Book List

<h2 style="text-align:center">အခန်း (၄၇၆)</h2> <h2 style="text-align:center">ဟွန်ချွမ်ဘိုးဘေး၏ ဂူဗိမာန်</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>သူတို့ရှေ့ရှိ သတ္တဝါကြီးမှာ အလောင်းမိစ္ဆာတစ်ကောင် ဖြစ်လေသည်။</p> <p>အလောင်းတစ်ဝက်၊ တစ္ဆေတစ်ဝက်ဖြစ်နေသော သတ္တဝါဖြစ်လေသည်။</p> <p>ဟွန်ချွမ်မိစ္ဆာဂိုဏ်း၏အလောင်းမိစ္ဆာများမှာ မသေနိုင်သောသေမင်း၏ မသေနိုင်သော စစ်သည်များကဲ့သို့ပင်သတ်ရန် အလွန်တရာခက်ခဲလှပေသည်။</p> <p>သို့သော် အလောင်းမိစ္ဆာမှာနောက်တစ်ကြိမ်တိုက်ခိုက်လာသည်ကိုမြင်သောအခါ ရန်ရှောက် ထျန်းသည် သူ၏ထာဝရနတ်ဘုရားခန္ဓာကိုယ်စွမ်းအားကိုအသက်သွင်းလိုက်ပြီး နောက်ထပ် တိုက်ခိုက်မှုတစ်ခု ပြုလုပ်လိုက်ပြန်လေသည်။</p> <p>“ဘုန်း...”</p> <p>ဤဧကရာဇ်အဆင့် အလောင်းမိစ္ဆာမှာလွင့်ထွက်သွားပြီး လေထဲမှာပင်အချိန်သဲမှုန်များ အဖြစ်သို့ ပြောင်းလဲသွားကာ ကောင်းကင်နှင့်မြေကြီးကြားမှ လုံးဝပျောက်ကွယ်သွားတော့သည်။</p> <p>၎င်းကို မြင်လိုက်ရသောအခါ အမှောင်နဂါးမှာမအံသြဘဲမနေနိုင်တော့ပါဘဲ</p> <p>"သခင်လေးရဲ့ ထာဝရနတ်ဘုရားခန္ဓာကိုယ်က တကယ်ကိုပြိုင်ဘက်ကင်းပါပဲ" ဟု အာမေ ဍိတ်သံဖြင့် ပြောလိုက်သည်။</p> <p>ရန်ရှောက်ထျန်းက ရယ်မောလိုက်ပြီး</p> <p>"အနည်းဆုံးတော့ အဲဒါကခင်ဗျားလိုစွမ်းအားရှင်ကိုမသတ်နိုင်သေးပါဘူး" ဟု ပြန်၍ ပြော လိုက်သည်။</p> <p>မည်သို့ပင်ဆိုစေကာမူ သူသည်အမှောင်နဂါးကိုလက်သီးဖြင့် အကြိမ်အနည်းငယ်ထိုးခဲ့ဖူး သည် မဟုတ်ပါလော။</p> <p>အမှောင်နဂါးမှာ အလိုက်တသိဖြင့် ခါးသက်စွာ ပြုံးလိုက်မိသည်။</p> <p>သို့သော် ရန်ရှောက်ထျန်း၏ ကျင့်ကြံမှုအဆင့်မှာနိမ့်နေသေးသဖြင့် ထာဝရနတ်ဘုရား ခန္ဓာကိုယ်၏စွမ်းအားကို အပြည့်အဝမထုတ်နိုင်သေးကြောင်းကိုလည်း သူသိထားလေသည်၊ အကယ်၍ ရန်ရှောက်ထျန်းသာ စိန့်အဆင့်သို့အောင်မြင်စွာတက်လှမ်းနိုင်မည်ဆိုပါက သူသည် ထာဝရနတ်ဘုရားခန္ဓာကိုယ်၏စွမ်းအားကို တောင့်ခံနိုင်ဦးမလားဆိုသည်မှာ ပြောရန်ခက်ခဲလှ ပေသည်။</p> <p>သူတို့နှစ်ဦးမှာ ရှေ့သို့ ဆက်လက် ပျံသန်းသွားကြလေသည်။</p> <p>အမှောင်နဂါး၏တစ်ကိုယ်လုံးမှ အမှောင်စွမ်းအားများထွက်ပေါ်လာပြီး ပို၍ပြင်းထန်လာ သော ဟွန်ချွမ်မိစ္ဆာချီစွမ်းအင်များကိုပိတ်ဆို့ရန်အတွက် အမှောင်အတားအဆီးတစ်ခုကို ပြုလုပ် လိုက်လေသည်။</p> <p>လမ်းတောက်လျှောက်တွင် သူတို့နှစ်ဦးမှာ နောက်ထပ်အလောင်းမိစ္ဆာ အမြောက်အမြားနှင့် ကြုံတွေ့ခဲ့ရသည်။</p> <p>ဤအလောင်းမိစ္ဆာများမှာအားမနည်းကြပေ၊ အနည်းဆုံးတော့ သူတို့အားလုံးမှာ ဧကရာဇ် အဆင့်တွင် ရှိကြပြီး အချို့မှာစိန့်အဆင့်တွင်ပင် ရှိကြလေသည်။</p> <p>ရန်ရှောက်ထျန်းနှင့် အမှောင်နဂါးတို့ဟွန်ချွမ်မိစ္ဆာဂိုဏ်း၏ အနက်ရှိုင်းဆုံးနေရာသို့ ရောက်ရှိ သောအခါ နတ်ဘုရားအဆင့် အလောင်းမိစ္ဆာတစ်ကောင်နှင့်ပင် ကြုံတွေ့ခဲ့ရလေသည်။</p> <p>နတ်ဘုရားအဆင့်အလောင်းမိစ္ဆာကိုသတ်ရန်အတွက် အမှောင်နဂါးပင်လျှင် အတော်လေး အားထုတ်ခဲ့ရလေသည်။</p> <p>ဟွန်ချွမ်မိစ္ဆာဂိုဏ်း၏ အနက်ရှိုင်းဆုံးနေရာသို့ရောက်ရှိသောအခါ ဤနေရာရှိ အဆောက် အအုံများမှာ ကောင်းမွန်စွာကျန်ရှိနေဆဲဖြစ်ပြီးမြင့်မားကာ ခန့်ညားထည်ဝါသောနန်းတော်များကို မြင်တွေ့ရသည်၊ သို့သော်အချိန်၏တိုက်စားမှုကိုခံခဲ့ရသဖြင့် ဤနန်းတော်များမှာ သူတို့၏ နတ်ဘုရားအရှိန်အဝါများ ပျောက်ဆုံးနေပြီး မှေးမှိန်ကာ အသက်မဲ့နေတော့သည်။</p> <p>သေမင်းချီစွမ်းအင်များမှာ ထိုနေရာတစ်ခုလုံးတွင် ဖုံးလွှမ်းနေလေသည်။</p> <p>ခြောက်သွေ့မှု၊ လူသူကင်းမဲ့မှုနှင့် ပုပ်သိုးမှုများက လွှမ်းမိုးနေလေသည်။</p> <p>လူတစ်ရပ်ကျော်မြင့်မားသော ပေါင်းပင်များကြားတွင် အမျိုးမျိုးသောအဆိပ်ရှိ သတ္တဝါများ နှင့် သေဆုံးနေသောအရာများ ပုန်းအောင်းနေကြလေသည်။</p> <p>"ရှေ့က နန်းတော်က ဟိုတုန်းက ဟွန်ချွမ်မိစ္ဆာဂိုဏ်းရဲ့ ပင်မခန်းမဆောင်ပဲ" ဟု အမှောင်နဂါးက ရှေ့သို့ လက်ညှိုးညွှန်ကာ ပြောလိုက်သည်။</p> <p> "ပင်မခန်းမဆောင်ရဲ့ အလွန်မှာတော့ ဟွန်ချွမ်မိစ္ဆာဂိုဏ်းရဲ့ အဆက်ဆက်သော ဘိုးဘေးတွေ ကျင့်ကြံခဲ့တဲ့ ဂူဗိမာန်တွေ ရှိပါတယ်"</p> <p>"အဲဒီနောက်မှာတော့ ဟွန်ချွမ်မိစ္ဆာဂိုဏ်းရဲ့ တားမြစ်နယ်မြေ ရှိပါတယ်"</p> <p>"တားမြစ်နယ်မြေရဲ့ အောက်ခြေမှာတော့ အလောင်းမြစ် ရှိပါတယ်"</p> <p>ရန်ရှောက်ထျန်းက ခေါင်းညိတ်ပြလိုက်သည်။</p> <p>ဒဏ္ဍာရီများအရ ထာဝရကောင်းကင်ခေါင်းတလားမှာ အလောင်းမြစ်ကနေ မြစ်ဖျားခံလာ ခြင်းဖြစ်သည်၊ ဟွန်ချွမ်မိစ္ဆာဂိုဏ်း၏ တည်ထောင်သူဘိုးဘေးကြီးသည် အလောင်းမြစ်အတွင်း၌ ထာဝရကောင်းကင်ခေါင်းတလားကိုရှာဖွေတွေ့ရှိခဲ့ပြီး ၎င်းကိုရယူကာ ဟွန်ချွမ်နတ်ဘုရားကျင့်စဉ် ကို ကျင့်ကြံခဲ့ပြီး ဟွန်ချွမ်မိစ္ဆာဂိုဏ်းကို တည်ထောင်ခဲ့ခြင်း ဖြစ်လေသည်။</p> <p>ဟွန်ချွမ်ဘိုးဘေးကြီး၏ ဂူဗိမာန်မှာအလောင်းမြစ်၏ဘေးတွင်ရှိနေသည်၊ ဟွန်ချွမ်ဘိုး ဘေးကြီး၏ဂူဗိမာန်အတွင်း၌ ထာဝရကောင်းကင်ခေါင်းတလားကိုသန့်စင်သည့် နည်းလမ်း ရှိနေနိုင် သဖြင့် သူသည်နောင်တွင် အလောင်းမြစ်အတွင်းသို့ ဝင်ရောက်ရပေမည်။</p> <p>သူတို့နှစ်ဦးမှာ ဟွန်ချွမ်တားမြစ်နယ်မြေဆီသို့ ပျံသန်းသွားကြလေသည်။</p> <p>အနက်ရှိုင်းဆုံးနေရာရှိ နန်းတော်များမှာ အတော်အတန် ကောင်းမွန်စွာကျန်ရှိနေဆဲဖြစ်သော် လည်း အများစုမှာ ထိပ်တန်း ဓားချီစွမ်းအင်များကြောင့် အစိတ်စိတ်အမြွှာမြွှာ ပြတ်တောက်နေခဲ့လေ သည်။</p> <p>အခြားသော နန်းတော်များမှာမူ လုံးဝပျောက်ကွယ်သွားခဲ့ပြီး မြေပြင်ပေါ်တွင်ကြောက်မက် ဖွယ်ကောင်းကာ အောက်ခြေမမြင်နိုင်သော လက်သီးအရွယ်အစားအပေါက်ကြီးများ ကျန်ရှိနေခဲ့ လေသည်။</p> <p>ဟိုတုန်းက ဟွန်ချွမ်မိစ္ဆာဂိုဏ်းမှာ ဖြစ်ပွားခဲ့သောတိုက်ပွဲမှာ မည်မျှအထိကမ္ဘာပျက်မတတ် ပြင်းထန်ခဲ့သလဲဆိုတာကို ခန့်မှန်းကြည့်နိုင်လေသည်။</p> <p>"နဂါးအိုကြီး... ခင်ဗျားဟိုတုန်းက ဟွန်ချွမ်မိစ္ဆာဂိုဏ်းမှာဖြစ်ခဲ့တဲ့ တိုက်ပွဲအကြောင်းကို သိလား" ဟု ရန်ရှောက်ထျန်းက မနေနိုင်ဘဲ မေးလိုက်မိသည်။</p> <p>အမှောင်နဂါးက ခေါင်းခါပြလိုက်သည်။</p> <p>  "အဲဒီတိုက်ပွဲနဲ့ ပတ်သက်ပြီး ကွဲလွဲနေတဲ့သတင်းတွေအများကြီးရှိပါတယ်၊ အချို့က ချန်ဆန်းအရှင်သခင်ကိုယ်တိုင်လုပ်ခဲ့တာလို့ ပြောကြပြီး၊ အချို့ကတော့ မသေနိုင်သော သေမင်းနတ် ဘုရားနဲ့ ယှဉ်လို့မရတဲ့ ငရဲနတ်ဘုရားတို့ လုပ်ခဲ့တာလို့ ပြောကြပါတယ်"</p> <p>၎င်းအကြောင်းကို ပြောပြီးနောက် သူက