Book List

<h2 style="text-align: center;">အခန်း (၃၃၂)</h2> <h2 style="text-align: center;">*</h2> <p> </p> <p> </p> <p style="text-align:justify">"ဒါတွေက အလေးအနက်ထားစရာ မလိုတဲ့ အသေးအမွှား ကိစ္စလေးတွေပါ...ဘောလုံး စတင် ကန်ခွင့် ရတာက ငါတို့ရဲ့ ပထမဆုံး ရွေးချယ်မှု ဖြစ်ပြီးသားပဲ...ဒါကြောင့် ငါတို့ ပွဲကြို အစီအစဉ်အတိုင်း ဖြည်းဖြည်းချင်း ကစားသွားကြတာပေါ့..."</p> <p style="text-align:justify">ကွင်းဘေးတွင် ရပ်နေသော ဂွာဒီယိုလာက လက်ခုပ်ကို ပြင်းပြင်းထန်ထန် တီးလိုက်ရာ သူ၏ ပြောင်နေသော ခေါင်းကြီးမှာ တောက်ပသော နေရောင်အောက်တွင် တဖျတ်ဖျတ် လင်းလက်နေတော့သည်။</p> <p style="text-align:justify">"မန်ယူအသင်း ဂုဏ်ယူဝင့်ကြွားစွာနဲ့… သရဲနီတွေ ရှေ့ကို ချီတက်ကြ" </p> <p style="text-align:justify">"ငါတို့ဟာ အနီရောင် လူငယ်တွေ...ငါတို့ဟာ ကြီးမြတ်တဲ့ မန်ယူအသင်းသားတွေ...ငါတို့ ဝင်ဘလေဆီကို သွားနေကြပြီ"</p> <p style="text-align:justify">"မန်ယူ မန်ယူ"</p> <p style="text-align:justify">မန်ယူ ပရိသတ်များက ဝင်ဘလေ ကွင်းကြီးသို့ ရောက်လာသောအခါ ကိုယ့်အိမ်ကိုယ့်ယာ ရောက်သွားသလို ခံစားရပြီး သူတို့၏ အသင်းအတွက် အကျယ်လောင်ဆုံး သီချင်းများဖြင့် အားပေးနေကြလေသည်။ </p> <p style="text-align:justify">ယင်းနှင့် ယှဉ်လိုက်လျှင် မန်စီးတီး၏ အသင်းသီချင်းမှာ လွန်စွာ အားနည်းလွန်းနေ၏။</p> <p style="text-align:justify">နောက်တစ်စက္ကန့်တွင် မန်ယူပရိသတ်များက ပွဲကြည့်စင်ပေါ်၌ ဧရာမ Tifo ပန်းချီကားကြီး တစ်ချပ်ကို ဖြန့်ကျက်လိုက်ရာ လေထဲသို့ ခုန်တက်ကာ မြေပြင်ကို လက်သီးဖြင့် ထိုးချနေသော မန်ယူ နံပါတ် (၇) ၏ ပုံရိပ်ကြီး ခမ်းနား ကြီးကျယ်စွာ ထွက်ပေါ်လာလေသည်။</p> <p style="text-align:justify">ချူဖုန်းက ဖြူဖွေးသော သွားတန်းလေးများ ပေါ်လာသည်အထိ ပြုံးလိုက်ပြီး သူ၏ လက်ကို မြင့်မြင့် မြှောက်ကာ အသံကျယ်ကျယ်ဖြင့် အော်လိုက်သည်။ "မန်ယူအသင်း...သေချာပေါက် နိုင်ရမယ်" </p> <p style="text-align:justify">တီ…</p> <p style="text-align:justify">ကွင်းလယ်ဒိုင်၏ ခရာမှုတ်သံနှင့်အတူ ပွဲကြီး တရားဝင် စတင်သွားလေပြီ။ </p> <p style="text-align:justify">မန်စီးတီးအသင်း ဘောလုံး စတင် ရရှိသည်။ </p> <p style="text-align:justify">အဂူရိုက ဘောလုံး စကန်လိုက်ပြီး နောက်ရှိ ဂန်ဒိုဂန်ထံသို့ ပေးပို့လိုက်ကာ ထိုမှတစ်ဆင့် ဒီဘရိုင်းထံသို့ ရောက်ရှိသွားသည်။ </p> <p style="text-align:justify">ဘာစကားမှ မပြောတော့ဘဲ ချူဖုန်းက သူ့ထံသို့ အတင်း ပြေးဝင်သွားပြီး ဒီဘရိုင်းကို အာရုံလွှဲရန် ရည်ရွယ်ချက်ဖြင့် ခန္ဓာကိုယ်ချင်း ယှဉ်တိုက်မှုများကို တက်ကြွစွာ စတင် ပြုလုပ်တော့သည်။ </p> <p style="text-align:justify">ဤသည်မှာ ပထမပိုင်းတွင် ရှေ့တက် ဖိအားပေး ကစားရန် ဖြစ်သော မန်ယူ၏ ပွဲကြို နည်းဗျူဟာပင် ဖြစ်သည်။ </p> <p style="text-align:justify">ဘောလုံး လက်ဝယ် ထိန်းချုပ်ခွင့်ကို သေချာပေါက် ရရှိမည် မဟုတ်သောကြောင့် မန်ယူ ကစားသမားများ အနေဖြင့် အခွင့်အရေးကို ဆုပ်ကိုင်ကာ အချို့သော နေရာများတွင် လူအင်အား အသာစီး ယူ၍ မန်စီးတီး၏ နောက်ခံလူများနှင့် ကွင်းလယ်လူများကို ချက်ချင်း ပိတ်ဆို့ထားရမည် ဖြစ်သည်။ သို့မှသာ မန်စီးတီးတို့ သူတို့၏ ကွင်းဘက်ခြမ်းမှနေ၍ တိုက်စစ်များကို သက်သောင့်သက်သာ မဖန်တီးနိုင်မည် ဖြစ်သည်။</p> <p style="text-align:justify">ဘန်း…</p> <p style="text-align:justify">ဒီဘရိုင်းက ဘောလုံးကို အလွန် လျင်မြန်စွာ ကိုင်တွယ် ဖြေရှင်းလိုက်ပြီး၊ ရှေ့ရှိ ဘာနာဒို ဆေးလ်ဗားထံသို့ တိုက်ရိုက် ပေးပို့လိုက်သည်။</p> <p style="text-align:justify">"သူက အရမ်း သန်မာပုံ မရပေမယ့် ကြွက်သားတွေ တော်တော်လေး ကျစ်လျစ်တာပဲ..." ချူဖုန်းက ခန္ဓာကိုယ်ကို အနည်းငယ် ယိမ်းလိုက်ပြီး ခံစစ်ကို ကူညီရန် အမြန် နောက်သို့ ဆုတ်လိုက်သည်။ </p> <p style="text-align:justify">ယခင်က သူသည် မော်ရင်ညိုထံ သွားကာ ဇင်ချန်ကိုကို ပစ်မှတ်ထားနိုင်ရန် ညာဘက် တောင်ပံတွင် စမ်းကစားကြည့်ချင်ကြောင်း သွားပြောခဲ့ဖူးသည်။ </p> <p style="text-align:justify">သို့သော် မော်ရင်ညိုက ပြတ်သားစွာ ငြင်းပယ်ခဲ့သည်။ "မန်စီးတီးရဲ့ ညာဘက် တောင်ပံမှာ ကိုင်လီ ဝေါ်ကာ ၊ ဒီဘရိုင်းနဲ့ ဘာနာဒို ဆေးလ်ဗားတို့ ရှိနေတယ်...သူတို့ရဲ့ အန္တရာယ် အပေးနိုင်ဆုံး တိုက်စစ်တွေက အဲဒီကနေပဲ စတင်လေ့ ရှိတယ်...ဒါကြောင့်..." </p> <p style="text-align:justify">“ဒါကြောင့် ငါက မင်းရဲ့ ကိုယ်ပိုင် စွမ်းရည်တွေကို အသုံးပြုပြီး မန်စီးတီးရဲ့ ညာဘက် တောင်ပံကို ဖိအားပေး ချုပ်ချယ်ထားရမယ်”</p> <p style="text-align:justify">မော်ရင်ဟို၏ စကားများကြောင့်ပင် ချူဖုန်းက မန်ယူ၏ ဘယ်ဘက်ခြမ်းတွင် များသောအားဖြင့် နေရာယူထားရပေသည်။ </p> <p style="text-align:justify">"သူနဲ့ အရင်က တစ်ယောက်ချင်း ရင်ဆိုင်ဖို့ အခွင့်အရေး မရခဲ့ဖူးဘူး...ဒီနေ့တော့ ဝေါ်ကာ ဘယ်လောက် သန်မာလဲ ဆိုတာကို ကိုယ်တွေ့ ခံစားကြည့်ရမှာပေါ့..."</p> <p style="text-align:justify">ချူဖုန်းက အနောက်သို့ အတော်လေး ဆုတ်လာခဲ့ပြီး ကန်တေ၊ အက်ရှလေယန်းတို့နှင့်အတူ တင်းကျပ်သော ခံစစ်လိုင်း တစ်ခုကို ဖွဲ့စည်းလိုက်သည်။ ဖောက်ထွက်ရန် အခွင့်အရေး မမြင်သောကြောင့် ဘာနာဒို ဆေးလ်ဗားက အကူအညီ ရယူရန် ဂန်ဒိုဂန်ထံသို့ ဘောလုံးကို ဖြတ်ပေးလိုက်လေသည်။ </p> <p style="text-align:justify">ဒေါ့မွန်အသင်းမှ ပြောင်းရွှေ့လာသော ဂန်ဒိုဂန်မှာ မန်စီးတီးတွင် (၂) နှစ်ခွဲကြာ အရန် ကစားသမား အဖြစ် နေထိုင်ခဲ့ရပြီးနောက် နောက်ဆုံးတွင်တော့ ပွဲထွက်ခွင့် နေရာ တစ်နေရာကို အခိုင်အမာ ရရှိလာခဲ့ပြီ ဖြစ်သည်။</p> <p style="text-align:justify">တိကျသော ပေးပို့မှု၊ ခံစစ် နေရာယူမှု၊ စွယ်စုံရ ကွင်းလယ်လူ…</p> <p style="text-align:justify">ဤအရာများက ဂန်ဒိုဂန်၏ အထင်ရှားဆုံး အားသာချက်များ ဖြစ်သော်လည်း နှေးကွေးသော အမြန်နှုန်းက သူ၏ အကြီးမားဆုံး ပြဿနာ ဖြစ်ပြီး အခြား အသင်းများက ယင်းကို မကြာခဏ အခွင့်ကောင်း ယူလေ့ရှိကြသည်။</p> <p style="text-align:justify">မော်ရင်ညိုက ဤကဲ့သို့သော အခွင့်အရေးကို သေချာပေါက် လက်လွတ်ခံမည် မဟုတ်ပေ။ ကန်တေက အရိပ်ထဲတွင် ပုန်းအောင်းနေသော ကျားသစ် တစ်ကောင်အလား ဂန်ဒိုဂန်၏ ဘေးမှနေ၍ လျင်မြန်စွာ ပြေးထွက်လာလေသည်။</p> <p style="text-align:justify">"လှပတဲ့ ကြားဖြတ် လုယူမှုဗျာ"</p> <p style="text-align:justify">"မန်ယူအတွက် ကန်တေလို ကစားသမားမျိုးကို ရခဲ့တာက တော်တော် ကောင်းပါတယ်။ ကွင်းလယ်နဲ့ ခံစစ်ကို သူက လွှမ်းမိုးထားနိုင်တာကြောင့် မန်စီးတီး အနေနဲ့ အရင်ကလို တိုက်စစ်ဆင်ဖို့ ခက်ခဲသွားစေပါတယ်..."</p> <p style="text-align:justify">"မန်စီးတီးရဲ့ ဖိအားပေးမှုက အရမ်း မြန်တယ်ဗျ။ ဒါက ဂွာဒီယိုလာရဲ့ သုံးစက္ကန့် သီအိုရီပါပဲ... ပြိုင်ဘက်ရဲ့ တန်ပြန် တိုက်စစ်ကို နှောင့်နှေးသွားစေဖို့ ဘောလုံး ဆုံးရှုံးသွားတာနဲ့ ချက်ချင်း ပြန်လည် ဖိအားပေးတာပါ..."</p> <p style="text-align:justify">ကန်တေက ဘောလုံးကို တည်ငြိမ်စွာ ထိန်းထားပြီး မည်သည့် တုံ့ဆိုင်းမှုမျှ မရှိဘဲ ကိုင်တွယ် ဖြေရှင်းလိုက်သည်။ </p> <p style="text-align:justify">"ပေါလ်" နိုင်ငံအသင်းမှာလိုပင် သူက ပေါ့ဂ်ဘာဆီကို ချက်ချင်း လှမ်းကန်ပေးလိုက်သည်။ </p> <p style="text-align:justify">ပေါ့ဂ်ဘာက လှည့်ကြည့်လိုက်ရာ အော်တာမန်ဒီ တစ်ယောက် သူ့ထံသို့ ချဉ်းကပ်လာနေသည်ကို မြင်လိုက်ရသည်။ ထို့ကြောင့် သူက ဘောလုံးကို မထိန်းတော့ဘဲ ညာဘက်ခြမ်းဆီသို့ တစ်ခါတည်း ပို့ပေးလိုက်လေသည်။ </p> <p style="text-align:justify">ချူဖုန်းက ခန္ဓာကိုယ် အလေးချိန်ကို ရှေ့သို့ လျင်မြန်စွာ ရွှေ့လိုက်သော်လည်း ကိုင်လီ ဝေါ်ကာက မလိမ်ခံရသဖြင့် ရှေ့သို့ ဘောလုံး ဆွဲတက်ကာ ကပ်သွားရန်မှလွဲ၍ ရွေးချယ်စရာ မရှိတော့ပေ။ </p> <p style="text-align:justify">ကိုင်လီ ဝေါ်ကာက အလောတကြီး ဝင်လုလေ့ မရှိဘဲ သူ၏ အမြန်နှုန်းကို အသုံးပြုကာ ပြန်လည် ဖိအားပေးပြီးမှ ဘောလုံး လုရန် အခွင့်အရေး ရှာလေ့ရှိကြောင်း သူ သိထားသည်။ ထိုနည်းစနစ်မှာ အလွန် ကောင်းမွန်ကာ ထိရောက်မှု ရှိနေပြီ ဖြစ်သည်။</p> <p style="text-align:justify">မည်သို့ပင် ဆိုစေကာမူ လက်ရှိ ကစားနေသူများ အနက် ဝေါ်ကာက အမြန်ဆုံး ညာနောက်ခံလူ ဖြစ်သည် မဟုတ်ပါလား…။</p> <p style="text-align:justify">"စမ်းကြည့်ကြတာပေါ့" </p> <p style="text-align:justify">ချူဖုန်း၏ စိတ်ထဲတွင် ထိုအတွေး ဝင်လာသည်နှင့် တစ်ပြိုင်နက် သူ၏ ရစ်သမ်ကို ရုတ်တရက် ပြောင်းလဲပစ်လိုက်လေသည်။</p> <p style="text-align:justify">ဘောလုံးဖိနပ်၏ ဆူးချွန်များက မြက်ခင်းထဲသို့ နက်ရှိုင်းစွာ စိုက်ဝင်သွားပြီး အားကောင်းလှသော ခွန်အားများကို နောက်သို့ ပြန်လည် တွန်းထုတ်ပေးကာ လေထုကိုပင် ခွဲထွက်သွားသလို ခံစားလိုက်ရသည်။ </p> <p style="text-align:justify">ဝှစ်…</p> <p style="text-align:justify">ကမ္ဘာပေါ်တွင် စိတ်လှုပ်ရှားစရာ အကောင်းဆုံး အရာများမှာ အမြန်နှုန်းနှင့် စွမ်းအားတို့ ဖြစ်သည်။ အဘယ်ကြောင့်ဆိုသော် ၎င်းတို့က အံ့မခန်း မြင်ကွင်းများကို ပေးစွမ်းနိုင်သောကြောင့် ဖြစ်သည်။ </p> <p style="text-align:justify">ကိုင်လီ ဝေါ်ကာကလည်း အစကတည်းက ပြင်ဆင်ထားသလိုပင် ချူဖုန်းနှင့် အပြိုင် လိုက်ပါလာလေသည်။</p> <p style="text-align:justify">သူတို့နှင့် အနီးဆုံး ကွင်းဘေးတွင် ဂွာဒီယိုလာက သူ၏ ခေါင်းကို လက်နှစ်ဖက်ဖြင့် ကိုင်ထားပြီး မော်ရင်ညိုကတော့ လက်နှစ်ဖက်ကို အိတ်ကပ်ထဲ ထည့်ကာ နှစ်ယောက်စလုံးက ထိုသူ နှစ်ဦးကို မျက်တောင်မခတ်တမ်း စိုက်ကြည့်နေကြသည်။ </p> <p style="text-align:justify">ကိုင်လီ ဝေါ်ကာက ရုတ်တရက် လှုပ်ရှားမှုများကို မကြာခဏ အသုံးပြုလေ့ ရှိသော်လည်း၊ သူ၏ စွမ်းရည် အဆင့်အတန်းက တကယ်တော့ သိပ်မကျဆင်းသွားခဲ့ပေ။</p> <p style="text-align:justify">ဥရောပ ဘောလုံးလောကတွင် ချူဖုန်း၏ အရှိန်အဟုန်ကို လိုက်မီနိုင်သူမှာ လက်တစ်ဖက်စာပင် မပြည့်လောက်ပေ။</p> <p style="text-align:justify">သောက်ကျိုးနည်း...ဒီကောင်လေး ညစ်ပတ်နေပြီ </p> <p style="text-align:justify">ကိုင်လီ ဝေါ်ကာ၏ သာလွန်မှု ခံစားချက်လေး စတင် ထွက်ပေါ်လာချိန်မှာပင် ချူဖုန်းက အနည်းငယ် သာနေမှုကို အခွင့်ကောင်းယူ၍ အရှိန်လျှော့လိုက်ကာ သူ၏ ခန္ဓာကိုယ်ကို ဝေါ်ကာ၏ ရှေ့တွင် အလျားလိုက် နေရာယူလိုက်ပြီး ညာဘက် ခြေထောက်ကို မသိမသာ ဆန့်ထုတ်လိုက်လေသည်။ </p> <p style="text-align:justify">ဤသည်မှာ ဟာဇက်ထံမှ သူ သင်ယူထားသော လှည့်ကွက်ပင် ဖြစ်သည်။ </p> <p style="text-align:justify">ကြိုတင် မမျှော်လင့်ထားသောကြောင့် ကိုင်လီ ဝေါ်ကာ တစ်ယောက် ခြေခေါက်ကာ မှောက်လျက် လဲကျသွားတော့သည်။ </p> <p style="text-align:justify">"ဝါး...ဒါက ရှားပါးတဲ့ လိမ်ခေါက်ကွက် တစ်ခုပါပဲ"</p> <p style="text-align:justify">"ကိုင်လီ ဝေါ်ကာ ဖောင်းဘော လုပ်ဖို့ လက်လှမ်းလိုက်တာကို ကျွန်တော်တို့ မြင်လိုက်ရတယ်...ဒါပေမဲ့ ချူဖုန်းရဲ့ လှုပ်ရှားမှုတွေကို တားဆီးလို့ မရတာကြောင့် ဒိုင်လူကြီးက ပွဲဆက်ကစားဖို့ အချက်ပြလိုက်ပါတယ်"</p> <p style="text-align:justify">"အော်တာမန်ဒီက ဦးတည်ရာ ပြောင်းပြီး ချူဖုန်းလေးကို ပင်နယ်တီ ဧရိယာ အပြင်ဘက်မှာ ပိတ်ဆို့ထားပါတယ်"</p> <p style="text-align:justify">"သူတို့ကို ထပ်ပြီး လိမ်ခေါက်ဖို့ ကြိုးစားဦးမလား..."</p> <p style="text-align:justify">မဟုတ်ပေ။ ဘောလုံး ပေးပို့ခြင်းက အထိရောက်ဆုံး နည်းလမ်း ဖြစ်သောကြောင့် ချူဖုန်းက ပင်နယ်တီ ဧရိယာ၏ အနီးတိုင်ဆီ ထောင့်ဖြတ် ပေးပို့လိုက်လေသည်။ </p> <p style="text-align:justify">လူကာကူက လာပေါ့တ်ကို ကျောပေးထားပြီးနောက် ပေါ့ဂ်ဘာ ကန်သွင်းရန်အတွက် အခွင့်အရေး ဖန်တီးပေးလိုက်သည်။ </p> <p style="text-align:justify">"ဂိုးပေါက်ကို ကန်သွင်းလိုက်တယ်" </p> <p style="text-align:justify">"အီဒါဆန်… သူက ကမ္ဘာ့အဆင့်မီ ကာကွယ်မှု တစ်ခု လုပ်ပြသွားပြီး မန်စီးတီး အစောပိုင်းမှာ ဂိုးပေးလိုက်ရမယ့် အန္တရာယ်ကနေ ကယ်တင်သွားခဲ့ပါတယ်"</p> <p style="text-align:justify">"ကိုင်လီ ဝေါ်ကာ အနေနဲ့ အီဒါဆန်ကို တကယ် ကျေးဇူးတင်သင့်တယ်ဗျ..."</p> <p style="text-align:justify">အမှန်တကယ်တော့ ကိုင်လီ ဝေါ်ကာ တစ်ယောက် ဒေါသများကြောင့် မျက်စိကန်းနေပြီ ဖြစ်သည်။ သူက ချူဖုန်းထံသို့ လျှောက်သွားကာ ကြမ်းတမ်းစွာ ပြောလိုက်သည်။ </p> <p style="text-align:justify">"မင်း စောင့်ကြည့်နေလိုက်...နောက်တစ်ခါ ငါ မင်းရဲ့ ခြေကျင်းဝတ်ကို မကန်ရင် ကြိုက်တာ ပြော"</p> <p style="text-align:justify">"အိုကေ...ငါ စောင့်နေမယ်..." </p> <p style="text-align:justify">ချူဖုန်းက ပခုံးတွန့်ပြလိုက်သည်။ ခြိမ်းခြောက်ခံရတာကို ကြောက်နေရင် သူ ဘောလုံး လာကန်နေစရာ အကြောင်းမှ မရှိတာ။</p> <p style="text-align:justify">ပြီးတော့ <br /> ငါ့မှာ ဒဏ်ရာနဲ့ ရောဂါဘယ ကင်းဝေးစေတဲ့ မော်ဂျူး ရှိတယ်လေ...နောက်ကျရင် မင်းကို နောက်ထပ် အကြိမ်နည်းနည်းလောက် လဲကျအောင် ထပ်လုပ်ပြဦးမယ်။</p> <p style="text-align:justify">မန်ယူအသင်း ရရှိခဲ့သော ညာဘက်ခြမ်းမှ ထောင့်ကန်ဘောက ပင်နယ်တီဧရိယာအတွင်း နေရာယူထားသော ချူဖုန်းထံသို့ အချိန်ကိုက် တိကျသေချာစွာ ကျဆင်းလာခဲ့သည်။ </p> <p style="text-align:justify">သို့သော် မန်စီးတီး နောက်ခံလူများဖြစ်ကြသော လာပေါ့တ်နှင့် အော်တာမန်ဒီတို့က ထိုအခြေအနေကို ကြိုတင် တွက်ဆ ပြင်ဆင်ထားပြီး ဖြစ်ကာ သူတို့ နှစ်ဦးစလုံး၏ တင်းကျပ်လှသော နှစ်ယောက်ညှပ် လူကပ်မှုကြောင့် ချူဖုန်း အနေဖြင့် ခေါင်းတိုက်ရန် အားအပြည့် မသုံးနိုင်ခဲ့ဘဲ သူ၏ ခေါင်းတိုက်ချက်မှာ ဂိုးဘားတန်းပေါ်မှ အတော်လေး ကျော်ထွက်သွားခဲ့လေသည်။</p> <p style="text-align:justify">ထို့နောက်တွင် နှစ်သင်းစလုံးမှ ကစားသမားများမှာ မိမိတို့၏ မူလနေရာများသို့ အသီးသီး ပြန်လည် နေရာယူကြပြီးနောက် မန်စီးတီး အသင်းက ဘောလုံးကို နောက်တန်းမှစ၍ စနစ်တကျ စတင် ထိန်းချုပ် ကစားလာကြသည်။</p> <p style="text-align:justify">သူတို့၏ အဓိက တိုက်စစ်ဆင်မည့် အရပ်မျက်နှာမှာ ညာဘက် တောင်ပံပင် ဖြစ်သည်။ မည်သို့ပင် ဆိုစေကာမူ ဘယ်နောက်ခံလူ ဇင်ချန်ကိုမှာ ယခုကဲ့သို့သော ဗိုလ်လုပွဲ ပြိုင်ပွဲကြီးများတွင် ကစားရသည့် အတွေ့အကြုံ အလွန် နည်းပါးလွန်းလှပြီး အကယ်၍ သူသာ တိုက်စစ်သို့ အလွန်အကျွံ လိုက်ပါသွားပါက သူ၏ ခံစစ်နေရာ ဟာကွက်ဖြစ်ကာ အချိန်မီ ပြန်ဆင်းနိုင်မည် မဟုတ်ပေ။</p> <p style="text-align:justify">***</p>


Save