Book List

<h2 style="text-align:center">အခန်း (၄၇၂)</h2> <h2 style="text-align:center">ဒီအမှောင်နဂါးကို အရှင်ထားလို့ မဖြစ်ဘူး</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p> </p> <p>ထို့နောက် ရန်ရှောက်ထျန်းသည် ယင်လေဂိုဏ်းတွင် အကြာကြီးမနေတော့ပေ။ တိန့်ဖုန်း၊ ထန်ကျဲနှင့် တခြားသူများနှင့် စကားပြောပြီးနောက် ယင်လေဂိုဏ်းမှ ထွက်ခွာခဲ့လေသည်။</p> <p>ရန်ရှောက်ထျန်း ထွက်ခွာသွားသောအခါ တိန့်ဖုန်း၊ ထန်ကျဲနှင့် တခြားသူများမှာ သူ့ကို အတင်းအကျပ်မတားရဲကြပေ။ သူတို့သည်ရန်ရှောက်ထျန်းကို ယင်လေဂိုဏ်း အပြင်ဘက်အထိ ရိုသေစွာ လိုက်ပါပို့ဆောင်ပေးခဲ့ကြပြီး နောက်တစ်ကြိမ်လာရောက်လည်ပတ်လျှင် ရက်အနည်း ငယ်ကြာအောင် နေပေးရန်အတွက် ရဲရဲဝံ့ဝံ့ ဖိတ်ခေါ်ခဲ့ကြလေသည်။</p> <p>"ကောင်းပါပြီ"</p> <p> ရန်ရှောက်ထျန်းက တိန့်ဖုန်းနှင့် တခြားသူများ၏ ဖိတ်ခေါ်မှုကို ပြုံးပြလိုက်ပြီး</p> <p>"နောက်တစ်ခါကျရင် စီနီယာတို့ကို ထပ်ပြီး နှောင့်ယှက်ပါဦးမယ်" ဟု ပြောလိုက်သည်။</p> <p>တိန့်ဖုန်းက အမြန်ပင်</p> <p> "မနှောင့်ယှက်ပါဘူး၊ မနှောင့်ယှက်ပါဘူး။ သခင်လေးသာ လာချင်တယ်ဆိုရင် ယင်လေဂိုဏ်း တစ်ခုလုံးက သခင်လေးကို ကြိုဆိုဖို့အတွက် အမြဲတမ်း အသင့်ရှိနေမှာပါ" ဟု ပြန်ပြောလိုက်သည်။</p> <p>ရန်ရှောက်ထျန်းက ခေါင်းညိတ်ပြလိုက်ပြီးနောက် အားလုံးကိုလက်အုပ်ချီနှုတ်ဆက်ကာ ကောင်းကင်ယံသို့ ပျံတက်သွားတော့သည်။</p> <p>ယင်လေဂိုဏ်းမှ ထွက်ခွာပြီးနောက် ရန်ရှောက်ထျန်းသည် အဆိပ်နဂါးနန်းတော်ဆီသို့ တိုက်ရိုက် ပျံသန်းသွားလေသည်။</p> <p>အဆိပ်နဂါးနန်းတော်မှာ ယင်လေဂိုဏ်းနှင့်သိပ်မဝေးလှပေ။ သူ၏အရှိန်ဖြင့်ဆိုလျှင် အားကုန် သုံးပြီး သွားမည်ဆိုပါက ညမမှောင်မီတွင် အဆိပ်နဂါးနန်းတော်သို့ ရောက်ရှိနိုင်ပေလိမ့်မည်။</p> <p>ခရီးစဉ်မှာ အေးအေးဆေးဆေးပင် ဖြစ်လေသည်။</p> <p>ရန်ရှောက်ထျန်း အဆိပ်နဂါးနန်းတော်သို့ရောက်ရှိသွားသောအခါ ကောင်းကင်မှာ လုံးဝ မှောင်မိုက်နေပြီ ဖြစ်လေသည်။</p> <p>ရန်ရှောက်ထျန်းသည် သူ၏ ကံကြမ္မာဝိညာဉ်စွမ်းရည်ဖြစ်သော အာကာသကိုယ်ပျောက် ခြင်းကိုအသုံးပြုကာ အဆိပ်နဂါးနန်းတော်၏တောင်တံခါးရှိ တပည့်ကင်းလှည့်အဖွဲ့များကို ကျော်ဖြတ်ပြီး အဆိပ်နဂါးနန်းတော်အတွင်းသို့ ဝင်ရောက်ခဲ့ရာ ၎င်းမှာ အလွန်တရာစည်ကားနေ သည်ကို တွေ့လိုက်ရသည်။</p> <p>အမှောင်နဂါး ပြန်ရောက်လာခြင်းကြောင့် အဆိပ်နဂါးနန်းတော်ရှိ တပည့်သန်းပေါင်းများစွာ မှာ ပျော်ပွဲရွှင်ပွဲများ ပြုလုပ်နေကြပုံရလေသည်။</p> <p>ရန်ရှောက်ထျန်းသည် အဆိပ်နဂါးနန်းတော်ရှိ နန်းတော်အမျိုးမျိုးကို ဖြတ်ကျော်ကာ အဆိပ်နဂါးနန်းတော်၏ ဘဏ္ဍာတိုက်ရှိရာသို့ ဦးတည်သွားလေသည်။</p> <p>သူ၏ လက်ရှိ အစွမ်းနှင့် အဆင့်အရ အာကာသကိုယ်ပျောက်ခြင်းကို သုံးမည်ဆိုပါက သာမန် စိန့်အဆင့် ပညာရှင်တစ်ဦးပင်လျှင် သူ၏ အရှိန်အဝါကို ရှာတွေ့နိုင်မည် မဟုတ်ပေ။</p> <p>သို့သော် ပို၍ သေချာစေရန်အတွက် ရန်ရှောက်ထျန်းသည်ဆေးနံ့သာအိုးကို သူ၏ အရှိန်အဝါအား ဖုံးကွယ်ထားခိုင်းလိုက်လေသည်။</p> <p>ရန်ရှောက်ထျန်းသည် အဆိပ်နဂါးနန်းတော်၏ဘဏ္ဍာတိုက်ဆီသို့ ဦးတည်သွားနေစဉ်မှာပင် အဆိပ်နဂါးနန်းတော်ရှိ နန်းတော်တစ်ခုကိုဖြတ်ကျော်သွားရာ ရင်းနှီးနေသော ပုံရိပ်အချို့ကို တွေ့လိုက် ရသည်။</p> <p>ထိုရင်းနှီးနေသောပုံရိပ်များမှာ ကြယ်တာရာပင်လယ်တွင် သူ ဆုံတွေ့ခဲ့ဖူးသော အလောင်း မိစ္ဆာဂိုဏ်းချုပ် လျန်ရွှမ်း၊ မိစ္ဆာဗုဒ္ဓဂိုဏ်းချုပ်နှင့် သွေးမိစ္ဆာဂိုဏ်းချုပ် တို့ ဖြစ်ကြလေသည်။</p> <p>လျန်ရွှမ်းနှင့် တခြားနှစ်ယောက်တို့ အဆိပ်နဂါးနန်းတော်တွင်ပေါ်လာလိမ့်မည်ဟု ရန်ရှောက် ထျန်း မမျှော်လင့်ထားခဲ့ပေ။</p> <p>ထိုအချိန်တွင် အဆိပ်နဂါးနန်းတော်နန်းတော်သခင်သည် လျန်ရွှမ်းနှင့်တခြားနှစ်ယောက်ကို ပင်မခန်းမဆောင်အတွင်းသို့ ဖိတ်ခေါ်ပြီးနောက်ခန်းမတံခါးကြီးများကို ပိတ်လိုက်လေသည်။</p> <p>ရန်ရှောက်ထျန်း၏စိတ်ထဲတွင် အတွေးတစ်ခုပေါ်လာပြီး ပင်မခန်းမဆောင်၏ အပြင်ဘက်သို့ ပျံသန်းသွားကာ အမိုးစွန်းမှတစ်ဆင့် ခန်းမအတွင်းရှိ အခြေအနေကို ကြည့်လိုက်လေသည်။</p> <p>ပင်မခန်းမဆောင်ရှိပလ္လင်ပေါ်တွင် ခရမ်းရောင်ဝတ်စုံဝတ်ဆင်ထားသော အရပ်ရှည်ရှည် အဘိုးအိုတစ်ဦးထိုင်နေသည်ကိုတွေ့လိုက်ရသည်။ ထိုအဘိုးအိုမှာအမှောင်ချီစွမ်းအင်များနှင့် စစ်မှန် သော နဂါးချီစွမ်းအင်များကိုပိုင်ဆိုင်ထားပြီး သူ၏အရှိန်အဝါမှာ နှလုံးတုန်စရာကောင်း လောက် အောင် ပြင်းထန်လှပေသည်။</p> <p>လျန်ရွှမ်းနှင့် တခြားနှစ်ယောက်မှာ ထိုအဘိုးအို၏ရှေ့တွင် အလွန်တရာရိုသေလေးစားနေ ကြလေသည်။</p> <p>အဆိပ်နဂါးနန်းတော် နန်းတော်သခင်မှာ ထိုအဘိုးအို၏ နောက်တွင် ရိုသေစွာ မတ်တပ်ရပ်နေ လေသည်။</p> <p>ထိုခရမ်းရောင်ဝတ်စုံနှင့် အဘိုးအိုမှာ အခြားသူမဟုတ်ဘဲ အမှောင်နဂါးပင် ဖြစ်လေသည်။</p> <p>ရန်ရှောက်ထျန်း၏ မျက်လုံးများ ကျဉ်းမြောင်းသွားတော့သည်။</p> <p>"အမှောင်နဂါး စီနီယာ... ကျွန်တော်တို့ ရှေးဟောင်းဘိုးဘေးကြီးက ပြောပါတယ်၊ အကယ်၍ စီနီယာတို့ အဆိပ်နဂါးနန်းတော်က ကျွန်တော်တို့နဲ့ မဟာမိတ်ဖွဲ့မယ်ဆိုရင် ကျွန်တော်တို့ ရှေးဟောင်း ဘိုးဘေးကြီးက စီနီယာ့ကိုရှေးဟောင်းနတ်ဘုရားနဂါးပညာကျင့်စဉ်ကိုပေးပါလိမ့်မယ်" ဟု လျန်ရွှမ်း က ရိုသေစွာ ပြောလိုက်သည်။</p> <p>"ဪ... ရှေးဟောင်းနတ်ဘုရား နဂါးပညာ ဟုတ်လား"</p> <p>အမှောင်နဂါး၏ မှောင်မည်းနေသောမျက်လုံးများမှာ လျန်ရွှမ်းကို စိုက်ကြည့်လိုက်ရာ သူသည် အနည်းငယ် စိတ်လှုပ်ရှားသွားပုံရလေသည်။</p> <p>သူသည် အမှောင်နဂါးတစ်ကောင်ဖြစ်ရာ သာမန်နဂါးမျိုးနွယ်စုကျင့်စဉ်များမှာ သူ့ကို ဆွဲဆောင်နိုင်မည်မဟုတ်ပေ။</p> <p>သို့သော် ရှေးဟောင်းနတ်ဘုရား နဂါးပညာမှာမူ ကွာခြားလှပေသည်။</p> <p>ရှေးဟောင်းနတ်ဘုရားနဂါးပညာမှာ ရှေးဟောင်းနဂါးမျိုးနွယ်စု၏ ထိပ်တန်းကျင့်စဉ်များထဲ မှ တစ်ခုဖြစ်လေသည်။</p> <p>အကယ်၍ သူသာရှေးဟောင်းနတ်ဘုရားနဂါးပညာကိုရရှိမည်ဆိုပါက သူ၏အမှောင်နဂါး ခန္ဓာကိုယ်ကို ပို၍မြင့်မားသောအဆင့်သို့ တက်လှမ်းစေနိုင်မည်ဖြစ်လေသည်။</p> <p>"ဟုတ်ပါတယ်၊ စီနီယာကကျွန်တော်တို့နဲ့မဟာမိတ်ဖွဲ့မယ်ဆိုရင် ကျွန်တော်တို့က စီနီယာ့ကို ရှေးဟောင်းနတ်ဘုရားနဂါးပညာပေးမယ့်အပြင်၊ လွန်ခဲ့တဲ့နှစ်အနည်းငယ်က ကျွန်တော်တို့ ရှေးဟောင်းဘိုးဘေးကြီးရရှိခဲ့တဲ့အနက်ရောင်နဂါးနတ်ဘုရားဆေးလုံးကိုလည်း စီနီယာ့ကိုပေးပါ လိမ့်မယ်" ဟု လျန်ရွှမ်းက ဆက်ပြောလိုက်ပြီး</p> <p>"ဒါ့အပြင် မသေနိုင်သောသေမင်းနတ်ဘုရားသခင်ကြီးကလည်း စီနီယာ့ကို မသေနိုင်သော နတ်ဘုရားကျမ်းစာကိုတောင် သင်ပေးနိုင်တယ်လို့ပြောပါတယ်"</p> <p>"ဘာ... မသေနိုင်သောနတ်ဘုရားကျမ်းစာဟုတ်လား"</p> <p>အမှောင်နဂါး၏မျက်လုံးများမှာ ပြင်းထန်သောတပ်မက်မှုများဖြင့် တောက်ပလာတော့ သည်။</p> <p>ရှေးဟောင်းနတ်ဘုရားနဂါးပညာနှင့် အနက်ရောင်နဂါးနတ်ဘုရားဆေးလုံးတို့က သူ့ကို စိတ်လှုပ်ရှားစေသော်လည်း ၎င်းမှာအနည်းငယ်မျှသာဖြစ်လေသည်။ သို့သော်မသေနိုင်သော နတ်ဘုရားကျမ်းစာကမူ သူ၏နှလုံးသားကို အမှန်တကယ်လှုပ်ခတ်သွားစေခဲ့သည်။</p> <p>မသေနိုင်သော နတ်ဘုရားကျမ်းစာ ရှေ့တွင် မည်သူမျှ စိတ်မလှုပ်ရှားဘဲ နေနိုင်မည် မဟုတ်ဟု ခန့်မှန်းရလေသည်။</p> <p>သူ၏ အစွမ်းဖြင့်ဆိုလျှင် အကယ်၍သူသာမသေနိုင်သော နတ်ဘုရားကျမ်းစာ ကို ကျင့်ကြံနိုင် မည်ဆိုပါက သူသည် ကမ္ဘာကြီးကို သေချာပေါက် စိုးမိုးနိုင်မည် ဖြစ်လေသည်။</p> <p>"မူလက မသေနိုင်သော သေမင်းနတ်ဘုရားသခင်ကြီးနဲ့ ကျွန်တော်တို့ ရှေးဟောင်းဘိုး ဘေးကြီးကိုယ်တိုင်လာဖို့လုပ်ထားတာပါ၊ ဒါပေမဲ့ သူတို့ကကိစ္စတစ်ခုနဲ့ကြန့်ကြာနေလို့ နောက် ရက်အနည်းငယ်ကြာမှ ရောက်လာနိုင်ပါလိမ့်မယ်" ဟု လျန်ရွှမ်းက ပြောလိုက်သည်။</p> <p>"မသေနိုင်သော သေမင်းနတ်ဘုရားသခင်ကြီးနဲ့ ကျွန်တော်တို့ရှေးဟောင်းဘိုးဘေးကြီးက စီနီယာအမှောင်နဂါး ရှေးဟောင်းမိစ္ဆာစစ်မြေပြင်ကနေပြန်ရောက်လာပြီဆိုတာသိလို့ စီနီယာ့ အတွက် လက်ဆောင်အနည်းငယ်ပေးဖို့ ကျွန်တော်တို့သုံးယောက်ကို အရင်လွှတ်လိုက်တာပါ"</p> <p>သူက ပြောပြောဆိုဆိုနှင့် ကျောက်စိမ်းသေတ္တာသုံးလုံးကိုထုတ်ယူကာ အမှောင်နဂါးကို ဆက်သလိုက်လေသည်။</p> <p>အမှောင်နဂါးက ကျောက်စိမ်းသေတ္တာသုံးလုံးကိုဖွင့်ကြည့်လိုက်ရာ ချက်ချင်းပင်နတ်ဘုရား အလင်းရောင်များ ပေါက်ကွဲထွက်လာတော့သည်။</p> <p>ကျောက်စိမ်းသေတ္တာ သုံးလုံးအတွင်း၌ရှားပါးလှသောနတ်ဘုရားရတနာများ ရှိနေလေ သည်။</p> <p>၎င်းတို့အနက် တစ်ခုမှာကျောက်စိမ်းနဂါးနတ်ဘုရားဂျင်ဆင်းဖြစ်နေသဖြင့် အံ့သြစရာ ကောင်းလှပေသည်။</p> <p>၎င်းမှာ နဂါးမျိုးနွယ်စု၏ ရှားပါးလှသော နတ်ဘုရားဆေးဖက်ဝင်အပင် ဖြစ်လေသည်။</p> <p>၎င်းသည် သက်စောင့်နတ်ဘုရားအသီး သို့မဟုတ်နဂါးနတ်ဘုရားအသီးနှင့် မနှိုင်းယှဉ်နိုင် သော်လည်း သိပ်တော့မဝေးလှပေ။</p> <p>မသေနိုင်သောသေမင်းနတ်ဘုရားက အမှောင်နဂါးနှင့်အဆိပ်နဂါးနန်းတော်ကို သူ၏ဘက်သို့ ဆွဲဆောင်ရန်အတွက် ဤမျှလောက်အထိ ကြီးမားသောအဖိုးအခကို ပေးလိမ့်မည်ဟု သူ မမျှော်လင့် ထားခဲ့ပေ။</p> <p>အမှောင်နဂါးသည် ကျောက်စိမ်းသေတ္တာများကိုလက်ခံလိုက်ပြီး လျန်ရွှမ်းနှင့်တခြားနှစ် ယောက်ကို ပို၍မျက်နှာသာပေးသည့်ပုံစံဖြစ်သွားတော့သည်။</p> <p>"ပစ္စည်းတွေကို ငါ လက်ခံလိုက်ပြီ။ အသေးစိတ်ကိုတော့မသေနိုင်သော သေမင်းမနတ်ဘုရား သခင်ကြီးနဲ့ ခင်ဗျားတို့ရှေးဟောင်းဘိုးဘေးကြီးနောက်တစ်ခါလာမှပဲဆွေးနွေးကြတာပေါ့" ဟု ပြောလိုက်သည်။</p> <p>"ခင်ဗျားတို့ ရှေးဟောင်းဘိုးဘေးကြီးကိုသွားပြောလိုက်ပါ၊ နောက်တစ်ခါကျရင် ငါက ရှေးဟောင်းနတ်ဘုရားနဂါးပညာ၊ အနက်ရောင်နဂါး နတ်ဘုရားဆေးလုံးနဲ့ မသေနိုင်သောနတ်ဘုရား ကျမ်းစာ တို့ကိုမြင်ချင်တယ် လို့"</p> <p>အမှောင်နဂါးက ပစ္စည်းများကိုလက်ခံလိုက်သည်ကိုမြင်သောအခါ လျန်ရွှမ်းမှာ အမှောင်နဂါး စိတ်လှုပ်ရှားသွားပြီဖြစ်ကြောင်း သိလိုက်သဖြင့် တိတ်တဆိတ်ဝမ်းသာသွားတော့သည်။</p> <p>"ကောင်းပါပြီ၊ ကျွန်တော်တို့ပြန်ရောက်ရင် မသေနိုင်သောသေမင်းနတ်ဘုရားသခင်ကြီးနဲ့ ရှေးဟောင်းဘိုးဘေးကြီးကို သတင်းပို့လိုက်ပါ့မယ်" ဟု လျန်ရွှမ်းက ရိုသေစွာ ပြောလိုက်သည်။ စကားပြောပြီးနောက် သူတို့သုံးယောက်မှာ အမှောင်နဂါးကို ဦးညွှတ်နှုတ်ဆက်ကာ ထွက်ခွာသွားကြ တော့သည်။</p> <p>လျန်ရွှမ်းနှင့် တခြားသုံးယောက် ထွက်သွားပြီးနောက် အဆိပ်နဂါးနန်းတော် နန်းတော်သခင် က အမှောင်နဂါးကို</p> <p> "ရှေးဟောင်းဘိုးဘေးကြီး... ကျွန်တော်တို့တကယ်ပဲ မသေနိုင်သောသေမင်းနတ်ဘုရားနဲ့ မဟာမိတ်ဖွဲ့မှာလား" ဟု မေးလိုက်သည်။</p> <p>အမှောင်နဂါးက စဉ်းစားလိုက်ပြီး</p> <p>"ချန်ဆန်းအရှင်သခင် သေဆုံးသွားတာကြာလှပြီ။ မိုးပြာရောင်ဝက်ဝံတစ်ကောင်တည်းနဲ့ ချန်ဆန်းတိုက်ကြီးကို မစောင့်ရှောက်နိုင်ပါဘူး။ ရှေးဟောင်းနှလုံးသားမိစ္ဆာလည်း ပြန်လည်နိုး ထလာ ပြီလို့ငါကြားတယ်။ အကယ်၍ရှေးဟောင်းနှလုံးသားမိစ္ဆာနဲ့မသေနိုင်သော သေမင်းနတ်ဘုရားတို့ ပူးပေါင်းလိုက်ရင် ချန်ဆန်းစံအိမ်တော် သေချာပေါက် ပျက်စီးသွားလိမ့်မယ်" ဟု ပြောလိုက်သည်။</p> <p>"ဒါကြောင့် မသေနိုင်သော သေမင်းနတ်ဘုရားတို့နဲ့ မဟာမိတ်ဖွဲ့တာကမဆိုးတဲ့ ကိစ္စတစ်ခု ဖြစ်နိုင်တယ်"</p> <p>အဓိကအချက်မှာ မသေနိုင်သောသေမင်းနတ်ဘုရားက သူ့ကိုမသေနိုင်သောနတ်ဘုရား ကျမ်းစာ ပေးမည်ဟု ကတိပေးထားခြင်း ဖြစ်လေသည်။</p> <p>၎င်းအကြောင်းကို ပြောပြီးနောက် သူက</p> <p>"မင်းတို့ ပြင်ဆင်ထားကြ၊ မနက်ဖြန်ကျရင် ငါတို့ယင်လေဂိုဏ်းကို တိုက်ခိုက်ပြီးဖျက်ဆီးပစ် မယ်" ဟု ဆက်ပြောလိုက်သည်။</p> <p>ထို့နောက် သူသည်အဆိပ်နဂါးနန်းတော်နန်းတော်သခင်ကို ရှေးဟောင်းဘိုးဘေးများ အားလုံးကိုဆင့်ခေါ်ရန်နှင့် မနက်ဖြန်ယင်လေဂိုဏ်းကိုတိုက်ခိုက်မည့်အကြောင်းကို ဆွေးနွေးရန် ညွှန်ကြားလိုက်လေသည်။</p> <p>ရန်ရှောက်ထျန်းသည် တိတ်တဆိတ်ဆုတ်ခွာခဲ့ပြီး အဆိပ်နဂါးနန်းတော်၏ဘဏ္ဍာတိုက်ဆီ သို့ ဆက်လက် ပျံသန်းသွားလေသည်။</p> <p>ယနေ့ည အဆိပ်နဂါးနန်းတော်တွင် ဤကဲ့သို့ အဖြစ်အပျက်မျိုးနှင့် ကြုံတွေ့ရလိမ့်မည်ဟု သူ မမျှော်လင့်ထားခဲ့ပေ။</p> <p>သို့သော် အမှောင်နဂါးသည် မသေနိုင်သောသေမင်းနတ်ဘုရားနှင့် မဟာမိတ်ဖွဲ့ရန် ဆုံးဖြတ် လိုက်ပြီဖြစ် ရာ ဤအမှောင်နဂါးကို အရှင်ထားလို့ မဖြစ်တော့ပေ။</p> <p>သေချာပေါက်ပင် သူသည်လှုပ်ရှားရန်အတွက်မလောသေးပေ။ သူသည် ပထမဦးစွာ ကောင်းကင်ကံကြမ္မာ နတ်ဘုရားကျောက်တုံးကို ရှာဖွေရမည် ဖြစ်လေသည်။</p> <p>တိန့်ဖုန်း ပေးထားသော သတင်းအချက်အလက်များကို လိုက်နာကာ အဆိပ်နဂါးနန်းတော်၏ ဘဏ္ဍာတိုက်ကို သူ အလျင်အမြန်ရှာတွေ့ခဲ့လေသည်။</p> <p>အဆိပ်နဂါးနန်းတော် ဘဏ္ဍာတိုက်၏ဧရာမတံခါးကြီးရှေ့တွင်ရပ်ကာ ရန်ရှောက်ထျန်းသည် သူ၏နည်းဟောင်းကိုအသုံးပြုလိုက်သည်၊ သူ၏လက်ဝါးများကိုဘဏ္ဍာတိုက်တံခါးပေါ်သို့တင် လိုက် ကာ ထာဝရနတ်ဘုရားခန္ဓာကိုယ်၏ စွမ်းအားကိုအသက်သွင်းလိုက်လေသည်။</p> <p>ချက်ချင်းဆိုသလိုပင် အချိန်စွမ်းအားများက ဘဏ္ဍာတိုက်တံခါးကိုတိုက်စားသွားပြီး ဧရာမ အပေါက်ကြီးတစ်ခုဖြစ်သွားစေခဲ့ရာ ရန်ရှောက်ထျန်းသည်အဆိပ်နဂါးနန်းတော်၏ ဘဏ္ဍာတိုက် အတွင်းသို့ လမ်းလျှောက်ဝင်သွားခဲ့လေသည်။</p> <p>ရန်ရှောက်ထျန်းသည် ဟွန်ချွမ်ဂိတ်ဂူဗိမာန်ဘဏ္ဍာတိုက်ကိုမြင်ဖူးသော်လည်း သူ၏မျက်စိ ရှေ့ရှိအဆိပ်နဂါးနန်းတော်ဘဏ္ဍာတိုက်ကို မြင်လိုက်ရသောအခါ မအံ့သြဘဲမနေနိုင်တော့ပေ၊ ၎င်းမှာ ဟွန်ချွမ်ဂိတ်ဂူဗိမာန်ဘဏ္ဍာတိုက်ထက်ပင် ပို၍ကြီးမားနေသောကြောင့်ဖြစ်လေသည်။</p> <p>အတွင်းတွင် သိမ်းဆည်းထားသောရတနာများမှာ ပို၍ပင်အံ့အားသင့်စရာကောင်း လှပေ သည်။</p> <p>အဆုံးအစမဲ့သော ဝိညာဉ်ကျောက်တုံးတောင်တန်းများနှင့် ဆေးဖက်ဝင်အပင်တောင်တန်း များမှာ မျက်စိကျိန်းစရာကောင်းလှပေသည်။</p> <p>ရန်ရှောက်ထျန်းသည် သူ၏ဝိညာဉ်စွမ်းအားကိုထုတ်လွှတ်လိုက်ပြီး ကောင်းကင်ကံကြမ္မာ နတ်ဘုရားကျောက်တုံး၏ စွမ်းအားကိုအာရုံခံကြည့်လိုက်လေသည်။</p> <p>မျှော်လင့်ထားသည့်အတိုင်းပင် ဘဏ္ဍာတိုက်၏အနက်ရှိုင်းဆုံးနေရာတွင် ကောင်းကင်ကံကြ မ္မာ နတ်ဘုရားကျောက်တုံး၏စွမ်းအားကို သူအာရုံခံမိလိုက်လေသည်။</p> <p>ရန်ရှောက်ထျန်းမှာ တုံ့ဆိုင်းမနေဘဲဘဏ္ဍာတိုက်၏အနက်ရှိုင်းဆုံးနေရာဆီသို့ ပျံသန်းသွား လေသည်။</p> <p>မကြာမီ ရန်ရှောက်ထျန်းသည် ကောင်းကင်ကံကြမ္မာနတ်ဘုရားကျောက်တုံးကို ရှာတွေ့ခဲ့ တော့သည်။</p> <p>သို့သော် လေးတုံးသာ ရှိနေလေသည်။</p> <p>ထန်ကျဲ ပြောသကဲ့သို့ ငါးတုံး မဟုတ်ပေ။</p> <p>ရန်ရှောက်ထျန်းမှာတွေးမိသွားသည်၊ တစ်တုံးကိုအဆိပ်နဂါးနန်းတော်က အသုံးပြုလိုက် ပြီလား။</p> <p>သူသည် ကောင်းကင်ကံကြမ္မာနတ်ဘုရားကျောက်တုံးလေးတုံးစလုံးကိုယူလိုက်ပြီး ပတ်ဝန်း ကျင်ကိုရှာဖွေကြည့်သော်လည်း ပဉ္စမမြောက်တစ်တုံးကိုရှာမတွေ့ခဲ့ပေ။</p> <p>ဘာမှမတတ်နိုင်သဖြင့် ရန်ရှောက်ထျန်းသည်တခြားပစ္စည်းများကို စတင်ရွှေ့ပြောင်းတော့ သည်။</p> <p> </p> <p> </p> <p> </p> <p> </p> <p> </p> <p style="text-align:center">***</p>


Save