ဆက်ပြောလိုက်သည်။</p> <p> "မသေနိုင်သော သေမင်းနတ်ဘုရားနဲ့ယှဉ်လို့မရတဲ့ ငရဲနတ်ဘုရားတို့က အစွမ်းထက်ကြပေ မယ့် သူတို့နှစ်ယောက် ပူးပေါင်းရင်တောင် ဟွန်ချွမ်မိစ္ဆာဂိုဏ်းကို ဖျက်ဆီးနိုင်မှာ မဟုတ်ပါဘူး"</p> <p>ဟိုတုန်းက ဟွန်ချွမ်မိစ္ဆာဂိုဏ်းမှာ ချန်ဆန်းတိုက်ကြီးပေါ်ရှိ ပထမဆုံး မိစ္ဆာဂိုဏ်း ဖြစ်ခဲ့သည်၊ ၎င်းမှာ မည်မျှအထိအစွမ်းထက်ခဲ့သလဲဆိုလျှင် မသေနိုင်သောသေမင်းနတ်ဘုရားနှင့် ယှဉ်လို့မ ရသော ငဲရဲနတ်ဘုရားတို့က ဘယ်လိုလုပ်ပြီး ဖျက်ဆီးနိုင်မှာလဲ။</p> <p>ဟွန်ချွမ်သရဲဘုရင်နှင့် ကောင်းကင်တုန်ခါဓားနတ်ဘုရားတို့နှစ်ယောက်တည်းတင်ပင် မသေနိုင်သော သေမင်းနတ်ဘုရားနှင့် ယှဉ်လို့မရသော ငရဲနတ်ဘုရားတို့ထက် အားမနည်းလှပေ။</p> <p>"ဒါပေမဲ့ ဒါဟာ ချန်ဆန်းအရှင်သခင်လုပ်ခဲ့တာလည်းမဖြစ်နိုင်ပါဘူး" ဟု အမှောင်နဂါးက ထပ်လောင်းပြောကြားလိုက်သည်။</p> <p> "ဒီနန်းတော်တွေ ပျက်စီးနေပုံအရဆိုရင် ဒါဟာ ချန်ဆန်းအရှင်သခင် ဒါမှမဟုတ် မိုးပြာရောင် ဝက်ဝံတို့ လုပ်ခဲ့တာ မဟုတ်ပါဘူး"</p> <p>ဤနေရာတွင် သူက ပြောလိုက်သည်။</p> <p> "အချို့ကတော့ ဒါဟာဓားပေါင်းတစ်သောင်းတိုက်ကြီးက ပညာရှင်တွေ လုပ်ခဲ့တာလို့ သံသယရှိနေကြပါတယ်"</p> <p>"ဓားပေါင်းတစ်သောင်းတိုက်ကြီးဟုတ်လား"</p> <p> ရန်ရှောက်ထျန်းမှာ အံ့အားသင့်သွားတော့သည်။</p> <p>ထုံထျန်းနတ်ဘုရားဂိုဏ်း၏ ဌာနချုပ်မှာ ဓားပေါင်းတစ်သောင်းတိုက်ကြီးတွင် ရှိလေသည်။</p> <p>"ဒါပေမဲ့ ဒါတွေအားလုံးက ခန့်မှန်းချက်တွေပါပဲ၊ ဟိုတုန်းက ဘာဖြစ်ခဲ့သလဲဆိုတာ ဘယ်သူမှ မသိပါဘူး" ဟု အမှောင်နဂါးက ပြောလိုက်သည်။</p> <p> "အကယ်၍ ဟွန်ချွမ်သရဲဘုရင်ကိုပြန်လည်အသက်သွင်းနိုင်မယ်ဆိုရင်တော့ ဟိုတုန်းက ဘယ်သူလုပ်ခဲ့သလဲဆိုတာ ငါတို့ သိနိုင်ပါလိမ့်မယ်"</p> <p>အဲဒီတိုက်ပွဲမှာ ကောင်းကင်တုန်ခါဓားနတ်ဘုရား သေဆုံးသွားခဲ့သည်။</p> <p>ဟွန်ချွမ်သရဲဘုရင်မှာမူ ပြင်းထန်စွာဒဏ်ရာရရှိခဲ့ပြီး သေလူတစ်ဝက်ဖြစ်သွားခဲ့ကာ ထာဝရ ကောင်းကင်ခေါင်းတလား၏ အကူအညီဖြင့် ထွက်ပြေးနိုင်ခဲ့ခြင်းဖြစ်လေသည်။</p> <p>ကျူးလွန်သူမှာ မည်မျှအထိကြောက်မက်ဖွယ်ကောင်းလောက်အောင် အစွမ်းထက်နေ ရမည် နည်း။</p> <p>မကြာမီ သူတို့နှစ်ဦးမှာဟွန်ချွမ်မိစ္ဆာဂိုဏ်း၏ပင်မခန်းမဆောင်ဆီသို့ ရောက်ရှိလာခဲ့ကြသည်။</p> <p>ပင်မခန်းမဆောင်မှာ ခန့်ညားထည်ဝါလှသော်လည်း ယခုအခါတွင်မူတစ်ဝက်မှာ ပြိုကျပျက် စီးနေပြီ ဖြစ်လေသည်။</p> <p>ကြောက်မက်ဖွယ်ကောင်းသော လက်သီးစွမ်းအားမှာ ပင်မခန်းမဆောင်ကို ဖောက်ထွက် သွားခဲ့ပြီး တားမြစ်နယ်မြေအထိ တောက်လျှောက်ရောက်ရှိသွားခဲ့လေသည်။</p> <p>ရန်ရှောက်ထျန်းသည် ပင်မခန်းမဆောင်အတွင်းသို့ဆင်းသက်လိုက်ရာ အတွင်း၌ဟွန်ချွမ် မိစ္ဆာချီစွမ်းအင်များမှာပင်လယ်ပြင်ကြီးကဲ့သို့လှိုင်းထနေပြီး ထိုမိစ္ဆာချီစွမ်းအင်များကြားမှ ခန်းမ အတွင်းရှိ ကျောက်တိုင်များပေါ်တွင်ထွင်းထုထားသောမိစ္ဆာနတ်ဘုရားများကို မြင်တွေ့နိုင်လေ သည်။</p> <p>ရန်ရှောက်ထျန်းသည် ခဏမျှလှည့်ပတ်ကြည့်ရှုသော်လည်း အသုံးဝင်သောအရာ ဘာမှ မတွေ့ရှိသဖြင့် အမှောင်နဂါးနှင့်အတူ တားမြစ်နယ်မြေဆီသို့ ဆက်လက်ပျံသန်းသွားလေသည်။</p> <p>သူတို့နှစ်ဦး ဟွန်ချွမ်မိစ္ဆာဂိုဏ်း၏တားမြစ်နယ်မြေဆီသို့ ပျံသန်းသွားနေစဉ်မှာပင် ဟွန်ချွမ် မိစ္ဆာဂိုဏ်း အပျက်အစီးများ၏အပြင်ဘက်တွင်ပုံရိပ်အချို့ပေါ်ထွက်လာခဲ့သည်၊ ၎င်းတို့မှာအခြားသူ မဟုတ်ဘဲ မသေနိုင်သောသေမင်းနတ်ဘုရား၊ ငရဲနတ်ဘုရား၏သားတော်ယန်ဖျင်၊ အလောင်းမိစ္ဆာ၊ သွေးမိစ္ဆာနှင့် မိစ္ဆာဗုဒ္ဓတို့ ဖြစ်ကြလေသည်။</p> <p>ထိုသူများအပြင် ဖန့်မိသားစုမှဖန့်ထျန်းဓားနတ်ဘုရားလည်း ပါဝင်လေသည်။</p> <p>သို့သော် ဖန့်မိသားစုမှ ဓားကိုးမှာမူ ပါဝင်မလာခဲ့ပေ။</p> <p>မသေနိုင်သော သေမင်းနတ်ဘုရားနှင့် ငရဲနတ်ဘုရား၏သားတော်ယန်ဖျင်တို့မှာ ဟိုတုန်းက ဟွန်ချွမ်ဘိုးဘေးကြီးသန့်စင်ခဲ့သော ဟွန်ချွမ်နတ်ဘုရားဆေးလုံးကို ရှာဖွေရန်အတွက် ရောက်လာကြ ခြင်း ဖြစ်လေသည်။</p> <p>မသေနိုင်သော သေမင်းနတ်ဘုရားနှင့်တခြားသူများမှာ ဟွန်ချွမ်မိစ္ဆာချီစွမ်းအင်များကို တိုက်ရိုက်ဖောက်ထွက်ကာ အပျက်အစီးများအတွင်းသို့ ဝင်ရောက်ခဲ့ကြသည်။</p> <p>လမ်းတောက်လျှောက်တွင် အလောင်းမိစ္ဆာများနှင့်ကြုံတွေ့ရသောအခါ သူတို့သည် လက်သီး သို့မဟုတ် လက်ဝါးဖြင့် တစ်ချက်တည်း ရိုက်ခွဲပစ်လိုက်ကြလေသည်။</p> <p>"အဆိပ်နဂါးနန်းတော် အဖြစ်အပျက်နဲ့ပတ်သက်ပြီး ခင်ဗျားဘယ်လို ထင်လဲ" ဟု မသေနိုင် သော သေမင်းနတ်ဘုရားက ရုတ်တရက် မေးလိုက်သည်။</p> <p>"အဲဒါ သေချာပေါက်အဲဒီကောင်လေးလက်ချက်ပဲ ဖြစ်ရမယ်" ဟု ထိုသို့ပြောပြီးယန်ဖျင်၏ မျက်နှာမှာ မှောင်မိုက်နေတော့သည်။</p> <p>"အဆိပ်နဂါးနန်းတော်ရဲ့ ဘဏ္ဍာတိုက်ကိုလည်း အဲဒီကောင်လေးက ပြောင်သလင်းခါအောင် လုပ်သွားတယ်လို့ ကျွန်တော်ကြားတယ်"</p> <p>သူသည် ဟွန်ချွမ်ဂိတ်၏ပြောင်သလင်းခါသွားသောဂူဗိမာန်ဘဏ္ဍာတိုက်ကို မနေနိုင်ဘဲ သတိရသွားပြီး သူ၏ မျက်လုံးများတွင် ပြင်းထန်သော သတ်ဖြတ်လိုစိတ်များ လက်သွားတော့သည်။</p> <p>"အဲဒီကောင်လေးက ငါတို့ရဲ့အစီအစဉ်တွေကို အမြဲတမ်းနှောင့်ယှက်နေတာပဲ၊ ငါ သူ့ကို တကယ်ပဲ အကျိတ်အနယ်သတ်ပစ်ချင်လိုက်တာ" ဟု အလောင်းမိစ္ဆာက ဒေါသတကြီး ပြောလိုက် သည်။</p> <p>"နတ်အိမ်တော်ဘက်က အခြေအနေကောဘယ်လိုလဲ" ဟု မသေနိုင်သော သေမင်းနတ် ဘုရားက မေးလိုက်သည်။</p> <p>လွန်ခဲ့သော ရက်များက သူတို့သည်နတ်အိမ်တော်ကို အနီးကပ်စောင့်ကြည့်ရန်အတွက် လူများကို ဆက်တိုက် စေလွှတ်ထားခဲ့ခြင်း ဖြစ်လေသည်။</p> <p>"ရန်မိသားစုဝင်တွေက အခုရက်ပိုင်းနတ်အိမ်တော်ထဲမှာပဲနေနေကြပြီး အပြင်မထွက် ကြဘူး" ဟု သွေးမိစ္ဆာက ခေါင်းခါပြလိုက်သည်။</p> <p> "အစောင့်အချို့ပဲ ပစ္စည်းဝယ်ဖို့အတွက် အပြင်ထွက်ကြတာပါ"</p> <p>ထို့ကြောင့် သူတို့သည် ရန်မိသားစုဝင်များကိုတိုက်ခိုက်ရန်အတွက်အခွင့်အရေး မရရှိခဲ့ကြ ပေ။</p> <p>"ရန်မိသားစုဝင်တွေ အပြင်မထွက်ဘူးဆိုရင်လည်း ဒီအစောင့်တွေကိုပဲ ပစ်မှတ်ထားလိုက်" ဟု မသေနိုင်သော သေမင်းနတ်ဘုရားကအမိန့်ပေးလိုက်ပြီးသူ၏မျက်နှာမှာ ကြောက်မက်ဖွယ် ကောင်းနေတော့သည်။</p> <p>"နတ်အိမ်တော်ထဲမှာရှိနေတဲ့ လူတိုင်းကိုနေ့တိုင်းကြောက်ရွံ့မှုတွေနဲ့ နေထိုင်သွားစေချင် တယ်"</p> <p>အလောင်းမိစ္ဆာနှင့် တခြားသူများက ခေါင်းညိတ်နာခံလိုက်ကြသည်။</p> <p>မသေနိုင်သော သေမင်းနတ်ဘုရားနှင့် တခြားသူများဟွန်ချွမ်တားမြစ်နယ်မြေဆီသို့ ချဉ်းကပ် လာချိန်မှာပင် ရန်ရှောက်ထျန်းနှင့်အမှောင်နဂါးတို့မှာ နောက်ဆုံး၌ဟွန်ချွမ်တားမြစ်နယ်မြေသို့ ရောက်ရှိလာခဲ့ကြပြီ ဖြစ်လေသည်။</p> <p>ဟိုတုန်းက ဟွန်ချွမ်တားမြစ်နယ်မြေ၏ တားမြစ်ချက်မှာကြောက်မက်ဖွယ် ကောင်းလှ သော်လည်း ထိုတိုက်ပွဲအပြီးတွင်တားမြစ်ချက်များမှာပျက်စီးသွားခဲ့ပြီဖြစ်ရာ ရန်ရှောက်ထျန်းနှင့် အမှောင်နဂါးတို့မှာတားမြစ်နယ်မြေကို အလွယ်တကူဖြတ်ကျော်ကာ တားမြစ်နယ်မြေ၏ မြေအောက်ဧရိယာသို့ ရောက်ရှိလာခဲ့ကြလေသည်။</p> <p>တားမြစ်နယ်မြေ၏ မြေအောက်သို့ဝင်ရောက်လိုက်သည်နှင့် ကြောက်မက်ဖွယ်ကောင်း သော သေမင်းချီစွမ်းအင်များမှာ ဆူနာမီလှိုင်းကြီးတစ်ခုကဲ့သို့ လိမ့်တက်လာတော့သည်။</p> <p>ရန်ရှောက်ထျန်းကြည့်လိုက်ရာ ထိုသေမင်းချီစွမ်းအင်များ၏အဆုံးတွင် မြေပြင်ကို ဖြတ်သန်း စီးဆင်းနေသော ဧရာမအလောင်းမြစ်ကြီးတစ်ခုကို မြင်လိုက်ရသည်၊ မြစ်ရေများမှာ အဆက်မပြတ် စီးဆင်းနေပြီး အလွန်တရာ ဆိုးရွားလှသော အနံ့ဆိုးများကို ထုတ်လွှတ်နေလေသည်။</p> <p>"သခင်လေး... သတိထားပါ" ဟု အမှောင်နဂါးက သတိပေးလိုက်သည်။</p> <p>အဘယ်ကြောင့်ဆိုသော် သူသည်မြေအောက်ဟင်းလင်းပြင်အတွင်း၌ အလွန်အမင်း အန္တရာယ်ရှိသော အရှိန်အဝါအချို့ကို အာရုံခံမိသောကြောင့် ဖြစ်လေသည်။</p> <p>ဤအလွန်အမင်း အန္တရာယ်ရှိသော အရှိန်အဝါများမှာအလောင်းမြစ်အတွင်း၌ ပုန်းအောင်း နေကြခြင်း ဖြစ်လေသည်။</p> <p>ရန်ရှောက်ထျန်းက ခေါင်းညိတ်ပြလိုက်ပြီး သူ၏ထာဝရနတ်ဘုရားခန္ဓာကိုယ် စွမ်းအားကို အထွတ်အထိပ်သို့ အသက်သွင်းလိုက်ကာ သူ၏ခန္ဓာကိုယ်တစ်ဝိုက်တွင် အချိန်စွမ်းအားများ အဆက်မပြတ် လည်ပတ်နေစေပြီးနောက် ဟွန်ချွမ်ဘိုးဘေးကြီး၏ဂူဗိမာန်ကို ရှာဖွေရန်အတွက် ရှေ့သို့ လှမ်းတက်လိုက်လေသည်။</p> <p>ခဏမျှ ရှာဖွေပြီးနောက် ရန်ရှောက်ထျန်းသည် အလောင်းမြစ်၏ ဘေးတွင် ရပ်တည်နေသော ဧရာမ နန်းတော်ကြီးတစ်ခုကို မြင်တွေ့လိုက်ရသည်။</p> <p>၎င်းမှာ ဟွန်ချွမ်ဘိုးဘေးကြီး၏ ဂူဗိမာန် ဖြစ်ရပေမည်။</p> <p> </p> <p> </p> <p> </p> <p> </p> <p style="text-align:center">***</p>


Save