံခါးပိတ် ကျင့်ကြံနေတာပါ"</p> <p>"တခြားဂိုဏ်းတွေက ရှေးဟောင်းဘိုးဘေး အမြောက်အမြားလာရောက်ကြပေမယ့် ဘယ်သူ မှ သူ့ကို မတွေ့နိုင်ခဲ့ကြဘူး"</p> <p>ရန်ရှောက်ထျန်းမှာ အံ့အားသင့်သွားတော့သည်။</p> <p>လွန်ခဲ့သော နှစ်နှစ်ကထာဝရကောင်းကင်သင်္ချိုင်းမှပြန်လာကတည်းက တံခါးပိတ်ကျင့်ကြံ နေခဲ့သည်တဲ့လား။</p> <p>လွန်ခဲ့သော နှစ်နှစ်ကထာဝရကောင်းကင်သင်္ချိုင်းအတွင်းသို့ ပထမဆုံးဝင်ရောက်စဉ်က ကြုံတွေ့ခဲ့ရသော ယင်လေဂိုဏ်းမှ ပညာရှင်များကို သူ မနေနိုင်ဘဲ သတိရသွားတော့သည်။</p> <p>ဒါဆို တိန့်ဖုန်းက အဲဒီအချိန်ကတည်းက တံခါးပိတ်ကျင့်ကြံနေတာပေါ့။</p> <p>ရန်ရှောက်ထျန်းသည် ထိုမေးခွန်းကို ဆက်မတွေးတော့ဘဲ တစ်ဖက်လူ၏ ခန္ဓာကိုယ်အတွင်းရှိ ရေခဲအဆိပ်အကြောင်းကို ပြောင်းလဲမေးလိုက်လေသည်။</p> <p>ရန်ရှောက်ထျန်းက ရေခဲအဆိပ်အကြောင်းမေးသည်ကိုကြားသောအခါ ချီဟွေ့က</p> <p> "အဲဒါ အဆိပ်နဂါးနန်းတော်ကလူတွေလုပ်တာပါ၊ မနေ့တစ်နေ့က ကျွန်တော်ဆေးဖက်ဝင် အပင်တွေရှာဖို့အတွက် မရေရာတဲ့တောင်ကြားထဲကိုဝင်သွားတုန်းက အဆိပ်နဂါးနန်းတော်က တပည့်တွေနဲ့ ကြုံခဲ့တာပါ"</p> <p>"အဲဒီ အဆိပ်နဂါးနန်းတော်က တပည့်တွေက အရမ်းယုတ်မာပြီးအရှက်မရှိကြဘူး၊ သူတို့က ကျွန်တော့်ကို နောက်ကနေချောင်းမြောင်းတိုက်ခိုက်ခဲ့ကြတာ။ အဲလိုသာမဟုတ်ရင် ကျိုးမော်နဲ့ တခြားနှစ်ယောက်က ကျွန်တော့်ရဲ့ ပြိုင်ဘက်</p> <p>ဘယ်လိုလုပ် ဖြစ်နိုင်မှာလဲ"</p> <p>ဤအကြောင်းကို ပြောသောအခါ သူသည် အလွန်အမင်း ဒေါသထွက်နေလေသည်။</p> <p>အဆိပ်နဂါးနန်းတော်နှင့် ယင်လေဂိုဏ်းတို့မှာ ဖော်ယွမ်အင်ပါယာရှိအစွမ်းအထက်ဆုံး စူပါဂိုဏ်းကြီး နှစ်ခု ဖြစ်သော်လည်း ထိုနှစ်ဖွဲ့မှာ မျိုးဆက်ပေါင်းများစွာ ရန်ငြိုးထားခဲ့ကြပြီး သူတို့၏ တပည့်များမှာလည်း မကြာခဏဆိုသလို သွေးထွက်သံယို တိုက်ပွဲများ ဖြစ်ပွားလေ့ရှိကြလေသည်။</p> <p>ချီဟွေ့က ခဏမျှတုံ့ဆိုင်းသွားပြီးနောက်</p> <p> "အဆိပ်နဂါးနန်းတော်ရဲ့ ရှေးဟောင်းဘိုးဘေးအမှောင်နဂါးက ရှေးဟောင်းမိစ္ဆာစစ်မြေပြင် ကနေပြန်ရောက်လာပြီလို့ ကျွန်တော်ကြားတယ်။ မကြာသေးခင်ကအဆိပ်နဂါးနန်းတော်က တပည့် တွေက အရမ်းကိုမောက်မာနေကြတယ်" ဟု ပြောလိုက်သည်။</p> <p>ရန်ရှောက်ထျန်းမှာ တုန်လှုပ်သွားပြီး</p> <p> "အမှောင်နဂါး"</p> <p>လွန်ခဲ့သော နှစ်တစ်သန်းအတွင်း ချန်ဆန်းတိုက်ကြီးတွင် အံ့မခန်းပါရမီရှင်များစွာ ပေါ်ထွက် ခဲ့လေသည်။</p> <p>နတ်ဘုရားများ၏ အရှင်သခင်သည် တစ်ဦးဖြစ်လေသည်။</p> <p>အမှောင်နဂါးသည်လည်း သေချာပေါက် တစ်ဦးဖြစ်လေသည်။</p> <p>အမှောင်နဂါးသည် နတ်ဘုရားများ၏အရှင်သခင်မပေါ်မီ လွန်ခဲ့သောနှစ်တစ်သိန်းကျော် ကတည်းက ပြိုင်ဘက်ကင်းပညာရှင်တစ်ဦးဖြစ်ခဲ့လေသည်။ ထိုအချိန်ကသူသည်ဖော်ယွမ်အင် ပါယာတွင် ထိပ်တန်းပညာရှင်တစ်ဦး ဖြစ်ခဲ့လေသည်။</p> <p>သို့သော် ထိုနောက်ပိုင်းတွင် အမှောင်နဂါးသည်ရှေးဟောင်းမိစ္ဆာစစ်မြေပြင်သို့ ဝင်ရောက် သွားခဲ့ပြီး မည်သည့်သတင်းမျှမကြားရတော့ပေ။</p> <p>သူ သေဆုံးခြင်းမရှိဘဲ ယခုအချိန်တွင်မှ ရှေးဟောင်းမိစ္ဆာစစ်မြေပြင်ကနေ ပြန်လာလိမ့်မည် ဟု သူ မမျှော်လင့်ထားခဲ့ပေ။</p> <p>ချီဟွေ့က စိုးရိမ်သောပုံစံဖြင့်</p> <p>"ဒါကို ကျွန်တော့်ဆရာဆီကကြားခဲ့တာပါ၊ အမှောင်နဂါးကမနေ့တစ်နေ့ကမှ ရှေးဟောင်း မိစ္ဆာစစ်မြေပြင်ကနေ ပြန်ရောက်လာတာလို့ သူကပြောပါတယ်"</p> <p>အမှောင်နဂါး ပြန်ရောက်လာခြင်းမှာ ယင်လေဂိုဏ်းအတွက် သေချာပေါက်သတင်းကောင်း မဟုတ်ပေ။</p> <p>အကယ်၍ အမှောင်နဂါးသာယင်လေဂိုဏ်းကိုတိုက်ခိုက်မည်ဆိုပါက ယင်လေဂိုဏ်းရှိ မည်သူမျှ သူ၏အရှိန်အဝါကိုတောင့်ခံနိုင်မည်မဟုတ်ပေ၊ သူတို့၏ရှေးဟောင်းဘိုးဘေးကြီး တိန့်ဖုန်း ပင်လျှင် ချွင်းချက်မဟုတ်ပေ။</p> <p>ထို့နောက် ချီဟွေ့သည် ရန်ရှောက်ထျန်းကိုယင်လေဂိုဏ်းနှင့် အဆိပ်နဂါးနန်းတော်တို့၏ သမိုင်းဝင် အဖြစ်အပျက်များစွာကို ပြောပြခဲ့လေသည်။</p> <p>ထိုအခါမှသာ ချီဟွေ့၏ဆရာမှာ ယခုလက်ရှိယင်လေဂိုဏ်း၏ဂိုဏ်းချုပ်ဖြစ်ကြောင်း ရန်ရှောက်ထျန်း သိသွားခဲ့လေသည်။</p> <p>သူတို့နှစ်ဦး စကားပြောနေကြစဉ်မှာပင် ရုတ်တရက်အဝေးမှလေကိုခွဲလာသော အသံများ ထွက်ပေါ်လာပြီး ပုံရိပ်လေးခု သူတို့ရှေ့သို့ ဆင်းသက်လာခဲ့လေသည်။</p> <p>ရောက်လာသူများကိုမြင်သောအခါ ချီဟွေ့ကဒေါသတကြီးဖြင့်</p> <p>"ကျိုးမော်" ဟု အော်ဟစ်လိုက်လေသည်။</p> <p>ရောက်လာသူများမှာ သူ့ကိုချောင်းမြောင်းတိုက်ခိုက်ခဲ့သော ကျိုးမော်နှင့် အဆိပ်နဂါးနန်း တော်မှ တခြားတပည့်များ ဖြစ်ကြလေသည်။</p> <p>သို့သော် မရေရာတဲ့ တောင်ကြားတွင် သူတို့ သုံးယောက်သာ ရှိခဲ့သော်လည်း ယခုအခါတွင်မူ အသက်လတ်ပိုင်း အမျိုးသားတစ်ဦး ထပ်တိုးလာခဲ့လေသည်။</p> <p>ထိုအမျိုးသားကို မြင်သောအခါ ချီဟွေ့၏မျက်နှာအမူအရာမှာ ပြောင်းလဲသွားတော့သည်၊ အကြောင်းမှာ ထိုအမျိုးသားမှာအဆိပ်နဂါးနန်းတော်၏လက်ရှိအဓိကတပည့်ဖြစ်သူ ဝူကျင်း ဖြစ်သောကြောင့်ပင်။</p> <p>"ဟား …ဟား…ဟာ... ချီဟွေ့၊ မင်း ဒီလောက်မြန်မြန်ထွက်ပြေးနိုင်လိမ့်မယ်လို့ ငါ တို့မထင်ထားခဲ့ဘူး၊ ဒါပေမဲ့ဒီနေ့တော့ မင်းလွတ်မှာမဟုတ်တော့ဘူး" ဟု ကျိုးမော်က ရောက်လာပြီး နောက် ချီဟွေ့ကို ကြည့်ကာ လှောင်ပြုံးဖြင့် ပြောလိုက်သည်။</p> <p>"ဒီကောင်လေးက ရေခဲအဆိပ်ကိုဖယ်ရှားလိုက်ပြီလား" ဟု အဆိပ်နဂါးနန်းတော် တပည့် တစ်ဦးက ချီဟွေ့၏ပုံစံကိုကြည့်ကာ ထူးဆန်းသောမျက်နှာအမူအရာဖြင့် ပြောလိုက်ပြီး ရန်ရှောက် ထျန်းကို ကြည့်ကာ</p> <p>"ဒီကောင်လေးက မင်းရဲ့ ရေခဲအဆိပ်ကို ဖယ်ရှားပေးလိုက်တာလား" ဟု မေးလိုက်သည်။</p> <p>ဝူကျင်းက ရန်ရှောက်ထျန်းကိုတစ်ချက်ကြည့်လိုက်ရာ အသက်တစ်ဆယ့်ငါး၊ တစ်ဆယ့် ခြောက်နှစ်အရွယ် ကောင်လေးတစ်ဦးသာဖြစ်ကြောင်းမြင်လိုက်ရသဖြင့် ဂရုမစိုက်တော့ဘဲ ကျိုးမော်နှင့် တခြားသူများကို</p> <p> "မင်းတို့ သုံးယောက် ဒီကောင်လေးကို သွားကိုင်လိုက်" ဟု ပြောလိုက်သည်။</p> <p>"ငါက ချီဟွေ့ကို ကိုင်တွယ်မယ်"</p> <p>သူက ပြောပြောဆိုဆိုနှင့် သူ၏ဓားရှည်ကိုလှုပ်ယမ်းလိုက်ပြီး ချီဟွေ့ဆီသို့ထိုးလိုက်လေ သည်။</p> <p>တစ်ချိန်တည်းမှာပင် ကျိုးမော်နှင့်တခြားသုံးယောက်မှာ ရန်ရှောက်ထျန်းကို တိုက်ခိုက်လိုက် ကြလေသည်။</p> <p>ဝူကျင်းမှာ ဧကရာဇ်အဆင့်သတ္တမအလွှာတွင်ရှိပြီး ကျိုးမော်နှင့် တခြားသုံးယောက်မှာ လည်း အားမနည်းဘဲ ဧကရာဇ်အဆင့် ပထမအလွှာတွင် ရှိကြလေသည်။</p> <p>ရန်ရှောက်ထျန်းသည် ကျိုးမော်နှင့် တခြားသုံးယောက် တိုက်ခိုက်လာသည်ကို မြင်သောအခါ လှည့်တောင်မကြည့်ဘဲ "ထွက်သွားစမ်း" ဟု အော်ဟစ်လိုက်လေသည်။</p> <p>ထွက်သွားစမ်း။</p> <p>ချက်ချင်းဆိုသလိုပင် ထိုအသံမှာနတ်ဘုရားမိုးကြိုးသံများ ပေါက်ကွဲသွားသည့်အလား ဖြစ်သွားတော့သည်။</p> <p>ကျိုးမော်နှင့် တခြားသုံးယောက်သာမက ဝူကျင်းပင်လျှင် ထိုအသံ၏စွမ်းအားလှိုင်းဂယက် ရယ်ကြောင့် တစ်ပြိုင်နက်တည်း လွင့်ထွက်သွားတော့သည်။</p> <p>သူတို့ လေးဦးစလုံးမှာ ဖျက်ဆီးခြင်းစွမ်းအားတစ်ခုဖြင့် အတိုက်ခံလိုက်ရသည့်အလား ရှေးဟောင်းသစ်ပင်များကိုပင်တိုက်မိလို့သွားပြီးနောက် အဝေးရှိမြေပြင်ပေါ်သို့ ပြုတ်ကျသွားကာ သဲများနှင့် ကျောက်တုံးများပင် လွင့်စင်သွားတော့သည်။</p> <p>သူတို့ လေးဦးမှာလဲလျောင်းနေကြပြီး သူတို့၏ဝတ်စုံများမှာလည်း လုံးဝပျက်စီးနေကာ သူတို့၏ မျက်နှာများမှာ ထိတ်လန့်မှုများဖြင့်ပြည့်နှက်နေပြီး သေဆုံးသွားကြလေပြီသာဖြစ်တော့ သည်။</p> <p>ချီဟွေ့သည် ရန်ရှောက်ထျန်းနှင့်ပတ်သက်သောဇာတ်လမ်းအမျိုးမျိုးကို ကြားဖူးထားလေပြီး သူ၏ ကြောက်မက်ဖွယ်တိုက်ခိုက်ရေးစွမ်းအားကို သိထားသော်လည်း ရန်ရှောက်ထျန်းက ဝူကျင်းနှင့် တခြားသုံးယောက်ကို အော်ဟစ်အမိန့်ပေးရုံမျှဖြင့်သတ်ပစ်လိုက်နိုင်သည်ကို ကိုယ်တိုင်မြင်လိုက် ရသောအခါ ထိတ်လန့်သွားဆဲ ဖြစ်လေတော့သည်။</p> <p>ထိတ်လန့်သွားပြီးနောက်တွင် ချီဟွေ့၏ ရန်ရှောက်ထျန်းအပေါ် အားကျလေးစားမှုမှာလည်း ပို၍ပင် ပြင်းထန်လာတော့သည်။</p> <p>ထို့နောက် ချီဟွေ့သည် ဝူကျင်းနှင့် တခြားသုံးယောက်၏ အလောင်းများကို ရှင်းလင်းလိုက်ပြီး</p> <p>"ရန်နတ်ဘုရား သခင်လေး... ဒီနေရာကအကြာကြီးနေဖို့မသင့်တော်ဘူး။ ကျွန်တော်တို့ အခုပဲ ထွက်သွားကြရင် ဘယ်လိုလဲ" ဟု ပြောလိုက်သည်။</p> <p>"ကောင်းပြီ"ဟုဆိုကာ ရန်ရှောက်ထျန်းက ခေါင်းညိတ်ပြလိုက်သည်။</p> <p>ထို့ကြောင့် သူတို့နှစ်ဦးမှာ မဆိုင်းမတွဘဲ ယင်လေဂိုဏ်းဆီသို့အမြန်ထွက်ခွာသွားကြ တော့ သည်။</p> <p>မိုးလင်းခါနီးတွင် သူတို့နှစ်ဦးမှာ နောက်ဆုံး၌ ယင်လေဂိုဏ်းသို့ ရောက်ရှိလာခဲ့လေသည်။</p> <p>ထိုအချိန်တွင် အဆိပ်နဂါးနန်းတော်သည်လည်း ဝူကျင်းနှင့်ကျိုးမော်တို့ ပျောက်ဆုံးသွား သည့် သတင်းကို ရရှိခဲ့လေသည်။</p> <p>အကယ်၍ သာမန်တပည့်များပျောက်ဆုံးသွားခြင်းဖြစ်ပါက ပြဿနာမရှိသော်လည်း ဝူကျင်း နှင့်ကျိုးမော်တို့မှာ သာမန်တပည့်များမဟုတ်ကြပေ။ ဝူကျင်းမှာအဆိပ်နဂါးနန်းတော်၏ အဓိက တပည့်ဖြစ်ပြီး အဆိပ်နဂါးနန်းတော်နန်းတော်သခင်၏ တိုက်ရိုက်တပည့်လည်းဖြစ်လေသည်။</p> <p> </p> <p style="text-align:center"> </p> <p> </p> <p> </p> <p> </p> <p> </p> <p> </p> <p> </p> <p style="text-align:center">***</p>


Save