Book List

<h2 style="text-align: center;">အခန်း (၄၇၉)</h2> <h2 style="text-align: center;">တစ်ယောက်တည်းနဲ့ အမာခံတပည့်အားလုံးကို စိန်ခေါ်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ရန်ရှောက်ထျန်း ပြန်ရောက်လာသည့်ညမှာပင် အပြင်မှာသွားရောက်လေ့ကျင့်နေသော သားရဲနတ်ဘုရား၏သားတော် ချန်ကျီဖန့်ပြန်ရောက်လာသည့်သတင်းမှာ တပည့်များကြားတွင် ပျံ့နှံ့ သွားတော့သည်။</p> <p>သားရဲနတ်ဘုရား၏သားတော် ချန်ကျီဖန့်မှာချန်ဆန်းခြောက်ပါးထဲမှ တစ်ဦးဖြစ်ပြီး ရန်ထျန်း ရဲ ကဲ့သို့ပင် ဝေဖန်မှုအခံရဆုံးသော အမာခံတပည့်များထဲမှတစ်ဦး ဖြစ်လေသည်။</p> <p>ချန်ကျီဖန့်၏ အစွမ်းမှာ အလွန်တရာကြီးမားလှပေသည်၊ သူနှင့် ရန်ထျန်းရဲတို့ အကြိမ်အနည်း ငယ် တိုက်ခိုက်ခဲ့ဖူးသော်လည်း မည်သူကမှအနိုင်အရှုံးမခွဲနိုင်ခဲ့ကြကြောင်း ကောလာဟလများ ရှိလေသည်။</p> <p>ဤအချက်တစ်ခုတည်းတင်ပင် ချန်ကျီဖန့်၏အစွမ်းမှာ မည်မျှကြီးမားကြောင်း ပြသနေလေ သည်။</p> <p>အချို့က ရန်ထျန်းရဲမှာ ချန်ဆန်းခြောက်ပါး၏ ခေါင်းဆောင် ဖြစ်လာရခြင်းမှာ သူ၏ အစွမ်းက ချန်ကျီဖန့်ထက် သာလွန်နေ၍ မဟုတ်ဘဲ ရန်ထျန်းရဲမှာ ချန်ဆန်းအရှင်သခင်၏ နတ်ဘုရားပင်လယ် ကမ္ဘာ နတ်ဘုရားခန္ဓာကိုယ်ကို ပိုင်ဆိုင်ထားသောကြောင့်သာ ဖြစ်သည်ဟု ပြောကြလေသည်။</p> <p>သို့သော် အခြားသူများကမူ ရန်ထျန်းရဲ၏အစွမ်းမှာ အမှန်တကယ်တွင် ချန်ကျီဖန့်ထက် တစ်ဆင့် ပို၍မြင့်မားကြောင်းနှင့် အကယ်၍အသေအလဲ တိုက်ခိုက်မည်ဆိုပါက ချန်ကျီဖန့်မှာ သေချာပေါက် သေဆုံးသွားလိမ့်မည်ဟု ဆိုကြလေသည်။</p> <p>မည်သို့ပင်ဆိုစေကာမူ ချန်ကျီဖန့်၏ ကြီးမားသော အစွမ်းမှာမူ သံသယဖြစ်ဖွယ် မရှိပေ။</p> <p>ချန်ကျီဖန့် ပြန်ရောက်လာသည့်ညမှာပင် ကျန်းချန်ချန်နှင့် မင်းသမီးဝမ်နင်းတို့မှာ ရန်ရှောက် ထျန်းကို လာရှာကြလေသည်။</p> <p>"မောင်လေးရန်ပြန်လာပြီပေါ့" ဟု ကျန်းချန်ချန်က ရန်ရှောက်ထျန်း၏ ဘယ်ဘက်တွင် ထိုင်ကာ ပြုံးလျက်ပြောလိုက်သည်။</p> <p>ယခုအကြိမ် ရန်ရှောက်ထျန်းပြန်လာသောအခါ ပုံမှန်အားဖြင့် တိတ်ဆိတ်နေတတ်သော စီနီယာအစ်မကျန်းမှာ ပို၍ တက်ကြွလာသည်ကို သူ သတိပြုမိလိုက်သည်။</p> <p>တက်ကြွနေသော စီနီယာအစ်မကျန်းမှာ ပို၍ပင် လှပနေတော့သည်။</p> <p>စီနီယာအစ်မကျန်းနှင့် နှိုင်းယှဉ်ပါက မင်းသမီးဝမ်နင်း၏ ရန်ရှောက်ထျန်းအပေါ် ကြည့်သော အကြည့်မှာပြင်းပြနေဆဲ ဖြစ်လေသည်။</p> <p> "မောင်လေးက ငါတို့ကိုထားခဲ့ပြီး အပြင်မှာသွားလေ့ကျင့်တယ်နော်။ ငါတို့က မောင်လေး အတွက် ဝန်ထုပ်ဝန်ပိုး ဖြစ်မှာ စိုးလို့လား"</p> <p>သူမ၏ အသံမှာအလွန်တရာနူးညံ့လှသဖြင့် လူတစ်ယောက်၏နှလုံးသားကို ယားကျိကျိ ဖြစ်စေနိုင်လေသည်။</p> <p>ရန်ရှောက်ထျန်းက ပြုံးလိုက်ပြီး</p> <p> "ဒီခရီးစဉ်က အန္တရာယ်များလို့စီနီယာအစ်မတို့စိတ်ပူမှာစိုးလို့မပြောခဲ့တာပါ" ဟု ပြောလိုက် သည်။</p> <p>ရန်ရှောက်ထျန်းက သူမကိုထည့်သွင်းစဉ်းစားပေးသည်ဟု ကြားလိုက်ရသဖြင့် မင်းသမီးဝမ် နင်း၏ နှလုံးသားမှာကြည်နူးသွားတော့သည်။</p> <p>သူတို့ သုံးယောက်မှာ စကားစမြည် ပြောဖြစ်ကြလေသည်။</p> <p>စကားပြောနေစဉ်အတွင်း ထိုအမျိုးသမီးနှစ်ဦးမှာရန်ထျန်းရဲအကြောင်းကို ပြောဖြစ်ကြ သည်။</p> <p>"ရန်ထျန်းရဲက နောက်ထပ်တစ်ကြိမ်မိုးကောင်းကင်ကိုးလွှာကံကြမ္မာမိုးကြိုးဘေးဒုက္ခကို လှုပ်ခတ်နိုင်ခဲ့ပြီး တစ်ဆယ့်တစ် ခုမြောက် မိုးကောင်းကင်ကိုးလွှာကံကြမ္မာကို ကျင့်ကြံနိုင်ခဲ့လိမ့်မယ် လို့ ငါ မထင်ထားခဲ့ဘူး" ဟု ကျန်းချန်ချန်က လေးနက်သော မျက်နှာအမူအရာဖြင့် ပြောလိုက်သည်။</p> <p>"အခု နတ်ဘုရားနယ်မြေတပည့်တွေအားလုံးက ရန်ထျန်းရဲတစ်ဆယ့်တစ် ခုမြောက် မိုးကောင်းကင်ကိုးလွှာကံကြမ္မာကိုကျင့်ကြံနိုင်တဲ့အကြောင်းကိုပဲ ဆွေးနွေးနေကြတာ" ဟု မင်းသမီးဝမ်နင်းကလည်း လေးလံသော စိတ်နှလုံးဖြင့် ပြောလိုက်သည်။</p> <p>ရန်ထျန်းရဲ ပို၍အစွမ်းထက်လာလေလေ ရန်ရှောက်ထျန်းအတွက် ပို၍ အခြေအနေ မကောင်း လေလေ ဖြစ်ရပေမည်။</p> <p>ထို့အပြင် ရန်ထျန်းရဲမှာ ရန်ရှောက်ထျန်းအပေါ် အလွန်အမင်းမနှစ်မြို့မှု ရှိနေသည်ဖြစ်ရာ အကယ်၍ ရန်ရှောက်ထျန်းသာ နတ်ဘုရားနယ်မြေ မဟာပြိုင်ပွဲတွင်ရန်ထျန်းရဲနှင့် တွေ့ဆုံမည်ဆိုပါ က ရန်ထျန်းရဲမှာ သေချာပေါက်ပြင်းပြင်းထန်ထန် တိုက်ခိုက်ပေလိမ့်မည်။</p> <p>"ဒီ ရန်ထျန်းရဲက မိုးကောင်းကင်ကိုးလွှာကံကြမ္မာ တစ်ဆယ့်တစ်ခုကို ကျင့်ကြံနိုင်တယ်ဆို တာ သူ့ရဲ့ ပါရမီကတကယ်ကို အံ့မခန်းပါပဲ" ဟု ရန်ရှောက်ထျန်းက ခေါင်းညိတ်ပြလိုက်သည်။</p> <p>မိုးကောင်းကင်ကိုးလွှာကံကြမ္မာ တစ်ဆယ့်တစ်ခုဆိုသည်မှာ မည်သည့်ခေတ်အခါမှာပဲဖြစ် ဖြစ် အလွန်တရာ တောက်ပသောအရာတစ်ခု ဖြစ်လေသည်။</p> <p>လွန်ခဲ့သော နှစ်ပေါင်းတစ်သိန်းအတွင်းမှာ ဤရန်ထျန်းရဲတစ်ဦးတည်းသာလျှင် မိုးကောင်း ကင်ကိုးလွှာကံကြမ္မာ တစ်ဆယ့်တစ်ခုကို ကျင့်ကြံနိုင်ခဲ့ခြင်း ဖြစ်လေသည်။</p> <p>"ချန်ကျီဖန့် လည်း အခုလေးတင် ပြန်ရောက်လာတယ်" ဟု ကျန်းချန်ချန်က ပြောလိုက်သည်။</p> <p>"သူက အခုအကြိမ်မှာ သားရဲနတ်ဘုရားတောင်ထဲကို သွားရောက်လေ့ကျင့်ခဲ့ပြီး ကြီးမားတဲ့ ကံကောင်းမှုတစ်ခုနဲ့ ကြုံခဲ့ရလို့ သူ့ရဲ့ အစွမ်းက အံ့မခန်း တိုးတက်လာခဲ့တယ်လို့ ငါ ကြားတယ်"</p> <p>"ဒီလူက အရမ်းကို မောက်မာပြီး ရိုင်းစိုင်းတတ်တယ်၊ ဘယ်သူ့ကိုမှ မျက်စိထဲ မထည့်ဘူး၊ ရန်ထျန်းရဲကိုတောင် သူ ဂရုမစိုက်ဘူး"</p> <p>ရန်ရှောက်ထျန်းက ခေါင်းညိတ်ပြလိုက်သည်။</p> <p>သူသည်လည်း ဤချန်ကျီဖန့် အကြောင်းကို ကြားဖူးထားလေသည်။</p> <p>ချန်ဆန်းစံအိမ်တော်တွင် လူပြောအများဆုံးသူများမှာ ရန်ထျန်းရဲနှင့် ဤချန်ကျီဖန့် တို့ပင် ဖြစ်ကြလေသည်။</p> <p>သတ်ဖြတ်ခြင်းသားတော် မုန့်ပိုင်မှာ ချန်ဆန်းခြောက်ပါးထဲမှ တစ်ဦးဖြစ်သော်လည်း သူသည် အောက်ခြေမှာသာရှိပြီး ရန်ထျန်းရဲနှင့် ချန်ကျီဖန့်တို့နှင့်နှိုင်းယှဉ်ပါက အလွန်တရာ ကွာခြားလှ ပေသည်။</p> <p>"ဒီလူက အရမ်းကို ရွံစရာကောင်းတာ" ဟု မင်းသမီးဝမ်နင်းကလည်း ချန်ကျီဖန့်အကြောင်း ပြောလိုက်သောအခါ မနှစ်မြို့သောပုံစံဖြင့် ပြောလိုက်သည်။</p> <p>သူမသည် ချန်ကျီဖန့်ကို နတ်ဘုရားပေါင်းတစ်သောင်း အင်ပါယာ၏နန်းတွင်းစားသောက်ပွဲ တစ်ခုတွင်တွေ့ဖူးခဲ့ပြီး ချန်ကျီဖန့်က သူမကိုကြည့်သောအကြည့်မှာ ရက်စက်ကြမ်းကြုတ်သော သားရဲတစ်ကောင်ကဲ့သို့ ဖြစ်နေသဖြင့် သူမ တစ်ကိုယ်လုံး နေရထိုင်ရ ခက်ခဲခဲ့ရလေသည်။</p> <p>"မောင်လေးရန်... အခု မောင်လေးရဲ့ ကျင့်ကြံမှုအခြေအနေက ဘယ်လိုလဲ" ဟု ကျန်းချန်ချန် က ရန်ရှောက်ထျန်းကို မနေနိုင်ဘဲ မေးလိုက်မိသည်။</p> <p>ဝမ်နင်းကလည်း ရန်ရှောက်ထျန်းကို စပ်စုလိုစိတ်ဖြင့် ကြည့်လိုက်သည်။</p> <p>ချန်ဆန်းကျောင်းတော် မဟာပြိုင်ပွဲတုန်းက ရန်ရှောက်ထျန်းနှင့် ကျန်းချန်ချန်တို့၏ တိုက်ပွဲမှာ အမှန်တကယ်ပင် ကမ္ဘာပျက်မတတ် ပြင်းထန်ခဲ့လေသည်။</p> <p>သို့သော် ရန်ရှောက်ထျန်းဧကရာဇ်အဆင့်သို့အောင်မြင်စွာ တက်လှမ်းပြီးကတည်းက မည်သူမျှ သူ တိုက်ခိုက်သည်ကို မမြင်ဖူးကြသေးပေ။</p> <p>လူတိုင်းမှာ ရန်ရှောက်ထျန်း၏အစွမ်းနှင့်ပတ်သက်ပြီး ဝေဝါးသော ခန့်မှန်းချက်များသာ ရှိကြ လေသည်။</p> <p>"အဆင်ပြေပါတယ်" ဟု ရန်ရှောက်ထျန်းက အမျိုးသမီးနှစ်ဦး၏ စပ်စုလိုစိတ်ကို မြင်သော အခါ ပြုံးလျက် ပြောလိုက်သည်။</p> <p> "ကျွန်တော်ဧကရာဇ်အဆင့် ဒုတိယအလွှာကို အောင်မြင်စွာ တက်လှမ်းနိုင်ခဲ့ပါပြီ"</p> <p>"ဘာ... ဧကရာဇ်အဆင့်ဒုတိယအလွှာဟုတ်လား"</p> <p> ကျန်းချန်ချန်နှင့် ဝမ်နင်းတို့မှာအကြီးအကျယ်တုန်လှုပ်သွားကြပြီး နှစ်ယောက်စလုံး ရန်ရှောက်ထျန်းကို မယုံကြည်နိုင်စွာ ကြည့်နေကြတော့သည်။</p> <p>သူတို့၏ မောင်လေးရန်က အပြင်မှာသွားရောက်လေ့ကျင့်ပြီး ပြန်လာသောအခါ ဧကရာဇ် အဆင့် ဒုတိယအလွှာသို့ တက်လှမ်းသွားသည်တဲ့လား။</p> <p>"ကျွန်တော်ကတော့ ကျွန်တော့်ရဲ့ ကျင့်ကြံမှုအရှိန်က နှေးနေသေးတယ်လို့ ထင်မိတယ်" ဟု ရန်ရှောက်ထျန်းက ပြောလိုက်သည်။</p> <p>အမျိုးသမီးနှစ်ဦးမှာ ဆွံ့အသွားကြတော့သည်။</p> <p>ဒီအရှိန်ကို နှေးနေသေးတယ်လို့ သူက ထင်နေတာလား။</p> <p>သူတို့မှာ ဧကရာဇ်အဆင့် ပထမအလွှာ အလယ်ပိုင်းကိုတောင် မရောက်ကြသေးပေ။</p> <p>ရန်ရှောက်ထျန်းမှာမူ ဧကရာဇ်အဆင့် ဒုတိယအလွှာသို့ ရောက်နေပြီ ဖြစ်လေသည်။</p> <p>အမျိုးသမီးနှစ်ဦးမှာ ခဏမျှ ထပ်မံထိုင်နေပြီးမှ ထွက်ခွာသွားကြလေသည်။</p> <p>ရန်ရှောက်ထျန်း ဧကရာဇ်အဆင့် ဒုတိယအလွှာသို့ တက်လှမ်းသွားခြင်းမှာ ထိုအမျိုးသမီး နှစ်ဦးကို အကြီးအကျယ် "စိတ်ဓာတ်ကျ" စေခဲ့သဖြင့် သူတို့သည် ရန်ရှောက်ထျန်းကို မှီနိုင်ရန် အတွက် နောင်တွင် ပို၍ ကြိုးစားကျင့်ကြံရန် ဆုံးဖြတ်လိုက်ကြလေသည်။</p> <p>မျက်စိတစ်မှိတ်အတွင်း တစ်ရက် ကုန်ဆုံးသွားခဲ့သည်။</p> <p>ရန်ရှောက်ထျန်းသည် သူ၏ ဂူဗိမာန်အတွင်း၌သာ နေထိုင်ပြီး သူ၏ နတ်ဘုရားပင်လယ်ကမ္ဘာ ကို ခိုင်မာအောင် လုပ်နေကာ အပြင်မထွက်ခဲ့ပေ။</p> <p>တစ်ရက်ကြာပြီးနောက်တွင် နတ်ဘုရားနယ်မြေ မဟာပြိုင်ပွဲမှာနောက်ဆုံး၌ ရောက်ရှိလာခဲ့ လေပြီ။</p> <p>ရန်ရှောက်ထျန်းသည် သူ၏ ဂူဗိမာန်မှထွက်ခွာလာပြီး နတ်ဘုရားနယ်မြေ မဟာပြိုင်ပွဲ ကျင်းပမည့် ကွင်းပြင်ဆီသို့ ပျံသန်းသွားလေသည်။</p> <p>သူ ရောက်သွားသောအခါ ကွင်းပြင်အတွင်း၌ တပည့်များဖြင့် ပြည့်နှက်နေပြီ ဖြစ်လေသည်။</p> <p>ရန်ထျန်းရဲ၊ ကျန်းမင်နှင့် တခြားသူများ အားလုံး ရောက်ရှိနေကြပြီ ဖြစ်လေသည်။</p> <p>ရန်ရှောက်ထျန်း ရောက်ရှိလာမှုမှာ အကြီးအကျယ် ရုတ်ရုတ်သဲသဲ ဖြစ်သွားစေခဲ့သည်။</p> <p>လူအချို့မှာ လေထဲကနေဆင်းသက်လာသော ရန်ရှောက်ထျန်းကို အမျိုးမျိုးသော မျက်နှာ အမူအရာများဖြင့် ကြည့်နေကြလေသည်။</p> <p>ရန်ထျန်းရဲ၏ ရန်ရှောက်ထျန်းအပေါ် ကြည့်သောအကြည့်မှာ မောက်မာပြီး အေးစက်နေလေ သည်။</p> <p>ရန်ရှောက်ထျန်း ကွင်းပြင်သို့ရောက်လာသည်နှင့် လူအုပ်ထဲမှ အနီရောင်ဝတ်စုံ ဝတ်ဆင်ထား သော၊ အလွန်တရာမောက်မာသောမျက်နှာရှိသော တပည့်ငယ်တစ်ဦးထွက်လာခဲ့သည်။ သူသည် ရန်ရှောက်ထျန်း၏ ရှေ့သို့ရောက်လာပြီး သူ့ကိုစေ့စေ့စပ်စပ်ကြည့်လိုက်သည်။</p> <p> "မင်းက ရန်ရှောက်ထျန်း လား"</p> <p>ရန်ရှောက်ထျန်းသည် တစ်ဖက်လူကိုတစ်ခါမျှ မမြင်ဖူးသော်လည်း သူ၏ မည်သူမည်ဝါဖြစ် ကြောင်းကို ခန့်မှန်းမိလိုက်သည် ။</p> <p> "ချန်ကျီဖန့်"</p> <p>ချန်ကျီဖန့်မှာ သူ၏လက်များကိုနောက်ပစ်ထားရင်း ရန်ရှောက်ထျန်းကို စိုက်ကြည့်လိုက် သည်။</p> <p> "မုန့်ပိုင် က ငါ့ရဲ့ ညီအစ်ကိုပဲ"</p> <p>"နောင်ကျရင် နတ်ဘုရားနယ်မြေ မဟာပြိုင်ပွဲမှာ မင်း ငါနဲ့ တွေ့မယ်ဆိုရင် ငါ အစွမ်းကုန် တိုက်ခိုက်မှာပဲ။ မင်း ပြင်ဆင်ထားတာ အကောင်းဆုံး ဖြစ်လိမ့်မယ်"</p> <p>စကားပြောပြီးနောက် သူသည် လှည့်ထွက်သွားတော့သည်။</p> <p>မကြာမီမှာပင် အကြီးအကဲများဖြစ်ကြသည့် ကျန်းယုံကျန်း၊ ရှီးလုံ၊ ကျောက်ဖုန်း၊ လီနျန် နှင့် တခြားသူများ ရောက်ရှိလာကြသည်။ ယခုအကြိမ်တွင်မူ ချန်ဆန်းစံအိမ်တော်၏ အဆင့်မြင့်အရာ ရှိအားလုံးနီးပါးမှာ နတ်ဘုရားနယ်မြေ မဟာပြိုင်ပွဲအတွက် ရောက်ရှိနေကြခြင်း ဖြစ်လေသည်။</p> <p>တံခါးပိတ် ကျင့်ကြံနေဆဲဖြစ်သဖြင့် မလာနိုင်သောမိုးပြာရောင်ဝက်ဝံကလွဲရင် အမြဲတမ်း လျှို့ဝှက်နေတတ်သော လက်သီးနတ်ဘုရားကျန်းဝမ်လီ ပင်လျှင် ရောက်လာခဲ့လေသည်။</p> <p>ကျန်းယုံကျန်းက တပည့်များကို လှည့်ပတ်ကြည့်ရှုလိုက်ပြီး "အားလုံး ရောက်နေကြပြီဆိုရင် တော့ စကြတာပေါ့" ဟု ပြောလိုက်သည်။</p> <p>လူတိုင်း မဲနှိုက်ရန်အတွက် ရှေ့သို့တက်လာတော့မည့်ဆဲဆဲတွင် ရန်ရှောက်ထျန်းက ရုတ်တရက် ရှေ့သို့ထွက်လာကာ ကျန်းယုံကျန်းကိုလက်အုပ်ချီလျက်</p> <p> "စံအိမ်တော်အရှင်သခင်... ကျွန်တော့မှာ တောင်းဆိုချက်တစ်ခု ရှိပါတယ်၊ အရှင်သခင်က ခွင့်ပြုပေးလိမ့်မယ်လို့လည်း ကျွန်တော်မျှော်လင့်ပါတယ်" ဟု ပြောလိုက်သည်။</p> <p>ရန်ရှောက်ထျန်း ဖြစ်နေသည်ကိုမြင်သောအခါ ကျန်းယုံကျန်းက ပြုံးလိုက်ပြီး</p> <p> "မင်း ဘာတောင်းဆိုချင်တာလဲ ကောင်လေး။ ပြောပါဦး" ဟု ပြောလိုက်သည်။</p> <p>ရန်ရှောက်ထျန်းက</p> <p> "တစ်ယောက်ချင်းစီယှဉ်ပြိုင်ရတာက အရမ်းကိုအနှောင့်အယှက်ဖြစ်ပြီး အချိန်ကုန်စေ ပါတယ်။ ကျွန်တော်ဒီကနေပဲပါဝင်ယှဉ်ပြိုင်မယ့်တပည့်အားလုံးကို တစ်ယောက်တည်းနဲ့ စိန်ခေါ်ချင် ပါတယ်" ဟု ပြောလိုက်သည်။</p> <p>"ဖွတ်" ဟူသော အသံနှင့်အတူ ဓားနတ်ဘုရား ရှီးလုံ မှာ နှာချေမိသွားတော့သည်။</p> <p>ဓားနတ်ဘုရားကျောက်ဖုန်း နှင့် ဆေးနတ်ဘုရားလီနျန်တို့လည်း နှာချေမိသွားကြသလို၊ အခုလေးတင် ပေါ်လာသော လက်သီးနတ်ဘုရား ကျန်းဝမ်လီ ပင်လျှင် နှာချေမိသွားတော့သည်။</p> <p>လူတိုင်းမှာ ရန်ရှောက်ထျန်းကို အံ့အားသင့်စွာကြည့်လိုက်ကြပြီး သူတို့ နားကြားမှားသလား ဟု တွေးမိသွားကြတော့သည်။</p> <p>ရန်ရှောက်ထျန်းက ပြိုင်ပွဲမှာပါဝင်မယ့်အမာခံတပည့်အားလုံးကို တစ်ယောက်တည်းနဲ့ စိန်ခေါ်ချင်သည်တဲ့လား။</p> <p>ကျန်းချန်ချန်နှင့် မင်းသမီးဝမ်နင်းတို့၏ လှပသောမျက်လုံးများပင်လျှင် ပြူးကျယ်သွား တော့သည်။</p> <p>"မင်းက နတ်ဘုရားနယ်မြေအမာခံတပည့်အားလုံးကို တစ်ယောက်တည်းနဲ့ တိုက်ချင် တာလား"</p> <p>ကျန်းယုံကျန်း ကလည်း လုံးဝ ဝေခွဲမရသော ပုံစံဖြင့် ကြည့်လိုက်မိသည်။</p> <p>ဤတောင်းဆိုချက်မျိုးမှာ သမိုင်းတစ်လျှောက်တွင် လုံးဝ မရှိဖူးသေးပေ။</p> <p>ရန်ရှောက်ထျန်းက ခေါင်းညိတ်ပြလိုက်ပြီး</p> <p>"ဟုတ်ပါတယ်" ဟု ပြန်ပြောလိုက်သည်။ ထို့နောက် သူကထပ်လောင်းပြော ကြားလိုက် သည်။</p> <p> "အကယ်၍ ကျွန်တော်ကနတ်ဘုရားနယ်မြေ အမာခံတပည့် အားလုံးကို တစ်ယောက်တည်း နဲ့ စိန်ခေါ်ပြီး အနိုင်ရခဲ့ရင်နတ်ဘုရားနယ်မြေမဟာပြိုင်ပွဲရဲ့ ဆုလာဘ်အားလုံးက ကျွန်တော့်ရဲ့အပိုင် ဖြစ်ရမှာ မဟုတ်လား"</p> <p>ကျန်းယုံကျန်းက ရန်ရှောက်ထျန်းကို စိုက်ကြည့်လိုက်ပြီး ရန်ရှောက်ထျန်း နောက်ပြောင် နေခြင်းမဟုတ်ကြောင်း အတည်ပြုပြီးနောက် သူက မျက်မှောင်ကြုတ်လိုက်သည်။</p> <p> "မင်း အကျိုးဆက်တွေကို ထည့်တွက်ထားပြီးပြီလား"</p> <p>ရန်ရှောက်ထျန်း၏ ဤလုပ်ရပ်မှာနတ်ဘုရားနယ်မြေ အမာခံတပည့် အားလုံးကို သေချာ ပေါက် ဒေါသထွက်စေလိမ့်မည်ဖြစ်ပြီး လာမည့်ပွဲစဉ်များတွင် အမာခံတပည့် မည်သူမျှ လက်လျှော့ ကြမည် မဟုတ်ပေ၊ ရန်ရှောက်ထျန်းမှာ အကြီးအကျယ် အရိုက်ခံရပေလိမ့်မည်။</p> <p>"အကယ်၍ ကျွန်တော်ရှုံးခဲ့ရင်လည်း ဒါဟာ ကျွန်တော့်ရဲ့ အပြစ်ပါပဲ" ဟု ရန်ရှောက်ထျန်းက ပြောလိုက်သည်။</p> <p>ကျန်းယုံကျန်းက ဖြည်းညင်းစွာ ပြောလိုက်သည်။</p> <p> "ကောင်းပြီ... မင်းရဲ့ တောင်းဆိုချက်ကို ခွင့်ပြုလိုက်မယ်"</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save